ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಸ್ಯಾಂಡಲ್‌ವುಡ್‌ ನಟಿ ಶ್ರದ್ಧಾ ಶ್ರೀನಾಥ್‌ ಅವರು ಅಜೆರ್ಬೈಜಾನ್‌ ದೇಶದ ಬಾಕು ಸ್ಟ್ರೀಟ್‌ಗಳಲ್ಲಿ ಬೆಚ್ಚನೆಯ ವಿಂಟರ್‌ ಟ್ರಾವೆಲ್‌ ಫ್ಯಾಷನ್‌ಗೆ ಸೈ ಎಂದಿದ್ದು, ಅವರು ಧರಿಸಿರುವ ಶಿಯರ್ಲಿಂಗ್‌ ಫರ್‌ ಜಾಕೆಟ್‌, ಟ್ರಾವೆಲ್‌ ಫ್ಯಾಷನ್‌ ಪ್ರಿಯರ ಮನ ಸೆಳೆದಿದೆ. ಅಲ್ಲಿನ ಪರಿಸರಕ್ಕೆ ಹೊಂದುವಂತಹ ನಾನಾ ಟ್ರೆಂಡಿ ವಿಂಟರ್‌ ಸ್ಟ್ರೀಟ್‌ ಫ್ಯಾಷನ್‌ನಲ್ಲಿ ಕಾಣಿಸಿಕೊಂಡಿರುವ ಶ್ರದ್ಧಾ ತಮ್ಮದೇ ಆದ ವಿಂಟರ್‌ ಟ್ರಾವೆಲ್‌ ಸ್ಟೈಲ್‌ ಸ್ಟೇಟ್‌ಮೆಂಟ್‌ ಹುಟ್ಟು ಹಾಕಿದ್ದಾರೆ.
ಶ್ರದ್ಧಾ ವಿಂಟರ್‌ ಸ್ಟ್ರೀಟ್‌ ಫ್ಯಾಷನ್‌
ಅಂದಹಾಗೆ, ಶ್ರದ್ಧಾ ಶ್ರೀನಾಥ್‌ ಬಹುಭಾಷಾ ತಾರೆ. ಕನ್ನಡ ಮಾತ್ರವಲ್ಲ, ತೆಲುಗು, ತಮಿಳು ಹಾಗೂ ಹಿಂದಿ ಭಾಷೆಯಲ್ಲೂ ನಟಿಸುತ್ತಾ ಬಿಜಿಯಾಗಿರುವ ನಟಿ. ಟ್ರಾವೆಲ್‌ ಪ್ರೇಮಿ ಕೂಡ. ಚಿಕ್ಕದೊಂದು ಬ್ರೇಕ್‌ ಸಿಕ್ಕರೂ ಟ್ರಾವೆಲ್‌ ಮಾಡುವ ಇವರು ಆಯಾ ಹವಾಮಾನಕ್ಕೆ ತಕ್ಕಂತೆ ತಮ್ಮ ಸ್ಟೈಲ್‌ಸ್ಟೇಟ್‌ಮೆಂಟ್‌ ಬದಲಿಸುವ ನಟಿ. ಇದೀಗ ಅಜೆರ್ಬೈಜಾನ್‌ಗೆ ಹಾರಿರುವ ಶ್ರದ್ಧಾ, ಸದ್ಯಕ್ಕೆ ಗ್ಲಾಮರಸ್‌ ಔಟ್‌ಫಿಟ್‌ಗಳಿಗೆ ಬ್ರೇಕ್‌ ಹಾಕಿದ್ದಾರೆ. ಕಂಪ್ಲೀಟ್‌ ಕವರ್‌ ಆಗುವಂತಹ ಹಾಗೂ ಜೊತೆಗೆ ಟ್ರೆಂಡಿ ಲೇಯರ್‌ ವಿಂಟರ್‌ ಫ್ಯಾಷನ್‌ವೇರ್‌ ಮೊರೆ ಹೋಗಿದ್ದಾರೆ. ಬಾಕು ಸ್ಟ್ರೀಟ್‌ಗಳಲ್ಲಿ ಸುತ್ತಮುತ್ತಲ ಪ್ರವಾಸಿ ತಾಣಗಳಲ್ಲಿ ಬಿಂದಾಸ್‌ ಲೇಯರ್‌ ಸ್ಟೈಲ್‌ ಸ್ಟೇಟ್‌ಮೆಂಟ್‌ನಲ್ಲಿ ಅಲೆದಾಡಿದ್ದಾರೆ. ಅವರ ಫ್ಯಾಷೆನಬಲ್‌ ಫೋಟೋಗಳೇ ಇದಕ್ಕೆ ಪ್ರತ್ಯಕ್ಷ ಸಾಕ್ಷಿ ಎನ್ನಬಹುದು.
ಆಕರ್ಷಕ ಶಿಯರ್ಲಿಂಗ್‌ ಫರ್‌ ಜಾಕೆಟ್‌
ನಟಿ ಶ್ರದ್ಧಾ ಧರಿಸಿರುವ ಸನ್‌ ಕಲರ್‌ನ ಆಕರ್ಷಕ ಶಿಯರ್ಲಿಂಗ್‌ ಫರ್‌ ಕಾಲರ್‌ ಕ್ಯಾಪ್‌ ಜಾಕೆಟ್‌, ಇಡೀ ಟ್ರಾವೆಲ್‌ ಮೋಡ್‌ನ ಎನರ್ಜಿ ಹೆಚ್ಚಿಸಿದೆ ಎನ್ನಬಹುದು. ಇನ್ನು ಸ್ನೋ ಫಾಲ್‌ ಪ್ರದೇಶಗಳಲ್ಲಿ ದೇಹವನ್ನು ಬೆಚ್ಚಗಿಡಲು ಸಹಕಾರಿಯಾಗಿದೆ. ಪಫರ್‌ ಹಾಗೂ ಫರ್‌ ಎರಡೂ ವಿನ್ಯಾಸ ಹೊಂದಿರುವ ಈ ಜಾಕೆಟ್‌ಗೆ ಬ್ಲ್ಯೂ ಜೀನ್ಸ್‌ ಪ್ಯಾಂಟ್‌ ಹಾಗೂ ಚಾಕೋಲೇಟ್‌ ಬ್ರೌನ್‌ ವರ್ಣದ ಸ್ಟೋಲ್‌ ಪರ್ಫೆಕ್ಟ್‌ ಟ್ರಾವೆಲಿಂಗ್‌ ಲುಕ್‌ಗೆ ಮ್ಯಾಚ್‌ ಆಗಿದೆ ಎನ್ನುತ್ತಾರೆ ಫ್ಯಾಷನ್‌ ವಿಮರ್ಶಕರು.
ಇನ್ನು ಸ್ಲಿಂಗ್‌ ಬ್ಯಾಗ್‌ ಹಾಗೂ ಬ್ಯಾಕ್‌ಪ್ಯಾಕ್‌ ಎರಡೂ ಶ್ರದ್ಧಾ ಟ್ರಾವೆಲ್‌ ಫ್ಯಾಷನ್‌ಗೆ ಸಾಥ್‌ ನೀಡಿವೆ. ಇದು ಶ್ರದ್ಧಾ ಅಡ್ವೆಂಚರಸ್‌ ಹುಡುಗಿ ಎಂಬುದನ್ನು ತೋರ್ಪಡಿಸುತ್ತದೆ ಎನ್ನುತ್ತಾರವರು.
ಟ್ರಾವೆಲ್‌ನ ಇನ್ನಿತರೆ ದಿನಗಳಲ್ಲಿ ಧರಿಸಿರುವ ಪಿಂಕ್‌ ಕ್ರಾಪ್‌ ಟಾಪ್‌ ಹಾಗೂ ರೌಂಡ್‌ ನೆಕ್‌ನ ಕ್ರೀಮಿಶ್‌ ಶ್ರಗ್‌ ಕ್ಯಾಶುವಲ್‌ ಲುಕ್‌ ಕಲ್ಪಿಸಿದೆ. ಇದರೊಂದಿಗೆ ಕೆಲವೊಮ್ಮೆ ಮಿಕ್ಸ್‌ ಮ್ಯಾಚ್‌ ಮಾಡಿ ಧರಿಸಿರುವ ರೆಡ್‌ ಫ್ರೆಂಚ್‌ ಕ್ಯಾಪ್‌ ಹಾಗೂ ಸ್ಟೋಲ್‌ಗಳು ವೆಸ್ಟರ್ನ್ ಲುಕ್‌ಗೆ ಫುಲ್‌ ಮಾಕ್ರ್ಸ್ ನೀಡಿದೆ.
(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)
ಇದನ್ನೂ ಓದಿ: Stars Desi Fashion : ಖಾದಿ-ಕಾಟನ್‌-ತ್ರಿವರ್ಣ ಶೇಡ್‌ನ ದೇಸಿ ಉಡುಗೆಗಳಲ್ಲಿ ಗಣರಾಜ್ಯೋತ್ಸವ ಸಂಭ್ರಮಿಸಿದ ಸೆಲೆಬ್ರಿಟಿಗಳು