ಲಖನೌ: ಮದುವೆ ಎಂಬುವುದೇ ಒಂದು ರೀತಿಯ ಸಂಭ್ರಮ. ಖರ್ಚು-ವೆಚ್ಚಗಳ ತಲೆಬಿಸಿ ಒಂದು ಕಡೆಯಾದ್ರೆ ಖುಷಿ, ಸಂಭ್ರಮ ಮತ್ತೊಂದು ಕಡೆ ಇದ್ದೇ ಇರುತ್ತದೆ. ಇಂತಹ ಸಂಭ್ರಮ ಕೆಲವೊಮ್ಮೆ ಸಣ್ಣ ಕಾರಣಕ್ಕಾಗಿ ಕೊನೇ ಕ್ಷಣದಲ್ಲಿ ದುಃಖದಲ್ಲಿ ಕೊನೆಯಾಗುವುದು ಇದೆ. ಅಂತಹದ್ದೇ ಒಂದು ಘಟನೆ ಉತ್ತರಪ್ರದೇಶದಲ್ಲಿ ನಡೆದಿತ್ತು. ಮದುವೆ ಅಂದ ಮೇಲೆ ಕೇಳಬೇಕೆ? ಎರಡೂ ಕಡೆಗಳ ನೆಂಟರು, ಬಂಧುಗಳು ಭಾರೀ ಸಂಖ್ಯೆಯಲ್ಲಿ ಜಮಾಯಿಸಿದ್ದರು. ಪರಸ್ಪರ ಸಂತಸ ಸಂಭ್ರಮದಿಂದ ನಡೆಯುತ್ತಿದ್ದ ಮದುವೆ ಮನೆಯಲ್ಲಿ ಏಕಾಏಕಿ ಗಲಾಟೆ ಶುರುವಾಗಿತ್ತು. ಎರಡೂ ಕುಟುಂಬಸ್ಥರು ಪರಸ್ಪರ, ಖುರ್ಚಿ, ಕೋಲು ಹೀಗೆ ಕೈಗೆ ಸಿಕ್ಕಿದರಲ್ಲಿ ಹೊಡೆದಾಡಿಕೊಳ್ಳಲು ಶುರು ಮಾಡಿದ್ರು. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್(Viral Video) ಆಗಿದೆ.
ಘಟನೆ ವಿವರ:
ಫಿರೋಜಾಬಾದ್‌ನ ಆನಂದ್‌ ನಗರದಲ್ಲಿ ಈ ಘಟನೆ ನಡೆದಿದ್ದು, ಗುರುವಾರ ಅಭಿಷೇಕ್‌ ಮತ್ತು ಸುಷ್ಮಾ ಎಂಬ ಜೋಡಿಯ ಮದುವೆ ನಿಶ್ಚಯಿಸಲಾಗಿತ್ತು. ವಧುವಿನ ಕಡೆಯಲ್ಲೇ ಮದುವೆ ಆಯೋಜಿಸಿದ್ದ ಕಾರಣ ತನ್ನ ಪರಿವಾರದೊಂದಿಗೆ ಅಭಿಷೇಕ್‌ ಆಗಮಿಸಿದ್ದ. ಎಲ್ಲವೂ ಚೆನ್ನಾಗೇ ನಡೆಯುತ್ತಿತ್ತು. ವರಮಾಲಾ ಕೂಡ ನಡೆದಿತ್ತು. ಇನ್ನು ಮದುವೆ ಊಟ ಅಂದ್ರೆ ಕೇಳಬೇಕೆ? ಲಕ್ಷಾಂತರ ರೂ. ಖರ್ಚು ಮಾಡಿ ಸುಷ್ಮಾ ಮನೆಯವರು ವಿವಿಧ ಭಕ್ಷ್ಯ ಭೋಜನಗಳನ್ನು ಮಾಡಿದ್ದರು. ಸಾಲದೆನ್ನುವುದಕ್ಕೆ 5ಲಕ್ಷ ರೂ. ವರದಕ್ಷಿಣೆಯನ್ನೂ ನೀಡಿದ್ದರು. ಇಷ್ಟೆಲ್ಲಾ ತಯಾರಿ ನಡುವೆ ಎರಡು ವಿಚಾರಗಳು ಮಿಸ್‌ ಆಗಿದ್ದವು. ಮದುವೆ ಊಟದಲ್ಲಿ ಮೀನು ಮತ್ತು ಮಾಂಸ ಇರಲಿಲ್ಲ. ಕೇವಲ ಸಸ್ಯಾಹಾರ ಡಿಶ್‌ಗಳನ್ನು ಸರ್ವ್‌ ಮಾಡಲಾಗಿತ್ತು.
फिरोजाबाद
— True Media House (@HouseTrue5336) July 12, 2024
➡शादी समारोह में दो पक्षों के बीच चले लाठी-डंडे
➡फेंकी गई कुर्सियों का लाइव वीडियो आया सामने
➡लड़का लड़की पक्ष के लोग आपस में ही भिड़े
➡दो पक्षों में हुई मारपीट में कई लोग घायल
➡थाना लाइनपार के समीप मैरिज होम का मामला#firozabad pic.twitter.com/jkwfmrIIvT
ಇನ್ನೇನು ಅಭಿಷೇಕ್‌ ಸುಷ್ಮಾಳಿಗೆ ತಾಳಿ ಕಟ್ಟಬೇಕೆನ್ನುವ ಹೊತ್ತಿಗೆ ಈ ವಿಚಾರ ವರನ ಕಡೆಯವರಿಗೆ ತಿಳಿದಿತ್ತು. ಊಟದಲ್ಲಿ ಮೀನು ಮಾಂಸ ಇಲ್ಲವೆಂದು ತಿಳಿಯುತ್ತಿದ್ದಂತೆ ಕೆಂಡಾಮಂಡಲವಾದ ಅಭಿಷೇಕ್‌ ತಂದೆ ಹಾಗೂ ಕುಟುಂಬಸ್ಥರು ಗಲಾಟೆ ಶುರುಮಾಡಿದ್ದಾರೆ. ಸಾಲದೆನ್ನುವಂತೆ ವಧುವಿನ ಕಡೆಯವರನ್ನು ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದಾರೆ. ಮಾತಿಗೆ ಮಾತು ಬೆಳೆದು ಎರಡೂ ಕಡೆಯವರು ಪರಸ್ಪರ ಹಲ್ಲೆ ನಡೆಸಿದ್ದಾರೆ. ಕುರ್ಚಿ, ಟೇಬಲ್‌, ಕೋಲನ್ನು ಎಸೆದು ದಾಂಧಲೆ ಎಬ್ಬಿಸಿದ್ದಾರೆ. ವಧುವಿನ ತಂದೆಯನ್ನು ಥಳಿಸಿದ್ದಾರೆ.
ಐದು ಲಕ್ಷ ವರದಕ್ಷಿಣೆ, ಉಂಗುರ ಗಿಫ್ಟ್‌
ಇನ್ನು ಘಟನೆಗೆ ಸಂಬಂಧಿಸಿದ್ದಂತೆ ಸುಷ್ಮಾ ಅವರ ತಂದೆ ದಿನೇಶ್‌ ಶರ್ಮಾ ದೂರು ನೀಡಿದ್ದಾರೆ. ದೂರಿನಲ್ಲಿ ತಾವು ಸುರೇಂದ್ರ ಶರ್ಮಾ ಅವರ ಪುತ್ರ ಅಭಿಷೇಕ್‌ ಶರ್ಮಾಗೆ ಸುಮಾರು ಐದು ಲಕ್ಷ ವರದಕ್ಷಿಣೆ ನೀಡಿದ್ದೇನೆ. ಅದೂ ಅಲ್ಲದೇ 20,000 ರೂ. ಮೌಲ್ಯದ ಚಿನ್ನದ ಉಂಗೂರ ಉಡುಗೊರೆಯಾಗಿ ನೀಡಿದ್ದೇನೆ ಎಂದು ಹೇಳಿದ್ದಾರೆ.
ಇದನ್ನೂ ಓದಿ: John Cena: ಅನಂತ್‌ ಅಂಬಾನಿ-ರಾಧಿಕಾ ಮದುವೆಗೆ ಆಗಮಿಸಿದ ಖ್ಯಾತ ರಸ್ಲರ್ ಜಾನ್ ಸೀನ; ವಿಡಿಯೊ ವೈರಲ್