ಬೆಂಗಳೂರು: ಎರಡು ದಿನಗಳ ಹಿಂದೆಯಷ್ಟೇ ಜಾಗತಿಕ ಮಾರುಕಟ್ಟೆಗೆ ಲಾಂಚ್ ಆಗಿದ್ದ ಶವೊಮಿ 13 ಪ್ರೋ (Xiaomi 13 Pro) ಸ್ಮಾರ್ಟ್ಫೋನ್ ಈಗ ಭಾರತೀಯ ಮಾರುಕಟ್ಟೆಗೆ ಕಾಲಿಟ್ಟಿದೆ. ಈ ಫೋನ್ ಮಾರ್ಚ್ 6ರಿಂದ ಮಾರಾಟಕ್ಕೆ ಸಿಗಲಿದೆ. ಈ ಫೋನ್ ಬೆಲೆ ಸುಮಾರು 79,990 ರೂ. ಇರಲಿದೆ ಎನ್ನಲಾಗುತ್ತಿದೆ.
ಸೆರಾಮಿಕ್ ಬ್ಲ್ಯಾಕ್ ಮತ್ತು ಸೆರಾಮಿಕ್ ವೈಟ್‌ ಬಣ್ಣಗಳ ಆಯ್ಕೆಯಲ್ಲಿ ಮಾರಾಟಕ್ಕೆ ದೊರೆಯಲಿರುವ ಈ ಫೋನ್, ಶವೊಮಿಯ ಹೈಎಂಡ್ ಸ್ಮಾರ್ಟ್ಫೋನ್ ಆಗಿದೆ. ಈ ಫೋನ್ 12 ಜಿಬಿ RAM ಮತ್ತು 156 ಜಿಬಿ ಸ್ಟೋರೇಜ್‌ ಸಿಂಗಲ್ ವೆರಿಯಂಟ್‌ ಇದ್ದು, mi.com ಮೂಲಕ ಖರೀದಿಸಬಹುದಾಗಿದೆ. ಜತೆಗೆ ಆಫ್‌ಲೈನ್ ಸ್ಟೋರ್‌ಗಳಲ್ಲೂ ಖರೀದಿಗೆ ಸಿಗಲಿದೆ.
ಇದನ್ನೂ ಓದಿ: Xiaomi Car | ಎಲೆಕ್ಟ್ರಿಕ್ ಕಾರು ಮಾರುಕಟ್ಟೆಗೆ ಇಳಿಸಲಿದೆ ಜನಪ್ರಿಯ ಸ್ಮಾರ್ಟ್ಫೋನ್ ಬ್ರಾಂಡ್ ರೆಡ್ಮಿ!
ಐಸಿಐಸಿಐ ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್‌ದಾರರಿಗೆ ಫ್ಲ್ಯಾಟ್ 10 ಸಾವಿರ ಡಿಸ್ಕೌಂಟ್ ಸಿಗಲಿದೆ. ಇದೇ ವೇಳೆ, ಎಚ್‌ಡಿಎಫ್‌ಸಿ ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್ ಇದ್ದವರಿಗೆ 8 ಸಾವಿರ ಡಿಸ್ಕೌಂಟ್ ದೊರೆಯಲಿದೆ. ಶವೊಮಿ ಎಕ್ಸ್‌ಚೇಂಜ್ ಆಫರ್ ಕೂಡ ನೀಡಿದೆ. ರೆಡ್ಮಿ ಫೋನುಗಳಿಗೆ 12 ಸಾವಿರ ಮತ್ತು ಇತರ ಬ್ರ್ಯಾಂಡುಗಳ ಫೋನ್‌ಹಗಳಿಗೆ 8 ಸಾವಿರ ರೂ.ವರೆಗೂ ಎಕ್ಸ್‌ಚೇಂಜ್ ಆಫರ್ ಇರಲಿದೆ.