ಹೊಸದಿಲ್ಲಿ: ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ – ISRO) ಇಂದು ಸಂಜೆ 5.35ಕ್ಕೆ ಸರಿಯಾಗಿ ತನ್ನ ಹವಾಮಾನ ಉಪಗ್ರಹ (Weather Satellite) INSAT-3DS ಅನ್ನು ಆಂಧ್ರಪ್ರದೇಶದ ಶ್ರೀಹರಿಕೋಟಾದಲ್ಲಿರುವ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ (Satish Dhawan Space Station) ಉಡಾವಣೆ ಮಾಡಲಿದೆ.
ಈ ಉಪಗ್ರಹವನ್ನು GSLV-F14 ಬಾಹ್ಯಾಕಾಶ ನೌಕೆಯ ಮೂಲಕ ಉಡಾವಣೆ ಮಾಡಲು ಇಸ್ರೋ ಸಿದ್ಧವಾಗಿದೆ. GSLV-F14ಯ ಲಿಫ್ಟ್-ಆಫ್ ಅನ್ನು ಇಂದು ಸಂಜೆ 5.35 ಕ್ಕೆ ನಿಗದಿಪಡಿಸಲಾಗಿದೆ. ಇದನ್ನು ನೀವು ಈ ಕೆಳಗಿನ ಲಿಂಕ್‌ಗಳಲ್ಲಿ ವೀಕ್ಷಿಸಬಹುದು.
ಶ್ರೀಹರಿಕೋಟಾದಿಂದ ಉಡಾವಣೆಯ ನೇರಪ್ರಸಾರವನ್ನು ಬಾಹ್ಯಾಕಾಶ ಸಂಸ್ಥೆಯ ವೆಬ್‌ಸೈಟ್‌ನಲ್ಲಿ ಒದಗಿಸಲಾಗಿರುವ ಲೈವ್‌ ಫಿಡ್‌ಬ್ಯಾಕ್‌ನಲ್ಲಿ ವೀಕ್ಷಿಸಬಹುದು. ಅಧಿಕೃತ ವೆಬ್‌ಸೈಟ್‌ನಲ್ಲಿ ಲೈವ್ಸ್ಟ್ರೀಮಿಂಗ್ ಲಭ್ಯವಿದೆ. ಹಾಗೆಯೇ ಇಸ್ರೋದ ಅಧಿಕೃತ ಫೇಸ್‌ಬುಕ್ ಖಾತೆ, ಇಸ್ರೋದ ಅಧಿಕೃತ ಯೂಟ್ಯೂಬ್ ಚಾನೆಲ್‌, ದೂರದರ್ಶನ – ನ್ಯಾಷನಲ್ ಟಿವಿ ಚಾನೆಲ್‌ನಲ್ಲಿಯೂ ಇದರ ಲೈವ್‌ ಲಭ್ಯವಿದೆ.
ವೆಬ್‌ಸೈಟ್: https://www.isro.gov.in/
ಫೇಸ್‌ಬುಕ್: https://www.facebook.com/ISRO/
ಯುಟ್ಯೂಬ್: https://www.youtube.com/watch?v=jynmNenneFk
INSAT-3DS ಕುರಿತು ತಿಳಿದುಕೊಳ್ಳಬೇಕಾದದ್ದು ಇಲ್ಲಿದೆ:
1) INSAT-3DS ಉಪಗ್ರಹವನ್ನು ಹವಾಮಾನ ಮುನ್ಸೂಚನೆ ಮತ್ತು ವಿಪತ್ತು ಎಚ್ಚರಿಕೆಗಾಗಿ ಹವಾಮಾನ ವೀಕ್ಷಣೆಗಳು, ಭೂಮಿ ಮತ್ತು ಸಾಗರ ಮೇಲ್ಮೈಗಳ ಮೇಲ್ವಿಚಾರಣೆಗಾಗಿ ವಿನ್ಯಾಸಗೊಳಿಸಲಾಗಿದೆ.
2) ಉಪಗ್ರಹವು ಪ್ರಸ್ತುತ ಕಾರ್ಯನಿರ್ವಹಿಸುತ್ತಿರುವ INSAT-3D ಮತ್ತು INSAT-3DR ಉಪಗ್ರಹಗಳೊಂದಿಗೆ ಹವಾಮಾನ ಸೇವೆಗಳನ್ನು ವೃದ್ಧಿಸುತ್ತದೆ.
3) ಭಾರತ ಹವಾಮಾನ ಇಲಾಖೆ (IMD), ಮಧ್ಯಮ-ಶ್ರೇಣಿಯ ಹವಾಮಾನ ಮುನ್ಸೂಚನೆಯ ರಾಷ್ಟ್ರೀಯ ಕೇಂದ್ರ (NCMRWF), ಭಾರತೀಯ ಉಷ್ಣವಲಯದ ಹವಾಮಾನ ಸಂಸ್ಥೆ (IITM), ರಾಷ್ಟ್ರೀಯ ಸಾಗರ ತಂತ್ರಜ್ಞಾನ ಸಂಸ್ಥೆ (NIOT) ಸೇರಿದಂತೆ ಭೂ ವಿಜ್ಞಾನ ಸಚಿವಾಲಯದ (MoES) ಹಲವಾರು ಇಲಾಖೆಗಳು, ಭಾರತೀಯ ರಾಷ್ಟ್ರೀಯ ಸಾಗರ ಮಾಹಿತಿ ಸೇವೆಗಳ ಕೇಂದ್ರ (INCOIS) ಮತ್ತು ಹಲವಾರು ಇತರ ಏಜೆನ್ಸಿಗಳು ಮತ್ತು ಸಂಸ್ಥೆಗಳು ಸುಧಾರಿತ ಹವಾಮಾನ ಮುನ್ಸೂಚನೆಗಳು ಮತ್ತು ಹವಾಮಾನ ಸೇವೆಗಳನ್ನು ಒದಗಿಸಲು INSAT-3DS ಉಪಗ್ರಹ ಡೇಟಾವನ್ನು ಬಳಸುತ್ತವೆ.
4) ಮಿಷನ್‌ನ ಪ್ರಾಥಮಿಕ ಉದ್ದೇಶ, ಭೂಮಿಯ ಮೇಲ್ಮೈಯ ಮೇಲ್ವಿಚಾರಣೆ, ಹವಾಮಾನ ಪ್ರಾಮುಖ್ಯತೆಯ ವಿವಿಧ ಫ್ರೀಕ್ವೆನ್ಸಿಯ ಚಾನಲ್‌ಗಳಲ್ಲಿ ಸಾಗರ ಪರಿಸರದ ವೀಕ್ಷಣೆ.
5) ಇದು ವಾತಾವರಣದ ವಿವಿಧ ಹವಾಮಾನದ ವಿವರವನ್ನು ಒದಗಿಸುವ ಗುರಿಯನ್ನು ಹೊಂದಿದೆ.
6) INSAT-3DS ಉಪಗ್ರಹವು ದತ್ತಾಂಶ ಸಂಗ್ರಹಣಾ ವೇದಿಕೆಗಳಿಂದ (DCPs) ದತ್ತಾಂಶ ಸಂಗ್ರಹಣೆ ಮತ್ತು ದತ್ತಾಂಶ ಪ್ರಸರಣ ಸಾಮರ್ಥ್ಯಗಳನ್ನು ಒದಗಿಸುವ ಗುರಿಯನ್ನು ಹೊಂದಿದೆ.
7) ಉಪಗ್ರಹ ಸಹಾಯದಿಂದ ಹುಡುಕಾಟ ಮತ್ತು ರಕ್ಷಣಾ ಸೇವೆಗಳನ್ನು ಒದಗಿಸುವ ಗುರಿಯನ್ನು ಹೊಂದಿದೆ.
8) ಇದರಲ್ಲಿ 51.7 ಮೀಟರ್ ಗಾತ್ರದ ರಾಕೆಟ್ ಇಮೇಜರ್ ಪೇಲೋಡ್‌ಗಳು, ಸೌಂಡರ್ ಪೇಲೋಡ್‌ಗಳು, ಡೇಟಾ ರಿಲೇ ಟ್ರಾನ್ಸ್‌ಪಾಂಡರ್‌ಗಳು, ಶೋಧ ಮತ್ತು ರಕ್ಷಣಾ ಟ್ರಾನ್ಸ್‌ಪಾಂಡರ್‌ಗಳು ಇವೆ. ಇವುಗಳನ್ನು ಮೋಡದ ಗುಣಲಕ್ಷಣಗಳು, ಮಂಜು, ಮಳೆ, ಹಿಮ, ಬೆಂಕಿಯನ್ನು ಅಧ್ಯಯನ ಮಾಡಲು ಬಳಸಲಾಗುತ್ತದೆ.
9) ಉಡಾವಣೆಯಾದ ಸುಮಾರು 20 ನಿಮಿಷಗಳ ನಂತರ INSAT-3DS ಉಪಗ್ರಹ ಕಕ್ಷೆಗೆ ಸೇರಲಿದೆ.
10) ನಂತರ ಉಪಗ್ರಹವನ್ನು ಜಿಯೋ-ಸ್ಥಾಯಿ ಕಕ್ಷೆಯಲ್ಲಿ ಇರಿಸುವ ಪ್ರಕ್ರಿಯೆ ನಡೆಯುತ್ತದೆ. ಇದು ಹೆಚ್ಚಿನ ಕುಶಲತೆಯ ಕಾರ್ಯ ಆಗಿದ್ದು, ಒಂದೆರಡು ದಿನಗಳಲ್ಲಿ ನಡೆಯುತ್ತದೆ.
11) ಇದು ಮೂರನೇ ತಲೆಮಾರಿನ, ನವೀಕರಿಸಿದ ಹವಾಮಾನ ಉಪಗ್ರಹವಾಗಿದೆ. ಉಪಗ್ರಹ 2,274 ಕೆಜಿ ತೂಕವಿದ್ದು, ಸುಮಾರು ₹480 ಕೋಟಿ ವೆಚ್ಚದಲ್ಲಿ ನಿರ್ಮಿಸಲಾಗಿದೆ.
ಇದನ್ನೂ ಓದಿ: INSAT-3DS Launch: ʼನಾಟಿ ಬಾಯ್‌ʼ ರಾಕೆಟ್ ಮೂಲಕ ಇಂದು ಭಾರತದ ಹವಾಮಾನ ಉಪಗ್ರಹ ಉಡಾವಣೆ; ಏಕೆ ಈ ಹೆಸರು?