-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಸ್ಯಾಂಡಲ್‌ವುಡ್‌ ಹಾಗೂ ಬಹುಭಾಷಾ ನಟಿ ತಾನ್ಯಾ ಹೋಪ್‌ ಸೀರೆಯಲ್ಲಿ (Star Saree Fashion) ಸಖತ್‌ ಗ್ಲಾಮರಸ್‌ ಆಗಿ ಕಾಣಿಸಿಕೊಂಡಿದ್ದಾರೆ. ಡಿಸೈನರ್‌ ಪಾರ್ಟಿವೇರ್‌ ಸೀರೆಯುಟ್ಟರೂ ಆಕರ್ಷಕವಾಗಿ ಹಾಗೂ ಗ್ಲಾಮರಸ್‌ ಆಗಿ ಕಾಣಿಸಬಹುದು ಎಂಬುದನ್ನು ನಟಿ ತಾನ್ಯಾ ಪ್ರೂವ್‌ ಮಾಡಿದ್ದಾರೆ. ಅವರು ಧರಿಸಿರುವ ಸೀರೆ ಅವರ ಸೌಂದರ್ಯವನ್ನು ಇಮ್ಮಡಿಗೊಳಿಸಿದೆ. “ಪಾರ್ಟಿವೇರ್‌ ಸೀರೆಗಳು ಇದೀಗ ಅತಿ ಹೆಚ್ಚು ಟ್ರೆಂಡಿಯಾಗಿರುವ ಸೀರೆಗಳು! ಶಿಮ್ಮರ್‌ ಸೀರೆಗಳನ್ನು ಹೊರತುಪಡಿಸಿದಲ್ಲಿ, ಜಾರ್ಜೆಟ್ ಶೈಲಿಯ ಡಿಸೈನರ್‌ ಸೀರೆಗಳು ಇದೀಗ ಪಾರ್ಟಿ ಪ್ರಿಯ ಮಾನಿನಿಯರನ್ನು ಆಕರ್ಷಿಸಿವೆ. ಹಾಗೆಂದು ಇವುಗಳ ಬೆಲೆಯೇನೂ ಕಡಿಮೆಯೇನಿಲ್ಲ! ಎಂಬ್ರಾಯ್ಡರಿ ಹಾಗೂ ಅವುಗಳ ಡಿಸೈನ್‌ ಮತ್ತು ಫ್ಯಾಬ್ರಿಕ್‌ನ ಆಧಾರದ ಮೇಲೆ ಬೆಲೆ ನಿಗಧಿಯಾಗಿರುತ್ತವೆ. ಇನ್ನು ಇತ್ತೀಚೆಗೆ ಸೆಲೆಬ್ರೆಟಿಗಳು ಕೂಡ ಇಂತಹ ಸೀರೆಗಳತ್ತ ವಾಲಿದ್ದಾರೆ. ಮಾಮೂಲಿಯಂತೆ ಸ್ಟೈಲಿಂಗ್‌ ಮಾಡುವ ಬದಲು ಗ್ಲಾಮರಸ್‌ ಆಗಿ ಮಾಡುತ್ತಾರೆ. ಹಾಗಾಗಿ ನೋಡಲು ಚೆಂದನಾಗಿ ಕಾಣಿಸುತ್ತಾರೆ” ಎನ್ನುತ್ತಾರೆ ಸೀರೆ ಡ್ರೇಪಿಸ್ಟ್ ಧವನ್‌. ಇನ್ನು, ನಟಿ ತಾನ್ಯಾ ಹೋಪ್‌ರಂತೆ ಡಿಸೈನರ್‌ ಪಾರ್ಟಿವೇರ್‌ ಸೀರೆಯಲ್ಲಿ ಗ್ಲಾಮರಸ್‌ ಆಗಿ ಕಾಣಿಸಲು ಯಾರಿಗೆ ಇಷ್ಟವಿಲ್ಲ ಹೇಳಿ! ಹಾಗಾದಲ್ಲಿ ಒಂದಿಷ್ಟು ಸಿಂಪಲ್‌ ಟಿಪ್ಸ್ ಫಾಲೋ ಮಾಡಿ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು. ಈ ಕುರಿತಂತೆ 5 ಟಿಪ್ಸ್ ನೀಡಿದ್ದಾರೆ.

ಪಾರ್ಟಿ ಥೀಮ್‌ಗೆ ತಕ್ಕ ಸೀರೆ ಆಯ್ಕೆ ಮಾಡಿ

ನೀವು ಭಾಗವಹಿಸುವ ಕಾಯರ್ಕ್ರಮಕ್ಕೆ ತಕ್ಕಂತೆ ಮ್ಯಾಚ್‌ ಆಗುವಂತಹ ಡಿಸೈನರ್‌ ಪಾರ್ಟಿವೇರ್ ಸೀರೆಗಳನ್ನು ಆಯ್ಕೆ ಮಾಡಿ. ಅದು ಟ್ರೆಡಿಷನಲ್‌ ಸಮಾರಂಭವೇ ಅಥವಾ ಕ್ಯಾಶುವಲ್‌ ಪಾರ್ಟಿಯಾ ಎಂಬುದು ತಿಳಿದು ಆರಿಸಿ.

ಮಿನುಗುವ ಡಿಸೈನ್ಸ್/ ಹ್ಯಾಂಡ್‌ವರ್ಕ್ ಸೀರೆಯ ಆಯ್ಕೆ

ಪಾರ್ಟಿಗೆ ಧರಿಸುವ ಸೀರೆಗಳು ಆದಷ್ಟೂ ಮಿನುಗುವ ಡಿಸೈನ್ಸ್ ಹೊಂದಿರಲಿ. ಎಂಬ್ರಾಯ್ಡರಿ ಹ್ಯಾಂಡ್‌ ವರ್ಕ್, ಕಟ್‌ವರ್ಕ್ ಡಿಸೈನ್ಸ್ ಇರುವಂತಹ ಡಿಸೈನರ್‌ ಸೀರೆ ಆಯ್ಕೆ ಮಾಡಿ. ಟ್ರೆಡಿಷನಲ್‌ ಲುಕ್‌ ಇರುವಂತವು ಬೇಡ!

ಡಿಸೈನರ್ ಸೀರೆಗೆ ಗ್ಲಾಮರಸ್‌ ಬ್ಲೌಸ್‌

ಡಿಸೈನರ್‌ ಸೀರೆಗೆ ಯಾವುದೇ ಕಾರಣಕ್ಕೂ ಟ್ರೆಡಿಷನಲ್‌ ಲುಕ್‌ ನೀಡುವಂತಹ ಎಥ್ನಿಕ್‌ ಡಿಸೈನ್‌ನ ಬ್ಲೌಸ್‌ ಆಯ್ಕೆ ಮಾಡಬೇಡಿ. ಹಾಲ್ಟರ್‌ ನೆಕ್‌ ಬ್ಲೌಸ್‌, ಸ್ಲಿವ್‌ಲೆಸ್‌ ಬ್ಲೌಸ್‌, ಬ್ಯಾಕ್‌ ಬಟನ್‌ ಬ್ಲೌಸ್‌, ಸ್ಟ್ರಾಪ್‌ ಬ್ಲೌಸ್‌ ಹಾಗೂ ಡಿಸೈನರ್‌ ಸ್ಲೀವ್‌ ಬ್ಲೌಸ್‌ಗಳನ್ನು ಸೆಲೆಕ್ಟ್ ಮಾಡಿ, ಧರಿಸಿ.

ಮಿನಿಮಲ್‌ ಆಭರಣ ಧರಿಸಿ

ಮೊದಲೇ ಪಾರ್ಟಿವೇರ್‌ ಡಿಸೈನರ್‌ ಸೀರೆಗಳು ಜಗಮಗಿಸುತ್ತಿರುತ್ತವೆ. ಇಲ್ಲವೇ ಎಂಬ್ರಾಯ್ಡರಿ ಹೈಲೈಟಾಗುತ್ತಿರುತ್ತವೆ. ಇವುಗಳನ್ನು, ಮಾಸುವಂತೆ ಮಾಡುವ ಹೆವ್ವಿ ಜ್ಯುವೆಲರಿಗಳನ್ನು ಧರಿಸುವುದು ಬೇಡ. ಬದಲಿಗೆ ಮಿನಿಮಲ್‌ ಆಭರಣಗಳನ್ನು ಧರಿಸಿ. ಸೀರೆ ಎದ್ದು ಕಾಣಿಸುವುದು.

ಸೀರೆಯ ಡ್ರೇಪಿಂಗ್‌

ಉಡುವ ಸೀರೆಯ ಡ್ರೇಪಿಂಗ್‌ ಬಾಡಿ ಮಾಸ್‌ ಇಂಡೆಕ್ಸ್ ಹೈ ಲೈಟ್‌ ಮಾಡುವಂತಿರಲಿ. ಆಗಷ್ಟೇ ಬಳುಕುವ ಬಳ್ಳಿಯಂತೆ ಕಾಣಬಹುದು. ಡ್ರೇಪಿಂಗ್‌ ಮಾಡುವ ಶೈಲಿ ಸೀರೆಯ ಇಡೀ ಲುಕ್ಕನ್ನು ಬದಲಿಸಬಲ್ಲದು.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Holiday Fashion: ಹಾಲಿ ಡೇ ಫ್ಯಾಷನ್‌ಗೆ ಮರಳಿ ಬಂತು ಹಿಪ್ಪಿ ಪ್ಯಾಂಟ್ಸ್!

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಸಂಪ್ರದಾಯಕ್ಕೆ ತಕ್ಕಂತೆ ನಡೆಯುವ ಮದುವೆಯ ಹಳದಿ ಶಾಸ್ತ್ರಕ್ಕೂ (Haldi Shastra Fashion) ಇದೀಗ ಫ್ಯಾಷನ್‌ ಟಚ್‌ ದೊರಕಿದೆ. ಹೌದು, ಮದುವೆಗೂ ಮುನ್ನ ನಡೆಯುವ ಈ ಕಾರ್ಯಕ್ರಮದಲ್ಲಿ ಮೊದಲಿನಂತೆ ಹಳೆಯ ಅಥವಾ ಯಾವುದೋ ಒಂದು ಹಳದಿ ಅಥವಾ ಶ್ವೇತ ವರ್ಣದ ಸೀರೆ ಅಥವಾ ಔಟ್‌ಫಿಟ್‌ ಧರಿಸಿದರೇ ಸಾಲದು. ಇದಕ್ಕೆಂದೇ ನಾನಾ ಬಗೆಯ ಡ್ರೆಸ್‌ಕೋಡ್‌ಗಳು ಕಾಲಿಟ್ಟಿವೆ. ಆ ದಿನದಂದು ಮದುಮಕ್ಕಳು ಮಾತ್ರವಲ್ಲ, ಭಾಗವಹಿಸುವ ಇತರರು ಕೂಡ ಹೇಗೆಲ್ಲಾ ಔಟ್‌ಫಿಟ್‌ ಧರಿಸಬಹುದು? ಆಕರ್ಷಕವಾಗಿ ಕಾಣುವಂತೆ ಹೇಗೆಲ್ಲಾ ಸ್ಟೈಲಿಂಗ್‌ ಮಾಡಬಹುದು ಎಂಬುದರ ಬಗ್ಗೆ ವೆಡ್ಡಿಂಗ್‌ ಸ್ಟೈಲಿಸ್ಟ್‌ಗಳು ಸಿಂಪಲ್ 5 ಟಿಪ್ಸ್ ನೀಡಿದ್ದಾರೆ.

ಹಳದಿ ಶೇಡ್‌ ಔಟ್‌ ಫಿಟ್ಸ್ ಪ್ಲಾನಿಂಗ್‌

ಈ ಕಾರ್ಯಕ್ರಮದಲ್ಲಿ ಭಾಗವಹಿಸುವ ಪ್ರತಿಯೊಬ್ಬರಿಗೂ ಹಳದಿ ವರ್ಣದ ಅಥವಾ ಸನ್‌ಕಲರ್‌ ಶೇಡ್‌ನ ಔಟ್‌ಫಿಟ್‌ ಹಾಗೂ ಸೀರೆ ಧರಿಸಲು ಮುನ್ನವೇ ಸೂಚಿಸಬೇಕು. ಆ ನಂತರವಷ್ಟೇ ಎಲ್ಲರೂ ಯೂನಿಫಾರ್ಮ್‌ನಂತೆ ಹಳದಿಮಯವಾಗಿ ಕಾಣಿಸಲು ಸಾಧ್ಯ.

ಮದುಮಕ್ಕಳಿಗೆ ಶ್ವೇತ ವರ್ಣ

ಹಳದಿ ಶಾಸ್ತ್ರದಲ್ಲಿ ಭಾಗವಹಿಸುವವರೆಲ್ಲರೂ ಹಳದಿ ದಿರಸಿದಲ್ಲಿ ಮುಖ್ಯ ಪಾತ್ರದಾರಿಗಳಾದ ಮದುಮಗಳು ಹಾಗೂ ಮದುವೆ ಗಂಡು ಶ್ವೇತಾ ವರ್ಣದ ಔಟ್‌ಫಿಟ್‌ ಧರಿಸುವುದು ಉತ್ತಮ. ಹಳದಿ ನೀರನ್ನು ಎರಚಿದಾಗ ಈ ಉಡುಪುಗಳು ವಿಡಿಯೋ ಹಾಗೂ ಫೋಟೋಗಳಲ್ಲಿ ಆಕರ್ಷಕವಾಗಿ ಕಾಣಿಸುತ್ತವೆ.

ಟ್ವಿನ್ನಿಂಗ್‌ ಕಾನ್ಸೆಪ್ಟ್

ಮದುವೆಯಾಗುವ ಹೆಣ್ಣು ಹಾಗೂ ಗಂಡು ಟ್ವಿನ್ನಿಂಗ್‌ ಡ್ರೆಸ್‌ಕೋಡ್‌ ಪ್ಲಾನ್‌ ಮಾಡಬಹುದು. ಇಲ್ಲವೇ ಒಂದೇ ಬಗೆಯ ಫ್ಯಾಬ್ರಿಕ್‌ ಉಡುಪನ್ನು ಧರಿಸಬಹುದು. ಇದು ಕೂಡ ಆಕರ್ಷಕವಾಗಿ ಬಿಂಬಿಸುತ್ತವೆ.

ಥೀಮ್‌ಗೆ ತಕ್ಕಂತೆ ಹಳದಿ ಶಾಸ್ತ್ರ

ಹಳದಿ ಶಾಸ್ತ್ರಕ್ಕೂ ಇದೀಗ ನಾನಾ ಬಗೆಯ ಥೀಮ್‌ ಡ್ರೆಸ್‌ಕೋಡ್‌ಗಳು ಬಂದಿವೆ. ಉದಾಹರಣೆಗೆ., ಹುಡುಗಿಗೆ ಶಕುಂತಲಾ ಸ್ಟೈಲಿಂಗ್‌, ಫ್ಲವರ್‌ ಗರ್ಲ್, ರಾಣಿ-ಮಹಾರಾಣಿ ಲುಕ್‌ ಹೀಗೆ ನಾನಾ ಬಗೆಯವನ್ನು ಕಾಣಬಹುದು. ಆಯಾ ಥೀಮ್‌ಗೆ ತಕ್ಕಂತೆ ಫ್ಯಾಷನ್‌ವೇರ್‌ಗಳನ್ನು ಧರಿಸಬಹುದು.

ಇದನನೂ ಓದಿ: Summer Dress Fashion: ಸೀಸನ್‌ ಎಂಡ್‌ ಫ್ಯಾಷನ್‌ಗೆ ಕಾಲಿಟ್ಟ ಸಮುದ್ರದ ಅಲೆ ಬಿಂಬಿಸುವ ವೆವಿ ಡ್ರೆಸ್‌!

ಹೂವಿನ ಆಭರಣಗಳ ಮ್ಯಾಚಿಂಗ್‌

ನೈಜ ಹೂವುಗಳ ಅಥವಾ ಕೃತಕ ಹೂವುಗಳ ಆಭರಣಗಳನ್ನು ಆಯ್ಕೆ ಮಾಡಿರುವ ಹಳದಿ ಶಾಸ್ತ್ರದ ಉಡುಪಿಗೆ ಹಾಗೂ ಸೀರೆಗೆ ತಕ್ಕಂತೆ ಮದುಮಗಳು ಮ್ಯಾಚ್‌ ಮಾಡಬಹುದು. ದುಂಡು ಮಲ್ಲಿಗೆ, ಮಿನಿ ಬಟನ್‌ ರೋಸ್‌ ಹೀಗೆ ನಾನಾ ಬಗೆಯ ಮಿನಿ ಹೂವುಗಳ ಆಭರಣಗಳನ್ನು ಧರಿಸಿದಾಗ ಹಳದಿ ಶಾಸ್ತ್ರದ ಉಡುಗೆಗಳು ಹೈಲೈಟಾಗುತ್ತವೆ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಫಂಕಿ ಲುಕ್‌ ನೀಡುವ ಹಿಪ್ಪಿ ಪ್ಯಾಂಟ್‌ಗಳು ಹಾಲಿ ಡೇ ಫ್ಯಾಷನ್‌ಗೆ (Holiday Fashion) ಮರಳಿವೆ. ಹೌದು, ನೋಡಲು ವೆರೈಟಿ ಪ್ರಿಂಟ್ಸ್ ಹಾಗೂ ವಿಂಟೇಜ್‌ ಪ್ರಿಂಟ್ಸ್‌ನಲ್ಲಿ ದೊರಕುತ್ತಿರುವ ಹಿಪ್ಪಿ ಪ್ಯಾಂಟ್‌ಗಳು )Hippie pants) ಹೊಸ ರೂಪದಲ್ಲಿ ಮರಳಿವೆ. ಬೀಚ್‌ ಹಾಲಿ ಡೇ ಮಾತ್ರವಲ್ಲ, ವೀಕೆಂಡ್‌ ಔಟಿಂಗ್‌ನಲ್ಲೂ ಇವು ಹುಡುಗಿಯರನ್ನು ಸವಾರಿ ಮಾಡತೊಡಗಿವೆ.

ವಿದೇಶಿಗರ ಟ್ರಾವೆಲ್‌ ಪ್ಯಾಂಟ್ಸ್

“ಮೊದಲೆಲ್ಲಾ ಹಿಪ್ಪಿ ಪ್ಯಾಂಟ್‌ಗಳೆಂದಾಕ್ಷಣಾ (Hippie pants) ವಿದೇಶಿಗರು ಪ್ರಯಾಣ ಹಾಗೂ ಟೂರ್‌ ಮಾಡುವ ಸಂದರ್ಭದಲ್ಲಿ ಧರಿಸುವ ಪ್ಯಾಂಟ್‌, ದೊಗಲೆ ಪ್ಯಾಂಟ್‌ ಎಂದೆಲ್ಲಾ ಅಭಿಪ್ರಾಯ ಪಡಲಾಗುತ್ತಿತ್ತು. ಇದೀಗ ಈ ಕಾನ್ಸೆಪ್ಟ್ ಬದಲಾಗಿದೆ. ನಮ್ಮಲ್ಲೂ ಹುಡುಗಿಯರು, ಈ ಸೀಸನ್‌ನ ಸೆಕೆಯಿಂದ ಪಾರಾಗಲು ಈ ಪ್ಯಾಂಟ್‌ಗಳನ್ನು ಆಯ್ಕೆ ಮಾಡತೊಡಗಿದ್ದಾರೆ. ಪರಿಣಾಮ, ಈ ಪ್ಯಾಂಟ್‌ಗಳು ಇದೀಗ ಹಾಲಿ ಡೇ ಹಾಗೂ ಔಟಿಂಗ್‌ಗೆ ಮಾತ್ರವಲ್ಲದೇ, ಇತರೇ ಸಮಯದಲ್ಲೂ ಧರಿಸುವುದು ಹೆಚ್ಚಾಗುತ್ತಿದೆ” ಎನ್ನುವ ಫ್ಯಾಷನಿಸ್ಟ್‌ ಛಾಯಾ ಪ್ರಕಾರ, ಇದೀಗ ಜೆನ್‌ ಜಿ ಹುಡುಗಿಯರ ಸೀಸನ್‌ ಲಿಸ್ಟ್‌ನಲ್ಲಿ ಇವು ಸೇರಿವೆ ಎನ್ನುತ್ತಾರೆ.

ಟ್ರೆಂಡಿ ಹಿಪ್ಪಿ ಪ್ಯಾಂಟ್ಸ್

ಹಿಪ್ಪಿ ಪ್ಯಾಂಟ್‌ಗಳಲ್ಲಿ (Hippie pants) ಯೂನಿಸೆಕ್ಸ್ ಪ್ರಿಂಟ್ಸ್ ಹಾಗೂ ಡಿಸೈನ್‌ನವು ಲಭ್ಯ. ಆದರೆ ಹುಡುಗ-ಹುಡುಗಿಯರ ಸೊಂಟದಳತೆಗೆ ಇವು ಹೊಂದಬೇಕಷ್ಟೇ! ಹಾಗಾಗಿ, ಅವರವರ ಸೊಂಟದ ಫಿಟ್ಟಿಂಗ್‌ಗೆ ತಕ್ಕಂತೆ ಧರಿಸುವುದು ಸೂಕ್ತ ಎನ್ನುತ್ತಾರೆ ಸ್ಟೈಲಿಸ್ಟ್ ಖಾನ್‌.

ಪಲ್ಹಾಜೋ ಹಿಪ್ಪಿ ಪ್ಯಾಂಟ್ಸ್

ಪಲ್ಹಾಜೋ ಶೈಲಿಯ ಅಗಲವಾದ ಪ್ರಿಂಟೆಡ್‌ ಹಿಪ್ಪಿ ಪ್ಯಾಂಟ್‌ಗಳು (Hippie pants) ಚಾಲ್ತಿಯಲ್ಲಿವೆ. ಇವುಗಳಲ್ಲಿ ವಿಂಟೇಜ್‌ ಕಲೆಕ್ಷನ್‌ನವು ಹೆಚ್ಚು ಬೇಡಿಕೆ ಪಡೆದುಕೊಂಡಿವೆ.

ವೈಡ್‌ ಲೆಗ್‌ ಹಿಪ್ಪಿ ಪ್ಯಾಂಟ್ಸ್

ಅಗಲವಾಗಿರುವ ದೊಗಲೆಯಾಗಿರುವ ಪ್ಯಾಂಟ್‌ಗಳಿವು. ಹಾಗಾಗಿ ಪ್ರಿಂಟ್ಸ್‌ನಲ್ಲಿನ ಚಿತ್ತಾರಗಳು ಕೂಡ ಅಗಲವಾಗಿ ಹರಡಿಕೊಂಡಂತೆ ಇರುತ್ತವೆ. ನೋಡಲು ಫಂಕಿ ಲುಕ್‌ ನೀಡುತ್ತವೆ. ಪರ್ಫೆಕ್ಟ್ ರಿಲ್ಯಾಕ್ಸಿಂಗ್‌ ಮೂಡ್‌ ಸೃಷ್ಟಿಸುತ್ತವೆ.

ಬೆಲ್‌ ಬಾಟಮ್‌ ಹಿಪ್ಪಿ ಪ್ಯಾಂಟ್ಸ್

ಹೆಸರೇ ಹೇಳುವಂತೆ, ಒಂದು ಕಾಲದಲ್ಲಿ, ರೆಟ್ರೋ ಸ್ಟೈಲ್‌ನಲ್ಲಿ ಸಖತ್‌ ಪಾಪುಲರ್‌ ಆಗಿದ್ದ ಪ್ಯಾಂಟ್‌ಗಳಿವು. ಫ್ಲೇರ್ ಹೊಂದಿದಂತೆ ಕಾಣುವ ಇವು ಧರಿಸಿದಾಗ ಕಂಪ್ಲೀಟ್‌ ರೆಟ್ರೋ ಲುಕ್‌ ನೀಡುತ್ತವೆ ಎನ್ನಬಹುದು.

ಇದನ್ನೂ ಓದಿ: Star Fashion: ಪಂಚೆ ಜೊತೆ ಟ್ರೋಫಿ ಜಾಕೆಟ್‌ ಧರಿಸಿದ ನಟಿ ತಮನ್ನಾಳ ಯೂನಿಕ್‌ ಫ್ಯಾಷನ್‌!

ಹಿಪ್ಪಿ ಪ್ಯಾಂಟ್ಸ್ ಸಿಂಪಲ್‌ 3 ಟಿಪ್ಸ್

• ಕಚೇರಿಗೆ ಧರಿಸಲು ಇವು ಸೂಕ್ತವಲ್ಲ!
• ಸರಿಯಾದ ಟಾಪ್‌ ಮ್ಯಾಚ್‌ ಮಾಡಿದಾಗ ಅಂದವಾಗಿ ಕಾಣಬಲ್ಲವು.
• ಮಿಕ್ಸ್-ಮ್ಯಾಚ್‌ ಮಾಡುವ ಚಾಕಚಕ್ಯತೆ ಇದ್ದಲ್ಲಿ ಇವನ್ನು ಹಾಲಿಡೇ ಹೊರತುಪಡಿಸಿಯೂ ಧರಿಸಬಹುದು. ಆಕರ್ಷಕವಾಗಿ ಕಾಣುತ್ತವೆ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಬೆಂಗಳೂರು : ಪೆನ್​ಡ್ರೈವ್​ ಅಶ್ಲೀಲ ವಿಡಿಯೊ ಪ್ರಕರಣದಲ್ಲಿ ಎಸ್​ಐಟಿ ವಶದಲ್ಲಿರುವ ಪ್ರಜ್ವಲ್ ರೇವಣ್ಣ (Prajwal Revanna) ಜರ್ಮನಿಯಿಂದ ಬರುವಾಗ ಹಾಕಿಕೊಂಡು ಬಂದಿರುವ ಬಟ್ಟೆಯ ಬಗ್ಗೆ ಜೋರು ಚರ್ಚೆ ನಡೆಯುತ್ತಿದೆ. ಜರ್ಮನಿಯಿ ಮ್ಯೂನಿಕ್​ನಿಂದ ವಿಮಾನ ಏರುವಾಗ ಹಾಕಿದ್ದ ಬಟ್ಟೆಯಲ್ಲಿಯೇ ಅವರು ಪೊಲೀಸರ ವಶಕ್ಕೆ ಸಿಕ್ಕಿದ್ದಾರೆ. ಈ ವೇಳೆ ಅವರ ಬೂದು ಬಣ್ಣದ ಬಟ್ಟೆಯಲ್ಲಿ ಕಾಣಿಸಿಕೊಂಡಿದ್ದರು. ಶುಕ್ರವಾರ ಅವರನ್ನು ಎಸ್​ಐಟಿ ಅಧಿಕಾರಿಗಳು ಮೆಡಿಕಲ್​ ಟೆಸ್ಟ್​ ಹಾಗೂ ನ್ಯಾಯಾಲಯಕ್ಕೆ ಕರೆದುಕೊಂಡು ಹೋಗುವ ವೇಳೆಯೂ ಅದೇ ಬಟ್ಟೆಯನ್ನು ಧರಿಸಿದ್ದರು. ಹೀಗಾಗಿ ಆ ಬಟ್ಟೆಯ ಬಗ್ಗೆ ಚರ್ಚೆ ನಡೆದಿದೆ.

ಪ್ರಜ್ವಲ್ ರೇವಣ್ಣ ಅವರು ಜರ್ಮನಿಯಿಂದ ಬೆಂಗಳೂರಿಗೆ ಬರುವಾಗ ಬೂದು ಬಣ್ಣದ ಹೂಡಿ ಬಟ್ಟೆಯನ್ನು ಧರಿಸಿದ್ದರು. ಅದು ಅಂಡರ್​ ಆರ್ಮರ್​ ಬ್ರಾಂಡ್​ನ ಕರಿ ಬಿಗ್ ಸ್ಲ್ಪಾಷ್​ ಹೂಡಿ ಟಿಶರ್ಟ್​. ಅಂಡರ್ ಆರ್ಮರ್ ಅಮೆರಿಕ ಮೂಲದ ಸ್ಪೋರ್ಟ್ಸ್​ ಬ್ರಾಂಡ್​ ಆಗಿದೆ. ಇದು ನಾನಾ ರೀತಿಯ ಸ್ಪೋರ್ಟ್ಸ್​ ಮೆಟೀರಿಯಲ್​ ಅನ್ನು ಉತ್ಪಾದನೆ ಮಾಡುತ್ತದೆ. ಭಾರತದಲ್ಲೂ ಈ ಬ್ರಾಂಡ್​ ಸಿಕ್ಕಾಪಟ್ಟೆ ಫೇಮಸ್. ಆದರೆ, ಇದರ ಬೆಲೆ ಕನಿಷ್ಠ 6 ಸಾವಿರ ರೂಪಾಯಿಂದ ಆರಂಭಗೊಳ್ಳುತ್ತದೆ. ಅಂತೆಯೇ ಪ್ರಜ್ವಲ್ ರೇವಣ್ಣ ಬಂಧನದ ವೇಳೆ ಹಾಕಿಕೊಂಡಿದ್ದ ಬಟ್ಟೆಗೆ ಆನ್​ಲೈನ್​ನಲ್ಲಿ 7 ಸಾವಿರ ರೂಪಾಯಿ ತೋರಿಸುತ್ತಿದೆ. ಅದು ಡಿಸ್ಕೌಂಟ್ ಬೆಲೆಯಲ್ಲಿ. ಅಲ್ಲದೆ , ಪ್ರಜ್ವಲ್ ಹಾಕಿದ ಬಟ್ಟೆಯ ಬಗ್ಗೆಯೇ ಹುಡುಕಿಕೊಂಡು ಹೋದರೆ ಬೆಲೆಗಳನ್ನು ಡಾಲರ್​ ಲೆಕ್ಕದಲ್ಲಿ ತೋರಿಸುತ್ತಿದೆ.

ಇದನ್ನೂ ಓದಿ: Bhavani Reavanna : ಭವಾನಿ ರೇವಣ್ಣಗೆ ಬಂಧನ ಭೀತಿ; ಜಾಮೀನು ಅರ್ಜಿ ತೀರ್ಪು ಮುಂದಕ್ಕೆ

ಪ್ರಜ್ವಲ್ ರೇವಣ್ಣ ಈ ಬಟ್ಟೆಯನ್ನು ಜರ್ಮನಿಯಿಂದಲೇ ಖರೀದಿ ಮಾಡಿರಬಹುದು ಎಂದು ಅಂದಾಜಿಸಲಾಗಿದೆ. ಅಂತಾರಾಷ್ಟ್ರೀಯ ಬ್ರಾಂಡ್​ ಆಗಿರುವ ಕಾರಣ ಅವರು ಅಲ್ಲಿಯೇ ಖರೀದಿ ಮಾಡಿ ಬಂದಿರಬಹುದು. ಹೀಗಾಗಿ ಅವರು ಡಾಲರ್ ಲೆಕ್ಕದಲ್ಲಿಯೇ ದುಡ್ಡು ಪಾವತಿ ಮಾಡಿರಬಹುದು. ಹೀಗಾಗಿ ಅವರು ಕನಿಷ್ಠ 10 ಸಾವಿರ ರೂಪಾಯಿ ಕೊಟ್ಟಿರಬಹುದು ಎಂದು ಅಂದಾಜಿಸಲಾಗಿದೆ.

ನಾನವನಲ್ಲ, ನಾನವನಲ್ಲ; ಪೊಲೀಸರ ಪ್ರಶ್ನೆಗೆ ಈ ಒಂದೇ ಉತ್ತರ ನೀಡುತ್ತಿರುವ ಪ್ರಜ್ವಲ್​ ರೇವಣ್ಣ!

ಬೆಂಗಳೂರು: ಲೈಂಗಿಕ ದೌರ್ಜನ್ಯ ಪ್ರಕರಣದ ಪೆನ್​ಡ್ರೈವ್ ಹಗರಣದ ಪ್ರಮುಖ ಆರೋಪಿಯಾಗಿರುವ ಪ್ರಜ್ವಲ್ ರೇವಣ್ಣನನ್ನು (Prajwal Revanna) ಎಸ್​ಐಟಿ ತನಿಖಾಧಿಕಾರಿಗಳು ಪ್ರಾಥಮಿಕ ತನಿಖೆ ನಡೆಸಿದ್ದಾರೆ. ಆದರೆ, ಪೊಲೀಸರು ಕೇಳುವ ಎಲ್ಲ ಪ್ರಶ್ನೆಗಳಿಗೆ ಪ್ರಜ್ವಲ್ ರೇವಣ್ಣ ‘ನಾನವನಲ್ಲ, ನನಗೆ ಗೊತ್ತಿಲ್ಲ’ ಎಂಬ ಉತ್ತರವನ್ನೇ ನೀಡುತ್ತಿದ್ದಾರೆ. ಈ ಮೂಲಕ ಆರಂಭಿಕ ಹಂತದಲ್ಲಿ ಯಾವುದೇ ಮಾಹಿತಿಯನ್ನು ಪೊಲೀಸರಿಗೆ ನೀಡಲು ಸಿದ್ದತೆ ನಡೆಸಿಕೊಂಡು ಬಂದಿದ್ದಾನೆ ಪ್ರಜ್ವಲ್ ರೇವಣ್ಣ

ಎಸ್​ಐಟಿ ಅಧಿಕಾರಿಗಳು ನ್ಯಾಯಾಲಯಕ್ಕೆ ಹಾಜರುಪಡಿಸುವ ಮೂದಲು 24 ಗಂಟೆಗಳ ಅವಧಿಯನ್ನು ಹೊಂದಿದ್ದಾರೆ. ಹೀಗಾಗಿ ಪೊಲೀಸರು ಪ್ರಾಥಮಿಕ ಹಂತದ ಮಾಹಿತಿಯನ್ನು ಪಡೆದುಕೊಳ್ಳುತ್ತಿದ್ದಾರೆ. ಆದರೆ, ಪ್ರಜ್ವಲ್ ರೇವಣ್ಣ ಮಾತ್ರ ಯಾವುದೆಕ್ಕೂ ಸಮರ್ಥ ಉತ್ತರ ನೀಡುತ್ತಿಲ್ಲ ಎಂದು ಹೇಳಲಾಗಿದೆ.

ಎಸ್​ಐಟಿ ಪೊಲೀಸರು ಪ್ರಜ್ವಲ್ ರೇವಣ್ಣ ಅವರ ವಿರುದ್ಧ ದಾಖಲಾಗಿರುವ ಮೂರು ಎಫ್​ಐಆರ್ ಕುರಿತಾಗಿ ಪ್ರಶ್ನೆಗಳನ್ನು ಕೇಳುತತಿದ್ದಾರೆ. ಅವರ ಹೇಳಿಕೆಗಳ ಕುರಿತು ವಿಡಿಯೊ ದಾಖಲೆಯನ್ನು ಸೃಷ್ಟಿಸಲು ಪೊಲೀಸರು ಮುಂದಾಗಿದ್ದಾರೆ. ಅದೇ ರೀತಿ ಪ್ರಜ್ವಲ್ ರೇವಣ್ಣ ಅವರಿಗೆ ಸಂಬಂಧಿಸಿದ್ದು ಎಂದು ಹೇಳಲಾದ ವಿಡಿಯೊಗಳಲ್ಲಿರುವ ಕೆಲವು ದೃಶ್ಯಗಳ ಕುರಿತೂ ಅವರಿಗೆ ಪ್ರಶ್ನೆಗಳನ್ನು ಕೇಳಲಾಗುತ್ತಿದೆ.