ಮೆಟ್ ಗಾಲಾ 2024ರಲ್ಲಿ (Met Gala 2024) 180 ಕ್ಯಾರಟ್ ಡೈಮಂಡ್ ನೆಕ್ಲೇಸ್‌ನೊಂದಿಗೆ (diamond necklace) 200 ಕ್ಯಾರಟ್ ವಜ್ರಗಳನ್ನು ಧರಿಸಿದ ಭಾರತೀಯ ಉದ್ಯಮಿ ಮತ್ತು ಬಿಲಿಯನೇರ್ (billionaire) ಸುಧಾ ರೆಡ್ಡಿ ( Sudha Reddy) ಎಲ್ಲರ ಗಮನ ಸೆಳೆದಿದ್ದಾರೆ. ಅವರ ಅತ್ಯಾಕರ್ಷಕ ಉಡುಗೆಗಳು ಮೆಟ್ ಗಾಲಾದಲ್ಲಿ ನೆರೆದಿದ್ದ ಎಲ್ಲರ ದೃಷ್ಟಿ ಅವರತ್ತ ನೋಡುವಂತೆ ಮಾಡಿತ್ತು.

ಎಂಇಐಎಲ್ ಗ್ರೂಪ್‌ನ ನಿರ್ದೇಶಕಿ ಸುಧಾ ರೆಡ್ಡಿ ಅವರು ಮೆಟ್ ಗಾಲಾ 2024ರಲ್ಲಿ ರೆಡ್ ಕಾರ್ಪೆಟ್ ನಲ್ಲಿ ನಡೆದು ಎಲ್ಲರ ಹುಬ್ಬೇರುವಂತೆ ಮಾಡಿದರು. ಅಮೋರ್ ಎಟರ್ನೊ ಎಂಬ 180 ಕ್ಯಾರೆಟ್‌ನ ವಜ್ರದ ನೆಕ್ಲೇಸ್ ಧರಿಸಿದ್ದ ಅವರು ತಮ್ಮ ಉಡುಗೆಯ ಮೂಲಕ ಎಲ್ಲರ ಗಮನ ಸೆಳೆದರು.

ಅವರು ಧರಿಸಿದ್ದ ನೆಕ್‌ಪೀಸ್ ನಲ್ಲಿ 25 ಕ್ಯಾರಟ್ ಹೃದಯದ ಆಕಾರದ ವಜ್ರ ಮತ್ತು ಮೂರು 20 ಕ್ಯಾರಟ್‌ನ ಹೃದಯ ಆಕಾರದ ವಜ್ರಗಳಿದ್ದವು. ಇದು ಅವರ ಪತಿ ಮತ್ತು ಇಬ್ಬರು ಮಕ್ಕಳನ್ನು ಪ್ರತಿನಿಧಿಸುತ್ತವೆ ಎಂದು ಹೇಳಿದ್ದಾರೆ.
ಈ ನೆಕ್ಲೇಸ್ ಅನ್ನು 23 ಕ್ಯಾರಟ್ ಡೈಮಂಡ್ ಸಾಲಿಟೇರ್ ರಿಂಗ್ ಮತ್ತು ಮತ್ತೊಂದು 20 ಕ್ಯಾರಟ್ ಡೈಮಂಡ್ ಸಾಲಿಟೇರ್ ಉಂಗುರದೊಂದಿಗೆ ಜೋಡಿಸಿದ್ದು, ಇದು 20 ಮಿಲಿಯನ್ ಡಾಲರ್ ಮೌಲ್ಯದ್ದಾಗಿದೆ.

ಸುಧಾ ರೆಡ್ಡಿ ಯಾರು?

ಕೃಷ್ಣಾ ರೆಡ್ಡಿಯವರ ಪತ್ನಿ ಸುಧಾ ರೆಡ್ಡಿ MEIL ನಲ್ಲಿ ನಿರ್ದೇಶಕರಾಗಿದ್ದಾರೆ. ಇವರಿಗೆ ಮಾನಸ್ ಮತ್ತು ಪ್ರಣವ್ ಎಂಬ ಇಬ್ಬರು ಮಕ್ಕಳಿದ್ದಾರೆ. ಸುಧಾ ರೆಡ್ಡಿ ಫೌಂಡೇಶನ್‌ನ ಮುಖ್ಯಸ್ಥರಾಗಿರುವ ಅವರು ಕಂಪೆನಿಯ ದತ್ತಿ ಚಟುವಟಿಕೆಗಳನ್ನು ನಿರ್ವಹಿಸುತ್ತಿದ್ದಾರೆ.
ಮೂಲತಃ ವಿಜಯವಾಡದವರಾದ ಅವರು 19 ವರ್ಷದವರಾಗಿದ್ದಾಗ ಕೃಷ್ಣಾ ರೆಡ್ಡಿ ಅವರನ್ನು ವಿವಾಹವಾದರು. ಅವರಿಬ್ಬರೂ ಒಟ್ಟಿಗೆ ಬೆಳೆದಿರುವ ಕಾರಣ ಸಾಧನೆ ಮಾಡುವುದು ಸಾಧ್ಯವಾಯಿತು ಎಂಬುದು ಅವರ ನಂಬಿಕೆ.
ಹೈದರಾಬಾದ್ ರಾಣಿ ಜೇನುನೊಣ ಎಂದೇ ಪ್ರಶಂಸಿಸಲ್ಪಡುವ ಸುಧಾ ರೆಡ್ಡಿ 2021ರಲ್ಲಿ ಮೆಟ್ ಗಾಲಾದಲ್ಲಿ ಭಾಗವಹಿಸಿದ್ದರು.

ತರುಣ್ ತಹಿಲಿಯಾನಿ ಸಿದ್ಧಪಡಿಸಿದ ಉಡುಗೆ

ಎರಡನೇ ಬಾರಿಗೆ ಮೆಟ್ ಗಾಲಾ ರೆಡ್ ಕಾರ್ಪೆಟ್‌ನಲ್ಲಿ ಹೆಜ್ಜೆ ಹಾಕಿದ ಸುಧಾ ರೆಡ್ಡಿ ಅವರು ತರುಣ್ ತಹಿಲಿಯಾನಿ ಅವರ ಆಫ್-ಶೋಲ್ಡರ್ ಗೌನ್ ಮತ್ತು ತಮ್ಮ ಸಂಗ್ರಹದ ಕೋಟಿಗಟ್ಟಲೆ ಮೌಲ್ಯದ ನೆಕ್ಲೇಸ್‌ ಧರಿಸಿ ಭಾಗವಹಿಸಿದ್ದರು.

ರೀವೇಕನಿಂಗ್ ಫ್ಯಾಶನ್ ಎಂಬ ಶೀರ್ಷಿಕೆಯ ಕಾಸ್ಟ್ಯೂಮ್ ಇನ್‌ಸ್ಟಿಟ್ಯೂಟ್‌ನಲ್ಲಿ ತರುಣ್ ತಹಿಲಿಯಾನಿ ವಿನ್ಯಾಸಗೊಳಿಸಿದ ಐವರಿ ಸಿಲ್ಕ್ ಗೌನ್ ಅನ್ನು 4,500 ಗಂಟೆಗಳ ಅವಧಿಯಲ್ಲಿ 80 ಕುಶಲಕರ್ಮಿಗಳ ತಂಡ ಸಿದ್ಧಪಡಿಸಿದೆ. ವಿನ್ಯಾಸಕಾರರ ಪ್ರಕಾರ ಈ ಧಿರಿಸು ಹಳೆಯ ಮೊಘಲ್ ಉದ್ಯಾನಗಳಿಂದ ಪ್ರೇರಿತವಾಗಿದೆ. ಕಾರ್ಸೆಟ್ ಅನ್ನು ತಹಿಲಿಯಾನಿಯ ಸಿಗ್ನೇಚರ್ ಮ್ಯೂಟ್, ಬೀಜ್-ಗೋಲ್ಡ್ ಬಣ್ಣದ ಪ್ಯಾಲೆಟ್‌ನಲ್ಲಿ ವಿನ್ಯಾಸಗೊಳಿಸಲಾಗಿದೆ. ಈ ವರ್ಷದ ಮೆಟ್ ಗಾಲಾ ಥೀಮ್‌ಗೆ ಅನುಗುಣವಾಗಿ ರಚಿಸಲಾಗಿದೆ. ಗೌತಮ್ ಕಲ್ರಾ ಅವರ ಶೈಲಿಯಲ್ಲಿ ರೆಡ್ಡಿ ಅವರು ಮಿಯೋಡ್ರಾಗ್ ಗುಬೆರಿನಿಕ್ ವಿನ್ಯಾಸಗೊಳಿಸಿದ ಸ್ಫಟಿಕ ಪರಿಕರವನ್ನು ಇದರೊಂದಿಗೆ ಸೇರಿಸಿ ರೆಡ್ ಕಾರ್ಪೆಟ್ ಮೇಲೆ ಹೆಜ್ಜೆ ಹಾಕಿದ್ದಾರೆ.

180 ಕ್ಯಾರಟ್‌ ನ ನೆಕ್ಲೆಸ್

ಸುಧಾ ರೆಡ್ಡಿ ಅವರು ಕೇವಲ ಧಿರಸಿನಿಂದ ಮಾತ್ರವಲ್ಲ ಪ್ರತಿಷ್ಠಿತ ಆಭರಣದಿಂದ ಗಮನ ಸೆಳೆದರು. ‘ಅಮೋರ್ ಎಟರ್ನೊ’ ನೆಕ್ಲೇಸ್ 25 ಸಾಲಿಟೇರ್‌ಗಳನ್ನು ಒಳಗೊಂಡಿದ್ದು ಇದು ಒಟ್ಟು 180 ಕ್ಯಾರೆಟ್‌ಗಳು. ಇದನ್ನು ಭವಿಷ್ಯದ ಪೀಳಿಗೆಗೆ ಹಸ್ತಾಂತರಿಸಲು ರೆಡ್ಡಿ ಕುಟುಂಬದ ಪರಂಪರೆಯ ಗುರುತಾಗಿ ರಚಿಸಲಾಗಿದೆ.

ಇದನ್ನೂ ಓದಿ: Met Gala Fashion: ಮೆಟ್‌ ಗಾಲಾದಲ್ಲಿ ಹೈಲೈಟಾದ ಭಾರತೀಯ ಫ್ಯಾಷೆನಬಲ್‌ ತಾರೆಯರಿವರು!

ಹಾರದ ಮಧ್ಯಭಾಗದಲ್ಲಿ ನಾಲ್ಕು ದೊಡ್ಡ ಹೃದಯದ ಆಕಾರದ ವಜ್ರಗಳಿಂದ ರಚಿಸಲಾದ ಸಾಂಕೇತಿಕವಾಗಿ ಕುಟುಂಬದ ಮರವನ್ನು ಇಡಲಾಗಿದೆ. ಅತಿದೊಡ್ಡ ವಜ್ರ, 25 ಕ್ಯಾರೆಟ್ ಕಿಂಗ್ ಆಫ್ ಹಾರ್ಟ್ಸ್, ರೆಡ್ಡಿಯ ಪತಿ ಕೃಷ್ಣನನ್ನು ಗೌರವಿಸುತ್ತದೆ. ಆದರೆ ಹೃದಯದ ರಾಣಿ 20 ಕ್ಯಾರೆಟ್ ಹೃದಯದ ವಜ್ರವು ಸುಧಾ ರೆಡ್ಡಿಯನ್ನು ಸಂಕೇತಿಸುತ್ತದೆ. ಜ್ಞಾನದ ರಾಜಕುಮಾರ ಮತ್ತು ಸಂಪತ್ತಿನ ರಾಜಕುಮಾರ ಎಂದು ಕರೆಯಲ್ಪಡುವ ಎರಡು ಹೆಚ್ಚುವರಿ 20 ಕ್ಯಾರಟ್ ಹೃದಯಗಳು ಅವರ ಪುತ್ರರಾದ ಪ್ರಣವ್ ಮತ್ತು ಮಾನಸ್ ಅವರನ್ನು ಪ್ರತಿನಿಧಿಸುತ್ತವೆ.

ಈ ನೆಕ್ಲೇಸ್ ಅನ್ನು ಪೂರ್ಣಗೊಳಿಸುವುದು 21 ಹೊಳೆಯುವ ಸುತ್ತಿನ ವಜ್ರಗಳು. ಇದು ಸುಧಾ ಮತ್ತು ಕೃಷ್ಣರ ಪ್ರೇಮಕಥೆಯ ಹಂಚಿಕೊಂಡ ಅನುಭವಗಳು ಮತ್ತು ಪಾಲಿಸಬೇಕಾದ ಕ್ಷಣಗಳನ್ನು ಸಂಕೇತಿಸುತ್ತದೆ. 20 ಕ್ಯಾರೆಟ್ ಹೃದಯದ ಆಕಾರದ ವಜ್ರದ ಉಂಗುರ ಮತ್ತು 23 ಕ್ಯಾರೆಟ್ ಹಳದಿ ಡೈಮಂಡ್ ರಿಂಗ್ ಇದನ್ನು ಪೂರ್ಣಗೊಳಿಸುತ್ತದೆ. ಇದನ್ನು ರಚಿಸಲು 100 ಗಂಟೆಗಳು ಬೇಕಾಗಿತ್ತು.

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಅಕ್ಷಯ ತೃತೀಯ (Akshaya Tritiya) ಹಿನ್ನೆಲೆಯಲ್ಲಿ ರಾಜ್ಯಾದಾದ್ಯಂತ ಎಲ್ಲೆಡೆ ಬೆಳ್ಳಿ-ಬಂಗಾರದ ಆಭರಣಗಳ ಶಾಪಿಂಗ್‌ ಶುರುವಾಗಿದೆ. ಮಾಲ್‌ಗಳು ಹಾಗೂ ನಗರಗಳಲ್ಲಿರುವ ದೊಡ್ಡ ದೊಡ್ಡ ಬ್ರಾಂಡೆಡ್‌ ಜ್ಯುವೆಲರಿ ಶಾಪ್‌ಗಳಲ್ಲಿ ಮಾತ್ರವಲ್ಲ, ರಸ್ತೆಯಲ್ಲಿರುವ ಚಿಕ್ಕ-ಪುಟ್ಟ ಚಿನ್ನಾಭರಣ ಅಂಗಡಿಗಳಲ್ಲೂ ಅಕ್ಷಯ ತೃತೀಯ ಶಾಪಿಂಗ್‌ ಮೇನಿಯಾ ಹೆಚ್ಚಾಗಿದೆ. ಆ ವಿಶೇಷ ದಿನದಂದು ಬಂಗಾರ ಖರೀದಿಸಲು ಮುನ್ನವೇ ಅಡ್ವಾನ್ಸ್‌ ನೀಡಿ ಅಥವಾ ಜ್ಯುವೆಲರಿ ಬುಕ್‌ ಮಾಡುವ ಗ್ರಾಹಕರು ಇಂದು ಹೆಚ್ಚಾಗಿದ್ದಾರೆ.

ಅಕ್ಷಯ ತೃತೀಯದಂದು ಬಂಗಾರದ ಖರೀದಿ

ಪುರಾಣ ಕಾಲದಿಂದಲೂ ಅಕ್ಷಯ ತೃತೀಯಾದಂದು ಶುಭ ಕೆಲಸ ಮಾಡುವುದರೊಂದಿಗೆ ಬೆಳ್ಳಿ-ಬಂಗಾರ ಖರೀದ ಮಾಡುವ ಪ್ರತೀತಿ ಇದೆ. ಆ ದಿನದಂದು ಖರೀದಿಸಿದಲ್ಲಿ ಅಥವಾ ಕೊಂಡು ಮನೆಗೆ ತಂದಲ್ಲಿ, ದುಪಟ್ಟು ಆಗುವುದೆಂಬ ನಂಬಿಕೆಯಿದೆ. ಅಷ್ಟು ಮಾತ್ರವಲ್ಲ, ಅಂದು ಬಂಗಾರ ಖರೀದಿ ಮಾಡಿದರೇ, ಒಳ್ಳೆಯದಾಗುತ್ತದೆ ಎಂಬ ನಂಬಿಕೆಯಿಂದಾಗಿ ವರ್ಷದಿಂದ ವರ್ಷಕ್ಕೆ ಬಂಗಾರ ಖರೀದಿಸುವವರ ಸಂಖ್ಯೆ ಅಧಿಕಗೊಂಡಿದೆ ಎನ್ನುತ್ತಾರೆ ಜ್ಯುವೆಲರಿ ಮಾರಾಟಗಾರರು.

ಅಕ್ಷಯ ತೃತೀಯಗೆ ಚಿನ್ನದ ಶಾಪಿಂಗ್‌

ಅಕ್ಷಯಾ ತೃತೀಯದಂದು ಶ್ರೀಮಂತರಿಂದ ಹಿಡಿದು ಶ್ರೀಸಾಮಾನ್ಯರು ಕೂಡ ಚಿನ್ನ ಖರೀದಿ ಮಾಡುತ್ತಾರೆ. ಹಾಗಾಗಿ ಚಿನ್ನದ ಶಾಪಿಂಗ್‌ ಮಾಡುವವರ ಸಂಖ್ಯೆ ಮೊದಲಿಗಿಂತ ಹೆಚ್ಚಾಗತೊಡಗಿದೆ. ಇದಕ್ಕೆ ಪೂರಕ ಎಂಬಂತೆ, ಸಾಕಷ್ಟು ಆಭರಣಗಳ ಅಂಗಡಿಯವರು ಕೂಡ ಖುದ್ದು ಕರೆ ಮಾಡಿ ಅಥವಾ ಜಾಹೀರಾತಿನ ಮೂಲಕ ಈಗಾಗಲೇ ಶಾಪಿಂಗ್‌ ಮಾಡುವವರಿಗೆ ಆಹ್ವಾನ ನೀಡುತ್ತಿದ್ದಾರೆ. ಜೊತೆಗೆ ನಾನಾ ಬಗೆಯ ಆಕರ್ಷಕ ಆಫರ್‌ ಕೂಡ ನೀಡುತಿದ್ದಾರೆ. ಅದರಲ್ಲೂ ರೆಗ್ಯುಲರ್‌ ಕಸ್ಟಮರ್‌ಗಳಿಗಂತೂ ಡಿಸ್ಕೌಂಟ್ಸ್‌ ಸೇರಿದಂತೆ ಮೇಕಿಂಗ್‌ ಚಾರ್ಜ್‌ ರಹಿತ, ವೆಸ್ಟೇಜ್‌ ರಹಿತವಾದ ಬೆಲೆಯಲ್ಲಿ ನೀಡುವ ಆಫರ್‌ಗಳನ್ನು ನೀಡುತ್ತಿದ್ದಾರೆ.

ಜ್ಯುವೆಲರಿಗಳ ಚೀಟಿ

ಇನ್ನು, ಸಾಕಷ್ಟು ಆಭರಣ ಶಾಪ್‌ಗಳು ಪ್ರತಿ ವರ್ಷವೂ ಗ್ರಾಹಕರನ್ನು ಸೆಳೆಯಲು ನಾನಾ ಬಗೆಯ ಬಂಗಾರ ಕೊಳ್ಳಲು ಸೇವಿಂಗ್ಸ್‌ ಚೀಟಿಗಳನ್ನು ಹಾಕಿಸಿಕೊಂಡು, ವರ್ಷಕ್ಕೊಮ್ಮೆ ಅಕ್ಷಯಾ ತೃತೀಯಾದಂದು ಬೇಕಾದ ಚಿನ್ನಾಭರಣಗಳನ್ನು ಖರೀದಿಸುವ ಸೌಲಭ್ಯವನ್ನು ನೀಡಿವೆ. ಇದರೊಂದಿಗೆ ಹೊಸ ಹೊಸ ಗ್ರಾಹಕರನ್ನು ಸೆಳೆದು ಅವರನ್ನೂ ಬಂಗಾರದ ಖರೀದಿಗೆ ಪ್ರೋತ್ಸಾಹಿಸುತ್ತಿವೆ ಎನ್ನುತ್ತಾರೆ ಜ್ಯುವೆಲರಿ ಶಾಪ್‌ವೊಂದರ ಮ್ಯಾನೇಜರ್‌.

ಬಂಗಾರ ಖರೀದಿಗೂ ಬಂತು ಇಎಮ್‌ಐ ಸೌಲಭ್ಯ

ಚಿನ್ನ ಖರೀದಿಸಲು ಸದ್ಯ ಹಣವಿಲ್ಲ! ಆದರೆ, ಖರೀದಿಸಬೇಕು ಎನ್ನುವವರಿಗೆ, ಒಂದಿಷ್ಟು ಡೌನ್‌ ಪೇಮೆಂಟ್‌ ತೆಗೆದುಕೊಂಡು, ಉಳಿದ ಹಣವನ್ನು ಇಎಮ್‌ಐ ಮೂಲಕ ಕಟ್ಟುವ ಸೌಲಭ್ಯವನ್ನು ನೀಡುತ್ತಿವೆ. ದೊಡ್ಡ ದೊಡ್ಡ ಬ್ರಾಂಡ್‌ಗಳಲ್ಲಿ ಈ ವ್ಯವಸ್ಥೆಯನ್ನು ಕಾಣಬಹುದು ಎನ್ನುತ್ತಾರೆ ಶಾಪಿಂಗ್‌ ಎಕ್ಸ್‌ಪರ್ಟ್‌ ನೀರಜ್‌. ಅವರ ಪ್ರಕಾರ, ಇಂತಹ ಸೌಲಭ್ಯಗಳು ಇತ್ತೀಚೆಗೆ ಮಹಿಳಾ ಖರೀದಿದಾರರನ್ನು ಹೆಚ್ಚಿಸಿವೆಯಂತೆ.

ಇದನ್ನೂ ಓದಿ: Akshaya Tritiya 2024: ಅಕ್ಷಯ ತೃತೀಯದಂದು ಏನು ಮಾಡಬೇಕು, ಏನು ಮಾಡಬಾರದು?

ಅಕ್ಷಯ ತೃತೀಯ ಶಾಪಿಂಗ್‌ ಟಿಪ್ಸ್‌

• ಮೊದಲೇ ಪ್ಲಾನ್‌ ಮಾಡಿ ನಂತರ ಖರೀದಿಸಿ.
• ಸೇವಿಂಗ್ಸ್‌ ಚೀಟಿಯ ಸದುಪಯೋಗಪಡಿಸಿಕೊಳ್ಳಿ.
• ಸೌಲಭ್ಯಗಳ ಬಗ್ಗೆ ಅರಿತು, ಖರೀದಿಸಿ.
• ಹಾಲ್‌ಮಾರ್ಕ್‌ ನೋಡಿ ಖರೀದಿ ಮಾಡಿ.
• ವೆಸ್ಟೇಜ್‌ಗೆ ಹೆಚ್ಚು ಹಣ ಸುರಿಯಬೇಡಿ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

–ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಅಂತರಾಷ್ಟ್ರೀಯ ಮಟ್ಟದ ಪ್ರತಿಷ್ಠಿತ ಫ್ಯಾಷನ್‌ ಇವೆಂಟ್‌ ಮೆಟ್‌ ಗಾಲದಲ್ಲಿ (Met Gala Fashion) ಎಲ್ಲಿ ನೋಡಿದರೂ ಇಂಟರ್‌ನ್ಯಾಷನಲ್‌ ತಾರೆಯರ, ಸೆಲೆಬ್ರೆಟಿಗಳ, ಫ್ಯಾಷನಿಸ್ಟಾಗಳ, ಡಿಸೈನರ್‌ಗಳ ಕಲರವ. ಒಬ್ಬೊಬ್ಬರದು ಒಂದೊಂದು ಬಗೆಯ ಫ್ಯಾಷನ್‌ ಥೀಮ್‌ ಒಳಗೊಂಡ ಡಿಸೈನರ್‌ವೇರ್‌ಗಳು. ಊಹೆಗೂ ಮೀರಿದ ಔಟ್‌ಫಿಟ್‌ಗಳು, ಅವರವರ ರಾಷ್ಟ್ರದ ಪ್ರಾದೇಶಿಕ ಜೀವನಶೈಲಿಗೆ ಹೊಂದುವಂತಹ ಕಾನ್ಸೆಪ್ಟ್‌ ಅನ್ನು ಮೆಟ್‌ ಗಾಲ ಥೀಮ್‌ ಜೊತೆಗೆ ಮಿಕ್ಸ್‌ ಮ್ಯಾಚ್‌ ಮಾಡಿ ಕಂಟೆಂಪರರಿ ಉಡುಗೆ-ತೊಡುಗೆಗಳಲ್ಲಿ ಕಾಣಿಸಿಕೊಳ್ಳುವುದು ಇಲ್ಲಿ ಸಾಮಾನ್ಯ. ಅಷ್ಟೇಕೆ! ಫ್ಯಾಷನ್‌ ಪ್ರಿಯರ ಹುಬ್ಬೇರುವಂತಹ ಚಿತ್ರ-ವಿಚಿತ್ರ ವಿನ್ಯಾಸಗಳು ಇಲ್ಲಿ ಕಂಡು ಬರುತ್ತವೆ. ಇದು ಮೆಟ್‌ ಗಾಲಾದ ಚಿತ್ರಣ. ಹೌದು. ಇನ್ನು, ಜಾಗತೀಕ ಮಟ್ಟದಲ್ಲಿ ನಡೆಯುವ ಪ್ರತಿಷ್ಠಿತ ಫ್ಯಾಷನ್‌ ಇವೆಂಟ್‌ ಮೆಟ್‌ ಗಾಲಾ ಗ್ರೀನ್‌ ಕಾರ್ಪೆಟ್‌ ಮೇಲೆ ವಾಕ್‌ ಮಾಡುವುದೇ ಹೆಗ್ಗಳಿಕೆ. ಅಂತಹದ್ದರಲ್ಲಿ ಬಾಲಿವುಡ್‌ ನಟಿ ಆಲಿಯಾ ಭಟ್‌ ತಮ್ಮ ಗಾರ್ಡನ್‌ ಥೀಮ್‌ ಹೊಂದಿರುವ ಸೀರೆಯಲ್ಲಿ ಕಾಣಿಸಿಕೊಂಡರೇ. ಇಶಾ ಅಂಬಾನಿ ಕೂಡ ಫ್ಲೋರಲ್‌ ಡಿಸೈನರ್‌ ಸೀರೆ ಗೌನ್‌ನಲ್ಲಿ ಕಾಣಿಸಿಕೊಂಡು ಅಂತರಾಷ್ಟ್ರೀಯ ಮಟ್ಟದ ಫ್ಯಾಷನ್‌ ಪ್ರಿಯರ ಗಮನ ಸೆಳೆದರು. ಇನ್ನು ಫ್ಯಾಷನ್‌ ದಿವಾ ನತಾಶಾ ಪೂನಾವಾಲಾ ಎಂದಿನಂತೆ ವಿಭಿನ್ನ ಡಿಸೈನರ್‌ವೇರ್‌ನಲ್ಲಿ ಕಾಣಿಸಿಕೊಂಡರು. ಯಾರ್ಯಾರ ಡಿಸೈನರ್‌ವೇರ್‌ಗಳು ಹೇಗೆಲ್ಲಾ ಇದ್ದವು? ಅವುಗಳ ವಿಶೇಷತೆಯೇನು? ಎಂಬುದರ ಬಗ್ಗೆ ಇಲ್ಲಿದೆ ಸಂಕ್ಷೀಪ್ತ ಡಿಟೇಲ್ಸ್‌ .
ರಿಯಲ್‌ ಹರಳುಗಳಿಂದ ವಿನ್ಯಾಸ ಮಾಡಿದ

ಆಲಿಯಾ ಭಟ್‌ ಸೀರೆ

ಸೆಲೆಬ್ರೆಟಿ ಡಿಸೈನರ್‌ ಸಭ್ಯಸಾಚಿಯವರ ಡಿಸೈನರ್‌ ಫ್ಲೋರಲ್‌ ಅತ್ಯಾಕರ್ಷಕ ಸೀರೆಯಲ್ಲಿ ಬಾಲಿವುಡ್‌ ನಟಿ ಆಲಿಯಾ ಭಟ್‌, ಗ್ರೀನ್‌ಕಾರ್ಪೆಟ್‌ ಮೇಲೆ ಸೀರೆಯ ಉದ್ದುದ್ದ ಸೆರಗನ್ನು ಹಾಸಿ ವಾಕ್‌ ಮಾಡಿದ್ದು, ವಿದೇಶಿ ಫ್ಯಾಷನ್‌ ಪ್ರಿಯರನ್ನು ಸೆಳೆಯಿತು. ಸ್ಟೈಲಿಸ್ಟ್‌ ಅನೈತಾ ಶ್ರಾಫ್‌ ಸ್ಟೈಲಿಂಗ್‌ ಮಾಡಿದ್ದರು. ತಿಳಿ ಮಿಂಟ್‌ ಗ್ರೀನ್‌ ಶೇಡ್‌ನ ಈ ಕಸ್ಟಮೈಸ್ಡ್‌ ಸೀರೆ, ರಿಯಲ್‌ ಹರಳುಗಳನ್ನು ಹೊಂದಿವೆ. ಅಲ್ಲಲ್ಲಿ ಚಿಕ್ಕ ಚಿಕ್ಕ ಗೋಲ್ಡನ್‌ ಬೀಡ್ಸ್‌ ಹಾಗೂ ಶೀರ್‌ ಫ್ಯಾಬ್ರಿಕ್‌ನ ಸೂಕ್ಷ್ಮ ಕುಸುರಿ ಹ್ಯಾಂಡ್‌ ವರ್ಕ್‌ ಹಾಗೂ ಬಾರ್ಡರ್‌ ಫ್ರಿಂಝ್‌ ವಿನ್ಯಾಸ ಸೀರೆಯನ್ನು ಅತ್ಯಾಕರ್ಷಕವಾಗಿಸಿದೆ. ಇನ್ನು, ಇದರ ಬ್ಲೌಸ್‌ ಯಾವ ಮಟ್ಟಿಗೆ ಆಕರ್ಷಕವಾಗಿದೆಯೆಂದರೇ, ರಾಣಿ-ಮಹಾರಾಣಿಯರು ಧರಿಸುತ್ತಿದ್ದ, ಕ್ರಾಪ್‌ ಬ್ಲೌಸ್‌ ಶೈಲಿಯನ್ನು ಹೊಂದುವಂತಿದೆ. ಇದರ ಡಬ್ಬಲ್‌ ಮೆಗಾ ಸ್ಲೀವ್‌ ಹಾಗೂ ಹಿಂಬದಿಯಲ್ಲಿರುವ ದೊಡ್ಡ ಬೋ ಡಿಸೈನ್‌ ರಾಜಕುಮಾರಿಯ ಲುಕ್‌ ನೀಡಿದೆ ಎನ್ನುತ್ತಾರೆ ಫ್ಯಾಷನ್‌ ವಿಮರ್ಶಕರು. ಅಂದಹಾಗೆ, ಇದು ಆಲಿಯಾ ಎರಡನೇ ವಾಕ್‌.

ಇಶಾ ಅಂಬಾನಿಯ ದುಬಾರಿ ಬೆಲೆಯ ಸ್ಯಾರಿ ಗೌನ್‌

ಡಿಸೈನರ್‌ ರಾಹುಲ್‌ ಮಿಶ್ರಾ ಅವರ ಕಾಚರ್‌ ಸ್ಯಾರಿ ಗೌನ್‌ ಲಾಂಗ್‌ ಸೆರಗನ್ನು ಹೊಂದಿದ್ದು, ಈ ಅತ್ಯಾಕರ್ಷಕ ವಿನ್ಯಾಸ ಒಳಗೊಂಡಿದೆ. ದಿ ಗಾರ್ಡನ್‌ ಆಪ್‌ ಟೈಮ್‌ ಹೆಸರಿನ ಈ ಥೀಮ್‌ ಸ್ಯಾರಿ ಗೌನ್‌ನ ಹ್ಯಾಂಡ್‌ ಎಂಬ್ರಾಯ್ಡರಿ ನಕಾಶಿ ವರ್ಕ್‌ ಒಳಗೊಂಡಿದೆ. ಮಿನಿಯೇಚರ್‌ ಪೇಟಿಂಗ್‌ ಕೂಡ ಹೊಂದಿದ್ದು, ಸ್ಯಾರಿ ಗೌನ್‌ಗೆ ಹೊಸ ಭಾಷ್ಯಾ ಬರೆದಿದೆ. ದೇಸಿ ವಿನ್ಯಾಸಗಳನ್ನು ಹೊಂದಿದೆ ಎನ್ನಲಾಗಿದೆ. ಇಶಾ ಅಂಬಾನಿಯ ಈ ಡಿಸೈನರ್‌ವೇರ್‌ ಕಂಪ್ಲೀಟ್‌ ಮಾಡಲು ಕಾರ್ಯಗಾರರಿಗೆ ಸರಿ ಸುಮಾರು 10 ಸಾವಿರ ಗಂಟೆ ಬೇಕಾಯಿತಂತೆ.

ನತಾಶಾ ಪೂನಾವಾಲಾ ವಿಭಿನ್ನ ಡಿಸೈನರ್‌ವೇರ್‌

ಸ್ಲೀಪಿಂಗ್‌ ಬ್ಯೂಟೀಸ್‌ – ರೀ ಬರ್ತ್-‌ ರೀನಿವಲ್‌ ಹೆಸರನ್ನು ತಮ್ಮ ಫ್ಯಾಷನ್‌ ಟ್ಯಾಗ್‌ಲೈನ್‌ನಲ್ಲಿ ಕೊಟ್ಟುಕೊಂಡಿರುವ ನತಾಶಾ ಪೂನಾವಾಲಾ ಅವರ ಫ್ಯಾಷನ್‌ ಸ್ಟೇಟ್‌ಮೆಂಟ್ಸ್‌ ಎಲ್ಲರಿಗಿಂತ ಭಿನ್ನವಾಗಿತ್ತು. ಅಂತರಾಷ್ಟ್ರೀಯ ಮಟ್ಟದಲ್ಲಿ ಖ್ಯಾತಿ ಗಳಿಸಿದ ಡಿಸೈನರ್‌ ಜಾನ್‌ ಗಾಲ್ಲಿಯಾನೊ ವಿನ್ಯಾಸದ ಮಾರ್ಗೆಲಾದಲ್ಲಿ ಇಲ್ಯೂಷನ್‌ ಕ್ರಿಯೇಟ್‌ ಮಾಡುವಂತಹ ಕಾರ್ಸೆಟ್‌ ಡಿಸೈನ್‌ನ ಪೆಪ್ಲಮ್‌ ಕೋಟ್‌, ಸ್ಕರ್ಟ್‌, ವಿಕ್ಟೋರಿಯನ್‌ ಹ್ಯಾಟ್‌, ಹ್ಯಾಂಡ್‌ ಬಾಗ್‌ ನತಾಶಾ ಪೂನಾವಾಲಾರಿಗೆ ಕಂಪ್ಲೀಟ್‌ ವಿಭಿನ್ನ ಲುಕ್‌ ನೀಡಿತ್ತು. ಇದರೊಂದಿಗೆ ಕ್ರಿಸ್ಟಿಯನ್‌ ಲೌಬಾಟಿನ್‌ ಕೊಲಾಬಾರೇಷನ್‌ನಲ್ಲಿ ಧರಿಸಿದ ಸ್ಕೈ ಹೀಲ್ಸ್‌ ಫುಟ್‌ವೇರ್‌ ಇಡೀ ಲುಕ್‌ಗೆ ಡಿಫರೆಂಟ್‌ ಇಮೇಜ್‌ ನೀಡಿತ್ತು.

ಇದನ್ನೂ ಓದಿ: Summer Holiday Fashion: ಸೀಸನ್‌ ಟ್ರೆಂಡ್‌ನ ಟಾಪ್‌ ಲಿಸ್ಟ್‌ನಲ್ಲಿ ಸಮ್ಮರ್‌ ಹಾಲಿಡೇ ಫ್ಯಾಷನ್‌

ಮೆಟಾ ಗಾಲದಲ್ಲಿ ಪಾಲ್ಗೊಂಡ ಇತರೇ ಭಾರತೀಯರು

ಮಾಡೆಲ್‌ ಅಂಬಿಕಾ ಮೊದ ಮೊದಲ ಬಾರಿ ಮೆಟ್‌ಗಾಲಾದಲ್ಲಿ ಮಾನೋಕ್ರೋಮ್‌ ಬ್ಲ್ಯಾಕ್‌ ವೈಟ್‌ ಗೌನ್‌ನಲ್ಲಿ ಕಾಣಿಸಿಕೊಂಡರು. ಡಿಸೈನರ್‌ ಗೌರವ್‌ ಗುಪ್ತಾರ ಸುತ್ತುವರಿದ ಕಾಚರ್‌ ಡಿಸೈನರ್‌ ನ್ಯೂಡ್‌ ಗೌನ್‌ನಲ್ಲಿ ಮಾಡೆಲ್‌ ಮೈಂಡಿ ಕೈಲಾಂಗ್‌ ವಾಕ್‌ ಮಾಡಿದರು. ಇನ್ನು ಬ್ರಿಡ್ಜರ್‌ಟನ್‌ ಸಿನಿಮಾದ ನಟಿ ಸಿಮೊನ್‌ ಆಶ್ಲೆ, ಪ್ರಬಾಲ್‌ ಗುರುಂಗ್‌ ವಿನ್ಯಾಸದ ಕಟೌಟ್‌ ನೆವ್ವಿ ಬ್ಲ್ಯೂ ಶಿಮ್ಮರ್‌ ಡಿಸೈನರ್‌ವೇರ್‌ನಲ್ಲಿ ಪೋಸ್‌ ನೀಡಿದರು.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಸಮ್ಮರ್‌ ಸೀಸನ್‌ನ ಹಾಲಿಡೇಗೆ (Summer Holiday Fashion) ಮ್ಯಾಚ್‌ ಆಗುವಂತಹ ನಾನಾ ಬಗೆಯ ಹಾಲಿಡೇ ಫ್ಯಾಷನ್‌ವೇರ್‌ಗಳು ಮಾರುಕಟ್ಟೆಗೆ ಈಗಾಗಲೇ ಲಗ್ಗೆ ಇಟ್ಟಿದ್ದು, ಟ್ರಾವೆಲ್‌ ಪ್ರಿಯರನ್ನು ಸೆಳೆದಿವೆ. ಯೂನಿಸೆಕ್ಸ್‌ ಡಿಸೈನ್‌ನ ಶಾರ್ಟ್ಸ್, ಪ್ಯಾಂಟ್ಸ್, ಟೀ ಶರ್ಟ್ಸ್, ಹುಡುಗಿಯರ ಸ್ಲಿಟ್‌ ಸ್ಕರ್ಟ್ಸ್, ಗಿಡ್ಡನಾದ ಪಲ್ಹಾಜೊ ಪ್ಯಾಂಟ್ಸ್‌, ಸ್ಲಿವ್‌ಲೆಸ್‌ ಟಾಪ್‌-ಕುರ್ತಾ , ಕ್ರಾಪ್‌ ಟಾಪ್ಸ್, ಹುಡಗ-ಹುಡುಗಿಯರು ಧರಿಸಬಹುದಾದ ಗಿಂಗ್ನಂ ಸ್ಟೈಲ್‌ನ ಬರ್ಮುಡಾ, ಸ್ಲಿವ್‌ಲೆಸ್‌ ಬನಿಯನ್‌ ಶೈಲಿಯ ಟೀ ಶರ್ಟ್ಸ್, ಗೋವಾ ಸ್ಟೈಲ್‌ ಶಾರ್ಟ್ಸ್‌ಗಳು ಬಿಡುಗಡೆಯಾಗಿ, ಬೇಡಿಕೆ ಹೆಚ್ಚಿಸಿಕೊಂಡಿವೆ. ಎಥ್ನಿಕ್‌ ಸ್ಟೈಲ್‌ನ ಉಡುಪುಗಳಿಗಿಂತ ಕ್ಯಾಶುವಲ್‌ ಔಟ್‌ಫಿಟ್‌ಗಳಿಗೆ ಮಾನ್ಯತೆ ಹೆಚ್ಚಾಗಿದೆ.

ಲಾಂಗ್‌ ಹಾಲಿಡೇ ಫ್ಯಾಷನ್‌ ವೇರ್ಸ್

ಇನ್ನು ಲಾಂಗ್‌ ಹಾಲಿಡೇಸ್‌ ಟೂರ್‌ಗೆ ಹೋಗುವುದಾದಲ್ಲಿಆದಷ್ಟೂ ಲೈಟ್‌ವೇಟ್‌ ಉಡುಪುಗಳನ್ನು ಆಯ್ಕೆ ಮಾಡಿ. ಟೂರ್‌ ಸ್ಪಾಟ್‌ಗಳಲ್ಲಿ ಸಮ್ಮರ್‌ ಸೀಸನ್‌ಗೆ ಹೊಂದುವಂತಹ ಉಡುಪುಗಳು ದೊರಕುತ್ತವೆ. ಅಲ್ಲಿಯೂ ಕೊಳ್ಳಬಹುದು. ಹುಡುಗಿಯರು ಹೆಚ್ಚು ಪ್ರಿಪೇರ್‌ ಆಗಬೇಕಾಗುತ್ತದೆ. ಆದರೆ, ಹುಡುಗರ ವಿಷಯದಲ್ಲಿ ಹಾಗಿಲ್ಲ, ಹೋದೆಡೆಯೇ ಒಂದೆರೆಡು ಟೀ ಶರ್ಟ್ಸ್ ಹಾಗೂ ಬರ್ಮುಡಾ ಕೊಂಡರಾಯಿತು, ಹೆಚ್ಚು ತೆಲೆ ಬಿಸಿಯಿಲ್ಲ ಎನ್ನುತ್ತಾರೆ ಫ್ಯಾಷನಿಸ್ಟಾ ರಾಜ್‌.

ಪಿಕ್‌ನಿಕ್‌ ಹಾಲಿಡೇ ವೇರ್ಸ್

ಇದೀಗ ಟ್ರೆಂಡಿಯಾಗಿರುವ ಬಣ್ಣ ಬಣ್ಣದ ರೆಸಾರ್ಟ್‌ವೇರ್‌ಗಳನ್ನು ಆಯ್ಕೆ ಮಾಡಿಕೊಳ್ಳಬಹುದು. ಆದರೆ, ಹುಡುಗಿಯರು ಉದ್ದುದ್ದದ ಲಾಂಗ್‌ ಸ್ಕರ್ಟ್ಸ್ ಆವಾಯ್ಡ್‌ ಮಾಡಿ. ಫುಲ್‌ ಸ್ಲೀವ್‌ ಬೇಡ. ಲೇಯರ್‌ ಲುಕ್‌ಗೆ ಬೈ ಹೇಳಿ. ಬೇಸಿಗೆಯಲ್ಲಿ ಬ್ರೈಟ್‌ ಹಾಗೂ ಪಾಸ್ಟೆಲ್‌ ಕಲರ್ಸ್‌ ಆಯ್ಕೆ ಮಾಡಿ. ವಾಟರ್‌ ಫಾಲ್ ಅಥವಾ ಅಮ್ಯೂಸ್‌ಮೆಂಟ್‌ ಸ್ಪಾಟ್‌ಗಳಿಗೆ ಆದಷ್ಟೂ ಮೈಗೆ ಅಂಟದಂತಹ ವಾಟರ್‌ ಪ್ರೂಫ್‌ ಶಾಟ್ರ್ಸ್, ಟೈಟ್ಸ್ ಹಾಗೂ ಟೀ ಶಟ್ರ್ಸ್ ಆಯ್ಕೆ ಮಾಡಿ. ಕೇಪ್ರೀಸ್‌, ಕ್ಯೂಲೆಟ್ಸ್‌ ಕೂಡ ಬೆಸ್ಟ್‌.

ಫ್ರೆಶ್‌ ಕಲರ್ಸ್ ಡ್ರೆಸ್‌ಗೆ ಆದ್ಯತೆ ನೀಡಿ

ಹಾಲಿಡೇಗೆ ಹೋಗುವಾಗ ಆದಷ್ಟೂ ಮನಸ್ಸಿಗೆ ಉಲ್ಲಾಸ ನೀಡುವಂತಹ ಕಲರ್‌ ಉಡುಪುಗಳ ಆಯ್ಕೆ ಮಾಡಿ. ಯಾವುದೇ ಕಾರಣಕ್ಕೂ ಬ್ಲಾಕ್‌, ಕಾಫಿ ಕಲರ್‌, ಡೀಪ್‌ ಬ್ಲ್ಯೂ ವರ್ಣದ ಉಡುಪುಗಳು ಬೇಡ. ಇವು ಬಿಸಿಲ ಶಾಖವನ್ನು ಹೀರುತ್ತವೆ. ನಿತ್ರಾಣಗೊಳಿಸುತ್ತವೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು. ಫ್ಲೋರಲ್‌ ಹಾಗೂ ಗಿಂಗ್ನಂ ಔಟ್‌ಫಿಟ್‌ಗಳು ಫ್ರೆಶ್‌ ಫೀಲಿಂಗ್‌ ನೀಡುತ್ತವೆ.

ಕಂಫರ್ಟಬಲ್‌ ಫುಟ್‌ವೇರ್‌ ಆಯ್ಕೆ

ಹಿಲ್‌ ಸ್ಟೇಷನ್‌ ಅಥವಾ ಹೆಚ್ಚು ನಡೆಯುವಂತಹ ಜಾಗಗಳಿಗೆ ಹೋಗುತ್ತಿರುವುರಾದರೇ ಶೋ ಪ್ರಿಫರ್‌ ಮಾಡಿ. ಹೈ ಹೀಲ್ಸ್ ಆವಾಯ್ಡ್‌ ಮಾಡಿ. ಆದಷ್ಟೂ ಫ್ಲಿಪ್‌ ಫ್ಲಾಪ್‌ನಂತಹ ಆರಾಮ ಎನಿಸುವ ಹೊಸ ಬಗೆಯ ಫುಟ್‌ವೇರ್‌ಗೆ ಸೈ ಎನ್ನಿ.

ಇದನ್ನೂ ಓದಿ: Torn Jeans Styling Tips: ಟೊರ್ನ್‌ ಜೀನ್ಸ್‌ ಪ್ಯಾಂಟ್‌ ಪ್ರಿಯರು ನೆನಪಿನಲ್ಲಿಟ್ಟುಕೊಳ್ಳಬೇಕಾದ 5 ಪ್ರಮುಖ ಸಂಗತಿಗಳು

ಹಾಲಿಡೇ ಎಂಜಾಯ್‌ ಮಾಡಲು ಹೀಗೆ ಮಾಡಿ

• ಔಟ್‌ಫಿಟ್‌ಗೆ ಹೆಚ್ಚು ಆಕ್ಸೆಸರೀಸ್‌ ಧರಿಸುವುದು ಬೇಡ.
• ಹಾಲಿ ಡೇ ಔಟ್‌ಫಿಟ್‌ ಸೀಸನ್‌ಗೆ ತಕ್ಕಂತಿರಲಿ.
• ಬೆಲೆಬಾಳುವ ಜ್ಯುವೆಲರಿ ಧರಿಸಬೇಡಿ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)