-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮನೋಲ್ಲಾಸ ಹೆಚ್ಚಿಸುವಂತಹ ವೈವಿಧ್ಯಮಯ ಪ್ರಿಂಟ್ಸ್‌ನ ಫ್ಲೋರಲ್‌ ಜಂಪ್‌ಸೂಟ್‌ಗಳು (Floral Jumpsuit fashion) ಇದೀಗ ಕಾಲೇಜು ಹುಡುಗಿಯರನ್ನು ಸವಾರಿ ಮಾಡತೊಡಗಿವೆ. ಈಗಾಗಲೇ ಫ್ಯಾಷನ್‌ನಲ್ಲಿ ಲೆಕ್ಕವಿಲ್ಲದಷ್ಟು ಬಗೆಯ ಜಂಪ್‌ಸೂಟ್‌ಗಳು ಲಗ್ಗೆ ಇಟ್ಟಿದ್ದು, ಅವುಗಳಲ್ಲಿ ನೋಡಲು ಲೈವ್ಲಿಯಾಗಿ ಬಿಂಬಿಸುವಂತಹ ವೆರೈಟಿ ಫ್ಲೋರಲ್‌ ಪ್ರಿಂಟ್ಸ್ನವು ಹೆಚ್ಚು ಬೇಡಿಕೆ ಸೃಷ್ಟಿಸಿಕೊಂಡಿವೆ.

ಆಕರ್ಷಕ ಫ್ಲೋರಲ್‌ ಜಂಪ್‌ಸೂಟ್ಸ್

“ಜಂಪ್‌ಸೂಟ್‌ ಎಂದಿಗೂ ಫ್ಯಾಷನ್‌ನಿಂದ ಆಚೆ ಹೋಗದ ಔಟ್‌ಫಿಟ್‌ಗಳು. ಇವುಗಳ ಒಂದಲ್ಲ ಒಂದು ಡಿಸೈನ್ಸ್ ಅಥವಾ ವಿಭಿನ್ನ ಪ್ರಿಂಟ್ಸ್‌ನಿಂದಾಗಿ ಆಗಾಗ್ಗೆ ಫ್ಯಾಷನ್‌ ಲೋಕದಲ್ಲಿ ಸುದ್ದಿ ಮಾಡುತ್ತಿರುತ್ತವೆ. ಸೆಲೆಬ್ರೆಟಿಗಳು ಕೂಡ ತಮ್ಮ ಔಟಿಂಗ್‌ನಲ್ಲಿ ಹಾಗೂ ರಿಲಾಕ್ಸೇಷನ್‌ ಸಮಯದಲ್ಲಿ ಹಾಗೂ ಮಕ್ಕಳೊಂದಿಗೆ ಟ್ವಿನ್ನಿಂಗ್‌ ಮಾಡುವ ಸಮಯದಲ್ಲಿ ಈ ಫ್ಲೋರಲ್‌ ಜಂಪ್‌ ಸೂಟ್‌ಗಳನ್ನು ಧರಿಸುವುದು ಕಂಡು ಬರುತ್ತಿದೆ. ಎಲ್ಲದಕ್ಕಿಂತ ಹೆಚ್ಚಾಗಿ ಈ ಮೊದಲು ಸೀಸನ್‌ಗೆ ತಕ್ಕಂತೆ ಬಿಡುಗಡೆಯಾಗುತ್ತಿದ್ದ ಈ ಜಂಪ್‌ಸೂಟ್‌ಗಳು ಇದೀಗ ಎಲ್ಲಾ ಸೀಸನ್‌ಗೂ ಮ್ಯಾಚ್‌ ಆಗುವಂತಹ ಡಿಸೈನ್‌ನಲ್ಲಿ ಬಿಡುಗಡೆಗೊಳ್ಳುತ್ತಿವೆ. ಅದರಲ್ಲೂ ಮಕ್ಕಳು ಹಾಗೂ ಯುವತಿಯರ ಅಭಿರುಚಿಗೆ ಹೊಂದುವಂತಹ ಕಲರ್ಸ್ ಹಾಗೂ ಪ್ರಿಂಟ್ಸ್‌ನಲ್ಲಿ ಬರುತ್ತಿರುವುದು ಟ್ರೆಂಡಿಯಾಗಲು ಕಾರಣವಾಗುತ್ತಿದೆ” ಎಂದು ಹೇಳುತ್ತಾರೆ ವೆಸ್ಟರ್ನ್ ಔಟ್‌ಫಿಟ್ಸ್ ಸ್ಟೈಲಿಸ್ಟ್ ಗಾನ. ಅವರ ಪ್ರಕಾರ, ಇವು ಧರಿಸುವವರಿಗೆ ಯಂಗ್‌ ಲುಕ್‌ ನೀಡುತ್ತವಂತೆ.

ಟ್ರೆಂಡಿಯಾಗಿರುವ ಫ್ಲೋರಲ್‌ ಜಂಪ್‌ಸೂಟ್‌ಗಳಿವು

ಮೊದಲೆಲ್ಲಾ ಕೇವಲ ವಿದೇಶೀ ಹೂವುಗಳ ಪ್ರಿಂಟ್ಸ್‌ನಲ್ಲಿ ಲಭ್ಯವಿದ್ದ ಇವು ಇದೀಗ ದೇಸಿ ಹೂವುಗಳ ಪ್ರಿಂಟ್ಸ್‌ನಲ್ಲೂ ಕಾಣಬಹುದು. ಲಿಲ್ಲಿ, ಆರ್ಕಿಡ್‌, ಟುಲಿಪ್‌, ಸೇವಂತಿ, ಸನ್‌ಫ್ಲವರ್ಸ್ ಬಂಚ್‌, ರೋಸ್‌ ಗಾರ್ಡನ್‌, ಬಟನ್‌ ರೋಸ್‌, ಕಲರ್‌ಫುಲ್‌ ರೋಸ್‌ ಹೀಗೆ ನಾನಾ ಹೂವುಗಳ ಚಿಕ್ಕ ಹಾಗೂ ದೊಡ್ಡ ಫ್ಲೋರಲ್‌ ಪ್ರಿಂಟ್ಸ್ ಇದೀಗ ಚಾಲ್ತಿಯಲ್ಲಿವೆ.

ಇದನ್ನೂ ಓದಿ: Mini Coins Jewel Fashion: ಹುಡುಗಿಯರನ್ನು ಸೆಳೆಯುತ್ತಿರುವ ಮಿನಿ ಕಾಯಿನ್ಸ್ ನೆಕ್ಲೇಸ್‌

ಫ್ಲೋರಲ್‌ ಜಂಪ್‌ಸೂಟ್‌ ಪ್ರಿಯರಿಗೆ 7 ಟಿಪ್ಸ್

• ಈ ಶೈಲಿಯ ಜಂಪ್‌ಸೂಟ್‌ ಧರಿಸುವಾಗ ಆದಷ್ಟೂ ಸೀಸನ್‌ಗೆ ಹೊಂದುವ ಫ್ಯಾಬ್ರಿಕ್‌ನದ್ದನ್ನು ಆಯ್ಕೆ ಮಾಡಬಹುದು. ಇದರಿಂದ ಕಂಫರ್ಟಬಲ್‌ ಫೀಲ್‌ ಆಗುತ್ತದೆ.
• ಹೈ ಹೀಲ್ಸ್ ಈ ಔಟ್‌ಫಿಟ್‌ನ ಸೌಂದರ್ಯ ಹೆಚ್ಚಿಸುತ್ತದೆ.
• ಆಕ್ಸೆಸರೀಸ್‌ ಧರಿಸುವ ಅಗತ್ಯವಿಲ್ಲ.
• ಸ್ಲಿವ್‌ಲೆಸ್‌ ಹಾಗೂ ಸ್ಲೀವ್‌ ಡಿಸೈನ್‌ ಇರುವಂತವು ದೊರೆಯುತ್ತವೆ.
• ಜಿಪ್‌ ಹಾಗೂ ಬಟನ್‌ನ ಫ್ಲೋರಲ್‌ ಜಂಪ್‌ಸೂಟ್‌ಗಳಲ್ಲಿ ಜಿಪ್‌ನದ್ದು ಬೆಸ್ಟ್. ಇವನ್ನು ಇನ್ನರ್‌ ಫ್ಯಾಷನ್‌ವೇರ್‌ ಮೇಲೆ ಧರಿಸಬಹುದು.
• ಒಮ್ಮೆ ಧರಿಸಿದರೇ ಇದನ್ನು ಸುಲಭವಾಗಿ ಬಿಚ್ಚಲು ಸಾಧ್ಯವಿಲ್ಲ.
• ಆದಷ್ಟೂ ದೊಗಲೆಯಾದ್ದನ್ನು ಆವಾಯ್ಡ್ ಮಾಡಿ. ಸ್ಲಿಮ್‌ ಫಿಟ್‌ ಆಕರ್ಷಕವಾಗಿ ಕಾಣಿಸುತ್ತದೆ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

ತೂಕ ಇಳಿಕೆಗೆ ಯೋಗವನ್ನು (International Yoga Day 2024) ನೆಚ್ಚಿಕೊಳ್ಳಬಹುದೇ? ಖಂಡಿತಾ! ದೇಹದ ಚಯಾಪಚಯವನ್ನು ಹೆಚ್ಚಿಸುವ ಮೂಲಕ ದೇಹದ ತೂಕವನ್ನು ಇಳಿಸುವುದಕ್ಕೆ ಯೋಗ ನೆರವಾಗುತ್ತದೆ. ಜೊತೆಗೆ, ಸ್ನಾಯು- ಕೀಲುಗಳ ಸ್ವಾಸ್ಥ್ಯ ಹೆಚ್ಚಿಸಿ, ಆರೋಗ್ಯಕರ ಆಹಾರಾಭ್ಯಾಸ ರೂಢಿಸಿಕೊಳ್ಳುವುದಕ್ಕೆ ನೆರವಾಗುತ್ತದೆ.
ಯೋಗದ ಬೇರುಗಳು ಭಾರತದಲ್ಲಿ ಇರುವುದು ಹೌದಾದರೂ ಅದರ ರೆಂಬೆ-ಕೊಂಬೆಗಳು ಜಗತ್ತಿನೆಲ್ಲೆಡೆ ಹರಡಿವೆ. ಕೆಲವರು ಆಧ್ಯಾತ್ಮದ ವಿಕಾಸಕ್ಕೆ, ಹಲವರು ಮಾನಸಿಕ ಸ್ವಾಸ್ಥ್ಯಕ್ಕೆ, ಬಹಳಷ್ಟು ಮಂದಿ ವ್ಯಾಯಾಮದಂತೆ ಇದನ್ನು ಅಳವಡಿಸಿಕೊಂಡಿದ್ದಾರೆ. ಇರಲಿ, ಎಲ್ಲ ಅವರವರ ಭಕುತಿಗೆ ಬಿಟ್ಟಿದ್ದು. ಆದರೆ ತೂಕ ಇಳಿಸುವ ಉದ್ದೇಶವಿದ್ದರೆ, ಅದು ಯೋಗದಿಂದ ಸಾಧ್ಯವೇ? ಹೌದಾದರೆ, ಅದಕ್ಕೆ ಸೂಕ್ತವಾದಂಥ ಆಸನಗಳು ಯಾವುವು? ಮುಂತಾದ ಹಲವು ಪ್ರಶ್ನೆಗಳಿಗೆ ಇಲ್ಲಿದೆ ಉತ್ತರ. ಆಸನಗಳು, ಉಸಿರಾಟ, ಧ್ಯಾನ ಮುಂತಾದ ಹಲವು ಅಂಗಗಳನ್ನು ಏಕತ್ರಗೊಳಿಸಿಕೊಂಡು ಮುನ್ನಡೆಯುವ ಪದ್ಧತಿ ಯೋಗದಲ್ಲಿದೆ. ಹಾಗಾಗಿ ದೇಹ ಮತ್ತು ಮನಸ್ಸುಗಳೆರಡರ ಆರೋಗ್ಯ ಸುಧಾರಣೆಗೆ ಇದನ್ನು ಬಳಸಬಹುದು. ಇದೇ ಹಿನ್ನೆಲೆಯಲ್ಲಿ, ತೂಕ ಇಳಿಕೆಗೂ ಯೋಗವನ್ನು ನೆಚ್ಚಿಕೊಳ್ಳಬಹುದೇ? ಖಂಡಿತಾ! ದೇಹದ ಚಯಾಪಚಯವನ್ನು ಹೆಚ್ಚಿಸುವ ಮೂಲಕ ದೇಹದ ತೂಕವನ್ನು ಇಳಿಸುವುದಕ್ಕೆ ಯೋಗ ನೆರವಾಗುತ್ತದೆ. ಜೊತೆಗೆ, ಸ್ನಾಯುಗಳು ಸಡಿಲ ಆಗದಂತೆ ಕಾಪಾಡಿ, ಕೀಲುಗಳ ಸ್ವಾಸ್ಥ್ಯ ಹೆಚ್ಚಿಸಿ, ಆರೋಗ್ಯಕರ ಆಹಾರಾಭ್ಯಾಸ ರೂಢಿಸಿಕೊಳ್ಳುವುದಕ್ಕೆ ನೆರವಾಗುತ್ತದೆ. ಇವೆಲ್ಲವೂ ತೂಕ ಇಳಿಕೆಗೆ ಅತ್ಯಂತ ಪೂರಕವಾದ ಅಂಶಗಳು. ಅಂಥ ಕೆಲವು ಆಸನಗಳು ಇಲ್ಲಿವೆ

ಸೂರ್ಯ ನಮಸ್ಕಾರ

ಹಲವು ಆಸನಗಳ ಸರಣಿಯನ್ನು ಇಲ್ಲಿ ಅಭ್ಯಾಸ ಮಾಡಬೇಕಾಗುತ್ತದೆ. ಆ ಎಲ್ಲಾ ಆಸನಗಳು ದೇಹದ ಹಲವಾರು ಸ್ನಾಯು, ಕೀಲುಗಳನ್ನು ಬಳಸಿಕೊಳ್ಳುತ್ತವೆ. ಈ ಮೂಲಕ ಇಡೀ ದೇಹವನ್ನು ಹಿಗ್ಗಿಸಿ, ಬಗ್ಗಿಸಿ, ತಗ್ಗಿಸಿ, ಮಟ್ಟಸವಾಗಿ ಮಾಡುವ, ಬಲಗೊಳಿಸುವ ಸಾಧ್ಯತೆ ಸೂರ್ಯ ನಮಸ್ಕಾರಕ್ಕಿದೆ. ಜೊತೆಗೆ ಇಡೀ ದೇಹದ ರಕ್ತ ಪರಿಚಲನೆಯನ್ನು ಸುಧಾರಿಸಿ, ಚಯಾಪಚಯವನ್ನು ಹೆಚ್ಚಿಸುತ್ತದೆ. ದಿನಕ್ಕೆ 10-15 ಸೂರ್ಯ ನಮಸ್ಕಾರಗಳು ಪರಿಣಾಮಕಾರಿ ಎನಿಸುತ್ತವೆ.

ವೀರಭದ್ರಾಸನ

ಈ ಆಸನವನ್ನು ಒಂದಕ್ಕಿಂತ ಹೆಚ್ಚಿನ ಕ್ರಮದಲ್ಲಿ ಅಭ್ಯಾಸ ಮಾಡಲಾಗುತ್ತದೆ. ಈ ಎಲ್ಲಾ ಆಸನಗಳು ಕಾಲು, ತೋಳು ಮತ್ತು ಹೊಟ್ಟೆ, ಬೆನ್ನಿನ ಸ್ನಾಯುಗಳನ್ನು ಬಲಗೊಳಿಸುವಂಥವು. ನಿಯಮಿತವಾಗಿ ಈ ಆಸನ ಅಭ್ಯಾಸ ಮಾಡುವುದರಿಂದ ಬಹಳಷ್ಟು ಕ್ಯಾಲರಿಗಳನ್ನು ಕರಗಿಸಿ, ದೇಹದ ಅದಷ್ಟೂ ಭಾಗಗಳ ಕೊಬ್ಬು ಇಳಿಸಬಹುದು.

ಉತ್ಕಟಾಸನ

ನೋಡುವುದಕ್ಕೆ ಸರಳವಾಗಿ ಕಂಡರೂ, ಅಷ್ಟೇನೂ ಸರಳವಲ್ಲ ಈ ಆಸನ. ತೊಡೆ, ಪೃಷ್ಠ, ಹೊಟ್ಟೆ, ಬೆನ್ನುಗಳ ಸ್ನಾಯುಗಳನ್ನು ಹುರಿಗಟ್ಟಿಸುವುದು ಇದರಿಂದ ಸಾಧ್ಯ. ಯಾವುದೇ ಕುರ್ಚಿ ಇಲ್ಲದೆಯೂ ಕುರ್ಚಿಯ ಮೇಲೆ ಕುಳಿತಂತೆ ಕಾಣುತ್ತದೆ ಈ ಆಸನದಲ್ಲಿ. ಮೊದಲಿಗೆ ಹತ್ತಿಪ್ಪತ್ತು ಸೆಕೆಂಡುಗಳಷ್ಟೇ ಹೀಗೆ ದೇಹವನ್ನು ಹಿಡಿಯಲು ಸಾಧ್ಯವಾಗಬಹುದು. ಕ್ರಮೇಣ ನಿಮಿಷದವರೆಗೆ ಇದನ್ನು ಹೆಚ್ಚಿಸಿಕೊಳ್ಳಬಹುದು. ಇದರಿಂದ ಅಧಿಕ ಪ್ರಮಾಣದಲ್ಲಿ ಶಕ್ತಿ ವ್ಯಯವಾಗುತ್ತದೆ.

ಫಲಕಾಸನ

ಇದನ್ನು ಫ್ಲಾಂಕ್‌ ಪೋಸ್‌ ಎಂದೇ ಹೇಳಲಾಗುತ್ತದೆ. ಇಡೀ ಶರೀರಕ್ಕೆ ಆಗುವಂಥ ವ್ಯಾಯಾಮವಿದು. ಇದರಿಂದ ಕಾಲು, ಕೈ, ಹೊಟ್ಟೆ, ಬೆನ್ನು, ಪೃಷ್ಠದ ಭಾಗವನ್ನು ಬಲಗೊಳಿಸಬಹುದು. ನೆಲಕ್ಕೆ ಸಮಾನಾಂತರವಾಗಿ ದೇಹವನ್ನು ಕೈ-ಕಾಲುಗಳ ಮೇಲೆ ನಿಲ್ಲಿಸುವಂಥ ಆಸನವಿದು. ಮೊದಲಿಗೆ 30 ಸೆಕೆಂಡ್‌ ಹಿಡಿಯುವುದೂ ಕಠಿಣ ಎನಿಸಬಹುದು. ನಿಯಮಿತವಾಗಿ ಅಭ್ಯಾಸ ಮಾಡಿದರೆ, ಎರಡು ನಿಮಿಷಗಳವರೆಗೆ ಈ ಆಸನದಲ್ಲಿ ಇರುವುದನ್ನು ಕ್ರಮೇಣ ಸಾಧ್ಯವಾಗಿಸಿಕೊಳ್ಳಬಹುದು.

ಪಶ್ಚಿಮೋತ್ತಾಸನ

ಕುಳಿತು ಮುಂಬಾಗಿ ಪಾದ ಮುಟ್ಟುವ ಆಸನವಿದು. ಇದೂ ಸಹ ರಕ್ತ ಪರಿಚಲನೆಯನ್ನು ವೃದ್ಧಿಸಿ, ಹೃದಯದ ಆರೋಗ್ಯ ಸುಧಾರಿಸುತ್ತದೆ. ದೇಹ ಬಿಗಿಯಾಗಿದ್ದರೆ ಈ ಆಸನಗಳು ಕಷ್ಟ ಎನ್ನುವುದು ಹೌದಾದರೂ, ಇವುಗಳನ್ನು ಅಭ್ಯಾಸ ಮಾಡುತ್ತಲೇ ಕ್ರಮೇಣ ದೇಹ ಸಡಿಲವಾಗುತ್ತದೆ. ಶಕ್ತಿ ಕರಗಿಸುವುದೇ ಅಲ್ಲದೆ ಶರೀರದ ರೋಗನಿರೋಧಕ ಶಕ್ತಿಯನ್ನೂ ಇದು ಹೆಚ್ಚಿಸುತ್ತದೆ. ಕಾಲು ಚಾಚಿ ಕುಳಿತು, ನಿಧಾನಕ್ಕೆ ಮುಂದೆ ಬಾಗಬೇಕು, ಕುತ್ತಿಗೆಯಿಂದಲ್ಲ, ಕಟಿಯ ಭಾಗದಿಂದ ಮುಂಬಾಗುವುದು ಸರಿಯಾದ ರೀತಿ. ಬಾಗುತ್ತಾ ಕೈಯಿಂದ ಪಾದಗಳನ್ನು ಹಿಡಿಯುವಷ್ಟು ಬಾಗುವುದು ಜೊತೆಗೆ ಕಿಬ್ಬೊಟ್ಟೆಯನ್ನು ತೊಡೆಗಳಿಗೆ ತಾಗಿಸುವುದು ಇದರ ಕ್ರಮ.

ಇದನ್ನೂ ಓದಿ: International Yoga Day 2024: ಯೋಗಾಭ್ಯಾಸಕ್ಕೆ ಪುರುಷರ ಉಡುಗೆಗಳು ಹೀಗಿರಬೇಕು

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮೆನ್ಸ್ ಯೋಗ ಔಟ್‌ಫಿಟ್ಸ್‌ನಲ್ಲಿ (International Yoga Day 2024) ಸಿಂಪಲ್‌ ಹಾಗೂ ಆರಾಮದಾಯಕ ಎಂದೆನಿಸುವ ಔಟ್‌ಫಿಟ್ಸ್‌ಗಳು ಮಾತ್ರ ಈ ಸೀಸನ್‌ನಲ್ಲಿ ಬೇಡಿಕೆ ಸೃಷ್ಟಿಸಿಕೊಂಡಿವೆ. ಹೌದು. ಪುರುಷರು ಧರಿಸುವ ಯೋಗಾಭ್ಯಾಸದ ಔಟ್‌ಫಿಟ್ಸ್‌ಗಳು ಯುವತಿಯರ ಯೋಗ ಸೆಟ್‌ ಫ್ಯಾಷನ್‌ವೇರ್‌ಗಳಂತೆ ಟ್ರೆಂಡಿಯೂ ಆಗಿಲ್ಲ! ಫ್ಯಾಷೆನಬಲ್‌ ಕೂಡ ಇಲ್ಲ! ಬದಲಿಗೆ ನಾನಾ ಸಂದರ್ಭಗಳಿಗೆ ಧರಿಸಬಹುದಾಗಿದೆ.

ಆರಾಮದಾಯಕ ಉಡುಪುಗಳಿಗೆ ಪ್ರಾಮುಖ್ಯತೆ

“ಸಿಂಪಲ್‌ ಶಾರ್ಟ್ಸ್ ಕುರ್ತಾ-ಕಾಟನ್‌ ಪ್ಯಾಂಟ್‌ ಹೊರತುಪಡಿಸಿದಲ್ಲಿ, ಪುರುಷರಿಗೆ ನೋಡಲು ಸಿಂಪಲ್‌ ಲುಕ್‌ ನೀಡುವುದರೊಂದಿಗೆ ಕಂಫರ್ಟಬಲ್‌ ಫೀಲ್‌ ನೀಡುವಂತಹ ಕೆಲವು ವೆಸ್ಟರ್ನ್‌ ಔಟ್‌ಫಿಟ್‌ಗಳು ಯೋಗಾಭ್ಯಾಸದ ಪ್ರಾಕ್ಟೀಸ್‌ಗೆ ಸಾಥ್‌ ನೀಡುತ್ತಿವೆ. ಪುರುಷರು ಮೊದಲು ಪ್ರಾಮುಖ್ಯತೆ ನೀಡುವುದು ಆರಾಮದಾಯಕ ಉಡುಗೆಗಳಿಗೆ ಮಾತ್ರ. ಅದು ಯಾವುದೇ ದೊಡ್ಡ ಬ್ರಾಂಡ್‌ನದ್ದಾದರೂ ಸರಿಯೇ ಸಿಂಪಲ್‌ & ಕಂಫರ್ಟಬಲ್‌ ಎಂದೆನಿಸುವಂತಹ ಔಟ್‌ಫಿಟ್‌ಗಳು ಆಯ್ಕೆ ಅವರದ್ದಾಗಿರುತ್ತದೆ” ಎನ್ನುತ್ತಾರೆ ಮೆನ್ಸ್ ಸ್ಟೈಲಿಸ್ಟ್‌ಗಳು.

ಜಾಗರ್ಸ್ ಆಯ್ಕೆ

ಬಹುತೇಕ ಪುರುಷರು ತಮ್ಮ ಯೋಗಾಭ್ಯಾಸಕ್ಕೆ ಅತಿ ಸಾಮಾನ್ಯವಾಗಿ ಧರಿಸುವ ಜಾಗರ್ಸ್ ಸೆಟ್‌ಗಳನ್ನು ಧರಿಸುವುದು ಸಾಮಾನ್ಯವಾಗಿದೆ. ಇದಕ್ಕೆ ಪ್ರಮುಖ ಕಾರಣ, ಧರಿಸಿದಾಗ ಇವು ಆರಾಮದಾಯಕ ಎನಿಸುತ್ತವೆ. ಜೊತೆಗೆ ಬ್ರಿಥಬಲ್‌ ಫ್ಯಾಬ್ರಿಕ್‌ನಿಂದ ಇವು ಸಿದ್ಧಗೊಂಡಿರುವುದರಿಂದ ದೇಹವನ್ನು ಉಸಿರುಗಟ್ಟಿಸುವುದಿಲ್ಲ. ಹಾಗಾಗಿ ಅತಿ ಹೆಚ್ಚು ಪುರುಷರು ಇವನ್ನೇ ಚೂಸ್‌ ಮಾಡತೊಡಗಿದ್ದಾರೆ.

ಹುಡುಗರ ಆಯ್ಕೆಯಲ್ಲಿ ಬರ್ಮುಡಾ ಶಾರ್ಟ್ಸ್

ಇನ್ನು, ಕಾಲೇಜು ಯುವಕರು ಹಾಗೂ ಈ ಜನರೇಷನ್‌ನವರು ಯೋಗಾಭ್ಯಾಸಕ್ಕಾಗಿ ಆಯ್ಕೆ ಮಾಡಿಕೊಂಡಿರುವ ಔಟ್‌ಫಿಟ್‌ಗಳಲ್ಲಿ ಬರ್ಮುಡಾ ಶಾರ್ಟ್ಸ್ ಪ್ರಥಮ ಸ್ಥಾನ ಪಡೆದಿದೆ. ಇವು ಕಂಫರ್ಟಬಲ್‌ ಫೀಲ್‌ ನೀಡುವುದರೊಂದಿಗೆ ತಮ್ಮ ಜನರೇಷನ್‌ಗೆ ಮ್ಯಾಚ್‌ ಆಗುತ್ತವೆ ಎಂಬುದು ಅವರ ಯೋಚನೆಯಾಗಿದೆ ಎನ್ನುತ್ತಾರೆ ಯೋಗ ಎಕ್ಸ್‌ಫರ್ಟ್‌ ರಾಜ್‌ ವಿರಾಜ್‌. ಅವರ ಪ್ರಕಾರ, ಅವರವರ ವಯಸ್ಸಿಗೆ ತಕ್ಕಂತೆ ಇವುಗಳ ಆಯ್ಕೆಯಲ್ಲಿ ಬದಲಾವಣೆ ಕಾಣಬಹುದಂತೆ.

ಸ್ವೆಟ್‌ ಪ್ಯಾಂಟ್ಸ್–ಟೀ ಶರ್ಟ್ಸ್

ಸ್ವೆಟ್‌ ಪ್ಯಾಂಟ್ಸ್ ಹಾಗೂ ಕೊಂಚ ಲೂಸಾಗಿರುವ ಕಾಲರ್‌ ಇಲ್ಲದ ಟೀ ಶರ್ಟ್‌ಗಳನ್ನು ಕೂಡ ಅತಿ ಹೆಚ್ಚು ಪುರುಷರು ಯೋಗಾಭ್ಯಾಸಕ್ಕಾಗಿ ಧರಿಸುತ್ತಾರಂತೆ. ಇದಕ್ಕೆ ಕಾರಣವೂ ಇದೆ. ಈ ಔಟ್‌ಫಿಟ್‌ ಯೋಗ ಮಾತ್ರವಲ್ಲದೇ, ಇತರೇ ಸಮಯದಲ್ಲೂ ಧರಿಸಬಹುದು. ಟು ಇನ್‌ ವನ್‌ ಔಟ್‌ಫಿಟ್‌ಗಳಂತೆ ಬಳಬಹುದು ಹಾಗೂ ಮಿಕ್ಸ್‌ ಮ್ಯಾಚ್‌ ಕೂಡ ಮಾಡಬಹುದು. ಹಾಗಾಗಿ ಇವುಗಳ ಬಳಕೆ ಕೂಡ ಹೆಚ್ಚು ಎನ್ನುತ್ತಾರೆ ಸ್ಟೈಲಿಸ್ಟ್ ಧವನ್‌.

ಇದನ್ನೂ ಓದಿ: Yoga Fashion: ಯೋಗ ಕೋ-ಆರ್ಡ್ ಸೆಟ್‌ಗೆ ಸಿಕ್ತು ಗ್ಲಾಮರ್‌ ಟಚ್‌!

ಮೆನ್ಸ್ ಯೋಗ ಔಟ್‌ಫಿಟ್ಸ್ ಟಿಪ್ಸ್

• ಟೈಟ್‌ ಫಿಟ್‌ ಔಟ್‌ಫಿಟ್ಸ್ ಧರಿಸುವುದು ನಾಟ್‌ ಓಕೆ.
• ಫ್ಯಾಷನ್‌ಗಿಂತ ಕಂಫರ್ಟಬಲ್‌ ಆಗಿರುವುದು ಮುಖ್ಯ.
• ಈ ಔಟ್‌ಫಿಟ್‌ ಜೊತೆ ಆಕ್ಸೆಸರೀಸ್‌ ಧರಿಸಕೂಡದು.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

ಕ್ಯಾಲ್ಸಿಯಂ, ಪ್ರೊಟೀನ್, ವಿಟಮಿನ್ ಬಿ2, (Health Tips Kannada) ವಿಟಮಿನ್ ಬಿ12, ಪೊಟ್ಯಾಸಿಯಮ್ ಮತ್ತು ಮೆಗ್ನೀಸಿಯಮ್‌ಗಳು ಹೇರಳವಾಗಿರುವ ಮೊಸರನ್ನು (curd) ಊಟದ ಅನಂತರ (After Meal ) ಸೇವಿಸುವುದರಿಂದ ಸಾಕಷ್ಟು (Health Benefits) ಪ್ರಯೋಜನಗಳಿವೆ. ಮೊಸರು ಸೇವನೆಯು ಜೀರ್ಣಕ್ರಿಯೆಗೆ (digestion) ಸಹಾಯ ಮಾಡುತ್ತದೆ, ಕರುಳಿನ ಆರೋಗ್ಯವನ್ನು (gut health) ಹೆಚ್ಚಿಸುತ್ತದೆ, ರೋಗನಿರೋಧಕ ಶಕ್ತಿಯನ್ನು ಬಲಪಡಿಸುತ್ತದೆ.

ಅನೇಕ ಆರೋಗ್ಯ ಪ್ರಯೋಜನಗಳನ್ನು ಒದಗಿಸುವ ಮೊಸರು ದೇಹವನ್ನು ತಂಪಾಗಿಸುವ ಪರಿಣಾಮವನ್ನು ಹೊಂದಿದೆ. ದೇಹದ ಪೋಷಣೆ ಮಾಡುವುದರ ಜೊತೆಗೆ ಮನಸ್ಸನ್ನು ಶಾಂತಗೊಳಿಸುತ್ತದೆ. ಲ್ಯಾಕ್ಟಿಕ್ ಆಸಿಡ್ ಬ್ಯಾಕ್ಟೀರಿಯಾವನ್ನು ಸೇರಿಸುವ ಮೂಲಕ ಹುದುಗಿಸಿದ ಹಾಲಿನಲ್ಲಿ ಮೊಸರನ್ನು ತಯಾರಿಸಲಾಗುತ್ತದೆ. ಇದು ಮೂಳೆಯ ಆರೋಗ್ಯ ಮತ್ತು ತೂಕವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ.

ಆರೋಗ್ಯ ಪ್ರಯೋಜನಗಳನ್ನು ಉತ್ತೇಜಿಸಲು ದಿನಕ್ಕೆ 100- 200 ಗ್ರಾಂ ಮೊಸರನ್ನು ಮಾತ್ರ ಸೇವಿಸಬೇಕು. ಆದರೂ ಅತಿಯಾಗಿ ಮೊಸರು ತಿನ್ನುವುದು ಜೀರ್ಣಕ್ರಿಯೆಯಲ್ಲಿ ಅಸ್ವಸ್ಥತೆ, ತೂಕ ಹೆಚ್ಚಳ ಮತ್ತು ಲ್ಯಾಕ್ಟೋಸ್ ವೈಪರೀತ್ಯಕ್ಕೆ ಕಾರಣವಾಗುತ್ತದೆ.

ಮೊಸರು ಸೇವಿಸುವುದರಿಂದ ಆರೋಗ್ಯಕ್ಕೆ ಸಾಕಷ್ಟು ಲಾಭವಿದೆ. ಯಾಕೆಂದರೆ ಇದು ಪ್ರೋಬಯಾಟಿಕ್‌ಗಳ ಪೂರೈಕೆಗೆ ಸಹಾಯ ಮಾಡುತ್ತದೆ. ಕರುಳಿನ ಆರೋಗ್ಯವನ್ನು ಕಾಪಾಡುತ್ತದೆ. ಅದರಲ್ಲಿರುವ ಪೌಷ್ಟಿಕಾಂಶದ ಅಂಶ ಮತ್ತು ಪ್ರೋಬಯಾಟಿಕ್ ಗುಣಲಕ್ಷಣಗಳಿಂದಾಗಿ ಒಟ್ಟಾರೆ ಆರೋಗ್ಯಕ್ಕೆ ಇದು ತುಂಬಾ ಪ್ರಯೋಜನಕಾರಿಯಾಗಿದೆ.

ಮೊಸರನ್ನು ಊಟದ ನಂತರ ಸೇವಿಸಿದರೆ ಅದು ಶಕ್ತಿಯನ್ನು ಹೆಚ್ಚಿಸುವುದು. ಊಟದ ಅನಂತರ ಸೇವಿಸಿದರೆ ಜೀರ್ಣಕ್ರಿಯೆಯನ್ನು ವರ್ಧಿಸಲು ಸಹಾಯ ಮಾಡುತ್ತದೆ. ಆದರೆ ರಾತ್ರಿಯ ಅನಂತರ ಮೊಸರು ತೆಗೆದುಕೊಳ್ಳುವುದು ಒಳ್ಳೆಯದಲ್ಲ. ಯಾಕೆಂದರೆ ಅದು ನಿದ್ರೆಗೆ ಸಮಸ್ಯೆಯಾಗಬಹುದು ಮತ್ತು ಅಜೀರ್ಣಕ್ಕೆ ಕಾರಣವಾಗಬಹುದು.
ರಕ್ತದಲ್ಲಿನ ಸಕ್ಕರೆಯನ್ನು ನಿಯಂತ್ರಿಸುವುದರಿಂದ ಹಿಡಿದು ಹೃದಯದ ಆರೋಗ್ಯವನ್ನು ಉತ್ತೇಜಿಸುವ ಮೊಸರನ್ನು ಊಟದ ಬಳಿಕ ಸೇವಿಸುವುದರಿಂದ ಐದು ಪ್ರಮುಖ ಪ್ರಯೋಜನಗಳಿವೆ.

ಆರೋಗ್ಯಕರ ಜೀರ್ಣಕ್ರಿಯೆ

ಮೊಸರು ಆರೋಗ್ಯಕ್ಕೆ ಪ್ರಯೋಜನಕಾರಿಯಾಗಿದೆ. ಯಾಕೆಂದರೆ ಇದರಲ್ಲಿರುವ ವಿಟಮಿನ್, ಪ್ರೋಟೀನ್ ಮತ್ತು ಲ್ಯಾಕ್ಟೋಬಾಸಿಲಸ್ ಬ್ಯಾಕ್ಟೀರಿಯಾಗಳು ಸಮೃದ್ಧವಾಗಿವೆ.

ರೋಗನಿರೋಧಕ ಶಕ್ತಿ ಹೆಚ್ಚಳ

ಮೊಸರಿನಲ್ಲಿರುವ ಪ್ರೋಬಯಾಟಿಕ್ ಕರುಳನ್ನು ಆರೋಗ್ಯಕರವಾಗಿಡಲು ಸಹಾಯ ಮಾಡುತ್ತದೆ ಮತ್ತು ಅದರ ಸಕ್ರಿಯ ಬ್ಯಾಕ್ಟೀರಿಯಾ ಗುಣಲಕ್ಷಣಗಳು ಸೂಕ್ಷ್ಮಜೀವಿಗಳಿಂದ ಉಂಟಾಗುವ ಕಾಯಿಲೆಯ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ.

ಮಧುಮೇಹ ನಿಯಂತ್ರಣ

ಮೊಸರಿನಲ್ಲಿರುವ ಜೀರ್ಣವಾಗುವ ಪ್ರೋಟೀನ್‌ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಗ್ರೀಕ್ ಮೊಸರು ಹೃದ್ರೋಗದ ಅಪಾಯವನ್ನು ಕಾಪಾಡಿಕೊಳ್ಳಲು ಬಹಳ ಸಹಾಯಕವಾಗಿದೆ.

ತೂಕ ನಷ್ಟ

ಮೊಸರಿನಲ್ಲಿ ಕ್ಯಾಲ್ಸಿಯಂ ಸಮೃದ್ಧವಾಗಿದೆ. ಅದು ಕಾರ್ಟಿಸೋಲ್ ಅನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಮೊಸರಿನ ಸೇವನೆಯು ಕಾರ್ಟಿಸೋಲ್ ಉತ್ಪಾದನೆಯನ್ನು ಕಡಿಮೆ ಮಾಡುತ್ತದೆ. ಯಾಕೆಂದರೆ ಇದು ಅಸಮತೋಲಿತ ಜೀವನಶೈಲಿಯಿಂದ ಉತ್ತುಂಗಕ್ಕೇರುವ ಹಾರ್ಮೋನ್ ಆಗಿದ್ದು, ಸೊಂಟದ ರೇಖೆಯಲ್ಲಿ ಕೊಬ್ಬನ್ನು ಸಂಗ್ರಹಿಸಲು ಸಹಾಯ ಮಾಡುತ್ತದೆ.

ಹೃದಯದ ಆರೋಗ್ಯ

ದೈನಂದಿನ ದಿನಚರಿಯಲ್ಲಿ ಮೊಸರು ಸೇರಿಸುವುದರಿಂದ ಕೊಲೆಸ್ಟ್ರಾಲ್ ಮಟ್ಟವನ್ನು ಗಮನಾರ್ಹವಾಗಿ ಕಡಿಮೆ ಮಾಡಬಹುದು.

ರಕ್ತದೊತ್ತಡ ನಿಯಂತ್ರಣ

ದೇಹದಲ್ಲಿನ ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡುವುದರಿಂದ ರಕ್ತದೊತ್ತಡವನ್ನು ನಿಯಂತ್ರಿಸಿ ಹೃದಯವನ್ನು ಆರೋಗ್ಯಕರವಾಗಿಡಬಹುದು.

ಹಲ್ಲಿನ ಆರೋಗ್ಯ

ಮೊಸರು ಕ್ಯಾಲ್ಸಿಯಂ ಮತ್ತು ರಂಜಕದ ಮೂಲವಾಗಿದೆ. ಇದು ಹಲ್ಲುಗಳ ಎನಾಮೆಲ್‌ಗಳನ್ನು ಬಲಪಡಿಸಲು ಸಹಾಯ ಮಾಡುತ್ತದೆ ಮತ್ತು ಹಲ್ಲಿನ ಕೊಳೆತವನ್ನು ತಡೆಯುತ್ತದೆ. ದೈನಂದಿನ ಆಹಾರದಲ್ಲಿ ಮೊಸರನ್ನು ಸೇರಿಸುವುದರಿಂದ ಬಾಯಿಯ ನೈರ್ಮಲ್ಯವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ ಮತ್ತು ಹಲ್ಲಿನ ಸಮಸ್ಯೆಗಳ ಅಪಾಯವನ್ನು ಕಡಿಮೆ ಮಾಡುತ್ತದೆ.

ಇದನ್ನೂ ಓದಿ: Mobile Addiction: ನಿಮ್ಮ ಮಗುವನ್ನು ಮೊಬೈಲ್ ಚಟದಿಂದ ತಪ್ಪಿಸಬೇಕೆ? ಈ 5 ಸಲಹೆ ಅನುಸರಿಸಿ

ಊಟದ ಅನಂತರ ಮೊಸರು ಯಾಕೆ ಸೇವಿಸಬೇಕು?

ಮೊಸರನ್ನು ಯಾವಾಗಲೂ ಊಟದ ಅನಂತರ ಸೇವಿಸಿದರೆ ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿಯಾಗಿದೆ. ಯಾಕೆಂದರೆ ಇದು ಕರುಳಿನ ಆರೋಗ್ಯವನ್ನು ಉತ್ತೇಜಿಸಲು ಸಹಾಯ ಮಾಡುತ್ತದೆ ಮತ್ತು ಜೀರ್ಣಕ್ರಿಯೆಯನ್ನು ಸುಧಾರಿಸುವುದು. ಅದರಲ್ಲಿ ಪ್ರೋಬಯಾಟಿಕ್ ಅಂಶ ದೇಹದಲ್ಲಿ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ.
ಮೊಸರು ಶೀತವನ್ನು ಉಂಟು ಮಾಡುತ್ತದೆ. ಹೀಗಾಗಿ ಇದನ್ನು ಬೆಚ್ಚಗಿನ ವಾತಾವರಣದಲ್ಲಿ ದೇಹವನ್ನು ತಂಪಾಗಿರಿಸಲು ಸೇವಿಸುವುದು ಉತ್ತಮ. ಯಾವುದೇ ರೀತಿಯ ಡೈರಿ ಉತ್ಪನ್ನದ ಅಲರ್ಜಿ ಇದ್ದರೆ ಮೊಸರು ತಿನ್ನಬಾರದು ಅಥವಾ ತಿನ್ನುವ ಮೊದಲು ವೈದ್ಯರನ್ನು ಸಂಪರ್ಕಿಸಿ.