-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಬಾಲಿವುಡ್‌ನ ಹೆಸರಾಂತ ಸೆಲೆಬ್ರೆಟಿ ಡಿಸೈನರ್‌ (Jennifer Lopez) ಮನೀಶ್ ಮಲ್ಹೋತ್ರಾ ಅವರ ಡಿಸೈನರ್‌ ಗೌನ್‌ ಇದೀಗ ಹೆಸರಾಂತ ಹಾಲಿವುಡ್‌ ಪಾಪ್‌ ಸ್ಟಾರ್‌ ಜೆನ್ನಿಫರ್‌ ಲೋಪೆಜ್‌ ಅವರನ್ನು ಸಿಂಗರಿಸಿದೆ. ಹೌದು, ಪಾಪ್‌ ಸ್ಟಾರ್‌ ಜೆನ್ನಿಫರ್‌ ಲೋಪೆಜ್‌ ಯಾರಿಗೆ ಗೊತ್ತಿಲ್ಲ! ಜಗತ್ತಿನಾದ್ಯಂತ ತಮ್ಮದೇ ಆದ ಪಾಪ್‌ ಮ್ಯೂಸಿಕ್‌ ಮೂಲಕ ಹಾಲಿವುಡ್‌ನಲ್ಲಿ ಹೆಸರು ಮಾಡಿರುವ ಜೆನ್ನಿಫರ್‌ ಅವರು, ಇತ್ತೀಚೆಗೆ ತಮ್ಮ 55 ನೇ ಬರ್ತ್‌ ಡೇ ಸೆಲೆಬ್ರೇಟ್‌ ಮಾಡಿಕೊಂಡರು. ಈ ಬರ್ತ್‌ ಡೇಯು ಬ್ರಿಡ್ಜ್‌ ಸ್ಟೋನ್‌ ಹೆಸರಿನ ಪಾರ್ಟಿ ಥೀಮ್‌ಗೆ ಹೊಂದುವಂತೆ ಆಚರಿಸಲಾಯಿತು. ಈ ಸೆಲೆಬ್ರೇಷನ್‌ಗೆ ಜೆನ್ನಿಫರ್‌, ಭಾರತೀಯ ಮೂಲದ ಅಂದರೆ, ಬಾಲಿವುಡ್‌ನ ಡಿಸೈನರ್‌ ಮನೀಶ್‌ ಮಲ್ಹೋತ್ರಾ ಅವರ ಕೈಗಳಲ್ಲಿ ವಿನ್ಯಾಸಗೊಂಡ ಕಸ್ಟಮೈಸ್ಡ್ ಗೌನನ್ನು ಧರಿಸಿದ್ದರು. ಇದು, ಇಡೀ ಫ್ಯಾಷನ್‌ ಜಗತ್ತೇ ಒಮ್ಮೆ, ಜೆನ್ನಿಫರ್‌ ಗೌನ್‌ನತ್ತ ತಿರುಗುವಂತೆ ಮಾಡಿದೆ.

ಜೆನ್ನಿಫರ್‌ ಲೋಪೆಜ್‌ ಗೌನ್‌ ವಿಶೇಷತೆ

ಅಂದಹಾಗೆ, ಜೆನ್ನಿಫರ್‌ ಅವರ ಗೌನ್‌ ಕಂಪ್ಲೀಟ್‌ ವಿಶೇಷತೆಗಳಿಂದಲೇ ಕೂಡಿದೆ ಎನ್ನುತ್ತಾರೆ ಡಿಸೈನರ್‌ ಮನೀಶ್‌ ಮಲ್ಹೋತ್ರಾ. ಅವರು ಹೇಳುವಂತೆ, ಈ ಐಕಾನಿಕ್‌ ಗೌನ್‌ನನ್ನು, ಸುಮಾರು 40 ಆರ್ಟಿಸ್ಟ್‌ಗಳು ಸಿದ್ಧಪಡಿಸುವಲ್ಲಿ ನೆರವಾಗಿದ್ದಾರೆ. ಇದಕ್ಕಾಗಿ ಸರಿ ಸುಮಾರು 3,490 ಗಂಟೆಗಳ ಕಾಲ ಕೇವಲ ಡಿಸೈನ್‌ಗೆ ಹಿಡಿದಿದೆ. ಈ ಗೌನ್‌ ಕಾರ್ಸೆಟ್‌ ಹಾಗೂ ವಿಕ್ಟೋರಿಯನ್‌ ಸ್ಕರ್ಟ್‌ನಿಂದ ಸ್ಪೂರ್ತಿಗೊಂಡು ಸಿದ್ಧಪಡಿಸಿಲಾಗಿದೆ.

ವಿಂಟೇಜ್‌ ಲುಕ್‌ ಜೊತೆಗೆ ಕಂಟೆಂಪರರಿ ಡಿಸೈನ್‌

ವಿಂಟೇಜ್‌ ಲುಕ್‌ ನೀಡುವ ಗೌನ್‌ನ ಫ್ಯಾಬ್ರಿಕ್‌ ಬ್ರೋಕೆಡ್‌ನದ್ದಾಗಿದ್ದು, ಒಡಲ ತುಂಬೆಲ್ಲಾ ಫ್ಲೋರಲ್‌ ಮೊಟಿಫ್‌ಗಳನ್ನು ಹ್ಯಾಂಡ್‌ ವರ್ಕ್‌ನಿಂದ ಮಾಡಲಾಗಿದೆ. ಕ್ರಿಸ್ಟಲ್ಸ್‌ ಅನ್ನು ಬಳಸಿ ಸಿಕ್ವಿನ್ಸ್‌ನಂತೆ ಡಿಸೈನ್‌ ಮಾಡಲಾಗಿದೆ. ಹೂವಿನ ದಳಗಳು ಹಾಗೂ ಹಾಫ್‌ ರಿಂಗ್‌ನಂಹ ಸಿಕ್ವಿನ್ಸ್ ಚಿತ್ತಾರಗಳನ್ನು ಎಲ್ಲೆಡೆ ಮೂಡಿಸಿ, ವಿಕ್ಟೋರಿಯನ್‌ ಡಿಸೈನ್‌ಜೊತೆಗೆ ಮೆಳೈಸಲಾಗಿದೆ. ವಿಶೇಷವೆಂದರೇ, ಇದು ಇಂಡಿಯನ್‌ ಕ್ರಾಪ್ಟ್ಸ್‌ಮೆನ್‌ಗಳಿಂದ ಸಿದ್ಧಗೊಂಡ, ದೇಸಿ ಡಿಸೈನ್‌ ಆಗಿದ್ದು, ಜೆನಿಫರ್‌ ಅವರ ಮನೋಭಿಲಾಷೆಗೆ ತಕ್ಕಂತೆ ವೆಸ್ಟರ್ನ್‌ ಟಚ್‌ ನೀಡಲಾಗಿದೆ. ಇನ್ನು, ಕಂಟೆಂಪರರಿ ಲುಕ್‌ಗಾಗಿ ಈ ಗೌನ್‌ನ ಮಧ್ಯ ಭಾಗದಲ್ಲಿ ಮಂಡಿಯವರೆಗೂ ಸ್ಲಿಟ್‌ ನೀಡಲಾಗಿದೆ. ಬ್ರಿಡ್ಜ್‌ ಸ್ಟೋನ್‌ ಪಾರ್ಟಿ ಥೀಮ್‌ಗೆ ತಕ್ಕಂತೆ ಜೆನ್ನಿಫರ್‌ ಅವರ ಈ ಗೌನ್‌ನ ಸ್ಟೈಲಿಂಗ್‌ ಕೂಡ ಮ್ಯಾಚ್‌ ಮಾಡಲಾಗಿದ್ದು ಖ್ಯಾತ ಸ್ಟೈಲಿಸ್ಟ್‌ಗಳಾದ ರೊಬ್‌ ಜೆಂಗಾರ್ಡಿ ಹಾಗೂ ಮೆರಿಯಲ್‌ ಹೆನ್‌ ಅವರ ಸ್ಟೈಲಿಂಗ್‌ನಲ್ಲಿ ಜೆನ್ನಿಫರ್‌ ಆಕರ್ಷಕವಾಗಿ ಕಾಣಿಸಿಕೊಂಡಿದ್ದಾರೆ. ಒಟ್ಟಾರೆ, ಭಾರತೀಯ ಮೂಲದ ಡಿಸೈನರ್‌ಗಳು ಇದೀಗ ಹಾಲಿವುಡ್‌ ಸ್ಟಾರ್‌ಗಳಿಗೂ ಡಿಸೈನ್‌ ಮಾಡುತ್ತಿರುವುದು, ಫ್ಯಾಷನ್‌ ಲೋಕದಲ್ಲಿ ಹೆಮ್ಮೆಯ ವಿಷಯ ಎಂದರೇ, ಅತಿಶಯೋಕ್ತಿಯಾಗದು!

ಇದನ್ನೂ ಓದಿ: Monsoon Fashion: ಮಾನ್ಸೂನ್‌ ಸೀಸನ್‌ಗೆ ರ‍್ಯಾಪರ್‌ ಇಶಾನಿಯ ಫ್ಯಾಷನ್‌ ಟಿಪ್ಸ್‌ ಹೀಗಿದೆ!

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಸಂದರ್ಶನ: ಶೀಲಾ ಸಿ. ಶೆಟ್ಟಿ
ಮಾನ್ಸೂನ್‌ ಸೀಸನ್‌ನಲ್ಲಿ (Monsoon Fashion) ರ‍್ಯಾಪರ್‌ ಇಶಾನಿಗೆ ಕೋ- ಆರ್ಡ್ ಸೆಟ್‌ ಔಟ್‌ಫಿಟ್ಸ್ ಮೇಲೆ ಲವ್‌ ಹೆಚ್ಚಾಗಿದೆ. ಹೌದು, ಬಿಗ್‌ ಬಾಸ್‌ ಸ್ಪರ್ಧಿ, ಕನ್ನಡ ರ‍್ಯಾಪರ್‌ ಇಶಾನಿ, ಕೋ -ಆರ್ಡ್ ಸೆಟ್‌ ಲವರ್‌. ಇದೀಗ ಈ ಸೀಸನ್‌ಗೆ ಹೊಂದುವಂತಹ ನೀಲಿ ವರ್ಣದ ಸ್ಪೋರ್ಟ್ಸ್ ಲುಕ್‌ ನೀಡುವ ಕೋ- ಆರ್ಡ್ ಸೆಟ್‌ನಲ್ಲಿ ಕಾಣಿಸಿಕೊಂಡಿದ್ದು, ಮಳೆಗಾಲದಲ್ಲೂ ಕೂಲ್‌ ಲುಕ್‌ ನನ್ನ ಚಾಯ್ಸ್ ಎನ್ನುತ್ತಾರೆ.

ಇಶಾನಿ ಮ್ಯೂಸಿಕ್‌ ಲವ್‌

ಕನ್ನಡದ ರ‍್ಯಾಪರ್‌ ಇಶಾನಿ, ಬಿಗ್‌ ಬಾಸ್‌ನಲ್ಲಿ ಕಾಣಿಸಿಕೊಳ್ಳುವ ಮೂಲಕ ಇಲ್ಲಿನ ಜನತೆಗೆ ಹತ್ತಿರವಾದರು.ಅ ವರ ಆಂಗ್ಲ ಮಿಶ್ರಿತ ಕನ್ನಡ ಅವರನ್ನು ವಿಭಿನ್ನವಾಗಿಸಿದೆ. ಹೆಚ್ಚು ಸಮಯ ದುಬೈನಲ್ಲಿ ಕಳೆದಿದ್ದರೂ, ಇದೀಗ ಇಲ್ಲಿಯೇ ಬ್ಯುಸಿಯಾಗಿರುವ ಇಶಾನಿ, ಆಗಾಗ್ಗೆ ಕನ್ನಡ ರ‍್ಯಾಪ್‌ ಸಾಂಗ್‌ಗಳನ್ನು ಬಿಡುಗಡೆಗೊಳ್ಳಿಸುತ್ತಿರುತ್ತಾರೆ. ತಮ್ಮದೇ ಆದ ಅಭಿಮಾನಿ ವರ್ಗವನ್ನು ಗಳಿಸಿದ್ದಾರೆ. ವಿಸ್ತಾರನ್ಯೂಸ್‌ನೊಂದಿಗೆ ಮಾತನಾಡಿದ ಅವರು, ಬದಲಾಗುವ ಮಾನ್ಸೂನ್‌ ಸೀಸನ್‌ ಲುಕ್‌ ಬಗ್ಗೆ ತಿಳಿಸಿದರು. ತಾವು ಕೋ ಆರ್ಡ್ ಸೆಟ್‌ ಔಟ್‌ಫಿಟ್ಸ್ ಹೆಚ್ಚು ಇಷ್ಟಪಡುವುದಾಗಿ ಹೇಳಿದರು. ಅಲ್ಲದೇ, ಜೆನ್‌ ಜಿ ಹುಡುಗಿಯರಿಗೆ ಒಂದಿಷ್ಟು ಮಾನ್ಸೂನ್‌ ಲುಕ್‌ ಟಿಪ್ಸ್ ಕೂಡ ನೀಡಿದರು. ಈ ಕುರಿತಂತೆ ಇಲ್ಲಿದೆ ವಿವರ.

ವಿಸ್ತಾರ ನ್ಯೂಸ್‌: ಕನ್ನಡ ರ‍್ಯಾಪರ್‌ ಇಶಾನಿ ಎಂದಾಗ ಸಂತಸವಾಗುತ್ತದೆಯೋ ಅಥವಾ ಬಿಗ್‌ಬಾಸ್‌ ಸ್ಪರ್ಧಿ ಎಂದಾಗ ಖುಷಿಯಾಗುತ್ತದೆಯೋ ?

ಇಶಾನಿ: ಎರಡೂ ಹೇಳಿದಾಗಲೂ ಖುಷಿಯಾಗುತ್ತದೆ. ಕನ್ನಡದ ರ‍್ಯಾಪರ್‌ ಎಂದಾಗ ಸಾಧಿಸಿದ ಖುಷಿ. ಇನ್ನು, ಬಿಗ್‌ಬಾಸ್‌ ಸ್ಪರ್ಧಿ ಎಂದು ಗುರುತಿಸಿದಾಗ ಇನ್ನೊಂದು ವಿಧದ ಸಂತಸ.

ವಿಸ್ತಾರ ನ್ಯೂಸ್‌ : ನಿಮ್ಮ ಫ್ಯಾಷನ್‌ ಸ್ಟೇಟ್‌ಮೆಂಟ್‌ ಮಾನ್ಸೂನ್‌ಗೆ ಬದಲಾಗಿದೆಯೇ!

ಇಶಾನಿ: ಖಂಡಿತ. ಸೀಸನ್‌ಗೆ ತಕ್ಕಂತೆ ಬದಲಾಗುತ್ತದೆ. ಅಲ್ಲದೇ, ಆಗಾಗ್ಗೆ ನನಗಿಷ್ಟವಾದ ಕೋ ಆರ್ಡ್ ಸೆಟ್‌ಗಳಲ್ಲಿ ಕಾಣಿಸಿಕೊಳ್ಳುತ್ತೇನೆ. ಎಲ್ಲಾ ಬಗೆಯ ಲೇಯರ್‌ ಲುಕ್‌ ಕೂಡ ನನಗಿಷ್ಟ.

ವಿಸ್ತಾರ ನ್ಯೂಸ್‌: ನಿಮ್ಮ ಮಾನ್ಸೂನ್‌ ಸೀಸನ್‌ ಫ್ಯಾಷನ್‌ ಬಗ್ಗೆ ಹೇಳಿ?

ಇಶಾನಿ: ನನ್ನದು ಸದಾ ಬಿಂದಾಸ್‌ ಫ್ಯಾಷನ್‌! ಸೀಸನ್‌ಗೆ ತಕ್ಕಂತೆ ಎನ್ನುವುದಕ್ಕಿಂತಲೂ ಮಾರ್ಡನ್‌ ಲುಕ್‌ ನನಗಿಷ್ಟ. ಬೆಚ್ಚಗಿಡುವ ಜಾಕೆಟ್ಸ್, ವೈವಿಧ್ಯಮಯ ಕೋ -ಆರ್ಡ್ ಸೆಟ್‌ನಂತಹ ಔಟ್‌ಫಿಟ್‌ಗಳಲ್ಲಿ, ಲೇಯರಿಂಗ್‌ ಡ್ರೆಸ್‌ಗಳಲ್ಲೂ ಕಾಣಿಸಿಕೊಳ್ಳುತ್ತಿರುತ್ತೇನೆ.

ಇದನ್ನೂ ಓದಿ: ICW 2024: ಇಂಡಿಯಾ ಕೌಚರ್‌ ವೀಕ್‌ನಲ್ಲಿ ಸೆಲೆಬ್ರಿಟಿಗಳ ಕಲರವ!

ವಿಸ್ತಾರ ನ್ಯೂಸ್‌: ನಿಮ್ಮ ಸ್ಟೈಲಿಂಗ್‌ ಜೆನ್‌ ಜಿ ಹುಡುಗಿಯರನ್ನು ಆಕರ್ಷಿಸಿದೆ. ನೀವು ಅವರಿಗೆ ನೀಡುವ 5 ಟಿಪ್ಸ್ ಏನು?

1. ನಿಮ್ಮ ಬಾಡಿಮಾಸ್‌ ಇಂಡೆಕ್ಸ್‌ಗೆ ತಕ್ಕಂತೆ ಔಟ್‌ಫಿಟ್‌ ಧರಿಸಿ.
2. ಸೀಸನ್‌ಗೆ ನಿಮ್ಮ ಸ್ಟೈಲಿಂಗ್‌ ಮ್ಯಾಚ್‌ ಮಾಡಿ.
3. ಮಾನ್ಸೂನ್‌ನಲ್ಲಿ ಲೇಯರ್‌ ಲುಕ್‌ಗೆ ಆದ್ಯತೆ ನೀಡಿ.
4. ಬಿಂದಾಸ್‌ ಸ್ಟೈಲ್‌ಸ್ಟೇಟ್‌ಮೆಂಟ್‌ಗಾಗಿ ವೆಸ್ಟರ್ನ್‌ ವೇರ್ಸ್ ಧರಿಸಿ.
5. ಟ್ರೆಂಡ್‌ಗೆ ತಕ್ಕಂತೆ ಬದಲಾಗುವ ಬದಲು,ನಿಮಗೇನು ಬೆಸ್ಟ್ ಎಂಬುದನ್ನು ಕಂಡುಕೊಳ್ಳಿ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಫ್ಯಾಷನ್‌ ಡಿಸೈನ್‌ ಕೌನ್ಸಿಲ್‌ ಆಫ್‌ ಇಂಡಿಯಾ ಸಹಯೋಗದೊಂದಿಗೆ (ICW 2024) ನಡೆಯುತ್ತಿರುವ 2024 ರ ಇಂಡಿಯಾ ಕೌಚರ್‌ ವೀಕ್‌, ದಿಲ್ಲಿಯಲ್ಲಿ ಆರಂಭವಾಗಿದ್ದು, ಜುಲೈ 31 ರವರೆಗೂ ಮುಂದುವರಿಯಲಿದೆ.
ಖ್ಯಾತ ಸೆಲೆಬ್ರೆಟಿ ಡಿಸೈನರ್‌ ಅಬು ಜಾನಿ ಸಂದೀಪ್‌ ಕೋಸ್ಲಾ, ರ‍್ಯಾಂಪ್‌ ಸೆಲೆಬ್ರೆಟಿ ವಾಕ್‌ ಮಾಡುವ ಮೂಲಕ ಈ ಫ್ಯಾಷನ್‌ ವೀಕ್‌ಗೆ ಚಾಲನೆ ನೀಡಿದ್ದಾರೆ. ಮೊದಲ ದಿನವೇ ಖ್ಯಾತ ಡಿಸೈನರ್‌ಗಳು, ತಮ್ಮ ಡಿಸೈನರ್‌ವೇರ್‌ಗಳನ್ನು ಪ್ರದರ್ಶಿಸಿದ್ದಾರೆ. ಈ ಎಲ್ಲದರ ಕುರಿತಂತೆ ಇಲ್ಲಿದೆ ವರದಿ.

ರ‍್ಯಾಂಪ್‌ ಮೇಲೆ ಅಬುಜಾನಿ ಸಂದೀಪ್‌ ಕೋಸ್ಲಾ

ಅಂಬಾನಿ ಮದುವೆಯ ಬಹುತೇಕ ದುಬಾರಿ ಡಿಸೈನರ್‌ವೇರ್‌ಗಳನ್ನು ಡಿಸೈನ್‌ ಮಾಡಿದ ಕ್ರೆಡಿಟ್‌ ಪಡೆದುಕೊಂಡಿರುವ ಅಬುಜಾನಿ ಸಂದೀಪ್‌ ಕೋಸ್ಲಾ ಜೋಡಿ, ಈ ಬಾರಿಯ ಇಂಡಿಯಾ ಕೌಚರ್‌ವೀಕ್‌ನ ಮೊದಲ ದಿನವೇ ರ‍್ಯಾಂಪ್‌ ಮೇಲೆ, ಸೆಲೆಬ್ರೆಟಿ ಶೋ ಸ್ಟಾಪರ್‌ಗಳ ಜೊತೆ ವಾಕ್‌ ಮಾಡುವ ಮೂಲಕ ಗ್ರೀನ್‌ ಸಿಗ್ನಲ್‌ ನೀಡಿತು. ಬ್ಲ್ಯಾಕ್‌ ಶೇಡ್‌ನ ಸಿಂಪಲ್‌ ಡಿಸೈನ್‌ನ ಶೆರ್ವಾನಿಯಲ್ಲಿ ಕಾಣಿಸಿಕೊಂಡ, ಈ ಜೋಡಿ, ಭಾಗವಹಿಸುವ ಡಿಸೈನರ್‌ಗಳಿಗೆ ಪ್ರೋತ್ಸಾಹ ತುಂಬಿತು.

ಮೊದಲ ಬಾರಿ ರ‍್ಯಾಂಪ್‌ ಏರಿದ ಕಾಮಿಡಿಯನ್‌ ಸುಮುಖಿ ಸುರೇಶ್‌

ಫ್ಯಾಷನ್‌ ಶೋಗಳಲ್ಲಿ ಹಾಗೂ ವೀಕ್‌ಗಳಲ್ಲಿ ಇದುವರೆಗೂ ಯಾವ ಕಾಮಿಡಿಯನ್‌ಗೂ ಅವಕಾಶ ನೀಡಿರಲಿಲ್ಲ! ಈದೇ ಮೊತ್ತ ಮೊದಲ ಬಾರಿಗೆ ಖ್ಯಾತ ಸ್ಟ್ಯಾಂಡ್‌ ಅಪ್‌ ಕಾಮಿಡಿಯನ್‌ ಸುಮುಖಿ ಸುರೇಶ್‌ ಅವರನ್ನು ವಾಕ್‌ ಮಾಡಿಸುವ ಮೂಲಕ ಅಬುಜಾನಿ ಸಂದೀಪ್‌ ಕೋಸ್ಲಾ ಜೋಡಿಯ ಸಮ್ಮುಖದಲ್ಲಿ ಗೌರವ ನೀಡಲಾಯಿತು. ಅಲ್ಲದೇ, ಸೆಲೆಬ್ರೆಟಿಗಳೊಂದಿಗೆ ಸುಮುಖಿಯವರು ರ‍್ಯಾಂಪ್‌ ವಾಕ್‌ ಕೂಡ ಮಾಡಿದರು.

ಬ್ಲ್ಯಾಕ್‌ ಬ್ರಾಲೆಟ್‌ ಸೀರೆಯಲ್ಲಿ ಸುಮುಖಿ

ಮೊದಲ ಬಾರಿಗೆ ರ‍್ಯಾಂಪ್‌ ಮೇಲೆ ಕಾಣಿಸಿಕೊಂಡ ಕಾಮಿಡಿಯನ್‌ ಸುಮುಖಿ, ಬ್ಲ್ಯಾಕ್‌ ಬ್ರಾಲೆಟ್‌ ಜಗಮಗಿಸುವ ಸೀರೆಯಲ್ಲಿ ರ‍್ಯಾಂಪ್‌ ವಾಕ್‌ ಜೊತೆಗೆ ಕಾಮಿಡಿ ಕೂಡ ಮಾಡಿ, ನೆರೆದಿದ್ದವರನ್ನು ನಗೆಗಡಲಲ್ಲಿ ಮುಳುಗಿಸಿದರು.

ಇದನ್ನೂ ಓದಿ: Sandalwood Star Fashion: ಮಾನ್ಸೂನ್‌ನಲ್ಲಿ ಮಾಲಾಶ್ರೀ ಮಗಳ ಗ್ಲಾಮರಸ್‌ ಫ್ಯಾಷನ್‌!

ಸೆಲೆಬ್ರೆಟಿ ಶೋ ಸ್ಟಾಪರ್ಸ್

ರಾಣಿ ಮತ್ತು ರಾಜಕುಮಾರ ಕಾನ್ಸೆಪ್ಟ್‌ಗೆ ಸೆಲೆಬ್ರೆಟಿ ಶೋ ಸ್ಟಾಪರ್‌ ಆಗಿ ವಾಕ್‌ ಮಾಡಿದ ವಾಮಿಕಾ ಹಾಗೂ ತಾಹಾ ಶಾ ಗ್ರ್ಯಾಂಡ್‌ ಎಥ್ನಿಕ್‌ವೇರ್‌ಗಳಲ್ಲಿ ಮಿಂಚಿದರು. ಇನ್ನು, ಒಂದು ವಾರಗಳ ಕಾಲ ನಡೆಯುವ ಈ ಶೋ, ಹೊಸ ಡಿಸೈನರ್‌ಗಳು ಸೇರಿದಂತೆ ಖ್ಯಾತ ಡಿಸೈನರ್‌ಗಳ ಡಿಸೈನರ್‌ವೇರ್‌ಗಳಿಗೆ ಸಾಕ್ಷಿಯಾಗಲಿದೆ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಸ್ಯಾಂಡಲ್‌ವುಡ್‌ ನಟಿ ಆರಾಧನಾ (Sandalwood Star Fashion) ಮಾನ್ಸೂನ್‌ ಸೀಸನ್‌ನಲ್ಲಿ ಗ್ಲಾಮರಸ್‌ ಆಗಿ ಕಾಣಿಸಿಕೊಂಡಿದ್ದಾರೆ. ಹೌದು, ಇನ್ನೂ ಮಾಲಾಶ್ರೀ ಮಗಳೆಂದೇ ಟ್ಯಾಗ್‌ಲೈನ್‌ ಹೊಂದಿರುವ ನಟಿ ಆರಾಧನಾ ಮಾನ್ಸೂನ್‌ ಸೀಸನ್‌ನಲ್ಲಿ ಹೈ ಸ್ಟ್ರೀಟ್‌ ಫ್ಯಾಷನ್‌ ಲುಕ್‌ಗೆ ಸೇರುವ ಲೆದರ್‌ ಲೇಯರ್‌ ಜಾಕೆಟ್‌ ಸಹಿತ ಹಾಗೂ ರಹಿತವಾಗಿ ಕಾಣಿಸಿಕೊಂಡಿದ್ದಾರೆ. ಅವರ ಈ ಮಾನ್ಸೂನ್‌ ಲುಕ್‌ನ ಸ್ಟೈಲಿಂಗ್‌ನ ಬಗ್ಗೆ ಫ್ಯಾಷನ್‌ ವಿಮರ್ಶಕರು ರಿವ್ಯೂ ನೀಡಿರುವುದೇನು? ಇಲ್ಲಿದೆ ಡಿಟೇಲ್ಸ್.

ಬದಲಾಗುತ್ತಿರುವ ಆರಾಧನಾ ಸ್ಟೈಲ್‌ ಸ್ಟೇಟ್‌ಮೆಂಟ್ಸ್

“ಕಳೆದ ವಾರವಷ್ಟೇ ಬಾಲಿವುಡ್‌ ಖ್ಯಾತ ಫೋಟೋಗ್ರಾಫರ್‌ ಡಬ್ಬೂ ರತ್ನಾನಿ ಜೊತೆಯಲ್ಲಿ ಉದ್ಯಾನನಗರಿಯಲ್ಲಿ ಆಭರಣ ಪ್ರದರ್ಶನದ ಜಾಹೀರಾತಿಗಾಗಿ ಅಮ್ಮನೊಂದಿಗೆ ಅತ್ಯುತ್ಸಾಹದಿಂದ ಆರಾಧನಾ ಫೋಟೋ ಶೂಟ್‌ ಮಾಡಿಸಿಕೊಂಡಿದ್ದರು. ಆದಾದ ನಂತರ, ಇದೀಗ ಮತ್ತೊಮ್ಮೆ ಸ್ಥಳೀಯ ಫೋಟೋಶೂಟ್‌ನಲ್ಲಿ ಭಾಗವಹಿಸಿ, ಥೇಟ್‌ ಬಾಲಿವುಡ್‌ ನಟಿಯಂತೆ ಕಾಣಿಸಿಕೊಂಡಿದ್ದಾರೆ. ಇದು ಅವರ ಬದಲಾಗುತ್ತಿರುವ ಫ್ಯಾಷನ್‌ ಸ್ಟೇಟ್‌ಮೆಂಟ್‌ಗಳನ್ನು ಹೈಲೈಟ್‌ ಮಾಡುತ್ತಿದೆ. ಇದೊಂದು ಉತ್ತಮ ಬೆಳವಣಿಗೆ ಎಂದಿದ್ದಾರೆ ಫ್ಯಾಷನ್‌ ವಿಮರ್ಶಕರು.

ಮಾನ್ಸೂನ್‌ನಲ್ಲಿ ಆರಾಧನಾ ಗ್ಲಾಮರಸ್‌ ಲುಕ್‌

ಇನ್ನು, ಮಾನ್ಸೂನ್‌ನಲ್ಲಿ ಬಹುತೇಕ ನಟಿಯರು ಲೇಯರ್‌ ಲುಕ್‌ನಲ್ಲಿ ಕಾಣಿಸಿಕೊಳ್ಳುವುದು ಹೆಚ್ಚು. ಇದಕ್ಕೆ ಪೂರಕ ಎಂಬಂತೆ, ಆರಾಧನಾ ಕೂಡ ತಮ್ಮದೇ ಆದ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದು, ಇದಕ್ಕಾಗಿ ವಿಂಟೇಜ್‌ ಲೆದರ್‌ ಜಾಕೆಟ್‌, ಕ್ರಾಪ್‌ ಟ್ಯೂಬ್‌ ಟಾಪ್‌ ಹಾಗೂ ಮಿನಿ ಸ್ಕರ್ಟ್ ಧರಿಸಿದ್ದಾರೆ. ಇವರ ಈ ಲುಕ್‌ಗೆ ಬ್ಲ್ಯಾಕ್‌ ಸನ್‌ಗ್ಲಾಸ್‌ ಹಾಗೂ ಬೂಟ್ಸ್ ಸಾಥ್‌ ನೀಡಿದೆ. ಅವರು ಧರಿಸಿರುವ ಲೇಯರ್‌ ನೆಕ್‌ ಚೈನ್‌, ಈ ಜನರೇಷನ್‌ ಹುಡುಗಿಯರ ಜ್ಯುವೆಲರಿ ಕ್ರೇಝ್‌ಗೆ ಕನ್ನಡಿ ಹಿಡಿದಿದೆ ಎನ್ನುತ್ತಾರೆ ಫ್ಯಾಷನಿಸ್ಟ್‌ ರಾಕಿ.

ಗ್ಲಾಮರಸ್‌ ಲುಕ್‌ಗಾಗಿ ಲೆದರ್‌ ಸ್ಕರ್ಟ್

ಆದರೆ, ಎಲ್ಲಾ ಓಕೆ. ಆದರೆ ಮಾನ್ಸೂನ್‌ನಲ್ಲಿ ಲೆದರ್ ಜಾಕೆಟ್‌ ಪ್ರಿಫರ್‌ ಮಾಡಿರುವುದು ಯಾಕೆ ಎಂದು ಪ್ರಶ್ನಿಸಿದ್ದಾರೆ ಫ್ಯಾಷನ್‌ ವಿಮರ್ಶಕರು. ಯಾಕೆಂದರೆ, ಈ ಸೀಸನ್‌ನಲ್ಲಿ ವಾಟರ್‌ ಪ್ರೂಫ್‌ ಅಥವಾ ಇನ್ನಿತರೇ ಜಾಕೆಟ್‌ಗಳು ಚಾಲ್ತಿಯಲ್ಲಿವೆ. ಆದರೆ, ಲೆದರ್‌ನವು ಇನ್ನೂ ಎಂಟ್ರಿ ನೀಡಿಲ್ಲ! ಸದ್ಯಕ್ಕೆ ಇವು ಇನ್ನೂ ಚಳಿಗಾಲದ ಫ್ಯಾಷನ್‌ ಕೆಗಟರಿಯಲ್ಲಿವೆ. ಬಹುಶಃ ಗ್ಲಾಮರಸ್‌ ಲುಕ್‌ಗಾಗಿ ಇವನ್ನು ಬಳಸಿರಬಹುದು ಎಂದಿದ್ದಾರೆ ಫ್ಯಾಷನ್‌ ಎಕ್ಸ್‌ಫರ್ಟ್ಸ್.

ಇದನ್ನೂ ಓದಿ: Floral Dupatta Recreation: ಅಂಬಾನಿ ಸೊಸೆಯ ದುಂಡು ಮಲ್ಲಿಗೆ ದುಪಟ್ಟಾ ಕೇವಲ 2 ಸಾವಿರ ರೂ.ಯಲ್ಲಿ ಮರು ಸೃಷ್ಟಿ!

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)