ಬೆಂಗಳೂರು: ಖಾಸಗಿ ಶಾಲೆ ಬಸ್ ಡಿಕ್ಕಿಯಾಗಿ(Accident) ಸರ್ಕಾರಿ ಶಾಲೆ ವಿದ್ಯಾರ್ಥಿಯೊಬ್ಬ ಮೃತಪಟ್ಟಿದ್ದಾನೆ. ನಗರದ ಮಹದೇವಪುರ ಕ್ಷೇತ್ರದ ಮುನ್ನೇಕೊಳಾಲ ನಿವಾಸಿ ರಾಜೇಶ್, ಪ್ರಿಯಾ ದಂಪತಿಯ ಪುತ್ರ ನಿತೀಶ್ ಕುಮಾರ್ (7) ಮೃತ ಬಾಲಕ.
ಮುನ್ನೇಕೊಳಾಲ ಸರ್ಕಾರಿ ಇಂಗ್ಲಿಷ್ ಮಾಧ್ಯಮ ಶಾಲೆಯಲ್ಲಿ 1ನೇ ತರಗತಿ ಓದುತ್ತಿದ್ದ ಬಾಲಕ, ಬೆಳಗ್ಗೆ ಮನೆಯಿಂದ ಶಾಲೆಗೆ ತೆರಳುವಾಗ ರಾಯನ್ ಇಂಟರ್ ನ್ಯಾಷನಲ್ ಶಾಲೆ ಬಸ್ ಡಿಕ್ಕಿಯಾಗಿ ಬಾಲಕನ ತಲೆಗೆ ಗಾಯವಾಗಿದೆ. ಆದರೆ, ಶಾಲಾ ಬಸ್ ಚಾಲಕ ಬಾಲಕನನ್ನು ಮೇಲೆತ್ತಿ ನೀರು ಕುಡಿಸಿದ ನಂತರ, ಬಾಲಕ ಶಾಲೆಗೆ ನಡೆದುಕೊಂಡು ಹೋಗಿದ್ದಾನೆ.
ಅಪಘಾತದ ವೇಳೆ ತಲೆಗೆ ಗಾಯವಾಗಿರುವುದು ಬಾಲಕನ ಗಮನಕ್ಕೆ ಬಂದಿಲ್ಲ. ತರಗತಿಯಲ್ಲಿದ್ದಾಗ ತಲೆಯಲ್ಲಿ ಊತ ಕಾಣಿಸಿಕೊಂಡು ಅಸ್ವಸ್ಥನಾಗಿ ಕೆಳಗೆ ಬಿದ್ದಿದ್ದಾನೆ. ತಕ್ಷಣ ಬಾಲಕನನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ತಲೆಗೆ ಗಂಭೀರ ಗಾಯವಾಗಿ ಆಂತರಿಕ ರಕ್ತಸ್ರಾವವಾದ ಹಿನ್ನೆಲೆಯಲ್ಲಿ ಆಸ್ಪತ್ರೆಗೆ ದಾಖಲಿಸಿದ ಒಂದು ಗಂಟೆ ಅವಧಿಯಲ್ಲಿ ಬಾಲಕ ಮೃತಪಟ್ಟಿದ್ದಾನೆ.
ಅಪಘಾತ ಪ್ರಕರಣ ದಾಖಲಿಸಿಕೊಂಡಿರುವ ಎಚ್ಎಎಲ್ ಸಂಚಾರ ಠಾಣೆ ಪೊಲೀಸರು, ಖಾಸಗಿ ಬಸ್ ಚಾಲಕ ವಿಠಲ್‌ ಎಂಬಾತನನ್ನು ಬಂಧಿಸಿದ್ದಾರೆ.
ಇದನ್ನೂ ಓದಿ | ಕೊಳಗಲ್‌ ಆಟೊ ದುರಂತ| ಆರು ಬಡ ಹೆಣ್ಮಕ್ಕಳ ಬಾಳಿಗೆ ಚರಮ ಗೀತೆ ಹಾಡಿತು ಆ ಒಂದು ಕಲ್ಲು!