ಬೆಂಗಳೂರು: ಆರ್ಟಿಫಿಶಿಯಲ್ ಇಂಟಲಿಜೆನ್ಸ್ (Artificial intelligence) ತಂತ್ರಜ್ಞಾನವನ್ನು ಒಳಗೊಂಡಿರುವ ಎಚ್ ಪಿ ಗೇಮಿಂಗ್ ಲ್ಯಾಪ್‌ಟಾಪ್ (HP laptop) ಒಮೆನ್ ಟ್ರಾನ್ಸೆಂಡ್-14 (Omen Transcend-14) ಅನ್ನು ಬಿಡುಗಡೆ ಮಾಡಲಾಗಿದೆ. ಭಾರತದಲ್ಲಿ (India) ಬುಧವಾರ ಇದು ಅನಾವರಣಗೊಂಡಿದ್ದು, ಗೇಮಿಂಗ್ ಮತ್ತು ಸೃಜನಶೀಲ ಅನುಭವಗಳನ್ನು ಹೆಚ್ಚಿಸಲು ಅತ್ಯಾಧುನಿಕ ತಂತ್ರಜ್ಜಾನವನ್ನು ಒಳಗೊಂಡಿದೆ. ವಿಶಿಷ್ಟ ರಚನೆ, ಹಲವು ವೈಶಿಷ್ಟ್ಯಗಳನ್ನು ಒಳಗೊಂಡಿರುವ ಇದರ ಬೆಲೆ ಭಾರತದಲ್ಲಿ 1,74,000 ರೂ.
ಹೆಚ್ ಪಿ ಒಮೆನ್ ಟ್ರಾನ್ಸೆಂಡ್- 14 ಸರಣಿ ಕುರಿತು ಮಾತನಾಡಿರುವ ಹೆಚ್ ಪಿಯ ಹಿರಿಯ ಉಪಾಧ್ಯಕ್ಷೆ ಮತ್ತು ವ್ಯವಸ್ಥಾಪಕ ನಿರ್ದೇಶಕಿ ಇಪ್ಸಿತಾ ದಾಸ್‌ಗುಪ್ತ, ಕೆಲಸ, ಜೀವನ ಮತ್ತು ಆಟದಲ್ಲಿ ಬಳಕೆದಾರರ ಅನುಭವಗಳನ್ನು ಆರ್ಟಿಫಿಶಿಯಲ್ ಇಂಟಲಿಜೆನ್ಸ್ ಮೂಲಕ ಉತ್ತಮಗೊಳಿಸಲು ಕಂಪನಿಯು ಪ್ರಯತ್ನಿಸಿದೆ ಎಂದು ತಿಳಿಸಿದ್ದಾರೆ.
ಆರ್ಟಿಫಿಶಿಯಲ್ ಇಂಟಲಿಜೆನ್ಸ್ ಅನ್ನು ಒಳಗೊಂಡಿರುವ ಪಿಸಿಗಳ ಉದ್ಯಮದಲ್ಲಿ ವಿಶಾಲವಾದ ಪೋರ್ಟ್‌ಫೋಲಿಯೊವನ್ನು ಪ್ರಸ್ತುತಪಡಿಸಲು ನಾವು ಹೆಮ್ಮೆಪಡುತ್ತೇವೆ. ಆರ್ಟಿಫಿಶಿಯಲ್ ಇಂಟಲಿಜೆನ್ಸ್ ಮೂಲಕ ಬಳಕೆದಾರ ಹೆಚ್ಚು ವಯಕ್ತಿಕ ಅನುಭವಗಳನ್ನು ರಚಿಸುತ್ತಿದ್ದೇವೆ. ತಂತ್ರಜ್ಞಾನದೊಂದಿಗೆ ಸಂವಹನ ನಡೆಸುವ ರೀತಿಯಲ್ಲಿ ನಾವು ಕ್ರಾಂತಿಯನ್ನು ಮಾಡುತ್ತಿದ್ದೇವೆ ಎಂದು ಹೇಳಿದರು.
ಒಮೆನ್ ಟ್ರಾನ್ಸೆಂಡ್- 14 ಸರಣಿಯನ್ನು 1,74,999 ರೂ.ಗೆ ಬಿಡುಗಡೆ ಮಾಡಲಾಗಿದೆ. ಲ್ಯಾಪ್‌ಟಾಪ್ ಹೆಚ್ ಪಿ ವರ್ಲ್ಡ್ ಸ್ಟೋರ್ಸ್ ಮತ್ತು ಹೆಚ್ ಪಿ ಆನ್‌ಲೈನ್ ಸ್ಟೋರ್‌ಗಳಲ್ಲಿ ಇದು ಲಭ್ಯವಿದೆ. ಗ್ರಾಹಕರು ತಮ್ಮ ಖರೀದಿಯೊಂದಿಗೆ ಪ್ರೀಮಿಯಂ ಹೈಪರ್‌ಎಕ್ಸ್ ಬ್ಯಾಗ್ ಮತ್ತು ಉಚಿತ ಹೈಪರ್‌ಎಕ್ಸ್ ಮೌಸ್ ಮತ್ತು ಹೆಡ್‌ಸೆಟ್ ಅನ್ನು ಪಡೆಯಬಹುದು.
ವಿಶೇಷತೆಗಳು ಏನೇನು?
ಒಮೆನ್ ಟ್ರಾನ್ಸೆಂಡ್- 14 ಎಚ್ ಪಿ ಹಗುರವಾದ ಗೇಮಿಂಗ್ ಲ್ಯಾಪ್‌ಟಾಪ್ ಆಗಿದ್ದು, ಸುಮಾರು 1.637 ಕೆ.ಜಿ. ತೂಕವಿದೆ. ಐಎಂಎಎಕ್ಸ್ ವರ್ಧಿತ ಪ್ರಮಾಣೀಕೃತ 2.8ಕೆ 120Hz ವಿಆರ್ ಆರ್ ಓಎಲ್ ಇಡಿ ಡಿಸ್ ಪ್ಲೇ ಮತ್ತು ಸುಗಮ ಆಟಕ್ಕಾಗಿ ಆಟೋ ಡೈನಾಮಿಕ್ ರಿಫ್ರೆಶ್ ರೇಟ್ (DRR) ಅನ್ನು ಒಳಗೊಂಡಿದೆ.
NVIDIA GeForce RTX 4060 ಗ್ರಾಫಿಕ್ಸ್‌ನಿಂದ ಚಾಲಿತವಾಗಿದ್ದು, ವೇಗ ವರ್ಧಿತ ಗೇಮ್‌ ಪ್ಲೇ ಮತ್ತು ಗ್ರಾಫಿಕ್ಸ್ ಭರವಸೆ ನೀಡುತ್ತದೆ. ಇದಕ್ಕೆ ಪೂರಕವಾಗಿ ಇಂಟೆಲ್ ಕೋರ್ ಅಲ್ಟ್ರಾ ಪ್ರೊಸೆಸರ್ ಅನ್ನು ಒಳಗೊಂಡಿದ್ದು, ಗೇಮಿಂಗ್ ಅಥವಾ ಕಂಪ್ಯೂಟ್-ಇಂಟೆನ್ಸಿವ್ ಕಾರ್ಯಗಳನ್ನು ನಿಭಾಯಿಸುವಲ್ಲಿ ತಡೆರಹಿತ ಕಾರ್ಯಕ್ಷಮತೆಯನ್ನು ಭರವಸೆ ನೀಡುತ್ತದೆ.
ಆರ್ಟಿಫಿಶಿಯಲ್ ಇಂಟಲಿಜೆನ್ಸ್ ಸಾಮರ್ಥ್ಯವಿರುವ ಈ ಲ್ಯಾಪ್ ಟಾಪ್ ನಲ್ಲಿ ನೈಜ-ಸಮಯದ ಶೀರ್ಷಿಕೆಗಳು, ಆಡಿಯೋ ಪ್ರತಿಲೇಖನಗಳು ಮತ್ತು ಎಐ ರಚಿತ ಟಿಪ್ಪಣಿಗಳನ್ನೂ ನೋಡಬಹುದು. ಲ್ಯಾಪ್ ಟಾಪ್ ನ ಕಾರ್ಯಕ್ಷಮತೆಯನ್ನು ಹೆಚ್ಚಿಸಲು ಹೆಚ್ ಪಿ ಇಂಟೆಲ್‌ನೊಂದಿಗೆ ಸಹ- ಎಂಜಿನಿಯರಿಂಗ್ ಹೊಸ ಕೂಲಿಂಗ್ ವ್ಯವಸ್ಥೆಯನ್ನು ಒಳಗೊಂಡಿದೆ. ಇದು ಒತ್ತಡವನ್ನು ಕಡಿಮೆ ಮಾಡಿ ಬಿಸಿಯನ್ನು ಹಿಂಭಾಗದ ದ್ವಾರಗಳ ಹೊರದಬ್ಬುತ್ತದೆ. ಇದರಿಂದ ಲ್ಯಾಪ್ ಟಾಪ್ ಹೆಚ್ಚು ಬಿಸಿಯಾಗುವುದಿಲ್ಲ. ದೀರ್ಘಕಾಲದವರೆಗೆ ಕೂಲ್ ಆಗಿಯೇ ಇರುತ್ತದೆ.
ಆಟಗಾರರು ಮತ್ತು ವಿಷಯ ರಚನೆಕಾರರಿಗೆ ಸ್ನೇಹಿಯಾಗಿರುವಂತೆ ಇದನ್ನು ವಿನ್ಯಾಸಗೊಳಿಸಲಾಗಿದೆ. ಒಮೆನ್ ಟ್ರಾನ್ಸೆಂಡ್- 14 ಗೇಮಿಂಗ್ ತಡೆರಹಿತ ಕಾರ್ಯದ ಭರವಸೆ ನೀಡುತ್ತದೆ. ಇದರ ಪೋರ್ಟಬಲ್ ವಿನ್ಯಾಸ ಮತ್ತು ದೃಢವಾದ ವೈಶಿಷ್ಟ್ಯದ ಸೆಟ್ ಬಳಕೆದಾರರಿಗೆ ಗೇಮಿಂಗ್ ಮತ್ತು ವಿಷಯ ರಚನೆ ಕಾರ್ಯಗಳ ನಡುವೆ ಸಲೀಸಾಗಿ ಬದಲಾಯಿಸಲು ಅನುವು ಮಾಡಿಕೊಡುತ್ತದೆ.
ಇದನ್ನೂ ಓದಿ: iPhone: ಐಫೋನ್‌ ಬಳಕೆದಾರರಿಗೆ ಕೇಂದ್ರ ಸರ್ಕಾರ ಎಚ್ಚರಿಕೆ; ಮೊದಲು ಈ ಕೆಲಸ ಮಾಡಿ
ಇದರ ಮತ್ತೊಂದು ವೈಶಿಷ್ಟ್ಯವೆಂದರೆ ಕೀಬೋರ್ಡ್ ವಿನ್ಯಾಸ. ಇದು ಯಾಂತ್ರಿಕ ಕೀಬೋರ್ಡ್‌ಗಳಿಗಾಗಿ ಹೈಪರ್‌ಎಕ್ಸ್‌ನ ಪುಡಿಂಗ್ ಕ್ಯಾಪ್‌ಗಳಿಂದ ಪ್ರೇರಿತವಾದ ಎಡ್ಜ್-ಟು-ಎಡ್ಜ್ ಕೀಕ್ಯಾಪ್‌ಗಳನ್ನು ಒದಗಿಸುತ್ತದೆ, ಪ್ರತಿ ಕೀಗೆ ಪ್ರಕಾಶಮಾನವಾದ ಹೊಳೆಯುವ ಗಡಿಯನ್ನು ನೀಡಿದೆ. 11.5 ಗಂಟೆಗಳ ಬ್ಯಾಟರಿ ಬಾಳಿಕೆಯೊಂದಿಗೆ ಇದು ಬಂದಿದ್ದು, ಇದ್ದರಲ್ಲಿ ಯಾವುದೇ ರಾಜಿ ಮಾಡಿಲ್ಲ ಎಂದು ಹೆಚ್ ಪಿ ಹೇಳಿದೆ. ಟೈಪ್-ಸಿ 140W ಅಡಾಪ್ಟರ್‌ ಅನ್ನು ಒಳಗೊಂಡಿದ್ದು, ಪ್ರಯಾಣದಲ್ಲಿರುವಾಗಲೂ ಚಾರ್ಜಿಂಗ್ ಗೆ ಅನುಕೂಲವಾಗಿದೆ.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಾಮೆಂಟ್ ಮೂಲಕ ತಿಳಿಸಿ