ವಿಜಯನಗರ: ಕೂಡ್ಲಿಗಿ ತಾಲೂಕಿನ ತಾಯಕನಹಳ್ಳಿ ಸರ್ಕಾರಿ ಶಾಲೆಯ ಬೀಗ ಮುರಿದ ಖದೀಮರು ಕಳ್ಳತನ (School Robbery) ಮಾಡಿರುವ ಘಟನೆ ನಡೆದಿದೆ. ಮಕ್ಕಳ ಮಧ್ಯಾಹ್ನದ ಊಟಕ್ಕಾಗಿ ಶಾಲೆಯಲ್ಲಿ ಸಂಗ್ರಹಿಸಿದ್ದ ಅಡುಗೆ ಎಣ್ಣೆ, ಆಹಾರ ಪದಾರ್ಥವನ್ನೂ ಕಳ್ಳತನ ಮಾಡಲಾಗಿದೆ.
ಸುಮಾರು 30 ಲೀಟರ್ ಅಡುಗೆ ಎಣ್ಣೆ, 48 ಸಾವಿರ ರೂ. ಮೌಲ್ಯದ ಪ್ರೊಜೆಕ್ಟರ್‌, ಜತೆಗೆ ಮಕ್ಕಳ ಆಟಕ್ಕೆ ಇದ್ದ 1,900 ರೂ. ಮೌಲ್ಯದ ಮೂರು ವಾಲಿಬಾಲ್, 1,200 ರೂ ಮೌಲ್ಯದ ವಾಲಿಬಾಲ್ ನೆಟ್ ಕದ್ದಿದ್ದಾರೆ. ಮಕ್ಕಳಿಗಾಗಿ ಇದ್ದ 6 ಜತೆ ಶೂ, ಸಾಕ್ಸನ್ನೂ ಕದ್ದು ಪರಾರಿಯಾಗಿದ್ದಾರೆ.
ಶಾಲೆಯ ಮುಖ್ಯೋಪಾಧ್ಯಾಯರು ಕಾನಾಹೊಸಳ್ಳಿ ಪೊಲೀಸ್ ಠಾಣೆಗೆ ದೂರು ನೀಡಿದ್ದು, ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ಚುರುಕುಗೊಳಿಸಿದ್ದಾರೆ.
ಇದನ್ನೂ ಓದಿ | ಕಳ್ಳನ ಕೊಲೆ| ಕಳ್ಳತನ ಮಾಡಲು ಬಂದವನನ್ನು ಕಾದು ನಿಂತು ಹೊಡೆದರು, ಅವನು ಸತ್ತೇಹೋದ!