ಈಗೆಲ್ಲ ಮದುವೆ ಎನ್ನುವುದು ದೊಡ್ಡ ಉತ್ಸವವೇ ಆಗಿಬಿಡುತ್ತಿದೆ. ಮದುವೆಗೆ ಮೊದಲೇ ಸಂಗೀತ ಕಾರ್ಯಕ್ರಮವನ್ನು ಅದ್ಧೂರಿಯಾಗಿ ನಡೆಸಲಾಗುತ್ತದೆ. ಅದರಲ್ಲಿ ವಧು ವರರ ಕುಟುಂಬಗಳು, ಸ್ನೇಹಿತರೆಲ್ಲರೂ ಕುಣಿದು ಕುಪ್ಪಳಿಸಿ ತಮ್ಮ ಪ್ರತಿಭೆ ಪ್ರದರ್ಶನ ಮಾಡುತ್ತಾರೆ. ಅದೇ ರೀತಿ ಅದ್ಧೂರಿಯಾಗಿ ನಡೆದ ಸಂಗೀತ ಕಾರ್ಯಕ್ರಮವೊಂದರಲ್ಲಿ ವಧು ವರರು ಹಿಂದಿಯ ʼಲೇ ಜಾ ಲೇ ಜಾʼ ಹಾಡಿಗೆ ಮಸ್ತ್‌ ಸ್ಟೆಪ್ಟ್‌ ಹಾಕಿದ್ದಾರೆ. ಅದರ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿದ್ದು, ಭಾರೀ ವೈರಲ್‌ (Viral Video) ಆಗಿದೆ ಕೂಡ.
ಈ ರೀತಿಯ ವಿಡಿಯೊವನ್ನು weddingz.in ಹೆಸರಿನ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. ಅದರಲ್ಲಿ ವಧು ಕಡು ಹಸಿರು ಬಣ್ಣದ ಲೆಹೆಂಗಾ ತೊಟ್ಟಿದ್ದಾಳೆ. ವರ ಕಪ್ಪು ಬಣ್ಣದ ಶೆರ್ವಾನಿ ತೊಟ್ಟು ಮಿಂಚುತ್ತಿದ್ದಾನೆ. ಇಬ್ಬರೂ ಸೇರಿಕೊಂಡು ʼಭೋಲೆ ಚೂಡಿಯಾ… ಭೋಲೆ ಕಂಗನಾʼ ಹಾಡಿಗೆ ನೃತ್ಯ ಮಾಡುತ್ತಾರೆ. ಇಬ್ಬರೂ ಪರಸ್ಪರ ಒಬ್ಬರಿಗೊಬ್ಬರು ಸಾಥ್‌ ಕೊಟ್ಟುಕೊಂಡು ಒಂದೇ ರೀತಿಯಲ್ಲಿ ಹೆಜ್ಜೆ ಹಾಕುತ್ತಾರೆ. ಇನ್ನೇನು ಅವರ ನೃತ್ಯ ಮುಗಿಯಿತು ಎನ್ನುವಷ್ಟರಲ್ಲಿ ಅಲ್ಲಿ ನೆರೆದಿದ್ದವರೆಲ್ಲರೂ ಜೋರಾಗಿ ಚಪ್ಪಾಳೆ ಹೊಡೆದು, ಕೂಗಿ ನವ ಜೋಡಿಗೆ ಹಾರೈಸುತ್ತಾರೆ.
ಇದನ್ನೂ ಓದಿ: Viral Video: ವಯಸ್ಸು 68, ಮನಸ್ಸು 18, ಜಿಮ್‌ನಲ್ಲಿ ಭರ್ಜರಿ ವರ್ಕೌಟು; ಇದು Thursday ಮೋಟಿವೇಷನಲ್‌ ವಿಡಿಯೊ
ಈ ವಿಡಿಯೊವನ್ನು weddingz.in ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಐದು ದಿನಗಳ ಹಿಂದೆ ಹಂಚಿಕೊಳ್ಳಲಾಗಿದೆ. “ಈ ವಧು ವರರು ನಮಗೆ ದೊಡ್ಡ ಕಪಲ್‌ ಗೋಲ್‌ ಅನ್ನು ಕೊಡುತ್ತಿದ್ದಾರೆ” ಎಂದು ವಿಡಿಯೊಗೆ ಕ್ಯಾಪ್ಶನ್‌ ನೀಡಲಾಗಿದೆ. ವಿಡಿಯೊವನ್ನು ಅಪ್‌ಲೋಡ್‌ ಮಾಡಿದಾಗಿನಿಂದ ಇಂದಿನವರೆಗೆ 1.7 ಲಕ್ಷಕ್ಕೂ ಅಧಿಕ ಮಂದಿ ವೀಕ್ಷಣೆ ಮಾಡಿದ್ದಾರೆ. ಹಾಗೆಯೇ ಹತ್ತು ಸಾವಿರಕ್ಕೂ ಅಧಿಕ ಮಂದಿ ವಿಡಿಯೊಗೆ ಲೈಕ್‌ಗಳನ್ನು ಮಾಡಿದ್ದಾರೆ. ನೂರಾರು ಮಂದಿ ಈ ವಿಡಿಯೊವನ್ನು ತಮ್ಮ ಸ್ನೇಹಿತರೊಂದಿಗೆ ಹಂಚಿಕೊಂಡಿದ್ದಾರೆ. ಹಾಗೆಯೇ ಹಲವರು ತಮ್ಮ ಭಾವಿ ಪತಿ ಅಥವಾ ಭಾವಿ ಪತ್ನಿಯೊಂದಿಗೆ ವಿಡಿಯೊ ಹಂಚಿಕೊಂಡಿದ್ದು, ತಮ್ಮ ಮದುವೆಯ ಸಂಗೀತ ಕಾರ್ಯಕ್ರಮದಲ್ಲೂ ಮನಸು ಬಿಚ್ಚಿ ಕುಣಿಯುವ ಕನಸು ಕಾಣಲಾರಂಭಿಸಿದ್ದಾರೆ.
ಈ ವಿಡಿಯೊಗೆ ನೂರಾರು ಮಂದಿ ಕಮೆಂಟ್‌ಗಳನ್ನು ಮಾಡಿ ನವ ಜೋಡಿಯ ಡ್ಯಾನ್ಸ್‌ಗೆ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. “ಈ ಡ್ಯಾನ್ಸ್‌ ಕಣ್ಣಿಗೆ ಹಬ್ಬವಿದ್ದಂತೆ ಇತ್ತು”, “ಅಬ್ಬಾ, ಈ ಜೋಡಿ ಎಷ್ಟು ಅದ್ಭುತವಾಗಿ ನೃತ್ಯ ಮಾಡಿದೆ”, “ವಾವ್‌ ಅದ್ಭುತ ನೃತ್ಯ” ಎನ್ನುವಂತಹ ಕಾಮೆಂಟ್‌ಗಳು ವಿಡಿಯೊಗೆ ಬಂದಿವೆ. ಅದಷ್ಟೇ ಅಲ್ಲದೆ, “ವಾವ್‌”, “ಸೂಪರ್‌”, “ಅಲ್ಟಿಮೇಟ್‌” ಎನ್ನುವಂತಹ ಹಲವಾರು ಕಮೆಂಟ್‌ಗಳನ್ನು ಇಲ್ಲಿ ಕಾಣಬಹುದಾಗಿದೆ.
ಇದನ್ನೂ ಓದಿ: Viral Video : ಫೇರ್‌ವೆಲ್‌ ದಿನದಂದು ಸೀರೆಯುಟ್ಟು ಹುಚ್ಚೆಬ್ಬಿಸುವಂತೆ ಕುಣಿದ ಯುವತಿಯರು!
ಇತ್ತೀಚೆಗೆ ಇಂಥದ್ದೇ ಒಂದು ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿತ್ತು. ಅದರಲ್ಲಿ ಕಾಲೇಜಿನ ವಿದ್ಯಾರ್ಥಿನಿಯರಿಬ್ಬರು ತಮ್ಮ ಅಂತಿಮ ವರ್ಷದ ಬೀಳ್ಕೊಡುಗೆ ದಿನದಂದು ನೃತ್ಯ ಮಾಡಿದ್ದರು. ಸೀರೆಯನ್ನುಟ್ಟು ಬಾಲಿವುಡ್‌ನ ಚಮ್ಮಕ್‌ ಚಲ್ಲೋ ಸೇರಿ ಹಲವಾರು ಹಾಡುಗಳ ಮ್ಯಾಶ್‌ಪ್‌ಗೆ ಯುವತಿಯರು ನೃತ್ಯ ಮಾಡಿದ್ದರು. ಆ ವಿಡಿಯೊ ಯೂಟ್ಯೂಬ್‌ನಲ್ಲಿ ಅಪ್‌ಲೋಡ್‌ ಮಾಡಲಾಗಿದ್ದು, ಅದು ಕೂಡ ಲಕ್ಷಾಂತರ ಜನರಿಂದ ವೀಕ್ಷಣೆಗೊಂಡಿತ್ತು. ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿತ್ತು.