ರೋಹ್ಟಕ್‌: ಇತ್ತೀಚೆಗೆ ಆಸ್ಟ್ರೇಲಿಯಾದಲ್ಲಿ ನಡೆದ ಕಾಮನ್ವೆಲ್ತ್‌ ಗೇಮ್ಸ್‌ನಲ್ಲಿ ಕಂಚಿನ ಪದಕ ಗೆದ್ದ ಪೂಜಾ ಸಿಹಾಗ್‌ (Pooja Sihag) ಅವರ ಪತಿ ಅಜಯ್‌ ನಂದಾಲ್‌ ಶವ ಅನುಮಾನಾಸ್ಪದ ರೀತಿಯಲ್ಲಿ ಪತ್ತೆಯಾಗಿದೆ. ಹರಿಯಾಣದ ರೋಹ್ಟಕ್‌ನಲ್ಲಿರುವ ಮಹಾರಾಣಿ ಕಿಶೋರಿ ಜಾಟ್‌ ಕನ್ಯಾ ಮಹಾ ವಿದ್ಯಾಲಯದ ಬಳಿ ಶವ ಪತ್ತೆಯಾಗಿದ್ದು, ಮರಣೋತ್ತರ ವರದಿ ಲಭ್ಯವಾದ ಬಳಿಕ ಸಾವಿಗೆ ನಿಖರ ಕಾರಣ ತಿಳಿಯಲಿದೆ.
“ಅಜಯ್‌ ನಂದಾಲ್‌ ಅವರ ಕುಟುಂಬಸ್ಥರು ಅಜಯ್‌ ಗೆಳೆಯ ರವಿ ಎಂಬುವವರ ವಿರುದ್ಧ ಆರೋಪಿಸಿದ್ದಾರೆ. ಡ್ರಗ್ಸ್‌ ಓವರ್‌ಡೋಸ್‌ನಿಂದ ಅಜಯ್‌ ನಂದಾಲ್‌ ಮೃತಪಟ್ಟಿದ್ದು, ಆತನ ಗೆಳೆಯ ರವಿಯೇ ಡ್ರಗ್ಸ್‌ ನೀಡಿದ್ದಾರೆ” ಎಂದು ಆರೋಪಿಸಿದ್ದಾರೆ. ಪೊಲೀಸರು ಶವವನ್ನು ಮರಣೋತ್ತರ ಪರೀಕ್ಷೆಗಾಗಿ ಕಳುಹಿಸಿದ್ದಾರೆ.
“ಮಹಾರಾಣಿ ಕಿಶೋರಿ ಜಾಟ್‌ ಕನ್ಯಾ ಮಹಾ ವಿದ್ಯಾಲಯದ ಬಳಿ ಶವ ಪತ್ತೆಯಾಗಿದೆ. ಡ್ರಗ್ಸ್‌ ಓವರ್‌ನಿಂದಾಗಿ ಅಜಯ್‌ ಮೃತಪಟ್ಟಿದ್ದಾರೆ ಎಂದು ಅವರ ಕುಟುಂಬಸ್ಥರು ಆರೋಪಿಸಿದ್ದಾರೆ. ಈ ಕುರಿತು ಹೆಚ್ಚಿನ ತನಿಖೆ ನಡೆಯುತ್ತಿದೆ” ಎಂದು ಡಿಎಸ್‌ಪಿ ಮಹೇಶ್‌ ಕುಮಾರ್‌ ಮಾಹಿತಿ ನೀಡಿದ್ದಾರೆ. ಮಹಾ ವಿದ್ಯಾಲಯದ ಬಳಿ ಅಜಯ್‌, ರವಿ, ಸೋನು ಸೇರಿ ಹಲವರು ಪಾರ್ಟಿ ಮಾಡುತ್ತಿದ್ದರು. ಈ ವೇಳೆ ಡ್ರಗ್ಸ್‌ ಓವರ್‌ಡೋಸ್‌ ಆಗಿರಬಹುದು ಎನ್ನಲಾಗಿದೆ. ಆದಾಗ್ಯೂ, ರವಿ ಹಾಗೂ ಸೋನು ಅವರೂ ಅಸ್ವಸ್ಥಗೊಂಡಿದ್ದು, ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ತಿಳಿದುಬಂದಿದೆ.
ಇದನ್ನೂ ಓದಿ | Sonali Phogat Death | ಡ್ರಗ್ಸ್‌ ಓವರ್‌ಡೋಸ್‌, ಅತ್ಯಾಚಾರ, ಹತ್ಯೆ, ಹಾರ್ಟ್‌ ಅಟ್ಯಾಕ್‌? ಸೋನಾಲಿ ಸಾವಿಗೆ ಕಾರಣವೇನು?