-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಇಂಡಿಯನ್ ಕೌಚರ್‌ ವೀಕ್‌ನ (FDCI & ICW 2024) ಮೊದಲನೇ ದಿನಕ್ಕೆ ಹೊಲಿಸಿದಲ್ಲಿ, ಎರಡನೇ ದಿನದ ಫ್ಯಾಷನ್‌ ಶೋ, ಮತ್ತಷ್ಟು ಜಗಮಗಿಸಿತ್ತು! ಅತ್ಯಾಕರ್ಷಕ ಡಿಸೈನರ್‌ವೇರ್‌ಗಳನ್ನು ಧರಿಸಿದ ಪ್ರೊಫೆಷನಲ್‌ ಮಾಡೆಲ್‌ಗಳು ರ‍್ಯಾಂಪ್‌ ಮೇಲೆ ನಡೆದು ಬರುತ್ತಿದ್ದಲ್ಲಿ, ಸ್ವರ್ಗ ಲೋಕವೇ ಭೂಮಿಗೆ ಇಳಿದು ಬಂದಂತೆ ಭಾಸವಾಗುತ್ತಿತ್ತು. ಈ ಮಧ್ಯೆ, ಡಿಸೈನರ್‌ ಇಶಾ ಅವರ ಡಿಸೈನರ್‌ವೇರ್‌ನಲ್ಲಿ ರ‍್ಯಾಂಪ್‌ ಮೇಲೆ ಹೆಜ್ಜೆ ಹಾಕಿದ ನಟಿ ಜಾಕ್ವೆಲೀನ್‌ ಮನಮೋಹಕವಾಗಿ ಕಂಡರು.ಅಂದಹಾಗೆ, ಈಗಾಗಲೇ ಎಫ್‌ಡಿಸಿಐ ಸಹಯೋಗದಲ್ಲಿ, ಆರಂಭಗೊಂಡಿರುವ ಇಂಡಿಯಾ ಕೌಚರ್‌ ವೀಕ್‌ನ ಎರಡನೇ ದಿನದ ಹೈಲೈಟ್‌ಗಳಿವು.
ರ‍್ಯಾಂಪ್‌ ಮೇಲೆ ಡಿಸೈನರ್‌ ಸುನೀತ್‌ ವರ್ಮಾ ಡಾನ್ಸ್
ಇಂಡಿಯಾ ಕೌಚರ್‌ ವೀಕ್‌ನ ಎರಡನೇ ದಿನ ನಡೆದ ಅತ್ಯಾಕರ್ಷಕ ರ‍್ಯಾಂಪ್‌ ಶೋನಲ್ಲಿ, ಡಿಸೈನರ್‌ ಸುನೀತ್‌ ವರ್ಮಾ ಡಿಸೈನರ್‌ವೇರ್ಸ್‌ಗಳು ಹೈಲೈಟಾದವು. ಎಲ್ಲದಕ್ಕಿಂತ ಹೆಚ್ಚಾಗಿ ಡಿಸೈನರ್‌ವೇರ್‌ಗಳೆಲ್ಲವೂ ಜಗಮಗಿಸುತ್ತಿದ್ದವು.
ಇವರು ಡಿಸೈನ್‌ ಮಾಡಿದ್ದ ಶಿಮ್ಮರ್‌ನಿಂದ ಡಿಸೈನ್‌ಗೊಂಡ ವಾಟರ್‌ಫಾಲ್‌ ಸ್ಲೀವ್ಸ್ ಹೊಂದಿದ 2 ಪೀಸ್‌ ಇಂಡೋ ವೆಸ್ಟರ್ನ್‌ ಡಿಸೈನರ್‌ವೇರ್‌ಗಳು ಎಲ್ಲರ ಮನಗೆದ್ದವು. ಮಾಡೆಲ್‌ಗಳು ಧರಿಸಿದ್ದ, ಶೀರ್‌ ಸಾಫ್ಟ್ ಫ್ಯಾಬ್ರಿಕ್‌ನ ಡಿಸೈನ್‌ಗೊಂಡ ಸೀರೆಯಿಂದಿಡಿದು ಇಂಡೋ-ವೆಸ್ಟರ್ನ್‌ ಲೆಹೆಂಗಾಗಳು ಕೂಡ ಸಿಕ್ವೀನ್ಸ್ ಡಿಸೈನ್‌ನಿಂದ ಮಿರಮಿರ ಮಿನುಗುತ್ತಿದ್ದವು. ಕೊನೆಯಲ್ಲಿ, ಮಾಡೆಲ್‌ಗಳೊಂದಿಗೆ ಡಿಸೈನರ್‌ ಸುನೀತ್‌ ವರ್ಮಾ, ಡಾನ್ಸ್ ಮಾಡುತ್ತಾ ವಾಕ್ ಮಾಡಿದ್ದು, ಎಲ್ಲರ ಉತ್ಸಾಹ ಹೆಚ್ಚಿಸಿತ್ತು.
ಬ್ಲ್ಯಾಕ್‌ ಮೆರ್ಮೈಡ್‌ ಗೌನ್‌ನಲ್ಲಿ ಜಾಕ್ವೆಲೀನ್‌ ವಾಕ್
ರೋಸ್‌ರೂಮ್‌ ಬ್ರಾಂಡ್‌ನ ಇಶಾ ಅವರ ಸಿಕ್ವೀನ್ಸ್ ಕೇಪ್‌ ವಾಟರ್‌ ಫಾಲ್‌ ಸ್ಲೀವ್‌ಹೊಂದಿದ ಬ್ಲ್ಯಾಕ್‌ ಮೆರ್ಮೈಡ್‌ ಗೌನ್‌ನಲ್ಲಿ ಬಾಲಿವುಡ್‌ ನಟಿ ಜಾಕ್ವೇಲಿನ್‌ ರ‍್ಯಾಂಪ್‌ ವಾಕ್ ಮಾಡಿದ್ದು, ಫ್ಯಾಷನ್‌ ಪ್ರಿಯರಿಗೆ ಪ್ರಿಯವಾಯಿತು.
ರಿದ್ದಿಮಾ ರ‍್ಯಾಂಪ್‌ ವಾಕ್
ರಣವೀರ್‌ ಕಪೂರ್‌ ಸಹೋದರಿ ರಿದ್ದಿಮಾ ಕೂಡ ಇಶಾ ಜಜೊಡಿಯಾ ಅವರ ವೆಡ್ಡಿಂಗ್‌ ಸೀಸನ್‌ ಟ್ರೆಂಡ್‌ನಲ್ಲಿರುವ ಐವರಿ ಲೆಹೆಂಗಾದಲ್ಲಿ ಕಾಣಿಸಿಕೊಂಡು ಶೋ ಆರಂಭಿಸಿದರು.
(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)