ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಪ್ರೇಮಿಗಳ ದಿನಾಚರಣೆಯ ಪ್ರಯುಕ್ತ ನಾನಾ ಬಗೆಯ ಆಕರ್ಷಕ ಹೃದಯಾಕಾರದ ಆಕ್ಸೆಸರೀಸ್‌ಗಳು ಫಂಕಿ ಫ್ಯಾಷನ್‌ ಹಾಗೂ ಜ್ಯುವೆಲರಿ ಲೋಕಕ್ಕೆ ಕಾಲಿಟ್ಟಿದ್ದು, ಪ್ರೇಮಿಗಳ ಮನ ಗೆದ್ದಿವೆ.
ಯಾವ್ಯಾವ ಆಕ್ಸೆಸರೀಸ್‌ ಲಭ್ಯ
ಹೃದಯಾಕಾರದ ಚಿಕ್ಕ ಸೈಝಿನ ಪೆಂಡೆಂಟ್‌ನಿಂದಿಡಿದು ಅಂಗೈ ಅಗಲದ ಪೆಂಡೆಂಟ್ಸ್‌, ಅತ್ಯಾಕರ್ಷಕ ಕ್ರಿಸ್ಟಲ್‌ ಅಥವಾ ಜೆಮ್‌ ಸ್ಟೋನ್ಸ್ ಇರುವಂತಹ ಫಿಂಗರ್‌ ರಿಂಗ್ಸ್‌, ಇಯರಿಂಗ್ಸ್‌, ಚಿಕ್ಕ ಚಿಕ್ಕ ಹೃದಯಾಕಾರದ ಡಿಸೈನ್‌ ಹೊಂದಿರುವಂತಹ ಟಾಸೆಲ್ಸ್‌ ಇರುವಂತಹ ಬ್ರೆಸ್‌ಲೇಟ್ಸ್‌, ಫಂಕಿ ನೆಕ್‌ಪೀಸ್‌, ಹಾರ್ಟ್ ಶೇಪ್‌ ಬಕಲ್‌ನ ಡಿಸೈನರ್‌ ಬೆಲ್ಟ್ಸ್, ಗೋಲ್ಡನ್‌ ಪ್ಲೇಟೆಡ್‌ ಡಿಸೈನರ್‌ ಹೇರ್‌ ಆಕ್ಸೆಸರೀಸ್‌, ಸ್ಯಾರಿ ಜ್ಯುವೆಲ್‌ ಪಿನ್ಸ್, ಬ್ರೋಚ್‌ ಸೇರಿದಂತೆ ನಾನಾ ಬಗೆಬಗೆಯ ಆಕ್ಸೆಸರೀಸ್‌ಗಳು ಮಾರುಕಟ್ಟೆಗೆ ಲಗ್ಗೆ ಇಟ್ಟಿವೆ.
ಡೈಮಂಡ್‌ ಹಾಗೂ ಬಂಗಾರದ ಜ್ಯುವೆಲರಿಗಳು
ಇನ್ನು ಎಂದಿನಂತೆ ಬಂಗಾರ ಹಾಗೂ ಡೈಮಂಡ್‌ನ ಹಾರ್ಟ್ ಶೇಪ್‌ ಹೈಲೈಟಾದಂತಹ ಜ್ಯುವೆಲರಿಗಳು ಹೊಸ ರೂಪದಲ್ಲಿ ಈ ಪ್ರೇಮಿಗಳ ದಿನಾಚರಣೆಗೆಂದೇ ಮತ್ತೊಮ್ಮೆ ಬಿಡುಗಡೆಗೊಂಡಿವೆ. ಪ್ರತಿಷ್ಠಿತ ಜ್ಯುವೆಲರಿ ಬ್ರಾಂಡ್‌ಗಳು ವೆರೈಟಿ ಹಾರ್ಟ್ ಶೇಪ್‌ನ ಪದಕಗಳು, ಪೆಂಡೆಂಟ್ಸ್‌, ಬ್ಯಾಂಗಲ್ಸ್-ಬ್ರೇಸ್‌ಲೇಟ್ಸ್‌, ಇಯರಿಂಗ್ಸ್‌, ಫಿಂಗರ್‌ರಿಂಗ್ಸ್‌ ಅನಾವರಣಗೊಳಿಸಿವೆ. ಅಷ್ಟೇಕೆ! ವರ್ಕಿಂಗ್‌ ವುಮೆನ್‌ಗಳಿಗೆಂದೇ ಡೈಮಂಡ್‌ನ ಹಾರ್ಟ್ಶೇಪ್‌ನ ಪುಟ್ಟ ಪುಟ್ಟ ಪೆಂಡೆಂಟ್ಸ್‌ ಹಾಗೂ ಸ್ಟಡ್ಸ್ ಬಿಡುಗಡೆಗೊಳಿಸಿದ್ದು ವ್ಯಾಲೆಂಟೈನ್ಸ್ ಡೇಯಂದು ಕೊಂಡುಕೊಳ್ಳುವವರಿಗೆ ನಾನಾ ಆಫರ್‌ ಹಾಗೂ ದರದಲ್ಲಿ ಕಡಿತವನ್ನು ಪ್ರಕಟಿಸಿವೆ. ಇದಕ್ಕಿಂತ ಇನ್ನೇನು ಬೇಕು ಎನ್ನುತ್ತಾರೆ ಜ್ಯುವೆಲ್‌ ಸ್ಟೈಲಿಸ್ಟ್‌ಗಳು.
ಫಂಕಿ ಹಾರ್ಟ್ ವಿನ್ಯಾಸದ ಜ್ಯುವೆಲರಿಗಳ ಎಂಟ್ರಿ
ಇನ್ನು ಬಂಗಾರ ಹಾಗೂ ಡೈಮಂಡ್‌ನಿಂದ ನಾವು ದೂರ ಅಥವಾ ಅಷ್ಟೊಂದು ಬಜೆಟ್‌ ನಮ್ಮ ಬಳಿಯಿಲ್ಲ ಎನ್ನುವವರಿಗೆಂದೇ ಫಂಕಿ ಆಕ್ಸೆಸರೀಸ್‌ಗಳು ಲಭ್ಯ. ಇದಕ್ಕೆ ಪೂರಕ ಎಂಬಂತೆ, ಲೆಕ್ಕವಿಲ್ಲದಷ್ಟು ಜ್ಯುವೆಲರಿಗಳು ಮಾರುಕಟ್ಟೆಗೆ ಕಾಲಿಟ್ಟಿವೆ. ವೆಸ್ಟರ್ನ್ ಔಟ್‌ಫಿಟ್‌ಗೆ ಸೂಟ್‌ ಆಗುವಂತಹ ಫಂಕಿ ಇಯರಿಂಗ್ಸ್‌, ಬ್ರೆಸ್‌ಲೇಟ್ಸ್‌, ಪೆಂಡೆಂಟ್ಸ್ಗಳು ನಾನಾ ಮೆಟಿರೀಯಲ್‌ನಲ್ಲಿ ದೊರೆಯುತ್ತಿವೆ. ಟಿನೇಜ್‌ ಹುಡುಗಿಯರನ್ನು ಬರಸೆಳೆದಿವೆ.
ಹಾರ್ಟ್ ಶೇಪ್‌ ಹೇರ್‌ ಆಕ್ಸೆಸರೀಸ್‌
ಹೆಡ್‌ ಬ್ಯಾಂಡ್‌ನಿಂದಿಡಿದು ಡಿಸೈನರ್‌ ಸೈಡ್‌ , ಸೆಂಟರ್‌ ಕ್ರಿಸ್ಟಲ್‌ಸಹಿತ ಹೇರ್‌ಪಿನ್‌, ಹೇರ್‌ ಜ್ಯುವೆಲ್‌ ಕ್ಲಿಪ್ಸ್‌ ನಾನಾ ವಿನ್ಯಾಸದಲ್ಲಿ ಬಂದಿದ್ದು, ಕೈಗೆಟಕುವ ಬೆಲೆಯಲ್ಲಿ ದೊರಕುತ್ತಿವೆ.
ಹಾರ್ಟ್ ಶೇಪ್‌ ಆಕ್ಸೆಸರೀಸ್‌ ಪ್ರಿಯರಿಗೆ ತಿಳಿದಿರಲಿ
ನಿಮ್ಮ ಬಜೆಟ್‌ಗೆ ತಕ್ಕಂತೆ ಹಾರ್ಟ್ ಶೇಪ್‌ ಆಕ್ಸೆಸರೀಸ್‌ ಖರೀದಿಸಬಹುದು.
ವೆಸ್ಟರ್ನ್ ಔಟ್‌ಫಿಟ್‌ಗೆ ಫಂಕಿ ಹಾರ್ಟ್ ಶೇಪ್‌ ಆಕ್ಸೆಸರೀಸ್‌ ಮ್ಯಾಚ್‌ ಆಗುತ್ತವೆ.
ನಿಮ್ಮ ಇಮೇಜ್‌ಗೆ ಮ್ಯಾಚ್‌ ಆಗುವ ಜ್ಯುವೆಲರಿಗಳನ್ನು ಖರೀದಿಸಿ.
ಈ ದಿನದಂದು ನೀಡುವ ಆಫರ್‌ಗಳನ್ನು ಸದುಪಯೋಗಪಡಿಸಿಕೊಳ್ಳಿ.
(ಲೇಖಕಿ : ಫ್ಯಾಷನ್‌ ಪತ್ರಕರ್ತೆ)
ಇದನ್ನೂ ಓದಿ: Rose day Fashion: ವ್ಯಾಲೆಂಟೈನ್ಸ್ ವೀಕ್‌ನ ಆರಂಭದಲ್ಲೆ ಲಗ್ಗೆಯಿಟ್ಟ ರೋಸ್‌ ಪ್ರಿಂಟೆಡ್‌ ಡಿಸೈನರ್‌ವೇರ್ಸ್