ನವದೆಹಲಿ: ಭಾರತೀಯ ದ್ವಿಚಕ್ರ ವಾಹನ ಮಾರುಕಟ್ಟೆಗೆ (Indian Two Wheeler Market) ಜಾವಾ ಮೋಟಾರ್‌ಸೈಕಲ್ (Jawa Motorcycle) ಕಂಪನಿಯು ತನ್ನ ಹೊಸ 42 ಬಾಬ್ಬರ್‌ನ ಟಾಪ್ ಎಂಡ್ ಬೈಕ್ ‘ಬ್ಲ್ಯಾಕ್ ಮಿರರ್’ (Jawa Motorcycle 42 Bobber Black Mirror) ಅನ್ನು ಗುರುವಾರ ಲಾಂಚ್ ಮಾಡಿದೆ. ಸುಮಾರು 2.25 ಲಕ್ಷ ರೂಪಾಯಿ ಎಕ್ಸ್ ಶೋರೂಮ್ ಬೆಲೆ ಹೊಂದಿರುವ ಈ ಬೈಕ್ ಅನ್ನು ಉತ್ಸಾಹಿಗಳು ಈಗಿನಿಂದಲೇ ಜಾವಾ ಡೀಲರ್‌ಶಿಪ್‌ಗಳಲ್ಲಿ ಮುಂಗಡವಾಗಿ ಬುಕ್ಕಿಂಗ್ ಮಾಡಿಕೊಳ್ಳಬಹುದು ಎಂದು ಕಂಪನಿ ಹೇಳಿಕೊಂಡಿದೆ.
42 ಬಾಬ್ಬರ್ ಬ್ಲ್ಯಾಕ್ ಮಿರರ್ ಮೋಟಾರ್‌ ಸೈಕಲ್ ತನ್ನ ಸೌಂದರ್ಯ ಹಾಗೂ ಪ್ರದರ್ಶನ ಎರಡೂ ರೀತಿಯಲ್ಲಿ ಅಪ್‌ಗ್ರೇಡ್ ಆಗಿದೆ ಎಂದು ಕಂಪನಿ ಹೇಳಿಕೊಂಡಿದೆ.
42 ಬಾಬ್ಬರ್ ಬ್ಲ್ಯಾಕ್ ಮಿರರ್‌ನಲ್ಲಿ ನಿಮಗೆ ಕ್ರೋಮ್ ಇಂಧನ ಟ್ಯಾಂಕ್ ಗಮನ ಸೆಳೆಯುತ್ತದೆ. ಇದರ ಜೊತೆಗೆ, ಅಲಾಯ್ ಚಕ್ರಗಳನ್ನು ಗಮನಾರ್ಹವಾದ ಡ್ಯುಯಲ್-ಟೋನ್ ಫಿನಿಶ್‌ನೊಂದಿಗೆ ಪರಿಚಯಿಸಲಾಗಿದೆ. ಟ್ಯೂಬ್‌ಲೆಸ್ ಟೈರ್‌ಗಳ ನಿಮ್ಮ ಡ್ರೈವಿಂಗ್ ಅನುಭವವನ್ನು ಹೆಚ್ಚಿಸುತ್ತವೆ. ಗೇರ್ ಮತ್ತು ಎಂಜಿನ್ ಕವರ್‌ಗಳನ್ನು ಮರುವಿನ್ಯಾಸಗೊಳಿಸಲಾಗಿದ್ದು, ಬೈಕ್‌ನ ಒಟ್ಟಾರೆ ಆಕರ್ಷಣೆಯನ್ನು ಹೆಚ್ಚಿಸಿದೆ.
ಸಾಕಷ್ಟು ಮೆಕಾನಿಕಲ್ ಸುಧಾರಣೆಗಳನ್ನು ಮಾಡಲಾಗಿದೆ. ಥ್ರೊಟಲ್ ಬಾಡಿ ಗಾತ್ರವನ್ನು 33mmನಿಂದ 38mmಗೆ ಅಪ್‌ಗ್ರೇಡ್ ಮಾಡಲಾಗಿದೆ. ಸಕ್ರಿಯವಾಗಿರುವ ಆರ್‌ಪಿಎಂ ಅನ್ನು ಫೈನ್-ಟ್ಯೂನ್ ಮಾಡಲಾಗಿದ್ದು, 1,500ರಿಂದ 1,350ಕ್ಕೆ ಇಳಿಸಲಾಗಿದೆ. ಇಂಧನ ಗೇಜ್ ಕೂಡ ಅಪ್‌ಡೇಟ್ ಆಗಿದೆ. ರೈಡಿಂಗ್ ಅನುಭವವನ್ನು ಮತ್ತಷ್ಟು ಹೆಚ್ಚಿಸಲು, ಹಿಂದಿನ ಮೊನೊಶಾಕ್ ಅನ್ನು ಮರುವಿನ್ಯಾಸಗೊಳಿಸಲಾಗಿದೆ.
ಈ ಸುದ್ದಿಯನ್ನೂ ಓದಿ: HUL New CEO Rohit Jawa : ಎಚ್‌ಯುಎಲ್‌ನ ನೂತನ ಸಿಇಒ ಆಗಿ ರೋಹಿತ್‌ ಜಾವಾ ನೇಮಕ
42 ಬಾಬ್ಬರ್ ಬ್ಲ್ಯಾಕ್ ಮಿರರ್ 334cc ಲಿಕ್ವಿಡ್-ಕೂಲ್ಡ್, ಸಿಂಗಲ್-ಸಿಲಿಂಡರ್ ಎಂಜಿನ್ ಹೊಂದಿದ್ದು, 29.49 bhp ಗರಿಷ್ಠ ಶಕ್ತಿ ಮತ್ತು 32.7 Nm ಗರಿಷ್ಠ ಟಾರ್ಕ್ ಉತ್ಪಾದಿಸುತ್ತದೆ. 6 ಸ್ಪೀಡ್ ಗೇರ್‌ಬಾಕ್ಸ್‌ ಇದೆ. ಸುಗಮ ಗೇರ್ ಶಿಫ್ಟ್‌ಗಳಿಗಾಗಿ ಸ್ಲಿಪ್ ಮತ್ತು ಅಸಿಸ್ಟ್ ಕ್ಲಚ್‌ನೊಂದಿಗೆ ಎಂಜಿನ್ ಸಜ್ಜುಗೊಂಡಿದೆ.