ಬೆಂಗಳೂರು: ಒನ್ ಪ್ಲಸ್ ತನ್ನ ಸ್ಮಾರ್ಟ್ ಫೋನ್ ಗಳಿಗೆ (Oneplus smart phone) ಆರ್ಟಿಫಿಷಿಯಲ್ ಇಂಟಲಿಜೆನ್ಸ್ ಎರೇಸರ್ (AI Eraser) ಅನ್ನು ಬುಧವಾರ ಪರಿಚಯಿಸಿದೆ.
ಎಐ ತಂತ್ರಜ್ಞಾನದ ಮೂಲಕ ಇಮೇಜ್ ಎಡಿಟಿಂಗ್ ಗೆ (image editing) ಎಐ ಎರೇಸರ್ ಅನ್ನು ಪರಿಚಯಿಸಿದೆ. ಲಾರ್ಜ್ ಲ್ಯಾಂಗ್ವೇಜ್ ಮಾಡೆಲ್ ನಿಂದ (LLM) ನಡೆಸಲ್ಪಡುವ ಇದು ಬಳಕೆದಾರರಿಗೆ ಹಲವು ವಿಶೇಷತೆಗಳೊಂದಿಗೆ ವಿಶೇಷತೆಗಳೊಂದಿಗೆ ಎಐ ಚಾಲಿತ ಸಾಧನವನ್ನು ಒದಗಿಸುತ್ತದೆ, ಇದು ಗೂಗಲ್ ನ (google) ಎಐ ಚಾಲಿತ ಮ್ಯಾಜಿಕ್ ಎರೇಸರ್‌ನಂತೆಯೇ (Magic Eraser) ಚಿತ್ರಗಳಿಂದ ಅನಗತ್ಯ ವಸ್ತುಗಳನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ.
ಒನ್ ಪ್ಲಸ್ ತನ್ನ ಎಐ ಎರೇಸರ್ ಅನ್ನು ಉಳಿದ ಸರಣಿ ಫೋನ್ ಗಳಿಗೆ ಹಂತಹಂತವಾಗಿ ಅಳವಡಿಸಿ ಹೊರತರಲಿದೆ, ಒನ್ ಪ್ಲಸ್ 12, 12ಆರ್ , 11, ಓಪನ್ ಮತ್ತು ನೊರ್ಡ್ ಸಿಇ 4 ನಲ್ಲಿ ಏಪ್ರಿಲ್‌ನಿಂದ ಪ್ರಾರಂಭವಾಗಲಿದೆ.
ಇದನ್ನೂ ಓದಿ: HP Laptop: ಎಐ ತಂತ್ರಜ್ಞಾನದೊಂದಿಗೆ ಹೆಚ್‌ಪಿಯ ಹೊಸ ಲ್ಯಾಪ್ ಟಾಪ್! ಎಷ್ಟು ಇದರ ಬೆಲೆ?
ಬಳಕೆದಾರ ಸ್ನೇಹಿ
ಒನ್ ಪ್ಲಸ್ ನ ಹೊಸ ಎಐ ವಿಶೇಷತೆಯು ಕೃತಕ ಬುದ್ಧಿಮತ್ತೆಯ ಶಕ್ತಿಯನ್ನು ಮತ್ತು ಸುಧಾರಿತ ಅಲ್ಗಾರಿದಮ್‌ಗಳ ಸರಣಿಯನ್ನು ನಿಯಂತ್ರಿಸುತ್ತದೆ ಮತ್ತು ಫೋಟೋ ಗ್ಯಾಲರಿಯಲ್ಲಿನ ಶಾಟ್‌ಗಳಿಂದ ಯಾವುದೇ ಅನಗತ್ಯ ವಸ್ತುಗಳನ್ನು ಆಯ್ಕೆ ಮಾಡಿ ಅದನ್ನು ತೆಗೆದುಹಾಕುವ ಮೂಲಕ ಚಿತ್ರಗಳನ್ನು ಸಂಗ್ರಹಿಸಲು ಬಳಕೆದಾರರಿಗೆ ಸಹಕರಿಸುತ್ತದೆ.
ಒನ್ ಪ್ಲಸ್ ಸ್ಮಾರ್ಟ್‌ಫೋನ್ ಬಳಕೆದಾರರು ಪಾದಚಾರಿಗಳು, ಕಸ ಅಥವಾ ಚಿತ್ರದಲ್ಲಿನ ಅಪೂರ್ಣತೆಗಳಂತಹ ವಸ್ತುಗಳನ್ನು ತೆಗೆದುಹಾಕಲು ಒನ್ ಪ್ಲಸ್ ನ ಎಐ ಎರೇಸರ್ ಅನ್ನು ಬಳಸಬಹುದು. ಚಿತ್ರವನ್ನು ಆಯ್ಕೆ ಮಾಡಿದ ಬಳಿಕ ಎಐ ಅನ್ನು ಆಯ್ಕೆ ಮಾಡಿದರೆ ಅದು ಪ್ರದೇಶವನ್ನು ತೋರಿಸುತ್ತದೆ. ಚಿತ್ರದ ಒಟ್ಟಾರೆ ಶೈಲಿಗೆ ಸರಿಹೊಂದುವ ಹಾಗೆ ಫೋಟೋದ ಸುತ್ತಮುತ್ತಲಿನ ಪರಿಸರಕ್ಕೆ ಮಿಶ್ರಣವಾಗುವ ಬದಲಿ ಹಿನ್ನೆಲೆಯನ್ನು ತೆಗೆದುಹಾಕುತ್ತದೆ ಮತ್ತು ಸ್ವಯಂಚಾಲಿತವಾಗಿ ಚಿತ್ರವನ್ನು ರಚಿಸುತ್ತದೆ.
ಹೇಗಿತ್ತು ಯೋಜನೆ ?
ಒನ್ ಪ್ಲಸ್ ಎಐ ಅನ್ನು ಫೋನ್ ನಲ್ಲಿ ಅಳವಡಿಸಿಕೊಳ್ಳಲು ವ್ಯಾಪಕವಾದ ಸಂಶೋಧನೆ ಕೈಗೊಂಡಿತ್ತು. ಎಐ ನಿಂದ ರಚಿತವಾದ ವಿಷಯದ ನಿಖರತೆ ಮತ್ತು ವಿಶ್ವಾಸಾರ್ಹತೆಯನ್ನು ಖಚಿತಪಡಿಸಿಕೊಳ್ಳಲು ಕಂಪೆನಿಯು ಹೆಚ್ಚಿನ ಬಂಡವಾಳ ಹೂಡಿಕೆ ಮಾಡಿದೆ. ಇದಕ್ಕಾಗಿ ಸಿಬ್ಬಂದಿಗೆ ಕಟ್ಟುನಿಟ್ಟಿನ ತರಬೇತಿ ನೀಡಲಾಗಿದೆ. ಸಂಕೀರ್ಣ ಸಂದರ್ಭಗಳನ್ನು ಸಮಸ್ಯೆಗಳನ್ನು ನಿರ್ವಹಿಸಲು ತಂಡವನ್ನು ಸಜ್ಜುಗೊಳಿಸಲಾಗಿದೆ ಎಂದು ಕಂಪನಿ ತಿಳಿಸಿದೆ.
ಒನ್ ಪ್ಲಸ್ ನ ಜೊತೆಗಾರ ಕಂಪೆನಿಗಳಾದ ಒಪ್ಪೋ ಕೂಡ ಇದೇ ರೀತಿಯ ಎಐ ಎರೇಸರ್ ವೈಶಿಷ್ಟ್ಯವನ್ನುಪರಿಚಯಿಸಿದೆ. ಇದು ಕಂಪೆನಿಯ ಸ್ವಾಮ್ಯದ LLM, AndesGPTನಲ್ಲಿ ಕಾರ್ಯನಿರ್ವಹಿಸುತ್ತದೆ. ಫೋಟೋಗಳಿಂದ ಅನಗತ್ಯ ಅಂಶಗಳನ್ನು ತೆಗೆದುಹಾಕಲು ಎಐ ಅನ್ನು ಬಳಸುತ್ತದೆ. ಒಪ್ಪೋ ತನ್ನ ಒಡಿ ಸಿ 2023ರ ಕಾರ್ಯಕ್ರಮದಲ್ಲಿ ಇದನ್ನು ಅನಾವರಣಗೊಳಿಸಿದೆ. ಈ ವರ್ಷದಲ್ಲಿ ರೆನೊ 11 ಸರಣಿಗೆ ಅದನ್ನು ಪರಿಚಯಿಸಲು ಮುಂದಾಗಿದೆ.
ಎಐ ಜಗತ್ತಿಗೆ ಒನ್ ಪ್ಲಸ್ ಪ್ರವೇಶದ ಕುರಿತು ಮಾತನಾಡಿದ ಒನ್ ಪ್ಲಸ್ ನ ಅಧ್ಯಕ್ಷ ಮತ್ತು ಸಿಒಒ ಕಿಂಡರ್ ಲಿಯು, ಎಐ ತಂತ್ರಜ್ಞಾನವನ್ನು ಆಧರಿಸಿದ ಒನ್ ಪ್ಲಸ್ ನ ಎಐ ಎರೇಸರ್ ಬಳಕೆದಾರರಿಗೆ ಸುಲಭವಾಗುವ ನಿಟ್ಟಿನಲ್ಲಿ ಕೆಲಸ ಮಾಡುತ್ತದೆ. ಫೋಟೋಗಳನ್ನು ರಚಿಸಲು ಬಳಕೆದಾರರಿಗೆ ಅಧಿಕಾರ ನೀಡುತ್ತದೆ. ಇದರಲ್ಲಿ ಇನ್ನೂ ಹಲವು ವಿಶೇಷತೆಗಳನ್ನು ಪರಿಚಯಿಸಲು ಯೋಜಿಸಿದ್ದೇವೆ ಮತ್ತು ಮುಂದಿನ ದಿನಗಳಲ್ಲಿ ಅದು ಲಭ್ಯವಾಗುವುದು.