ಬೆಂಗಳೂರು : ಟಾಟಾ ಮೋಟಾರ್ಸ್ (Tata Motors) ಈ ಫೆಬ್ರವರಿಯಲ್ಲಿ ತನ್ನೆಲ್ಲ ಕಾರುಗಳಲ್ಲಿ ನಗದು ರಿಯಾಯಿತಿ ಮತ್ತು ಎಕ್ಸ್ಚೇಂಜ್ ಬೋನಸ್ ಸೇರಿದಂತೆ ಆಕರ್ಷಕ ಪ್ರಯೋಜನಗಳನ್ನು ಕೊಡುತ್ತಿದೆ. ಈ ಕೊಡುಗೆಯ ಪ್ರಯೋಜನಗಳು ಹೊಸ 2024 ಸ್ಟಾಕ್ ಗಳು ಮತ್ತು ಹಳೆಯ 2023 ಮಾದರಿಗಳಿಗೂ ಅನ್ವಯಿಸುತ್ತವೆ.
ರಿಯಾಯಿತಿಗಳು ನಗರದಿಂದ ನಗರಕ್ಕೆ ಬದಲಾಗುತ್ತವೆ. ಕಾರುಗಳ ಸ್ಟಾಕ್ ಲಭ್ಯತೆಗೆ ಅನ್ವಯವಾಗಿರುತ್ತವೆ. ನಿಖರ ಡಿಸ್ಕೌಂಟ್ ಅಂಕಿಅಂಶಗಳಿಗಾಗಿ ಸ್ಥಳೀಯ ಡೀಲರ್ ಬಳಿ ವಿಚಾರಿಸಬೇಕು.
ಟಾಟಾ ಸಫಾರಿಗೆ 1.25 ಲಕ್ಷ ರೂ.ಗಳವರೆಗೆ ಡಿಸ್ಕೌಂಟ್
ಟಾಟಾ ಸಫಾರಿಯ ಫೇಸ್ ಲಿಫ್ಟ್ ಇತ್ತಿಚೆಗೆ ಮಾರುಕಟ್ಟೆಗೆ ಇಳಿದಿದೆ. ಆದರೆ, ಈಗ ಘೋಷಿಸಿರುವ ರಿಯಾಯಿತಿ ಈ ಮಾಡೆಲ್ಗಳಿಗೆ ಸಿಗುವುದಿಲ್ಲ. ಮಾರಾಟವಾಗದ ಹಿಂದಿನ ಆವೃತತಿಯ ಸ್ಟಾಕ್ ಗಳ ಮೇಲೆ ಮಾತ್ರ ನೀಡಲಾಗಿದೆ. ಈ ಕೊಡುಗೆಯಲ್ಲಿ 75,000 ರೂ.ಗಳ ಕ್ಯಾಶ್ ಡಿಸ್ಕೌಂಟ್ ಮತ್ತು ಟಾಪ್-ಸ್ಪೆಕ್ ಎಡಿಎಎಸ್ ಇರುವ ವೇರಿಯೆಂಟ್ಗಳಿಗೆ 50,000 ರೂ.ಗಳವರೆಗೆ ಎಕ್ಸ್ಚೇಂಜ್ ಅಥವಾ ಸ್ಕ್ರ್ಯಾಪೇಜ್ ಬೋನಸ್ ಸೇರಿವೆ. ಎಡಿಎಎಸ್ ಇಲ್ಲದ ರೂಪಾಂತರಗಳು ಒಟ್ಟು 75,000 ರೂ.ಗಳವರೆಗೆ ಡಿಸ್ಕೌಂಟ್ ನೀಡಲಾಗಿದೆ.
ಸಫಾರಿ ಉತ್ತಮ ರೋಡ್ ಅಪೀಯರೆನ್ಸ್ ಮತ್ತು ಏಳು ಆಸನಗಳೊಂದಿಗೆ ದೃಢವಾದ ಮಾರುಕಟ್ಟೆ ಹೊಂದಿದೆ. ಇದು ಹ್ಯುಂಡೈ ಅಲ್ಕಾಜಾರ್, ಎಂಜಿ ಹೆಕ್ಟರ್ ಪ್ಲಸ್ ಮತ್ತು ಮಹೀಂದ್ರಾ ಎಕ್ಸ್ ಯುವಿ 700 ಗೆ ಪ್ರತಿಸ್ಪರ್ಧಿಯಾಗಿದೆ.
ಟಾಟಾ ಹ್ಯಾರಿಯರ್ಗೆ 1.25 ಲಕ್ಷ ರೂ.ಗಳವರೆಗೆ ರಿಯಾಯಿತಿ
ಹ್ಯಾರಿಯರ್ ಕೂಡ ತನ್ನ ಹಳೆಯ 2023 ಸ್ಟಾಕ್ ಮೇಲೆ ಎಲ್ಲಾ ಡಿಸ್ಕೌಂಟ್ ನೀಡಿದೆ. ನವೀಕರಿಸಿದ 2024 ಮಾದರಿ ವರ್ಷದ ಯುನಿಟ್ ಗಳಿಗೆ ನೀಡಿಲ್ಲ. ಆದರೆ, ಎಡಿಎಎಸ್ ಮತ್ತು ಎಡಿಎಎಸ್ ಅಲ್ಲದ ರೂಪಾಂತರಗಳಿಗೆ ಟಾಟಾ ಸಫಾರಿಯಂತೆಯೇ ಸಣ್ಣ ಬ್ರೇಕ್ಅಪ್ ನೀಡಿದೆ.
ಇದನ್ನೂ ಓದಿ : Tata Nexon EV : ಟಾಟಾದ ಈ ಇವಿ ಕಾರಿಗೆ ಬರೋಬ್ಬರಿ 2.80 ಲಕ್ಷ ರೂಪಾಯಿ ಡಿಸ್ಕೌಂಟ್!
ಸಫಾರಿಯಂತೆ, ಹ್ಯಾರಿಯರ್ ಎಸ್ಯುವಿ ವಿಭಾಗದಲ್ಲಿ ಹೆಚ್ಚಿನ ಅಂಕಗಳನ್ನು ಹೊಂದಿದೆ. ಅದ್ಭುತ ಸವಾರಿ ಮತ್ತು ನಿರ್ವಹಣೆ ಯಿಂದಾಗಿ ಪ್ರಖ್ಯಾತಿ ಪಡೆದಿದೆ. ಇದು 5 ಸೀಟರ್ ಮಹೀಂದ್ರಾ ಎಕ್ಸ್ ಯುವಿ 700, ಎಂಜಿ ಹೆಕ್ಟರ್ ಮತ್ತು ಜೀಪ್ ಕಂಪಾಸ್ ಗೆ ಪ್ರತಿಸ್ಪರ್ಧಿಯಾಗಿದೆ.
ಟಾಟಾ ಟಿಯಾಗೊಗೆ 75,000 ರೂ.ಗಳವರೆಗೆ ರಿಯಾಯಿತಿ
ಟಿಯಾಗೊ ತನ್ನ 2023 ಮಾದರಿ ವರ್ಷದಲ್ಲಿ 75,000 ರೂ.ಗಳವರೆಗೆ ಪ್ರಯೋಜನಗಳನ್ನು ಪಡೆಯುತ್ತದೆ, ಇದರಲ್ಲಿ 60,000 ರೂ.ಗಳ ಕ್ಯಾಶ್ ಡಿಸ್ಕೌಂಟ್ ಮತ್ತು 15,000 ರೂ.ಗಳವರೆಗೆ ವಿನಿಮಯ ಅಥವಾ ಸ್ಕ್ರ್ಯಾಪೇಜ್ ಬೋನಸ್ ಸೇರಿಕೊಂಡಿವೆ. ಆದಾಗ್ಯೂ, 2024 ಟಿಯಾಗೊಗಳಿಗೂ 40,000 ರೂ.ಗಳವರೆಗೆ ರಿಯಾಯಿತಿ ನೀಡಲಾಗಿದೆ. ಇದರಲ್ಲಿ 30,000 ರೂ.ಗಳವರೆಗೆ ನಗದು ರಿಯಾಯಿತಿ ಮತ್ತು 10,000 ರೂ.ಗಳವರೆಗೆ ವಿನಿಮಯ ಅಥವಾ ಸ್ಕ್ರ್ಯಾಪೇಜ್ ಬೋನಸ್ ಸೇರಿಕೊಂಡಿದೆ. ಟಿಯಾಗೊದ ಸಿಎನ್ ಜಿ ವೇರಿಯೆಂಟ್ಗಳು 2023ರ ಮಾಡೆಲ್ಗೆ 75,000 ರೂ.ಗಳವರೆಗೆ ಮತ್ತು ಹೊಸ 2024 ಯುನಿಟ್ ಗಳಿಗೆ 25,000 ರೂ.ಗಳವರೆಗೆ ಡಿಸ್ಕೌಂಟ್ ನೀಡಲಾಗಿದೆ.
ಟಿಯಾಗೊ ತನ್ನ ಉತ್ತಮವಾದ ಕ್ಯಾಬಿನ್ ಮತ್ತು ಆಕರ್ಷಕ ಬೆಲೆಯಿಂದ ಖ್ಯಾತಿ ಪಡೆದಿದೆ. ಇದರ ಎಂಜಿನ್ ದೊಡ್ಡ ಹಿನ್ನಡೆ. ಮಾರುತಿ ಸುಜುಕಿ ಸ್ವಿಫ್ಟ್ ಮತ್ತು ಹ್ಯುಂಡೈ ಗ್ರ್ಯಾಂಡ್ ಐ 10 ನಿಯೋಸ್ ಗೆ ಪ್ರತಿಸ್ಪರ್ಧಿಯಾಗಿದೆ.
ಟಾಟಾ ಟಿಗೋರ್ಗೆ 75,000 ರೂ.ಗಳವರೆಗೆ ರಿಯಾಯಿತಿ
ಟಿಗೋರ್ 2023 ಮತ್ತು 2024 ಮಾದರಿಗಳ ಮೇಲೆ ಕ್ರಮವಾಗಿ 75,000 ಮತ್ತು 40,000 ರೂ.ಗಳವರೆಗೆ ಪ್ರಯೋಜನಗಳನ್ನು ಪಡೆಯುತ್ತದೆ. ಈ ಕೊಡುಗೆಗಳಲ್ಲಿನ ಪೆಟ್ರೋಲ್ ಎಂಟಿ ಮತ್ತು ಎಎಂಟಿ ರೂಪಾಂತರಗಳಿಗೆ ನೀಡಲಾಗಿದೆ. ಟಿಗೋರ್ ನ ಸಿಎನ್ ಜಿ ರೂಪಾಂತರಗಳು 2023ರ ಮಾಡೆಲ್ ಮೇಲೆ 75,000 ರೂ.ಗಳವರೆಗೆ ಮತ್ತು 2024ರ ಮಾಡೆಲ್ಗಳ ಮೇಲೆ 30,000 ರೂ.ಗಳವರೆಗೆ ರಿಯಾಯಿತಿ ಕೊಡಲಾಗಿದೆ. ಇದು ಹೋಂಡಾ ಅಮೇಜ್, ಮಾರುತಿ ಸುಜುಕಿ ಡಿಜೈರ್ ಮತ್ತು ಹ್ಯುಂಡೈ ಔರಾ ಕಾರುಗಳಿಗೆ ಪೈಪೋಟಿ ನೀಡುತ್ತದೆ.
ಟಾಟಾ ನೆಕ್ಸಾನ್ ಗೆ 60,000 ರೂ.ಗಳವರೆಗೆ ರಿಯಾಯಿತಿ
ನೆಕ್ಸಾನ್ 2023ರಲ್ಲಿ ಅಪ್ಡೇಟ್ ಆಗಿತ್ತು. ಆದಾಗ್ಯೂ, ಹ್ಯಾರಿಯರ್ ಮತ್ತು ಸಫಾರಿಯಂತೆಯೇ, ಪ್ರಯೋಜನಗಳು ಪೂರ್ವ-ಫೇಸ್ ಲಿಫ್ಟ್ ಮಾದರಿಗಳಿಗೆ ಮಾತ್ರ ಇವೆ. ನೆಕ್ಸಾನ್ ನ ಪೆಟ್ರೋಲ್-ಎಂಟಿ ರೂಪಾಂತರಗಳು 40,000 ರೂ.ಗಳ ನಗದು ಡಿಸ್ಕೌಂಟ್ ಪಡೆದರೆ, ಎಎಂಟಿ ರೂಪಾಂತರಗಳು 20,000 ರೂ.ಗಳ ನಗದು ರಿಯಾಯಿತಿ ಪಡೆಯುತ್ತವೆ. ಹೆಚ್ಚುವರಿಯಾಗಿ, ಎಂಟಿ ಮತ್ತು ಎಎಂಟಿ ರೂಪಾಂತರಗಳಲ್ಲಿ 20,000 ರೂ.ಗಳ ವಿನಿಮಯ ಅಥವಾ ಸ್ಕ್ರ್ಯಾಪೇಜ್ ಬೋನಸ್ ಇದೆ. ಇದು ಮಾರುತಿ ವಿಟಾರಾ ಬ್ರೆಝಾ, ಕಿಯಾ ಸೊನೆಟ್ ಮತ್ತು ಹ್ಯುಂಡೈ ವೆನ್ಯೂ ಕಾರುಗಳಿಗೆ ಪೈಪೋಟಿ ನೀಡುತ್ತದೆ.
ಟಾಟಾ ಆಲ್ಟ್ರೋಜ್ಗೆ 45,000 ರೂ.ಗಳವರೆಗೆ ರಿಯಾಯಿತಿ
ಆಲ್ಟ್ರೋಜ್ ತನ್ನ ಪೆಟ್ರೋಲ್, ಡೀಸೆಲ್ ಮತ್ತು ಸಿಎನ್ ಜಿ ರೂಪಾಂತರಗಳಲ್ಲಿ 45,000 ರೂ.ಗಳವರೆಗೆ ರಿಯಾಯಿತಿಯೊಂದಿಗೆ ಲಭ್ಯವಿದೆ. 2023 ಮಾದರಿಗಳಿಗೆ 35,000 ರೂ.ಗಳವರೆಗೆ ಕ್ಯಾಶ್ ಡಿಸ್ಕೌಂಟ್ ಸಿಗುತ್ತದೆ. 2024ರ ಮಾಡೆಲ್ಗಳಿಗೆ 15,000 ರೂ.ಗಳವರೆಗೆ ಕ್ಯಾಶ್ ಡಿಸ್ಕೌಂಟ್ ಸಿಗುತ್ತದೆ. 2023 ಮತ್ತು 2024 ರ ಎರಡೂ ಮಾಡೆಲ್ಗಳ 10,000 ರೂ.ಗಳವರೆಗೆ ಎಕ್ಸ್ಚೇಂಜ್ ಅಥವಾ ಸ್ಕ್ರ್ಯಾಪೇಜ್ ಬೋನಸ್ ಪಡೆಯುತ್ತವೆ.
ಇದು ಮಾರುಕಟ್ಟೆಯಲ್ಲಿ ಮಾರುತಿ ಸುಜುಕಿ ಬಲೆನೊ, ಹ್ಯುಂಡೈ ಐ 20 ಮತ್ತು ಟೊಯೊಟಾ ಗ್ಲಾಂಝಾ ಕಾರುಗಳಿಗೆ ಪೈಪೋಟಿ ನೀಡುತ್ತದೆ.