ಬೆಂಗಳೂರು, ಕರ್ನಾಟಕ: ಜಿಯೋ ಭಾರತ್ (Jio Bharat) ಫೋನ್ ಬಿಡುಗಡೆಯ ಮೂಲಕ ‘2ಜಿ-ಮುಕ್ತ್ ಭಾರತ್’ ಸಾಧಿಸುವುದು ರಿಲಯನ್ಸ್ ಜಿಯೋ ಧ್ಯೇಯವಾಗಿದೆ. ಈ ನಿಟ್ಟಿನಲ್ಲಿ ಜಿಯೋದ ಬದ್ಧತೆ ಭಾಗವಾಗಿ ಬುಧವಾರ ಕರ್ನಾಟಕದಾದ್ಯಂತ (Karanataka) ಇರುವ ಜಿಯೋ ಸೆಂಟರ್‌ಗಳು (Jio Center) ಮತ್ತು ಜಿಯೋ ಪಾಯಿಂಟ್‌ಗಳಲ್ಲಿ (Jio Point) ನಡೆದ ವಿವಿಧ ಕಾರ್ಯಕ್ರಮಗಳ ಮೂಲಕ 400ಕ್ಕೂ ಹೆಚ್ಚು ಮಂದಿ ಕಾಂಪ್ಲಿಮೆಂಟರಿ ಜಿಯೋ ಭಾರತ್ ಫೋನ್‌ಗಳನ್ನು ಪಡೆದರು.
‘ಜಿಯೋ ಭಾರತ್’ ಫೋನ್‌ಗಳ ಪರಿಚಯದ ಮೂಲಕ ‘2ಜಿ-ಮುಕ್ತ್ ಭಾರತ್’ ಗುರಿಯನ್ನು ಸಾಧಿಸುವಲ್ಲಿ ಜಿಯೋದ ಗಮನಾರ್ಹ ಪ್ರಗತಿಯು ನಿಜವಾಗಿಯೂ ಶ್ಲಾಘನೀಯವಾಗಿದೆ. ಈ ಉಪಕ್ರಮವು ಇಂಟರ್ ನೆಟ್ ಸಕ್ರಿಯಗೊಳಿಸಿದ ಸಾಧನಗಳೊಂದಿಗೆ ರಾಷ್ಟ್ರವ್ಯಾಪಿ 250 ಮಿಲಿಯನ್ ಫೀಚರ್ ಫೋನ್ ಬಳಕೆದಾರರನ್ನು ಸಶಕ್ತಗೊಳಿಸಲು ಅಪಾರ ಸಾಮರ್ಥ್ಯವನ್ನು ಹೊಂದಿದೆ. ಜಿಯೋ ಭಾರತ್ ಫೋನ್ ಮಾರುಕಟ್ಟೆಯಲ್ಲಿ 999 ರೂಪಾಯಿಗಳ ಕೈಗೆಟುಕುವ ಬೆಲೆಯಲ್ಲಿ ಲಭ್ಯ ಇರಲಿದ್ದು, ಇದು ಅತ್ಯಂತ ಕಡಿಮೆ ವೆಚ್ಚದ ಇಂಟರ್ ನೆಟ್ -ಸಕ್ರಿಯಗೊಳಿಸಿದ ಫೋನ್ ಆಗಿದೆ.
ಈ ಸುದ್ದಿಯನ್ನೂ ಓದಿ: Jio Bharat Phone: 999 ರೂ.ಗೆ 4ಜಿ ಫೋನ್ ‘ಜಿಯೋ ಭಾರತ್’
ಇದು ಜುಲೈ 7ರಿಂದ ಭಾರತದಾದ್ಯಂತದ ಮಳಿಗೆಗಳಲ್ಲಿ ಖರೀದಿಗೆ ಲಭ್ಯವಿರುತ್ತದೆ. ಮೊದಲ ಹಂತದಲ್ಲಿ 1 ಮಿಲಿಯನ್ ಫೋನ್‌ಗಳ ಆರಂಭಿಕ ಬಿಡುಗಡೆ ಆಗಲಿದೆ. ಹೆಚ್ಚುವರಿಯಾಗಿ, ಬಳಕೆದಾರರು ರೂ. 123ರ ಮಾಸಿಕ ಯೋಜನೆಗೆ ಚಂದಾದಾರರಾಗಬಹುದು, ಇದು 14 ಜಿಬಿ ಡೇಟಾ ಮತ್ತು ಅನಿಯಮಿತ ಕರೆಗಳನ್ನು ಒದಗಿಸುತ್ತದೆ. ಇದಲ್ಲದೆ, ರೂ. 1234 ಬೆಲೆಯ ವಾರ್ಷಿಕ ಯೋಜನೆ ಸಹ ಲಭ್ಯವಿದೆ.
ಜಿಯೋ ಭಾರತ್ ಫೋನ್‌ನಲ್ಲಿ ಇಂಟರ್ ನೆಟ್ ಅನ್ನು ಸಂಪರ್ಕಿಸುವುದರ ಜೊತೆಗೆ ಬಳಕೆದಾರರು ಜಿಯೋ ಸಿನಿಮಾ ಮತ್ತು ಜಿಯೋಸಾವನ್ ಅಪ್ಲಿಕೇಷನ್‌ಗಳಿಗೆ ಪೂರಕ ಸಂಪರ್ಕವನ್ನು ಪಡೆಯುತ್ತಾರೆ. ಅಲ್ಲದೆ, ಯುಪಿಐ ಪಾವತಿಗಳನ್ನು ಈ ಫೋನ್ ಬೆಂಬಲಿಸುತ್ತದೆ. ಬಳಕೆದಾರರಿಗೆ ಡಿಜಿಟಲ್ ವಹಿವಾಟುಗಳನ್ನು ಅನುಕೂಲಕರವಾಗಿ ನಿರ್ವಹಿಸಲು ಅನುವು ಮಾಡಿಕೊಡುತ್ತದೆ.
ದೇಶದ ಇನ್ನಷ್ಟು ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.