ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಕಿರುತೆರೆ ನಟಿ ದೀಪಿಕಾ ದಾಸ್‌, ಗ್ಲಾಮರಸ್‌ ಬೀಚ್‌ ಕಫ್ತಾನ್‌ನಲ್ಲಿ (Star Beach Fashion) ಕಾಣಿಸಿಕೊಂಡಿದ್ದು, ಬೀಚ್‌ ಸೈಡ್‌ ಫ್ಯಾಷನ್‌ಗೆ ಸೈ ಎಂದಿದ್ದಾರೆ. ಅವರು ಧರಿಸಿರುವ ಟ್ರೆಂಡಿ ಬೀಚ್‌ ವೇರ್‌ ಕಫ್ತಾನ್‌ ಇದೀಗ ಬೀಚ್‌ ಪ್ರಿಯರನ್ನು ಸೆಳೆದಿದೆ.
ಪ್ರಿಂಟೆಡ್‌ ಬೀಚ್‌ ಕಫ್ತಾನ್‌
ಬೀಚ್‌ ಸೈಡ್‌ ಫ್ಯಾಷನ್‌ನಲ್ಲಿ ಒಂದಾಗಿರುವ ಬೀಚ್‌ವೇರ್‌ ಕಫ್ತಾನ್‌ಗಳು ತೀರಾ ತೆಳುವಾದ ಫ್ಯಾಬ್ರಿಕ್‌ನಿಂದ ಮಾಡಲ್ಪಟ್ಟಿರುತ್ತದೆ. ನಾನಾ ಬಗೆಯ ಟ್ರಾಪಿಕಲ್‌ ಪ್ರಿಂಟ್ಸ್‌, ಜೆಮೆಟ್ರಿಕಲ್‌, ಫ್ಲೋರಲ್‌ ಹೀಗೆ ಬಗೆಬಗೆಯ ಪ್ರಿಂಟೆಡ್‌ ಡಿಸೈನ್‌ನಲ್ಲಿ ದೊರೆಯುತ್ತವೆ. ತಕ್ಷಣಕ್ಕೆ ನೋಡಲು ಶೀರ್‌ ಫ್ಯಾಬ್ರಿಕ್‌ನಂತೆ ಕಂಡರೂ ಇದು ಅದಲ್ಲ! ಕಾಟನ್‌, ಜಾರ್ಜೆಟ್‌ ಹಾಗೂ ಕ್ರೆಪ್‌ನಲ್ಲಿ ಹೆಚ್ಚು ವಿನ್ಯಾಸಗಳು ದೊರೆಯುತ್ತವೆ. ಆದರೆ, ಇದೀಗ ಜಾರ್ಜೆಟ್‌ ಫ್ಯಾಬ್ರಿಕ್‌ನ ಕಫ್ತಾನ್‌ಗಳು ಹೆಚ್ಚು ಬೇಡಿಕೆ ಪಡೆದುಕೊಂಡಿವೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.
ಕಫ್ತಾನ್‌ ಕಥೆ
ಈ ಹಿಂದೆ ಕಫ್ತಾನ್‌ಗಳು ಏಷ್ಯಾ ಹಾಗೂ ಮಧ್ಯಪ್ರಾಚ್ಯದ ಜನರು ಧರಿಸುತ್ತಿದ್ದ ಸಾಮಾನ್ಯ ದಿರಿಸಾಗಿತ್ತು. ಬೇಸಿಗೆಯ ಸೆಕೆಗೆ ಆರಾಮವಾಗಿ ಧರಿಸಬಹುದಾಗಿದ್ದ ಇವು ದೊಗಲೆ ಫಿಟ್ಟಿಂಗ್‌ನವಾಗಿದ್ದವು. ಕಾಲಕಳೆದಂತೆ ಇವು ಔಟಿಂಗ್‌, ವೀಕೆಂಡ್‌ ಹಾಗೂ ಟ್ರಾವೆಲ್‌ನಲ್ಲೂ ಧರಿಸುವುದು ಸಾಮಾನ್ಯವಾಗತೊಡಗಿತು. ಇದೀಗ ಇವು ಬೀಚ್‌ ವೇರ್‌ ಕೆಟಗರಿಗೂ ಕಾಲಿಟ್ಟಿದ್ದು, ಬೀಚ್‌ ಪ್ರಿಯರನ್ನು ಸೆಳೆದಿವೆ. ಧರಿಸಿದಾಗ ನೋಡಲು ಕೂಡ ಆಕರ್ಷಕವಾಗಿ ಕಾಣುತ್ತವಲ್ಲದೇ ಬಿಕಿನಿ ಹಾಗೂ ಶಾಟ್ರ್ಸ್ ಹಾಗೂ ಕ್ರಾಪ್‌ ಟಾಪ್‌ ಮೇಲೆ ಧರಿಸಲು ಸುಲಭವಾಗಿವೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.
ದೀಪಿಕಾ ದಾಸ್‌ ಕಫ್ತಾನ್‌
ಇನ್ನು ನಟಿ ದೀಪಿಕಾ ದಾಸ್‌ ಇವೆಂಟ್‌ಗಳಲ್ಲಿ ಮಾತ್ರವಲ್ಲ, ಯಾವುದೇ ಪ್ರವಾಸದ ಸಮಯದಲ್ಲೂ ಕೂಡ ಆಯಾ ಸಂದರ್ಭಕ್ಕೆ ಮ್ಯಾಚ್‌ ಆಗುವಂತಹ ಔಟ್‌ಫಿಟ್‌ಗಳಲ್ಲಿ ಕಾಣಿಸಿಕೊಳ್ಳುವುದು ಸಾಮಾನ್ಯ. ನನಗಂತೂ ಫ್ಯಾಷನಬಲ್‌ ಆಗಿರುವುದು ಇಷ್ಟ ಎನ್ನುವ ನಟಿ ದೀಪಿಕಾ ದಾಸ್‌ ಸೀ ಶೆಲ್ಸ್‌ ದ್ವೀಪದ ಈ ಪ್ರವಾಸದಲ್ಲಿ ಕಫ್ತಾನ್‌ ಪ್ರೇಮವನ್ನು ಫೋಟೊಗಳ ಮೂಲಕ ವ್ಯಕ್ತಪಡಿಸಿದ್ದಾರೆ.
ಒಟ್ಟಾರೆ, ಅವರ ಈ ಕಫ್ತಾನ್‌ ಲುಕ್ ಹಾಟ್‌ ಇಮೇಜ್‌ ನೀಡಿದೆ ಎನ್ನುತ್ತಾರೆ ಫ್ಯಾಷನ್‌ ವಿಮರ್ಶಕರು.
(ಲೇಖಕಿ : ಫ್ಯಾಷನ್‌ ಪತ್ರಕರ್ತೆ)
ಇದನ್ನೂ ಓದಿ: Star Travel Fashion: ಸ್ಯಾಂಡಲ್‌ವುಡ್‌ ನಟಿ ಮಿಲನಾ ನಾಗರಾಜ್‌ ಟ್ರಾವೆಲ್‌ ಫ್ಯಾಷನ್‌ಗೆ ಫ್ಯಾಷನ್‌ ವಿಮರ್ಶಕರ ಫುಲ್‌ ಮಾರ್ಕ್ಸ್