ನವ ದೆಹಲಿ : ಭಾರತೀಯ ಸೇನೆ ಗಡಿ ಭದ್ರತಾ ಪಡೆಯಲ್ಲಿ (ಬಿಎಸ್ಎಫ್) ಬೈಕ್ನಲ್ಲಿ ಸಾಹನ ಮಾಡುವ ಸುಸಜ್ಜಿತ ತಂಡವೊಂದಿದೆ. ಜನಾಬ್ಜ್ ಡೇರ್ಡೆವಿಲ್ಸ್ ಮೋಟಾರ್ಸೈಕಲ್ ಟೀಮ್ ಎಂದು ಆ ತಂಡಕ್ಕೆ ಹೆಸರಿದೆ. ಈ ವಿಭಾಗಕ್ಕೆ ಸೇರಿದ ಸಾಹಸಿಗಳು ರಾಯಲ್ ಎನ್ಫೀಲ್ಡ್ ಬೈಕ್ಗಳ (Royal Enfield) ಮೂಲಕ ಮೂರು ವಿಶ್ವ ದಾಖಲೆಯನ್ನು ಸೃಷ್ಟಿಸಿದ್ದಾರೆ. ಸೇನಾ ಪಡೆಯ ಈ ಸಾಹಸ ಲಿಮ್ಕಾ ಬುಕ್ ಆಫ್ ರೆಕಾರ್ಡ್ಸ್ನಲ್ಲಿ ದಾಖಲಾಗಿದೆ. ಡಿಸೆಂಬರ್ 16ರಂದು ನವದೆಹಲಿಯ ಛವಾಲ್ನ ಬಿಎಸ್ಎಫ್ ಕ್ಯಾಂಪಸ್ನಲ್ಲಿ ನಡೆದ ವಿಜಯ್ ದಿವಸ್ ಕಾರ್ಯಕ್ರಮದಲ್ಲಿ ಈ ಮೂರು ದಾಖಲೆಗಳು ಸೃಷ್ಟಿಯಾಗಿವೆ.
ರಾಯಲ್ ಎನ್ಫೀಲ್ಡ್ 350 ಸಿಸಿಯ ಬೈಕ್ನಲ್ಲಿ 12.9 ಅಡಿಯ ಏಣಿಯನ್ನು ಕಟ್ಟಿ ಅದರ ಮೇಳೆ ಬಿಎಸ್ಎಫ್ನ ಇಬ್ಬರು ಸಾಹಸಿ ಅಧಿಕಾರಿಗಳು 171.1 ಕಿಲೋ ಮೀಟರ್ ಪ್ರಯಾಣ ಮಾಡಿದ್ದಾರೆ. ಅದಕ್ಕಾಗಿ ಅವರು 5 ಗಂಟೆ 26 ನಿಮಿಷಗಳನ್ನು ತೆಗೆದುಕೊಂಡಿದ್ದಾರೆ. ಬಿಎಸ್ಎಫ್ನ ಇನ್ಸ್ಟೆಕ್ಟರ್ ಅವಧೇಶ್ ಕುಮಾರ್ ಹಾಗೂ ಕ್ಯಾಪ್ಟನ್ ಸುಧಾಕರ್ ಅವರು ಈ ಸಾಹಸದಲ್ಲಿ ಪಾಲ್ಗೊಂಡಿದ್ದರು.
ಮಲಗಿಕೊಂಡೇ ರಾಯಲ್ ಎನ್ಫೀಲ್ಡ್ ಬೈಕ್ ಅನ್ನು 70.2 ಕಿಲೋ ಮೀಟರ್ ಚಲಾಯಿಸಿದ್ದು ಇನ್ನೊಂದು ದಾಖಲೆಯಾಗಿದೆ. ಜನಾಬ್ಜ್ ಡೇರ್ಡೆವಿಲ್ಸ್ ಮೋಟಾರ್ಸೈಕಲ್ನ ಇನ್ಸ್ಪೆಕ್ಟರ್ ವಿಶ್ವಜಿತ್ ಭಾಟಿಯಾ ಅವರು ಈ ಸಾಹಸದಲ್ಲಿ ಪಾಲ್ಗೊಂಡವರು. ಅವರು ಇಷ್ಟೊಂದು ದೂರ ಕ್ರಮಿಸಲು 2.6 ಗಂಟೆಗಳನ್ನು ತೆಗೆದುಕೊಂಡಿದ್ದಾರೆ.
ಮೂರನೇ ವಿಶ್ವ ದಾಖಲೆಯನ್ನು ಮಾಡಿದವರು ಮಹಿಳಾ ಇನ್ಸ್ಪೆಕ್ಟರ್ ಹಿಮಾನ್ಷು ಸಿರೋಹಿ. ಅವರು ಸೀಮಾ ಭಾವ್ನಿ ಆಲ್ ವುಮೆನ್ ಮೋಟಾರ್ ಸೈಕಲ್ ತಂಡದ ಇನ್ಸ್ಪೆಕ್ಟರ್. ಸೀಮಾ ಅವರು ರಾಯಲ್ ಎನ್ಫೀಲ್ಡ್ ಬೈಕ್ನ ಸೈಡ್ ಬ್ರಾಕೆಟ್ ಮೇಲೆ ನಿಂತುಕೊಂಡು 178.6 ಕಿಲೋ ಮೀಟರ್ ದೀರ್ಘ ಪ್ರಯಾಣ ಮಾಡಿದ್ದಾರೆ. ಅದಕ್ಕಾಗಿ ಅವರು 6 ಗಂಟೆ 3 ನಿಮಿಷ ತೆಗೆದುಕೊಂಡಿದ್ದಾರೆ.
ಪ್ರತಿ ವರ್ಷ ನವದೆಹಲಿಯಲ್ಲಿ ನಡೆಯುವ ಗಣರಾಜ್ಯೋತ್ಸವ ಫರೇಡ್ನಲ್ಲಿ ಬಿಎಸ್ಎಫ್ನ ಬೈಕ್ ಸ್ಟಂಟ್ ಪ್ರದರ್ಶನವಿರುತ್ತದೆ.
ಇದನ್ನೂ ಓದಿ | Royal Enfield | ಹಂಟರ್‌ ಮೇನಿಯಾ; ರಾಯಲ್ ಎನ್ಫೀಲ್ಡ್ ಬೈಕ್ಗಳ ಮಾರಾಟದಲ್ಲಿ ಭರ್ಜರಿ ಏರಿಕೆ