ಫ್ಯಾಷನ್

Makar Sankranti: ಮತ್ತೆ ಬಂದಿದೆ ಸುಗ್ಗಿ-ಹುಗ್ಗಿ ತರುವ ಮಕರ ಸಂಕ್ರಮಣ!

ʻಎಳ್ಳು ಬೆಲ್ಲ ತಿಂದು ಒಳ್ಳೆ ಮಾತಾಡಿʼ ಎಂದು ಹಾರೈಸುವ ಮಕರ ಸಂಕ್ರಮಣ (Makar Sankranti) ಮತ್ತೆ ಬಂದಿದೆ. ಸೂರ್ಯನು ಧನು ರಾಶಿಯಿಂದ ಮಕರ ರಾಶಿಯತ್ತ ಚಲಿಸುವ ಈ ಸಮಯವು ಹಲವು ಬಗೆಯಲ್ಲಿ ಬದಲಾವಣೆಗಳನ್ನು ಹೊತ್ತು ತರುತ್ತದೆ. ಈ ವರ್ಷದ ಸಂಕ್ರಾಂತಿ ಜನವರಿ 15ರಂದು. ಈ ಹಿನ್ನೆಲೆಯಲ್ಲಿ ಈ ವಿಶೇಷ ಲೇಖನ.

VISTARANEWS.COM

5 months ago

14 January 2024, 8:00 AM

Pragati Bhandari

ಮಹತ್ವದ, ಕುತೂಹಲಕರ ಸುದ್ದಿಗಾಗಿ ಫಾಲೊ ಮಾಡಿ

ಅಲಕಾ ಕೆ, ಮೈಸೂರು
ನಿಸರ್ಗದಲ್ಲಿ ಆಗುವ ಬದಲಾವಣೆಯನ್ನು ಸೂಚಿಸುವ ಪರ್ವ ಕಾಲವೇ ಸಂಕ್ರಾಂತಿ (Makar Sankranti). ಹೊರಗೆ ಧಾನ್ಯದ ಸುಗ್ಗಿ, ಒಳಗೆ ಬಿಸಿ ಹುಗ್ಗಿಯೊಂದಿಗೆ ಬರುವ ಈ ಹಬ್ಬ ಸಮೃದ್ಧಿ, ಸಾಮರಸ್ಯಗಳ ಸಂದೇಶವನ್ನು ಹೊತ್ತು ತರುತ್ತದೆ. ಹಾಗಾಗಿ ಎಳ್ಳು-ಬೆಲ್ಲದಂತೆ ಬಾಳುವ ಪಣ ತೊಡಲು ಸ್ಫೂರ್ತಿ ನೀಡುತ್ತದೆ.

Til Gul OR Sweet Sesame Laddu for Indian festival Makar Sankranti over white background

ʻಎಳ್ಳು ಬೆಲ್ಲ ತಿಂದು ಒಳ್ಳೆ ಮಾತಾಡಿʼ ಎಂದು ಹಾರೈಸುವ ಮಕರ ಸಂಕ್ರಮಣ ಮತ್ತೆ ಬಂದಿದೆ. ಸೂರ್ಯನು ಧನು ರಾಶಿಯಿಂದ ಮಕರ ರಾಶಿಯತ್ತ ಚಲಿಸುವ ಈ ಸಮಯವು ಹಲವು ಬಗೆಯಲ್ಲಿ ಬದಲಾವಣೆಗಳನ್ನು ಹೊತ್ತು ತರುತ್ತದೆ. ಈ ವರ್ಷದ ಸಂಕ್ರಾಂತಿ ಜನವರಿ 15ರಂದು. ಉತ್ತರಾಯಣ ಆರಂಭದ ಈ ಸಮಯವು ದೇಶದ ಹಲವೆಡೆಯಲ್ಲಿ ಸುಗ್ಗಿಯ ಹಬ್ಬಗಳನ್ನು ಆಚರಿಸುವ ಹೊತ್ತು ಸಹ ಹೌದು.

ಮಾಗಿಯ ಚಳಿ ನಿಧಾನಕ್ಕೆ ಕರಗಿ, ದೀರ್ಘ ರಾತ್ರಿ-ಸಣ್ಣ ಹಗಲಿನ ದಿನಗಳು ಪಲ್ಲಟಿಸುವ ಸಂಕ್ರಮಣದ ಹೊತ್ತಿದು. ಚಂದ್ರನ ಚಲನೆಯನ್ನು ಆಧರಿಸಿ ಆಚರಿಸುವ ಹಬ್ಬಗಳೇ ಹೆಚ್ಚಾಗಿರುವ ನಮ್ಮಲ್ಲಿ, ಅದಕ್ಕೆ ವ್ಯತಿರಿಕ್ತವಾಗಿ ಮಕರ ಸಂಕ್ರಾಂತಿಯು ಸೌರ ಚಲನೆಯನ್ನು ಆಧರಿಸಿ ಆಚರಿಸುವಂಥದ್ದು. ಧನು ಮಾಸದಲ್ಲಿ ಶುಭಕಾರ್ಯಗಳ ಮೇಲೆ ಹೇರಿದ್ದ ನಿಯಂತ್ರಣಗಳು ಸಡಿಲಗೊಂಡು, ಎಲ್ಲಾ ಶುಭಕಾರ್ಯಗಳಿಗೆ ಅನುವು ಮಾಡಿಕೊಡುವ ಪುಣ್ಯಕಾಲ ಉತ್ತರಾಯಣ ಪ್ರಾರಂಭದ ಸಮಯವಿದು.

ಭೂಮಿಯಲ್ಲಿ ಬೆಳೆದು ನಿಂತ ಬೆವರಫಲ ಕೈಗೆಟುಕುವ ಕಾಲವಾದ್ದರಿಂದ ಇದು ಸುಗ್ಗಿಯ ಕಾಲವೂ ಹೌದು. ಆಯಾ ಪ್ರಾಂತ್ಯದಲ್ಲಿ ಇದರ ಹೆಸರು ಬೇರೆಯೇ ಆದರೂ ಆಚರಣೆಯ ಉದ್ದೇಶದಲ್ಲಿ ಭಿನ್ನತೆಯಿಲ್ಲ. ಮನೆಗೆ ಹೊಸ ಫಸಲು ತರುವ, ರಾಸುಗಳನ್ನು ಅಲಂಕರಿಸಿ ಪೂಜಿಸಿ ಕಿಚ್ಚು ಹಾಯಿಸುವ, ಗಾಳಿಪಟ ಹಾರಿಸುವಂಥ ಆಚರಣೆಗಳು ಬಹಳಷ್ಟು ಕಡೆಗಳಲ್ಲಿ ಕಂಡುಬರುತ್ತವೆ. ಅದರಲ್ಲೂ ಎತ್ತುಗಳಿಗೆ ಬಣ್ಣದ ಅಲಂಕಾರ ಮಾಡುವುದು ಮತ್ತು ಬೆಂಕಿಯ ಕೊಂಡಗಳನ್ನು ದಾಟಿಸುವುದು ಬಹಳಷ್ಟು ಪ್ರಾಂತ್ಯಗಳಲ್ಲಿ ಚಾಲ್ತಿಯಲ್ಲಿದೆ.

ಸುಗ್ಗಿ ಹಬ್ಬ

ದೇಶದೆಲ್ಲೆಡೆ ಹಲವಾರು ಪ್ರಾಂತ್ಯಗಳಲ್ಲಿ ಈಗ ಸುಗ್ಗಿಯ ರಂಗು-ಗುಂಗು. ಜನವರಿಯಿಂದ ಸುಮಾರು ಎಪ್ರಿಲ್‌ವರೆಗೂ ನಾನಾ ಕಡೆಗಳಲ್ಲಿ ಸುಗ್ಗಿ ಹಾಡುಗಳು ಕೇಳಿಬರುತ್ತವೆ. ಮಕರ ಸಂಕ್ರಾಂತಿ, ಪೊಂಗಲ್‌, ಲೋಹ್ರಿ, ಬಸಂತ್‌ ಪಂಚಮಿ, ಬೋಗಾಲಿ ಬಿಹು, ದಹಿ ಚುರಾ, ತಿಲ್‌ ಸಂಕ್ರಾಂತ್‌ ಮುಂತಾದ ಹೆಸರಿನ ಸುಗ್ಗಿ ಹಬ್ಬಗಳು ದೇಶದ ಉದ್ದಗಲಕ್ಕೆ ಆಚರಿಸಲ್ಪಡುತ್ತವೆ. ಇದು ಭಾರತದಲ್ಲಿ ಮಾತ್ರವಲ್ಲ, ನೇಪಾಳ, ಥಾಯ್ಲೆಂಡ್‌, ಶ್ರೀಲಂಕಾ, ಮ್ಯಾನ್ಮಾರ್‌, ಕಾಂಬೋಡಿಯ ದೇಶಗಳಲ್ಲೂ ಆಚರಣೆಯಲ್ಲಿದೆ.

ಸಂಕ್ರಾಂತಿಯಲ್ಲಿ ಎಳ್ಳು-ಬೆಲ್ಲ, ಕಬ್ಬು, ಸಕ್ಕರೆ ಅಚ್ಚು ತಿನ್ನುವುದರ ಜೊತೆಗೆ ಸಿಹಿ ಮತ್ತು ಖಾರದ ಪೊಂಗಲ್‌, ಹುಗ್ಗಿ-ಬೆಲ್ಲದ ಗೊಜ್ಜು, ಹೆಸರುಬೇಳೆ ಖಿಚಡಿ ಇಲ್ಲವೇ ಪಾಯಸ ಮುಂತಾದವು ವಿಶೇಷವಾಗಿ ಸಿದ್ಧಗೊಳ್ಳುವ ಖಾದ್ಯಗಳು. ಇದಲ್ಲದೆ, ಆಯಾ ಪ್ರಾಂತ್ಯಗಳಲ್ಲಿ ದೊರೆಯುವ ಬೆಳೆಗಳು ಹಬ್ಬರ ವಿಶೇಷಕ್ಕೆ ಬಳಸಲ್ಪಡುತ್ತವೆ. ಉದಾ, ಅವರೆಕಾಯಿ ಬಳಕೆಯಲ್ಲಿರುವ ಪ್ರಾಂತ್ಯಗಳಲ್ಲಿ ಅದನ್ನೇ ಬಳಸಿ ಖಾರ ಎಳ್ಳು ತಯಾರಿಸುವ ಪದ್ಧತಿಯೂ ಇದೆ.

ಊರ ಹಬ್ಬ, ಆಲೆಮನೆ

ಸಾಮಾಜಿಕವಾಗಿಯೂ ಇದು ಚಟುವಟಿಕೆಗಳು ಗರಿಗೆದರುವ ಕಾಲ. ಶುಭ ಕಾರ್ಯಗಳಿಗೆ ಚಾಲನೆ ದೊರೆಯುವ ಸಮಯದ ಜೊತೆಗೆ, ಚಳಿಯಲ್ಲಿ ಮುದುರಿದ್ದ ಮೈ-ಮನಗಳನ್ನು ಕೊಡವಿ ಎದ್ದು, ಊರೆಲ್ಲ ತಿರುಗುತ್ತ ʻಎಳ್ಳು ಬೀರುವʼ ಮೋಜಿನ ಸಮಯವಿದು. ಹಲವು ಪ್ರಾಂತ್ಯಗಳಲ್ಲಿ ಹಾಡು-ಹಸೆ-ನೃತ್ಯಗಳು ಈ ಆಚರಣೆಯ ಅವಿಭಾಜ್ಯ ಅಂಗಗಳೆನಿಸುವೆ. ಕುಸ್ತಿ ಸ್ಪರ್ಧೆಗಳು ಚಳಿಗೆ ಸೆಡ್ಡು ಹೊಡೆಯಲು ಜನರನ್ನು ಪ್ರಚೋದಿಸಿದರೆ, ಗಾಳಿಪಟದ ಉತ್ಸವಗಳು ಬಾನು ನೀಲಿಯಾಗಿರಲಿ, ಮೋಡ ಮುಸುಕಿರಲಿ- ಹೇಗೇ ಇದ್ದರೂ ರಂಗೇರಿಸುತ್ತವೆ. ಸಂಕ್ರಾಂತಿ ಮುಗಿದ ಕೆಲವೇ ದಿನಗಳಲ್ಲಿ ಊರ ಜಾತ್ರೆಗಳು, ಹಬ್ಬಗಳು, ಪರಿಷೆಗಳು, ರಥೋತ್ಸವಗಳು ನಾಡಿನೆಲ್ಲೆಡೆ ಗದ್ದಲ ಮಾಡಲಾರಂಭಿಸುತ್ತವೆ.
ಕಬ್ಬು ಕಟಾಯಿಸುವ ಹೊತ್ತಿದ್ದು. ಇನ್ನೇನು ಕೆಲವೇ ದಿನಗಳಲ್ಲಿ ಆಲೆಮನೆಗಳ ಭರಾಟೆ ಜೋರಾಗುತ್ತದೆ. ಕಬ್ಬು ಹೆರೆಯುವ, ಗಾಣ ಹೂಡುವ, ಕಬ್ಬಿನಹಾಲು ತೆಗೆಯುವ, ಬೆಲ್ಲ ಕಾಯಿಸುವ ಗದ್ದಲ. ತಣ್ಣನೆಯ ಕಬ್ಬಿನಹಾಲಿನ ಜೊತೆಗೆ ಬಿಸಿಯಾದ ಹರಟೆಯೊಂದಿಗೆ ಮಿರ್ಚಿ-ಮಂಡಕ್ಕಿ ಮೆಲ್ಲುವ ತಿಂಡಿಪೋತರು, ಬಿಸಿ ಬೆಲ್ಲ ಸವಿಯುವ ರಸಿಕರಿಗೇನು ಕಡಿಮೆ! ಇದೇ ಹಿನ್ನೆಲೆಯಲ್ಲಿ, ಸಂಕ್ರಾಂತಿಯಲ್ಲಿ ಎಳ್ಳು, ಕಬ್ಬು, ಫಲಗಳ ಜೊತೆಗೆ ಬೆಲ್ಲವನ್ನೂ ಮೆಲ್ಲುವುದು, ಹಂಚುವುದು ಮತ್ತು ವರ್ಷವಿಡೀ ಸಮೃದ್ಧಿ ತುಂಬಿರಲಿ ಎಂದು ಹಾರೈಸುವುದು ಕ್ರಮ. ನಿಸರ್ಗದ ಬದಲಾವಣೆಯನ್ನು ಸವಿಯುತ್ತ, ಪೊರೆಯುವ ಭೂಮಿಗೆ, ರಾಸುಗಳಿಗೆ ಕೃತಜ್ಞತೆ ಸೂಚಿಸುತ್ತಾ, ಸಮೃದ್ಧಿ ಎಲ್ಲೆಡೆ ಹರಡಿ ಎಂದು ಹಾರೈಸುತ್ತ, ಸಾಮರಸ್ಯ ಮೆರೆಯುವ ಸರಳ ಮತ್ತು ಆಪ್ತ ಹಬ್ಬವಿದು.

ಇದನ್ನೂ ಓದಿ: Makar Sankranti: ಸಂಕ್ರಾಂತಿಯಲ್ಲಿ ಎಳ್ಳು-ಬೆಲ್ಲ ತಿನ್ನುವುದೇಕೆ?

ಕ್ಷಣ ಕ್ಷಣದ ಮಾಹಿತಿಗಾಗಿ Vistara News FaceBook ಪೇಜ್ ಫಾಲೋ ಮಾಡಿ
ಮಹತ್ವದ ಮಾಹಿತಿಗಾಗಿ ವಿಸ್ತಾರ ನ್ಯೂಸ್ ಆ್ಯಪ್ ಉಚಿತವಾಗಿ ಡೌನ್ ಲೋಡ್ ಮಾಡಿಕೊಳ್ಳಿ: Andriod App | IOS App

Related Topics:latest Makar Sankranti Sankranti Celebrations sankranti festival

Up Next

Sankranti Celebration: ಸಂಕ್ರಾಂತಿ ಸಂಭ್ರಮಕ್ಕೆ ಬಂತು ಬಣ್ಣ ಬಣ್ಣದ ಗಾಳಿಪಟ!

Don't Miss

Pongal Saree styling tips: ಪೊಂಗಲ್‌ ಹಬ್ಬ ಆಚರಿಸುವ ಸೀರೆ ಪ್ರಿಯರಿಗೆ 5 ಸ್ಟೈಲಿಂಗ್‌ ಟಿಪ್ಸ್

Click to comment

ಫ್ಯಾಷನ್

Father’s Day Fashion: ಅಪ್ಪಂದಿರ ದಿನಕ್ಕೂ ಉಂಟು ಫ್ಯಾಷನ್‌ ಸ್ಟೇಟ್‌ಮೆಂಟ್ಸ್!

ಜೂನ್‌ 16, ಭಾನುವಾರ ಅಪ್ಪಂದಿರ ದಿನ. ಆ ದಿನಕ್ಕೂ ಉಂಟು, ಫ್ಯಾಷನ್‌ ಸ್ಟೇಟ್‌ಮೆಂಟ್ಸ್ ಎನ್ನುತ್ತಾರೆ ಫ್ಯಾಷನಿಸ್ಟ್‌ಗಳು. ಈ ದಿನಕ್ಕೆ (father’s day 2024) ಹೊಂದುವಂತೆ ಸ್ಟೈಲ್‌ ಸ್ಟೇಟ್‌ಮೆಂಟ್‌ಗಳನ್ನು ಸ್ಟೈಲಿಸ್ಟ್‌ಗಳು ಇಲ್ಲಿ ವಿವರಿಸಿದ್ದಾರೆ. ಫಾದರ್ಸ್ ಡೇಯಂದು ಕೂಡ ಅಪ್ಪ-ಮಕ್ಕಳು ಫ್ಯಾಷೆನಬಲ್‌ ಆಗಿ ಕಾಣಿಸಿಕೊಳ್ಳಬಹುದು. ಅದು ಹೇಗೆ? ಇದಕ್ಕಾಗಿ ಏನೆಲ್ಲಾ ಪಾಲಿಸಬೇಕು? ಸ್ಟೈಲಿಂಗ್‌ ಟಿಪ್ಸ್ ಏನು? ಎಂಬಿತ್ಯಾದಿ ಪ್ರಶ್ನೆಗಳು ಮೂಡುವುದು ಸಹಜ. ಇದಕ್ಕೆ ತಕ್ಕಂತೆ ಸ್ಟೈಲಿಸ್ಟ್‌ಗಳು ಒಂದಿಷ್ಟು ಸಲಹೆ ನೀಡಿದ್ದಾರೆ.

VISTARANEWS.COM

1 day ago

15 June 2024, 6:35 PM

Pragati Bhandari

ಚಿತ್ರಕೃಪೆ: ಪಿಕ್ಸೆಲ್‌

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಫಾದರ್ಸ್ ಡೇ ಫ್ಯಾಷನ್‌ಗೆ (Father’s day Fashion) ಸಿದ್ಧರಾಗಿದ್ದೀರಾ? ಜೂನ್‌ 16 ರಂದು ಭಾನುವಾರ ಅಪ್ಪಂದಿರ ದಿನ. ಆ ದಿನದಂದು (father’s day 2024) ತಮ್ಮ ಮಕ್ಕಳೊಂದಿಗೆ ಸಂಭ್ರಮಿಸುವ ಅಪ್ಪಂದಿರಿಗೆ ಅಥವಾ ತಂದೆಯೊಂದಿಗೆ ಸೆಲೆಬ್ರೆಟ್‌ ಮಾಡುವ ಮಕ್ಕಳಿಗೆ ಪೂರಕವಾಗುವಂತೆ ಫಾದರ್ಸ್ ಡೇ ಫ್ಯಾಷನ್‌ ಸ್ಟೇಟ್‌ಮೆಂಟ್ಸ್ ಕಾಲಿಟ್ಟಿವೆ. ಹೌದು. ಫಾದರ್ಸ್ ಡೇ ಯಂದು ಕೂಡ ಅಪ್ಪ-ಮಕ್ಕಳು ಫ್ಯಾಷೆನಬಲ್‌ ಆಗಿ ಕಾಣಿಸಿಕೊಳ್ಳಬಹುದು. ಅದು ಹೇಗೆ? ಇದಕ್ಕಾಗಿ ಏನೆಲ್ಲಾ ಪಾಲಿಸಬೇಕು? ಸ್ಟೈಲಿಂಗ್‌ ಟಿಪ್ಸ್ ಏನು? ಎಂಬಿತ್ಯಾದಿ ಪ್ರಶ್ನೆಗಳು ಮೂಡುವುದು ಸಹಜ. ಇದಕ್ಕೆ ತಕ್ಕಂತೆ ಸ್ಟೈಲಿಸ್ಟ್‌ಗಳು ಒಂದಿಷ್ಟು ಸಲಹೆ ನೀಡಿದ್ದಾರೆ.

ಕ್ಯಾಶುವಲ್ಸ್ ಔಟ್‌ಫಿಟ್ಸ್

ಪ್ರತಿದಿನ ಸೀರಿಯಸ್‌ ಆಗಿ ಫಾರ್ಮಲ್‌ ಧರಿಸುವ ಅಪ್ಪ, ನೀವಾದಲ್ಲಿ ಆದಷ್ಟೂ ಈ ವಿಶೇಷ ದಿನದಂದು ಕೂಲಾಗಿ ಕಾಣಿಸುವ ಕ್ಯಾಶುವಲ್‌ ಔಟ್‌ಫಿಟ್ಸ್‌ಗೆ ಸೈ ಹೇಳಿ. ಇನ್ನು ಮಕ್ಕಳಿಗೆ ಇಷ್ಟವಾಗುವಂತಹ ಕಲರ್ಸ್ ಹಾಗೂ ಔಟ್‌ಫಿಟ್‌ಗಳನ್ನು ಧರಿಸಿ. ಇನ್ನು ದೊಡ್ಡ ಮಕ್ಕಳೊಂದಿಗೆ ಸೆಲೆಬ್ರೆಟ್‌ ಮಾಡುವುದಾದಲ್ಲಿ ಆ ಮಕ್ಕಳ ಚಾಯ್ಸ್‌ಗೆ ತಕ್ಕಂತೆ ಧರಿಸಿ, ಮಕ್ಕಳ ಜೊತೆ ಮಕ್ಕಳಾಗಿ ಆಚರಿಸಿ.

ಅಪ್ಪನೊಂದಿಗೆ ಟ್ವಿನ್ನಿಂಗ್‌

ಮಕ್ಕಳು ಅಪ್ಪನೊಂದಿಗೆ ಟ್ವಿನ್ನಿಂಗ್‌ ಮಾಡಬಹುದು. ಅದು ಹೇಗೆ? ಅಂತಿರಾ! ತೀರಾ ಸಿಂಪಲ್‌. ಶಾಪಿಂಗ್‌ ಮಾಡಿ ಖರೀದಿಸುವುದಾದಲ್ಲಿ ಆದಷ್ಟೂ ಒಂದೇ ಬಗೆಯ ಔಟ್‌ಫಿಟ್ಸ್ ಖರೀದಿಸಿ, ಧರಿಸಿ. ಇಲ್ಲವಾದಲ್ಲಿ ವಾರ್ಡ್ರೋಬ್‌ನಲ್ಲಿರುವ ಸೇಮ್‌ ಟು ಸೇಮ್‌ ಔಟ್‌ಫಿಟ್‌ಗಳನ್ನು ಧರಿಸಿ. ಧರಿಸುವ ಎಲ್ಲಾ ಉಡುಗೆ ಹಾಗೂ ಆಕ್ಸೆಸರೀಸ್‌ ಒಂದೇ ಬಗೆಯದ್ದಾಗಿರಬೇಕು.

ಹೆಣ್ಣುಮಕ್ಕಳ ತಂದೆಯಾದಲ್ಲಿ…

ಗಂಡು ಮಕ್ಕಳೊಂದಿಗೆ ಟ್ವಿನ್ನಿಂಗ್‌ ಮಾಡುವುದು ಸುಲಭ. ಹೆಣ್ಣುಮಕ್ಕಳೊಂದಿಗೆ ಟ್ವಿನ್ನಿಂಗ್‌ ಮಾಡುವುದು ತುಸು ಅಸಾಧ್ಯ ಎಂದು ಯೋಚಿಸುತ್ತಾರೆ. ಆದರೆ, ಇದು ಕೂಡ ಸುಲಭ ಎಂದು ಬಹಳಷ್ಟು ಮಂದಿಗೆ ತಿಳಿದಿರಲಿಕ್ಕಿಲ್ಲ! ಇದಕ್ಕೆ ಮಾಡಬೇಕಾಗಿದ್ದಿಷ್ಟೇ! ಮಕ್ಕಳ ಔಟ್‌ಫಿಟ್‌ ಶೇಡ್ಸ್‌ನ ಕಾಪಿ ಮಾಡಿದರಾಯಿತು ಅಷ್ಟೇ! ಟ್ವಿನ್ನಿಂಗ್‌ಗೆ ಡ್ರೆಸ್‌ಗಳು ಥೇಟ್‌ ಒಂದೇ ಬಗೆಯದ್ದಾಗಿರಬೇಕೆಂಬ ರೂಲ್ಸ್ ಎಲ್ಲೂ ಇಲ್ಲ! ಒಟ್ಟಿನಲ್ಲಿ ಧರಿಸುವ ಉಡುಗೆ ಒಂದೇ ಕಲರ್‌ ಇದ್ದರೂ ಸಾಕು! ಎನ್ನುತ್ತಾರೆ ಸ್ಟೈಲಿಸ್ಟ್ಸ್.

ಮನೋಲ್ಲಾಸ ನೀಡುವಂತಹ ಉಡುಗೆಗಳ ಆಯ್ಕೆ

ಈ ದಿನದಂದು ಮನಸ್ಸಿಗೆ ಖುಷಿ ನೀಡುವಂತಹ ಬಣ್ಣಗಳ ಆಯ್ಕೆಯ ಔಟ್‌ಫಿಟ್ಟನ್ನು ಅಪ್ಪ-ಮಕ್ಕಳು ಧರಿಸಿದಲ್ಲಿ, ಸಂಭ್ರಮ ಹೆಚ್ಚುವುದು. ಟ್ವಿನ್ನಿಂಗ್‌ ಮಾಡಲು ಇಷ್ಟವಿಲ್ಲದಿದ್ದಲ್ಲಿ, ಒಬ್ಬರಿಗೊಬ್ಬರು ಇಷ್ಟಪಡುವಂತಹ ಔಟ್‌ಫಿಟ್ಸ್ ಧರಿಸಿ, ಸಂಭ್ರಮಿಸಿ ಆಚರಿಸಿದರಾಯಿತು.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

ಇದನ್ನೂ ಓದಿ: Celebrity Ethnic Fashion: ನಟ ಧನುಷ್‌ ಗೌಡರ ಗ್ರ್ಯಾಂಡ್‌ ಎಥ್ನಿಕ್‌ ಜಾಕೆಟ್‌ ವಿಶೇಷತೆ ಏನು?

ಫ್ಯಾಷನ್

New Fashion: ಬ್ಲ್ಯಾಕ್‌ ಡೆನಿಮ್‌ ಕೋ ಆರ್ಡ್ ಸೆಟ್‌ನಲ್ಲಿ ಟ್ರೆಂಡಿಯಾದ ಜಿಪ್ಪರ್‌ ಸ್ಟೈಲ್‌

ಇದೀಗ ಬ್ಲ್ಯೂ ಡೆನಿಮ್‌ ಔಟ್‌ಫಿಟ್‌ಗಳ ಜಾಗವನ್ನು ಬ್ಲ್ಯಾಕ್‌ ಡೆನಿಮ್‌ ಕೋ ಆರ್ಡ್ ಸೆಟ್‌ಗಳು (New Fashion) ಆಕ್ರಮಿಸಿಕೊಳ್ಳತೊಡಗಿವೆ. ಜಿಪ್ಪರ್‌ ಸ್ಟೈಲ್‌ನವು ಟ್ರೆಂಡಿಯಾಗಿವೆ. ಇದ್ಯಾವ ವಿನ್ಯಾಸದ ಔಟ್‌ಫಿಟ್‌? ಮೇಕೋವರ್‌ ಹೇಗೆ? ಎಂಬುದರ ಬಗ್ಗೆ ಸ್ಟೈಲಿಸ್ಟ್‌ಗಳು ಸಿಂಪಲ್ಲಾಗಿ ವಿವರಿಸಿದ್ದಾರೆ.

VISTARANEWS.COM

1 day ago

15 June 2024, 5:15 PM

Pragati Bhandari

ಚಿತ್ರಗಳು: ಪಾರುಲ್‌ ಗುಲಾಟಿ, ನಟಿ

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಬ್ಲ್ಯಾಕ್‌ ಡೆನಿಮ್‌ ಕೋ ಆರ್ಡ್ ಸೆಟ್‌ಗಳು ಇದೀಗ ಜಿಪ್ಪರ್‌ ಸ್ಟೈಲ್‌ನಲ್ಲಿ ಡಿಫರೆಂಟ್‌ ಕ್ರಾಪ್‌ ಟಾಪ್‌ (New Fashion) ಡಿಸೈನ್‌ಗಳಲ್ಲಿ ಟ್ರೆಂಡಿಯಾಗಿವೆ. ಹೌದು, ಇದೀಗ ಬ್ಲ್ಯೂ ಡೆನಿಮ್‌ ಔಟ್‌ಫಿಟ್‌ಗಳ ಜಾಗವನ್ನು ಬ್ಲ್ಯಾಕ್‌ ಡೆನಿಮ್‌ ಕೋ ಆರ್ಡ್ ಸೆಟ್‌ಗಳು ಆಕ್ರಮಿಸಿಕೊಳ್ಳತೊಡಗಿದ್ದು, ಅದರಲ್ಲೂ ಹಾಲ್ಟರ್‌ ನೆಕ್‌ ಕ್ರಾಪ್‌ ಟಾಪ್‌, ಟ್ಯಾಂಕ್‌ ಟಾಪ್‌, ಟ್ಯೂಬ್‌ ಟಾಪ್‌ನಂತಹ ಕೋ ಆರ್ಡ್ ಪ್ಯಾಂಟ್‌ ಸೆಟ್‌ಗಳು ಪ್ರಚಲಿತದಲ್ಲಿವೆ.

ಚಿತ್ರ-ವಿಚಿತ್ರ ಬ್ಲ್ಯಾಕ್‌ ಕೋ ಆರ್ಡ್ ಸೆಟ್‌

“ಡೆನಿಮ್‌ನಲ್ಲಿ ಇದೀಗ ಕೇವಲ ಪ್ಯಾಂಟ್‌, ಟಾಪ್‌ ಅಥವಾ ಜಾಕೆಟ್‌ಗಳು ಮಾತ್ರ ಚಾಲ್ತಿಯಲ್ಲಿಲ್ಲ. ಈ ಸೀಸನ್‌ಗೆ ಹೊಂದುವಂತಹ ವೆರೈಟಿ ಕೋ ಆರ್ಡ್ ಸೆಟ್‌ಗಳು ಕಾಲಿಟ್ಟಿದ್ದು, ಅವುಗಳಲ್ಲೂ ಡಿಫರೆಂಟ್‌ ವಿನ್ಯಾಸದವು ಹಾಗೂ ಚಿತ್ರ-ವಿಚಿತ್ರ ಡಿಸೈನ್‌ನವು ಬಂದಿವೆ. ಜೆನ್‌ ಜಿ ಹುಡುಗಿಯರಿಗೆ ಇಷ್ಟವಾಗುವಂತಹ ರಾಕಿಂಗ್‌ ಜಿಪ್ಪರ್‌ ಸ್ಟೈಲ್‌ನವು ಫ್ಯಾಷನ್‌ನಲ್ಲಿ ಲಗ್ಗೆ ಇಟ್ಟಿವೆ. ಅಷ್ಟೇಕೆ? ಇವುಗಳಲ್ಲಿ ಇದೀಗ ಕೋ ಆರ್ಡ್ ಸೆಟ್‌ಗಳು ಬ್ಲ್ಯಾಕ್‌ ಶೇಡ್‌ನಲ್ಲಿ ಬರುತ್ತಿರುವುದು ಡೆನಿಮ್‌ ಪ್ರೇಮಿಗಳಿಗೆ ಡಿಫರೆಂಟ್‌ ಇಮೇಜ್‌ ನೀಡುತ್ತಿವೆ. ಇದೇ ಕಾರಣದಿಂದಾಗಿ ಹೊಸ ಲುಕ್‌ ಬಯಸುವ ರಾಕಿಂಗ್‌ ಹುಡುಗಿಯರು ಇವುಗಳನ್ನು ಆಯ್ಕೆ ಮಾಡತೊಡಗಿದ್ದಾರೆ.

ಟ್ರೆಂಡಿಯಾಗಿರುವ ಬ್ಲ್ಯಾಕ್‌ ಡೆನಿಮ್‌ ಕೋ ಆರ್ಡ್ ಸೆಟ್‌ ಡಿಸೈನ್ಸ್

ಬ್ಲ್ಯಾಕ್‌ ಡೆನಿಮ್‌ ಫ್ಯಾಬ್ರಿಕ್‌ನ ಕೋ ಆರ್ಡ್ ಸೆಟ್‌ಗಳು ಸಾಮಾನ್ಯ ಡಿಸೈನ್‌ನಲ್ಲಿ ಅಲ್ಲ, ಕಂಪ್ಲೀಟ್‌ ವಿಭಿನ್ನ ವಿನ್ಯಾಸದಲ್ಲಿ ದೊರೆಯುತ್ತಿವೆ. ಉದಾಹರಣೆಗೆ, ಜಿಪ್ಪರ್‌ ಲೈನ್‌ ಇರುವಂತಹ ಕೋ ಆರ್ಡ್ ಸೆಟ್‌ಗಳು, ಜಿಪ್ಪರ್‌ ಲೈನ್‌ ಇರುವಂತಹ ನೆಕ್‌ಲೈನ್‌ ಇರುವಂತಹ ಹಾಲ್ಟರ್‌ನೆಕ್‌ನಂತವು, ಗೋಥಿಕ್‌ ಸ್ಟೈಲ್‌ನವು, ಟ್ಯೂಬ್‌ ವಿನ್ಯಾಸದಂತೆ ಕಾಣುವ ಜಿಪ್ಪರ್‌ ಟಾಪ್‌ಗಳನ್ನು ಹೊಂದಿರುವಂತವು, ಟ್ಯಾಂಕ್‌ ಟಾಪ್‌ನಂತೆ ಕಂಡರೂ ಅದರ ಮೇಲೊಂದು ಲೇಯರ್‌ ಲುಕ್‌ನಂತೆ ಕಾಣುವಂತಹ ಡಿಸೈನ್‌ ಇರುವಂತವು ಪ್ಯಾಂಟ್‌ಗೆ ಹೊಂದಿಕೊಂಡಂತಹ ಕೋ ಆರ್ಡ್ ಫ್ಯಾಷನ್‌ನಲ್ಲಿ ಬಂದಿವೆ ಎನ್ನುತ್ತಾರೆ ಫ್ಯಾಷನಿಸ್ಟ್‌ಗಳು.

ಬ್ಲ್ಯಾಕ್‌ ಡೆನಿಮ್‌ ಜಿಪ್ಪರ್‌ ಕೋ ಆರ್ಡ್ ಸೆಟ್‌ ಸ್ಟೈಲಿಂಗ್‌ ಹೀಗೆ

ಇದು ಅಲ್ಟ್ರಾ ಮಾಡರ್ನ್‌ ಹುಡುಗಿಯರಿಗೆ ಪರ್ಫೆಕ್ಟ್ ಔಟ್‌ಫಿಟ್‌.
ಹೆಚ್ಚು ಆಕ್ಸೆಸರೀಸ್‌ ಧರಿಸುವ ಅಗತ್ಯವಿಲ್ಲ!
ಹೈ ಪೋನಿಟೈಲ್‌ ಅಥವಾ ಫ್ರೀ ಹೇರ್‌ಸ್ಟೈಲ್‌ ಈ ಔಟ್‌ಫಿಟ್‌ಗೆ ಸಖತ್‌ ಮ್ಯಾಚ್‌ ಆಗುತ್ತದೆ.
ಕತ್ತಿಗೆ ಸಿಂಪಲ್‌ ನೆಕ್‌ಚೈನ್‌ ಧರಿಸಿದರೇ ಸಾಕು.
ಮೇಕಪ್‌ ಸಿಂಪಲ್‌ ಆಗಿರುವುದು ಅಗತ್ಯ.
ಫಿಟ್ಟಿಂಗ್‌ ಇರುವಂತವು ಆಕರ್ಷಕವಾಗಿ ಕಾಣಿಸುತ್ತವೆ.
ಫ್ಯಾಬ್ರಿಕ್‌ ಲೈಟ್‌ವೈಟ್‌ ಇರುವಂತವನ್ನು ಖರೀದಿಸಿ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

ಇದನ್ನೂ ಓದಿ: Star Saree Fashion: ರೇಷ್ಮೆ ಸೀರೆಯಲ್ಲಿ ನಟಿ ಕೀರ್ತಿ ಸುರೇಶ್‌ರಂತೆ ಗ್ಲಾಮರಸ್‌ ಆಗಿ ಕಾಣಿಸಬೇಕೆ? 5 ಟಿಪ್ಸ್ ಫಾಲೋ ಮಾಡಿ!

ಫ್ಯಾಷನ್

Star Saree Fashion: ರೇಷ್ಮೆ ಸೀರೆಯಲ್ಲಿ ನಟಿ ಕೀರ್ತಿ ಸುರೇಶ್‌ರಂತೆ ಗ್ಲಾಮರಸ್‌ ಆಗಿ ಕಾಣಿಸಬೇಕೆ? 5 ಟಿಪ್ಸ್ ಫಾಲೋ ಮಾಡಿ!

ತಮ್ಮ ಸೋದರ ಸಂಬಂಧಿಯ ಮದುವೆಯಲ್ಲಿ ರೇಷ್ಮೆಯ ಸೀರೆಯುಟ್ಟು ಗ್ಲಾಮರಸ್‌ ಆಗಿ ಕಾಣಿಸಿಕೊಂಡ (Star Saree Fashion) ಮಹಾ ನಟಿ ಕೀರ್ತಿ ಸುರೇಶ್‌ರಂತೆ ಅಂದವಾಗಿ ಕಾಣಿಸಿಕೊಳ್ಳಲು ಯಾರಿಗೆ ಇಷ್ಟವಿಲ್ಲ ಹೇಳಿ! ಇವರಂತೆ ಆಕರ್ಷಕವಾಗಿ ಕಾಣಿಸಲು ಇಲ್ಲಿದೆ 5 ಸಿಂಪಲ್‌ ಟಿಪ್ಸ್. ಟ್ರೈ ಮಾಡಿ ನೋಡಿ ಎನ್ನುತ್ತಾರೆ ಬ್ಯೂಟಿ ಎಕ್ಸ್ಪರ್ಟ್ಸ್.

VISTARANEWS.COM

2 days ago

14 June 2024, 6:15 PM

Pragati Bhandari

ಚಿತ್ರಗಳು: ಕೀರ್ತಿ ಸುರೇಶ್, ನಟಿ

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ʼಮಹಾ ನಟಿʼ ಕೀರ್ತಿ ಸುರೇಶ್‌ರಂತೆ ರೇಷ್ಮೆ ಸೀರೆಯಲ್ಲೂ ಗ್ಲಾಮರಸ್‌ ಆಗಿ ಕಾಣಿಸಿಕೊಳ್ಳಲು ಯಾರಿಗೆ ಇಷ್ಟವಿಲ್ಲ, ಹೇಳಿ ನೋಡೋಣ! ಪ್ರತಿ ಮಹಿಳೆಗೂ ತಾನು ಕೂಡ ತಾನು ರೇಷ್ಮೆ ಸೀರೆಯಲ್ಲೂ ಅಂದವಾಗಿ, ಅದರಲ್ಲೂ ಗ್ಲಾಮರಸ್‌ ಆಗಿ, ಸೆಲೆಬ್ರೆಟಿ ಲುಕ್‌ನಲ್ಲಿ ಕಾಣಿಸಬೇಕೆಂಬ ಬಯಕೆ ಇದ್ದೇ ಇರುತ್ತದೆ. ಇದಕ್ಕಾಗಿ ಹೆಚ್ಚೆನೂ ಮಾಡಬೇಕಾಗಿಲ್ಲ! ಸೆಲೆಬ್ರೆಟಿಗಳು ಪಾಲಿಸುವ ಸೀರೆ ಸೆಲೆಕ್ಷನ್‌ನ ಐಡಿಯಾ, ಸ್ಟೈಲಿಂಗ್‌ ಟಿಪ್ಸ್ ಹಾಗೂ ಡ್ರೇಪಿಂಗ್‌ ಟಿಪ್ಸ್ ಫಾಲೋ ಮಾಡಿದರೇ ಸಾಕು, ಅವರಂತೆಯೇ ನೀವೂ ಕೂಡ ಗ್ಲಾಮರಸ್‌ ಆಗಿ ಕಾಣಿಸಬಹುದು ಎನ್ನುತ್ತಾರೆ ಬ್ಯೂಟಿ ಎಕ್ಸ್‌ಫರ್ಟ್‌ ಮಂಗಲಾ. ಈ ಕುರಿತಂತೆ ಒಂದೈದು ಸಿಂಪಲ್‌ (Star Saree Fashion) ಐಡಿಯಾಗಳನ್ನು ನೀಡಿದ್ದಾರೆ.

ವೆಡ್ಡಿಂಗ್‌ಗೆ ರೇಷ್ಮೆ ಸೀರೆಯ ಆಯ್ಕೆ ಹೀಗಿರಲಿ

ರೇಷ್ಮೆ ಸೀರೆಗಳಲ್ಲಿ ಕೆಲವು ಸಾಫ್ಟ್ ಫ್ಯಾಬ್ರಿಕ್‌ನವು ದೊರೆಯುತ್ತವೆ. ಇವನ್ನು ಉಟ್ಟಾಗ ದೇಹ ಪ್ಲಂಪಿಯಾಗಿ ಕಾಣಿಸುವುದಿಲ್ಲ. ಅಂತಹ ಫ್ಯಾಬ್ರಿಕ್‌ನ ಸೀರೆಗಳನ್ನೇ ಆಯ್ಕೆ ಮಾಡಿ, ಉಡಿ.

ಪಾಸ್ಟೆಲ್‌ ಶೇಡ್‌ ಹಾಗೂ ಪ್ರಿಂಟ್ಸ್ ಸೀರೆ ಆಯ್ಕೆ

ಈ ಸೀಸನ್‌ನಲ್ಲಿ ಟ್ರೆಂಡಿಯಾಗಿರುವ ಪೀಚ್‌, ಪಿಂಕ್‌, ಪಿಸ್ತಾದಂತಹ ಪಾಸ್ಟೆಲ್‌ ಶೇಡ್‌ ಇರುವಂತಹ ಅಥವಾ ಲೈಟ್‌ ಪ್ರಿಂಟ್ಸ್ ಇರುವಂತಹ ರೇಷ್ಮೆ ಸೀರೆಗಳನ್ನು ಉಡಿ. ಇದು ಟ್ರೆಂಡಿಯಾಗಿ ಕಾಣಿಸುವುರೊಂದಿಗೆ ಯಂಗ್‌ ಲುಕ್‌ ನೀಡುತ್ತದೆ.

ಗ್ಲಾಮರಸ್‌ ಲುಕ್‌ಗಾಗಿ ಡಿಸೈನರ್‌ ಬ್ಲೌಸ್

ರೇಷ್ಮೆ ಸೀರೆಗೂ ಗ್ಲಾಮರಸ್‌ ಲುಕ್‌ ಬೇಕಾದಲ್ಲಿ, ಹಾಲ್ಟರ್‌ ನೆಕ್‌, ಸ್ಲೀವ್‌ಲೆಸ್‌ ಅಥವಾ ಮೆಗಾ ಸ್ಲೀವ್‌, ಬಿಕಿನಿ ಬ್ಲೌಸ್‌ ಡಿಸೈನ್‌ನವನ್ನು ಆಯ್ಕೆ ಮಾಡಬಹುದು. ಆಗ ರೇಷ್ಮೆ ಸೀರೆಗೂ ಗ್ಲಾಮರಸ್‌ ಟಚ್‌ ಸಿಗುತ್ತದೆ.

ಸೀರೆ ಡ್ರೇಪಿಂಗ್‌ ಹೀಗಿರಲಿ

ಮದುವೆಯಲ್ಲಿ ಉಡುವ ರೇಷ್ಮೆ ಸೀರೆಯ ಡ್ರೇಪಿಂಗ್‌ ಪರ್ಫೆಕ್ಟ್ ಆಗಿರಬೇಕು. ಇದಕ್ಕಾಗಿ ಮೊದಲೇ ಸೀರೆಯ ನೆರಿಗೆ ಹಾಗೂ ಸೆರಗನ್ನು ರೆಡಿ ಮಾಡಿಟ್ಟುಕೊಳ್ಳಬಹುದು. ಫಿಟ್‌ ಆಗಿ ಕೂರುವಂತೆ ಸೀರೆಯನ್ನು ಉಡುವುದು ಒಂದು ಕಲೆ. ಸರಿಯಾದ ಡ್ರೇಪಿಂಗ್‌ ಕೂಡ ನೋಡಲು ಆಕರ್ಷಕವಾಗಿ ಬಿಂಬಿಸುತ್ತದೆ.

ಸೆಲೆಬ್ರೆಟಿ ಮೇಕೋವರ್‌

ಸೆಲೆಬ್ರೆಟಿ ಲುಕ್‌ಗಾಗಿ ಆದಷ್ಟೂ ಟ್ರೆಂಡಿಯಾಗಿರುವ ಸ್ಟೇಟ್‌ಮೆಂಟ್‌ ಜ್ಯುವೆಲರಿಗಳನ್ನು ಧರಿಸಿ. ಹೇರ್‌ಸ್ಟೈಲ್‌ ಮೇಕಪ್‌ಗೆ ಮ್ಯಾಚ್‌ ಆಗುವಂತಿರಲಿ. ತುಟಿಗಳ ವರ್ಣ ತಿಳಿಯಾಗಿರಲಿ. ಮ್ಯಾಚಿಂಗ್‌ ಫುಟ್‌ವೇರ್‌ ಹಾಗೂ ಆಕ್ಸೆಸರೀಸ್‌ ಕೂಡ ಅಂದ ಹೆಚ್ಚಿಸಬಲ್ಲವು.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

ಇದನ್ನೂ ಓದಿ: Celebrity Fashion: ಬ್ಲೇಜರ್‌ನಲ್ಲಿ ನಟ ಸುದೀಪ್‌ ಪುತ್ರಿ ಸಾನ್ವಿ ಕ್ಲಾಸಿ ಲುಕ್‌!

ಫ್ಯಾಷನ್

Celebrity Ethnic Fashion: ನಟ ಧನುಷ್‌ ಗೌಡರ ಗ್ರ್ಯಾಂಡ್‌ ಎಥ್ನಿಕ್‌ ಜಾಕೆಟ್‌ ವಿಶೇಷತೆ ಏನು?

ನಟ ಧನುಷ್‌ ಗೌಡ ಅವರು ಧರಿಸಿದ್ದ ಮಲ್ಟಿ ಎಂಬ್ರಾಯ್ಡರಿ ಎಥ್ನಿಕ್‌ ಜಾಕೆಟ್‌ (Celebrity Ethnic Fashion) ನೋಡುಗರನ್ನು ಸೆಳೆದಿದೆ. ನಟ ಧನುಷ್‌ ಗೌಡ ಅವರು ಧರಿಸಿರುವ ಈ ಎಥ್ನಿಕ್‌ ಜಾಕೆಟ್‌ ನೆಹ್ರೂ ಜಾಕೆಟ್‌ ಡಿಸೈನ್‌ ಹೊಂದಿದೆ. ಎಲ್ಲದಕ್ಕಿಂತ ಹೆಚ್ಚಾಗಿ ಗ್ರ್ಯಾಂಡ್‌ ಡಿಸೈನ್‌ ಒಳಗೊಂಡಿದೆ. ಮಲ್ಟಿ ಕಲರ್‌ ಸಿಲ್ಕ್‌ ಮಾತ್ರವಲ್ಲದೇ ನಾನಾ ಬಗೆಯ ಎಂಬ್ರಾಯ್ಡರಿ ಥ್ರೆಡ್‌ನಲ್ಲಿ ವಿನ್ಯಾಸಗೊಂಡಿದೆ. ವೆಡ್ಡಿಂಗ್‌ ಗ್ರ್ಯಾಂಡ್‌ ಔಟ್‌ಫಿಟ್‌ ಲಿಸ್ಟ್‌ಗೆ ಸೇರಿರುವ ಈ ಜಾಕೆಟ್‌ ಇತರ ವಿಶೇಷತೆ ಏನೇನು? ಇದರ ಸ್ಟೈಲಿಂಗ್‌ ಹೇಗೆ ಎಂಬುದರ ಬಗ್ಗೆ ಇಲ್ಲಿದೆ ಡಿಟೇಲ್ಸ್.

VISTARANEWS.COM

2 days ago

14 June 2024, 5:15 PM

Pragati Bhandari

ಚಿತ್ರಗಳು: ಧನುಷ್‌ ಗೌಡ, ಕಿರುತೆರೆ ನಟ, ಫೋಟೋಗ್ರಾಫಿ : ಸುಜಯ್‌ ನಾಯ್ಡು

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ನಟ ಧನುಷ್‌ ಗೌಡ ಧರಿಸಿದ್ದ ಗ್ರ್ಯಾಂಡ್‌ ಎಂಬ್ರಾಯ್ಡರಿ ಜಾಕೆಟ್‌ (Celebrity Ethnic Fashion) ನೋಡುಗರನ್ನು ಸೆಳೆದಿದೆ. ಧನುಷ್‌ ಗೌಡ ಅವರ ವೆಡ್ಡಿಂಗ್‌ ಗ್ರ್ಯಾಂಡ್‌ ಔಟ್‌ಫಿಟ್‌ ಲಿಸ್ಟ್‌ನಲ್ಲಿದ್ದ ಈ ಗ್ರ್ಯಾಂಡ್‌ ಎಥ್ನಿಕ್‌ ವೇಸ್ಟ್ಕೋಟ್‌ ಅಥವಾ ನೆಹ್ರೂ ಜಾಕೆಟ್‌ ಫ್ಯಾಷನ್‌ ಪ್ರಿಯ ಯುವಕರನ್ನು ಆಕರ್ಷಿಸಿದೆ.

ಧನುಷ್‌ ಗೌಡ ಫ್ಯಾಷನ್‌ ಅಭಿರುಚಿ

“ನಟ ಧನುಷ್‌ ಗೌಡ ಆಗಾಗ ಒಂದಲ್ಲ ಒಂದು ಔಟ್‌ಫಿಟ್‌ನಲ್ಲಿ ಕಾಣಿಸಿಕೊಂಡು ತಮ್ಮ ಫಾಲೋವರ್ಸ್‌ಗಳನ್ನು ಸೆಳೆಯುತ್ತಲೇ ಇರುತ್ತಾರೆ. ಅದು ವೆಸ್ಟರ್ನ್ ಆಗಬಹುದು ಅಥವಾ ಇಂಡಿಯನ್‌ ಲುಕ್‌ ಆಗಬಹುದು. ಇನ್ನು ಅವರ ವೆಡ್ಡಿಂಗ್‌ ಔಟ್‌ಫಿಟ್‌ಗಳಲ್ಲಂತೂ ಆಕರ್ಷಕವಾಗಿಯೇ ಕಾಣಿಸಿಕೊಂಡಿದ್ದರು. ಪ್ರತಿಯೊಂದು ಔಟ್‌ಫಿಟ್‌ ಆಯ್ಕೆಯಲ್ಲಿ ಅವರ ಫ್ಯಾಷನ್‌ ಸೆನ್ಸ್ ಎದ್ದು ಕಾಣಿಸುತ್ತಿತ್ತು. ಇದು ಅವರ ಅಭಿರುಚಿಯನ್ನು ತೋರ್ಪಡಿಸಿದೆ” ಎಂದು ಹೇಳುವ ಫ್ಯಾಷನ್‌ ವಿಮರ್ಶಕರ ಪ್ರಕಾರ, ನಟನಾದವನು ತಾನು ಧರಿಸುವ ಔಟ್‌ಫಿಟ್‌ಗಳಿಂದಲೇ ತಂತಮ್ಮ ಅಭಿರುಚಿಯನ್ನು ವ್ಯಕ್ತಪಡಿಸಬಹುದಂತೆ.

ಸೆಲೆಬ್ರೆಟಿ ಡಿಸೈನರ್‌ ಚಂದನ್‌ ಗೌಡ ಜಾದೂ

ನಟ ಧನುಷ್‌ ಗೌಡ ಅವರು ಧರಿಸಿರುವ ಈ ಎಥ್ನಿಕ್‌ ಜಾಕೆಟ್‌ ನೆಹ್ರೂ ಜಾಕೆಟ್‌ ಡಿಸೈನ್‌ ಹೊಂದಿದೆ. ಎಲ್ಲದಕ್ಕಿಂತ ಹೆಚ್ಚಾಗಿ ಗ್ರ್ಯಾಂಡ್‌ ಡಿಸೈನ್‌ ಒಳಗೊಂಡಿದೆ. ಮಲ್ಟಿ ಕಲರ್‌ ಸಿಲ್ಕ್‌ ಮಾತ್ರವಲ್ಲದೇ ನಾನಾ ಬಗೆಯ ಎಂಬ್ರಾಯ್ಡರಿ ಥ್ರೆಡ್‌ನಲ್ಲಿ ವಿನ್ಯಾಸಗೊಂಡಿದೆ. ಒಂದೇ ಜಾಕೆಟ್‌ನಲ್ಲಿ ಸಾಕಷ್ಟು ಹ್ಯಾಂಡ್‌ವರ್ಕ್ ಎಂಬ್ರಾಯ್ಡರಿ ಬಳಸಿರುವುದರಿಂದ ಅತ್ಯಾಕರ್ಷಕವಾಗಿ ಕಾಣಿಸುತ್ತಿದೆ ಎನ್ನುತ್ತಾರೆ ಸೆಲೆಬ್ರೆಟಿ ಡಿಸೈನರ್‌ ಚಂದನ್‌ ಗೌಡ. ಅವರು ಹೇಳುವಂತೆ, ಇದು ವೆಡ್ಡಿಂಗ್‌ಗೆ ಹೇಳಿಮಾಡಿಸಿದ ಔಟ್‌ಫಿಟ್‌ಗಳಲ್ಲೊಂದು ಎನ್ನುತ್ತಾರೆ.

ಗ್ರ್ಯಾಂಡ್‌ ಜಾಕೆಟ್ ಸ್ಟೈಲಿಂಗ್‌ ಹೇಗೆ?

ಯುವಕರು ಗ್ರ್ಯಾಂಡ್‌ ಜಾಕೆಟ್‌ನಲ್ಲಿ ನಟ ಧನುಷ್‌ಗೌಡರಂತೆ ಕಾಣಿಸಲು ಒಂದಿಷ್ಟು ಫ್ಯಾಷನ್‌ ರೂಲ್ಸ್ ಫಾಲೋ ಮಾಡಿದರೇ ಸಾಕು. ಆಗ, ತಂತಾನೆ ಪರ್ಫೆಕ್ಟ್ ಎಥ್ನಿಕ್‌ ಲುಕ್‌ ನಿಮ್ಮದಾಗುವುದು. ಇದಕ್ಕಾಗಿ ಆದಷ್ಟೂ ಗ್ರ್ಯಾಂಡ್‌ ಎಂಬ್ರಾಯ್ಡರಿ ಇರುವಂತಹ ಜಾಕೆಟ್‌ಗಳನ್ನೇ ಚೂಸ್‌ ಮಾಡಬೇಕು. ಇವಕ್ಕೆ ಸಾದಾ ಸಿಲ್ಕ್‌ ಅಥವಾ ಕಾಟನ್‌ ಮಿಕ್ಸ್ ಸಿಲ್ಕ್‌ ಕುರ್ತಾ ಮ್ಯಾಚ್‌ ಆಗುತ್ತವೆ. ವೈಬ್ರೆಂಟ್‌ ಶೇಡ್‌ನವು ಕೂಡ ನಿಮ್ಮನ್ನು ಹೈಲೈಟ್‌ ಮಾಡಬಲ್ಲವು ಎನ್ನುತ್ತಾರೆ ಡಿಸೈನರ್‌ ಹಾಗೂ ಸ್ಟೈಲಿಸ್ಟ್ ಚಂದನ್‌ ಗೌಡ.

ಇದನ್ನೂ ಓದಿ: Celebrity Fashion: ಬ್ಲೇಜರ್‌ನಲ್ಲಿ ನಟ ಸುದೀಪ್‌ ಪುತ್ರಿ ಸಾನ್ವಿ ಕ್ಲಾಸಿ ಲುಕ್‌!

ಯುವಕರ ಆಯ್ಕೆ ಹೀಗಿರಲಿ

ನಿಮ್ಮ ಪರ್ಸನಾಲಿಟಿಗೆ ತಕ್ಕಂತೆ ಎಥ್ನಿಕ್‌ ಜಾಕೆಟ್‌ಗಳ ಆಯ್ಕೆ ಮಾಡಿ.
ಸ್ಕಿನ್‌ಟೋನ್‌ಗೆ ತಕ್ಕಂತೆ ಕಲರ್‌ ಶೇಡ್‌ ಸೆಲೆಕ್ಟ್ ಮಾಡಿ.
ಟ್ರೆಂಡ್‌ನಲ್ಲಿರುವ ಡಿಸೈನ್‌ನವನ್ನು ಚೂಸ್‌ ಮಾಡುವುದು ಉತ್ತಮ.
ವೆಡ್ಡಿಂಗ್‌ ಆದಲ್ಲಿ ಆದಷ್ಟೂಸಂಗಾತಿಯ ಔಟ್‌ಫಿಟ್‌ಗೆ ಮ್ಯಾಚ್‌ ಆಗುವುದೇ ಎಂಬುದನ್ನು ಗಮನಿಸಿ.
ಯಾವ ಸಂದರ್ಭಕ್ಕೆ ಎಂಬುದನ್ನು ಮೊದಲು ಗಮನದಲ್ಲಿಟ್ಟುಕೊಂಡು ಡಿಸೈನ್‌ ಆಯ್ಕೆ ಮಾಡಿ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

ಇದನ್ನೂ ಓದಿ: Celebrity Fashion: ಬ್ಲೇಜರ್‌ನಲ್ಲಿ ನಟ ಸುದೀಪ್‌ ಪುತ್ರಿ ಸಾನ್ವಿ ಕ್ಲಾಸಿ ಲುಕ್‌!

ಮನಿ-ಗೈಡ್19 hours ago

Money Guide: ಹಿರಿಯ ನಾಗರಿಕರಿಗಾಗಿ ಅತ್ಯಾಕರ್ಷಕ ಉಳಿತಾಯ ಯೋಜನೆ

ಟಾಲಿವುಡ್14 hours ago

Ram Pothineni: ರಾಮ್ ಪೋತಿನೇನಿ ಅಭಿನಯದ ʻಡಬಲ್ ಇಸ್ಮಾರ್ಟ್ʼ ಬಿಡುಗಡೆಗೆ‌ ಮುಹೂರ್ತ ಫಿಕ್ಸ್!

Chandan Shetty Students Party Video Song Vidyarthi Vidyarthiniyare Movie

ಸ್ಯಾಂಡಲ್ ವುಡ್17 hours ago

Chandan Shetty: ಡಿವೋರ್ಸ್‌ ಬೆನ್ನಲ್ಲೇ ಗುಡ್‌ ನ್ಯೂಸ್‌ ಕೊಟ್ಟ ಚಂದನ್‌ ಶೆಟ್ಟಿ!

Latest22 hours ago

Apple With sticker: ಸೇಬು ಹಣ್ಣುಗಳ ಮೇಲೆ ಸ್ಟಿಕ್ಕರ್; ಏನಿದರ ಹಿಂದಿರುವ ರಹಸ್ಯ?

Latest22 hours ago

Viral Video: ನಾಯಿ ಜತೆ ವಾಕಿಂಗ್ ನೋಡಿರುತ್ತೀರಿ, ಹುಲಿ ಜತೆ? ಈ ವಿಡಿಯೊ ನೋಡಿ!

Kotee Movie Review dolly dhanjay News In Kannada

ಸ್ಯಾಂಡಲ್ ವುಡ್20 hours ago

Kotee Movie Review: ಎಲ್ಲರೂ ಬೆತ್ತಲೆಯಾಗಿರುವ ಸಮಾಜದಲ್ಲಿ ಬಟ್ಟೆ ಹಾಕಿಕೊಂಡವನಿಗೆ ನಾಚಿಕೆಯಾದಾಗ?!

Actor Darshan teacher Addanda Cariappa sad on arrested darshan

ಸಿನಿಮಾ17 hours ago

Actor Darshan: ಸಂಸ್ಕಾರ ಹಾಗೂ ಶಿಕ್ಷಣ ಮುಖ್ಯ, ದರ್ಶನ್‌ ಬಳಿ ಎರಡೂ ಇಲ್ಲ; ಶಿಷ್ಯನ ಬಗ್ಗೆ ಗುರು ಬೇಸರ!

ಉದ್ಯೋಗ16 hours ago

Job Alert: ನ್ಯಾಷನಲ್ ಫರ್ಟಿಲೈಸರ್ಸ್ ಲಿಮಿಟೆಡ್‌ನಲ್ಲಿದೆ 164 ಹುದ್ದೆ; ಆನ್‌ಲೈನ್‌ ಮೂಲಕ ಅಪ್ಲೈ ಮಾಡಿ

Vistara News

Makar Sankranti: ಮತ್ತೆ ಬಂದಿದೆ ಸುಗ್ಗಿ-ಹುಗ್ಗಿ ತರುವ ಮಕರ ಸಂಕ್ರಮಣ!

ಸುಗ್ಗಿ ಹಬ್ಬ

ಊರ ಹಬ್ಬ, ಆಲೆಮನೆ

Leave a Reply Cancel reply

Leave a Reply

You may like

ಫ್ಯಾಷನ್

Father’s Day Fashion: ಅಪ್ಪಂದಿರ ದಿನಕ್ಕೂ ಉಂಟು ಫ್ಯಾಷನ್‌ ಸ್ಟೇಟ್‌ಮೆಂಟ್ಸ್!

ಕ್ಯಾಶುವಲ್ಸ್ ಔಟ್‌ಫಿಟ್ಸ್

ಅಪ್ಪನೊಂದಿಗೆ ಟ್ವಿನ್ನಿಂಗ್‌

ಹೆಣ್ಣುಮಕ್ಕಳ ತಂದೆಯಾದಲ್ಲಿ…

ಮನೋಲ್ಲಾಸ ನೀಡುವಂತಹ ಉಡುಗೆಗಳ ಆಯ್ಕೆ

ಫ್ಯಾಷನ್

New Fashion: ಬ್ಲ್ಯಾಕ್‌ ಡೆನಿಮ್‌ ಕೋ ಆರ್ಡ್ ಸೆಟ್‌ನಲ್ಲಿ ಟ್ರೆಂಡಿಯಾದ ಜಿಪ್ಪರ್‌ ಸ್ಟೈಲ್‌

ಚಿತ್ರ-ವಿಚಿತ್ರ ಬ್ಲ್ಯಾಕ್‌ ಕೋ ಆರ್ಡ್ ಸೆಟ್‌

ಟ್ರೆಂಡಿಯಾಗಿರುವ ಬ್ಲ್ಯಾಕ್‌ ಡೆನಿಮ್‌ ಕೋ ಆರ್ಡ್ ಸೆಟ್‌ ಡಿಸೈನ್ಸ್

ಬ್ಲ್ಯಾಕ್‌ ಡೆನಿಮ್‌ ಜಿಪ್ಪರ್‌ ಕೋ ಆರ್ಡ್ ಸೆಟ್‌ ಸ್ಟೈಲಿಂಗ್‌ ಹೀಗೆ

ಫ್ಯಾಷನ್

Star Saree Fashion: ರೇಷ್ಮೆ ಸೀರೆಯಲ್ಲಿ ನಟಿ ಕೀರ್ತಿ ಸುರೇಶ್‌ರಂತೆ ಗ್ಲಾಮರಸ್‌ ಆಗಿ ಕಾಣಿಸಬೇಕೆ? 5 ಟಿಪ್ಸ್ ಫಾಲೋ ಮಾಡಿ!

ವೆಡ್ಡಿಂಗ್‌ಗೆ ರೇಷ್ಮೆ ಸೀರೆಯ ಆಯ್ಕೆ ಹೀಗಿರಲಿ

ಪಾಸ್ಟೆಲ್‌ ಶೇಡ್‌ ಹಾಗೂ ಪ್ರಿಂಟ್ಸ್ ಸೀರೆ ಆಯ್ಕೆ

ಗ್ಲಾಮರಸ್‌ ಲುಕ್‌ಗಾಗಿ ಡಿಸೈನರ್‌ ಬ್ಲೌಸ್

ಸೀರೆ ಡ್ರೇಪಿಂಗ್‌ ಹೀಗಿರಲಿ

ಸೆಲೆಬ್ರೆಟಿ ಮೇಕೋವರ್‌

ಫ್ಯಾಷನ್

Celebrity Ethnic Fashion: ನಟ ಧನುಷ್‌ ಗೌಡರ ಗ್ರ್ಯಾಂಡ್‌ ಎಥ್ನಿಕ್‌ ಜಾಕೆಟ್‌ ವಿಶೇಷತೆ ಏನು?

ಧನುಷ್‌ ಗೌಡ ಫ್ಯಾಷನ್‌ ಅಭಿರುಚಿ

ಸೆಲೆಬ್ರೆಟಿ ಡಿಸೈನರ್‌ ಚಂದನ್‌ ಗೌಡ ಜಾದೂ

ಗ್ರ್ಯಾಂಡ್‌ ಜಾಕೆಟ್ ಸ್ಟೈಲಿಂಗ್‌ ಹೇಗೆ?

ಯುವಕರ ಆಯ್ಕೆ ಹೀಗಿರಲಿ

Dina Bhavishya : ಗೌಪ್ಯ ವಿಷಯವನ್ನು ಹಂಚಿಕೊಂಡರೆ ಈ ರಾಶಿಯವರಿಗೆ ಅಪಾಯ ಗ್ಯಾರಂಟಿ!

World War 3: ಜೂನ್ 18ರಿಂದ 3ನೇ ಮಹಾಯುದ್ಧ ಶುರು; ಖ್ಯಾತ ಜ್ಯೋತಿಷಿಯ ಭವಿಷ್ಯವಾಣಿ ಸಂಚಲನ

Cholera outbreak: ಕಲುಷಿತ ನೀರು ಸೇವನೆ; ಮಧುಗಿರಿಯ ಚಿನ್ನೇನಹಳ್ಳಿಯಲ್ಲಿ ವ್ಯಕ್ತಿಗೆ ಕಾಲರಾ ದೃಢ

NCERT Textbooks: ರಾಜಕೀಯ ಶಾಸ್ತ್ರದ ಪಠ್ಯದಿಂದ ‘ಬಾಬ್ರಿ ಮಸೀದಿ’ ಅಧ್ಯಾಯ ತೆಗೆದ ಎನ್‌ಸಿಇಆರ್‌ಟಿ!

Parenting Tips: ನೀವು ಹೊಸ ಅಪ್ಪ ಅಮ್ಮಂದಿರೇ? ನಿಮಗಿದೆ ಇಲ್ಲಿ ಮುಖ್ಯವಾದ ಟಿಪ್ಸ್!

Drowns in lake: ಸ್ನೇಹಿತರ ಜತೆ ಕೆರೆಗೆ ಈಜಲು ಹೋದ ಬಾಲಕ ನೀರುಪಾಲು

Petrol Diesel Price: ಪೆಟ್ರೋಲ್, ಡೀಸೆಲ್ ದರ ಏರಿಕೆಗೂ ಚುನಾವಣಾ ಫಲಿತಾಂಶಕ್ಕೂ ಸಂಬಂಧವಿಲ್ಲ ಎಂದ ಸಿಎಂ

Amit Shah: ಕಾಶ್ಮೀರದಲ್ಲಿ ಒಬ್ಬನೇ ಒಬ್ಬ ಉಗ್ರ ಉಳಿಯಬಾರದು; ಖಡಕ್‌ ಆದೇಶ ಕೊಟ್ಟ ಅಮಿತ್‌ ಶಾ

Karnataka weather : ಭಾನುವಾರ ರಾಯಚೂರಿನಲ್ಲಿ ಅಬ್ಬರಿಸಿದ ವರುಣ; ನಾಳೆಗೂ ಇದೆ ಮಳೆ ಅಲರ್ಟ್‌

Actor Darshan: ರೇಣುಕಾಸ್ವಾಮಿ ಕುಟುಂಬಕ್ಕಷ್ಟೇ ಅಲ್ಲ, ಚಿತ್ರರಂಗಕ್ಕೂ ನ್ಯಾಯ ಸಿಗಬೇಕು: ಕಿಚ್ಚ ಸುದೀಪ್‌

Geetha Serial Kannada: ನಿದ್ದೆ ಕದ್ದ ಚೋರಿ! ನಟಿ `ಭಾನುಮತಿ’ ಹಾಟ್‌ ಪೋಟೊಗಳಿಗೆ ಫ್ಯಾನ್ಸ್ ಫುಲ್ ಫಿದಾ

Kannada Serials TRP: 2ನೇ ಸ್ಥಾನದಲ್ಲಿ 2 ಧಾರಾವಾಹಿಗಳು; ಟಿಆರ್‌ಪಿ ರೇಸ್‌ನಲ್ಲಿಲ್ಲ ಭಾಗ್ಯಲಕ್ಷ್ಮೀ!

Kannada Serials TRP: ಏಳನೇ ಸ್ಥಾನಕ್ಕೆ ʻಅಮೃತಧಾರೆʼ ಕುಸಿತ; ಬಿಗ್‌ ಬಾಸ್‌-ಸರಿಗಮಪ ಟಿಆರ್‌ಪಿ ಎಷ್ಟು?

Kanyadana Serial: ಕಿರುತೆರೆಗೆ ಮತ್ತೆ ಎಂಟ್ರಿ ಕೊಟ್ಟ ʻಗಾಳಿಪಟʼ ಖ್ಯಾತಿಯ ʻನೀತುʼ!

Kannada Serials TRP: ನಾಲ್ಕನೇ ಸ್ಥಾನಕ್ಕೆ ಕುಸಿತ ಕಂಡ ʻಸೀತಾ ರಾಮʼ; ಟಿಆರ್‌ಪಿ ರೇಸ್‌ಗೆ ʻಭಾಗ್ಯಲಕ್ಷ್ಮಿʼ ಬ್ಯಾಕ್‌!

Kannada Serials TRP: ಟಿಆರ್‌ಪಿಯಲ್ಲಿ ʻಭಾಗ್ಯಲಕ್ಷ್ಮೀʼ ಹವಾ; ʻಪುಟ್ಟಕ್ಕನ ಮಕ್ಕಳುʼ ಧಾರಾವಾಹಿಗೆ ಸಂಕಷ್ಟ!

Kannada Serials TRP: ಟಿಆರ್‌ಪಿಯಲ್ಲಿ ʻಬಿಗ್ ಬಾಸ್ʼದೇ ಮೇಲುಗೈ; 6ನೇ ಸ್ಥಾನಕ್ಕೆ ಕುಸಿದ ʻಸೀತಾ ರಾಮʼ

Dhanush Gowda: ಗೀತಾ ಧಾರಾವಾಹಿ ನಟನ ನಿಶ್ಚಿತಾರ್ಥ; ಭವ್ಯಾಳ ಕಮೆಂಟ್‌ ಬಾಕ್ಸ್‌ ಆಫ್‌!

Brindavana Serial: ʼಬೃಂದಾವನʼ ಧಾರಾವಾಹಿಯಲ್ಲಿ ದೊಡ್ಡ ಟ್ವಿಸ್ಟ್‌; ಪ್ರಮುಖ ಪಾತ್ರಧಾರಿಯೇ ಬದಲು

Kannada Serials TRP: ಟಿಆರ್‌ಪಿಯಲ್ಲಿ ಏರಿಕೆ ಕಂಡ ʻಅಮೃತಧಾರೆʼ; ʻಗಟ್ಟಿಮೇಳʼಕ್ಕೆ ನಾಲ್ಕನೇ ಸ್ಥಾನ!

Renuka Swamy murder : ಭೀಕರವಾಗಿ ಕೊಂದರೂ ಆರೋಪಿಗಳಿಗೆ ಕಾಡುತ್ತಿಲ್ವಾ ಪಾಪಪ್ರಜ್ಞೆ? ನಗುತ್ತಲೇ ಹೊರಬಂದ ಪವಿತ್ರಾ ಗೌಡ, ಪವನ್‌

Renuka swamy Murder : ರೇಣುಕಾಸ್ವಾಮಿ ಕುಟುಂಬಸ್ಥರಿಗೆ ಸಾಂತ್ವನ ಹೇಳಿದ ಬಾಳೆಹೊನ್ನೂರು ಶ್ರೀಗಳು

Vijayanagara News : ಕೆಲಸಕ್ಕೆ ಚಕ್ಕರ್, ಸಂಬಳಕ್ಕೆ ಹಾಜರ್! ಹಾರಕನಾಳು ಗ್ರಾಪಂ ಪಿಡಿಓಗಾಗಿ ಗ್ರಾಮಸ್ಥರ ಹುಡುಕಾಟ

Actor Darshan : ಬಾಸ್‌ ಅಂತ ಯಾಕ್‌ ಬಕೆಟ್‌ ಹಿಡಿಯುತ್ತೀರಾ ಅಂದವನಿಗೆ ದರ್ಶನ್ ಅಭಿಮಾನಿಯಿಂದ ಜೀವ ಬೆದರಿಕೆ!

Karnataka Weather : ಕರಾವಳಿ, ಉತ್ತರ ಒಳನಾಡಿನಲ್ಲಿ ವರುಣಾರ್ಭಟ; ನಾಳೆಯು ಹಲವೆಡೆ ಸಿಕ್ಕಾಪಟ್ಟೆ ಮಳೆ

Actor Darshan : ರೇಣುಕಾಸ್ವಾಮಿಯನ್ನು ಕಿಡ್ನ್ಯಾಪ್ ಮಾಡಿ ಕರೆತರುವ ದೃಶ್ಯ ಸಿಸಿ ಕ್ಯಾಮೆರಾದಲ್ಲಿ ಸೆರೆ!

Actor Darshan : ರೇಣುಕಾಸ್ವಾಮಿ ಕೊಲೆ ಕೇಸ್‌ನಲ್ಲಿ ಮತ್ತಿಬ್ಬರು ಸರೆಂಡರ್‌; ಆರೋಪಿಗಳ ಸಂಖ್ಯೆ 16ಕ್ಕೆ ಏರಿಕೆ

Actor Darshan : ರೇಣುಕಾಸ್ವಾಮಿ ‌ಮೃತದೇಹ ಬಿಸಾಡಿ ಬಳಿಕ ಸಾಕ್ಷ್ಯಇದ್ದ 2 ಮೊಬೈಲ್‌ಗಳನ್ನು ಮೋರಿಗೆ ಎಸೆದ್ರಾ ಆರೋಪಿಗಳು?

Karnataka Weather : ಭಾರಿ ಮಳೆಗೆ ಗುಡ್ಡದಿಂದ ಉರುಳಿ ಬಿದ್ದ ಬಂಡೆಗಲ್ಲು; ಬೆಂಗಳೂರಲ್ಲೂ ಸಂಜೆ ವರ್ಷಧಾರೆ

Actor Darshan: ರೇಣುಕಾ ಸ್ವಾಮಿ ಕೊಲೆ ಕೇಸ್‌ನಲ್ಲಿ ದರ್ಶನ್‌ ಅರೆಸ್ಟ್‌; ಪ್ರಕರಣವನ್ನು ಸಿಬಿಐಗೆ ವಹಿಸಲು ಒತ್ತಾಯ

ಟ್ರೆಂಡಿಂಗ್‌

Leave a Reply
Cancel reply