ಬೆಂಗಳೂರು: ಲೋಕಸಭಾ ಚುನಾವಣೆ (Lok Sabha Election 2024) ಸಮೀಪಿಸುತ್ತಿದೆ. ರಾಜ್ಯದಲ್ಲಿ ಕಾಂಗ್ರೆಸ್‌ ಅನ್ನು ಮಣಿಸುವ ದೃಷ್ಟಿಯಿಂದ ಬಿಜೆಪಿ – ಜೆಡಿಎಸ್‌ ಮೈತ್ರಿ (BJP JDS Alliance) ಮಾಡಿಕೊಂಡಿವೆ. ಅಲ್ಲದೆ, ಕಾವೇರಿ ಜಲ ವಿವಾದದಲ್ಲಿ (Cauvery Water Dispute) ಜಂಟಿ ಹೋರಾಟವನ್ನೂ ನಡೆಸುತ್ತಿದೆ. ಸರ್ಕಾರದ ವಿರುದ್ಧ ಒಗ್ಗಟ್ಟಾಗಿ ಮುಗಿ ಬೀಳುತ್ತಿದೆ. ಈ ಮೂಲಕ ತನ್ನದೇ ಆದ ರಾಜಕೀಯ ತಂತ್ರಗಾರಿಕೆಯನ್ನು (Political Strategy) ಉಭಯ ಪಕ್ಷಗಳು ಹೆಣೆಯುತ್ತಿವೆ. ಇದರ ಬೆನ್ನಲ್ಲೇ ಕಾಂಗ್ರೆಸ್‌ ಸಹ ತನ್ನ ಕಾರ್ಯಚಟುವಟಿಕೆಯನ್ನು ಚುರುಕುಗೊಳಿಸಿದೆ. 28 ಲೋಕಸಭಾ ಕ್ಷೇತ್ರಗಳ (Lok Sabha constituencies) ಪೈಕೆ ಕನಿಷ್ಠ 20 ಸೀಟನ್ನು ಗೆಲ್ಲುವ ನಿಟ್ಟಿನಲ್ಲಿ ಕಾರ್ಯತಂತ್ರ ಹೆಣೆಯುತ್ತಿದೆ. ಈಗ ರಾಜ್ಯ ಕಾಂಗ್ರೆಸ್‌ ನಾಯಕರಿಗೆ ಲೋಕಸಭಾ ಚುನಾವಣಾ ಟಾಸ್ಕ್ ಅನ್ನು ಹೈಕಮಾಂಡ್‌ (Congress High Command) ನೀಡಿದೆ. ಸಿಎಂ ಸಿದ್ದರಾಮಯ್ಯ (CM Siddaramaiah) ಹಾಗೂ ಕೆಪಿಸಿಸಿ ಅಧ್ಯಕ್ಷ, ಡಿಸಿಎಂ ಡಿ.ಕೆ. ಶಿವಕುಮಾರ್‌ಗೆ (KPCC president and Deputy CM DK Shivakumar) ಟಾರ್ಗೆಟ್ ನೀಡಲಾಗಿದೆ.
ಈಗ 28 ಕ್ಷೇತ್ರಗಳ ಟಾರ್ಗೆಟ್ ಅನ್ನು ನಿಗದಿ ಮಾಡಿ ಹೈಕಮಾಂಡ್‌ ಕೆಲವು ನಿರ್ದೇಶನಗಳನ್ನು ನೀಡಿದೆ. ಲೋಕಸಭಾ ಚುನಾವಣೆ ನಮಗೆ ಬಹಳ ಮುಖ್ಯವಾಗಿದೆ. ರಾಜ್ಯದಲ್ಲಿ ಯಾವುದೇ ಕಾರಣಕ್ಕೂ ಮೈತ್ರಿ ವರ್ಕೌಟ್‌ ಆಗದಂತೆ ನೋಡಿಕೊಳ್ಳಿ. ಗ್ಯಾರಂಟಿಗಳನ್ನು (Congress Guarantee Scheme) ಜನರ ಮನಗೆ ತಲುಪಿಸಿ. ಕನಿಷ್ಠ 20 ಸ್ಥಾನಗಳನ್ನು ಗೆಲ್ಲಲೇ ಬೇಕು ಎಂದು ಸಿಎಂ ಸಿದ್ದರಾಮಯ್ಯ ಹಾಗೂ ಡಿಸಿಎಂ ಡಿ.ಕೆ. ಶಿವಕುಮಾರ್‌ಗೆ ಟಾಸ್ಕ್ ನೀಡಲಾಗಿದೆ.
ತಲಾ 10 ಸ್ಥಾನ ಗೆಲ್ಲುವ ಟಾರ್ಗೆಟ್!
20 ಸ್ಥಾನಗಳಲ್ಲಿ ಸಿಎಂ-ಡಿಸಿಎಂಗೆ ಟಾರ್ಗೆಟ್ ಫಿಕ್ಸ್‌ ಮಾಡಿದ್ದು, ಉಭಯ ನಾಯಕರು ತಲಾ ಹತ್ತು ಸ್ಥಾನಗಳನ್ನು ಗೆಲ್ಲಿಸಿಕೊಂಡು ಬರಬೇಕು. ಬೆಂಗಳೂರಿಂದ ಬೀದರ್‌ವರೆಗೂ ಜವಾಬ್ದಾರಿಯನ್ನು ಹಂಚಿಕೆ ಮಾಡಲಾಗಿದೆ.
ಜಿಲ್ಲಾ ಉಸ್ತುವಾರಿ ಸಚಿವರಿಗೆ ಜವಾಬ್ದಾರಿ ಹಂಚಿಕೆ ಮಾಡುವಂತೆ ಸೂಚನೆ ನೀಡಲಾಗಿದೆ. ಈ ಕ್ಷೇತ್ರಗಳಲ್ಲಿ ಗೆದ್ದರೂ, ಸೋತರೂ ನಿಮ್ಮದೇ ಜವಾಬ್ದಾರಿ ಎಂಬ ಸಂದೇಶವನ್ನು ಹೈಕಮಾಂಡ್‌ ರವಾನೆ ಮಾಡಿದೆ. ಅಲ್ಲದೆ, ಇದಕ್ಕೆ ಜಾತಿ ಸಮೀಕರಣದ ಸೂತ್ರವನ್ನೂ ಹೆಣೆಯಲಾಗಿದೆ. ಯಾವ ಕ್ಷೇತ್ರದಲ್ಲಿ ಯಾವ ಸಮುದಾಯದವರು, ಜಾತಿಯವರು ಪ್ರಬಲರಾಗಿದ್ದಾರೆ ಎಂಬುದನ್ನು ನೋಡಿ ಈ ಟಾರ್ಗೆಟ್ ಅನ್ನು ನೀಡಲಾಗಿದೆ ಎಂದು ತಿಳಿದು ಬಂದಿದೆ.
ಯಾವ ಕ್ಷೇತ್ರ ಯಾರಿಗೆ ಹಂಚಿಕೆ?
- ಬೆಂಗಳೂರು ಉತ್ತರ – ಡಿ.ಕೆ. ಶಿವಕುಮಾರ್‌ – ಒಕ್ಕಲಿಗ ಪ್ರಭಾವ
- ಬೆಂಗಳೂರು ದಕ್ಷಿಣ – ಡಿ.ಕೆ. ಶಿವಕುಮಾರ್‌ – ಒಕ್ಕಲಿಗ ಪ್ರಭಾವ
- ಬೆಂಗಳೂರು ಗ್ರಾಮಾಂತರ – ಡಿ.ಕೆ. ಶಿವಕುಮಾರ್‌- ಒಕ್ಕಲಿಗ ಪ್ರಭಾವ
- ಮಂಡ್ಯ – ಡಿ.ಕೆ. ಶಿವಕುಮಾರ್‌- ಒಕ್ಕಲಿಗ ಪ್ರಭಾವ
- ಚಿಕ್ಕಬಳ್ಳಾಪುರ – ಡಿ.ಕೆ. ಶಿವಕುಮಾರ್‌- ಒಕ್ಕಲಿಗ ಪ್ರಭಾವ
- ತುಮಕೂರು – ಡಿ.ಕೆ. ಶಿವಕುಮಾರ್‌ /ಡಾ. ಜಿ. ಪರಮೇಶ್ವರ್‌- ಒಕ್ಕಲಿಗ ಮತ್ತು ಅಹಿಂದ
- ಹಾಸನ – ಡಿ.ಕೆ. ಶಿವಕುಮಾರ್‌- ಒಕ್ಕಲಿಗ ಪ್ರಭಾವ
- ಉಡುಪಿ ಚಿಕ್ಕಮಗಳೂರು – ಡಿ.ಕೆ. ಶಿವಕುಮಾರ್‌/ಲಕ್ಷ್ಮೀ ಹೆಬ್ಬಾಳ್ಕರ್‌- ಬ್ರಾಹ್ಮಣ, ಒಕ್ಕಲಿಗ ಪ್ರಭಾವ
- ಶಿವಮೊಗ್ಗ – ಡಿ.ಕೆ. ಶಿವಕುಮಾರ್‌- ಒಕ್ಕಲಿಗ ಪ್ರಭಾವ
- ಬಳ್ಳಾರಿ – ಡಿ.ಕೆ. ಶಿವಕುಮಾರ್‌ – ರೆಡ್ಡಿ ಒಕ್ಕಲಿಗ, ಮುಸ್ಲಿಂ ಹಾಗೂ ದಲಿತ ಸಮುದಾಯ ಪ್ರಭಾವ
- ಬೆಂಗಳೂರು ಕೇಂದ್ರ – ಸಿದ್ದರಾಮಯ್ಯ/ಬೈರತಿ ಸುರೇಶ್‌ – ಮುಸ್ಲಿಂ ಪ್ರಾಬಲ್ಯದ ಕ್ಷೇತ್ರ
- ಕೋಲಾರ – ಸಿದ್ದರಾಮಯ್ಯ/ಬೈರತಿ ಸುರೇಶ್‌ – ಮುಸ್ಲಿಂ, ಒಕ್ಕಲಿಗ ಪ್ರಾಬಲ್ಯದ ಕ್ಷೇತ್ರ
- ಮೈಸೂರು -/ಮಹದೇವಪ್ಪ – ಒಕ್ಕಲಿಗ, ಲಿಂಗಾಯತ ಹಾಗೂ ಕುರುಬ ಮುಸ್ಲಿಂ ಪ್ರಾಬಲ್ಯದ ಕ್ಷೇತ್ರ- ಸ್ವಂತ ಜಿಲ್ಲೆ
- ಚಾಮರಾಜನಗರ – ಸಿದ್ದರಾಮಯ್ಯ/ಮಹದೇವಪ್ಪ – ದಲಿತ ಸಮುದಾಯ ನಿರ್ಣಾಯಕ
- ದಕ್ಷಿಣ ಕನ್ನಡ – ಸಿದ್ದರಾಮಯ್ಯ – ಮುಸ್ಲಿಂ ಮತ್ತು ಅಹಿಂದ ಪ್ರಭಾವ
- ಉತ್ತರ ಕನ್ನಡ – ಸಿದ್ದರಾಮಯ್ಯ- ಬ್ರಾಹ್ಮಣ, ಬಿಲ್ಲವ ಹಾಗೂ ಅಹಿಂದ ಪ್ರಭಾವ
- ಬೆಳಗಾವಿ -ಸಿದ್ದರಾಮಯ್ಯ/ಸತೀಶ್‌ ಜಾರಕಿಹೊಳಿ – ಲಿಂಗಾಯತ, ಕುರುಬ ಪ್ರಭಾವ
- ಚಿಕ್ಕೋಡಿ – ಸಿದ್ದರಾಮಯ್ಯ / ಪ್ರಕಾಶ್‌ ಹುಕ್ಕೇರಿ – ಲಿಂಗಾಯತ ಪ್ರಭಾವ
- ವಿಜಯಪುರ – ಸಿದ್ದರಾಮಯ್ಯ/ ಎಂ.ಬಿ. ಪಾಟೀಲ್‌ – ಲಿಂಗಾಯತ, ದಲಿತ ಪ್ರಭಾವ
- ಬಾಗಲಕೋಟೆ – ಸಿದ್ದರಾಮಯ್ಯ/ಶಿವಾನಂದ ಪಾಟೀಲ್‌ – ಲಿಂಗಾಯತ, ಕುರುಬ ಸಮುದಾಯದ ಪ್ರಭಾವ
- ಹಾವೇರಿ – ಸಿದ್ದರಾಮಯ್ಯ – ಕುರುಬ ಮತ್ತು ಮುಸ್ಲಿಂ ಸಮುದಾಯದ ಪ್ರಭಾವ
- ದಾವಣಗೆರೆ – ಸಿದ್ದರಾಮಯ್ಯ/ ಶಾಮನೂರು ಶಿವಶಂಕರಪ್ಪ – ಲಿಂಗಾಯತ, ಕುರುಬ ಸಮುದಾಯದ ಪ್ರಭಾವ
- ಚಿತ್ರದುರ್ಗ – ಸಿದ್ದರಾಮಯ್ಯ- ದಲಿತ ಮತ್ತು ಲಿಂಗಾಯತ ಪ್ರಭಾವ
- ಕೊಪ್ಪಳ – ಸಿದ್ದರಾಮಯ್ಯ / ರಾಘವೇಂದ್ರ ಹಿಟ್ನಾಲ್‌ – ಕುರುಬ ಸಮುದಾಯದ ಪ್ರಭಾವ
- ರಾಯಚೂರು – ಸಿದ್ದರಾಮಯ್ಯ- ಎಸ್‌ಟಿ ಮತ್ತು ಕುರುಬ ಹಾಗೂ ಲಿಂಗಾಯತ ಪ್ರಭಾವ
- ಕಲಬುರಗಿ – ಸಿದ್ದರಾಮಯ್ಯ/ ಮಲ್ಲಿಕಾರ್ಜುನ ಖರ್ಗೆ – ದಲಿತ ಮತ್ತು ಲಿಂಗಾಯತ ಸಮುದಾಯಗಳ ಪ್ರಭಾವ
- ಬೀದರ್‌ – ಸಿದ್ದರಾಮಯ್ಯ/ಈಶ್ವರ ಖಂಡ್ರೆ – ಲಿಂಗಾಯತ, ಮುಸ್ಲಿಂ, ದಲಿತ ಸಮುದಾಯ ನಿರ್ಣಾಯಕ