ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಒಂದೇ ವೇದಿಕೆಯಲ್ಲಿ ಸೂಪರ್‌ ಮಾಡೆಲ್‌ ಆಫ್‌ ಇಂಡಿಯಾ, ಮಿಸ್ಟರ್‌, ಮಿಸ್‌ ಹಾಗೂ ಮಿಸೆಸ್‌, ಲಿಟಲ್‌ ಪ್ರಿನ್ಸಸ್ ಸೇರಿದಂತೆ ಮಿಸ್ಟರ್‌ ಟೀನ್‌, ಮಿಸ್‌ ಟೀನ್‌ ಟೈಟಲ್‌ಗಳನ್ನೊಳಗೊಂಡ ಸೌಂದರ್ಯ ಸ್ಪರ್ಧೆಯು (Fashion pageant News) ವೈಎಸ್‌ ಇಂಟರ್‌ನ್ಯಾಷನಲ್‌ ಫ್ಯಾಷನ್‌ ವೀಕ್‌ನಡಿಯಲ್ಲಿ, ಫ್ಯಾಷನಿಸ್ಟ್‌ ಯಶ್‌ ನೇತೃತ್ವದಲ್ಲಿ ಯಶಸ್ವಿಯಾಗಿ ನಡೆಯಿತು.
ಟೈಟಲ್‌ಗಳಿಗಾಗಿ ರ್ಯಾಂಪ್ ವಾಕ್‌
ಎಲ್ಲ ವಯಸ್ಸಿನ ಮಾಡೆಲ್‌ಗಳು ತಂತಮ್ಮ ಕೆಟಗರಿಯಲ್ಲಿ ತಮ್ಮದೇ ಆದ ಸ್ಟೈಲ್‌ ಸ್ಟೇಟ್‌ಮೆಂಟ್‌ನಲ್ಲಿ ಕ್ಯಾಟ್‌ ವಾಕ್‌ ಮಾಡಿದರು. ಎಥ್ನಿಕ್‌ ಹಾಗೂ ವೆಸ್ಟರ್ನ್ ರೌಂಡ್‌ ಸೇರಿದಂತೆ ನಾನಾ ಸುತ್ತುಗಳಲ್ಲಿ ಜ್ಯೂರಿ ಟೀಮ್‌ನ ಮನಗೆದ್ದರು.
ಒಬ್ಬರಿಗಿಂತ ಒಬ್ಬರು ಮನಮೋಹಕವಾಗಿ ಕಾಣಿಸುತ್ತಿದ್ದರು. ಎಲ್ಲದಕ್ಕಿಂತ ಹೆಚ್ಚಾಗಿ ಭಿನ್ನ-ವಿಭಿನ್ನ ಡಿಸೈನರ್‌ ಕಾಸ್ಟ್ಯೂಮ್‌ಗಳಲ್ಲಿ ಅತ್ಯಾಕರ್ಷಕವಾಗಿ ರ್ಯಾಂಪ್ ವಾಕ್‌ ಮಾಡಿದ್ದು, ಎಲ್ಲರ ಗಮನ ಸೆಳೆಯಿತು. ಮದುವೆಯಾಗದ ಮಾಡೆಲ್‌ಗಳು, ಮದುವೆಯಾದ ವಿವಾಹಿತ ಮಾಡೆಲ್‌ಗಳು ಹಾಗೂ ಮಕ್ಕಳು ಟೈಟಲ್‌ಗಾಗಿ ಸಾಕಷ್ಟು ರೌಂಡ್‌ಗಳಲ್ಲಿ, ವೈವಿಧ್ಯಮಯವಾಗಿ ಪಾಲ್ಗೊಂಡರು.
ಫ್ಯಾಷನಿಸ್ಟ್‌ ಯಶ್‌ ಮಾತು
“ಮಾಡೆಲ್‌ಗಳಾಗಲು ಬಯಸುವ ಯುವಕ ಯುವತಿಯರಿಗೆ ಮಾತ್ರವಲ್ಲ, ವಿವಾಹಿತರಿಗೂ ವೇದಿಕೆ ಕಲ್ಪಿಸುತ್ತಿರುವುದು ಸಂತಸ ತಂದಿದೆ. ಇದಕ್ಕಾಗಿ ಗ್ರೂಮಿಂಗ್‌ನಿಂದಿಡಿದು ರ್ಯಾಂಪ್‌ವರೆಗಿನ ಟ್ರೈನಿಂಗ್‌ ನೀಡುತ್ತಿದ್ದೇವೆ. ಇದರ ಫಲಿತಾಂಶ ಇಂದಿನ ಶೋನಲ್ಲಿ ಕಾಣಬಹುದು” ಎಂದು ಮಾತನಾಡಿದರು.
ಪೇಜೆಂಟ್‌ ವಿಜೇತರ ಪಟ್ಟಿ
ಸುಮಾರು 100ಕ್ಕೂ ಹೆಚ್ಚು ಭಾವಿ ಮಾಡೆಲ್‌ಗಳು ಪೇಜೆಂಟ್‌ನಲ್ಲಿ ಪಾಲ್ಗೊಂಡಿದ್ದರು. ಲಿಟಲ್‌ ಪ್ರಿನ್ಸ್ ಆಗಿ ಆರ್ಯ ನವೀನ್‌, ಪ್ರಿನ್ಸೆಸ್‌ ಆಗಿ ತನ್ಯಾಗೌಡ ವಿಜೇತರಾದರು.ಇನ್ನು ಮಿಸ್ಟರ್‌ ಸೂಪರ್‌ ಮಾಡೆಲ್‌ ಟೈಟಲನ್ನು ಬೆಂಗಳೂರಿನ ರಾಜೇಶ್‌ ತಮ್ಮದಾಗಿಸಿಕೊಂಡರು. ಮಿಸ್‌ ಸೂಪರ್‌ ಮಾಡೆಲ್‌ ಟೈಟಲ್‌ ಹರ್ಷಿತಾ ಅವರದ್ದಾಯಿತು. ಮಿಸೆಸ್‌ ಸೂಪರ್‌ ಮಾಡೆಲ್‌ ಆಫ್‌ ಇಂಡಿಯಾ ಟೈಟಲ್‌ ಶಾಮ್ಲಿ ಪಾಲಾಯಿತು.
ಫ್ಯಾಷನ್‌ ಅವಾರ್ಡ್ಸ್ ವಿಜೇತರು
ನಟ ಅನಿರುದ್ಧ್, ಜಯಶ್ರೀ, ತನುಜಾ, ನಟಿ ಪ್ರಥಮ ಪ್ರಸಾದ್‌ ರಾವ್‌, ಜ್ಯೋತಿ, ಸುನೇತ್ರಾ, ಸಾಗರ್‌ ಫ್ಯಾಷನ್‌ ಅವಾರ್ಡ್ಸ್ ಪಡೆದುಕೊಂಡರು.
(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)
ಇದನ್ನೂ ಓದಿ: Fashion Pageant News: ಮಿಸ್‌ ಕ್ವೀನ್‌ ಆಫ್‌ ಕರ್ನಾಟಕ ಪೇಜೆಂಟ್‌ನಲ್ಲಿ ಕಿರೀಟ ತೊಟ್ಟವರಾರು?