ದೋಹಾ : ಅರ್ಜೆಂಟೀನಾ ತಂಡ ಫಿಫಾ ವಿಶ್ವ ಕಪ್ ಚಾಂಪಿಯನ್ ಪಟ್ಟ ಅಲಂಕರಿಸಿದೆ. ಭಾನುವಾರ ರಾತ್ರಿ ನಡೆದ ಫೈನಲ್ ಪಂದ್ಯದಲ್ಲಿ ಫ್ರಾನ್ಸ್ ತಂಡವನ್ನು 4-2 ಪೆನಾಲ್ಟಿ ಗೋಲ್ಗಳಿಂದ ಸೋಲಿಸಿದ ಲಿಯೋನೆಲ್ ಮೆಸ್ಸಿ ನೇತೃತ್ವದ ಬಳಗ ಟ್ರೋಫಿಗೆ ಮುತ್ತಿಟ್ಟಿತು. ಇದೇ ವೇಳೆ ಟೂರ್ನಿಯಲ್ಲಿ ವೈಯುಕ್ತಿ ಸಾಧನೆ ಮಾಡಿದ ಆಟಗಾರರಿಗೂ ಪ್ರಶಸ್ತಿಗಳನ್ನು ವಿತರಣೆ ಮಾಡಲಾಯಿತು. ಆ ಸಾಧಕರ ಪಟ್ಟಿ ಇಲ್ಲಿದೆ.
ಫೈನಲ್ ಪಂದ್ಯದಲ್ಲಿ ಹ್ಯಾಟ್ರಿಕ್ ಗೋಲ್ ಸೇರಿದಂತೆ ಒಟ್ಟಾರೆ 8 ಗೋಲ್ಗಳನ್ನು ಬಾರಿಸಿದ ಫ್ರಾನ್ಸ್ನ ಕೈಲಿಯಾನ್ ಎಂಬಾಪೆ ಗೋಲ್ಡನ್ ಬೂಟ್ ತಮ್ಮದಾಗಿಸಿಕೊಂಡರು. ಅರ್ಜೆಂಟೀನಾ ತಂಡದ ನಾಯಕ ಹಾಗೂ ಸ್ಟಾರ್ ಆಟಗಾರ ಲಿಯೋನೆಲ್ ಮೆಸ್ಸಿ ಟೂರ್ನಮೆಂಟ್ನ ಉತ್ತಮ ಆಟಗಾರ ಪ್ರಶಸ್ತಿ ಗೆದ್ದರು. ಅವರಿಗೆ ಗೋಲ್ಡನ್ ಬಾಲ್ ಪ್ರಶಸ್ತಿ ಲಭಿಸಿತು.
ಫೈನಲ್ ಪಂದ್ಯದ ಪೆನಾಲ್ಟಿ ಶೂಟೌಟ್ ಎರಡು ಗೋಲ್ ತಡೆದು ಅರ್ಜೆಂಟೀನಾದ ಗೆಲುವಿಗೆ ದೊಡ್ಡ ಕೊಡುಗೆ ನೀಡಿದ ಜತೆಗೆ ಟೂರ್ನಿಯುದ್ದಕ್ಕೂ ಗೋಲ್ ಕೀಪಿಂಗ್ನಲ್ಲಿ ಅತ್ಯುತ್ತಮ ಸಾಧನೆ ಮಾಡಿದ ಎಮಿ ಮಾರ್ಟಿನೆಜ್ಗೆ ಗೋಲ್ಡನ್ ಗ್ಲವ್ ಪ್ರಶಸ್ತಿ ಲಭಿಸಿತು. ಇದೇ ವೇಳೆ ಅರ್ಜೆಂಟೀನಾ ತಂಡದ ಯುವ ಆಟಗಾರ ಎಂಜೊ ಫೆರ್ನಾಂಡೆಜ್ಗೆ ಟೂರ್ನಿಯ ಅತ್ಯುತ್ತಮ ಯುವ ಆಟಗಾರ ಪ್ರಶಸ್ತಿ ಲಭಿಸಿತು.
ಇದನ್ನೂ ಓದಿ | FIFA World Cup | ಮೆಸ್ಸಿಗೆ ವಿಜಯದ ವಿದಾಯ; ಅರ್ಜೆಂಟೀನಾ ತಂಡ ಚಾಂಪಿಯನ್