-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಜೆನ್‌ ಜಿ ಹುಡುಗರ ಫ್ಯಾಷನ್‌ ಈ ಸೀಸನ್‌ಗೆ (Summer Fashion) ತಕ್ಕಂತೆ ಬದಲಾಗಿದೆ. ಹಾಗೆಂದು ಯಾವುದು ಹೊಸತೆನಿಸುವುದಿಲ್ಲ! ಬದಲಿಗೆ ಇರುವ ಫ್ಯಾಷನ್‌ವೇರ್‌ಗಳ ರೂಪದಲ್ಲಿ ಬದಲಾವಣೆ ಕಂಡಿದೆ. ಜೊತೆಗೆ ಧರಿಸುವ ಸ್ಟೈಲಿಂಗ್‌ ಮೊದಲಿಗಿಂತ ಕೊಂಚ ಮಾಡರ್ನ್‌ ಕಾನ್ಸೆಪ್ಟ್‌ನಲ್ಲಿ ಕಾಣಿಸಿಕೊಂಡಿದೆ.

ಅಭಿರುಚಿಗೆ ತಕ್ಕಂತೆ ಬದಲಾಗುವ ಸ್ಟೈಲಿಂಗ್‌

“ಈ ಜನರೇಷನ್‌ನಲ್ಲಿ, ಜೆನ್‌ ಜಿ ಹುಡುಗರ ಸ್ಟೈಲೇ ಬೇರೇ! ಫ್ಯಾಷನ್ನೇ ಬೇರೇ! ಈ ಬಾರಿಯ ಸಮ್ಮರ್‌ ಫ್ಯಾಷನ್‌ನಲ್ಲಿ ಹುಡುಗರ ಸಾಕಷ್ಟು ಫ್ಯಾಷನ್‌ವೇರ್‌ಗಳ ಸ್ಟೈಲಿಂಗ್‌ ಬದಲಾಗಿದೆ. ಡಿಫರೆಂಟ್‌ ಸ್ಟೈಲಿನಲ್ಲಿ ಕಾಣಬಯಸುತ್ತಿದ್ದಾರೆ. ಮಿಕ್ಸ್‌ ಮ್ಯಾಚ್‌, ಕಾಂಟ್ರಾಸ್ಟ್‌ ಹಾಗೂ ರೆಟ್ರೊ ಔಟ್‌ಫಿಟ್ಸ್‌ ವಿತ್‌ ಡಿಫರೆಂಟ್‌ ಸ್ಟೈಲಿಂಗ್‌ ಸೇರಿದಂತೆ ನಾನಾ ಬಗೆಯ ಔಟ್‌ಫಿಟ್‌ ಧರಿಸುವ ವರಸೆ ಚೇಂಜ್‌ ಆಗಿದೆ. ಸಮೀಕ್ಷೆಯೊಂದರ ಪ್ರಕಾರ, ಈ ಜನರೇಷನ್‌ನ ಹುಡುಗರ ಸ್ಟೈಲಿಂಗ್‌ ಒಂದೇ ಬಗೆಯದ್ದಾಗಿರುವುದಿಲ್ಲ. ಬದಲಿಗೆ ಒಬ್ಬೊಬ್ಬರದು ಒಂದೊಂದು ಬಗೆಯದ್ದಾಗಿರುತ್ತದೆ. ಪ್ರತಿಯೊಬ್ಬರದು ಯೂನಿಕ್‌ ಸ್ಟೈಲಿಂಗ್‌ ಎಂದರೂ ತಪ್ಪಲ್ಲ! ಒಟ್ಟಿನಲ್ಲಿ ಈ ಜನರೇಷನ್‌ನ ಹೈಕಳು ಕಂಪ್ಲೀಟ್‌ ಡಿಫರೆಂಟಾಗಿ ಕಾಣಲು ಬಯಸುತ್ತಾರೆ. ನಾವು ಅವರಂತೆ ಕಾಣಬಾರದು, ನಾವು ಅವರಿಗಿಂತ ಭಿನ್ನವಾಗಿ ಕಾಣಿಸಬೇಕು ಎಂಬುದು ಅವರ ಚಾಯ್ಸ್‌ ಆಗಿದೆ. ಹಾಗಾಗಿ ಎಲ್ಲರದ್ದೂ ಒಂದೇ ಬಗೆಯ ಫ್ಯಾಷನ್‌ ಹಾಗೂ ಸ್ಟೈಲ್‌ ಸ್ಟೇಟ್‌ಮೆಂಟ್‌ ಆಗಲು ಸಾಧ್ಯವಿಲ್ಲ!” ಎನ್ನುತ್ತಾರೆ ಫ್ಯಾಷನ್‌ ಸ್ಪೆಷಲಿಸ್ಟ್‌ ರಜತ್‌ ಗಾಂದಿ. ಅವರ ಪ್ರಕಾರ, ಹುಡುಗರ ಅಭಿರುಚಿ ಆಗಾಗ್ಗೆ ಬದಲಾಗುತ್ತಿರುತ್ತದಂತೆ. ಹಾಗೆಂದು ವಿಚಿತ್ರವಾಗಿರುವುದಿಲ್ಲ ಎನ್ನುತ್ತಾರೆ.

ರೆಟ್ರೊ ಫ್ಯಾಷನ್‌ವೇರ್ಸ್‌ನ ವಿನೂತನ ಸ್ಟೈಲಿಂಗ್‌

ದೊಗಲೆ ಪ್ಯಾಂಟ್‌, ಟ್ಯಾಪರ್‌, ರಿಪ್ಪಡ್‌ ಪ್ಯಾಂಟ್ಸ್‌, ರಿಂಕಲ್ಸ್‌ ಪುಶ್‌ಬ್ಯಾಕ್‌ ಪ್ಯಾಂಟ್ಸ್‌, ಕಾರ್ಪೆಂಟರ್‌ ಪ್ಯಾಂಟ್ಸ್‌, ಜಾಗರ್ಸ್‌ ಸೇರಿದಂತೆ ನಾನಾ ಬಗೆಯ ರೆಟ್ರೊ ಲುಕ್‌ ನೀಡುವ ಪ್ಯಾಂಟ್‌ಗಳು ಮತ್ತೊಮ್ಮೆ ಫ್ಯಾಷನ್‌ನಲ್ಲಿ ಮರಳಿವೆ. ಹಾಗೆಂದು ಹಳೆಯ ಕಾಲದ ಪುರುಷರು ಧರಿಸುತ್ತಿದ್ದ ಸ್ಟೈಲಿಂಗ್‌ನಲ್ಲಿ ಅಲ್ಲ, ಬದಲಿಗೆ ಬದಲಾದ ರೂಪದಲ್ಲಿ, ಧರಿಸುವ ಬಗೆ ಮಾತ್ರ ಹೀಗೂ ಉಂಟಾ? ಎನ್ನುವ ಮಟ್ಟಿಗೆ ಬದಲಾಗಿದೆ ಎನ್ನುತ್ತಾರೆ ಮೆನ್ಸ್‌ ಸ್ಟೈಲಿಸ್ಟ್‌ ಜಾನ್‌.

ಸ್ಲಿಮ್‌ ಫಿಟ್‌ ಶರ್ಟ್ಸ್‌

ಸ್ಲಿಮ್‌ ಫಿಟ್‌ ಟೀ-ಶರ್ಟ್ಸ್‌ ಇದೀಗ ಈ ದೊಗಲೆಯಂತಹ ಪ್ಯಾಂಟ್‌ಗಳಿಗೆ ಜೊತೆಯಾಗಿವೆ. ಫುಲ್‌ ಸ್ಲೀವ್‌ ಇದೀಗ ಸೈಡಿಗೆ ಸರಿದಿದ್ದು ಹಾಫ್‌ ಸ್ಲೀವ್‌ನವು ಈ ಸೀಸನ್‌ನಲ್ಲಿ ಬಂದಿವೆ. ಪ್ರಿಂಟೆಡ್‌ ಅದರಲ್ಲೂ ಲೈಟ್‌ ಪ್ರಿಂಟೆಡ್‌ ಶರ್ಟ್ಸ್‌ ಬ್ರಾಂಡ್‌ಗಳಲ್ಲಿ ಬಿಡುಗಡೆಯಾಗಿದ್ದು, ಸಖತ್‌ ಟ್ರೆಂಡಿಯಾಗಿವೆ. ಚೆಕ್ಸ್‌ ಶರ್ಟ್ಸ್‌ ಹುಡುಗರಿಂದ ದೂರ ಓಡಿವೆ.

ದೊಗಲೆ ಟೀ ಶರ್ಟ್ಸ್‌

ರೌಂಡ್‌ ನೆಕ್‌ ಹಾಗೂ ವೀ ನೆಕ್‌ನ ದೊಗಲೆ ಟೀ ಶರ್ಟ್ಸ್‌ ಇದೀಗ ಹುಡುಗರನ್ನು ಅಪ್ಪಿಕೊಂಡಿವೆ. ನೋಡಲು ಲೂಸಾಗಿ ಕಂಡರೂ ಇವು ಜೆನ್‌ ಜಿ ಹುಡುಗರ ಫ್ಯಾಷನ್‌ನಲ್ಲಿ ಜಾಗ ಪಡೆದುಕೊಂಡಿವೆ.

ಲಾಂಗ್‌ ಶಾರ್ಟ್ಸ್‌

ಸಮ್ಮರ್‌ ಲುಕ್‌ ಹಾಗೂ ಟ್ರಾವೆಲ್‌ ಫ್ಯಾಷನ್‌ನಲ್ಲಿ ಲಾಂಗ್‌ ಶಾರ್ಟ್ಸ್‌ ಆಗಮಿಸಿವೆ. ಇತ್ತ ಬರ್ಮಡಾ ಅಲ್ಲ, ಅತ್ತ ಶಾರ್ಟ್ಸ್‌ ಅಲ್ಲ, ಆ ಲೆಂಥ್‌ನ ಲಾಂಗ್‌ ಶಾರ್ಟ್ಸ್‌ ನಾನಾ ಪಾಕೆಟ್‌ ಡಿಸೈನ್‌ಗಳಲ್ಲಿ ಬಂದಿವೆ. ಹುಡುಗರನ್ನು ಸವಾರಿ ಮಾಡತೊಡಗಿವೆ.

ಗ್ರಾಫಿಕ್‌ ಟೀ ಶರ್ಟ್ಸ್‌

ತಮ್ಮಲ್ಲಿರುವ ಆಸಕ್ತಿ ತೋರ್ಪಡಿಸಲು ಸಹಕಾರಿಯಾಗಿರುವ ಗ್ರಾಫಿಕ್‌ ಟೀ ಶರ್ಟ್ಸ್‌ ಇದೀಗ ಹುಡುಗರನ್ನು ಸೆಳೆದಿವೆ. ಆಯಾ ಹುಡುಗನ ಕಲರ್‌ ಆಯ್ಕೆಗೆ ತಕ್ಕಂತೆ ನಾನಾ ಬ್ರಾಂಡ್‌ಗಳಲ್ಲೂ ಕಂಡು ಬರುತ್ತಿವೆ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Summer Fashion: ಸಮ್ಮರ್‌ ಫ್ಯಾಷನ್‌ನಲ್ಲಿ ಬಂತು ತಂಪೆರೆಯುವ ವಾಟರ್‌ಫಾಲ್‌ ಇಯರಿಂಗ್ಸ್‌

ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮದುವೆ ಸೀರೆಗಳ ಆಯ್ಕೆ (Wedding Saree Selection) ಮಾಡುವುದು ಸುಲಭವೇನಲ್ಲ! ಹೌದು, ಇದರಲ್ಲಿ ಮದುವೆಯಾಗುತ್ತಿರುವ ಮದುಮಗಳ ಆಯ್ಕೆ ಮಾತ್ರವಲ್ಲ, ಆಪ್ತರ, ಮನೆಯವರ ಪಾತ್ರವೂ ಇರುತ್ತದೆ. ಕೆಲವೊಮ್ಮೆ ಕುಟುಂಬದವರ ಇಷ್ಟನುಸಾರವಾಗಿಯೂ ಸೀರೆಯ ಆಯ್ಕೆ ನಡೆಯುತ್ತದೆ. ಇನ್ನು, ಕೆಲವೊಮ್ಮೆ ಸಂಪ್ರಾದಾಯಗಳನ್ನು ಪಾಲಿಸಲು ಆಯಾ ಶಾಸ್ತ್ರಕ್ಕೆ ಹೊಂದುವ ಡಿಸೈನ್ಸ್‌ ಒಪ್ಪಿಕೊಳ್ಳಬೇಕಾಗುತ್ತದೆ. ಇವೆಲ್ಲದರ ಮಧ್ಯೆ ಮದುವೆ ಮನೆಯ ಇಡೀ ಕುಟುಂಬದ ಹೆಣ್ಣುಮಕ್ಕಳ ಸೀರೆ ಸೆಲೆಕ್ಷನ್‌ ಕೂಡ ಇದೇ ಸಮಯದಲ್ಲಿ ನಡೆಯುತ್ತದೆ. ಹಾಗಾಗಿ ಸೀರೆ ಸೆಲೆಕ್ಷನ್‌ ಮಾಡುವುದು ವೆಡ್ಡಿಂಗ್‌ ಕೆಲಸಗಳಲ್ಲಿ ಟಾಸ್ಕ್‌ ಇದ್ದಂತೆ. ಇಂತಹ ಸನ್ನಿವೇಶಗಳಲ್ಲಿ ಕೆಲವು ಸಿಂಪಲ್‌ ಟಿಪ್ಸ್‌ ಪಾಲಿಸಿದಲ್ಲಿ, ಹೆಚ್ಚು ತಲೆ ಬಿಸಿಯಿಲ್ಲದೇ ಟ್ರೆಂಡಿ ಮದುವೆ ಸೀರೆಗಳನ್ನು ಸೆಲೆಕ್ಟ್‌ ಮಾಡಬಹುದು ಎನ್ನುತ್ತಾರೆ ಸೀರೆ ಎಕ್ಸ್‌ಫರ್ಟ್ಸ್‌.
“ಕೆಲವೊಮ್ಮೆ ಮದುವೆ ಹೆಣ್ಣಿನ ಸೀರೆಗಳೊಂದಿಗೆ ಕುಟುಂಬದ ಇತರೇ ಹೆಣ್ಣುಮಕ್ಕಳ ಸೀರೆಗಳನ್ನೂ ಆಯ್ಕೆ ಮಾಡಬೇಕಾಗುತ್ತದೆ. ಇದು ಕೂಡ ಒಂದು ಅತಿ ದೊಡ್ಡ ಟಾಸ್ಕ್‌. ಸಿಂಪಲ್‌ ಸುಲಭೋಪಾಯಗಳನ್ನು ಕಂಡುಕೊಂಡು ಒಂದಿಷ್ಟು ಐಡಿಯಾ ಫಾಲೋ ಮಾಡಿದಲ್ಲಿ ನಿರಾತಂಕವಾಗಿ ಸೆಲೆಕ್ಟ್‌ ಮಾಡಬಹುದು” ಎನ್ನುತ್ತಾರೆ ಸೀರೆ ಡ್ರೇಪರ್ಸ್.‌ ಈ ಕುರಿಂತಂತೆ ಒಂದಿಷ್ಟು ಸಿಂಪಲ್‌ ಟಿಪ್ಸ್ ನೀಡಿದ್ದಾರೆ.

ಮೊದಲು ಪ್ಲಾನ್‌ ಮಾಡಿ

ಮದುವೆ ಹೆಣ್ಣಿನ ಸೀರೆ ಖರೀದಿಗೆ ತೆರಳುವ ಮುನ್ನವೇ, ಯಾವ ಅಂಗಡಿಗೆ ತೆರಳಬೇಕು? ಎಲ್ಲೆಲ್ಲಿ ತಮಗೆ ಅವಶ್ಯವಿರುವಂತಹ ರೇಷ್ಮೆ ಸೀರೆಗಳು ದೊರೆಯುತ್ತವೆ? ಯಾವುದೆಲ್ಲಾ ಲಭ್ಯ? ಎಷ್ಟು ಸಮಯ ತೆಗೆದುಕೊಳ್ಳಬಹುದು? ಯಾರೆಲ್ಲಾ ಹೋಗಬೇಕು? ಯಾವ ಸಮಯದಲ್ಲಿ ತೆರಳುವುದು ಉತ್ತಮ? ಬಜೆಟ್‌ ಏನು? ಎಂಬುದರ ಕುರಿತಂತೆ ಮೊದಲೇ ಪ್ಲಾನ್‌ ಮಾಡಿ, ನೋಡಿ.

ಗ್ರೂಪ್‌ಗೆ ಜವಾಬ್ದಾರಿ ವಹಿಸಿ

ಮದುವೆಯ ಸೀರೆ ಖರೀದಿಸಲು ತೆರಳುವಾಗ ಆದಷ್ಟೂ ಎಲ್ಲಾ ಕುಟುಂಬದವರು ಗ್ರೂಪ್‌ನಲ್ಲಿ ತೆರಳುತ್ತಾರೆ. ಹಾಗಾಗಿ, ಮೊದಲೇ ಯಾವ ಗ್ರೂಪ್‌ನ ಸದಸ್ಯರು ಯಾರ್ಯಾರಿಗೆ ಸೀರೆ ಕೊಳ್ಳಬೇಕು? ಮದುಮಗಳ ಸೀರೆ ಆಯ್ಕೆಗೆ ಯಾರು ಆಕೆಯ ಜತೆಗಿರಬೇಕು? ಎಂಬುದನ್ನು ನಿರ್ಧರಿಸಬೇಕು. ಆಗ ಯಾರಿಗೂ ಕನ್‌ಫ್ಯೂಸ್‌ ಆಗುವುದಿಲ್ಲ. ಆಯ್ಕೆ ಸುಲಭವಾಗುವುದು.

ಮೊದಲು ಮದುಮಗಳ ಸೀರೆ ಖರೀದಿಸಿ

ರೇಷ್ಮೆ ಸೀರೆ ಕೊಳ್ಳುವಾಗ ಮೊದಲು ಮದುಮಗಳ ಸೀರೆಯನ್ನು ಆಯ್ಕೆ ಮಾಡಿ. ನಂತರ ಉಳಿದವರ ಯೋಚನೆ ಮಾಡಿ. ಮೊದಲೇ ಇತರರಿಗೆ ಸೀರೆ ಖರೀದಿ ಮಾಡಿ ನಂತರ, ಆಕೆಯ ಸೀರೆ ಖರೀದಿಗೆ ಹೋಗುವುದಾದಲ್ಲಿ ಅಷ್ಟರೊಳಗೆ ಎಲ್ಲರ ಎನರ್ಜಿಯು ಕಡಿಮೆಯಾಗುವುದು, ಉತ್ಸಾಹ ಕುಂದಬಹುದು. ಹಾಗಾಗಿ, ಮೊದಲೇ ಮದುಮಗಳ ರೇಷ್ಮೆ ಸೀರೆ ಆಯ್ಕೆ ಮಾಡಿ.

ಟ್ರೆಂಡಿ ಡಿಸೈನ್‌ ಹಾಗೂ ಗುಣಮಟ್ಟಕ್ಕೆ ಪ್ರಾಮುಖ್ಯತೆ ನೀಡಿ

ಸದ್ಯ ಟ್ರೆಂಡಿಯಾಗಿರುವ ಡಿಸೈನ್‌ ರೇಷ್ಮೆ ಸೀರೆಗಳನ್ನು ಮೊದಲು ನೋಡಿ. ಮೊದಲೇ ಅದೇ ಬೇಕು, ಇದೇ ಬೇಕು ಎನ್ನುವುದಾದಲ್ಲಿ ಅಂತಹ ಡಿಸೈನ್‌ನದ್ದನ್ನು ತೆಗೆಸಿ, ಚೆಕ್‌ ಮಾಡಿ. ಸಿಲ್ಕ್‌ ಮಾರ್ಕ್‌ ಇರುವಂತಹದ್ದನ್ನು ನೋಡಿ ಖರೀದಿಸಿ.

ಮಾರಾಟಗಾರರ ಮಾತಿಗೆ ಮರುಳಾಗಬೇಡಿ

ಅಂಗಡಿಯವರ ಹಾಗೂ ಮಾರಾಟಗಾರರ ಮಾತಿಗೆ ಮರುಳಾಗಿ ಖರೀದಿಸಬೇಡಿ. ನಿಮಗೆ ಬೇಕಾದ್ದನ್ನು ಮೊದಲೇ ಮೊಬೈಲ್‌ನಲ್ಲಿ ಫೋಟೋ ಸೇವ್‌ ಮಾಡಿಕೊಂಡು ತೋರಿಸಿ ಕೇಳಿ ನೋಡಿ.

ಮದುವೆಗೆ ಆನ್‌ಲೈನ್‌ ಸೀರೆ ಖರೀದಿ ಬೇಡ

ಮದುವೆಯ ದುಬಾರಿ ಸೀರೆಗಳನ್ನು ಆನ್‌ಲೈನ್‌ನಲ್ಲಿ ಖರೀದಿಸಬೇಡಿ. ಯಾಕೆಂದರೇ, ನೀವು ನೋಡಿದ ಫ್ಯಾಬ್ರಿಕ್‌, ಬಂದ ನಂತರ ಬೇರೇ ರೀತಿಯಲ್ಲಿ ಕಾಣಿಸಬಹುದು. ಇಷ್ಟವಾಗದೇ ಹೋಗಬಹುದು. ಹಾಗಾಗಿ ಅಂಗಡಿಗೆ ತೆರಳಿ ಖರೀದಿಸಿ.

ಡ್ರೇಪಿಂಗ್‌ ಟ್ರಯಲ್‌ ನೋಡಿ

ದುಬಾರಿ ಸೀರೆಗಳನ್ನು ನೋಡಿದಾಕ್ಷಣ ಆಯ್ಕೆ ಮಾಡಬೇಡಿ. ನೀವು ಉಟ್ಟ ಉಡುಪಿನ ಮೇಲೆಯೇ ಟ್ರಯಲ್‌ ಮಾಡುವ ಸೌಲಭ್ಯವಿರುತ್ತದೆ. ಅಂತಹದ್ದನ್ನು ನೋಡಿ ಕೊಳ್ಳಿ. ಕೆಲವು ಸೀರೆಗಳು ನೋಡಿದಾಗ ಚೆನ್ನಾಗಿ ಕಾಣುತ್ತವೆ. ಉಟ್ಟಾಗ ಡಿಫರೆಂಟಾಗಿ ಕಾಣುತ್ತವೆ. ಹಾಗಾಗಿ ಮೊದಲೇ ಪರಿಶೀಲಿಸಿ.

ಸ್ಕಿನ್‌ ಟೋನ್‌ಗೆ ಮ್ಯಾಚ್‌ ಆಗುವ ಬಣ್ಣದ ಆಯ್ಕೆ

ಎಲ್ಲದಕ್ಕಿಂತ ಹೆಚ್ಚಾಗಿ ನಿಮ್ಮ ಸ್ಕಿನ್‌ ಟೋನ್‌ಗೆ ಮ್ಯಾಚ್‌ ಆಗುವ ಬಣ್ಣದ ರೇಷ್ಮೆ ಸೀರೆಯ ಶೇಡ್‌ ಆಯ್ಕೆ ಮಾಡಿ. ಯಾಕೆಂದರೇ, ನಿಮ್ಮ ಮದುವೆಯ ದಿನ ಅದು ಮುಖದ ಕಾಂತಿ ಹೆಚ್ಚಿಸುವಲ್ಲಿ ಪಾತ್ರ ವಹಿಸುತ್ತದೆ. ಹಾಗಾಗಿ ಯಾರ ಮಾತು ಕೇಳದೇ ಬ್ಯೂಟಿ ಎಕ್ಸ್‌ಫರ್ಟ್ಸ್‌ ಸಲಹೆ ಪಡೆದು ಖರೀದಿಸಿ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Niveditha Gowda: ಗೋಲ್ಡನ್‌ ಲುಕ್‌ನಲ್ಲಿ ನಿವೇದಿತಾ ಗೌಡ ಕಮಾಲ್‌

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಈ ಬಾರಿಯ ಸಮ್ಮರ್‌ ಸೀಸನ್‌ನಲ್ಲಿ ಮತ್ತೊಮ್ಮೆ ಸೆಲೆಬ್ರೆಟಿ ಲುಕ್‌ ನೀಡುವ ಬ್ಯಾಕ್‌ಲೆಸ್‌ ಉಡುಪುಗಳು ಲಗ್ಗೆ ಇಟ್ಟಿದ್ದು, ಅವುಗಳಲ್ಲಿ 3 ಶೈಲಿಯ ಬ್ಯಾಕ್‌ಲೆಸ್‌ ಔಟ್‌ಫಿಟ್‌ಗಳು ಸಖತ್‌ ಟ್ರೆಂಡಿಯಾಗಿವೆ (Summer Fashion).

ಜೆನ್‌ ಜಿ ಹುಡುಗಿಯರು ಮಾತ್ರವಲ್ಲ, ಕಾರ್ಪೋರೇಟ್‌ ಕ್ಷೇತ್ರದ ಯುವತಿಯರನ್ನು ಸೆಳೆದಿವೆ. ಧರಿಸಿದಾಗ ನೋಡಲು ಹಾಟ್‌ ಲುಕ್‌ ನೀಡುವ ಈ ಬ್ಯಾಕ್‌ಲೆಸ್‌ ಉಡುಪುಗಳಲ್ಲಿ ಈ ಬಾರಿಯೂ ಕೆಲವು ಹೆಚ್ಚು ಚಾಲ್ತಿಯಲ್ಲಿವೆ. ಪ್ರತಿ ಬೇಸಿಗೆಯಲ್ಲೂ ಹೊಸ ರೂಪದೊಂದಿಗೆ ಮರಳುವ ಈ ಬ್ಯಾಕ್‌ಲೆಸ್‌ ಡ್ರೆಸ್‌ ಹಾಗೂ ಟಾಪ್‌ಗಳು ಹೈ ಸ್ಟ್ರೀಟ್‌ ಫ್ಯಾಷನ್‌ನ ಭಾಗವಾಗಿವೆ.

“ಪ್ರತಿ ಬೇಸಿಗೆಯಲ್ಲೂ ಬಗೆಬಗೆಯ ಬ್ಯಾಕ್‌ಲೆಸ್‌ ಔಟ್‌ಫಿಟ್ಸ್‌ ಕಾಲಿಡುತ್ತವೆ. ನೋಡಲು ಇವು ಒಂದೇ ಬಗೆಯದ್ದಾಗಿ ಕಂಡರೂ, ವಿನ್ಯಾಸ ಬೇರೆ ಬೇರೆಯದ್ದಾಗಿರುತ್ತವೆ. ಡಿಸೈನ್‌ ಕೂಡ ಬದಲಾಗಿರುತ್ತವೆ. ಕಾನ್ಸೆಪ್ಟ್‌ ಮಾತ್ರ ಒಂದೇ” ಎನ್ನುವ ಸ್ಟೈಲಿಸ್ಟ್‌ ರಚನಾ ಹೇಳುವಂತೆ, ʼʼಬ್ಯಾಕ್‌ಲೆಸ್‌ ಉಡುಪುಗಳು ಎಕ್ಸ್ಪೋಸ್‌ ಮಾಡುವ ಉಡುಪುಗಳು ಎಂಬ ಯೋಚನೆ ಜನರಲ್ಲಿದೆ. ಇದು ನಿಜ ಕೂಡ. ಇವು ಅಲ್ಟ್ರಾ ಮಾಡರ್ನ್‌ ಹುಡುಗಿಯರ ಚಾಯ್ಸ್‌ ಔಟ್‌ಫಿಟ್‌ಗಳುʼʼ ಎನ್ನುತ್ತಾರೆ.

ಬ್ಯಾಕ್‌ಲೆಸ್‌ ಹಾಲ್ಟರ್‌ ನೆಕ್‌ ಡ್ರೆಸ್‌

ಇದು ತೀರಾ ಕಾಮನ್‌ ಡ್ರೆಸ್.‌ ಈ ನೆಕ್‌ಲೈನ್‌ ಇರುವಂತಹ ಬ್ಯಾಕ್‌ಲೆಸ್‌ ಡ್ರೆಸ್‌ಗಳನ್ನು ಹಾಗೂ ಟಾಪ್‌ಗಳನ್ನು ಬಹುತೇಕ ಯುವತಿಯರು ಪ್ರಿಫರ್‌ ಮಾಡುತ್ತಾರೆ. ಈ ಉಡುಪಿನಲ್ಲಿ ಮುಂಭಾಗ ಕಂಪ್ಲೀಟ್‌ ಕ್ಲೋಸ್‌ ಆಗಿರುತ್ತದೆ. ಹಿಂಭಾಗ ಎಕ್ಸ್ಪೋಸ್‌ ಆಗಿರುತ್ತದೆ. ಕಾಲೇಜು ಹುಡುಗಿಯರ ಲಿಸ್ಟ್ನಲ್ಲಿವೆ. ಅತಿ ಹೆಚ್ಚು ಯುವತಿಯರು ಬಳಸುವ ಬ್ಯಾಕ್‌ಲೆಸ್‌ ಡ್ರೆಸ್ಗಳಿವು ಎಂದರೂ ಅತಿಶಯೋಕ್ತಿಯಾಗದು.

ಮಲ್ಟಿ ಸ್ಟ್ರಾಪ್‌ ಬ್ಯಾಕ್‌ಲೆಸ್‌ ಔಟ್‌ಫಿಟ್ಸ್‌

ಕೆಲವು ಬ್ಯಾಕ್‌ಲೆಸ್‌ ಡ್ರೆಸ್‌ಗಳು ಸಾಕಷ್ಟು ಸ್ಟ್ರಾಪ್‌ ಹೊಂದಿರುತ್ತವೆ. ಇದು ತೀರಾ ಎಕ್ಸ್ಪೋಸ್‌ ಆಗುವುದನ್ನು ತಪ್ಪಿಸುತ್ತವೆ. ಜತೆಗೆ ಗ್ಲಾಮರಸ್‌ ಲುಕ್‌ ನೀಡುತ್ತವೆ. ಇನ್ನು ಈ ಶೈಲಿಯ ಗೌನ್‌, ಮಿಡಿ, ಮ್ಯಾಕ್ಸಿಗಳು ಹೆಚ್ಚು ಪ್ರಚಲಿತದಲ್ಲಿವೆ. ನಾನಾ ಡಿಸೈನ್‌ನಲ್ಲಿ ಇವು ದೊರೆಯುತ್ತಿವೆ. ಸ್ಪೆಗೆಟಿ ಬ್ಯಾಕ್‌ಲೆಸ್‌ ಫ್ರಾಕ್‌ಗಳೂ ಟ್ರೆಂಡ್‌ನಲ್ಲಿವೆ.

ಬ್ಯಾಕ್‌ಲೆಸ್‌ ಮಿನಿ ಪಾರ್ಟಿ ಡ್ರೆಸ್‌

ಪಾರ್ಟಿಗಳಿಗೆ ಧರಿಸಬಹುದಾದ ನಾನಾ ಶೈಲಿಯ ಮಿನಿ ಬ್ಯಾಕ್‌ಲೆಸ್‌ ಪಾರ್ಟಿ ಡ್ರೆಸ್ಗಳು ಕೂಡ ಹೆಚ್ಚು ಪ್ರಚಲಿತದಲ್ಲಿವೆ. ಇವು ಜೆನ್‌ ಜಿ ಹುಡುಗಿಯರ ಫೇವರೇಟ್‌ ಲಿಸ್ಟ್ನಲ್ಲಿವೆ. ಇನ್ನು, ಮಿನಿ ಫ್ರಾಕ್‌ನಲ್ಲಿ ಇವನ್ನು ಕಾಣಬಹುದು. ಕೆಲವು ಸ್ಯಾಟೀನ್‌ ಫ್ಯಾಬ್ರಿಕ್‌ನಲ್ಲಿ ದೊರೆಯುತ್ತಿವೆ. ಇನ್ನು ಕೆಲವು ಸಿಕ್ವೀನ್ಸ್ನಲ್ಲೂ ಲಭ್ಯ. ಆನ್‌ಲೈನ್‌ನಲ್ಲಿ ಲೆಕ್ಕವಿಲ್ಲದಷ್ಟು ಬಗೆಯವು ದೊರೆಯುತ್ತಿವೆ. ಬೇಸಿಗೆಗೆ ಮ್ಯಾಚ್‌ ಆಗುವಂತಹ ಡಿಸೈನ್‌ನಲ್ಲಿ ಸಿಗುತ್ತಿವೆ.

ಬ್ಯಾಕ್‌ ಲೆಸ್‌ ಡ್ರೆಸ್‌ ಪ್ರಿಯರು ಪಾಲಿಸಬೇಕಾದ 5 ಟಿಪ್ಸ್‌:

• ಬ್ಯಾಕ್‌ಲೆಸ್‌ ಡ್ರೆಸ್‌ ನಿಮ್ಮ ಪರ್ಸನಾಲಿಟಿಗೆ ಮ್ಯಾಚ್‌ ಆಗುವಂತಿರಬೇಕು.
• ಫಿಟ್ಟಿಂಗ್‌ ಸರಿಯಾಗಿರದಿದ್ದಲ್ಲಿ ಎಕ್ಸ್‌ ಪೋಸ್‌ ಆಗುವ ಸಾಧ್ಯತೆಗಳಿರುತ್ತವೆ.
• ಈ ಉಡುಪುಗಳಿಗೆ ಸೂಕ್ತವಾದ ಇನ್ನರ್‌ವೇರ್‌ ಧರಿಸುವುದು ಅಗತ್ಯ.
• ಆದಷ್ಟೂ ಮಿನಿಮಲ್‌ ಆಕ್ಸೆಸರೀಸ್‌ ಧರಿಸಿ.
• ಪಾರ್ಟಿಗಳಿಗೆ ಹಾಗೂ ಔಟಿಂಗ್‌ಗೆ ಮಾತ್ರ ಸೂಕ್ತ ಎಂಬುದನ್ನು ಮರೆಯದಿರಿ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Summer Fashion: ಸಮ್ಮರ್‌ ಫ್ಯಾಷನ್‌ನಲ್ಲಿ ಬಂತು ತಂಪೆರೆಯುವ ವಾಟರ್‌ಫಾಲ್‌ ಇಯರಿಂಗ್ಸ್‌

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ರಾಮನವಮಿಯಂದು (Celebrities Ramanavami) ಸಿಂಪಲ್‌ ಎಥ್ನಿಕ್‌ವೇರ್‌ಗಳನ್ನು ಧರಿಸಿದ ನಾನಾ ಸೆಲೆಬ್ರೆಟಿಗಳು ರಾಮನಾಮ ಜಪ ಮಾಡಿ, ಹಬ್ಬ ಆಚರಿಸಿದ್ದಾರೆ. ಹಬ್ಬ ಎಂದಾಕ್ಷಣ ಎಂತಹ ಸೆಲೆಬ್ರೆಟಿಗಳು ಕೂಡ ತಾತ್ಕಲಿಕವಾಗಿ, ವೆಸ್ಟರ್ನ್‌ ವೇರ್‌ಗಳಿಂದ ದೂರ ಉಳಿದು ಎಥ್ನಿಕ್‌ವೇರ್‌ ಅಥವಾ ಟ್ರೆಡಿಷನಲ್‌ ವೇರ್‌ಗಳನ್ನು ಆಯ್ಕೆ ಮಾಡುತ್ತಾರೆ. ಅದು ದೊಡ್ಡ ಹಬ್ಬವಾಗಲಿ, ಬಿಡಲಿ, ದೇವರ ಪೂಜೆ ಎಂದಾಕ್ಷಣಾ ಸಿಂಪಲ್‌ವೇರ್‌ಗಳನ್ನು ಧರಿಸುತ್ತಾರೆ. ಅವು ಟ್ರೆಡಿಷನಲ್‌ ಪೂಜೆಗಳಿಗೆ ಪೂರಕವಾಗಿರುವಂತಿರುತ್ತವೆ. ಈ ನಿಟ್ಟಿನಲ್ಲಿ, ಹಬ್ಬಗಳು ಸಾಂಪ್ರದಾಯಿಕ ಉಡುಗೆ ತೊಡುಗೆಗಳನ್ನು ಪ್ರಮೋಟ್‌ ಮಾಡುತ್ತಿವೆ ಎನ್ನಬಹುದು ಎನ್ನುತ್ತಾರೆ ಫ್ಯಾಷನಿಸ್ಟಾಗಳು. ಅವರ ಪ್ರಕಾರ, ಫೆಸ್ಟೀವ್‌ ಸೀಸನ್‌ನ ಔಟ್‌ಫಿಟ್‌ಗಳು ನಮ್ಮ ಸಂಸ್ಕೃತಿಯನ್ನು ಎತ್ತಿ ಹಿಡಿಯಲು ಸಹಕರಿಸುತ್ತಿವೆಯಂತೆ.

ಸಂಸ್ಕೃತಿ ಬಿಂಬಿಸುವ ಉಡುಗೆಗಳು

ನಮ್ಮ ಸಂಸ್ಕೃತಿ ಬಿಂಬಿಸುವ ಉಡುಗೆ ತೊಡುಗೆಗಳನ್ನು ಪ್ರಮೋಟ್‌ ಮಾಡುವಲ್ಲಿ ಇತ್ತೀಚೆಗೆ ಸೆಲೆಬ್ರೆಟಿಗಳು ಕೂಡ ಪ್ರಮುಖ ಪಾತ್ರವಹಿಸುತ್ತಿದ್ದಾರೆ. ಇದಕ್ಕೆ ಸೋಷಿಯಲ್‌ ಮೀಡಿಯಾ ಕೂಡ ಸಹಕಾರಿಯಾಗಿದೆ. ಇದನ್ನು ನೋಡುವ ಅಭಿಮಾನಿಗಳು ಹಾಗೂ ಫ್ಯಾಷನ್‌ ಪ್ರಿಯರು ಕೂಡ ತಾವೇನೂ ಕಡಿಮೆ ಇಲ್ಲವೆಂಬಂತೆ ಹಬ್ಬಗಳಿಗೆ ಮ್ಯಾಚ್‌ ಆಗುವ ಉಡುಗೆ-ತೊಡುಗೆಗಳನ್ನು ಧರಿಸುತ್ತಿದ್ದಾರೆ. ಇದು ನಮ್ಮ ಸಂಸ್ಕೃತಿಗೆ ಪೂರಕವಾಗಿದೆ. ಇದು ಉತ್ತಮ ಬೆಳವಣಿಗೆ ಎನ್ನುತ್ತಾರೆ ಸ್ಟೈಲಿಸ್ಟ್‌ ದಾಮಿನಿ.

ಲಂಗ-ದಾವಣಿಯಲ್ಲಿ ಕಾರುಣ್ಯ

ರಾಮನವಮಿ ಹಬ್ಬವನ್ನು ವಿಶ್‌ ಮಾಡಿರುವ ನಟಿ ಕಾರುಣ್ಯ, ಹಸಿರು ಲಂಗ, ಮರೂನ್‌ ವರ್ಣದ ದಾವಣಿಯಲ್ಲಿ ಕಾಣಿಸಿಕೊಂಡಿದ್ದಾರೆ. ಸೆಲೆಬ್ರೆಟಿ ಡಿಸೈನರ್‌ ಲಕ್ಷ್ಮಿ ಕೃಷ್ಣ ಅವರ ಈ ಟ್ರೆಡಿಷನಲ್‌ ಡಿಸೈನರ್‌ವೇರ್‌ನಲ್ಲಿ ಕಾರುಣ್ಯ, ಸ್ಟ್ರೀಟ್‌ ಫೋಟೋಗ್ರಾಫಿಯಲ್ಲಿ ಟ್ರೆಡಿಷನಲ್‌ ಲುಕ್‌ನಲ್ಲಿ ಕಾಣಿಸಿಕೊಂಡು ಎಲ್ಲರಿಗೂ ವಿಶ್‌ ಮಾಡಿದ್ದಾರೆ.

ಕಲರ್‌ಫುಲ್‌ ಸಲ್ವಾರ್‌ ಸೂಟ್‌ನಲ್ಲಿ ರಾಗಿಣಿ

ನಟಿ ರಾಗಿಣಿ ಮಲ್ಟಿ ಕಲರ್‌ನ ದುಪಟ್ಟಾದ ಸಲ್ವಾರ್‌ ಸೂಟ್‌ನಲ್ಲಿ ಹಬ್ಬದ ವಿಶ್‌ ಮಾಡಿದ್ದಾರೆ. ಪೂಜೆ ಮುಗಿಸಿದ ನಂತರ ಇರುವ ಲುಕ್‌ ಇವರದ್ದಾಗಿದ್ದು, ವರ್ಣಮಯ ಉಡುಗೆಯಲ್ಲಿ ಕಾಣಿಸಿಕೊಂಡಿದ್ದಾರೆ.

ಪ್ರಣೀತಾ ರಾಮನ ಪೂಜೆ

ಮಗಳೊಂದಿಗೆ ದೇವಸ್ಥಾನಕ್ಕೆ ತೆರಳಿ, ರಾಮ ಪೂಜೆ ಮಾಡಿರುವ ನಟಿ ಪ್ರಣೀತಾ, ಸಿಂಪಲ್‌ ಪಾಸ್ಟೆಲ್‌ ಶೇಡ್‌ ಉಡುಗೆಯಲ್ಲಿ ರಾಮನನ್ನು ಪೂಜಿಸಿದ್ದಾರೆ.

ಪ್ರಿಯಾಂಕಾ ಚಿಂಚೊಳ್ಳಿಯ ರಾಮನ ಪೂಜೆ

ಮನೆಯಲ್ಲೆ ರಾಮನ ಜಪ, ಪೂಜೆ ಮಾಡಿರುವ ಪ್ರಿಯಾಂಕಾ ಚಿಂಚೊಳ್ಳಿ, ಎಂದಿನಂತೆ ಟ್ರೆಡಿಷನಲ್‌ ಲುಕ್‌ನಲ್ಲಿ ಪೂಜೆ ಕೈಗೊಂಡಿದ್ದಾರೆ.

ಅಂಕಿತಾ ಅಮರ್‌ ರಾಮ ನಾಮ

ನಟಿ ಅಂಕಿತಾ ಅಮರ್‌, ಕುಂಕುಮ ಬಳಿದುಕೊಂಡ ಸಾಮಾನ್ಯ ಲುಕ್ನಲ್ಲಿ ಕಾಣಿಸಿಕೊಂಡಿದ್ದು, ತಮ್ಮ ಇಷ್ಟ ದೇವರ ಹಬ್ಬವನ್ನು ಆಚರಿಸಿದ್ದಾರೆ. ಸಿಂಪಲ್‌ ಚೂಡಿದಾರ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ.

ಬಾಲ ನಟಿ ಅನ್ಯಾ ಶೆಟ್ಟಿಯ ರಾಮನ ಜಪ

ಬಾಲನಟಿ ಅನ್ಯಾ ಶೆಟ್ಟಿ ಇದೀಗ ಟೀನೇಜ್‌ ಹುಡುಗಿಯಾಗಿದ್ದು, ಲಂಗ-ದಾವಣಿ ಧರಿಸಿ, ರಾಮನಾಮ ಜಪ ಮಾಡಿದ್ದಾರೆ. ಉದ್ದ ಕೂದಲಿನ ನಗುಮೊಗದ ಅನ್ಯಾ ಆಗಾಗ್ಗೆ ಟ್ರೆಡಿಷನಲ್‌ ಲುಕ್‌ನಲ್ಲಿ ಕಾಣಿಸಿಕೊಳ್ಳುತ್ತಿರುತ್ತಾರೆ. ಈ ಸೆಲೆಬ್ರೆಟಿಗಳು ಮಾತ್ರವಲ್ಲ, ಬಾಲಿವುಡ್‌, ಸ್ಯಾಂಡಲ್‌ವುಡ್‌ ಹಾಗೂ ಕಿರುತೆರೆ-ಹಿರಿತೆರೆಯ ನಾನಾ ತಾರೆಯರು ಕೂಡ ರಾಮನವಮಿಯಂದು ತಮ್ಮದೇ ಆದ ಸಿಂಪಲ್‌ ಎಥ್ನಿಕ್‌ವೇರ್‌ಗಳಲ್ಲಿ ರಾಮನನ್ನು ಪೂಜಿಸಿ ಸಂಭ್ರಮಿಸಿದ್ದಾರೆ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Model Fashion Life: ಕಲಾವಿದೆ ಸ್ಮಿತಾ ಪ್ರಕಾಶ್ ವಿಂಟರ್‌ ಫ್ಯಾಷನ್‌ ಝಲಕ್‌ ಹೀಗಿದೆ!