-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಎಂಬ್ರಾಯ್ಡರಿ ಸೀರೆಯಲ್ಲಿ ನಟಿ ರಶ್ಮಿಕಾ ಮಂದಣ್ಣರಂತೆ ಆಕರ್ಷಕವಾಗಿ (Star saree styling tips) ಕಾಣಿಸಲು ಯಾರಿಗೆ ಇಷ್ಟವಿಲ್ಲ, ಹೇಳಿ? ನೋಡೋಣಾ! ಸಾಮಾನ್ಯ ಎಂಬ್ರಾಯ್ಡರಿ ಸೀರೆಯಲ್ಲೂ ಆಕರ್ಷಕವಾಗಿ ಕಾಣಿಸಿಕೊಂಡಿರುವ ರಶ್ಮಿಕಾರಂತೆ ಕಾಣಲು ಬಯಸುವವರಿಗೆ ಸ್ಯಾರಿ ಸ್ಟೈಲಿಸ್ಟ್ ರೀನಾ 5 ಸಿಂಪಲ್‌ ಸ್ಟೈಲಿಂಗ್‌ ಟಿಪ್ಸ್ ನೀಡಿದ್ದಾರೆ.

ರಶ್ಮಿಕಾ ಎಂಬ್ರಾಯ್ಡರಿ ಸೀರೆಯ ವಿಶೇಷತೆ ಏನು?

ಅಂದಹಾಗೆ, ತೊರಾನಿ ಕ್ರಿಯೇಷನ್‌ನ ವೈಬ್ರೆಂಟ್‌ ಹಸಿರು ಅರ್ಗಾನ್ಜಾ ಎಂಬ್ರಾಯ್ಡರಿ ಸೀರೆಯನ್ನು ರಶ್ಮಿಕಾ ಉಟ್ಟಿದ್ದರು. ಈ ಸೀರೆಗೆ ಮ್ಯಾಚಿಂಗ್‌ ಸ್ವೀಟ್‌ ಹಾರ್ಟ್ ನೆಕ್‌ಲೈನ್‌ನ ಮ್ಯಾಚಿಂಗ್‌ ಡೋರಿ ಬ್ಲೌಸ್‌ ಧರಿಸಿದ್ದರು. ಬ್ಲೌಸ್‌ನ ಹಿಂಭಾಗದಲ್ಲಿ ವಿನ್ಯಾಸಗೊಳಿಸಲಾಗಿದ್ದ ಅದೇ ಕಲರ್‌ನ ಟಾಸೆಲ್ಸ್ ಇಡೀ ಬ್ಲೌಸ್‌ನ ಸೌಂದರ್ಯ ಹೆಚ್ಚಿಸಿತ್ತು. ಇನ್ನು, ಇಡೀ ಸೀರೆಯ ತುಂಬೆಲ್ಲಾ ಇದ್ದ ಫ್ಲೋರಲ್‌ ಗೋಲ್ಡನ್‌ ಎಂಬ್ರಾಯ್ಡರಿ ಸೀರೆಯ ಬ್ಯೂಟಿ ಇಮ್ಮಡಿಗೊಳಿಸಿತ್ತು. ಅಲ್ಲದೇ, ಸೀರೆಯೊಂದಿಗೆ ಮ್ಯಾಚ್‌ ಮಾಡಲಾಗಿದ್ದ, ಕಸ್ಟಮೈಸ್ಡ್ ಎಥ್ನಿಕ್‌ ಲುಕ್‌ ನೀಡುವ ಹೃದಯಾಕಾರದ RM ಎಂದು ಎಂಬ್ರಾಯ್ಡರಿಯಲ್ಲೆ ಬರೆದಿರುವ ಪೊಟ್ಲಿ ಪರ್ಫೆಕ್ಟ್ ಸೀರೆ ಸ್ಟೈಲಿಂಗ್‌ಗೆ ಸಾಥ್‌ ನೀಡಿತ್ತು.

ಹೀಗಿರಲಿ ಎಂಬ್ರಾಯ್ಡರಿ ಅರ್ಗಾನ್ಜಾ ಸೀರೆಯ ಆಯ್ಕೆ

ಎಂಬ್ರಾಯ್ಡರಿ ಡಿಸೈನ್‌ ಇರುವಂತಹ ಅರ್ಗಾನ್ಜಾ ಸೀರೆ ಆಯ್ಕೆ ಮಾಡಿ. ಆದಷ್ಟೂ ಕಂಟೆಂಪರರಿ ಡಿಸೈನ್‌ನ ಫ್ಲೋರಲ್‌ ಡಿಸೈನ್‌ನವನ್ನು ಸೆಲೆಕ್ಟ್ ಮಾಡಿ.

ಸೀರೆ ಬ್ಲೌಸ್‌ ನೆಕ್‌ಲೈನ್‌ಗೆ ಆದ್ಯತೆ

ಇಡೀ ಸೀರೆಯ ಲುಕ್‌ ಬ್ಲೌಸ್‌ನ ಡಿಸೈನ್‌ನ ಮೇಲೆ ನಿರ್ಧರಿತವಾಗಿರುತ್ತದೆ. ಗ್ಲಾಮರಸ್‌ ಲುಕ್‌ ಬಯಸುವವರು ಕ್ವೀನ್‌ ನೆಕ್‌ಲೈನ್‌ ಅಥವಾ ಸ್ವೀಟ್‌ ಹಾರ್ಟ್ ನೆಕ್‌ಲೈನ್‌ನಂತಹ ವೈಡ್‌ ನೆಕ್‌ ಡಿಸೈನ್‌ ಮಾಡಿಸಬಹುದು. ಬ್ಯಾಕ್‌ಸೈಡ್‌ ಟಾಸೆಲ್ಸ್ ಡಿಸೈನ್‌ ಮಾಡಿಸಿದಾಗ ಆಕರ್ಷಕವಾಗಿ ಕಾಣಿಸಬಹುದು.

View this post on Instagram

A post shared by Rashmika Mandanna (@rashmika_mandanna)

ಸಿಂಪಲ್‌ ಮೇಕಪ್‌ಗೆ ಸೈ ಎನ್ನಿ

ಎಂಬ್ರಾಯ್ಡರಿ ಸೀರೆ ಉಡುವಾಗ ಆದಷ್ಟೂ ಸಿಂಪಲ್‌ ಮೇಕಪ್‌ಗೆ ಆದ್ಯತೆ ನೀಡುವುದು ಉತ್ತಮ. ಲೈಟ್‌ ಮೇಕಪ್‌ನಲ್ಲಿ ಹಣೆಗೆ ಬಿಂದಿ ಇಡಬಹುದು. ಡಾರ್ಕ್‌ ಲಿಪ್‌ಸ್ಟಿಕ್‌ ಲೇಪಿಸಿ, ಹುಬ್ಬನ್ನು ತೀಡಿ. ಕಾಡಿಗೆ ಹಚ್ಚಿದಲ್ಲಿ ಆಕರ್ಷಕವಾಗಿ ಕಾಣಿಸಬಹುದು.

ಬನ್‌ ಹೇರ್‌ಸ್ಟೈಲ್‌

ಸೀರೆಯ ಬ್ಲೌಸ್‌ ಬ್ಯಾಕ್‌ಲೆಸ್‌ ಹಾಗೂ ಬ್ಯಾಕ್‌ ಡಿಸೈನ್‌ ಇದ್ದಾಗ ಫ್ರೀ ಹೇರ್‌ ಹಾಗೂ ಜಡೆ ಹಾಕುವುದನ್ನು ಆವಾಯ್ಡ್ ಮಾಡುವುದು ಬೆಸ್ಟ್. ಮೆಸ್ಸಿ ಬನ್‌ ಹೇರ್‌ಸ್ಟೈಲ್‌ ಈ ಸೀರೆಗೆ ಮಾಡಿದಲ್ಲಿ ಮ್ಯಾಚ್‌ ಆಗುವುದು.

ಇದನ್ನೂ ಓದಿ: Star Shirt Saree Fashion: ಏನಿದು ಶರ್ಟ್‌ ಸೀರೆ? ಹೊಸ ಟ್ರೆಂಡ್‌ ಬಗ್ಗೆ ನಟಿ ತಾರಾ ಏನಂತಾರೆ?

ಗೋಲ್ಡ್ ಜ್ಯುವೆಲರಿ ಮ್ಯಾಚಿಂಗ್‌

ಗೋಲ್ಡ್ ಎಂಬ್ರಾಯ್ಡರಿ ಸೀರೆಗೆ ಗೋಲ್ಡ್ ಶೇಡ್‌ನ ಜ್ಯುವೆಲರಿಗಳನ್ನು ಧರಿಸುವುದು ಸೂಕ್ತ. ಸಿಂಪಲ್‌ ಲುಕ್‌ಗಾದಲ್ಲಿ ನೆಕ್ಲೇಸ್‌, ಹ್ಯಾಂಗಿಂಗ್ಸ್ ಹಾಗೂ ಕಡ ಧರಿಸಬಹುದು. ಗ್ರ್ಯಾಂಡ್‌ ಬೇಕಿದ್ದಲ್ಲಿ ಹಾರ ಕೂಡ ಧರಿಸಬಹುದು.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಹಸಿರು ಡಿಸೈನರ್‌ ಶರ್ಟ್ ಸೀರೆಯಲ್ಲಿ (Star Shirt Saree Fashion) ಹಿರಿಯ ನಟಿ ತಾರಾ ಅವರು ಮಾಡೆಲ್‌ನಂತೆ ಕಾಣಿಸಿಕೊಂಡಿದ್ದಾರೆ. ಇದೀಗ ಪ್ರಸಾರವಾಗುತ್ತಿರುವ ಕನ್ನಡದ ರಿಯಾಲಿಟಿ ಶೋವೊಂದರಲ್ಲಿ ಸದಾ ಒಂದಲ್ಲ ಒಂದು ಔಟ್‌ಫಿಟ್‌ನಲ್ಲಿ ಆಕರ್ಷಕವಾಗಿ ಕಾಣಿಸಿಕೊಳ್ಳುತ್ತಿರುವ ನಟಿ ತಾರಾ, ಇದೀಗ ಸೆಲೆಬ್ರೆಟಿ ಡಿಸೈನರ್‌ ಲಕ್ಷ್ಮಿ ಕೃಷ್ಣ ಅವರ ಡಿಸೈನರ್‌ ಹಸಿರು ಶಿಫಾನ್‌ ಎಂಬ್ರಾಯ್ಡರಿ ಶರ್ಟ್ ಸೀರೆಯಲ್ಲಿ ಮಾಡೆಲ್‌ನಂತೆ ಕಾಣಿಸಿಕೊಂಡಿದ್ದಾರೆ. ಇವರ ಈ ಸೀರೆಯ ಲುಕ್‌ ಫ್ಯಾಷನ್‌ ಪ್ರಿಯರಿಗೆ ಇಷ್ಟವಾಗಿದೆ. ಅಲ್ಲದೇ, ಮಾನ್ಸೂನ್‌ಗೆ ಹೇಳಿಮಾಡಿಸಿದಂತಿದೆ ಎನ್ನುತ್ತಾರೆ ಫ್ಯಾಷನ್‌ ವಿಮರ್ಶಕರು.

ಏನಿದು ಶರ್ಟ್ ಸೀರೆ

ಶರ್ಟ್ ಸೀರೆಗಳು ಅತಿ ಹೆಚ್ಚಾಗಿ ಸಮ್ಮರ್‌ ಸೀಸನ್‌ ಹೊರತುಪಡಿಸಿ ಮಳೆಗಾಲ ಅಥವಾ ಚಳಿಗಾಲದಲ್ಲಿ ಟ್ರೆಂಡ್‌ಗೆ ಎಂಟ್ರಿ ನೀಡುತ್ತವೆ. ಇವು ಸೀರೆಗೆ ಲೇಯರ್‌ ಲುಕ್‌ ನೀಡುತ್ತವೆ. ಕೆಲವು ವರ್ಷಗಳ ಹಿಂದೆ ಜಾಕ್ವೆಲೀನ್‌ ಉಟ್ಟಿದ್ದ ಜಾಕೆಟ್‌ ಸೀರೆ ಯಾವ ಮಟ್ಟಿಗೆ ಫೇಮಸ್‌ ಆಗಿತ್ತು ಎಂದರೇ, ಇಂದಿಗೂ ಆ ಸೀರೆಗಳು ಹೊಸ ಹೊಸ ರೂಪದಲ್ಲಿ ಇಣುಕುತ್ತಲೇ ಇವೆ. ಇದೀಗ ಈ ಲಿಸ್ಟ್‌ಗೆ ಈ ಶರ್ಟ್ ಸೀರೆಗಳು ಸೇರಿವೆ. ನೋಡಲು ಶರ್ಟ್‌ನಂತಹ ಬ್ಲೌಸ್‌ಗಳು, ಈ ಸೀರೆಗೆ ಕಂಪ್ಲೀಟ್‌ ಇಂಡೋ-ವೆಸ್ಟರ್ನ್‌ ಲುಕ್‌ ಕಲ್ಪಿಸುತ್ತವೆ. ಇನ್ನು, ಈ ಕಾಲರ್ ಶರ್ಟ್ ಬ್ಲೌಸ್‌ಗೆ ಮಾಡಿದ ಎಂಬ್ರಾಯ್ಡರಿ ಸಿಂಗಾರ ಎಥ್ನಿಕ್‌ ಟಚ್‌ ನೀಡಿದೆ. ಆಯಾ ಸೀರೆಯ ಫ್ಯಾಬ್ರಿಕ್‌ ಹಾಗೂ ಡಿಸೈನ್‌ಗೆ ತಕ್ಕಂತೆ ಶರ್ಟ್ ಸೀರೆಗಳ ಔಟ್‌ಲುಕ್‌ ಬದಲಾಗುತ್ತವೆ. ಡಿಸೈನ್‌ ಮಾತ್ರ ಹೀಗೆಯೇ ಇರುತ್ತದೆ ಎನ್ನುತ್ತಾರೆ ಸೆಲೆಬ್ರೆಟಿ ಫ್ಯಾಷನ್‌ ಡಿಸೈನರ್‌ ಲಕ್ಷ್ಮಿ ಕೃಷ್ಣ.

ಡಿಸೈನರ್‌ ಲಕ್ಷ್ಮಿ ಕೃಷ್ಣ ಡಿಸೈನರ್‌ ಸೀರೆಯಿದು

ಬಾಲಿವುಡ್‌ನ ಸನ್ನಿ ಲಿಯೋನ್‌ರಿಂದ ಹಿಡಿದು ಸ್ಯಾಂಡಲ್‌ವುಡ್‌ ನಟ-ನಟಿಯರಿಗೂ ಡಿಸೈನ್‌ ಮಾಡಿರುವ ಡಿಸೈನರ್‌ ಲಕ್ಷ್ಮಿ ಕೃಷ್ಣ ಅವರು ಈ ಶರ್ಟ್ ಸೀರೆ ಡಿಸೈನ್ ಮಾಡಿದ್ದು, ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ. ಪ್ಯೂರ್‌ ಶಿಫಾನ್‌ನ ಈ ಡೈಯ್ಡ್ ಸೀರೆಗೆ ಶರ್ಟ್ ಬ್ಲೌಸ್‌ ಮ್ಯಾಚ್‌ ಮಾಡಿ, ಆಕರ್ಷಕ ಲುಕ್‌ ನೀಡಿದ್ದಾರೆ.

ಹಿರಿಯ ನಟಿ ತಾರಾ ಸೀರೆ ಲವ್‌

ಸೀರೆಗಳೆಂದರೆ ನನಗೆ ಮೊದಲಿನಿಂದಲೂ ಇಷ್ಟ ಎನ್ನುವ ತಾರಾ ಅವರಿಗೂ ಈ ಹೊಸ ಶೈಲಿಯ ಈ ಶರ್ಟ್ ಸೀರೆ ಸಖತ್‌ ಇಷ್ಟವಾಗಿದೆ. ಲಕ್ಷ್ಮಿ ಕೃಷ್ಣ ಅವರ ಈ ಸ್ಟೈಲಿಶ್‌ ಸೀರೆಯು ನನ್ನನ್ನು ಮತ್ತಷ್ಟು ಅಂದವಾಗಿಸಿದೆ ಎಂದು ನಟಿ ತಾರಾ ಅನುರಾಧ ಪ್ರತಿಕ್ರಿಯಿಸಿದ್ದಾರೆ.
( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )
ಇದನ್ನೂ ಓದಿ: ICW 2024: ರ‍್ಯಾಂಪ್‌ ಮೇಲೆ ಮಾಡೆಲ್‌ಗಳು ಧರಿಸಿರುವುದು ಗೌನಾ ಅಥವಾ ಪಂಜರ?!

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಊಹೆಗೂ ಮೀರಿದ ಡಿಸೈನ್ಸ್ (ICW 2024) ಹೊಂದಿದ ನಾನ್‌ – ವೇರಬಲ್‌ ಫ್ಯಾಷನ್‌ವೇರ್ಸ್‌ಗಳು ಇಂಡಿಯಾ ಕೌಚರ್‌ ವೀಕ್‌ನ ಐದನೇ ದಿನದಂದು ಪ್ರದರ್ಶನಗೊಂಡು ಎಲ್ಲರಲ್ಲೂ ಕುತೂಹಲ ಮೂಡಿಸಿದವು. ಹೌದು, ರ‍್ಯಾಂಪ್‌ ಮೇಲೆ ಮಾಡೆಲ್‌ಗಳು ಧರಿಸಿರುವುದು ಗೌನಾ ಅಥವಾ ಪಂಜರನಾ? ತ್ರಿಡಿ ಡ್ರೆಸ್ಸಾ ಅಥವಾ ವೈರ್‌ನಿಂದ ಸುತ್ತುವರಿದ ಉಡುಪಾ? ಆಕ್ಸೆಸರಿಸಿನ ಮುಂದುವರಿದ ಭಾಗವೇ ಇಲ್ಲವೇ ಇದೂ ಒಂದು ಡಿಸೈನರ್‌ವೇರ್‌! ಎಂದು ರ‍್ಯಾಂಪ್‌ ಮೇಲೆ ವಾಕ್‌ ಮಾಡಿದ ಮಾಡೆಲ್‌ಗಳು ಧರಿಸಿದ ಒಂದೊಂದು ಡಿಸೈನರ್‌ವೇರ್‌ಗಳು, ನೆರೆದಿದ್ದವರಲ್ಲಿ ಪ್ರಶ್ನೆ ಮೂಡಿಸಿದವು.
ಅಂದಹಾಗೆ, ಕಳೆದ ವಾರದಿಂದಲೂ ನಡೆಯುತ್ತಿರುವ ಈ ಇಂಡಿಯನ್‌ ಕೌಚರ್‌ ವೀಕ್‌ನಲ್ಲಿ, ಈ ಬಾರಿ ನಾನ್‌- ವೇರಬಲ್‌ ಫ್ಯಾಷನ್‌ವೇರ್‌ಗಳು ಹೆಚ್ಚು ಹೈಲೈಟಾದವು. ಇದೇ ದಿನ ಇವುಗಳೊಂದಿಗೆ ಇನ್ನಿತರೇ ಡಿಸೈನರ್‌ವೇರ್‌ಗಳು ಪ್ರದರ್ಶನಗೊಂಡವಾದರೂ ಅಷ್ಟಾಗಿ ಯಾರನ್ನೂ ಸೆಳೆಯಲಿಲ್ಲ!

ಚಿತ್ರ-ವಿಚಿತ್ರ ನಾನ್‌-ವೆರಬಲ್‌ ಡಿಸೈನರ್‌ವೇರ್ಸ್

ಸಮಯ ಹಾಗೂ ಯೂನಿವರ್ಸ್‌ಗೆ ಕನೆಕ್ಷನ್‌ ನೀಡುವಂತಹ ಥೀಮ್‌ ಡಿಸೈನ್‌ ಮಾಡಿದ ಡಿಸೈನರ್‌ ಅಮಿತ್‌ ಅಗರ್‌ವಾಲ್‌ ಅವರ ಕ್ರಿಯೆಟಿವಿಟಿಗೆ ಬಗೆಬಗೆಯ ಅವರ ನಾನ್‌ -ವೇರಬಲ್‌ ಡಿಸೈನರ್‌ವೇರ್‌ಗಳು ಸಾಕ್ಷಿಯಾದವು. ಕೆಲವಂತೂ ಮಂತ್ರಮುಗ್ಧವಾಗಿಸುವಂತಹ ಡಿಸೈನ್ಸ್ ಹೊಂದಿದ್ದವು. ಅವುಗಳಲ್ಲಿ, ಥ್ರೆಡ್‌ನಿಂದಲೇ ಇಡೀ ಕಾನ್ಸೆಪ್ಟ್‌ಗೆ ಪೂರಕವಾಗುವಂತಹ ಕಾಸ್ಮಿಕ್‌ ಡಾನ್ಸ್‌ನಂಥ ಚಿತ್ರ-ವಿಚಿತ್ರ ಡಿಸೈನ್‌ಗಳು ಎಲ್ಲರನ್ನೂ ಕೆಲಕಾಲ ಮೋಡಿ ಮಾಡಿದವು.

ನಾನ್‌ ವೇರಬಲ್‌ ಫ್ಯಾಷನ್‌ಗೆ ಭಾರತದಲ್ಲಿ ಬೆಲೆಯಿಲ್ಲ!

ಭಾರತದಲ್ಲಿ ನಾನ್‌-ವೇರಬಲ್‌ ಡಿಸೈನರ್‌ವೇರ್‌ಗಳು ಪ್ರದರ್ಶನಗೊಳ್ಳುವುದು ತೀರಾ ಕಡಿಮೆ. ಕಾರಣ, ಅವನ್ನು ಸಾಮಾನ್ಯ ಜೀವನದಲ್ಲಿ ಧರಿಸಲು ಸಾಧ್ಯವಿಲ್ಲ! ಎಂಬುದು ಒಂದೆಡೆಯಾದರೇ, ಮಾರ್ಕೆಟಿಂಗ್‌ ಕ್ಷೇತ್ರಕ್ಕೂ ಲಾಭವಿಲ್ಲ! ಡಿಸೈನರ್‌ಗಳು ಸುಖಾಸುಮ್ಮನೆ ಖರ್ಚುಮಾಡುವ ಡಿಸೈನರ್‌ವೇರ್‌ಗಳಿವು ಎಂಬುದು ಸಾಕಷ್ಟು ಫ್ಯಾಷನ್‌ ಪ್ರಿಯರ ಅಭಿಪ್ರಾಯವಾಗಿದೆ. ಆದರೆ, ಇವು ಕೂಡ ಡಿಸೈನರ್‌ಗಳ ಕ್ರಿಯೇಟಿವಿಟಿಯನ್ನು ಪ್ರದರ್ಶಿಸಲು ಸಹಕರಿಸುತ್ತವೆ ಎನ್ನುತ್ತಾರೆ ಫ್ಯಾಷನ್‌ ವಿಶ್ಲೇಷಕರು.

ಇದನ್ನೂ ಓದಿ: ICW 2024: ಮುಂಬರುವ ವೆಡ್ಡಿಂಗ್‌ ಸೀಸನ್‌ ಮೆನ್ಸ್ ವೇರ್‌ ಅನಾವರಣಗೊಳಿಸಿದ ಇಂಡಿಯಾ ಕೌಚರ್‌ ವೀಕ್‌ 2024

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ದಿಲ್ಲಿಯಲ್ಲಿ ನಡೆಯುತ್ತಿರುವ ಪ್ರತಿಷ್ಠಿತ ಇಂಡಿಯಾ ಕೌಚರ್‌ ವೀಕ್‌ನ 3 ನೇ ದಿನದಂದು ಯುವತಿಯರ ಲಕ್ಷುರಿ ಡಿಸೈನರ್‌ವೇರ್‌ಗಳ ನಡುವೆಯೇ ಗ್ರ್ಯಾಂಡ್‌ ಮೆನ್ಸ್ ವೇರ್‌ಗಳು ಫ್ಯಾಷನ್‌ ಪ್ರಿಯರ ಮನಗೆದ್ದವು.
ಇದುವರೆಗೂ ಕೇವಲ ಯುವತಿಯರ ಹಾಗೂ ಬ್ರೈಡಲ್‌ ಲುಕ್‌ ನೀಡುವಂತಹ ಹೆವಿ ಹಾಗೂ ಜಗಮಗಿಸುವ ಡಿಸೈನರ್‌ವೇರ್‌ಗಳು ಎಲ್ಲರ ಮನಸೂರೆಗೊಂಡಿದ್ದವು. ಆದರೆ, ಮೂರನೇ ದಿನದಂದು ನಡೆದ ಶೋನಲ್ಲಿ ಇವೆಲ್ಲಕ್ಕಿಂತ ಹೆಚ್ಚಾಗಿ, ಮುಂಬರುವ ವೆಡ್ಡಿಂಗ್‌ ಸೀಸನ್‌ಗೆ ಪೂರಕವಾಗುವಂತಹ ನಾನಾ ವೆರೈಟಿ ಮೆನ್ಸ್ ವೇರ್‌ ಡಿಸೈನರ್‌ವೇರ್‌ಗಳು ಅನಾವರಣಗೊಂಡವು. ಪುರುಷರೂ ಹೀಗೆಲ್ಲಾ ಕಾಣಿಸಿಕೊಳ್ಳಬಹುದೇ ! ಎಂಬ ಇಮ್ಯಾಜೀನೇಷನ್‌ಗೆ ಪೂರಕವಾಗವಂತಹ ಡಿಸೈನರ್‌ವೇರ್‌ಗಳೂ ಕೂಡ ಈ ಫ್ಯಾಷನ್‌ ಶೋನಲ್ಲಿ (ICW 2024) ಪ್ರದರ್ಶನಗೊಂಡವು.

ಮಿರ ಮಿರ ಮಿನುಗಿದ ಆದಿತ್ಯಾ ರಾಯ್‌ ಕಪೂರ್‌

ಸೆಲೆಬ್ರೆಟಿ ಡಿಸೈನರ್‌ ಕುನಾಲ್‌ ರಾವಲ್‌ ಅವರ ಮೆನ್ಸ್ ಕಲೆಕ್ಷನ್‌ನ ನೆವ್ವಿ ಬ್ಲ್ಯೂ ಎಂಬಾಲಿಶ್ಡ್ ಸಿಕ್ವೀನ್ಸ್‌ನಿಂದ ಮಿರ ಮಿರ ಮಿನುಗುತ್ತಿದ್ದ ಶೆರ್ವಾನಿ ಹಾಗೂ ದೊಗಲೆ ಧೋತಿಯಲ್ಲಿ ಬಾಲಿವುಡ್‌ ನಟ ಆದಿತ್ಯಾ ರಾಯ್‌ ಕಪೂರ್‌ ಆಕರ್ಷಕವಾಗಿ ಕಾಣಿಸಿಕೊಂಡರು.

ಮಲೈಕಾಗಿಂತ ಹೆಚ್ಚು ಹೈಲೈಟಾದ ನಟ ರಾಹುಲ್‌ ಖನ್ನಾ

ಡಿಸೈನರ್‌ ಸಿದ್ಧಾರ್ಥ್‌ ಟೈಟ್ಲರ್‌ ಅವರ ಬ್ಲ್ಯಾಕ್‌ ಕಟೌಟ್‌ ಡಿಸೈನರ್‌ ಬ್ಲೌಸ್‌ –ಲೆಹೆಂಗಾ ಧರಿಸಿ ನಟಿ ಮಲೈಕಾ ಅರೋರಾ ಕಾಣಿಸಿಕೊಂಡರು. ಇದೇ ಡಿಸೈನರ್‌ನ ವಿಶೇಷ ಮೆನ್ಸ್‌ವೇರ್‌ ಕಲೆಕ್ಷನ್‌ ಭಾಗವಾಗಿದ್ದ ಬ್ಲ್ಯಾಕ್‌ ಸಾಲಿಡ್‌ ಶೇಡ್‌ನ ಜಿಪ್‌ ಇರುವಂತಹ ಬಾಟಮ್‌ ಗೋಲ್ಡ್ ಎಂಬ್ರಾಯ್ಡರಿ ಶೆರ್ವಾನಿಯಲ್ಲಿ ನಟ ರಾಹುಲ್‌ ಖನ್ನಾ ರ್ಯಾಂಪ್‌ ವಾಕ್‌ ಮಾಡಿದರು.

ಪುರುಷರ ಮನ ಗೆದ್ದ ಜಿಪ್‌ ಶೆರ್ವಾನಿ

ಬಟನ್‌ ಇಲ್ಲದೆಯೂ ಶೆರ್ವಾನಿ ಡಿಸೈನ್‌ ಅತ್ಯಾಕರ್ಷಕವಾಗಿ ಕಾಣಿಸುತ್ತದೆ ಎಂಬುದು ರಾಹುಲ್‌ ಖನ್ನಾ ಅವರು ಧರಿಸಿದ ವಿನೂತನ ಕಾನ್ಸೆಪ್ಟ್‌ನ ಶೆರ್ವಾನಿ ವಿನ್ಯಾಸ ಪ್ರೂವ್‌ ಮಾಡಿತು. ಸಿಂಪಲ್‌ ಹಾಗೂ ಎಲಿಗೆಂಟ್‌ ಲುಕ್‌ ಬಯಸುವ ಪುರುಷರು ಇವುಗಳನ್ನು ಧರಿಸಿ ಸ್ಮಾರ್ಟಾಗಿ ಕಾಣಿಸಬಹುದು ಎಂಬುದನ್ನು ತೋರಿಸಿಕೊಟ್ಟಿತು.

ಇದನ್ನೂ ಓದಿ: Paris Olympics 2024: ಭಾರತೀಯ ಅಥ್ಲೀಟ್‌ಗಳ ಡ್ರೆಸ್‌ ಕೋಡ್‌ ವಿನ್ಯಾಸಕ್ಕೆ ಜನರ ಮಿಶ್ರ ಪ್ರತಿಕ್ರಿಯೆ

ಲೇಡಿ ಮಾಡೆಲ್‌ಗಳ ಮೆನ್ಸ್ ವೇರ್‌

ಇನ್ನು, ಈ ದಿನದ ಫ್ಯಾಷನ್‌ ಇವೆಂಟ್‌ನಲ್ಲಿ ಕೇವಲ ಮೆನ್ಸ್ ಮಾಡೆಲ್‌ಗಳು ಮಾತ್ರವಲ್ಲ, ಕೆಲವು ಹುಡುಗಿಯರು ಕೂಡ ಮೆನ್ಸ್ವೇರ್‌ ಧರಿಸಿ, ವಾಕ್‌ ಮಾಡಿದ್ದು, ಹೊಸತನ ಮೂಡಿಸಿತು.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)