ನವದೆಹಲಿ: ಸ್ಮಾರ್ಟ್‌ಫೋನ್ ತಯಾರಿಕಾ ಪ್ರಮುಖ ಕಂಪನಿಗಳಲ್ಲಿ ಒಂದಾಗಿರುವ ಸ್ಯಾಮ್ಸಂಗ್, ಭಾರತೀಯ ಮಾರುಕಟ್ಟೆಗೆ (Indian Smartphone Market) ಮತ್ತೊಂದು ಸ್ಮಾರ್ಟ್‌ಫೋನ್ ಲಾಂಚ್ ಮಾಡಲಿದೆ. ಕಂಪನಿಯ ಹೇಳಿಕೆಯ ಪ್ರಕಾರ, ಆಗಸ್ಟ್ 7ರಂದು ಭಾರತೀಯ ಮಾರುಕಟ್ಟೆಗೆ ಸ್ಯಾಮ್ಸಂಗ್ ಗ್ಯಾಲಕ್ಸಿ ಎಫ್34 5ಜಿ (Samsung Galaxy F34 5G) ಸ್ಮಾರ್ಟ್‌ಫೋನ್ ಬಿಡುಗಡೆಯಾಗಲಿದೆ. ಈ ಕುರಿತು ಕಂಪನಿಯು ಪ್ರೋಮೋ ಬಿಡುಗಡೆ ಮಾಡಿದ್ದು, ಬೆಲೆಯ ಮಾಹಿತಿ ನೀಡಲಾಗಿದೆ.
ಈ ಫೋನ್, ಎಲೆಕ್ಟ್ರಿಕ್ ಬ್ಲ್ಯಾಕ್ ಮತ್ತು ಮಿಸ್ಟಿಕ್ ಗ್ರೀನ್ ಬಣ್ಣಗಳ ಆಯ್ಕೆಯಲ್ಲಿ ದೊರೆಯಲಿದೆ. ಈಗ ಬಿಡುಡೆಯಾಗಲಿರುವ ಸ್ಯಾಮ್ಸಂಗ್ ಗ್ಯಾಲಕ್ಸಿ ಎಫ್34 5ಜಿ ಫೋನ್, ಇದು ಈ ಹಿಂದೆ ಮಾರ್ಚ್‌ನಲ್ಲಿ ಆಕ್ಟಾ-ಕೋರ್ ಮತ್ತು 5,000mAh ಬ್ಯಾಟರಿಯೊಂದಿಗೆ ಬಿಡುಗಡೆಯಾದ ಗ್ಯಾಲಕ್ಸಿ ಎ34 5ಜಿ(Galaxy A34 5G) ಫೋನ್ ಮರುಬ್ರಾಂಡೆಡ್ ಆವೃತ್ತಿಯಾಗಿದೆ ಎಂದು ನಿರೀಕ್ಷಿಸಲಾಗಿತ್ತು. Galaxy A34 5G 6.6-ಇಂಚಿನ ಡಿಸ್ಪ್ಲೇ ಮತ್ತು 48 ಮೆಗಾ ಪಿಕ್ಸೆಲ್ ಪ್ರಾಥಮಿಕ ಸಂವೇದಕ ಲೀಡ್ ಟ್ರಿಪಲ್ ಹಿಂಬದಿಯ ಕ್ಯಾಮೆರಾ ಘಟಕ ಮತ್ತು 13 ಮೆಗಾಪಿಕ್ಸೆಲ್ ಮುಂಭಾಗದ ಕ್ಯಾಮೆರಾ ಹೊಂದಿದೆ.
ಈ ಫೋನ್ 6.5-ಇಂಚಿನ ಫುಲ್ ಎಚ್ ಡಿ + (2400 x 1080 ಪಿಕ್ಸೆಲ್‌ಗಳು) ಸೂಪರ್ AMOLED ಡಿಸ್ಪ್ಲೇ ಜೊತೆಗೆ 120Hz ವರೆಗೆ ರಿಫ್ರೆಶ್ ದರ, 1,000 ನಿಟ್‌ಗಳ ಗರಿಷ್ಠ ಹೊಳಪು ಮತ್ತು ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ 5. ದಿ ಗ್ಯಾಲಕ್ಸಿ F34 ರ ರಕ್ಷಣೆಯೊಂದಿಗೆ ಬರುತ್ತದೆ ಎಂದು ಖಚಿತಪಡಿಸಲಾಗಿದೆ. 5ಜಿ ಆಂಡ್ರಾಯ್ಡ್ 13 ಆಧಾರಿತ One UI 5.1.1 ಒಎಸ್‌ನ ನಿರೀಕ್ಷೆಯಿದೆ.
Samsung Galaxy F34 5G ಫೋನ್ ಟ್ರಿಪಲ್ ಹಿಂಬದಿಯ ಕ್ಯಾಮೆರಾ ಘಟಕವು ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಶನ್ (OIS) ಜೊತೆಗೆ 50-ಮೆಗಾಪಿಕ್ಸೆಲ್ ಪ್ರಾಥಮಿಕ ಕ್ಯಾಮೆರಾವನ್ನು ಒಳಗೊಂಡಿರುತ್ತದೆ ಎಂದು ಖಚಿತಪಡಿಸಲಾಗಿದೆ. ಈ ಫೋನ್‌ನಲ್ಲಿ ದೊಡ್ಡ 6,000mAh ಬ್ಯಾಟರಿಯನ್ನು ಕಾಣಬಹುದು ಎಂದು ಕಂಪನಿ ಹೇಳಿದೆ. ಬ್ಯಾಟರಿ ಹಿನ್ನೆಲೆಯಲ್ಲಿ ಈ ಫೋನ್ ನೋಡುವುದಾದರೆ, ದಿ ಬೆಸ್ಟ್ ಎಂದು ಹೇಳಬಹುದು.
ಈ ಸುದ್ದಿಯನ್ನೂ ಓದಿ: ChatGPT: ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್‌ಗಳಿಗೆ ಚಾ‌ಟ್‌ಜಿಪಿಟಿ ಲಾಂಚ್! ಆ್ಯಪ್ ಡೌನ್‌ಲೋಡ್ ಮಾಡಿಕೊಂಡಿಲ್ವಾ?
ಏತನ್ಮಧ್ಯೆ, ಗ್ಯಾಲಕ್ಸಿ ಎ34 5ಜಿ ಫೋನ್‌ನ 8GB + 128GB ರೂಪಾಂತರವು ಮೂಲಭೂತವಾಗಿ ಗ್ಯಾಲಕ್ಸಿ ಎಫ್34 5ಜಿ ಸ್ಮಾರ್ಟ್‌ಫೋನ್‌ನಂತೆಯೇ ಇರಲಿದೆ ಎಂದು ಹೇಳಲಾಗುತ್ತಿದೆ. ಇದರ ಬೆಲೆ 30,999 ರೂ. ಇರಲಿದೆ. ಈ ಫೋನ್‌ನ ಹೈ ಎಂಡ್ ವರ್ಷನ್ ಬೆಲೆ ಭಾರತೀಯ ಮಾರುಕಟ್ಟೆಯಲ್ಲಿ ಅಂದಾಜು 32,999 ರೂ. ಇರಬಹುದು ಎಂದು ಅಂದಾಜಿಸಲಾಗುತ್ತಿದೆ.
ತಂತ್ರಜ್ಞಾನದ ಇನ್ನಷ್ಟು ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.