ಬೆಂಗಳೂರು: ದಲಿತರ ಆಸ್ತಿ ಕಬಳಿಕೆ, ಹಲ್ಲೆ ಹಾಗೂ ಜಾತಿ ನಿಂದನೆ (Property grabbing, assault and casteist slurs) ಆರೋಪದ ಅಡಿಯಲ್ಲಿ ಸಚಿವ ಡಿ. ಸುಧಾಕರ್ (Minister D Sudhakar) ಮೇಲೆ ದಾಖಲಾಗಿರುವ ಎಫ್ಐಆರ್ (FIR registered) ಪ್ರಕರಣವು ಬಹಳ ಗಂಭೀರವಾಗಿದೆ. ಆದರೆ, ಇವರು ಸಚಿವರು ಎಂಬ ಕಾರಣಕ್ಕೆ ಕ್ರಮ ಕೈಗೊಳ್ಳಲು ಹಿಂದೇಟು ಹಾಕಲಾಗುತ್ತಿದೆ ಎಂಬ ಆರೋಪವೂ ಕೇಳಿಬಂದಿದೆ.
ಜನಸಾಮಾನ್ಯರ ಮೇಲೆ ಅಟ್ರಾಸಿಟಿ ಕೇಸ್ ದಾಖಲಾದರೆ ಕೂಡಲೇ ಬಂಧನ ಮಾಡಲಾಗುತ್ತದೆ. ಈಗ ಸಚಿವರ ವಿರುದ್ಧ ದಾಖಲಾಗಿರುವ ಸೆಕ್ಷನ್‌ಗಳು ಏನು? ಅದಕ್ಕೆ ಕಾನೂನಿನಲ್ಲಿ ಏನೆಲ್ಲ ಶಿಕ್ಷೆ ಆಗಬಹುದು ಎಂಬ ಪ್ರಶ್ನೆ ಮೂಡುವುದು ಸಹಜ. ಅದರ ಬಗ್ಗೆ ಇಲ್ಲಿದೆ ಮಾಹಿತಿ.
ಸಚಿವ ಡಿ ಸುಧಾಕರ್ ವಿರುದ್ಧ ಈಗ ಜಾಮೀನು ರಹಿತ ಕೇಸ್ ದಾಖಲಾಗಿದೆ.
- ಅಟ್ರಾಸಿಟಿ ಸೆ. 3(1)(r) : ಉದ್ದೇಶಪೂರ್ವಕವಾಗಿ ದಲಿತರ ಮೇಲೆ ಸಾರ್ವಜನಿಕವಾಗಿ ನಿಂದಿನೆ ಮಾಡಿದ ಆರೋಪ ಇದೆ. ಈ ಆರೋಪ ಸಾಬೀತಾದರೆ ಕಡಿಮೆ ಎಂದರೂ ಒಂದು ವರ್ಷ ಜೈಲು ಶಿಕ್ಷೆ ಆಗುತ್ತದೆ.
- ಅಟ್ರಾಸಿಟಿ ಸೆ. 3(1)(g) : ದಲಿತರ ಜಾಗ ಬಲವಂತವಾಗಿ ಅಕ್ರಮಿಸುವುದು. ಬಲವಂತವಾಗಿ ದಲಿತರನ್ನು ಆ ಜಾಗದಿಂದ ಹೊರ ಹಾಕಿ, ಜೀವಿಸುವ ಹಕ್ಕನ್ನು ಕಸಿದುಕೊಳ್ಳುವುದು ಎಂಬ ಆರೋಪದಡಿ ಈ ಸೆಕ್ಷನ್‌ ಅಡಿ ಕೇಸ್ ದಾಖಲು ಮಾಡಿಕೊಳ್ಳಲಾಗುತ್ತದೆ.
ಇದನ್ನೂ ಓದಿ: Minister D Sudhakar : ಸುಧಾಕರ್ ರಾಜೀನಾಮೆ ಕೊಡಲ್ಲ, ಇದೊಂದು ಸುಳ್ಳು ಕೇಸ್: ಡಿ.ಕೆ. ಶಿವಕುಮಾರ್
- ಅಟ್ರಾಸಿಟಿ ಸೆ. 3(1)(r) : ದಲಿತರ ಜಾಗಕ್ಕೆ ನುಗ್ಗಿ ಗಲಾಟೆ
- ಅಟ್ರಾಸಿಟಿ ಸೆ. 3(1) : ಸಾರ್ವಜನಿಕವಾಗಿ ನಿಂದನೆ. ಅಲ್ಲದೆ, ದಲಿತರಿಗೆ ಸಾರ್ವಜನಿಕರ ಮುಂದೆಯೇ ನಿಂದಿಸಿದ ಆರೋಪವನ್ನು ಈ ಸೆಕ್ಷನ್‌ ಹೇಳುತ್ತದೆ.
- ಐಪಿಸಿ ಸೆ. 427 : ಬೇರೆ ವ್ಯಕ್ತಿಯ ಆಸ್ತಿ ನಾಶ ಮಾಡುವುದು. ಈ ಪ್ರಕರಣ ಸಾಬೀತಾದರೆ ಸುಮಾರು 2 ವರ್ಷದ ತನಕ ಶಿಕ್ಷೆ ನೀಡಬಹುದು.
- ಐಪಿಸಿ ಸೆ. 143 : ಅಕ್ರಮವಾಗಿ ಗ್ಯಾಂಗ್ ಸೇರಿ ಗಲಾಟೆ. ಇದಕ್ಕೆ 6 ತಿಂಗಳು ಶಿಕ್ಷೆ ಕಾನೂನಿನಲ್ಲಿ ಅವಕಾಶ.
- ಐಪಿಸಿ ಸೆ. 147 : ದೊಂಬಿ ಗಲಾಟೆ ಮಾಡಿಸುವುದು. ಇದಕ್ಕೆ 2 ವರ್ಷದ ತನಕ ಶಿಕ್ಷೆ ನೀಡಲು ಅವಕಾಶವಿದೆ.
- ಐಪಿಸಿ ಸೆ. 149 : ಅಕ್ರಮ ಗುಂಪು ರಚನೆ. ಇದಕ್ಕೆ 6 ತಿಂಗಳು ಶಿಕ್ಷೆ ನೀಡಲು ಕಾನೂನಿನಲ್ಲಿ ಅವಕಾಶ ಇದೆ.
ಇದನ್ನೂ ಓದಿ: Minister D Sudhakar : ಸಿಎಂ ದಲಿತ ಉದ್ಧಾರಕರಾ? ದಲಿತರಿಗೆ ಧಮ್ಕಿ ಹಾಕಿದ ಸುಧಾಕರ್‌ರನ್ನು ಬಂಧಿಸಿ: ಎಚ್‌ಡಿಕೆ
ಏನಿದು ಪ್ರಕರಣ?
ದಲಿತ ಸಮುದಾಯದ ಸುಬ್ಬಮ್ಮ ಎಂಬುವವರು ಯಲಹಂಕ ಠಾಣೆಯಲ್ಲಿ (Yelahanka Police Station) ನೀಡಿದ್ದ ದೂರಿನನ್ವಯ ಸಚಿವ ಡಿ. ಸುಧಾಕರ್ ವಿರುದ್ಧ ಎಫ್ಐಆರ್ ದಾಖಲಾಗಿದೆ. ಸಚಿವರ ವಿರುದ್ಧ ದೌರ್ಜನ್ಯ, ವಂಚನೆ ಮತ್ತು ಹಲ್ಲೆ ಆರೋಪದಡಿ ಅಟ್ರಾಸಿಟಿ ಆ್ಯಕ್ಟ್ (Atrocity Act) ಅಡಿಯಲ್ಲಿ ಪ್ರಕರಣವನ್ನು ದಾಖಲು ಮಾಡಲಾಗಿದೆ. ಯಲಹಂಕ ಗ್ರಾಮದ ಸರ್ವೇ ನಂಬರ್ 108/1ರ ಜಮೀನನ್ನು ಮೋಸದಿಂದ ಕಬಳಿಕೆ ಮಾಡಿದ್ದಾರೆ. ಈ ಕೇಸ್ ಕೋರ್ಟ್‌ನಲ್ಲಿದೆ. ಹೀಗಿದ್ದಾಗಲೂ ಬಂದು ಗಲಾಟೆ ಮಾಡಿದ್ದಾರೆ ಎಂಬ ಆರೋಪ ಈಗ ಸಚಿವರ ಮುಂದಿದೆ. ಆದರೆ, ಇದನ್ನು ಸಚಿವ ಡಿ. ಸುಧಾಕರ್ ನಿರಾಕರಣೆ ಮಾಡಿದ್ದಾರೆ.