ಮದುವೆಯ ವಿಧಿ ವಿಧಾನಗಳು ಮುಗಿಯುತ್ತಿದ್ದಂತೆ ವರನಿಗೆ ವಧುವಿನ ಪ್ರೇಮಿ ಕರೆ ಮಾಡಿ ಬೆದರಿಕೆ ಹಾಕಿರುವುದು ಮಾತ್ರವಲ್ಲ ತಮ್ಮಿಬ್ಬರ ಖಾಸಗಿ ಫೋಟೋಗಳನ್ನು ಕಳುಹಿಸಿದ್ದರಿಂದ ವಾರ ಮದುವೆಯನ್ನು ರದ್ದುಗೊಳಿಸಿರುವ (Wedding Cancel) ಘಟನೆ ಉತ್ತರಪ್ರದೇಶದ (uttarpradesh) ಅಮ್ರೋಹಾದಲ್ಲಿ (Amroha) ನಡೆದಿದೆ. ಈ ಸುದ್ದಿ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ (Viral News) ಆಗಿದೆ.
ಉತ್ತರ ಪ್ರದೇಶದ ಅಮ್ರೋಹಾದಲ್ಲಿ ಮದುವೆ ವಿಧಿವಿಧಾನಗಳು ಇನ್ನೇನು ಮುಕ್ತಾಯವಾಗುವ ಹಂತದಲ್ಲಿ ಇತ್ತು. ಆದರೆ ಈ ನಡುವೆ ವಧುವಿನ ಪ್ರೇಮಿ ವರನಿಗೆ ತಮ್ಮಿಬ್ಬರ ಸಂಬಂಧದ ವಿಚಾರವಾಗಿ ಹೇಳಿದ್ದಾನೆ. ಜೊತೆಗೆ ಸಾಕ್ಷಿಯಾಗಿ ತಾವಿಬ್ಬರೂ ನಿಕಟವಾಗಿರುವ ಫೋಟೋ, ವಿಡಿಯೋಗಳನ್ನು ಕಳುಹಿಸಿದ್ದಾನೆ. ಅನಂತರ ವರನು ಮದುವೆಯನ್ನು ನಿಲ್ಲಿಸಿದನು.
ಏನಾಗಿತ್ತು?
ವರನ ಮೊಬೈಲ್ ಫೋನ್‌ಗೆ ವಧುವಿನ ಪ್ರೇಮಿ ಕರೆ ಮಾಡಿದ ಬಳಿಕ ಮದುವೆ ಕೊನೆ ಕ್ಷಣದಲ್ಲಿ ರದ್ದಾಗಿದೆ.
ಮದುವೆಯ ವಿಧಿ ವಿಧಾನಗಳು ಮುಗಿಯುತ್ತಿದ್ದಂತೆ ವಧುವಿನ ಪ್ರಿಯಕರ ವರನ ಮೊಬೈಲ್ ಫೋನ್‌ಗೆ ಕರೆ ಮಾಡಿದ್ದಾನೆ. ಅನಂತರ ವರನು ಮದುವೆಯನ್ನು ರದ್ದುಗೊಳಿಸಿದನು. ತಾವಿಬ್ಬರು ಒಬ್ಬರನ್ನೊಬ್ಬರು ಪ್ರೀತಿಸುತ್ತಿರುವುದರಿಂದ ವಧುವನ್ನು ಬಿಟ್ಟು ಹೋಗುವಂತೆ ಪ್ರೇಮಿ ಮೊದಲಿಗೆ ಬೆದರಿಕೆ ಹಾಕಿದ್ದಾನೆ.
ಇದಕ್ಕೆ ವರ ಪುರಾವೆ ಕೇಳಿದ್ದಾನೆ. ಅನಂತರ ವ್ಯಕ್ತಿಯು ವಧುವಿನ ಅನೇಕ ವಿಡಿಯೋ ಮತ್ತು ಫೋಟೋಗಳನ್ನು ವರನ ಫೋನ್ ಗೆ ಕಳುಹಿಸಿದನು. ಫೋಟೋ ಮತ್ತು ವೀಡಿಯೊಗಳನ್ನು ನೋಡಿದ ವರನು ಮದುವೆಯ ವಿಧಿವಿಧಾನಗಳನ್ನು ಮುಂದುವರಿಸಲು ನಿರಾಕರಿಸಿದನು.
ಮದುವೆ ಮೆರವಣಿಗೆ ಹಿಂತಿರುಗುತ್ತಿದ್ದಂತೆ ಕಮಲ್ ಸಿಂಗ್ ಎಂದು ಗುರುತಿಸಲಾಗಿರುವ ಕರೆ ಮಾಡಿದ ವ್ಯಕ್ತಿ ವಿರುದ್ಧ ಎಫ್‌ಐಆರ್ ದಾಖಲಿಸಲಾಗಿದೆ.
ಅಮ್ರೋಹಾದ ಆಡಂಪುರಕ್ಕೆ ಮದುವೆಗೆ ಹುಡುಗಿ ಮನೆಗೆ ವರನ ಕಡೆಯವರು ಮೆರವಣಿಗೆಯಲ್ಲಿ ಆಗಮಿಸಿದ್ದರು. ಮದುವೆಗೆ ಬಂದಿದ್ದ ಅತಿಥಿಗಳು ತಮ್ಮ ಊಟವನ್ನು ಮುಗಿಸಿದರು. ಸಪ್ತಪದಿ ಮತ್ತು ವಧುವನ್ನು ಕಳುಹಿಸಿಕೊಡುವ ಆಚರಣೆ ಮಾತ್ರ ಉಳಿದಿತ್ತು. ಅಷ್ಟರಲ್ಲಿ ವರನ ಮೊಬೈಲ್‌ಗೆ ಕರೆ ಬಂದಿದ್ದು, ಅತ್ತ ಕಡೆಯ ವ್ಯಕ್ತಿ ತಾನು ಕಮಲ್ ಸಿಂಗ್ ಎಂದು ಹೇಳಿದ್ದಾನೆ. ವರ ಮದುವೆಯಾಗಲಿರುವ ಹುಡುಗಿ ತನ್ನ ಗೆಳತಿಯಾಗಿದ್ದು, ಆಕೆಯನ್ನು ಮದುವೆಯಾಗುವುದು ಒಳ್ಳೆಯದಲ್ಲ ಎಂದು ತಿಳಿಸಿದ್ದಾನೆ.
ಇದನ್ನೂ ಓದಿ: Viral Video: ಬೆಂಗಳೂರಿನ ಹೋಟೆಲ್‌ನಲ್ಲಿ ಫ್ಯಾನ್‌ ಬದಲು ಪುರಾತನ ಕಾಲದ ಬೀಸಣಿಕೆ! ವಿಡಿಯೊ ನೋಡಿ
ವರನು ಪುರಾವೆ ಕೇಳಿದಾಗ, ಕಮಲ್ ಸಿಂಗ್ ತನ್ನೊಂದಿಗೆ ವಧು ಇರುವ ವಿಡಿಯೋ ಮತ್ತು ಫೋಟೋಗಳನ್ನು ಕಳುಹಿಸಿದ್ದಾನೆ. ಕೆಲವು ವಿಡಿಯೋಗಳಲ್ಲಿ ಹೊಟೇಲ್ ಕೊಠಡಿಗಳಲ್ಲಿ ಮತ್ತು ಇತರರಲ್ಲಿ ವಿವಿಧ ಸ್ಥಳಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಆತ್ಮೀಯ ಕ್ಷಣಗಳ ವಿಡಿಯೋ ನೋಡಿದ ವರ ಆಕೆಯನ್ನು ಮದುವೆಯಾಗಲು ನಿರಾಕರಿಸಿದ್ದು, ತನ್ನ ಸಂಬಂಧಿಕರೊಂದಿಗೆ ಅಲ್ಲಿಂದ ಮರಳಿದ್ದಾರೆ.
ಈ ಕುರಿತು ಪೊಲೀಸರು ದೂರು ದಾಖಲಿಸಿಕೊಂಡಿದ್ದು, ತನಿಖೆ ಆರಂಭಿಸಿದ್ದಾರೆ.