-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಬಂಗಾರದ ದುಬಾರಿ ಜಡೆ ಬಿಲ್ಲೆ (Ambani Wedding Fashion) ಧರಿಸಿದ ಇಶಾ ಅಂಬಾನಿ ಪಕ್ಕಾ ಸೌತ್‌ ಇಂಡಿಯನ್‌ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಹೌದು, ಅಂಬಾನಿ ಫ್ಯಾಮಿಲಿಯ ಪ್ರಿ-ವೆಡ್ಡಿಂಗ್‌ನ ಕಾರ್ಯಕ್ರಮವೊಂದರಲ್ಲಿ ಇಶಾ ಅಂಬಾನಿ, ಬೈತಲೆ ತೆಗೆದು ಜಡೆ ಹೆಣೆದ ಕೂದಲಿಗೆ ಟ್ರೆಡಿಷನಲ್‌ ಆಂಟಿಕ್‌ ಜ್ಯುವೆಲರಿಗೆ ಸೇರುವ ಉದ್ದದ ಬಂಗಾರದ ಜಡೆ ಬಿಲ್ಲೆ ಧರಿಸಿದ್ದಾರೆ. ಅಷ್ಟು ಮಾತ್ರವಲ್ಲ, ದಕ್ಷಿಣ ಭಾರತದ ನಾರಿಯರು ಮಾಡುವ ಹೇರ್‌ಸ್ಟೈಲ್‌ನಂತೆ ಜಡೆಯ ಮೇಲ್ಗಡೆ ಹೂವನ್ನು ಮುಡಿದಿದ್ದಾರೆ.
ಇಶಾ ಅಂಬಾನಿಯ ಟ್ರೆಡಿಷನಲ್‌ ಲುಕ್‌ ಸ್ಯಾಂಪಲ್ಸ್
“ಅಂಬಾನಿ ಫ್ಯಾಮಿಲಿಯ ಎಲ್ಲಾ ಪ್ರಿ-ವೆಡ್ಡಿಂಗ್‌ ಸಮಾರಂಭಗಳಲ್ಲೂ ಡಿಫರೆಂಟ್‌ ಲುಕ್‌ಗಳಲ್ಲಿ ಕಾಣಿಸಿಕೊಂಡಿರುವ ಇಶಾ ಅಂಬಾನಿ, ಈಗಾಗಲೇ ಸಾಕಷ್ಟು ಬಗೆಯ ಟ್ರೆಡಿಷನಲ್‌ ಲುಕ್‌ಗಳನ್ನು ಟ್ರೈ ಮಾಡಿದ್ದಾರೆ. ತಮ್ಮ ಗುಜರಾತಿ ಸ್ಟೈಲಿಂಗ್‌ಗೆ ಸಾಥ್‌ ನೀಡುವ ಡಿಸೈನರ್‌ವೇರ್‌ಗಳಿಂದಿಡಿದು, ಪಂಜಾಬಿ, ಮಾರ್ವಾಡಿ ಹೀಗೆ ನಾನಾ ಬಗೆಯ ಟ್ರೆಡಿಷನಲ್‌ ಔಟ್‌ಫಿಟ್‌ಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಅಷ್ಟೇಕೆ! ಇಂಡೋ-ವೆಸ್ಟರ್ನ್‌ ಲುಕ್‌ ನೀಡುವ ಸೀರೆಗಳಲ್ಲಂತೂ ತಮ್ಮದೇ ಆದ ಫ್ಯಾಷನ್‌ ಸ್ಟೇಟ್‌ಮೆಂಟ್‌ಗಳನ್ನೇ ಅನಾವರಣಗೊಳಿಸಿದ್ದಾರೆ. ಸಂಗೀತ್‌ ಕಾರ್ಯಕ್ರಮದಿಂದಿಡಿದು ಅರಿಷಿಣ ಶಾಸ್ತ್ರದಲ್ಲೂ, ಆದಷ್ಟೂ ವಿಭಿನ್ನವಾಗಿ ಅಂದವಾಗಿ ಕಾಣಿಸಿಕೊಳ್ಳಲು ಪ್ರಯತ್ನಿಸಿದ್ದಾರೆ. ಇದೀಗ ಹೊಸ ಪ್ರಯೋಗ ಎಂಬಂತೆ, ಅನೈತಾ ಶ್ರಾಫ್‌ ಸ್ಟೈಲಿಂಗ್‌ ಸಹಕಾರದೊಂದಿಗೆ ಮಾರ್ವಾಡಿ ಡಿಸೈನರ್‌ವೇರ್‌ಗೆ ಸೌತ್‌ ಇಂಡಿಯನ್‌ ಮೇಕಪ್‌ ಹಾಗೂ ಹೇರ್‌ಸ್ಟೈಲ್‌ ಮ್ಯಾಚ್‌ ಮಾಡಿ, ಅಚ್ಚರಿ ಮೂಡಿಸಿದ್ದಾರೆ” ಎನ್ನುತ್ತಾರೆ ಬ್ಯೂಟಿ ಎಕ್ಸ್‌ಫರ್ಟ್ಸ್‌.
ಮಿಕ್ಸ್ ಮ್ಯಾಚ್‌ ಕಾನ್ಸೆಪ್ಟ್
ಹಾಗೆಂದು ಇಶಾ ಅಂಬಾನಿ ಕಂಪ್ಲೀಟ್‌ ಸೌತ್‌ ಇಂಡಿಯನ್‌ ಆಗಿ ಕಾಣಿಸಿಕೊಂಡಿಲ್ಲ! ತಮ್ಮ ಲುಕ್‌ನಲ್ಲಿ ಮಾತ್ರ ಬದಲಾವಣೆ ತಂದಿದ್ದಾರೆ. ಮಿಕ್ಸ್ ಮ್ಯಾಚ್‌ ಕಾನ್ಸೆಪ್ಟ್ ಅಳವಡಿಸಿಕೊಂಡಿದ್ದಾರೆ.
ಇಶಾ ಅಂಬಾನಿಯ ದುಬಾರಿ ಜಡೆ ಬಿಲ್ಲೆ
ದಕ್ಷಿಣ ಭಾರತದ ಮದುವೆಗಳಲ್ಲಿ ಅದರಲ್ಲೂ ಮದುವೆಯಾಗುವ ವಧು ಧರಿಸುವಂತಹ ಜಡೆ ಬಿಲ್ಲೆ ಇಶಾ ಅಂಬಾನಿಯ ಕೂದಲನ್ನು ಶ್ರೀಮಂತಗೊಳಿಸಿದೆ. ಪ್ರಿಶಿಯಸ್‌ ಸ್ಟೋನ್ಸ್, ರೂಬಿ, ಎಮರಾಲ್ಡ್, ವಜ್ರ-ವೈಢೂರ್ಯಗಳನ್ನು ಹೊಂದಿರುವ ಈ ಆಂಟಿಕ್‌ ವಿನ್ಯಾಸದ ಜಡೆ ಬಿಲ್ಲೆ ಮೂರು ಬಂಗಾರದ ಕುಚ್ಚುಗಳನ್ನು ಹೊಂದಿದ್ದು, ಟೆಂಪಲ್‌ ವಿನ್ಯಾಸದ್ದಾಗಿದೆ. ಜಡೆ ಸುತ್ತಲೂ ಹೂವಿನ ದಿಂಡಿನಿಂದ ಅಲಂಕರಿಸಲಾಗಿದೆ. ಇನ್ನು ಕುಂದನ್‌ ಹಾಗೂ ಜುಮ್ಕಾ ಕಿವಿಯೊಲೆ ಮಿಕ್ಸ್ ಮ್ಯಾಚ್‌ ಸ್ಟೈಲಿಂಗ್‌ಗೆ ಸಾಥ್‌ ನಿಡಿದೆ.
ಇದನ್ನೂ ಓದಿ: Ambani Wedding Fashion: ಅಂಬಾನಿ ಮಗನ ಬಂದ್ಗಾಲ ಸೂಟ್ ಬಂಗಾರದ್ದು! ರಾಜರ ಕಾಲದ ಉಡುಗೆಯ ಮರು ಸೃಷ್ಟಿ
ಸೌತ್‌ ಹಾಗೂ ನಾರ್ತ್‌ ಲುಕ್‌ನ ಸಮಾಗಮ
ಹಣೆಗೆ ಇರಿಸಿರುವ ಬಿಂದಿ ಸೌತ್‌ ಇಂಡಿಯನ್‌ ಲುಕ್‌ಗೆ ಸಾಥ್‌ ನೀಡಿದರೇ, ಇಶಾ ಅಂಬಾನಿ ಧರಿಸಿರುವ ಲೆಹೆಂಗಾ ಮಾರ್ವಾಡಿ ಸ್ಟೈಲಿಂಗ್‌ ಪ್ರತಿನಿಧಿಸಿದೆ. ಒಟ್ಟಾರೆ, ಲುಕ್‌ಗಳನ್ನು ಮಿಕ್ಸ್ ಮ್ಯಾಚ್‌ ಮಾಡಿಯೂ ಆಕರ್ಷಕವಾಗಿ ಕಾಣಿಸಬಹುದು ಎಂಬುದಕ್ಕೆ ಇಶಾ ಅಂಬಾನಿಯ ಜಡೆ ಬಿಲ್ಲೆ ಸಿಂಗಾರವೇ ಸಾಕ್ಷಿ ಎನ್ನುತ್ತಾರೆ ಫ್ಯಾಷನ್‌ ವಿಮರ್ಶಕಿ ವಿದ್ಯಾ ವಿವೇಕ್‌.
(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)