ಪಾಕಿಸ್ತಾನಿ ಯೂಟ್ಯೂಬರ್ (Pakistani Youtuber) ಹಸನ್ ಇಕ್ಬಾಲ್ ಚಿಶ್ತಿ ಎಂಬ ಅವಿವೇಕಿ ಬಾಲಕಿಯರ ಶಿಕ್ಷಣವನ್ನು (girl education) ಖಂಡಿಸುವ ಹಾಡನ್ನು ಬಿಡುಗಡೆ ಮಾಡಿದ್ದಾನೆ. ಇದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ (Viral Video) ಆಗಿದ್ದು, ದುರಂತ ಎಂದರೆ ಪಾಕಿಸ್ತಾನದ ಸಾಕಷ್ಟು ಮಂದಿ ಮೆಚ್ಚುಗೆಯನ್ನೂ ವ್ಯಕ್ತಪಡಿಸಿ ಕಾಮೆಂಟ್ ಮಾಡಿದ್ದಾರೆ!
ತನ್ನ ಮ್ಯೂಸಿಕ್ ವಿಡಿಯೋದಲ್ಲಿ ಗಾಯಕ ಜನರು ತಮ್ಮ ಹೆಣ್ಣುಮಕ್ಕಳನ್ನು ಶಾಲೆಯಿಂದ ತೆಗೆದುಹಾಕುವಂತೆ ಕರೆ ನೀಡಿದ್ದಾನೆ. ಹೆಣ್ಣು ಮಕ್ಕಳ ಶಿಕ್ಷಣವನ್ನು ಇಸ್ಲಾಂ ಒಪ್ಪಿಕೊಳ್ಳುವುದಿಲ್ಲ ಎಂದು ಹೇಳಿರುವ ಹಾಡಿಗೆ ಆತ ನೃತ್ಯ ಮಾಡಿದ್ದಾನೆ.
‘ಅಪ್ನಿ ಧಿ ಸ್ಕೂಲ್ಲೋ ಹತಾ ಲೇ ಓಥಿ ಡ್ಯಾನ್ಸ್ ಕರಡಿ ಪಾಯಿ ಏ.. ಎನ್ನುವ ಶೀರ್ಷಿಕೆಯ ಈ ಹಾಡನ್ನು ಈ ವರ್ಷದ ಜೂನ್‌ನಲ್ಲಿ ಬಿಡುಗಡೆ ಮಾಡಿದ್ದಾನೆ.
ಹಾಡಿನ ಸಾಹಿತ್ಯವು ಜನರು ತಮ್ಮ ಹೆಣ್ಣು ಮಕ್ಕಳನ್ನು ಶಾಲೆಯಿಂದ ತೆಗೆದುಹಾಕಲು ಮತ್ತು ಮನೆಗಳಲ್ಲಿ ಇರಿಸಿಕೊಳ್ಳಲು ಸಲಹೆ ನೀಡುತ್ತದೆ.
ನೀವು ಗೌರವವನ್ನು ಕಳೆದುಕೊಳ್ಳಲು ಬಯಸಿದರೆ ಅಥವಾ ಅವಳನ್ನು ವೇಶ್ಯೆಯನ್ನಾಗಿ ಮಾಡಲು ಬಯಸಿದರೆ ಅವಳನ್ನು ಶಾಲೆಗೆ ಕಳುಹಿಸಿ ಎಂದು ಹೇಳಿದ್ದಾನೆ.
ಹಾಡಿನಲ್ಲಿ ಸ್ವಲ್ಪ ಸಮಯ ಗಾಯಕ ಶಾಲೆಗೆ ಹೋಗುವ ಹೆಣ್ಣುಮಕ್ಕಳು ತಮ್ಮ ಪವಿತ್ರತೆ ಮತ್ತು ಗೌರವವನ್ನು ಕಳೆದುಕೊಳ್ಳುತ್ತಾರೆ ಎಂದು ಹೇಳುವ ಸಾಹಿತ್ಯವೂ ಇದೆ.
‘ಅಪ್ನಿ ಧಿ ಸ್ಕೂಲ್ಲೋ ಹತಾ ಲೆ’ ಹಾಡು ತಾಲಿಬಾನ್ ಸಿದ್ಧಾಂತದೊಂದಿಗೆ ಪ್ರತಿಧ್ವನಿಸಿದೆ. ಮನೆಗಳಿಗೆ ಸೀಮಿತಗೊಳಿಸುವ ಮೂಲಕ ಹೆಣ್ಣುಮಕ್ಕಳ ಶಿಕ್ಷಣವನ್ನು ನಿರ್ಬಂಧಿಸುವಂತೆ ಒತ್ತಾಯಿಸಿದೆ.
Taliban’s Education Minister Nida Mohammad Nadim has justified his decision to bar women from accessing the country’s universities, citing Islam and Islamic preachings. 1/3 pic.twitter.com/VHmC1zLv8I
— The Pamphlet (@Pamphlet_in) December 22, 2022
ತಾಲಿಬಾನ್ ಮನಸ್ಥಿತಿಯು ಯಾವುದೇ ಮಹಿಳೆಯರು ಮನೆಯಿಂದ ಹೊರಗೆ ಕಾಲಿಡುವುದನ್ನು ಅಶುದ್ಧ ಮತ್ತು ಸ್ವೀಕಾರಾರ್ಹವಲ್ಲ ಎಂದು ಪರಿಗಣಿಸುತ್ತದೆ.
ಬಾಲಕಿಯರು ಹೊರಗೆ ಹೋದಾಗ, ಶಿಕ್ಷಣ ಪಡೆದಾಗ, ತನಗಾಗಿ ಮಾತನಾಡುವಾಗ ವೇಶ್ಯೆ ಎಂದೆನಿಸಿಕೊಳ್ಳುತ್ತಾರೆ ಎನ್ನುವುದು ಈ ಮೂರ್ಖ ಯುಟ್ಯೂಬರ್ ವಾದ.
ಇದನ್ನೂ ಓದಿ: Viral Video: ದಿಲ್ಲಿ ಮೆಟ್ರೊದಂತೆ ʼನಮ್ಮ ಮೆಟ್ರೊʼದಲ್ಲೂ ಬಡಿದಾಡಿಕೊಂಡ ಪ್ರಯಾಣಿಕರು! ವಿಡಿಯೊ ನೋಡಿ
ತಾಲಿಬಾನ್ ವಿದ್ಯಾರ್ಥಿನಿಯರ ಶಿಕ್ಷಣವನ್ನು ನಿರ್ಬಂಧಿಸಿದ ಮತ್ತು ಅಫ್ಘಾನ್-ತಾಲಿಬಾನ್ ಪ್ರದೇಶದಲ್ಲಿ ಅದನ್ನು ನಿಷೇಧಿಸಿದ ಹಲವಾರು ನಿದರ್ಶನಗಳಿವೆ.
ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿರುವ ಈ ಹಾಡಿಗೆ ಸಾಕಷ್ಟು ಮಂದಿ ಕಾಮೆಂಟ್ ಮಾಡಿದ್ದಾರೆ. ಕೆಲವರು ಪಾಕಿಸ್ತಾನಿ ಗಾಯಕನ ಹಾಡನ್ನು ಶ್ಲಾಘಿಸಿದ್ದಾರೆ. ‘ಅಮರ್ ರಹೇ’ ಎಂದು ಕಾಮೆಂಟ್ ಮಾಡಿದ್ದಾರೆ. ಕೆಲವರು ಚಿಸ್ತಿಯ ವಿವಾದಾತ್ಮಕ ಹಾಡನ್ನು ಖಂಡಿಸಿದ್ದಾರೆ.