ಸ್ಯಾನ್‌ ಫ್ರಾನ್ಸಿಸ್ಕೊ: ಸಾಮಾಜಿಕ ಜಾಲತಾಣ ದಿಗ್ಗಜ ಟ್ವಿಟರ್‌ನಲ್ಲಿ ಮತ್ತೆ 1,200 ಉದ್ಯೋಗಿಗಳು ರಾಜೀನಾಮೆ ನೀಡಿದ್ದಾರೆ. ಇದರೊಂದಿಗೆ ಕಂಪನಿಯ (Twitter layoff) ಆಂತರಿಕ ಬಿಕ್ಕಟ್ಟು ತಾರಕಕ್ಕೇರಿದೆ.
ಕಂಪನಿಯಲ್ಲಿ ಕೆಲಸ ಮಾಡಲು ಪೂರಕ ವಾತಾವರಣ ಇಲ್ಲ ಎಂದು ಉದ್ಯೋಗಿಗಳು ಆರೋಪಿಸಿದ್ದಾರೆ.
ನ್ಯೂಯಾರ್ಕ್‌ ಟೈಮ್ಸ್‌ ಪ್ರಕಾರ, ಟ್ವಿಟರ್‌ನ ಪ್ರಮುಖ ತಂಡಗಳೇ ಕಂಪನಿಯಿಂದ ನಿರ್ಗಮಿಸಿವೆ. ಈ ನಡವೆ ಎಲಾನ್‌ ಮಸ್ಕ್‌, ಉದ್ಯೋಗಿಗಳಗೆ ಕಳಿಸಿರುವ ಇ-ಮೇಲ್‌ನಲ್ಲಿ, ಯಾರಾದರೂ ನಿಜವಾಗಿಯೂ ಟ್ವಿಟರ್‌ನ ಸಾಫ್ಟ್‌ವೇರ್‌ ರಚಿಸುವವರು ಹಾಗೂ ಕಳೆದ ಆರು ತಿಂಗಳುಗಳಲ್ಲಿ ಈ ಬಗ್ಗೆ ಬದ್ಧತೆಯಿಂದ ಕೆಲಸ ಮಾಡಿದವರು ಕೂಡಲೇ ರಿಪೋರ್ಟ್‌ ಮಾಡಬೇಕು. ಕೋಡ್‌ನ ಲೈನ್‌ಗಳ ಸ್ಕ್ರೀನ್‌ಶಾಟ್‌ಗಳನ್ನು ತರಬೇಕು ಎಂದು ಸೂಚಿಸಿದ್ದಾರೆ.
ಎಲಾನ್‌ ಮಸ್ಕ್‌ ಅವರು ಟ್ವಿಟರ್‌ನ 50% ಉದ್ಯೋಗಿಗಳನ್ನು (ಸುಮಾರು 3,500) ಉದ್ಯೋಗಿಗಳನ್ನು ಈಗಾಗಲೇ ವಜಾಗೊಳಿಸಿದ್ದಾರೆ. ಅನೇಕ ಹಿರಿಯ ಅಧಿಕಾರಿಗಳು ರಾಜೀನಾಮೆ ಕೊಟ್ಟಿದ್ದಾರೆ.
ಹೀಗಿದ್ದರೂ, ನಾನೇನು ಚಿಂತೆ ಮಾಡುತ್ತಿಲ್ಲ, ಒಳ್ಳೆಯ ಉದ್ಯೋಗಿಗಳು ಈಗಲೂ ಇದ್ದಾರೆ ಎಂದು ಎಲಾನ್‌ ಮಸ್ಕ್‌ ಹೇಳಿದ್ದಾರೆ.