ಸಂದರ್ಶನ: ಶೀಲಾ ಸಿ. ಶೆಟ್ಟಿ
ಮದುವೆಯಾದ ನಂತರ ಮಹಿಳೆಯರ ಲೈಫ್‌ ಎಲ್ಲಿಯೂ ಸ್ಟಾಪ್‌ ಆಗುವುದಿಲ್ಲ, ಹಾಗಾಗಿ ಕನಸು ಕಾಣುವುದನ್ನು ನಿಲ್ಲಿಸಬೇಕಾಗಿಲ್ಲ! ಆತ್ಮವಿಶ್ವಾಸದಿಂದ ಮುನ್ನುಗ್ಗುತ್ತಿರಬೇಕಷ್ಟೇ! ಎನ್ನುವ ಮಿಸೆಸ್‌ ಇಂಡಿಯಾ ಕರ್ನಾಟಕ 2023 ಪೇಜೆಂಟ್‌ ವಿಜೇತೆ ಸ್ನೇಹಾ ಶ್ರೀಧರ್‌, ಇದೀಗ ಯಶಸ್ವಿ ಮಹಿಳೆಯರ ಸಾಲಿನಲ್ಲಿ ನಿಲ್ಲುತ್ತಾರೆ. ಮನೆಯಲ್ಲಿ ಗೃಹಿಣಿಯಾಗಿ, ತಾಯಿಯಾಗಿ, ಬಿಸ್ನೆಸ್‌ ವುಮೆನ್‌ ಆಗಿ, ಹೋಮಿಯೊಪತಿ ವಿದ್ಯಾರ್ಥಿಯಾಗಿ ನಾನಾ ಪಾತ್ರಗಳನ್ನು ನಿಭಾಯಿಸುತ್ತಲೇ ಪೇಜೆಂಟ್‌ನಲ್ಲಿ ಭಾಗವಹಿಸಿ, ಟೈಟಲ್‌ ವಿಜೇತರಾದವರು. ಅವರು ತಮ್ಮ ಈ ಫ್ಯಾಷನ್ ಜರ್ನಿಯ ಕುರಿತಂತೆ ವಿಸ್ತಾರ ನ್ಯೂಸ್‌ನೊಂದಿಗೆ ಮಾತನಾಡಿದ್ದಾರೆ.
ವಿಸ್ತಾರ ನ್ಯೂಸ್‌ : ಪೇಜೆಂಟ್‌ನಲ್ಲಿ ಟೈಟಲ್‌ ಪಡೆದು ವಿಜೇತರಾದ ನಂತರ ಸಾಮಾಜಿಕ ಜವಾಬ್ದಾರಿಗಳು ಹೆಚ್ಚಾಗುತ್ತವೆಯೇ!
- ಖಂಡಿತಾ ಹೌದು. ಒಂದು ಐಡೆಂಟಿಟಿ ದೊರೆತ ನಂತರ ಜನರು ಗುರುತಿಸುತ್ತಾರೆ. ನಾವು ಹೇಳುವುದನ್ನು ಕೇಳಿಸಿಕೊಳ್ಳುತ್ತಾರೆ. ಈ ನಿಟ್ಟಿನಲ್ಲಿ ನಾನು ಕೂಡ ಪೇಜೆಂಟ್‌ನಲ್ಲಿ ಕೊಟ್ಟ ಟಾಸ್ಕ್‌ವೊಂದರಲ್ಲಿ ಭಾಗವಹಿಸಿದ್ದೆ. ಮುಂದೆಯೂ ಕೂಡ ಇದರ ಸದುಪಯೋಗ ಪಡೆದುಕೊಳ್ಳಲಿದ್ದೇನೆ.
ವಿಸ್ತಾರ ನ್ಯೂಸ್‌: ನೀವು ಕಾರ್ಯ ನಿರ್ವಹಿಸುತ್ತಿರುವ ಕ್ಷೇತ್ರಕ್ಕೂ ಫ್ಯಾಷನ್ ಕ್ಷೇತ್ರಕ್ಕೂ ಅಜಗಜಾಂತರ ಇದೆಯಲ್ಲ! ಹೇಗೆ ಬ್ಯಾಲೆನ್ಸ್‌ ಮಾಡುತ್ತೀರಾ?
- ಹೌದು. ನಾನು ಸದ್ಯ ಮೆಡಿಸಿನ್‌ ಕ್ಷೇತ್ರದಲ್ಲಿ ಇಂಟರ್ನ್ ಆಗಿದ್ದೇನೆ. ಅದರೊಂದಿಗೆ ನನ್ನದು ಜಾಯಿಂಟ್‌ ಫ್ಯಾಮಿಲಿ. ಕುಟುಂಬ ಹಾಗೂ ಪ್ರೊಫೆಷನ್‌ ಎರಡನ್ನು ಸಾವಧಾನವಾಗಿ ನಿರಾಂತಕವಾಗಿ ಬ್ಯಾಲೆನ್ಸ್‌ ಮಾಡುತ್ತೇನೆ. ಯಾವ ವಿಷಯವನ್ನು ಮಿಕ್ಸ್‌ ಮಾಡಿ ಗೊಂದಲ ಸೃಷ್ಟಿಸುವುದಿಲ್ಲ.
ವಿಸ್ತಾರ ನ್ಯೂಸ್‌: ಪೇಜೆಂಟ್‌ಗೆ ನಿಮ್ಮ ತಯಾರಿ ಹೇಗಿತ್ತು?
- ನಿಮಗೆ ಅಚ್ಚರಿಯಾಗಬಹುದು. ನಾನು 10 ತಿಂಗಳ ಹಿಂದಷ್ಟೇ ಮುದ್ದು ಮಗುವಿಗೆ ಜನ್ಮ ನೀಡಿದ್ದೇನೆ. ಕ್ಷೇಮವನದಲ್ಲಿ ಕಷ್ಟಪಟ್ಟು ತೂಕ ಇಳಿಸಿಕೊಂಡು ಪೇಜೆಂಟ್‌ನಲ್ಲಿ ಭಾಗವಹಿಸಿದೆ. ಗ್ರೂಮಿಂಗ್‌ ಸಮಯದಲ್ಲಿ ಪೇಜೆಂಟ್‌ ಡೈರೆಕ್ಟರ್‌ ಪ್ರತಿಭಾ ಸೌಂಶೀಮಠ್‌ ಅವರ ಟಿಪ್ಸ್‌ ಕೂಡ ನನಗೆ ಸಹಾಯ ಮಾಡಿದೆ.
ವಿಸ್ತಾರ ನ್ಯೂಸ್‌: ನಿಮ್ಮ ಪ್ರಕಾರ ಫ್ಯಾಷನ್ ಅಂದರೆ ಏನು?
- ನಮ್ಮ ಉಡುಗೆ-ತೊಡುಗೆ ಮೂಲಕ ನಮ್ಮ ಕಲ್ಚರ್‌ ಹಾಗೂ ಸಂಸ್ಕೃತಿಯನ್ನು ಎತ್ತಿ ಹಿಡಿಯುವುದರೊಂದಿಗೆ ಐಡೆಂಟಿಟಿ ಸೃಷ್ಟಿಸುವುದೇ ಫ್ಯಾಷನ್.
ವಿಸ್ತಾರ ನ್ಯೂಸ್‌: ನಿಮ್ಮ ಫ್ಯಾಷನ್ ಹಾಗೂ ಸ್ಟೈಲ್‌ ಸ್ಟೇಟ್‌ಮೆಂಟ್‌ ಏನು?
- ಕಾನ್ಫಿಡೆನ್ಸ್‌ ತುಂಬುವ ಯಾವುದೇ ಫ್ಯಾಷನ್‌ವೇರ್‌ಗಳಾದರೂ ಸರಿಯೇ! ನನಗೆ ಟ್ರೆಡಿಷನಲ್‌ ಹಾಗೂ ಮಾಡರ್ನ್ ಔಟ್‌ಫಿಟ್‌ಗಳು ಎಂಬ ಭೇದಭಾವವಿಲ್ಲ. ನನ್ನ ಬಾಡಿಟೈಪ್‌ಗೆ ತಕ್ಕಂತೆ ಚಾಯ್ಸ್ ಮಾಡುತ್ತೇನೆ. ಇವುಗಳ ಸಂಗಮವೇ ನನ್ನ ಸ್ಟೈಲ್‌ ಸ್ಟೇಟ್ಮೆಂಟ್‌ಗೆ ನಾಂದಿ ಹಾಡುತ್ತದೆ.
ವಿಸ್ತಾರ ನ್ಯೂಸ್‌: ಫ್ಯಾಷನ್ ಜಗತ್ತಿಗೆ ಕಾಲಿಡುವ ವಿವಾಹಿತರಿಗೆ ನೀವು ನೀಡುವ ಸಲಹೆ ಏನು?
- ಆತ್ಮವಿಶ್ವಾಸದಿಂದಿರಿ. ಛಲದಿಂದ ಮುನ್ನುಗ್ಗಿ.
(ಲೇಖಕಿ ಫ್ಯಾಷನ್ ಪತ್ರಕರ್ತೆ)
ಇದನ್ನೂ ಓದಿ: Anklet Fashion: ಬೆಳ್ಳಿ ಕಾಲ್ಗೆಜ್ಜೆಯ ಜಾಗಕ್ಕೆ ಬಂತು ಫಂಕಿ ಆಕ್ಸೆಸರೀಸ್‌