ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಇದೀಗ ಜಗತ್ತಿನ ಎಲ್ಲೆಡೆ ಭಾರಿ ಸುದ್ದಿಯಲ್ಲಿರುವ ಲೆಜೆಂಡರಿ ಫುಟ್‌ಬಾಲ್‌ ಐಕಾನ್‌ ಲಿಯೊನೆಲ್‌ ಮೆಸ್ಸಿ ಕೂಡ ಫ್ಯಾಷನ್‌ ಲವರ್‌ ಎಂಬುದು ಬಹಳಷ್ಟು ಮಂದಿಗೆ ತಿಳಿದಿರಲಿಕ್ಕಿಲ್ಲ! ಹೌದು. ಮೆಸ್ಸಿ, ಕೇವಲ ಇಂಟರ್‌ನ್ಯಾಷನಲ್‌ ಬ್ರಾಂಡ್‌ಗಳನ್ನು ಧರಿಸಿ ಪ್ರಮೋಟ್‌ ಮಾಡುವುದು ಮಾತ್ರವಲ್ಲ, ಅವರು ತಮ್ಮದೇ ಆದ ಫ್ಯಾಷನ್‌ ಬ್ರಾಂಡ್‌ ಕೂಡ ಹೊಂದಿದ್ದಾರೆ. ತಮ್ಮ ಫ್ಯಾಷನಿಸ್ಟಾ ಪತ್ನಿಯ ಮಾರ್ಗದರ್ಶನದಲ್ಲಿ ಫ್ಯಾಷನ್‌ ಉದ್ಯಮದಲ್ಲೂ ತೊಡಗಿಸಿಕೊಂಡಿದ್ದಾರೆ.
ಮೆಸ್ಸಿ ಸ್ಟೋರ್‌ ಫ್ಯಾಷನ್‌ ಲೆಬೆಲ್‌
ಮೆಸ್ಸಿ ತಮ್ಮದೇ ಆದ ದಿ ಮೆಸ್ಸಿ ಸ್ಟೋರ್‌ ಎಂಬ ಮೆನ್ಸ್‌ ಲೈಫ್‌ಸ್ಟೈಲ್‌ ಹಾಗೂ ಫ್ಯಾಷನ್‌ ಬ್ರಾಂಡ್‌ ಮಾಲೀಕತ್ವ ಹೊಂದಿದ್ದಾರೆ. ಸಹೋದರಿಯ ಟೀಮ್‌ ಇವೆಲ್ಲವನ್ನೂ ನೋಡಿಕೊಳ್ಳುತ್ತಿದೆ. ಇಂಟರ್‌ನ್ಯಾಷನಲ್‌ ಬ್ರಾಂಡ್‌ಗಳಾದ ಟಾಮಿ ಹೈಫಿಗೆರ್‌, ಫೈಲಾ ಸೇರಿದಂತೆ ಟಾಪ್‌ ಬ್ರಾಂಡ್‌ಗಳ ಕಲೆಕ್ಷನ್‌ ಲಭ್ಯವಿರುವ ರಿಟೇಲ್‌ ಸ್ಟೋರ್‌ ಇದಾಗಿದೆ. ಇನ್ನು ತಮ್ಮ ಈ ಸ್ಟೋರ್‌ಗೆ ಖುದ್ದು ಮೆಸ್ಸಿಯೇ ಬ್ರಾಂಡ್‌ ಅಂಬಾಸಡರ್‌. ಅಷ್ಟು ಮಾತ್ರವಲ್ಲ, ಆಗಾಗ ತಮ್ಮ ಬ್ರಾಂಡ್‌ ಪ್ರಮೋಷನನ್ನು ತಾವೇ ಮಾಡುತ್ತಾರೆ. ಆನ್‌ಲೈನ್‌ನಲ್ಲೂ ಇವರ ಲೆಬೆಲ್‌ನ ನಾನಾ ಬಗೆಯ ಫ್ಯಾಷನ್‌ವೇರ್‌ಗಳು ದೊರೆಯುತ್ತವೆ. ಇನ್ನು ಮೆಸ್ಸಿ ತಮ್ಮ ಡೈಲಿ ರುಟೀನ್‌ನಲ್ಲಿ ಧರಿಸುವ ಸಿಂಪಲ್‌ ಪೋಲೋ ಶರ್ಟ್‌ನಿಂದ ಹಿಡಿದು ಏರ್‌ಪೋರ್ಟ್ ಲುಕ್‌ವರೆಗೂ ತಮ್ಮ ಬ್ರಾಂಡ್‌ನಡಿ ಬರುವ ಎಲ್ಲಾ ಫ್ಯಾಷನ್‌ವೇರ್‌ಗಳ ಪ್ರಮೋಟ್‌ ಕೂಡ ಮಾಡುತ್ತಾರೆ. ಇದು ಅವರ ಫ್ಯಾಷನ್‌ ಪ್ರೇಮವನ್ನು ತೋರ್ಪಡಿಸುತ್ತದೆ ಎನ್ನುತ್ತಾರೆ ಫ್ಯಾಷನ್‌ ಎಕ್ಸ್‌ಪರ್ಟ್ ವಿದ್ಯಾ.
ಮೆಸ್ಸಿ ಫ್ಯಾಷೆನಬಲ್‌ ಔಟ್‌ಫಿಟ್ಸ್‌
ಡೆನೀಮ್‌, ಪುಲ್‌ ಓವರ್ಸ್‌, ವೆಲ್ವೆಟ್‌ ಬ್ಲೇಝರ್‌ ಹಾಗೂ ಪೋಲ್ಕಾ ಜಾಕೆಟ್‌ ಸೇರಿದಂತೆ ನಾನಾ ಬಗೆಯ ಫ್ಯಾಷನಬಲ್‌ ಉಡುಪುಗಳನ್ನು ಧರಿಸಿ ಹಲವು ಬಾರಿ ಫ್ಯಾಷನ್‌ ಮಾಗಝೀನ್‌ಗಳ ಸುದ್ದಿಯಾಗಿದ್ದಾರೆ. ಇವೆಲ್ಲದರ ನಡುವೆ ಮೆಸ್ಸಿಯವರಿಗೆ ಕಂಫರ್ಟಬಲ್‌ ಕ್ಲಾತಿಂಗ್‌ಗಳೆಂದರೇ ಪ್ರಿಯವಂತೆ. ತಮ್ಮದೇ ಆದ ಸ್ಟೈಲ್‌ ಸ್ಟೇಟ್‌ಮೆಂಟ್ಸ್‌ ಹೊಂದಿರುವ ಮೆಸ್ಸಿಯವರ ಫ್ಯಾಷನ್‌ ಸ್ಟೇಟ್‌ಮೆಂಟ್‌ಗೆ ಪತ್ನಿ ಆಂಟೆನೆಲಾ ಸದಾ ಗೈಡ್‌ ಮಾಡುತ್ತಾರಂತೆ. ಅಂದಹಾಗೆ, ಇವರು ಕೂಡ ಫ್ಯಾಷನಿಸ್ಟಾ. ಈಗಾಗಲೇ ಸಾಕಷ್ಟು ಫ್ಯಾಷನ್‌ ಬ್ರಾಂಡ್‌ಗಳಿಗೆ ಮಾಡೆಲ್‌ ಆಗಿ ಕಾಣಿಸಿಕೊಂಡಿರುವುದರೊಂದಿಗೆ ಹೈ ಪ್ರೊಫೈಲ್‌ ಫ್ಯಾಷನ್‌ ಶೋಗಳಲ್ಲೂ ಕಾಣಿಸಿಕೊಂಡಿದ್ದಾರೆ. ಜತೆಗೆ ಪತಿಯ ಎಲ್ಲಾ ಫ್ಯಾಷನ್‌ ಹಾಗೂ ಸ್ಟೈಲ್‌ಗೆ ಸಂಬಂಧಿಸಿದ ಕಾರ್ಯಗಳನ್ನು ಇವರೇ ನೋಡಿಕೊಳ್ಳುತ್ತಾರಂತೆ.
ಮೆಸ್ಸಿ ಔಟ್‌ಫಿಟ್‌ ಸೆಲೆಕ್ಷನ್‌
ಹೂಡಿ, ಜೀನ್ಸ್‌ ಹಾಗೂ ಪೋಲೋ ಶರ್ಟ್ ಇವರ ವಾರ್ಡ್ರೋಬ್‌ನಲ್ಲಿ ಕಾಯಂ ಸ್ಥಾನ ಪಡೆದಿದೆಯಂತೆ.
ಸಾಕಷ್ಟು ಟ್ಯಾಟೂ ಹಾಕಿಸಿಕೊಂಡಿರುವ ಮೆಸ್ಸಿಗೆ ಟ್ಯಾಟೂಗಳೆಂದರೆ ಪ್ರಿಯವಂತೆ.
ಒಮ್ಮೆ ಹೇರ್‌ ಕಲರ್‌ ಬದಲಿಸಿ ಆಟದಿಂದ ಕೆಲಕಾಲ ಸಸ್ಪೆಂಡ್‌ ಆಗುವ ತನಕ ಕಾಂಟ್ರವರ್ಸಿಗೆ ಸಿಲುಕಿ ಹಾಕಿಕೊಂಡಿದ್ದರಂತೆ.
ಟ್ರಾವೆಲ್‌ ಟೈಮ್‌ನಲ್ಲಿ ಪಕ್ಕಾ ಹಾಲಿಡೇ ಔಟ್‌ಫಿಟ್‌ನಲ್ಲೆ ಕಾಣಿಸಿಕೊಳ್ಳುತ್ತಾರಂತೆ.
(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)
ಇದನ್ನೂ ಓದಿ| Star travel Fashion | ಕೂಲ್‌ ಟ್ರಾವೆಲ್‌ ಫ್ಯಾಷನ್‌ಗೆ ಸೈ ಎಂದ ನಟಿ ಹಿತಾ