ನವದೆಹಲಿ: ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (Reserve bank of India) ಬಜಾಜ್ ಫೈನಾನ್ಸ್‌ಗೆ (Bajaj Finance) ಭಾರೀ ಹೊಡೆತ ನೀಡಿದೆ. ಇಕಾಮ್(eCOM) ಮತ್ತು ಇನ್ಸ್‌ಟಾ ಇಎಂಐ ಕಾರ್ಡ್(Insta EMI Card) ಉತ್ಪನ್ನಗಳ ಅಡಿಯಲ್ಲಿ ಯಾವುದೇ ಸಾಲ ನೀಡದಂತೆ ಇಲ್ಲ ಎಂದು ಹೇಳಿದೆ. ಸಾಲಗಾರರಿಗೆ ಕೀ ಫ್ಯಾಕ್ಟ್ ಸ್ಟೇಟ್‌ಮೆಂಟ್ಸ್(KFS) ನೀಡದ್ದರಿಂದ ಆರ್‌ಬಿಐ ಈ ನಿರ್ಧಾರ ಕೈಗೊಂಡಿದೆ.
ಭಾರತೀಯ ರಿಸರ್ವ್ ಬ್ಯಾಂಕ್‌ನ ಡಿಜಿಟಲ್ ಸಾಲ ನೀಡುವ ಮಾರ್ಗಸೂಚಿಗಳ ಅಸ್ತಿತ್ವದಲ್ಲಿರುವ ನಿಬಂಧನೆಗಳಿಗೆ ಕಂಪನಿಯು ಅನುಸರಿಸದಿರುವ ಕಾರಣ, ವಿಶೇಷವಾಗಿ ಈ ಎರಡು ಸಾಲ ನೀಡುವ ಉತ್ಪನ್ನಗಳ ಅಡಿಯಲ್ಲಿ ಸಾಲಗಾರರಿಗೆ ಪ್ರಮುಖ ಸತ್ಯ ಹೇಳಿಕೆಗಳನ್ನು ನೀಡದಿರುವುದು ಮತ್ತು ನ್ಯೂನತೆಗಳ ಕಾರಣದಿಂದಾಗಿ ಈ ಕ್ರಮವು ಅನಿವಾರ್ಯವಾಗಿದೆ ಎಂದು ಆರ್‌ಬಿಐ ಹೇಳಿದೆ.
ಒಂದೊಮ್ಮೆ ಕಂಪನಿಯು ತನ್ನ ತಪ್ಪುಗಳನ್ನು ತಿದ್ದಿಕೊಂಡರೆ ಮತ್ತು ಅದು ಆರ್‌ಬಿಐಗೆ ತೃಪ್ತಿ ಉಂಟು ಮಾಡಿದರೆ ನಿರ್ಬಂಧಗಳನ್ನು ತೆಗೆದು ಹಾಕಲಾಗುವುದು ಎಂದು ಭಾರತೀಯ ರಿಸರ್ವ್ ಬ್ಯಾಂಕ್ ಹೇಳಿದೆ.
ಕೆಎಫ್ಎಸ್ ಎಂದರೇನು?
ಕೆಎಫ್ಎಸ್ ಎನ್ನುವುದು ಮೊತ್ತ, ಅವಧಿ, ಬಡ್ಡಿ ದರ, ಶುಲ್ಕಗಳು ಮತ್ತು ದಂಡಗಳಂತಹ ಸಾಲದ ಪ್ರಮುಖ ಮಾಹಿತಿಯನ್ನು ವಿವರಿಸುವ ಡಾಕ್ಯುಮೆಂಟ್ ಆಗಿರುತ್ತದೆ. ಆರ್‌ಬಿಐ ನಿಯಮಗಳು ಡಿಜಿಟಲ್ ಸಾಲದ ಗ್ರಾಹಕರಿಗೆ ಈ ವಿವರಗಳನ್ನು ಸುಲಭವಾಗಿ ಓದಲು ಸಂಕ್ಷಿಪ್ತ ರೂಪದಲ್ಲಿ ನೀಡಬೇಕೆಂದು ಕಡ್ಡಾಯಗೊಳಿಸಿದೆ. ಇವು ಆರ್‌ಬಿಐ ಡಿಜಿಟಲ್ ಸಾಲ ಮಾರ್ಗಸೂಚಿಗಳ ಒಂದು ಭಾಗವಾಗಿದೆ ಮತ್ತು ಬಜಾಜ್ ಫೈನಾನ್ಸ್ ಈ ಮಾರ್ಗಸೂಚಿಗಳನ್ನು ಪಾಲಿಸಿಲ್ಲ. ಆ ಕಾರಣಕ್ಕಾಗಿ ಎರಡು ಉತ್ಪನ್ನಗಳ ಅಡಿಯಲ್ಲಿ ಸಾಲ ನೀಡದಂತೆ ಸೂಚಿಸಿದೆ.
ಬಜಾಜ್ ಫೈನಾನ್ಸ್ ಮೇಲೆ ಪರಿಣಾಮ ಏನು?
ಆರ್‌ಬಿಐನ ನಿರ್ಬಂಧವು ಬಜಾಜ್ ಫೈನಾನ್ಸ್ ಮೇಲೆ ಯಾವ ರೀತಿ ಪರಿಣಾಮ ಬೀರಲಿದೆ ಎಂಬುದಕ್ಕೆ ಮಿಶ್ರ ಅಭಿಪ್ರಾಯಗಳು ವ್ಯಕ್ತವಾಗಿವೆ. ಕಂಪನಿಯ ಹೂಡಿಕೆದಾರರ ಪ್ರಸ್ತುತಿಯನ್ನು ಉಲ್ಲೇಖಿಸಿ ಮ್ಯಾಕ್ವಾರಿ ವರದಿಯು ಎರಡನೇ ತ್ರೈಮಾಸಿಕದಲ್ಲಿ ಸೇರಿಸಲಾದ 3,580,000 ಗ್ರಾಹಕರಲ್ಲಿ ಸುಮಾರು 670,000 ಅಥವಾ 19% ಇಎಂಐ ಕಾರ್ಡ್ ಗ್ರಾಹಕರಿದ್ದಾರೆ ಎಂದು ಹೇಳಿದೆ. ಡಿಜಿಟಲ್ ಮೂಲದ ಇಎಂಐ ಕಾರ್ಡ್ ಫ್ರ್ಯಾಂಚೈಸ್ 4,200,000 ಅಥವಾ ಇಎಂಐ ಕಾರ್ಡ್ ಬೇಸ್‌ನ 10% ರಷ್ಟಿದೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ.
ಗ್ರಾಹಕರ ಮೇಲೆ ಏನು ಪರಿಣಾಮ?
ಡಿಜಿಟಲ ಸಾಲ ಪದ್ಧತಿಯಲ್ಲಿ ನ್ಯಾಯಸಮ್ಮತ ಸಾಲ ನೀಡಿಕೆ ಮತ್ತು ಗ್ರಾಹಕರ ಆಸಕ್ತಿಯನ್ನು ಕಾಪಾಡುವುದು ಆರ್‌ಬಿಐನ ಹೊಣೆಗಾರಿಕೆಯಾಗಿದೆ. ಈ ಹಿನ್ನೆಲೆಯಲ್ಲಿ ಬಜಾಜ್ ಫೈನಾನ್ಸ್ ಮೇಲೆ ಆರ್‌ಬಿಐ ನಿರ್ಬಂಧ ಹೇರಿದೆ. ಆರ್‌ಬಿಐನ ನಿರ್ಧಾರದಿಂದ ಇಕಾಮ್ ಮತ್ತು ಇನ್ಸ್‌ಟಾ ಇಎಂಐ ಕಾರ್ಡ್ ಅಡಿಯಲ್ಲಿ ಹೊಸ ಗ್ರಾಹಕರು ಸಾಲ ಪಡೆಯಲಾಗುವುದಿಲ್ಲ. ಬಜಾಜ್ ಫೈನಾನ್ಸ್ ತನ್ನ ತಪ್ಪನ್ನು ತಿದ್ದಿಕೊಳ್ಳೋವರೆಗೂ ಈ ನಿರ್ಬಂಧ ಇರಲಿದೆ. ಅಲ್ಲಿಯವರೆಗ ಗ್ರಾಹಕರಿಗೆ ಸಾಲ ದೊರೆಯುವುದಿಲ್ಲ.
ಇಕಾಮ್ ಮತ್ತು ಇನ್ಸಟಾ ಇಎಂಐ ಕಾರ್ಡ್ ಉತ್ಪನ್ನಗಳ ಅಡಿಯಲ್ಲಿ ಅಸ್ತಿತ್ವದಲ್ಲಿರುವ ಲೋನ್‌ಗಳು ಮೂಲ ನಿಯಮಗಳು ಮತ್ತು ಷರತ್ತುಗಳ ಪ್ರಕಾರ ಸೇವೆಯನ್ನು ಮುಂದುವರಿಸುತ್ತವೆ. ಹೊಸ ಗ್ರಾಹಕರು ಈ ಉತ್ಪನ್ನಗಳ ಅಡಿಯಲ್ಲಿ ಸಾಲವನ್ನು ಪಡೆಯಲು ಸಾಧ್ಯವಾಗುವುದಿಲ್ಲ, ಅಸ್ತಿತ್ವದಲ್ಲಿರುವ ಗ್ರಾಹಕರು ಪರಿಣಾಮ ಬೀರುವುದಿಲ್ಲ.
ಈ ಸುದ್ದಿಯನ್ನೂ ಓದಿ: Money Guide: ಪಿಪಿಎಫ್‌, ಎಸ್‌ಸಿಎಸ್‌ಎಸ್‌, ಪೋಸ್ಟ್‌ ಆಫೀಸ್‌ ಸೇವಿಂಗ್ಸ್‌ ಅಕೌಂಟ್‌ ನಿಯಮದಲ್ಲಿ ಬದಲಾವಣೆ