ಬೆಂಗಳೂರು: ಪ್ರಮುಖ ಡಿಜಿಟಲ್ ವರ್ಕ್‌ಫ್ಲೋ (Digital Work flow) ಕಂಪನಿಯಾದ ಸರ್ವೀಸ್ ನೌ ಇಂಡಿಯಾ (ServiceNow India) ಇಂದು ಫ್ಯೂಚರ್‌ಸ್ಕಿಲ್ಸ್ ಪ್ರೈಮ್‌ನೊಂದಿಗ (FutureSkills Prime) ತನ್ನ ಕೌಶಲ್ಯದ ಪಾಲುದಾರಿಕೆಯ ಕುರಿತು ಪ್ರಕಟಿಸಿದೆ – ಇದು MeitYnasscomdigital ಕೌಶಲ್ಯ ಅಭಿಯಾನವಾಗಿದ್ದು–ಭಾರತದಾದ್ಯಂತ 5,000 ಕಲಿಕಾದಾರರಿಗೆ ಹೊಸ ಡಿಜಿಟಲ್ ಕೌಶಲ್ಯಗಳನ್ನು ನೀಡುತ್ತದೆ. ಪಾಲುದಾರಿಕೆಯು ಸರ್ವಿಸ್‌ನೌನ ನೆಟ್‌ವರ್ಕ್‌ ನಲ್ಲಿ ಲಾಭದಾಯಕ ವೃತ್ತಿಜೀವನ ರೂಪಿಸಲು ಉತ್ತಮ ಮಾರ್ಗಗಳನ್ನು ನೀಡುತ್ತದೆ. ಸರ್ವಿಸ್‌ನೌ ಪಾಲುದಾರಿಕೆಯೊಂದಿಗೆ 2024 ರ ಅಂತ್ಯದ ವೇಳೆಗೆ ಜಾಗತಿಕವಾಗಿ ಒಂದು ದಶಲಕ್ಷ ಜನರಿಗೆ ಕೌಶಲ್ಯ ನೀಡಲು ರೈಸ್‌ಅಪ್ ಉದ್ದೇಶಿಸಿದೆ.
ಈ ಅಭಿಯಾನ ಭಾರತವನ್ನು ಜಾಗತಿಕ ಪ್ರತಿಭಾ ಕೇಂದ್ರವಾಗಿ ಅಭಿವೃದ್ಧಿಪಡಿಸುವ ಭಾರತ ಸರ್ಕಾರದ ಪ್ರಯತ್ನಗಳನ್ನು ಪ್ರೋತ್ಸಾಹಿಸುತ್ತದೆ ಹಾಗೂ ಎಲ್ಲಾ ಕಲಿಕಾದಾರರಿಗೆ ಯಾವುದೇ ವೆಚ್ಚವಿಲ್ಲದೇ ಎರಡು ಪ್ರವೇಶ ಹಂತದ ಆಗ್ರಹಪೂರ್ವಕ ಸರ್ವೀಸ್ ನೌ ಕೋರ್ಸ್ ಗಳನ್ನು ಆರಂಭಿಸಲಿದೆ. ಸರ್ವೀಸ್ ನೌ ಗೆ ಸ್ವಾಗತ ಹಾಗೂ ಸರ್ವೀಸ್ ನೌ ಅಡ್ಮಿನಿಸ್ಟ್ರೇಷನ್ ಮೂಲಭೂತ ಸೌಕರ್ಯಗಳು ಡಿಜಿಟಲ್ ವೃತ್ತಿಯಾಗಿ ಸ್ಥಾಪಿಸಲು ಅಗತ್ಯವಿರುವ ತಾಂತ್ರಿಕ ಹಾಗೂ ಅಂತರ್ ವ್ಯಕ್ತೀಯ ಕೌಶಲ್ಯಗಳನ್ನು ಒಳಗೊಂಡಿದೆ.
ವೃತ್ತಿಪರ ಶಿಕ್ಷಣ ಮತ್ತು ತರಬೇತಿಗಾಗಿ ರಾಷ್ಟ್ರೀಯ ಸಮಿತಿ (ಎನ್ ವಿ ಸಿ ಇ ಟಿ) ಅನುಮೋದಿಸಿದ ಪ್ರಮಾಣಿತ ಮತ್ತು ಉತ್ತಮ ಗುಣಮಟ್ಟದ ವೃತ್ತಿಪರ ಹಾಗೂ ಶಿಕ್ಷಣ ವ್ಯವಸ್ಥೆಯನ್ನು ರಚಿಸಲು ಪಠ್ಯಕ್ರಮವನ್ನು ರಾಷ್ಟ್ರೀಯ ಕೌಶಲ್ಯ ಅರ್ಹತಾ ಚೌಕಟ್ಟಿಗೆ (ಎನ್ ಎಸ್ ಕ್ಯು ಎಫ್) ಹೊಂದಿಸಲಾಗಿದೆ. ಸರ್ವೀಸ್ ನೌ ಅಡ್ಮಿನಿಸ್ಟ್ರೇಷನ್ ಫಂಡಮೆಂಟಲ್ಸ್ ಯಶಸ್ವಿಯಾಗಿ ಪೂರ್ಣಗೊಂಡ ನಂತರ, ವ್ಯಕ್ತಿಗಳು ಸರ್ವೀಸ್ ನೌ ಪ್ರಮಾಣಿತ ಸಿಸ್ಟಮ್ ಅಡ್ಮಿನಿಸ್ಟ್ರೇಟರ್ (ಸಿ ಎಸ್ ಎ) ಆಗಿ ಪ್ರಮಾಣೀಕರಣ ಪರೀಕ್ಷೆಯನ್ನು ತೆಗೆದುಕೊಳ್ಳಲು ಅರ್ಹತೆ ಪಡೆಯುತ್ತಾರೆ.
ಎಸ್ ಎಸ್ ಎ ನ್ಯಾಸ್ ಕ್ಯಾಂ ನ ಸಿಇಓ ಕೀರ್ತಿ ಸೇಠ್ ಹೀಗೆ ಹೇಳಿದ್ದಾರೆ, “ಭಾರತವನ್ನು ಡಿಜಿಟಲ್ ಜಾಗತಿಕ ಪ್ರತಿಭಾ ಕೇಂದ್ರವಾಗಿ ಪರಿವರ್ತಿಸುವ ಫ್ಯೂಚರ್ ಸ್ಕಿಲ್ಸ್ ಪ್ರೈಮ್ ದೃಷ್ಟಿಕೋನದೊಂದಿಗೆ ಹೊಂದಿಕೆಯಾಗಿರುವುದರಿಂದ ನಾವು ಸರ್ವೀಸ್ ನೌ ನೊಂದಿಗೆ ಪಾಲುದಾರಿಕೆ ಹೊಂದಲು ಸಂತೋಷಪಡುತ್ತೇವೆ.
ಈ ಸಹಯೋಗವು ಎರಡು ಉದ್ಯಮ ಸಂಬಂಧಿತ ಕೋರ್ಸ್‌ಗಳನ್ನು 1.3 ದಶಲಕ್ಷ ಫ್ಯೂಚರ್‌ಸ್ಕಿಲ್ಸ್ ಪ್ರೈಮ್ ಕಲಿಕಾದಾರರಿಗೆ ನೀಡಲಿದೆ. ಈ ಕೋರ್ಸ್‌ಗಳು ನ್ಯಾಷನಲ್ ಸ್ಕಿಲ್ಸ್ ಕ್ವಾಲಿಫಿಕೇಶನ್ ಫ್ರೇಮ್‌ವರ್ಕ್ (ಎನ್ ಎಸ್ ಕ್ಯು ಎಫ್) ಗೆ ಹೊಂದಿಸಲ್ಪಟ್ಟಿದ್ದು, ವಿದ್ಯಾರ್ಥಿಗಳು, ವೃತ್ತಿಪರ ಕೆಲಸಗಾರರು ಮತ್ತು ವ್ಯಕ್ತಿಗಳಿಗೆ ವರ್ಗಾಯಿಸಬಹುದಾದ ಕೌಶಲ್ಯಗಳನ್ನು ನೀಡುತ್ತವೆ, ಇದು ಹೆಚ್ಚಾಗಿ ಭಾರತದಲ್ಲಿನ ಚಿಕ್ಕ ಊರುಗಳಿಂದ ಬಂದು ಕಲಿಯುವವರಿಗೆ ತಾಂತ್ರಿಕ ಸಾಮರ್ಥ್ಯ ಬೆಳೆಸಲು ಮತ್ತು ವೃತ್ತಿಜೀವನವನ್ನು ನಿರ್ಮಿಸುವ ಗುರಿಯನ್ನು ಹೊಂದಿದೆ.”
ಭಾರತೀಯ ಉಪಖಂಡ ಮತ್ತು ಸಾರ್ಕ್‌ ಉಪಾಧ್ಯಕ್ಷ ಹಾಗೂ ವ್ಯವಸ್ಥಾಪಕ ನಿರ್ದೇಶಕರಾದ ಕಮೋಲಿಕಾ ಗುಪ್ತಾ ಪೆರೇಸ್ ಹೀಗೆ ಹೇಳಿದ್ದಾರೆ, “ಉದಯೋನ್ಮುಖ ತಂತ್ರಜ್ಞಾನಗಳಿಗಾಗಿ ಜಾಗತಿಕ ಮಾರುಕಟ್ಟೆ ಅಗತ್ಯಗಳನ್ನು ಪೂರೈಸಲು ಭಾರತದ ಕಾರ್ಯಪಡೆಯನ್ನು ಸಿದ್ಧಪಡಿಸುವುದು ಮುಂದಿನ ವರ್ಷದಲ್ಲಿ ಭಾರತಕ್ಕೆ ದೊಡ್ಡ ಸವಾಲು ಮತ್ತು ಅವಕಾಶಗಳಲ್ಲಿ ಒಂದಾಗಿದೆ.
ನಾನು ಸರ್ವೀಸ್ ನೌ ಗ್ರಾಹಕರೊಂದಿಗೆ ಹಣಕಾಸು ಸೇವೆಗಳು, ಸಾರ್ವಜನಿಕ ವಲಯ, ದೂರಸಂಪರ್ಕ, ಉತ್ಪಾದನೆ ಮತ್ತು ಡಿಜಿಟಲ್ ಸ್ಥಳೀಯ ಕೈಗಾರಿಕೆಗಳ ಬಗ್ಗೆ ಮಾತನಾಡುವಾಗ, ಎಲ್ಲರೂ ತಮ್ಮ ಸಂಸ್ಥೆಗಳಲ್ಲಿ ಡಿಜಿಟಲ್ ಕೆಲಸದ ಹರಿವನ್ನು ಸಕ್ರಿಯಗೊಳಿಸುವ ಕೌಶಲ್ಯಯುತ ಕೆಲಸಗಾರರನ್ನು ನೇಮಿಸಿಕೊಳ್ಳಲು ಅಥವಾ ಗುತ್ತಿಗೆಗೆ ಒಂದು ಸಾಮಾನ್ಯ ಪ್ರಮುಖ ಸವಾಲನ್ನು ಹಂಚಿಕೊಳ್ಳುತ್ತಾರೆ. ಫ್ಯೂಚರ್ ಸ್ಕಿಲ್ಸ್ ಪ್ರೈಮ್ – MeitYnasscomdigital ನ ಕೌಶಲ್ಯ ಅಭಿಯಾನವಾಗಿದ್ದು – ನಿರ್ಣಾಯಕ ವ್ಯಾಪಾರದ ಅಗತ್ಯವನ್ನು ಪರಿಹರಿಸುತ್ತದೆ ಮತ್ತು ಭಾರತದಲ್ಲಿ ಭವಿಷ್ಯಕ್ಕೆ ಸಿದ್ಧವಾದ ಕಾರ್ಯಪಡೆಯನ್ನು ನಿರ್ಮಿಸಲು ಸರ್ವೀಸ್ ನೌ ದೃಷ್ಟಿಕೋನವನ್ನು ಬಲಪಡಿಸುತ್ತದೆ.”
ತಂತ್ರಜ್ಞಾನದ ಇನ್ನಷ್ಟು ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.