ಬೆಂಗಳೂರು: ಲೈಟಿಂಗ್‌ನಲ್ಲಿ ವಿಶ್ವದ ಮುಂಚೂಣಿಯಲ್ಲಿರುವ ಸಂಸ್ಥೆಯಾದ ಸಿಗ್ನಿಫೈ(Signify), ಫಿಲಿಪ್ಸ್ Hexa-ಬಲ್ಬ್ ಮತ್ತು O-ಬಲ್ಬ್ ಎಂಬ ಎರಡು ವಿಶಿಷ್ಟ ಆಕಾರದ LED ಬಲ್ಬ್‌ಗಳನ್ನು ಭಾರತದಲ್ಲಿ ಬಿಡುಗಡೆ ಮಾಡಿದೆ. ಷಡ್ಭುಜಾಕೃತಿಯ ಮತ್ತು ವೃತ್ತಾಕಾರದ ಬಲ್ಬ್‌ಗಳನ್ನು ಅಲಂಕಾರಿಕ ದೀಪಗಳಾಗಿ ನಿಮ್ಮ ಒಳಾಂಗಣಕ್ಕೆ ಸೊಗಸಾದ ಅಂದವನ್ನು ನೀಡಲು ಮತ್ತು ಪರಿಪೂರ್ಣ ವಾತಾವರಣವನ್ನು ಸೃಷ್ಟಿಸಲು ಬಳಸಬಹುದಾಗಿದೆ, ನೀವು ಸಾಮಾಜಿಕವಾಗಿ ಅಥವಾ ನಿಮ್ಮ ಪ್ರೀತಿಪಾತ್ರರೊಂದಿಗೆ ಸ್ವಲ್ಪ ನೆಮ್ಮದಿಯ ಸಮಯವನ್ನು ಕಳೆಯಲು ಇದು ಸಹಕಾರಿಯಾಗಿದೆ.
ಎರಡೂ ಬಲ್ಬ್‌ಗಳು ಸರಳವಾದ ಪ್ಲಗ್-ಎನ್-ಪ್ಲೇ ಫಾರ್ಮ್ ಅನ್ನು ಹೊಂದಿದ್ದು, ಈಗಾಗಲೇ ಇರುವ LED ಬಲ್ಬ್ ಸಾಕೆಟ್‌ಗಳಲ್ಲಿ ಸುಲಭವಾಗಿ ಅಳವಡಿಸಬಹುದಾಗಿದೆ. ನಿಮ್ಮ ಕಣ್ಣುಗಳಿಗೆ ಆರಾಮದಾಯಕವಾಗುವಂತೆ ವಿನ್ಯಾಸಗೊಳಿಸಲಾಗಿದ್ದು, ಸಾಮಾನ್ಯ ವೃತ್ತಾಕಾರದ LED ಬಲ್ಬ್‌ಗಳಿಗೆ ಹೋಲಿಸಿದರೆ, ಈ ಬಲ್ಬ್‌ಗಳು ವಿಶಾಲವಾದ ಬೆಳಕಿನ ಹರವನ್ನು ನೀಡುತ್ತವೆ.
ನೂತನ ಉತ್ಪನ್ನದ ಮಾರುಕಟ್ಟೆ ಪ್ರವೇಶಾತಿಯ ಕುರಿತು, ಸಿಗ್ನಿಫೈ (ದಕ್ಷಿಣ ಏಷ್ಯಾ) ಸಿಇಒ ಮತ್ತು ವ್ಯವಸ್ಥಾಪಕ ನಿರ್ದೇಶಕರಾದ ಸುಮಿತ್ ಜೋಶಿ ಪ್ರತಿಕ್ರಿಯಿಸುತ್ತಾ, “ಬೆಳಕಿನ ಕ್ಷೇತ್ರದಲ್ಲಿ ಜಾಗತಿಕ ನಾಯಕರಾಗಿ, ಸಿಗ್ನಿಫೈ ಯಾವಾಗಲೂ ನಾವೀನ್ಯತೆಯಲ್ಲಿ ಪ್ರವರ್ತಕರಾಗಿದ್ದಾರೆ. ಭಾರತದಲ್ಲಿ T-ಬಲ್ಬ್ ವರ್ಗವನ್ನು ಯಶಸ್ವಿಯಾಗಿ ರಚಿಸಿದ ನಂತರ, ನಮ್ಮ ಇತ್ತೀಚಿನ ಶ್ರೇಣಿಯ ನವೀನ ಆಕಾರದ LED ಬಲ್ಬ್‌ಗಳಾದ ಫಿಲಿಪ್ಸ್ ಹೆಕ್ಸಾ-ಬಲ್ಬ್ ಮತ್ತು O-ಬಲ್ಬ್ ಶ್ರೇಣಿಯನ್ನು ಪ್ರಾರಂಭಿಸಲು ನಾವು ಸಂತೋಷಪಡುತ್ತೇವೆ. ಅವುಗಳ ನಯವಾದ ವಿನ್ಯಾಸವು ನಿಮ್ಮ ಮನೆಯ ಒಳಾಂಗಣದ ಸೊಬಗನ್ನು ಇನ್ನುಷ್ಟು ಹೆಚ್ಚಿಸುತ್ತದೆ ಮತ್ತು ನಿಮ್ಮ ಕಣ್ಣುಗಳಿಗೆ ಆಹ್ಲಾದವನ್ನು ಉಂಟುಮಾಡುತ್ತದೆ, ಇದು ನಮ್ಮ EyeComfort ತಂತ್ರಜ್ಞಾನದ ಕೊಡುಗೆಯಾಗಿದೆ.
ಫಿಲಿಪ್ಸ್ ಹೆಕ್ಸಾ-ಬಲ್ಬ್, 16W, 1500 ಲುಮೆನ್ ರೂಪಾಂತರದಲ್ಲಿ ಲಭ್ಯವಿದೆ ಹಾಗೆಯೇ ಫಿಲಿಪ್ಸ್ O-ಬಲ್ಬ್, ಪ್ರಸ್ತುತ 20W, 1800 ಲ್ಯುಮೆನ್ಸ್ ರೂಪಾಂತರದಲ್ಲಿ ಲಭ್ಯವಿದೆ. ಎರಡೂ ಬಲ್ಬ್‌ಗಳು ತಂಪಾದ ಮತ್ತು ಬೆಚ್ಚಗಿನ ಬಿಳಿ ಬಣ್ಣಗಳಲ್ಲಿ ಲಭ್ಯವಿವೆ, ಎಲ್ಲಾ ಸಣ್ಣ ಮತ್ತು ದೊಡ್ಡ ಸ್ವರೂಪದ ಚಿಲ್ಲರೆ ಅಂಗಡಿಗಳು ಮತ್ತು ಇ-ಕಾಮರ್ಸ್ ಪ್ಲಾಟ್‌ಫಾರ್ಮ್‌ಗಳಲ್ಲಿ ಕ್ರಮವಾಗಿ ₹999/-ಮತ್ತು ₹1199 ಇದೆ.
ಇದನ್ನೂ ಓದಿ | Philips Smart | ಭಾರತದಲ್ಲಿ ಫಿಲಿಪ್ಸ್ ಸ್ಮಾರ್ಟ್‌ ಎಲ್‌ಇಡಿ ಸ್ಕ್ವೈರ್, ಹೀರೋ ಲ್ಯಾಂಪ್ ಲಾಂಚ್