ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಹಾಲಿವುಡ್‌ ಸಿನಿಮಾಗಳಲ್ಲಿ ಕಂಡು ಬರುವ ರಾಯಲ್‌ ಕಾಕ್‌ಟೇಲ್‌ ಹೈ ಫ್ಯಾಷನ್‌ ಪಾರ್ಟಿಯ (Ambani Wedding Fashion) ಸನ್ನಿವೇಶದಂತಿತ್ತು. ಭಾಗವಹಿಸಿದ್ದ, ಪ್ರತಿಯೊಬ್ಬರ ಫ್ಯಾಷನ್‌ ಕ್ಲಾಸಿಕ್‌-ರಾಯಲ್‌ ಲುಕ್‌ ನೀಡುವಂತಿದ್ದವು. ಸಿನಿಮಾ, ರಾಜಕೀಯ, ಸ್ಪೋಟ್ರ್ಸ್, ಉದ್ಯಮ ಸೇರಿದಂತೆ ನಾನಾ ಕ್ಷೇತ್ರಗಳ ಸೆಲೆಬ್ರೆಟಿಗಳೆಲ್ಲರೂ ಸಂಜೆ ಪಾರ್ಟಿಗೆ ಮ್ಯಾಚ್‌ ಆಗುವಂತಹ ಡಿಸೈನರ್‌ವೇರ್‌ಗಳಲ್ಲಿ ಕಾಣಿಸಿಕೊಂಡರೇ, ತಾರೆಯರಂತೂ ಮನಮೋಹಕ ಉಡುಪು ಹಾಗೂ ಶೈನಿಂಗ್‌ ಸೀರೆಗಳಲ್ಲಿ ಮಿನುಗಿದರು. ಇನ್ನು ಅಂಬಾನಿ ಫ್ಯಾಮಿಲಿಯ ಬಗ್ಗೆ ಹೇಳಬೇಕೆ! ಪ್ರತಿಯೊಬ್ಬರು ಟ್ರೆಂಡಿ ಕಾಕ್‌ಟೇಲ್‌ ಸ್ಪೆಷಲ್‌ ಪಾರ್ಟಿವೇರ್‌ಗಳಲ್ಲಿ ನಕ್ಷತ್ರಗಳಂತೆ ಮಿನುಗಿದರು. ಒಟ್ಟಾರೆ, ಜಾಮ್‌ನಗರ್‌ನಲ್ಲಿ ಸ್ವರ್ಗವೇ ಧರೆಗಳಿದು ಬಂದಂತಾಗಿತ್ತು. ಅಂದ ಹಾಗೆ, ಈ ಸುಂದರ ಚಿತ್ರಣ ನಿರ್ಮಾಣವಾಗಿದ್ದು ಎಲ್ಲಿ ಎಂದುಕೊಂಡಿರಾ! ನಿಮಗೆ ಗೊತ್ತಿರುವಂತೆ, ಅಂಬಾನಿ ಫ್ಯಾಮಿಲಿಯ ಅನಂತ್‌-ರಾಧಿಕಾ ಮರ್ಚೆಂಟ್‌ ಪ್ರಿ ವೆಡ್ಡಿಂಗ್‌ “ಇವನಿಂಗ್‌ ಇನ್‌ ಎವರ್‌ಲ್ಯಾಂಡ್‌” ಕಾಕ್‌ಟೈಲ್‌ ಪಾರ್ಟಿಯಲ್ಲಿ. ಈ ಹೈ ಫ್ಯಾಷನ್‌ ಪಾರ್ಟಿಯಲ್ಲಿ ವಾವ್ಹ್.. ಎನ್ನಿಸುವಷ್ಟರ ಮಟ್ಟಿಗೆ ಸೆಲೆಬ್ರೆಟಿಗಳೆಲ್ಲರೂ ಅತ್ಯಾಕರ್ಷಕವಾಗಿ ಕಾಣಿಸುತ್ತಿದ್ದರು.
ಅಂಬಾನಿ ಫ್ಯಾಮಿಲಿಯ ರಾಯಲ್‌ ಫ್ಯಾಷನ್‌
ಅಂಬಾನಿ ಕುಟುಂಬದವರೆಲ್ಲರೂ ರಾಯಲ್‌ ಲುಕ್‌ ನೀಡುವ ಕ್ಲಾಸಿಕ್‌ ಹೈ ಫ್ಯಾಷನ್‌ಗೆ ಸೈ ಎಂದಿದ್ದರು. ನೀತಾ ಅಂಬಾನಿಯವರು, ಸ್ಯಾಟಿನ್‌ ಫ್ಯಾಬ್ರಿಕ್‌ನ ಡಾರ್ಕ್ ವೈನ್‌ ಕಲರ್‌ ಡಿಸೈನರ್‌ವೇರ್‌ನಲ್ಲಿ ಕಾಣಿಸಿಕೊಂಡರೇ, ಮದುಮಗ ಅನಂತ್‌ ಡಾರ್ಕ್ ಬ್ಲ್ಯೂ ಸೂಟ್‌ಗೆ ಇನ್ನರ್‌ ವೈಟ್‌ ಕ್ರಿಸ್ಪ್‌ ಶರ್ಟ್ ಧರಿಸಿದ್ದರು. ರಾಧಿಕಾ ಮರ್ಚೆಂಟ್‌, ವರ್ಸೆಸ್ ಬ್ರಾಂಡ್‌ನ ಗ್ರ್ಯಾಂಡ್‌ ಲೇಸ್‌ ಡಿಸೈನ್‌ನ ಶಿಮ್ಮರ್‌ ಲುಕ್‌ ನೀಡುವ ಆಫ್‌ ಶೋಲ್ಡರ್ ಗೌನ್‌ನಲ್ಲಿ ಮಿಂಚಿದರು. ಇನ್ನು ಆಕಾಶ್‌ ಮತ್ತು ಶ್ಲೋಕಾ ರೆಡ್‌ ಶೇಡ್‌ ಕಾಂಬಿನೇಷನ್‌ನಲ್ಲಿ ಕಾಣಿಸಿಕೊಂಡರು.
ಸೆಲೆಬ್ರೆಟಿಗಳ ಹೈ ಫ್ಯಾಷನ್‌ ಸ್ಟೇಟ್‌ಮೆಂಟ್ಸ್
ಕಿಂಗ್‌ ಖಾನ್‌ ಬ್ಲ್ಯಾಕ್‌ ಸೂಟ್‌ನಲ್ಲಿ ಕಾಣಿಸಿಕೊಂಡರೇ, ಪತ್ನಿ ಗೌರಿ ಖಾನ್‌ ಶಿಮ್ಮರ್‌ ಡಿಸೈನರ್‌ವೇರ್‌ನಲ್ಲಿದ್ದರು. ಅಕ್ಷಯ್‌ ಕುಮಾರ್‌ ಕೂಡ ಬ್ಲಾಕ್‌ ಟುಕ್ಸೆಡ್‌ನಲ್ಲಿದ್ದರು. ನಟ ಅಜಯ್‌ದೇವಗನ್‌ ಶಿಮ್ಮರ್‌ ಶೆರ್ವಾನಿಯಲ್ಲಿದ್ದರು. ನಟಿ ದೀಪಿಕಾ ಪಡುಕೋಣೆ, ಬ್ಲ್ಯಾಕ್‌ ಸ್ಟ್ರಾಪ್‌ ಫ್ರಾಕ್‌ ಶೈಲಿಯ ಗೌನ್‌ನಲ್ಲಿ ಪತಿ ಹಾಗೂ ನಟ ರಣಬೀರ್‌ ಸಿಂಗ್‌ ವೈಟ್‌ ಸೂಟ್‌ನಲ್ಲಿ, ಸೈಫ್‌ ಅಲಿ ಖಾನ್‌ ಪಿನ್‌ಸ್ಟ್ರೈಪ್ಡ್ ಸೂಟ್‌-ಪರ್ಪಲ್‌ ಶೀರ್‌ ಸೀರೆಯಲ್ಲಿ ಕರೀನಾ, ಕ್ಲಾಸಿಯಾಗಿ ಜೊತೆ ಜೊತೆಯಾಗಿ ಕಾಣಿಸಿಕೊಂಡರು. ಎಂದಿನಂತೆ, ಡೀಪ್‌ ವೀ ನೆಕ್‌ ಬ್ಲ್ಯೂ ಗೌನ್‌ನಲ್ಲಿ ಅಲಿಯಾಭಟ್‌, ಹಾರ್ಟ್ ಶೇಪ್‌ನ ಸಿಲ್ವರ್‌ ಗೌನ್‌ನಂತಹ ವಿಚಿತ್ರ ಡಿಸೈನರ್‌ವೇರ್‌ನಲ್ಲಿ ನತಾಷಾ ಪೂನಾವಾಲ ವಾಕ್‌ ಮಾಡಿದರು. ನಟಿ ಜೆನಿಲಿಯಾ ಬ್ಲ್ಯಾಕ್‌ ಆಫ್‌ ಶೋಲ್ಡರ್ ಬ್ಲ್ಯಾಕ್‌ ಮ್ಯಾಕ್ಸಿಯಲ್ಲಿ, ಕಿಯಾರಾ ಫಿಶ್‌ಟೇಲ್‌ ಬ್ಲ್ಯಾಕ್‌ ಗೌನ್‌ನಲ್ಲಿ ಪೋಸ್‌ ನೀಡಿದರು. ನಟಿ ವಿದ್ಯಾ ಬಾಲನ್‌, ಬ್ರೌನ್‌ ಶೀರ್‌ ಸೀರೆಯಲ್ಲಿ ಕಾಣಿಸಿಕೊಂಡರು.
ಸ್ಪೋಟ್ರ್ಸ್ ತಾರೆಯರ ಡ್ರೆಸ್‌ಕೋಡ್‌
ಕ್ರಿಕೆಟ್‌ ತಾರೆ ಸಚಿನ್‌ ಬ್ಲ್ಯಾಕ್‌ ಸೂಟ್‌ನಲ್ಲಿದರೇ, ಪತ್ನಿ ಸೀರೆಯಲ್ಲಿದ್ದರು. ಎಂ.ಎಸ್‌ ಧೋನಿ ಬ್ಲ್ಯಾಕ್‌ ಟುಕ್ಸೆಡ್‌, ಪತ್ನಿ ಸಾಕ್ಷಿ ಶೀರ್‌ ಪಾರ್ಟಿವೇರ್‌ ಸೀರೆಯಲ್ಲಿ ಜೊತೆಯಾಗಿ ಕಾಣಿಸಿಕೊಂಡರು. ಇನ್ನು, ಫೇಸ್‌ಬುಕ್ ಸಂಸ್ಥಾಪಕರಾದ ಮಾಕ್ರ್ಸ್ ಹಾಗೂ ಪತ್ನಿ ಪ್ರಿಸಿಲ್ಲಾ ಬ್ಲ್ಯಾಕ್‌ ಶೇಡ್‌ ಮೇಲೆ ಗೋಲ್ಡನ್‌ ಡಿಸೈನ್‌ ಎಂಬಾಲಿಶ್‌ ಇರುವ ಡಿಸೈನರ್‌ವೇರ್‌ನಲ್ಲಿ ಮಾಧ್ಯಮದವರಿಗೆ ಪೋಸ್‌ ನೀಡಿದರು. ಇವರಷ್ಟೇ ಅಲ್ಲ, ಅಂತರಾಷ್ಟ್ರೀಯ ಮಟ್ಟದ ಸೆಲೆಬ್ರೆಟಿಗಳು, ತಮ್ಮದೇ ಆದ ರಾಯಲ್‌ ಲುಕ್‌ನಲ್ಲಿ ಕಾಣಿಸಿಕೊಂಡರು. ಫ್ಯಾಷನ್‌ ವಿಮರ್ಶಕರು ಹೇಳುವಂತೆ, ಒಟ್ಟಾರೆ, ಇದೊಂದು ಹೈ ಫ್ಯಾಷನ್‌ನ ಪಾರ್ಟಿಯಾಗಿತ್ತು.
(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)