ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮೂಗಿನ ಸೌಂದರ್ಯ ಹೆಚ್ಚಿಸುವ ಹಾರ್ಸ್‌ ಶೂ ಸೆಪ್ಟಮ್‌ ನೋಸ್‌ ರಿಂಗ್‌ಗಳು (Horseshoe Septum Ring Fashion) ಇದೀಗ ಟೀನೇಜ್‌ ಹುಡುಗಿಯರನ್ನು ಆವರಿಸಿಕೊಂಡಿವೆ. ಅಲ್ಟ್ರಾ ಮಾಡರ್ನ್‌ ಲುಕ್‌ ನೀಡುತ್ತಿರುವ ಇವು ಸದ್ಯ ಜಂಕ್‌ ಆಕ್ಸೆಸರೀಸ್‌ ಲಿಸ್ಟ್‌ನ ಟಾಪ್‌ನಲ್ಲಿವೆ. ಅದರಲ್ಲೂ ಮೂಗಿನ ಮಧ್ಯ ಭಾಗವನ್ನು ಇವು ವ್ಯಾಪಿಸಿಕೊಂಡಿದ್ದು, ನೋಡಲು ಡಿಫರೆಂಟ್‌ ಲುಕ್‌ ನೀಡುವುದರೊಂದಿಗೆ ಹೈ ಫ್ಯಾಷನ್‌ ಲುಕ್‌ಗೆ ಸಾಥ್‌ ನೀಡುತ್ತಿವೆ.

ಏನಿದು ಹಾರ್ಸ್‌ ಶೂ ಸೆಪ್ಟಮ್‌ ರಿಂಗ್‌ ಫ್ಯಾಷನ್‌

ಮೂಗಿನ ಹೊಳ್ಳೆಗೆ ಚುಚ್ಚಲಾದ ಸೆಪ್ಟಮ್‌ ನೋಸ್‌ ರಿಂಗ್‌ಗಳಿವು. ಈ ಮೊದಲು ಸೆಪ್ಟಮ್‌ ರಿಂಗ್‌ ಚುಚ್ಚುವುದು ಹೈ ಫ್ಯಾಷನ್‌ನಲ್ಲಿ ಬಂದಿತ್ತು. ಇದೀಗ ಈ ಸೆಪ್ಟಮ್‌ ನೋಸ್‌ ರಿಂಗ್‌ಗಳಲ್ಲಿ ಹಾರ್ಸ್‌ ಶೂ ರಿಂಗ್‌ಗಳು ಎಂಟ್ರಿ ನೀಡಿವೆ. ಇವು ನೋಡಲು ವಿಭಿನ್ನ ಲುಕ್‌ ನೀಡುವುದರೊಂದಿಗೆ ಜೆನ್‌ ಜಿ ಹುಡುಗಿಯರ ಆಕ್ಸೆಸರೀಸ್‌ ಅದರಲ್ಲೂ ಪಿಯರ್ಸಿಂಗ್‌ ಆಕ್ಸೆಸರೀಸ್‌ ಲಿಸ್ಟ್‌ಗೆ ಸೇರಿಕೊಂಡಿವೆ.

ಪ್ರಯೋಗಾತ್ಮಕ ಪಿಯರ್ಸಿಂಗ್‌ ಆಕ್ಸೆಸರೀಸ್‌ಗಳಿವು

“ಅಂಗೈ ಅಗಲದ ಹಾರ್ಸ್‌ ಶೂ ಸಿಂಬಲ್‌ ಇರುವಂತಹ ಮೆಟಲ್‌ ಪ್ರಾಡಕ್ಟನ್ನು ಮನೆಯ ಬಾಗಿಲಿಗೆ ನೇತುಹಾಕುವುದನ್ನು ಬಹಳಷ್ಟು ಕಡೆ ನೋಡಬಹುದು. ಇದು ಬಹಳಷ್ಟು ಕಡೆಯ ಟ್ರೆಡಿಷನಲ್‌ ರಿವಾಜಿನಲ್ಲಿ ಕಾಣಬಹುದು. ಇದೀಗ ಹುಡುಗಿಯರ ಮೂಗಿನ ಹೊಳ್ಳೆಗೆ ಸಿಕ್ಕಿಸುವಂತಹ ಫ್ಯಾಷನ್‌ನಲ್ಲಿ ಈ ಡಿಸೈನ್‌ನ ಮಿನಿ ಮೆಟಲ್‌ ನೋಸ್‌ ರಿಂಗ್‌ ಸೇರಿರುವುದು ಅಚ್ಚರಿ ಮೂಡಿಸುತ್ತದೆ. ಎಲ್ಲದಕ್ಕಿಂತ ಹೆಚ್ಚಾಗಿ ಇದು ಟ್ರೆಡಿಷನಲ್‌ ಆಕ್ಸೆಸರೀಸ್‌ ಅಲ್ಲವೇ ಅಲ್ಲ, ನಮ್ಮ ರಾಷ್ಟ್ರದಲ್ಲಿ ಮೊದಲಿನಿಂದಲೂ ಮೂಗಿಗೆ ರಿಂಗ್‌ ಹಾಗೂ ಮೂಗಿನ ಬೊಟ್ಟು ಧರಿಸುವುದು ಟ್ರೆಡಿಷನಲ್‌ ಆಕ್ಸೆಸರೀಸ್‌ನಲ್ಲಿವೆ. ಹೆಚ್ಚೆಂದರೇ ಅಗಲವಾದ ಹಾಗೂ ಬಂಗಾರೇತರ ಮೆಟಲ್‌ಗಳನ್ನು ಧರಿಸುವ ಫ್ಯಾಷನ್‌ ಇದೀಗ ಇಂಡೋ-ವೆಸ್ಟರ್ನ್‌ ಫ್ಯಾಷನ್‌ನಲ್ಲಿ ಎಂಟ್ರಿ ನೀಡಿವೆ. ಇದಕ್ಕೆಲ್ಲಾ ತದ್ವಿರುದ್ಧವೆಂಬಂತೆ, ನಮ್ಮ ರಿವಾಜಿನಲ್ಲಿ ಇಲ್ಲದ, ಹಾರ್ಸ್‌ ಶೂ ಸೆಪ್ಟಮ್‌ ರಿಂಗ್‌ಗಳು ಪ್ರಯೋಗಾತ್ಮಕ ನೋಸ್‌ ರಿಂಗ್‌ ಫ್ಯಾಷನ್‌ಗೆ ಲಗ್ಗೆ ಇಟ್ಟಿವೆ. ಜೆನ್‌ ಜಿ ಹುಡುಗಿಯರು ಅದರಲ್ಲೂ ಕೊಂಚ ಹೈ ಸ್ಟ್ರೀಟ್‌ ಫ್ಯಾಷನ್‌ ಆಕ್ಸೆಸರೀಸ್‌ ಇಷ್ಟಪಡುವಂತಹ ಹುಡುಗಿಯರನ್ನು ಸೆಳೆದಿವೆ” ಎಂದು ಈ ಫ್ಯಾಷನ್‌ ಬಗ್ಗೆ ತಿಳಿಸುವ ಸ್ಟೈಲಿಸ್ಟ್‌ ಧನ್ಯಾ ಅವರ ಪ್ರಕಾರ, ಇವು ಸದ್ಯ ಪಿಯರ್ಸಿಂಗ್‌ ಪ್ರಿಯರ ಆಕ್ಸೆಸರೀಸ್‌ಗಳಾಗಿವೆ ಎನ್ನುತ್ತಾರೆ.

ಟ್ರೆಂಡಿಯಾಗಿರುವ ಹಾರ್ಸ್‌ ಶೂ ಸೆಪ್ಟಮ್‌ ರಿಂಗ್‌

ಇದೀಗ ಹಾರ್ಸ್‌ ಶೂ ಸೆಪ್ಟಮ್‌ ರಿಂಗ್‌ಗಳಲ್ಲಿ ಮ್ಯಾಗ್ನೆಟಿಕ್‌ ರಿಂಗ್‌ಗಳು ಹೆಚ್ಚು ಟ್ರೆಂಡ್‌ನಲ್ಲಿವೆ. ಖುಷಿಯ ವಿಚಾರವೆಂದರೇ, ಇವನ್ನು ಮೂಗಿನ ಹೊಳ್ಳೆ ಚುಚ್ಚದೆಯೇ ಧರಿಸಬಹುದು. ಇವು ಪ್ಲಾಟಿನಂ ಕೋಟೆಡ್‌ನಲ್ಲಿ ದೊರೆಯುತ್ತವೆ. ಇನ್ನು ನಾರ್ಮಲ್‌ ಡಿಸೈನ್‌ನವನ್ನು ಚುಚ್ಚಿಸಿ ಧರಿಸಬೇಕಾಗುತ್ತದೆ. ಕೆಲವರು ಇವನ್ನು ಗೋಲ್ಡ್‌ ಹಾಗೂ ಸಿಲ್ವರ್‌ನಲ್ಲೂ ಧರಿಸುತ್ತಾರೆ. ಡೈಮಂಡ್‌ನವು ಕೂಡ ದೊರೆಯುತ್ತವೆ. ಇನ್ನು ಬ್ಲ್ಯಾಕ್‌ ಮೆಟಲ್‌ ಹಾಗೂ ವೈಟ್‌ ಮೆಟಲ್‌ನವು ಹೆಚ್ಚು ಚಾಲ್ತಿಯಲ್ಲಿವೆ.

ಎಲ್ಲೆಲ್ಲಿ ಲಭ್ಯ ? ಯಾವುದೆಲ್ಲಾ ಬೆಸ್ಟ್‌ ?

• ಬೆಂಗಳೂರಿನ ಕಮರ್ಷಿಯಲ್‌ ಸ್ಟ್ರೀಟ್‌ ಆಕ್ಸೆಸರೀಸ್‌ ಶಾಪ್‌ಗಳಲ್ಲಿ ನಾನಾ ಡಿಸೈನ್‌ನವು ಲಭ್ಯ.
• ಆನ್‌ಲೈನ್‌ ಶಾಪ್‌ಗಳಲ್ಲಿ ಬೇಕಾದ ಡಿಸೈನ್‌ನವನ್ನು ಖರೀದಿಸಬಹುದು.
• ಆದಷ್ಟೂ ಫಿನಿಶಿಂಗ್‌ ಇರುವಂತದ್ದನ್ನು ಕೊಳ್ಳಬೇಕು.
• ಗುಣಮಟ್ಟದ ಬ್ರಾಂಡೆಡ್‌ ಪ್ರಾಡಕ್ಟ್‌ ಖರೀದಿಸಿ.
• ನೋಸ್‌ ಪಿಯರ್ಸಿಂಗ್‌ ಮಾಡಿಸುವವರ ಬಳಿಯೂ ದೊರೆಯುತ್ತವೆ.

(ಲೇಖಕಿ : ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Summer Fashion: ಬದಲಾಯ್ತು ಜೆನ್‌ ಜಿ ಹುಡುಗರ ಸಮ್ಮರ್‌ ಫ್ಯಾಷನ್‌ ಸ್ಟೇಟ್‌ಮೆಂಟ್ಸ್‌

ನವದೆಹಲಿ: ಜನಪ್ರಿಯ ಫ್ಯಾಷನ್ ಐಕಾನ್​ ಸುರಭಿ ಜೈನ್ ಕ್ಯಾನ್ಸರ್​ನೊಂದಿಗಿನ ದೀರ್ಘಕಾಲದ ಹೋರಾಟದ ನಂತರ ನಿಧನ ಹೊಂದಿದ್ದಾರೆ ಎಂದು ಅವರ ಕುಟುಂಬವು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದೆ. ಅವರಿಗೆ 30 ವರ್ಷ ವಯಸ್ಸಾಗಿತ್ತು. ಇನ್​ಸ್ಟಾಗ್ರಾಮ್​ನಲ್ಲಿ ಅಪಾರ ಅಭಿಮಾನಿಗಳನ್ನು ಹೊಂದಿದ್ದರೆ. ಜೈನ್ ಅಂಡಾಶಯದ ಕ್ಯಾನ್ಸರ್ಗೆ ಚಿಕಿತ್ಸೆ ಪಡೆಯುತ್ತಿದ್ದರು. ಎಂಟು ವಾರಗಳ ಹಿಂದೆ ಇನ್ಸ್ಟಾಗ್ರಾಮ್​ನಲ್ಲಿ ಹಾಕಿದ ತನ್ನ ಕೊನೆಯ ಪೋಸ್ಟ್​ನಲ್ಲಿ ಸುರಭಿ ಜೈನ್ ಆಸ್ಪತ್ರೆಯಲ್ಲಿ ತನ್ನ ಚಿತ್ರ ಹಂಚಿಕೊಂಡಿದ್ದರು.

View this post on Instagram

A post shared by Surbhi Jain (@surbhis.jain)

“ನನ್ನ ಆರೋಗ್ಯದ ಬಗ್ಗೆ ನಾನು ನಿಮಗೆ ಅಪ್ಡೇಟ್ ಮಾಡಿಲ್ಲ ಎಂದು ನನಗೆ ತಿಳಿದಿದೆ. ಅದರ ಬಗ್ಗೆ ನಾನು ಪ್ರತಿದಿನ ಪಡೆಯುತ್ತಿರುವ ಸಂದೇಶಗಳ ಸಂಖ್ಯೆಯನ್ನು ನೋಡಿದರೆ ಭಯವಾಗುತ್ತಿದೆ. ವಿಷಯಗಳು ಉತ್ತಮವಾಗಿ ನಡೆಯುತ್ತಿಲ್ಲ. ಆದ್ದರಿಂದ ಹಂಚಿಕೊಳ್ಳಲು ಹೆಚ್ಚು ಇಲ್ಲ. ಕಳೆದ 2 ತಿಂಗಳುಗಳಲ್ಲಿ ನಾನು ಹೆಚ್ಚಾಗಿ ಆಸ್ಪತ್ರೆಯಲ್ಲಿ ಕಳೆದಿದ್ದೇನೆ. ಚಿಕಿತ್ಸೆ ನಡೆಯುತ್ತಿದೆ. ಕಷ್ಟ ಮತ್ತು ಇದೆಲ್ಲವೂ ಕೊನೆಗೊಳ್ಳಬೇಕೆಂದು ನಾನು ಬಯಸುತ್ತೇನೆ” ಎಂದು ಅವರು ಬರೆದುಕೊಂಡಿದ್ದರು.

ಇದನ್ನೂ ಓದಿ: Gut Health: ನಿಮ್ಮ ಕರುಳಿನ ಆರೋಗ್ಯಕ್ಕಾಗಿ ಬೇಸಿಗೆಯಲ್ಲಿ ಈ ಡ್ರಿಂಕ್ಸ್ ಸೇವಿಸಿ

ಅವರ ಸಾವಿನ ಸುದ್ದಿಯನ್ನು ಅವರ ಕುಟುಂಬವು ಅವರ ಅಧಿಕೃತ ಸಾಮಾಜಿಕ ಮಾಧ್ಯಮ ಖಾತೆಗಳಲ್ಲಿ ಹಂಚಿಕೊಂಡಿದೆ. ಅವರು ಗುರುವಾರ ನಿಧನರಾದರು ಮತ್ತು ಏಪ್ರಿಲ್ 19 ರಂದು ಗಾಜಿಯಾಬಾದ್​ನಲ್ಲಿ ಅಂತ್ಯಕ್ರಿಯೆ ಮಾಡಲಾಯಿತು ಎಂದು ಅವರು ಹೇಳಿದರು.

ಸುರಭಿ ಜೈನ್ ಅವರಿಗೆ ಕ್ಯಾನ್ಸರ್ ಗಾಗಿ ಚಿಕಿತ್ಸೆ ಪಡೆಯುತ್ತಿರುವುದು ಇದು ಎರಡನೇ ಬಾರಿ. 27 ನೇ ವಯಸ್ಸಿನಲ್ಲಿ, ಅವರು ತಮ್ಮ ಮೊದಲ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದರು. “ಶಸ್ತ್ರಚಿಕಿತ್ಸೆಯಿಂದ ನನಗೆ 149 ಹೊಲಿಗೆಗಳು ಮತ್ತು ಸಾಕಷ್ಟು ನೋವು ಕಾಣಿಸಿಕೊಂಡಿತು. ನಾನು ಹೆಚ್ಚು ಚಟವಟಿಕೆಯಿಂದ ಇರಲು ಹಾಗೂ ನಗು ಮೂಡಿಸಲು ಶ್ರಮ ವಹಿಸುತ್ತಿದ್ದೇನೆ ಎಂದು ಅವರು ಆ ವೇಳೆ ಬರೆದುಕೊಂಡಿದ್ದರು.

ಅಂಡಾಶಯದ ಕ್ಯಾನ್ಸರ್ ಅಂಡಾಶಯಗಳಲ್ಲಿ ಹುಟ್ಟುತ್ತದೆ ಮತ್ತು ಇದು ಮಹಿಳೆಯರಿಗೆ ಗಮನಾರ್ಹ ಆರೋಗ್ಯ ಕಾಳಜಿಯಾಗಿದೆ. ಈ ರೋಗವು ಅಂಡಾಶಯಗಳಲ್ಲಿ ಮಾರಣಾಂತಿಕ ಗೆಡ್ಡೆಯಿಂದ ಆರಂಭವಾಗುತ್ತದೆ. ಇದು ಆರೋಗ್ಯಕರ ಅಂಗಾಂಶಗಳನ್ನು ನಾಶಪಡಿಸುತ್ತದೆ. ಇದು ಸ್ತನ ಮತ್ತು ಗರ್ಭಕಂಠದ ಕ್ಯಾನ್ಸರ್ ನಂತರ ಭಾರತದಲ್ಲಿ ಮಹಿಳೆಯರಲ್ಲಿ ಮೂರನೇ ಅತ್ಯಂತ ಸಾಮಾನ್ಯ ಕ್ಯಾನ್ಸರ್ ಆಗಿದೆ.

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಜೆನ್‌ ಜಿ ಹುಡುಗರ ಫ್ಯಾಷನ್‌ ಈ ಸೀಸನ್‌ಗೆ (Summer Fashion) ತಕ್ಕಂತೆ ಬದಲಾಗಿದೆ. ಹಾಗೆಂದು ಯಾವುದು ಹೊಸತೆನಿಸುವುದಿಲ್ಲ! ಬದಲಿಗೆ ಇರುವ ಫ್ಯಾಷನ್‌ವೇರ್‌ಗಳ ರೂಪದಲ್ಲಿ ಬದಲಾವಣೆ ಕಂಡಿದೆ. ಜೊತೆಗೆ ಧರಿಸುವ ಸ್ಟೈಲಿಂಗ್‌ ಮೊದಲಿಗಿಂತ ಕೊಂಚ ಮಾಡರ್ನ್‌ ಕಾನ್ಸೆಪ್ಟ್‌ನಲ್ಲಿ ಕಾಣಿಸಿಕೊಂಡಿದೆ.

ಅಭಿರುಚಿಗೆ ತಕ್ಕಂತೆ ಬದಲಾಗುವ ಸ್ಟೈಲಿಂಗ್‌

“ಈ ಜನರೇಷನ್‌ನಲ್ಲಿ, ಜೆನ್‌ ಜಿ ಹುಡುಗರ ಸ್ಟೈಲೇ ಬೇರೇ! ಫ್ಯಾಷನ್ನೇ ಬೇರೇ! ಈ ಬಾರಿಯ ಸಮ್ಮರ್‌ ಫ್ಯಾಷನ್‌ನಲ್ಲಿ ಹುಡುಗರ ಸಾಕಷ್ಟು ಫ್ಯಾಷನ್‌ವೇರ್‌ಗಳ ಸ್ಟೈಲಿಂಗ್‌ ಬದಲಾಗಿದೆ. ಡಿಫರೆಂಟ್‌ ಸ್ಟೈಲಿನಲ್ಲಿ ಕಾಣಬಯಸುತ್ತಿದ್ದಾರೆ. ಮಿಕ್ಸ್‌ ಮ್ಯಾಚ್‌, ಕಾಂಟ್ರಾಸ್ಟ್‌ ಹಾಗೂ ರೆಟ್ರೊ ಔಟ್‌ಫಿಟ್ಸ್‌ ವಿತ್‌ ಡಿಫರೆಂಟ್‌ ಸ್ಟೈಲಿಂಗ್‌ ಸೇರಿದಂತೆ ನಾನಾ ಬಗೆಯ ಔಟ್‌ಫಿಟ್‌ ಧರಿಸುವ ವರಸೆ ಚೇಂಜ್‌ ಆಗಿದೆ. ಸಮೀಕ್ಷೆಯೊಂದರ ಪ್ರಕಾರ, ಈ ಜನರೇಷನ್‌ನ ಹುಡುಗರ ಸ್ಟೈಲಿಂಗ್‌ ಒಂದೇ ಬಗೆಯದ್ದಾಗಿರುವುದಿಲ್ಲ. ಬದಲಿಗೆ ಒಬ್ಬೊಬ್ಬರದು ಒಂದೊಂದು ಬಗೆಯದ್ದಾಗಿರುತ್ತದೆ. ಪ್ರತಿಯೊಬ್ಬರದು ಯೂನಿಕ್‌ ಸ್ಟೈಲಿಂಗ್‌ ಎಂದರೂ ತಪ್ಪಲ್ಲ! ಒಟ್ಟಿನಲ್ಲಿ ಈ ಜನರೇಷನ್‌ನ ಹೈಕಳು ಕಂಪ್ಲೀಟ್‌ ಡಿಫರೆಂಟಾಗಿ ಕಾಣಲು ಬಯಸುತ್ತಾರೆ. ನಾವು ಅವರಂತೆ ಕಾಣಬಾರದು, ನಾವು ಅವರಿಗಿಂತ ಭಿನ್ನವಾಗಿ ಕಾಣಿಸಬೇಕು ಎಂಬುದು ಅವರ ಚಾಯ್ಸ್‌ ಆಗಿದೆ. ಹಾಗಾಗಿ ಎಲ್ಲರದ್ದೂ ಒಂದೇ ಬಗೆಯ ಫ್ಯಾಷನ್‌ ಹಾಗೂ ಸ್ಟೈಲ್‌ ಸ್ಟೇಟ್‌ಮೆಂಟ್‌ ಆಗಲು ಸಾಧ್ಯವಿಲ್ಲ!” ಎನ್ನುತ್ತಾರೆ ಫ್ಯಾಷನ್‌ ಸ್ಪೆಷಲಿಸ್ಟ್‌ ರಜತ್‌ ಗಾಂದಿ. ಅವರ ಪ್ರಕಾರ, ಹುಡುಗರ ಅಭಿರುಚಿ ಆಗಾಗ್ಗೆ ಬದಲಾಗುತ್ತಿರುತ್ತದಂತೆ. ಹಾಗೆಂದು ವಿಚಿತ್ರವಾಗಿರುವುದಿಲ್ಲ ಎನ್ನುತ್ತಾರೆ.

ರೆಟ್ರೊ ಫ್ಯಾಷನ್‌ವೇರ್ಸ್‌ನ ವಿನೂತನ ಸ್ಟೈಲಿಂಗ್‌

ದೊಗಲೆ ಪ್ಯಾಂಟ್‌, ಟ್ಯಾಪರ್‌, ರಿಪ್ಪಡ್‌ ಪ್ಯಾಂಟ್ಸ್‌, ರಿಂಕಲ್ಸ್‌ ಪುಶ್‌ಬ್ಯಾಕ್‌ ಪ್ಯಾಂಟ್ಸ್‌, ಕಾರ್ಪೆಂಟರ್‌ ಪ್ಯಾಂಟ್ಸ್‌, ಜಾಗರ್ಸ್‌ ಸೇರಿದಂತೆ ನಾನಾ ಬಗೆಯ ರೆಟ್ರೊ ಲುಕ್‌ ನೀಡುವ ಪ್ಯಾಂಟ್‌ಗಳು ಮತ್ತೊಮ್ಮೆ ಫ್ಯಾಷನ್‌ನಲ್ಲಿ ಮರಳಿವೆ. ಹಾಗೆಂದು ಹಳೆಯ ಕಾಲದ ಪುರುಷರು ಧರಿಸುತ್ತಿದ್ದ ಸ್ಟೈಲಿಂಗ್‌ನಲ್ಲಿ ಅಲ್ಲ, ಬದಲಿಗೆ ಬದಲಾದ ರೂಪದಲ್ಲಿ, ಧರಿಸುವ ಬಗೆ ಮಾತ್ರ ಹೀಗೂ ಉಂಟಾ? ಎನ್ನುವ ಮಟ್ಟಿಗೆ ಬದಲಾಗಿದೆ ಎನ್ನುತ್ತಾರೆ ಮೆನ್ಸ್‌ ಸ್ಟೈಲಿಸ್ಟ್‌ ಜಾನ್‌.

ಸ್ಲಿಮ್‌ ಫಿಟ್‌ ಶರ್ಟ್ಸ್‌

ಸ್ಲಿಮ್‌ ಫಿಟ್‌ ಟೀ-ಶರ್ಟ್ಸ್‌ ಇದೀಗ ಈ ದೊಗಲೆಯಂತಹ ಪ್ಯಾಂಟ್‌ಗಳಿಗೆ ಜೊತೆಯಾಗಿವೆ. ಫುಲ್‌ ಸ್ಲೀವ್‌ ಇದೀಗ ಸೈಡಿಗೆ ಸರಿದಿದ್ದು ಹಾಫ್‌ ಸ್ಲೀವ್‌ನವು ಈ ಸೀಸನ್‌ನಲ್ಲಿ ಬಂದಿವೆ. ಪ್ರಿಂಟೆಡ್‌ ಅದರಲ್ಲೂ ಲೈಟ್‌ ಪ್ರಿಂಟೆಡ್‌ ಶರ್ಟ್ಸ್‌ ಬ್ರಾಂಡ್‌ಗಳಲ್ಲಿ ಬಿಡುಗಡೆಯಾಗಿದ್ದು, ಸಖತ್‌ ಟ್ರೆಂಡಿಯಾಗಿವೆ. ಚೆಕ್ಸ್‌ ಶರ್ಟ್ಸ್‌ ಹುಡುಗರಿಂದ ದೂರ ಓಡಿವೆ.

ದೊಗಲೆ ಟೀ ಶರ್ಟ್ಸ್‌

ರೌಂಡ್‌ ನೆಕ್‌ ಹಾಗೂ ವೀ ನೆಕ್‌ನ ದೊಗಲೆ ಟೀ ಶರ್ಟ್ಸ್‌ ಇದೀಗ ಹುಡುಗರನ್ನು ಅಪ್ಪಿಕೊಂಡಿವೆ. ನೋಡಲು ಲೂಸಾಗಿ ಕಂಡರೂ ಇವು ಜೆನ್‌ ಜಿ ಹುಡುಗರ ಫ್ಯಾಷನ್‌ನಲ್ಲಿ ಜಾಗ ಪಡೆದುಕೊಂಡಿವೆ.

ಲಾಂಗ್‌ ಶಾರ್ಟ್ಸ್‌

ಸಮ್ಮರ್‌ ಲುಕ್‌ ಹಾಗೂ ಟ್ರಾವೆಲ್‌ ಫ್ಯಾಷನ್‌ನಲ್ಲಿ ಲಾಂಗ್‌ ಶಾರ್ಟ್ಸ್‌ ಆಗಮಿಸಿವೆ. ಇತ್ತ ಬರ್ಮಡಾ ಅಲ್ಲ, ಅತ್ತ ಶಾರ್ಟ್ಸ್‌ ಅಲ್ಲ, ಆ ಲೆಂಥ್‌ನ ಲಾಂಗ್‌ ಶಾರ್ಟ್ಸ್‌ ನಾನಾ ಪಾಕೆಟ್‌ ಡಿಸೈನ್‌ಗಳಲ್ಲಿ ಬಂದಿವೆ. ಹುಡುಗರನ್ನು ಸವಾರಿ ಮಾಡತೊಡಗಿವೆ.

ಗ್ರಾಫಿಕ್‌ ಟೀ ಶರ್ಟ್ಸ್‌

ತಮ್ಮಲ್ಲಿರುವ ಆಸಕ್ತಿ ತೋರ್ಪಡಿಸಲು ಸಹಕಾರಿಯಾಗಿರುವ ಗ್ರಾಫಿಕ್‌ ಟೀ ಶರ್ಟ್ಸ್‌ ಇದೀಗ ಹುಡುಗರನ್ನು ಸೆಳೆದಿವೆ. ಆಯಾ ಹುಡುಗನ ಕಲರ್‌ ಆಯ್ಕೆಗೆ ತಕ್ಕಂತೆ ನಾನಾ ಬ್ರಾಂಡ್‌ಗಳಲ್ಲೂ ಕಂಡು ಬರುತ್ತಿವೆ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Summer Fashion: ಸಮ್ಮರ್‌ ಫ್ಯಾಷನ್‌ನಲ್ಲಿ ಬಂತು ತಂಪೆರೆಯುವ ವಾಟರ್‌ಫಾಲ್‌ ಇಯರಿಂಗ್ಸ್‌

ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮದುವೆ ಸೀರೆಗಳ ಆಯ್ಕೆ (Wedding Saree Selection) ಮಾಡುವುದು ಸುಲಭವೇನಲ್ಲ! ಹೌದು, ಇದರಲ್ಲಿ ಮದುವೆಯಾಗುತ್ತಿರುವ ಮದುಮಗಳ ಆಯ್ಕೆ ಮಾತ್ರವಲ್ಲ, ಆಪ್ತರ, ಮನೆಯವರ ಪಾತ್ರವೂ ಇರುತ್ತದೆ. ಕೆಲವೊಮ್ಮೆ ಕುಟುಂಬದವರ ಇಷ್ಟನುಸಾರವಾಗಿಯೂ ಸೀರೆಯ ಆಯ್ಕೆ ನಡೆಯುತ್ತದೆ. ಇನ್ನು, ಕೆಲವೊಮ್ಮೆ ಸಂಪ್ರಾದಾಯಗಳನ್ನು ಪಾಲಿಸಲು ಆಯಾ ಶಾಸ್ತ್ರಕ್ಕೆ ಹೊಂದುವ ಡಿಸೈನ್ಸ್‌ ಒಪ್ಪಿಕೊಳ್ಳಬೇಕಾಗುತ್ತದೆ. ಇವೆಲ್ಲದರ ಮಧ್ಯೆ ಮದುವೆ ಮನೆಯ ಇಡೀ ಕುಟುಂಬದ ಹೆಣ್ಣುಮಕ್ಕಳ ಸೀರೆ ಸೆಲೆಕ್ಷನ್‌ ಕೂಡ ಇದೇ ಸಮಯದಲ್ಲಿ ನಡೆಯುತ್ತದೆ. ಹಾಗಾಗಿ ಸೀರೆ ಸೆಲೆಕ್ಷನ್‌ ಮಾಡುವುದು ವೆಡ್ಡಿಂಗ್‌ ಕೆಲಸಗಳಲ್ಲಿ ಟಾಸ್ಕ್‌ ಇದ್ದಂತೆ. ಇಂತಹ ಸನ್ನಿವೇಶಗಳಲ್ಲಿ ಕೆಲವು ಸಿಂಪಲ್‌ ಟಿಪ್ಸ್‌ ಪಾಲಿಸಿದಲ್ಲಿ, ಹೆಚ್ಚು ತಲೆ ಬಿಸಿಯಿಲ್ಲದೇ ಟ್ರೆಂಡಿ ಮದುವೆ ಸೀರೆಗಳನ್ನು ಸೆಲೆಕ್ಟ್‌ ಮಾಡಬಹುದು ಎನ್ನುತ್ತಾರೆ ಸೀರೆ ಎಕ್ಸ್‌ಫರ್ಟ್ಸ್‌.
“ಕೆಲವೊಮ್ಮೆ ಮದುವೆ ಹೆಣ್ಣಿನ ಸೀರೆಗಳೊಂದಿಗೆ ಕುಟುಂಬದ ಇತರೇ ಹೆಣ್ಣುಮಕ್ಕಳ ಸೀರೆಗಳನ್ನೂ ಆಯ್ಕೆ ಮಾಡಬೇಕಾಗುತ್ತದೆ. ಇದು ಕೂಡ ಒಂದು ಅತಿ ದೊಡ್ಡ ಟಾಸ್ಕ್‌. ಸಿಂಪಲ್‌ ಸುಲಭೋಪಾಯಗಳನ್ನು ಕಂಡುಕೊಂಡು ಒಂದಿಷ್ಟು ಐಡಿಯಾ ಫಾಲೋ ಮಾಡಿದಲ್ಲಿ ನಿರಾತಂಕವಾಗಿ ಸೆಲೆಕ್ಟ್‌ ಮಾಡಬಹುದು” ಎನ್ನುತ್ತಾರೆ ಸೀರೆ ಡ್ರೇಪರ್ಸ್.‌ ಈ ಕುರಿಂತಂತೆ ಒಂದಿಷ್ಟು ಸಿಂಪಲ್‌ ಟಿಪ್ಸ್ ನೀಡಿದ್ದಾರೆ.

ಮೊದಲು ಪ್ಲಾನ್‌ ಮಾಡಿ

ಮದುವೆ ಹೆಣ್ಣಿನ ಸೀರೆ ಖರೀದಿಗೆ ತೆರಳುವ ಮುನ್ನವೇ, ಯಾವ ಅಂಗಡಿಗೆ ತೆರಳಬೇಕು? ಎಲ್ಲೆಲ್ಲಿ ತಮಗೆ ಅವಶ್ಯವಿರುವಂತಹ ರೇಷ್ಮೆ ಸೀರೆಗಳು ದೊರೆಯುತ್ತವೆ? ಯಾವುದೆಲ್ಲಾ ಲಭ್ಯ? ಎಷ್ಟು ಸಮಯ ತೆಗೆದುಕೊಳ್ಳಬಹುದು? ಯಾರೆಲ್ಲಾ ಹೋಗಬೇಕು? ಯಾವ ಸಮಯದಲ್ಲಿ ತೆರಳುವುದು ಉತ್ತಮ? ಬಜೆಟ್‌ ಏನು? ಎಂಬುದರ ಕುರಿತಂತೆ ಮೊದಲೇ ಪ್ಲಾನ್‌ ಮಾಡಿ, ನೋಡಿ.

ಗ್ರೂಪ್‌ಗೆ ಜವಾಬ್ದಾರಿ ವಹಿಸಿ

ಮದುವೆಯ ಸೀರೆ ಖರೀದಿಸಲು ತೆರಳುವಾಗ ಆದಷ್ಟೂ ಎಲ್ಲಾ ಕುಟುಂಬದವರು ಗ್ರೂಪ್‌ನಲ್ಲಿ ತೆರಳುತ್ತಾರೆ. ಹಾಗಾಗಿ, ಮೊದಲೇ ಯಾವ ಗ್ರೂಪ್‌ನ ಸದಸ್ಯರು ಯಾರ್ಯಾರಿಗೆ ಸೀರೆ ಕೊಳ್ಳಬೇಕು? ಮದುಮಗಳ ಸೀರೆ ಆಯ್ಕೆಗೆ ಯಾರು ಆಕೆಯ ಜತೆಗಿರಬೇಕು? ಎಂಬುದನ್ನು ನಿರ್ಧರಿಸಬೇಕು. ಆಗ ಯಾರಿಗೂ ಕನ್‌ಫ್ಯೂಸ್‌ ಆಗುವುದಿಲ್ಲ. ಆಯ್ಕೆ ಸುಲಭವಾಗುವುದು.

ಮೊದಲು ಮದುಮಗಳ ಸೀರೆ ಖರೀದಿಸಿ

ರೇಷ್ಮೆ ಸೀರೆ ಕೊಳ್ಳುವಾಗ ಮೊದಲು ಮದುಮಗಳ ಸೀರೆಯನ್ನು ಆಯ್ಕೆ ಮಾಡಿ. ನಂತರ ಉಳಿದವರ ಯೋಚನೆ ಮಾಡಿ. ಮೊದಲೇ ಇತರರಿಗೆ ಸೀರೆ ಖರೀದಿ ಮಾಡಿ ನಂತರ, ಆಕೆಯ ಸೀರೆ ಖರೀದಿಗೆ ಹೋಗುವುದಾದಲ್ಲಿ ಅಷ್ಟರೊಳಗೆ ಎಲ್ಲರ ಎನರ್ಜಿಯು ಕಡಿಮೆಯಾಗುವುದು, ಉತ್ಸಾಹ ಕುಂದಬಹುದು. ಹಾಗಾಗಿ, ಮೊದಲೇ ಮದುಮಗಳ ರೇಷ್ಮೆ ಸೀರೆ ಆಯ್ಕೆ ಮಾಡಿ.

ಟ್ರೆಂಡಿ ಡಿಸೈನ್‌ ಹಾಗೂ ಗುಣಮಟ್ಟಕ್ಕೆ ಪ್ರಾಮುಖ್ಯತೆ ನೀಡಿ

ಸದ್ಯ ಟ್ರೆಂಡಿಯಾಗಿರುವ ಡಿಸೈನ್‌ ರೇಷ್ಮೆ ಸೀರೆಗಳನ್ನು ಮೊದಲು ನೋಡಿ. ಮೊದಲೇ ಅದೇ ಬೇಕು, ಇದೇ ಬೇಕು ಎನ್ನುವುದಾದಲ್ಲಿ ಅಂತಹ ಡಿಸೈನ್‌ನದ್ದನ್ನು ತೆಗೆಸಿ, ಚೆಕ್‌ ಮಾಡಿ. ಸಿಲ್ಕ್‌ ಮಾರ್ಕ್‌ ಇರುವಂತಹದ್ದನ್ನು ನೋಡಿ ಖರೀದಿಸಿ.

ಮಾರಾಟಗಾರರ ಮಾತಿಗೆ ಮರುಳಾಗಬೇಡಿ

ಅಂಗಡಿಯವರ ಹಾಗೂ ಮಾರಾಟಗಾರರ ಮಾತಿಗೆ ಮರುಳಾಗಿ ಖರೀದಿಸಬೇಡಿ. ನಿಮಗೆ ಬೇಕಾದ್ದನ್ನು ಮೊದಲೇ ಮೊಬೈಲ್‌ನಲ್ಲಿ ಫೋಟೋ ಸೇವ್‌ ಮಾಡಿಕೊಂಡು ತೋರಿಸಿ ಕೇಳಿ ನೋಡಿ.

ಮದುವೆಗೆ ಆನ್‌ಲೈನ್‌ ಸೀರೆ ಖರೀದಿ ಬೇಡ

ಮದುವೆಯ ದುಬಾರಿ ಸೀರೆಗಳನ್ನು ಆನ್‌ಲೈನ್‌ನಲ್ಲಿ ಖರೀದಿಸಬೇಡಿ. ಯಾಕೆಂದರೇ, ನೀವು ನೋಡಿದ ಫ್ಯಾಬ್ರಿಕ್‌, ಬಂದ ನಂತರ ಬೇರೇ ರೀತಿಯಲ್ಲಿ ಕಾಣಿಸಬಹುದು. ಇಷ್ಟವಾಗದೇ ಹೋಗಬಹುದು. ಹಾಗಾಗಿ ಅಂಗಡಿಗೆ ತೆರಳಿ ಖರೀದಿಸಿ.

ಡ್ರೇಪಿಂಗ್‌ ಟ್ರಯಲ್‌ ನೋಡಿ

ದುಬಾರಿ ಸೀರೆಗಳನ್ನು ನೋಡಿದಾಕ್ಷಣ ಆಯ್ಕೆ ಮಾಡಬೇಡಿ. ನೀವು ಉಟ್ಟ ಉಡುಪಿನ ಮೇಲೆಯೇ ಟ್ರಯಲ್‌ ಮಾಡುವ ಸೌಲಭ್ಯವಿರುತ್ತದೆ. ಅಂತಹದ್ದನ್ನು ನೋಡಿ ಕೊಳ್ಳಿ. ಕೆಲವು ಸೀರೆಗಳು ನೋಡಿದಾಗ ಚೆನ್ನಾಗಿ ಕಾಣುತ್ತವೆ. ಉಟ್ಟಾಗ ಡಿಫರೆಂಟಾಗಿ ಕಾಣುತ್ತವೆ. ಹಾಗಾಗಿ ಮೊದಲೇ ಪರಿಶೀಲಿಸಿ.

ಸ್ಕಿನ್‌ ಟೋನ್‌ಗೆ ಮ್ಯಾಚ್‌ ಆಗುವ ಬಣ್ಣದ ಆಯ್ಕೆ

ಎಲ್ಲದಕ್ಕಿಂತ ಹೆಚ್ಚಾಗಿ ನಿಮ್ಮ ಸ್ಕಿನ್‌ ಟೋನ್‌ಗೆ ಮ್ಯಾಚ್‌ ಆಗುವ ಬಣ್ಣದ ರೇಷ್ಮೆ ಸೀರೆಯ ಶೇಡ್‌ ಆಯ್ಕೆ ಮಾಡಿ. ಯಾಕೆಂದರೇ, ನಿಮ್ಮ ಮದುವೆಯ ದಿನ ಅದು ಮುಖದ ಕಾಂತಿ ಹೆಚ್ಚಿಸುವಲ್ಲಿ ಪಾತ್ರ ವಹಿಸುತ್ತದೆ. ಹಾಗಾಗಿ ಯಾರ ಮಾತು ಕೇಳದೇ ಬ್ಯೂಟಿ ಎಕ್ಸ್‌ಫರ್ಟ್ಸ್‌ ಸಲಹೆ ಪಡೆದು ಖರೀದಿಸಿ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Niveditha Gowda: ಗೋಲ್ಡನ್‌ ಲುಕ್‌ನಲ್ಲಿ ನಿವೇದಿತಾ ಗೌಡ ಕಮಾಲ್‌