ಬೆಳಗಾವಿ: ಲಾರಿ ಚಾಲಕನೊಬ್ಬ ಮಾಡಿದ ನಾಗಿಣಿ ಹಾರ್ನ್ ಸೌಂಡ್‌ಗೆ ನಡುರಸ್ತೆಯಲ್ಲೇ ಯುವಕರು ಡ್ಯಾನ್ಸ್ ಮಾಡುತ್ತಿರುವ ವಿಡಿಯೋ ವೈರಲ್ ಆಗಿದೆ.
ಮಹಾರಾಷ್ಟ್ರದ ನಾಶಿಕ್ ಜಿಲ್ಲೆಯಲ್ಲಿ ಈ ಘಟನೆ ನಡೆದಿದೆ. ಬೈಕ್‌ಗಳಲ್ಲಿ ಹೋಗುತ್ತಿದ್ದ ಯುವಕರ ಹಿಂದಿನಿಂದ ಲಾರಿ ಬಂದಿದೆ. ಲಾರಿ ಚಾಲಕ ನಾಗಿನಿ ರೀತಿಯಲ್ಲಿ ಹಾರ್ನ್ ಧ್ವನಿ ಮಾಡಿದ್ದಾನೆ. ಇದರಿಂದ ಉತ್ಸಾಹ ತುಂಬಿಕೊಂಡ ಯುವಕರು ಬೈಕ್‌ಗಳನ್ನು ಅಲ್ಲಲ್ಲೇ ನಿಲ್ಲಿಸಿ, ಲಾರಿಯನ್ನು ಅಡ್ಡ ಹಾಕಿ ರಸ್ತೆಯಲ್ಲೇ ಕುಣಿದು ಕುಪ್ಪಳಿಸಿದ್ದಾರೆ. ಮಳೆಯಿಂದ ರಸ್ತೆ ಒದ್ದೆಯಾಗಿದ್ದರೂ ಲೆಕ್ಕಿಸದೆ ರಸ್ತೆಯಲ್ಲಿ ಉರುಳಾಡಿ ಕುಣಿದಾಡಿದ್ದಾರೆ. ಈ ನರ್ತನ ಸಾಮಾಜಿಕ ಜಾಲತಾಣಗಳಲ್ಲಿ ಈಗ ವೈರಲ್ ಆಗುತ್ತಿದೆ.
ಇದನ್ನೂ ನೋಡಿ: ಅಮರನಾಥ ದುರಂತದ ಭಯಂಕರ ಕ್ಷಣ ಹೀಗಿತ್ತು: ವಿಡಿಯೋ ವೈರಲ್