-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಹೆಣ್ಣುಮಕ್ಕಳನ್ನು ಕ್ಯೂಟಾಗಿ ಬಿಂಬಿಸುವ ನಾನಾ ಶೈಲಿಯ ಹೇರ್ ಆಕ್ಸೆಸರೀಸ್‌ಗಳು ಬಿಡುಗಡೆಗೊಂಡಿವೆ. ಪುಟ್ಟ ಪುಟ್ಟ ಹೆಣ್ಣುಮಕ್ಕಳಿಂದ ಹಿಡಿದು ಶಾಲೆಗೆ ತೆರಳುವ ಹುಡುಗಿಯರ ಕೂದಲನ್ನು ಸಿಂಗರಿಸುವಂತಹ ಬಗೆಬಗೆಯ ವಿನ್ಯಾಸದ ಕ್ಯೂಟ್‌ ಹೇರ್‌ಸ್ಟೈಲ್‌ ಆಕ್ಸೆಸರೀಸ್‌ಗಳು ಚಿಣ್ಣರ ಫ್ಯಾನ್ಸಿ ಆಕ್ಸೆಸರೀಸ್‌ ಲೋಕಕ್ಕೆ ಕಾಲಿಟ್ಟಿದ್ದು, ಲೆಕ್ಕವಿಲ್ಲದಷ್ಟು ಬಗೆಯ ಡಿಸೈನ್‌ಗಳಲ್ಲಿ ಆಗಮಿಸಿವೆ. ಅವುಗಳಲ್ಲಿ ಇದೀಗ 5 ಬಗೆಯವು ಹೆಚ್ಚು (Kids Hair Fashion) ಬೇಡಿಕೆ ಸೃಷ್ಟಿಸಿಕೊಂಡಿವೆ.
ಕಲರ್‌ಫುಲ್‌ ಹೆಡ್‌ ಬ್ಯಾಂಡ್‌ಗಳು
ವೈಬ್ರೆಂಟ್‌ ಕಲರ್‌ನ ಬಗೆಬಗೆಯ ಡಿಸೈನ್‌ನ ಫಂಕಿ ಹೆಡ್‌ ಬ್ಯಾಂಡ್‌ಗಳು ಹೆಣ್ಣುಮಕ್ಕಳ ಕೂದಲನ್ನು ಸಿಂಗರಿಸುತ್ತಿವೆ. ಫ್ಯಾನ್ಸಿ ಡಿಸೈನ್‌ನಲ್ಲಿ ಹಾಗೂ ಬಾರ್ಬಿ, ಕಾರ್ಟೂನ್‌ ಕ್ಯಾರೆಕ್ಟರ್‌ ಇರುವಂತಹ ಬ್ಯಾಡ್ಜ್‌ ಹಾಗೂ ಸ್ಟಿಕ್ಕರ್‌ ಹೊಂದಿರುವಂತವು ಅತಿ ಹೆಚ್ಚು ಡಿಸೈನ್‌ನಲ್ಲಿ ಲಗ್ಗೆ ಇಟ್ಟಿವೆ.
ಬೋ ಹೇರ್ ಕ್ಲಿಪ್‌
ಹೆಣ್ಣುಮಕ್ಕಳ ತಲೆಯ ಮುಂಭಾಗವನ್ನು ಆಕರ್ಷಕವಾಗಿ ಕಾಣಿಸಬಲ್ಲಂತಹ ಬೋ ವಿನ್ಯಾಸದ ಚಿಕ್ಕ-ದೊಡ್ಡ ಸೈಝಿನ ಬಣ್ಣದ ಬಣ್ಣದ ಹೇರ್ ಕ್ಲಿಪ್‌ ಹಾಗೂ ಹೇರ್‌ಪಿನ್‌ಗಳು ಮಕ್ಕಳ ಡ್ರೆಸ್‌ ಮ್ಯಾಚಿಂಗ್‌ಗೆ ಮಾಡುವಂತಹ ಕಲರ್‌ಗಳಲ್ಲಿ ದೊರೆಯುತ್ತಿವೆ.
ಬಣ್ಣಬಣ್ಣದ ಹೇರ್ ಕ್ಲಿಪ್‌ಗಳು
ಪ್ರಾಣಿ-ಪಕ್ಷಿಗಳು, ಕಾರ್ಟೂನ್ಸ್, ನಂಬರ್ಸ್, ಅಕ್ಷರಗಳು, ಹೂವು-ಬಳ್ಳಿಗಳು ಹೀಗೆ ನಾನಾ ಚಿತ್ತಾರದಲ್ಲಿ ಸ್ಯಾಟಿನ್‌, ಕಾಟನ್‌, ಸಿಲ್ಕ್‌ ಫ್ಯಾಬ್ರಿಕ್‌ನಲ್ಲಿ ಬಣ್ಣದ ಬಣ್ಣದ ಹೇರ್ ಕ್ಲಿಪ್‌ಗಳು ಬಂದಿವೆ. ಇವು ಮಕ್ಕಳ ಕೂದಲಿಗೆ ಹಾಕಿದಾಗ, ಸುಂದರವಾಗಿ ಕಾಣಿಸುತ್ತವೆ.
ಫಂಕಿ ಹೇರ್ ಬ್ಯಾಂಡ್ಸ್
ಲೆಕ್ಕವಿಲ್ಲದಷ್ಟು ಬಗೆಯ ಊಹೆಗೂ ಮೀರಿದ ಡಿಸೈನ್‌ನ ಫ್ಲವರ್ ಶೇಪ್‌ನ ಹೇರ್ ಬ್ಯಾಂಡ್‌ಗಳು ಸಾಫ್ಟ್‌ ಎಲಾಸ್ಟಿಕ್‌ನಲ್ಲಿ ಸಿಗುತ್ತಿವೆ. ಇದೀಗ ಮಾಲ್‌ನ ಫ್ಯಾನ್ಸಿ ಆಕ್ಸೆಸರೀಸ್‌ ಕೆಟಗರಿಯಲ್ಲಿ ಬ್ರಾಂಡೆಡ್‌ ಬಾಕ್ಸ್‌ನಲ್ಲೂ ಇವು ದೊರೆಯುತ್ತಿವೆ.
ಫಂಕಿ ರಬ್ಬರ್‌ ಹೇರ್ ಬ್ಯಾಂಡ್ಸ್
ಮಕ್ಕಳಿಗೆ ಜಡೆ ಅಥವಾ ಬ್ರೈಡ್ಸ್ ಹೇರ್‌ಸ್ಟೈಲ್‌ ಮಾಡುವಂತವರು ಬಳಸುವ ಫಂಕಿ ಸ್ಟೈಲ್‌ನ ರಬ್ಬರ್‌ ಹೇರ್ ಬ್ಯಾಂಡ್‌ಗಳು ನಾನಾ ಡಿಸೈನ್‌ನಲ್ಲಿ ದೊರೆಯುತ್ತಿವೆ. ಅಟ್ಯಾಚ್ಡ್ ಫಂಕಿ ಪ್ಯಾಚ್‌ ವರ್ಕ್, ಸಿಕ್ವಿನ್ಸ್ ಫ್ಲವರ್, ಕಾರ್ಟೂನ್‌ ಸಿಲಿಕಾನ್‌ ರಬ್ಬರ್‌ ಶೈಲಿಯವು ಹೆಚ್ಚು ಪ್ರಚಲಿತದಲ್ಲಿವೆ.
ಇದನ್ನೂ ಓದಿ: Summer kids Fashion: ಬೇಸಿಗೆ ಫ್ಯಾಷನ್‌ಗೆ ಲಗ್ಗೆ ಇಟ್ಟ ಕಿಡ್ಸ್ ಫಂಕಿ ಫ್ಯಾಷನ್‌ವೇರ್ಸ್
ಮಕ್ಕಳ ಹೇರ್ ಆಕ್ಸೆಸರೀಸ್‌ ಟಿಪ್ಸ್
- ಮಕ್ಕಳ ಕೂದಲನ್ನು ಕೀಳುವಂತಹ ಹೇರ್ ಆಕ್ಸೆಸರೀಸ್‌ ಆವಾಯ್ಡ್ ಮಾಡಿ.
- ಮಕ್ಕಳ ಕೂದಲಿನ ಅಳತೆಗೆ ತಕ್ಕಂತೆ ಆಕ್ಸೆಸರೀಸ್‌ ಬಳಸಿ. ಇಲ್ಲವಾದಲ್ಲಿ ಭಾರವಾಗಬಹುದು.
- ಮಲಗುವಾಗ ಆದಷ್ಟೂ ಆಕ್ಸೆಸರೀಸ್‌ ಬಳಸುವುದನ್ನು ತಪ್ಪಿಸಿ.
( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )