ಬೆಂಗಳೂರು: ಯಾವುದೇ ಕಚೇರಿಯಾದರೂ ಅಲ್ಲಿ ಅಲ್ಪಸ್ವಲ್ಪವಾದರೂ ಮನರಂಜನೆ ಇರಲೇಬೇಕು. ಅದಿಲ್ಲದೇ ಹೋದರೆ ಆಫೀಸು ತೀರಾ ಬೋರ್‌ ಎನಿಸಿ ಬಿಡುತ್ತದೆ. ಅದಕ್ಕೆಂದೇ ಹಲವಾರು ಕಂಪನಿಗಳಲ್ಲಿ ವಾರದಲ್ಲಿ ಒಮ್ಮೆ ಅಥವಾ 15 ದಿನಗಳಿಗೊಮ್ಮೆ ಮನರಂಜನಾ ಕಾರ್ಯಕ್ರಮಗಳನ್ನು ಇರಿಸಿಕೊಳ್ಳಲಾಗುತ್ತದೆ. ಬೇರೆ ಬೇರೆ ಕಲಾವಿದರನ್ನು ಕರೆಸಿ ಅವರ ಕಲೆ ಪ್ರದರ್ಶನ ಮಾಡಿಸಿ, ಸಿಬ್ಬಂದಿಗೆ ಕೆಲಸ ಮಾಡುವುದಕ್ಕೆ ಉತ್ತೇಜನ ನೀಡಲಾಗುತ್ತದೆ. ಅದೇ ರೀತಿಯಲ್ಲಿ ಆಫೀಸೊಂದರಲ್ಲಿ ಸಿಬ್ಬಂದಿಯೆಲ್ಲರೂ ಪಂಜಾಬಿ ಭಾಂಗ್ರಾ ಮಾಡುವ ವಿಡಿಯೊವೊಂದು ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಸದ್ದು ಮಾಡುತ್ತಿದೆ.
ಈ ವಿಡಿಯೊವನ್ನು ಶಾಹಿಲ್‌ ಶರ್ಮಾ ಹೆಸರಿನವರು ತಮ್ಮ ಇನ್‌ಸ್ಟಾಗ್ರಾಂ ಪೇಜ್‌ನಲ್ಲಿ ಹಂಚಿಕೊಳ್ಳಲಾಗಿದ್ದಾರೆ. ಹೈಪ್‌ ಜಿಮ್‌ನ ಸಿಬ್ಬಂದಿ ಮತ್ತು ಕಲಾವಿದರಾಗಿರುವ ಶಾಹಿಲ್‌ ಅವರು ಆಫೀಸೊಂದರ ಸಿಬ್ಬಂದಿಗೆ ಭಾಂಗ್ರಾ ನೃತ್ಯವನ್ನು ಹೇಳಿಕೊಡುತ್ತಿದ್ದಾರೆ. ಅವರು ಹೇಳಿಕೊಟ್ಟಂತೆಯೇ ಸಿಬ್ಬಂದಿ ಅತ್ಯಂತ ಉತ್ಸುಕತೆಯಿಂದ ಭಾಂಗ್ರಾ ಹೆಜ್ಜೆಗಳನ್ನು ಹಾಕುತ್ತಾರೆ. ಪಂಜಾಬಿನ ಪ್ರಸಿದ್ಧ ಗುಪ್ಜ್‌ ಸೆಹ್ರಾ ಅವರ ಲೇಬಲ್‌ ಬ್ಲಾಕ್‌ ಹಾಡಿಗೆ ಎಲ್ಲರೂ ಒಟ್ಟಾಗಿ ಭಾಂಗ್ರಾ ಹೆಜ್ಜೆಗಳನ್ನು ಹಾಕಿದ್ದಾರೆ. ನೃತ್ಯ ಮಾಡುವಾಗ ಎಲ್ಲರೂ ಎನರ್ಜಿಟಿಕ್‌ ಆಗಿ ಕುಣಿದಿರುವುದನ್ನು ನೀವು ಕಾಣಬಹುದು.
ಇದನ್ನೂ ಓದಿ: Viral News : ಇದರಲ್ಲಿರುವ ಮುತ್ತನ್ನು 30 ಸೆಕೆಂಡುಗಳೊಳಗೆ ಹುಡುಕಿ ನೋಡೋಣ!
ಈ ವಿಡಿಯೊವನ್ನು ಮೂರು ದಿನಗಳ ಹಿಂದೆ ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಳ್ಳಲಾಗಿದೆ. ಅಂದಿನಿಂದ ಇಂದಿನವರೆಗೆ ವಿಡಿಯೊ 29 ಲಕ್ಷಕ್ಕೂ ಅಧಿಕ ಮಂದಿಯಿಂದ ವೀಕ್ಷಣೆ ಪಡೆದುಕೊಂಡಿದೆ. ಸಾವಿರಾರು ಮಂದಿ ವಿಡಿಯೊಗೆ ಲೈಕ್‌ಗಳನ್ನು ಮಾಡಿದ್ದಾರೆ. ನೂರಾರು ಮಂದಿ ವಿಡಿಯೊವನ್ನು ಸ್ನೇಹಿತರೊಂದಿಗೆ ಹಂಚಿಕೊಂಡಿದ್ದಾರೆ. ಹಾಗೆಯೇ ನೂರಾರು ಮಂದಿ ವಿಡಿಯೊಗೆ ಮೆಚ್ಚುಗೆಯ ಕಮೆಂಟ್‌ಗಳ ಸುರಿಮಳೆಯನ್ನೇ ಸುರಿಸಿದ್ದಾರೆ.
“ಅಬ್ಬಾ, ಸೂಪರ್‌ ಡ್ಯಾನ್ಸ್‌”, “ಪ್ರತಿ ಆಫೀಸಿನಲ್ಲೂ ಈ ರೀತಿ ದಿನಕ್ಕೆ ಒಂದು ಬಾರಿ ಡ್ಯಾನ್ಸ್‌ ಮಾಡಿಸುವುದಾದರೆ ಎಷ್ಟು ಚೆನ್ನಾಗಿರುತ್ತಿತ್ತು”, “ಐಟಿ ಆಫೀಸಲ್ಲಿ ಪಂಜಾಬಿ ಭಾಂಗ್ರಾ, ಮಸ್ತ್‌ ಕಾಂಬಿನೇಶನ್‌”, “ಹೀಗೆ ಮನರಂಜನೆ ಇದ್ದರೆ ಸಿಬ್ಬಂದಿಗೆ ಕೆಲಸ ಮಾಡುವುದಕ್ಕೂ ಉತ್ಸಾಹವಿರುತ್ತದೆ” ಎನ್ನುವಂತಹ ಕಾಮೆಂಟ್‌ಗಳು ವಿಡಿಯೊಗೆ ಬಂದಿವೆ. ಅವಷ್ಟೇ ಅಲ್ಲದೆ “ವಾವ್‌”, “ಸೂಪರ್‌” ಎನ್ನುವಂತಹ ಕಮೆಂಟ್‌ಗಳನ್ನೂ ನೀವು ನೋಡಬಹುದು.
ಇದನ್ನೂ ಓದಿ: Viral Video : ಫೇರ್‌ವೆಲ್‌ ದಿನದಂದು ಸೀರೆಯುಟ್ಟು ಹುಚ್ಚೆಬ್ಬಿಸುವಂತೆ ಕುಣಿದ ಯುವತಿಯರು!
ಈ ವಿಡಿಯೊಗೂ ಮೊದಲು ಕಾಲೇಜೊಂದರಲ್ಲಿ ವಿದ್ಯಾರ್ಥಿನಿಯರು ತಮ್ಮ ಫೇರ್‌ವೆಲ್‌ ದಿನದಂದು ನೃತ್ಯ ಮಾಡಿದ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿತ್ತು. ಸೀರೆಯುಟ್ಟಿದ್ದ ಇಬ್ಬರು ಯುವತಿಯರು ಬಾಲಿವುಡ್‌ನ ಚಮ್ಮಕ್‌ ಚಲ್ಲೋ, ತಾರೆ ಗಿನ್‌ ಗಿನ್‌ ಸೇರಿ ಹಲವಾರು ಹಾಡುಗಳ ಮ್ಯಾಷ್‌ಅಪ್‌ಗೆ ನೃತ್ಯ ಮಾಡಿದ್ದರು. ಇಬ್ಬರು ಒಬ್ಬರಿಗೊಬ್ಬರು ಸಾಥ್‌ ಕೊಟ್ಟುಕೊಂಡು ಮಾಡಿದ್ದ ವಿಡಿಯೊವನ್ನು ಯೂಟ್ಯೂಬ್‌ನಲ್ಲಿ ನೋಡಿದ ಜನರು ಅವರಿಬ್ಬರ ನೃತ್ಯಕ್ಕೆ ಫಿದಾ ಆಗಿದ್ದಾಗಿ ಕಾಮೆಂಟ್‌ಗಳನ್ನು ಮಾಡಿದ್ದರು. ಆ ವಿಡಿಯೊ ಕೂಡ ಲಕ್ಷಾಂತರ ಮಂದಿಯಿಂದ ವೀಕ್ಷಣೆಗೊಂಡಿತ್ತು.