ಒಡ ಹುಟ್ಟಿದವರ ಮಧ್ಯೆ ಇರುವ ಪ್ರೀತಿ-ಬಾಂಧವ್ಯ ಅನನ್ಯ. ಯಾವತ್ತೂ ಮೊದಲು ಹುಟ್ಟಿದವರು, ತಮ್ಮ ಬೆನ್ನಿಗೆ ಹುಟ್ಟುವ ಇನ್ನೊಂದು ಕೂಸಿನ ಬಗ್ಗೆ ತುಂಬ ಅಕ್ಕರೆ-ಪ್ರೀತಿ ಇಟ್ಟುಕೊಳ್ಳುತ್ತಾರೆ. ನಾವು ದೊಡ್ಡವರು, ನಮಗಿಂತಲೂ ಚಿಕ್ಕವರಾದ ತಂಗಿ/ತಮ್ಮನನ್ನು ನಾವು ಕಾಳಜಿ ಮಾಡಬೇಕು ಎಂಬ ಭಾವನೆ ಅವರ ಮನಸಲ್ಲಿ ಮೂಡಿಬಿಡುತ್ತದೆ. ಅದಕ್ಕೆ ಸಾಕ್ಷಿ ಇಲ್ನೋಡಿ ಈ ವಿಡಿಯೊ. ಅಣ್ಣ ತನ್ನ ತಂಗಿಯನ್ನು ಅದೆಷ್ಟು ಕಾಳಜಿ ಮಾಡುತ್ತಿದ್ದಾನೆಂದು..
ಆತ 10-12ವರ್ಷದ ಬಾಲಕನಿರಬಹುದು. ತಂಗಿ ತುಂಬ ಚಿಕ್ಕವಳು. ಆಕೆಯನ್ನು ಸೈಕಲ್ ಮೇಲೆ ಕೂರಿಸಿಕೊಂಡಿದ್ದಾನೆ. ಆದರೆ ಆಕೆ ಬೀಳಬಹುದು ಎಂಬ ಭಯ ಅವನಿಗೆ. ಪುಟ್ಟ ತಂಗಿಯನ್ನು ನಾಜೂಕಾಗಿ ಕರೆದುಕೊಂಡು ಹೋಗಬೇಕು ಎಂಬ ಕಾರಣಕ್ಕೆ ಅವನು ಆಕೆಯ ಕಾಲುಗಳನ್ನು ಮುಂದಕ್ಕೆ ಚಾಚಿಸಿ, ಟವೆಲ್ನಿಂದ ಕಟ್ಟುತ್ತಾನೆ. ಹಾಗೇ, ಅವಳ ಹಿಂಬದಿಗೆ ಒಂದೆರಡು ಪುಟ್ಟ ಚೀಲ ಇಟ್ಟಿದ್ದಾನೆ. ಒಟ್ಟಿನಲ್ಲಿ ತನ್ನ ತಂಗಿ ಎಲ್ಲಿಯೂ ಬೀಳದೆ ಇರಲಿ ಎಂಬ ಮುನ್ನೆಚ್ಚರಿಕೆ ಅವನದು. ಹೀಗೆ ತಂಗಿ ಸುರಕ್ಷಿತವಾಗಿ ಕುಳಿತುಕೊಂಡಿದ್ದಾಳೆ ಎಂಬುದನ್ನು ಖಚಿತಪಡಿಸಿಕೊಂಡು ಅವನು ಸೈಕಲ್ ಮುಂದೆ ತೆಗೆದುಕೊಂಡು ಹೋಗುತ್ತಾನೆ. ಈ ವಿಡಿಯೊವೊಮ್ಮೆ ನೋಡಿ, ಅಣ್ಣನ ಪ್ರೀತಿ, ನಿಮ್ಮ ಹೃದಯವನ್ನೂ ಸ್ಪರ್ಶಿಸುತ್ತದೆ..
ಇದನ್ನೂ ಓದಿ: Viral Video | ರಾಧಾರಮಣ ದೇಗುಲದಲ್ಲಿ ಭಜನೆ ಹಾಡಿದ ಬಿಜೆಪಿ ಸಂಸದೆ ಹೇಮಾ ಮಾಲಿನಿ; ನೃತ್ಯವಷ್ಟೇ ಅಲ್ಲ, ಗಾಯನಕ್ಕೂ ಸೈ