ವಾಟ್ಸಾಪ್ (WhatsApp) ತನ್ನ ಬಳಕೆದಾರರಿಗೆ ಅಗತ್ಯ ನೆರವು ಒದಗಿಸಲು ಆಗಾಗ ಹೊಸ ಹೊಸ ಫೀಚರ್‌ಗಳನ್ನು (WhatsApp New Feature) ಪರಿಚಯಿಸುತ್ತದೆ. ಹೊಸ ಅಪ್‌ಡೇಟ್‌ಗಳನ್ನು (WhatsApp Updates) ನೀಡುತ್ತದೆ. ವಾಟ್ಸಾಪ್‌ನಲ್ಲಿ ಚಾಟ್ (WhatsApp Chat) ಮಾಡಬೇಕಿದ್ದರೆ, ನೀವು ಯಾರೊಂದಿಗೆ ಚಾಟ್ ಮಾಡಬೇಕು ಎಂದುಕೊಳ್ಳುತ್ತೀರೋ ಅವರ ನಂಬರ್ ಸೇವ್ (Phone Number) ಮಾಡಿಕೊಳ್ಳಬೇಕಾಗುತ್ತದೆ. ಆದರೆ, ಕೆಲವೊಮ್ಮೆ ಅಪರಿಚಿತರಿಗೆ ತೀರಾ ಚಿಕ್ಕ ಅಗತ್ಯಕ್ಕೆ ಚಾಟ್ ಮಾಡುವ ಅಗತ್ಯ ಬೀಳುತ್ತದೆ. ಅಂಥ ಸಂದರ್ಭದಲ್ಲಿ ನಂಬರ್ ಸೇವ್ ಮಾಡಿ ಚಾಟ್ ಮಾಡುವುದು ಕಷ್ಟ. ಹಾಗಾದ್ರೆ, ನಂಬರ್ ಸೇವ್ ಮಾಡದೇ ಚಾಟ್ ಮಾಡಲು ಸಾಧ್ಯ ಇಲ್ಲವೇ? ಖಂಡಿತ ಸಾಧ್ಯವಿದೆ. ವಾಟ್ಸಾಪ್ ಇತ್ತೀಚೆಗೆಷ್ಟೇ ಹೊಸ ಅಪ್‌ಡೇಟ್ ನೀಡಿದ್ದು, ನಂಬರ್ ಸೇವ್ ಮಾಡದೇ ಚಾಟ್ ಮಾಡಲು ಬಳಕೆದಾರರಿಗೆ ಅವಕಾಶ ಕಲ್ಪಿಸಿಕೊಡುತ್ತದೆ.
ಅಪರಿಚಿತ ಬಳಕೆದಾರರೊಂದಿಗೆ ಚಾಟ್ ಅನ್ನು ಪ್ರಾರಂಭಿಸುವ ಸಾಮರ್ಥ್ಯವನ್ನು ಇತ್ತೀಚೆಗೆ ವಾಟ್ಸಾಪ್‌ನಲ್ಲಿ ಹೊರತರಲಾಗಿದೆ. ಹೊಸ ವೈಶಿಷ್ಟ್ಯವನ್ನು ಬಳಸಲು ಪ್ರಾರಂಭಿಸಲು ನೀವು ಗೂಗಲ್ ಪ್ಲೇ ಅಥವಾ ಆ್ಯಪಲ್‌ನ ಆಪ್ ಸ್ಟೋರ್‌ನಿಂದ ವಾಟ್ಸಾಪ್ ಅನ್ನು ನವೀಕರಿಸಿಕೊಳ್ಳಬೇಕಾಗುತ್ತದೆ.
ಹಿಂದೆ, ಬಳಕೆದಾರರು ವಾಟ್ಸಾಪ್‌ನಲ್ಲಿ ಹೊಸ ಚಾಟ್ ಅನ್ನು ಪ್ರಾರಂಭಿಸಲು ಥರ್ಡ್ ಪಾರ್ಟಿ ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡಬೇಕಾಗಿತ್ತು ಅಥವಾ ಅವರ ಬ್ರೌಸರ್‌ನ ವಿಳಾಸ ಪಟ್ಟಿಯಲ್ಲಿ wa.me/ ಎಂದು ಟೈಪ್ ಮಾಡಿ ನಂತರ ಅವರು ಸಂಪರ್ಕಿಸಲು ಬಯಸುವ ವ್ಯಕ್ತಿಯ ಫೋನ್ ಸಂಖ್ಯೆಯನ್ನು ನಮೂದಿಸಬೇಕಾಗುತ್ತಿತ್ತು. ಆದಾಗ್ಯೂ, ಅಪ್ಲಿಕೇಶನ್‌ನ ಒಳಗಿನಿಂದ ಅಪರಿಚಿತರೊಂದಿಗೆ ಚಾಟ್ ಅನ್ನು ಪ್ರಾರಂಭಿಸಲು ನಿಮಗೆ ಅನುಮತಿಸುವ ಇತ್ತೀಚಿನ ವೈಶಿಷ್ಟ್ಯದಂತೆ ಈ ವಿಧಾನಗಳು ಬಳಕೆದಾರ ಸ್ನೇಹಿಯಾಗಿರಲಿಲ್ಲ.
ಈ ಸುದ್ದಿಯನ್ನೂ ಓದಿ: WhatsApp New Feature: ಇನ್ನು ವಾಟ್ಸಾಪ್ ಗ್ರೂಪ್‌ಗಳಲ್ಲಿ ಫೋನ್ ನಂಬರ್ ಯಾರಿಗೂ ಕಾಣಿಸದಂತೆ ಮಾಡಬಹುದು!
ನಂಬರ್ ಸೇವ್ ಮಾಡದೇ ಹೇಗೆ ಚಾಟ್ ಮಾಡುವುದು?
ನಿಮ್ಮ ವಾಟ್ಸಾಪ್ ಆ್ಯಪ್ ಅಪ್‌ಡೇಟ್ ಆಗಿದೆಯೇ ಚೆಕ್ ಮಾಡಿಕೊಳ್ಳಿ. ಒಂದು ವೇಳೆ ಆಗದಿದ್ದರೆ, ವಾಟ್ಸಾಪ್ ಅಪ್‌ಡೇಟ್ ಮಾಡಿಕೊಳ್ಳಿ. ಬಳಿಕ ಹೊಸ ಚಾಟ್ ಪ್ರಾರಂಭಿಸಲು ವಾಟ್ಸಾಪ್ ತೆರೆಯಿರಿ ಮತ್ತು ಬಟನ್ ಅನ್ನು ಟ್ಯಾಪ್ ಮಾಡಿ. ನೀವು ಚಾಟ್ ಮಾಡಲು ಇಚ್ಛಿಸುವ ನಂಬರ್ ಅನ್ನು ಸರ್ಚ್ ಬಾರ್‌ನಲ್ಲಿ ಟೈಪ್ ಮಾಡಿ. ಬಳಿಕ, ನಿಮ್ಮ ಸಂಪರ್ಕಗಳಲ್ಲಿ ಇಲ್ಲ ವಿಭಾಗದಲ್ಲಿ ಪಟ್ಟಿ ಮಾಡಲಾದ ಸಂಖ್ಯೆಯನ್ನು ನೋಡಿ ಮತ್ತು ಚಾಟ್ ಮೇಲೆ ಟ್ಯಾಪ್ ಮಾಡಿ. ಇಷ್ಟಾದ ಮೇಲೆ ನೀವು ಮೆಸೇಜ್ ಮತ್ತು ಸೆಂಡ್ ಬಟನ್ ಮೇಲೆ ಟ್ಯಾಪ್ ಮಾಡುವ ಮೂಲಕ ಚಾಟ್ ಆರಂಭಿಸಬಹುದಾಗಿದೆ.
ತಂತ್ರಜ್ಞಾನ ಇನ್ನಷ್ಟು ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.