ವಿಶೇಷ ಸಂದರ್ಶನ: ಶೀಲಾ ಸಿ. ಶೆಟ್ಟಿ
ಫ್ಯಾಷನ್‌ಗೂ ಅಪರ್ಣಾಗೂ ಏನು ಸಂಬಂಧ ಎಂದು ಯೋಚಿಸುತ್ತಿದ್ದೀರಾ! ಸಾಕಷ್ಟು ಜನರಿಗೆ ತಿಳಿದಿರಲಿಕ್ಕಿಲ್ಲ, ಅಪರ್ಣಾ ಅವರು ಕೇವಲ ಸಾಹಿತ್ಯ ಹಾಗೂ ಕನ್ನಡ ಭಾಷೆಯ ಕಾರ್ಯಕ್ರಮಗಳಿಗೆ ಮಾತ್ರ ಸೀಮಿತವಾಗಿರಲಿಲ್ಲ! ಬದಲಿಗೆ ಮಿಸೆಸ್‌ ಇಂಡಿಯಾ ಕರ್ನಾಟಕದಂತಹ ಬ್ಯೂಟಿ ಪೇಜೆಂಟ್‌ಗೂ ಕಂಪ್ಲೀಟ್‌ ಅಚ್ಚ ಕನ್ನಡದಲ್ಲಿ ನಿರೂಪಣೆ ಮಾಡಿ, ಫ್ಯಾಷನ್‌ ಲೋಕದಲ್ಲೂ ಕಂಪ್ಲೀಟ್‌ ಕನ್ನಡ ಬಳಸಬಹುದು ಎಂಬ ಹೊಸ ಟ್ರೆಂಡ್‌ ಹುಟ್ಟುಹಾಕಿದ್ದರು.
ಹೌದು, ಫ್ಯಾಷನ್‌ ಲೋಕದಲ್ಲೂ ಅಪರ್ಣಾ ಅವರ ಈ ಕನ್ನಡ ಕಂಪು ಹರಡಿದ್ದ ಅಪರ್ಣಾ ಅವರ ಕುರಿತಂತೆ ರಿಜಿನಲ್‌ ಡೈರೆಕ್ಟರ್‌ ಹಾಗೂ ಮಿಸೆಸ್‌ ಏಷಿಯಾ ಪೆಸಿಫಿಕ್‌ ಪ್ರತಿಭಾ ಸಂಶಿಮಠ್ ಖುದ್ದು ವಿಸ್ತಾರ ನ್ಯೂಸ್‌ನೊಂದಿಗೆ ಹಂಚಿಕೊಂಡಿದ್ದಾರೆ. ಪೇಜೆಂಟ್‌ನ ಆರಂಭಿಕ ವರ್ಷಗಳಲ್ಲಿ, ನಿರೂಪಣೆಯ ಜವಾಬ್ದಾರಿ ಹೊತ್ತು, ಕರ್ನಾಟಕದಲ್ಲೂ ಇಂಗ್ಲೀಷ್‌ ಮಯವಾಗಿರುವ ಫ್ಯಾಷನ್‌ ಲೋಕದಲ್ಲೂ, ಕನ್ನಡವನ್ನು ಬಳಸಿ ಅಂದವಾಗಿ ನಿರೂಪಣೆ ಮಾಡಬಹುದು ಎಂಬುದನ್ನು ಅಪರ್ಣಾ ತೋರಿಸಿಕೊಟ್ಟಿದ್ದರು ಎಂದಿದ್ದಾರೆ. ಪೇಜೆಂಟ್‌ ಸಮಯದಲ್ಲಿ ಅವರೊಂದಿಗಿನ ಒಡನಾಟದ ಅನುಭವದ ಒಂದಿಷ್ಟು ವಿಷಯಗಳನ್ನು ಹಾಗೂ ಒಂದಿಷ್ಟು ಅಪರೂಪದ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.

ವಿಸ್ತಾರ ನ್ಯೂಸ್‌

ಇಂಗ್ಲೀಷ್‌ಮಯವಾಗಿದ್ದ ಫ್ಯಾಷನ್‌ ಲೋಕದಲ್ಲೂ ಕನ್ನಡದಲ್ಲಿ ನಿರೂಪಣೆ ಮಾಡಿ ಟ್ರೆಂಡ್‌ ಸೆಟ್‌ ಮಾಡಿದ್ದ ಅಪರ್ಣಾ ಅವರ ಬಗ್ಗೆ ಹೇಳಿ?

ಪ್ರತಿಭಾ ಸಂಶಿಮಠ್

ಖಂಡಿತ. ಬೆಂಗಳೂರಿನಲ್ಲಿ ನಡೆಯುವ ಬಹುತೇಕ ಫ್ಯಾಷನ್‌ ಶೋಗಳು ಪೇಜೆಂಟ್‌ಗಳು ಎಲ್ಲವೂ ಇಂಗ್ಲೀಷ್‌ಮಯವಾಗಿರುತ್ತಿದ್ದವು. ನಮ್ಮ ಪೇಜೆಂಟ್‌ ಸಾಕಷ್ಟು ಬಾರಿ ಕನ್ನಡವನ್ನು ಬಳಸುವುದರ ಮೂಲಕ ಟ್ರೆಂಡ್‌ ಹುಟ್ಟುಹಾಕಿದ್ದೆವು. ಇದಕ್ಕೆ ಪ್ರಮುಖವಾಗಿ ಸಹಕರಿಸಿದ್ದು ಅಪರ್ಣಾ. ಅವರ ಸುಂದರ ನಿರೂಪಣೆ ಟ್ರೆಂಡ್‌ ಹುಟ್ಟುಹಾಕಿತು.

ವಿಸ್ತಾರ ನ್ಯೂಸ್‌

ಅಪರ್ಣಾ ಅವರ ಕನ್ನಡದಲ್ಲಿನ ನಿರೂಪಣೆ ಫ್ಯಾಷನ್‌ ಲೋಕದಲ್ಲಿ ಟ್ರೆಂಡ್‌ ಸೆಟ್‌ ಮಾಡಿದ್ದಾದರೂ ಹೇಗೆ?

ಪ್ರತಿಭಾ ಸಂಶಿಮಠ್

ಅವರ ಶುದ್ಧ ಕನ್ನಡ ಭಾಷೆ ಹಾಗೂ ನಿರೂಪಣೆಯ ಶೈಲಿ, ಭಾಷೆ ಅರ್ಥವಾಗದಿದ್ದವರಿಗೂ ಮನ ಮುಟ್ಟುವಂತಹ ಭಾವನೆ ಹೊಂದಿದ ಪದಗಳು ಎಲ್ಲರನ್ನೂ ಆಕರ್ಷಿಸಿತ್ತು.

ವಿಸ್ತಾರ ನ್ಯೂಸ್‌

ಫ್ಯಾಷನ್‌ ಪೇಜೆಂಟ್‌ನಲ್ಲಿ ನಿರೂಪಣೆ ಮಾಡುವಾಗ ಅವರೊಂದಿಗೆ ಕಳೆದ ಕ್ಷಣಗಳು ಹೇಗಿದ್ದವು?

ಪ್ರತಿಭಾ ಸಂಶಿಮಠ್

ಅಪರ್ಣಾ ಅವರು ಕನ್ನಡ ಭಾಷೆಯ ಖಜಾನೆ. ಅವರಿಂದಲೇ ಸಾಕಷ್ಟು ನಾವು ಕಲಿತಿದ್ದಿದೆ. ಅಷ್ಟು ಮಾತ್ರವಲ್ಲದೇ, ಇಂಗ್ಲೀಷ್‌ ಕೂಡ ಅಷ್ಟೇ ಚೆನ್ನಾಗಿ ಬಲ್ಲವರಾಗಿದ್ದರು. ಅವರ ಭಾಷಾ ಪ್ರೇಮ, ಮುಂದೆಯೂ ನಾವು ರ‍್ಯಾಂಪ್‌ ಮೇಲೆ ಕನ್ನಡ ಬಳಕೆ ಮಾಡಲು ಪ್ರೋತ್ಸಾಹ ನೀಡಿತ್ತು.

ವಿಸ್ತಾರ ನ್ಯೂಸ್‌

ಸದಾ ಎಥ್ನಿಕ್‌ ಲುಕ್‌ನಲ್ಲಿ ಇರುತ್ತಿದ್ದ ಅಪರ್ಣಾ ಅವರು ಫ್ಯಾಷನ್‌ ಪೇಜೆಂಟ್‌ಗೆ ಹೊಂದಿಕೊಂಡದ್ದು ಹೇಗೆ?

ಪ್ರತಿಭಾ ಸಂಶಿಮಠ್

ಫ್ಯಾಷನ್‌ ಪೇಜೆಂಟ್‌ಗೆ ತಕ್ಕಂತೆ ಅವರು ಕೂಡ ಡಿಸೈನರ್‌ ಗೌನ್‌ ಡಿಸೈನ್‌ ಮಾಡಿಸಿ ಧರಿಸಿದ್ದರು. ಮಾಡೆಲ್‌ನಂತೆ ಕಾಣಿಸಿಕೊಂಡಿದ್ದರು.

ವಿಸ್ತಾರ ನ್ಯೂಸ್‌

ಫ್ಯಾಷನ್‌ ಜಗತ್ತಿನಲ್ಲಿ ಅಪರ್ಣಾ ಅವರು ಕನ್ನಡ ಬಳಸಿದ ನಂತರ ಆದ ಬದಲಾವಣೆಗಳೇನು?

ಇದನ್ನೂ ಓದಿ: Kim Kardashian Saree Fashion: ರೆಡಿ ರೆಡ್‌ ಸೀರೆಯಲ್ಲಿ ಸೆಕ್ಸಿಯಾಗಿ ಕಂಡ ಕಿಮ್‌ ಕಾರ್ಡಶಿಯಾನ್‌! ವಿಡಿಯೊ ನೋಡಿ

ಪ್ರತಿಭಾ ಸಂಶಿಮಠ್

ನಮ್ಮ ಪೇಜೆಂಟ್‌ನಲ್ಲಿ ಅಪರ್ಣಾ ಅವರು ಕನ್ನಡದಲ್ಲಿ ನಿರೂಪಣೆ ಮಾಡಿದ ನಂತರ, ಇತರೇ ಫ್ಯಾಷನ್‌ ಇವೆಂಟ್‌ಗಳಲ್ಲೂ ಕನ್ನಡ ಇಣುಕತೊಡಗಿತು. ಕನ್ನಡ ಭಾಷೆ ಬಗ್ಗೆ ಪ್ರೀತಿ ಹುಟ್ಟಿಕೊಂಡಿತು. ಇದೇ ಅವರು ಟ್ರೆಂಡ್‌ ಸೆಟ್‌ ಮಾಡಿದ್ದಕ್ಕೆ ಸಾಕ್ಷಿ ಎನ್ನಬಹುದು.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಸದಾ ಸೆಕ್ಸಿ ಇಮೇಜ್‌ನಿಂದ ಸೆಳೆಯುವ ಕಿಮ್‌ ಕಾರ್ಡಶಿಯಾನ್‌ (kim kardashian saree fashion) ಅಂಬಾನಿ ಫ್ಯಾಮಿಲಿಯ ಮದುವೆಯಲ್ಲಿ, ರೆಡಿ ರೆಡ್‌ ಸೀರೆಯುಟ್ಟು ಸಂಭ್ರಮಿಸಿದ್ದು, ಪ್ರಪಂಚದಾದ್ಯಂತ ಅವರಿಗಿರುವ ಕೋಟಿಗಟ್ಟಲೇ ಅಭಿಮಾನಿಗಳನ್ನು ಸೆಳೆದಿದೆ. ಅಂದಹಾಗೆ, ಕಿಮ್‌ ಕಾರ್ಡಶಿಯಾನ್‌ ಯಾರಿಗೆ ಗೊತ್ತಿಲ್ಲ! ಪ್ರಪಂಚದ ಸೆಕ್ಸಿ ಮಹಿಳೆಯರಲ್ಲಿ ಒಬ್ಬರು ಎಂದು ಖ್ಯಾತಿಗಳಿಸಿದ ಹಾಲಿವುಡ್‌ ನಟಿ ಹಾಗೂ ಇಂಟರ್‌ನ್ಯಾಷನಲ್‌ ಸೆಲೆಬ್ರೆಟಿ ಇವರು.

ನಟಿ, ಮಾಡೆಲ್‌ ಮಾತ್ರವಲ್ಲ, ಸಕ್ಸ್‌ಫುಲ್‌ ಬಿಸ್ನೆಸ್‌ ವುಮೆನ್‌ ಕೂಡ. ಅಂಬಾನಿ ಫ್ಯಾಮಿಲಿಯ ಅನಂತ್‌-ರಾಧಿಕಾ ಮರ್ಚೆಂಟ್‌ ವೆಡ್ಡಿಂಗ್‌ಗೆ ಸಹೋದರಿ ಖ್ಲೋ ಜೊತೆಗೆ ಆಗಮಿಸಿದ್ದ ಕಿಮ್‌, ಡಿಸೈನರ್‌ ಮನೀಶ್‌ ಮಲ್ಹೋತ್ರಾ ಡಿಸೈನರ್‌ವೇರ್‌ ಹಾಗೂ ಜ್ಯುವೆಲರಿಗಳನ್ನು ಧರಿಸಿ, ಸೀರೆಯಲ್ಲೂ ಸೆಕ್ಸಿಯಾಗಿ ಕಾಣಿಸಿಕೊಂಡರು.

View this post on Instagram

A post shared by Mamaraazzi (@mamaraazzi)

ಸೀರೆಯಲ್ಲೂ ಸೆಕ್ಸಿ ಲುಕ್‌

ಸದಾ ಎಕ್ಸ್ಪೋಸಿಂಗ್‌ ವೆಸ್ಟರ್ನ್‌ ಔಟ್‌ಫಿಟ್‌ಗಳಲ್ಲೆ ಕಾಣಿಸುವ ಕಿಮ್‌, ಅಂಬಾನಿ ಫ್ಯಾಮಿಲಿಯ ಮದುವೆಗಾಗಿ ರೆಡಿ ರೆಡ್‌ ಸೀರೆ ಧರಿಸಿದ್ದರು. ಗ್ಲಿಟ್ಟರ್‌ ರೆಡ್‌ ಸೀರೆಯನ್ನು ಉಟ್ಟಿದ್ದರು. ಆಫ್‌ ಶೋಲ್ಡರ್‌ ಡಿಸೈನ್‌ನ ಡಬ್ಬಲ್‌ ಸ್ಟ್ರಾಪ್‌ ಹೊಂದಿರುವ ವೈಡ್‌ ನೆಕ್‌ನ ಬಿಕಿನಿ ಶೈಲಿಯ ಟಾಸೆಲ್‌ ಬ್ಲೌಸ್‌ ಧರಿಸಿದ್ದರು. ಇನ್ನು, ಫ್ರೀ ವೆವ್ವಿ ಹೇರ್‌ಸ್ಟೈಲ್‌ಗೆ ಜರ್ಕೋನಿ ಮಾಂಗ್‌ಟೀಕಾ ಹಾಗೂ ಎರಡು ಲೇಯರ್‌ನ ನೆಕ್ಲೇಸ್‌, ಬ್ರೇಸ್‌ಲೆಟ್‌ ಧರಿಸಿ ನೋಡುಗರ ಮನಸೆಳೆದರು.

ಇವರ ಸಹೋದರಿ ಕೂಡ ಐವರಿ ಶೇಡ್‌ನ ಗ್ರ್ಯಾಂಡ್‌ ಡಿಸೈನರ್‌ ಸೀರೆ ಹಾಗೂ ಹೆವ್ವಿ ಲುಕ್‌ ನೀಡುವ ಮಾಂಗ್‌ಟೀಕಾ ಹಾಗೂ ಲೇಯರ್‌ ಜಿರ್ಕೋನ್‌ ಹಾರಗಳನ್ನು ಧರಿಸಿ, ಕೆಲವು ಕಾಲ ಇಂಡಿಯನ್‌ ಲುಕ್‌ನಲ್ಲಿ ಮಿಂಚಿದರು. ಸ್ಟೈಲಿಶ್‌ ಡಾನಿ ಸ್ಟೈಲಿಂಗ್‌ ಇಬ್ಬರನ್ನು ಅತ್ಯಾಕರ್ಷಕವಾಗಿ ಬಿಂಬಿಸಿತ್ತು.

ಡಿಸೈನರ್‌ ಮನೀಶ್‌ ಮಲ್ಹೋತ್ರಾ ಸಂತಸ

“ಕಿಮ್‌, ನಮ್ಮ ಇಂಡಿಯನ್‌ ಔಟ್‌ಫಿಟ್‌ ಧರಿಸಿದ್ದು, ಹೆಮ್ಮೆಯ ವಿಚಾರ. ಅಂತರಾಷ್ಟ್ರೀಯ ಮಟ್ಟದ ಸೆಲೆಬ್ರೆಟಿಗಳು ಈ ರೀತಿ ಭಾರತೀಯ ಉಡುಪುಗಳನ್ನು ಧರಿಸಿದಾಗ, ಇಲ್ಲಿನ ಡಿಸೈನ್‌ಗಳಿಗೆ ಹೆಚ್ಚು ಆದ್ಯತೆ ದೊರಕಿದಂತಾಗುತ್ತದೆ ” ಎಂದು ಮನೀಶ್‌ ಮಲ್ಹೋತ್ರಾ ಸಂತಸ ವ್ಯಕ್ತಪಡಿಸಿದ್ದಾರೆ.

View this post on Instagram

A post shared by ELLE Arabia (@elle_arabia)

ಅಲ್ಲದೇ, ಕಿಮ್‌ ಸಹೋದರಿಯರ ಮುಂಬರುವ ರಿಯಾಲಿಟಿ ಶೋನ ಸೀರೀಸ್‌ನಲ್ಲಿ, ಅಂಬಾನಿ ಫ್ಯಾಮಿಲಿಯ ಮದುವೆಯ ಝಲಕ್‌ಗಳು ಪ್ರಸಾರವಾಗುವ ಸಾಧ್ಯತೆಗಳಿದ್ದು, ಭಾರತೀಯ ಡಿಸೈನರ್‌ವೇರ್‌ಗಳು ಜಗತ್ತಿನಾದ್ಯಂತ ಕಾಣಿಸಿಕೊಳ್ಳಲಿವೆ. ಇದು ಪ್ರಶಂಸನೀಯ ಎನ್ನುತ್ತಾರೆ ಫ್ಯಾಷನ್‌ ಎಕ್ಸ್‌ಫರ್ಟ್ಸ್‌.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

ಇದನ್ನೂ ಓದಿ: Ambani Wedding Fashion: ಅನಂತ್ ಅಂಬಾನಿ ಶೆರ್ವಾನಿ ಬೆಲೆಯೇ 214 ಕೋಟಿ ರೂ! ಹೇಗಿತ್ತು ನೋಡಿ ಅಂಬಾನಿ ಜೋಡಿಯ ವೆಡ್ಡಿಂಗ್ ಫ್ಯಾಷನ್!

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ವಜ್ರ-ವೈಢೂರ್ಯದಲ್ಲೆ ಮಿಂದೆದ್ದಿರುವ ಅಂಬಾನಿ ಜೋಡಿ ಅನಂತ್‌-ರಾಧಿಕಾ ಮರ್ಚೆಂಟ್‌, ಇಂಡಿಯನ್‌ ವೆಡ್ಡಿಂಗ್‌ ಫ್ಯಾಷನ್‌ನಲ್ಲಿ (Ambani Wedding Fashion) ಹೊಸ ಭಾಷ್ಯ ಬರೆದಿದ್ದಾರೆ. ಹೌದು, ಜನರ ಕಣ್ಣು ಕುಕ್ಕುವಂತಹ ವಜ್ರ-ವೈಢೂರ್ಯ ಹಾಗೂ ಬಂಗಾರದಿಂದಲೇ ತಯಾರಾದ ಗ್ರ್ಯಾಂಡ್‌ ಡಿಸೈನರ್‌ವೇರ್ಸ್, ದುಬಾರಿ ಜ್ಯುವೆಲರಿಗಳನ್ನು ಧರಿಸಿ ಲಕ್ಷುರಿಯಾಗಿ ಮದುವೆಯಾದ ಅಂಬಾನಿ ಜೋಡಿ ಅನಂತ್‌-ರಾಧಿಕಾ ಮರ್ಚೆಂಟ್‌ , ಬಿಗ್‌ ಗ್ರ್ಯಾಂಡ್‌ ವೆಡ್ಡಿಂಗ್‌ ಫ್ಯಾಷನ್‌ನಲ್ಲಿ ತಮ್ಮದೇ ಆದ ಛಾಪು ಮೂಡಿಸಿದ್ದಾರೆ. ಹಾಗಾದಲ್ಲಿ, ಮದುವೆಯ ದಿನ ಅವರು ಧರಿಸಿದ್ದ ವಿಶೇಷವಾದ ಡಿಸೈನರ್‌ವೇರ್ಸ್ ಹಾಗೂ ಆಭರಣಗಳು ಹೇಗಿದ್ದವು?ಎಷ್ಟು ಕೋಟಿ ರೂ. ಬೆಲೆಬಾಳುತ್ತಿದ್ದವು. ಈ ಕುರಿತಂತೆ ಫ್ಯಾಷನ್‌ ವಿಮರ್ಶಕರು ಹೇಳುವುದೇನು? ಇಲ್ಲಿದೆ ವಿವರ.

ವಜ್ರ- ವೈಢೂರ್ಯ ಬಂಗಾರದಲ್ಲೆ ಮಿಂದೆದ್ದ ಜೋಡಿ

ಮದುವೆಯ ದಿನದಂದು ಅಡಿಯಿಂದ ಮುಡಿಯವರೆಗೂ ಕೋಟಿಗಟ್ಟಲೇ ಬೆಲೆ ಬಾಳುವ ವಜ್ರ ವೈಡೂರ್ಯಗಳಿಂದಲೇ ಅಲಂಕೃತಗೊಂಡಿದ್ದ ಅನಂತ್‌-ರಾಧಿಕಾ ಅಂಬಾನಿಯವರ ಸೆಲೆಬ್ರೇಷನ್‌, ವೆಡ್ಡಿಂಗ್‌ ಇಂಡಸ್ಟ್ರೀಯಲ್ಲಿ ಭಾರಿ ಸಂಚಲನ ಮೂಡಿಸಿರುವುದರೊಂದಿಗೆ ಬಿಗ್‌ ಫ್ಯಾಟ್‌ ವೆಡ್ಡಿಂಗ್‌ ಪ್ರಿಯರನ್ನು ಉತ್ತೇಜಿಸಿದೆ. ಡಿಸೈನಿಂಗ್‌ ಕ್ಷೇತ್ರದಲ್ಲಿ ಸಾಕಷ್ಟು ಮಂದಿಗೆ ಉದ್ಯೋಗ ಕಲ್ಪಿಸಿದೆ.

ಅನಂತ್‌ ಅಂಬಾನಿಯ 214 ಕೋಟಿ ರೂ. ಗಳ ಶೆರ್ವಾನಿ

ಅಬ್ಬಬ್ಬಾ., ಮದುವೆಯ ದಿನ ಅನಂತ್‌ ಅಂಬಾನಿ ಧರಿಸಿದ್ದ ವಜ್ರ ಹಾಗೂ ಬಂಗಾರ ಮಿಶ್ರಿತ ಡಿಸೈನ್‌ನ ಶೆರ್ವಾನಿ ಬೆಲೆ 214 ಕೋಟಿ ರೂ. ಗಳು. ಅದರೊಂದಿಗೆ ಧರಿಸಿದ್ದ, ಆನೆಯ ಆಕಾರದ ಬ್ರೋಚ್‌ 14 ಕೋಟಿ ರೂ. ಎಂದರೇ ನೀವು ನಂಬಲೇಬೇಕು. ದೇಸಿ ಕಲಾಕಾರರಿಂದ ಸಿದ್ಧಗೊಂಡ ಶೆರ್ವಾನಿಗೆ ಎಥ್ನಿಕ್‌ ಜೂತಿ ಧರಿಸುವ ಬದಲು, ಬಂಗಾರದ ಪಾಲಿಶ್‌ ಪ್ರಿಂಟ್ಸ್ ಇರುವಂತಹ ಕಸ್ಟಮೈಸ್ಡ್ ಸ್ಪೋರ್ಟ್ಸ್ ಶೂ ಧರಿಸಿದ್ದು, ಹೊಸ ಟ್ರೆಂಡ್‌ಗೆ ಗ್ರೀನ್‌ ಸಿಗ್ನಲ್‌ ನೀಡಿತು ಎನ್ನುತ್ತಾರೆ ಫ್ಯಾಷನ್‌ ವಿಮರ್ಶಕರಾದ ಜಾನ್‌.

ಮಹಾರಾಣಿಯಂತೆ ಬಿಂಬಿಸಿದ ರಾಧಿಕಾ ಮರ್ಚೆಂಟ್‌ ಬ್ರೈಡಲ್‌ ಲುಕ್‌

ಇನ್ನು, ಮದುವೆಯ ದಿನ ಗುಜರಾತಿ ಸಂಪ್ರದಾಯದಂತೆ ವಿಶೇಷ ಲೆಹೆಂಗಾ ಹಾಗೂ ಗಾಗ್ರದಲ್ಲಿ ಕಾಣಿಸಿಕೊಂಡ ರಾಧಿಕಾ ಧರಿಸಿದ್ದ, ಡಿಸೈನರ್‌ವೇರ್‌ಗಳು ಕೂಡ ಅಷ್ಟೇ, ಶುದ್ಧ ಬಂಗಾರ ಹಾಗೂ ವಜ್ರದಿಂದಲೇ ಸಿಂಗಾರಗೊಂಡಿದ್ದವು. ತವರು ಮನೆಯಿಂದ ಹೊರಡುವ ಲುಕ್‌, ರಾತ್ರಿ ಮಹೂರ್ತದ ಲುಕ್‌, ವಿದಾಯಿ ಲುಕ್‌ ಹೀಗೆ ನಾನಾ ಟ್ರೆಡಿಷನಲ್‌ ಲುಕ್‌ಗಳಲ್ಲಿ ರಾಧಿಕಾ ಧರೆಗಿಳಿದ ಅಪ್ಸರೆಯಂತೆ ಕಾಣಿಸಿಕೊಂಡರು. ಅಗ್ನಿಸಾಕ್ಷಿ ಸಂದರ್ಭದಲ್ಲಿ, ಡಿಸೈನರ್‌ ಅಬುಜಾನಿ ಸಂದೀಪ್‌ ಕೋಸ್ಲಾ ಅವರ ಡಿಸೈನ್‌ನ ವೈಟ್‌ ಹಾಗೂ ರೆಡ್‌ ಕಾಂಬಿನೇಷನ್‌ನ ಬಂಗಾರದ ವಿನ್ಯಾಸದ ಗಾಗ್ರದಲ್ಲಿ ಮಿನುಗಿದರು. ವಿಶೇಷವೆಂದರೇ, ಸಹೋದರಿಯ ನೂರಾರು ಕೋಟಿ. ರೂ ಬೆಲೆಬಾಳುವ ಜ್ಯುವೆಲರಿ ಸೆಟ್‌ ಧರಿಸಿ, ಸಸ್ಟೈನಬಲ್‌ ಜ್ಯುವೆಲರಿ ಫ್ಯಾಷನ್‌ಗೂ ಸೈ ಎಂದರು. ಅಂದಹಾಗೆ, ಈ ಅಂಬಾನಿ ಜೋಡಿಯ ಈ ಗ್ರ್ಯಾಂಡ್‌ ವೆಡ್ಡಿಂಗ್‌ ಫ್ಯಾಷನ್‌ ಭಾರತೀಯ ಸಂಸ್ಕೃತಿ ಎತ್ತಿ ಹಿಡಿಯುವ ಸಾಕಷ್ಟು ಡಿಸೈನರ್‌ಗಳಿಗೆ ವೇದಿಕೆಯನ್ನು ಸೃಷ್ಟಿಸಿತು ಎನ್ನಬಹುದು ಎನ್ನುತ್ತಾರೆ ಫ್ಯಾಷನ್‌ ವಿಶ್ಲೇಷಕರು.

Ambani wedding Fashion: ಇಂದ್ರಲೋಕವನ್ನೇ ಧರೆಗಿಳಿಸಿದ ಅಂಬಾನಿ ಫ್ಯಾಮಿಲಿ!ಇದನ್ನೂ ಓದಿ:

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಅಂಬಾನಿ ಫ್ಯಾಮಿಲಿಯ ವೆಡ್ಡಿಂಗ್‌ (Ambani wedding Fashion) ಸಂಭ್ರಮ ಮುಗಿಲು ಮುಟ್ಟಿದೆ. ಮದುಮಗ ಅನಂತ್‌ ಅಂಬಾನಿ – ರಾಧಿಕಾ ಮರ್ಚೆಂಟ್‌ ಮಾತ್ರವಲ್ಲ, ಕುಟುಂಬದವರೆಲ್ಲರೂ ಸೇರಿ ಕೆಲಕಾಲ ಇಡೀ ಇಂದ್ರ ಲೋಕವನ್ನೇ ಧರೆಗಿಳಿಸಿದ್ದಾರೆ. ಮದುವೆಯ ಹೆಸರಲ್ಲಿ ಟ್ರೆಡಿಷನಲ್‌ ಫ್ಯಾಷನ್‌ಗೆ ಪ್ರಾಮುಖ್ಯತೆ ನೀಡುವುದರೊಂದಿಗೆ ದೇಸಿ ಫ್ಯಾಷನ್‌ಗೆ ತಮ್ಮದೇ ಆದ ಕೊಡುಗೆ ನೀಡಿದ್ದಾರೆ.

ಅನಂತ್‌ ಅಂಬಾನಿ-ರಾಧಿಕಾ ಮರ್ಚೆಂಟ್‌ ಕಪಲ್‌ ಗೋಲ್ಸ್

ಪ್ರಿ-ವೆಡ್ಡಿಂಗ್‌ ಕಾರ್ಯಕ್ರಮಗಳ ಆರಂಭದಿಂದಲೂ ಅನಂತ್‌ ಅಂಬಾನಿ -ರಾಧಿಕಾ ಮರ್ಚೆಂಟ್‌ ಜೋಡಿಯ ಕಪಲ್‌ ಗೋಲ್ಸ್ ಫ್ಯಾಷನ್‌ವೇರ್‌ನಲ್ಲೂ ಕಂಡುಬಂದಿದೆ. ಅದರಲ್ಲೂ ಕುಟುಂಬದ ಅರಿಷಿಣ ಶಾಸ್ತ್ರ, ಸಂಗೀತ್‌, ಮೆಹೆಂದಿ, ಮಾತಾ ಕೀ ಚೌಕಿ, ಗೃಹ ಶಾಂತಿ ಪೂಜಾ ಸೇರಿದಂತೆ ಎಲ್ಲಾ ಕಾರ್ಯಕ್ರಮಗಳಲ್ಲೂ ಇವರಿಬ್ಬರ ಉಡುಗೆ ತೊಡುಗೆಗಳು ಒಂದಕ್ಕೊಂದು ಮ್ಯಾಚ್‌ ಆಗುವುದರೊಂದಿಗೆ ನೋಡುಗರ ಕಣ್ಮನ ಸೆಳೆದಿವೆ. ಸನ್‌ ಕಲರ್‌ನಿಂದಿಡಿದು, ಪಿಂಕ್‌ ಆರೆಂಜ್‌, ಬ್ಲ್ಯೂ ಪರ್ಪಲ್‌, ರೆಡ್‌ನಂತಹ ಶೇಡ್‌ಗಳ ಟ್ವಿನ್ನಿಂಗ್‌ ಹಾಗೂ ಕಾಂಟ್ರಸ್ಟ್ ಸ್ಟೈಲಿಂಗ್‌ ಜೊತೆಗೆ ಅವರ ಬಂಗಾರ ಮಿಶ್ರಿತ ಪ್ರತಿ ಎಥ್ನಿಕ್‌ ಫ್ಯಾಷನ್‌ವೇರ್‌ಗಳು ನೋಡುಗರ ಮನ ಮುಟ್ಟುತ್ತಿವೆ.

ನೀತಾ ಅಂಬಾನಿಯ ಹೆರಿಟೆಜ್‌ ಸೀರೆಗಳು

ಬನಾರಸಿ ರೇಷ್ಮೆ, ಕಾಂಚಿವರಂ ಸೇರಿದಂತೆ ದೇಸಿ ಹ್ಯಾಂಡ್‌ಲೂಮ್‌ನಿಂದ ಸಿದ್ಧಗೊಂಡ ಬಂಗಾರದ ದಾರದಿಂದಲೇ ನೇಯ್ದ ಸಿಲ್ಕ್‌ ಸೀರೆಗಳು ಸೀರೆಗಳು ನೀತಾ ಅಂಬಾನಿಯ ಸೌಂದರ್ಯವನ್ನು ಹೆಚ್ಚಿಸುತ್ತಿವೆ ಎಂದರೂ ಅತಿಶಯೋಕ್ತಿಯಾಗದು.

View this post on Instagram

A post shared by Tadka Bollywood (@tadka_bollywood_)

ಇಶಾ-ಶ್ಲೋಕ ಲೆಹೆಂಗಾ ಲವ್‌

ನೀತಾ ಅಂಬಾನಿಯ ಮಗಳು ಇಶಾ ಈ ವೆಡ್ಡಿಂಗ್‌ ಫ್ಯಾಷನ್‌ನಲ್ಲಿ ಧರಿಸಿದ್ದ ಒಂದೊಂದು ಲೆಹೆಂಗಾ ಕೂಡ ಒಂದೊಂದು ಕಥೆಯನ್ನೇ ಹೇಳಿವೆ. ಅಡಿಯಿಂದ ಮುಡಿಯವರೆಗೂ ಧರಿಸಿದ ವಜ್ರ-ವೈಢೂರ್ಯದ ಆಕ್ಸೆಸರೀಸ್‌ಗಳು ಫ್ಯಾಷನ್‌ ಲೋಕ ಮಾತ್ರವಲ್ಲ, ಜ್ಯುವೆಲರಿ ಲೋಕದಲ್ಲೂ ಸಂಚಲ ಮೂಡಿಸುವಲ್ಲಿ ಯಶಸ್ವಿಯಾಗಿವೆ. ಇನ್ನು, ಶ್ಲೋಕ ಅಂಬಾನಿ ಕೂಡ ಇದರಿಂದ ಹೊರತಾಗಿಲ್ಲ! ಇಲ್ಲಿ ಗಮನಿಸಬೇಕಾದ್ದು ಒಂದೇ ಒಬ್ಬರಿಗಿಂತ ಒಬ್ಬರದು ವಿಭಿನ್ನ ವಿನ್ಯಾಸ ಒಳಗೊಂಡಿದ್ದವು.

ನಾಯಿಮರಿ ಪಾಪ್‌ಕಾರ್ನ್‌ಗೂ ವೆಡ್ಡಿಂಗ್‌ ಔಟ್‌ಫಿಟ್‌

ಕುಟುಂಬದವರೊಂದಿಗೆ ಮೆಹಂದಿ ನೈಟ್‌ ಕಾರ್ಯ್ರಕಮದಲ್ಲಿ ರಾಧಿಕಾರ ಮುದ್ದು ನಾಯಿ ಮರಿ ಕೂಡ ಪಾಲ್ಗೊಂಡಿತ್ತು. ಪಾಪ್ಕಾರ್ನ್‌ ಹೆಸರಿನ ಈ ಶ್ವಾನ ಕೂಡ ಪಂಕ್‌ ಪೆಟ್‌ನ ಮಲ್ಟಿ ಶೇಡ್‌ನ ಡಿಸೈನರ್‌ವೇರ್‌ ಧರಿಸಿತ್ತು ಎಂದರೇ ಆಶ್ಚರ್ಯವಾಗಬಹುದು.

ಅಂಬಾನಿ ಮೆನ್ಸ್ ಬಂದ್ಗಾಲ ಫ್ಯಾಷನ್‌

ಸದ್ಯ ಅಂಬಾನಿ ಫ್ಯಾಮಿಲಿಯ ಬಹುತೇಕ ಎಲ್ಲಾ ಪುರುಷರು ನಾನಾ ವೆರೈಟಿ ಬಂದ್ಗಾಲ ಇಲ್ಲವೇ ಗೋಲ್ಡನ್‌ ಶೇಡ್‌ ಮಿಕ್ಸ್ ಕುರ್ತಾ ಸ್ಟೈಲಿಂಗ್‌ಗೆ ಸೈ ಎಂದಿದ್ದು, ಪ್ರತಿ ಕಾರ್ಯಕ್ರಮಕ್ಕೆ ತಕ್ಕಂತೆ ಡಿಸೈನ್‌ ಬದಲಿಸುತ್ತಿದ್ದಾರೆ ಎನ್ನಲಾಗಿದೆ.
ಒಟ್ಟಾರೆ, ಅಂಬಾನಿ ಫ್ಯಾಮಿಲಿಯ ವೆಡ್ಡಿಂಗ್‌ ಔಟ್‌ಫಿಟ್‌ಗಳು ಎಲ್ಲರನ್ನು ಸಮ್ಮೋಹನಗೊಳಿಸುತ್ತಿವೆ ಎನ್ನುತ್ತಾರೆ ಪ್ಯಾಷನ್‌ ವಿಮಶರ್ಕರು.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

ಇದನ್ನೂ ಓದಿ: Ambani Wedding Fashion: ಫ್ಯಾಷನ್‌ ಪ್ರಿಯರ ಹುಬ್ಬೇರಿಸಿದ ರಾಧಿಕಾ ಮರ್ಚೆಂಟ್‌ ದುಂಡು ಮಲ್ಲಿಗೆ ದುಪಟ್ಟಾ! ಏನಿದು ಫೂಲೋಂಕಾ ಚಾದರ್‌?