-ಶೀಲಾ ಸಿ, ಶೆಟ್ಟಿ, ಬೆಂಗಳೂರು
ವೆಡ್ಡಿಂಗ್‌ ಜ್ಯುವೆಲ್‌ ಫ್ಯಾಷನ್‌ನಲ್ಲಿ (Wedding Jewel Fashion) ಇದೀಗ ಕಿವಿಯ ಸೌಂದರ್ಯವನ್ನು ಹೆಚ್ಚಿಸುವ ನಾನಾ ಬಗೆಯ ಟ್ರೆಡಿಷನಲ್‌ ಲುಕ್‌ ನೀಡುವ ಡಿಸೈನರ್‌ ಮಾಟಿಗಳು ರೀ ಎಂಟ್ರಿ ನೀಡಿದ್ದು, ಅವುಗಳಲ್ಲಿ 3 ಶೈಲಿಯವು ಮಹಿಳೆಯರನ್ನು ಅಲಂಕರಿಸುತ್ತಿವೆ.

ಟ್ರೆಡಿಷನಲ್‌ ಲುಕ್‌ಗೆ ಸಾಥ್‌ ನೀಡುವ ಮಾಟಿ

“ಕಿವಿಯ ಓಲೆಯೊಂದಿಗೆ ಧರಿಸುವ ಮಾಟಿಗಳು ಮೊದಲಿನಿಂದಲೂ ಟ್ರೆಡಿಷನಲ್‌ ಲುಕ್‌ ಬಯಸುವ ಮಹಿಳೆಯರ ಕಿವಿಯನ್ನು ಶೃಂಗರಿಸುತ್ತಿವೆ. ಮನೆಯ ಸಮಾರಂಭಗಳು ಅದರಲ್ಲೂ ಮದುವೆಯಂತಹ ದೊಡ್ಡ ಕ್ರಾರ್ಯಕ್ರಮಗಳಲ್ಲಿ ಮಾನಿನಿಯರನ್ನು ಸಿಂಗರಿಸುತ್ತಿವೆ. ಸಂತಸದ ವಿಚಾರವೆಂದರೇ, ಇದೀಗ ಮಾಡರ್ನ್‌ ಲುಕ್‌ ಬಯಸುವ ಯುವತಿಯರೂ ಕೂಡ ಇಷ್ಟಪಟ್ಟು ಧರಿಸತೊಡಗಿದ್ದಾರೆ” ಎನ್ನುತ್ತಾರೆ” ಜ್ಯುವೆಲ್‌ ಡಿಸೈನರ್‌ ಧೃತಿ. ಅವರ ಪ್ರಕಾರ, ಈ ಮಾಟಿಗಳು ಯುವತಿಯರ ಹೇರ್‌ಸ್ಟೈಲ್‌ ಸೌಂದರ್ಯಕ್ಕೂ ಸಾಥ್‌ ನೀಡುತ್ತಿವೆಯಂತೆ.

ಬ್ರೈಡಲ್‌ ಲುಕ್‌ಗೆ ಸಾಥ್‌

ಮದುಮಗಳ ಜುವೆಲರಿ ಸೆಟ್‌ನಲ್ಲಿ ಇದೀಗ ನಾನಾ ಬಗೆಯ ಮಾಟಿಗಳು ಟ್ರೆಂಡಿಯಾಗಿದ್ದು, ಅವುಗಳಲ್ಲಿ ಆಂಟಿಕ್‌ ಮಾಟಿಗಳು ಪ್ರಾಮುಖ್ಯತೆ ಪಡೆದುಕೊಂಡಿವೆ. ಇನ್ನು, ಸಾಮಾನ್ಯವಾಗಿ ಎರಡು ಬಗೆಯ ಮಾಟಿಗಳು ದೊರೆಯುತ್ತವೆ. ಅವುಗಳಲ್ಲಿ, ಕೂದಲಿಗೆ ಸಿಕ್ಕಿಸುವ ಮಾಟಿಗಳು ಹಾಗೂ ಕಿವಿಯ ಮುಂದಿನ ಭಾಗದಿಂದ ಕಿವಿಯ ಓಲೆಯ ಹಿಂದಿನ ಭಾಗಕ್ಕೆ ಸಿಕ್ಕಿಸುವ ಮಾಟಿಗಳು ದೊರೆಯುತ್ತವೆ. ಕೂದಲಿಗೆ ಸಿಕ್ಕಿಸುವಂತವು ಹೇರ್‌ಸ್ಟೈಲನ್ನು ಹೈಲೈಟ್‌ ಮಾಡುತ್ತವೆ. ಕಿವಿಯಿಂದ ಹಿಂದಿನ ಓಲೆಯ ಭಾಗಕ್ಕೆ ಧರಿಸುವಂತವು ಸಿಂಪಲ್ಲಾಗಿ ಕಾಣುತ್ತವೆ. ಒಟ್ಟಿನಲ್ಲಿ, ಮಹಿಳೆಯರಿಗೆ ಟ್ರೆಡಿಷನಲ್‌ ಲುಕ್‌ ನೀಡುತ್ತವೆ ಎನ್ನುತ್ತಾರೆ ಜ್ಯುವೆಲ್‌ ಡಿಸೈನರ್‌ ದಿಯಾ.

ಪರ್ಲ್‌ ಲೇಯರ್‌ ಮಾಟಿ

ಮೂರ್ನಾಲ್ಕು ಸಾಲುಗಳ ಮುತ್ತಿನ ಎಳೆಗಳಿರುವ ಪರ್ಲ್‌ ಮಾಟಿಯು ಇಂದು ಮದುಮಗಳನ್ನು ಮಾತ್ರವಲ್ಲ, ಇತರೇ ಮಹಿಳೆಯರನ್ನು ಸೆಳೆದಿದೆ. ಮುತ್ತಿನ ಎಳೆಗಳಿರುವಂತವು ಇಂದು ಹೆಚ್ಚು ಬೇಡಿಕೆ ಪಡೆದುಕೊಂಡಿವೆ.

ಹರಳಿನ ಮಾಟಿ

ಇದು ಹಳೆಯ ಕಾಲದ ಡಿಸೈನ್‌ನ ಮಾಟಿಯಿದು. ಅಜ್ಜಿ ಕಾಲದ ಮಾಟಿ ಎಂದು ಕರೆಯಲಾಗುತ್ತಾದರೂ ಇದೀಗ ಚಾಲ್ತಿಯಲ್ಲಿರುವ ಟ್ರೆಡಿಷನಲ್‌ ಜ್ಯುವೆಲರಿಗಳಲ್ಲಿ ಇವು ಒಂದಾಗಿವೆ. ಕಿವಿಯ ಮುಂದಿನಿಂದ, ಓಲೆಯ ಹಿಂದಿನವರೆಗೆ ಎಳೆದು ಧರಿಸಲಾಗುತ್ತದೆ.

ಸಾದಾ ಗೋಲ್ಡ್ ಮಾಟಿ

ಸಾದಾ ಡಿಸೈನ್‌ನ ಮಾಟಿಗಳಲ್ಲಿ ನಾನಾ ಡಿಸೈನ್‌ನವು ಲಭ್ಯ. ಕೆಲವು ಸಾದಾ ಚೈನ್‌ನೊಂದಿಗೆ ಬೀಡ್ಸ್ ಡಿಸೈನ್‌ ಹೊಂದಿರುತ್ತವೆ. ಇಲ್ಲವೇ ಡಿಸ್ಕೋ ಚೈನ್‌, ರೋಪ್‌ ಚೈನ್‌ ಸೇರಿದಂತೆ ನಾನಾ ವಿನ್ಯಾಸದಲ್ಲಿ ದೊರೆಯುತ್ತವೆ.

ಇದನ್ನೂ ಓದಿ: Kangana Ranaut Saree Fashion: ದೇಸಿ ಸೀರೆ ನೇಯ್ದ ನೇಕಾರರಿಗೆ ಥ್ಯಾಂಕ್ಸ್ ಹೇಳಿದ ಕಂಗನಾ ರಣಾವತ್!

ಮಾಟಿ ಪ್ರಿಯರಿಗೆ ಟಿಪ್ಸ್

• ಕಿವಿಗೆ ಹೊಂದುವಂತಹ ಡಿಸೈನ್‌ನವನ್ನು ಆಯ್ಕೆ ಮಾಡಿ.
• ಚಿಕ್ಕ ಕಿವಿಗೆ ಲೇಯರ್‌ ಮಾಟಿ ಧರಿಸಿ. ಅಂದವಾಗಿ ಕಾಣಿಸುವುದು.
• ದೊಡ್ಡ ಕಿವಿಗೆ ಆದಷ್ಟೂ ಸ್ಟೋನ್ಸ್ ಡಿಸೈನ್‌ನವನ್ನು ಧರಿಸಿ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮೆನ್ಸ್ ಫ್ಯಾಷನ್‌ನಲ್ಲಿ ಇದೀಗ ಮತ್ತೊಮ್ಮೆ ಸ್ಟ್ರೈಪ್ಡ್ ಶರ್ಟ್ಸ್ (Mens Stripe Shirt Fashion) ರೀ ಎಂಟ್ರಿ ನೀಡಿವೆ. ಈ ಹಿಂದೆ ಚಾಲ್ತಿಯಲ್ಲಿದ್ದ ಚಿಕ್ಕ ಸ್ಟ್ರೈಪ್ಸ್ ಶರ್ಟ್ಸ್, ಇದೀಗ ಸೈಡಿಗೆ ಸರಿದಿದ್ದು, ದೊಡ್ಡ ದೊಡ್ಡ ಸ್ಟ್ರೈಪ್ಸ್ ಶರ್ಟ್ಸ್ ಚಾಲ್ತಿಗೆ ಬಂದಿವೆ. ಅದರಲ್ಲೂ ಸ್ಲಿಮ್‌ ಫಿಟ್‌ ಹಾಗೂ ಲಾಂಗ್‌ ಸ್ಲೀವ್‌ನ ಈ ಶರ್ಟ್‌ಗಳು ಯುವಕರ ಸ್ಟೈಲ್‌ ಸ್ಟೇಟ್ಮೆಂಟ್‌ಗೆ ಸಾಥ್‌ ನೀಡುತ್ತಿವೆ.

ಮೆನ್ಸ್ ಕ್ಯಾಶುವಲ್‌ ಲುಕ್‌ಗೆ ಸ್ಟ್ರೈಪ್ಸ್ ಶರ್ಟ್ ಸಾಥ್

“ಮೆನ್ಸ್ ಫ್ಯಾಷನ್‌ನಲ್ಲಿ ಆಗಾಗ ನಾನಾ ಫ್ಯಾಬ್ರಿಕ್‌ನ ಹಾಗೂ ಶೇಡ್‌ನ ಶರ್ಟ್‌ಗಳು ಆಗಮಿಸುತ್ತಿರುತ್ತವೆ. ಅಲ್ಲದೇ, ಸೀಸನ್‌ಗೆ ತಕ್ಕಂತೆ ಬದಲಾಗುತ್ತಿರುತ್ತವೆ. ಇನ್ನು ಸ್ಟ್ರೈಪ್ಸ್ ಶರ್ಟ್ಸ್ ಮೊದಲಿನಿಂದಲೂ ಪುರುಷರ ಫ್ಯಾಷನ್‌ನಲ್ಲಿದ್ದು, ಉದ್ಯೋಗಸ್ಥರ ಲೈಫ್‌ಸ್ಟೈಲ್‌ನಲ್ಲಿ ಒಂದಾಗಿವೆ. ಕಚೇರಿಗೆ ತೆರಳುವ ಪುರುಷರ ಸಿಂಪಲ್‌ ಸ್ಟೈಲ್‌ ಸ್ಟೇಟ್‌ಮೆಂಟ್ಸ್‌ಗೆ ಇವು ಜೊತೆಯಾಗಿವೆ. ಇನ್ನು, ಫ್ಯಾಷೆನಬಲ್‌ ಯುವಕರ ವಿಷಯಕ್ಕೆ ಬಂದಲ್ಲಿ, ಈ ಶರ್ಟ್ಸ್ ಕೆಲಕಾಲ ಹುಡುಗರ ಫ್ಯಾಷನ್‌ನಿಂದ ದೂರವಿದ್ದವು. ಆದರೆ, ಇದೀಗ ಈ ಬಿಗ್‌ ಸ್ಟ್ರೈಪ್ಸ್ ಪ್ರಿಂಟ್ಸ್ ಯುವಕರಿಗೆ ಪ್ರಿಯವಾಗಿವೆ. ಇದಕ್ಕೆ ಕಾರಣ, ಕೊಂಚ ಬದಲಾದ ಲುಕ್‌ನಲ್ಲಿ ಹಾಗೂ ಕಾಂಬಿನೇಷನ್‌ನಲ್ಲಿ ಬಂದಿರುವುದು. ಕ್ಯಾಶುವಲ್‌ ಲುಕ್‌ಗೆ ಸಾಥ್‌ ನೀಡುತ್ತಿರುವುದು” ಎನ್ನುತ್ತಾರೆ ಮೆನ್ಸ್ ಸ್ಟೈಲಿಸ್ಟ್ ರಜತ್‌.

ಪಾಪ್ಯುಲರ್‌ ಆಗಿರುವ ಸ್ಟ್ರೈಪ್ಸ್ ಶರ್ಟ್ಸ್

ಈ ಸೀಸನ್‌ನಲ್ಲಿ ಅತಿ ಹೆಚ್ಚು ಪಾಪ್ಯುಲರ್‌ ಆಗಿರುವ ಸ್ಟ್ರೈಪ್ಸ್ ಶರ್ಟ್‌ಗಳೆಂದರೆ ಸ್ಲಿಮ್‌ ಫಿಟ್‌ ಶೈಲಿಯ ಲೆನಿನ್‌ ಹಾಗೂ ಕಾಟನ್‌ ಫ್ಯಾಬ್ರಿಕ್‌ನ ಬ್ಲ್ಯೂ & ವೈಟ್‌ ಕಾಂಬಿನೇಷನ್‌ನ ಶರ್ಟ್ಸ್ ಹಾಗೂ ಬ್ಲ್ಯಾಕ್‌ ಅಥವಾ ಗ್ರೇ ಶೇಡ್‌ನ ಶರ್ಟ್ಸ್. ಇನ್ನು, ಕೆಲವು ಪೀಚ್‌ ಹಾಗೂ ಪಿಸ್ತಾ ಶೇಡ್‌ನವು ಬಂದಿದ್ದು, ಒಂದಿಷ್ಟು ಹುಡುಗರಿಗೆ ಇಷ್ಟವಾಗಿವೆ ಎನ್ನುತ್ತಾರೆ ಫ್ಯಾಷನಿಸ್ಟ್‌ಗಳು.

ವರ್ಟಿಕಲ್‌ ಸ್ಟ್ರೈಪ್ಸ್ ಫ್ಯಾಷನ್‌

ಹಾರಿಝಾಂಟಲ್‌ ಸ್ಟ್ರೈಪ್ಸ್ ಶರ್ಟ್ಸ್ ದಪ್ಪನಾಗಿ ಅಥವಾ ಪ್ಲಂಪಿಯಾಗಿ ಕಾಣಿಸುವಂತೆ ಮಾಡುತ್ತವೆ. ಹಾಗಾಗಿ ವರ್ಟಿಕಲ್‌ ಸ್ಟ್ರೈಪ್ಸ್‌ನ ಶರ್ಟ್ಸ್ ಪುರುಷರನ್ನು ಸ್ಲಿಮ್‌ ಆಗಿ ಕಾಣಿಸುವಂತೆ ಬಿಂಬಿಸುತ್ತವೆ. ಹಾಗಾಗಿ ಮೆನ್ಸ್ ಫ್ಯಾಷನ್‌ನಲ್ಲಿ ಇವು ಟ್ರೆಂಡಿಯಾಗಲು ಪ್ರಮುಖ ಕಾರಣವಾಗಿದೆ ಎನ್ನುತ್ತಾರೆ ಮೆನ್ಸ್ ಫ್ಯಾಷನ್‌ ಡಿಸೈನರ್‌ ದಿಗಂತ್‌.

ಇದನ್ನೂ ಓದಿ: Students Fashion: ಕಾಲೇಜು ಹುಡುಗಿಯರ ಫ್ಯಾಷನ್‌ ಲಿಸ್ಟ್‌ಗೆ ಸೇರಿದ ಮಾರ್ಬಲ್‌ ಪ್ರಿಂಟೆಡ್‌ ಕ್ರಾಪ್‌ ಟಾಪ್ಸ್!

ಸ್ಟ್ರೈಪ್ಸ್ ಶರ್ಟ್ಸ್ ಮಿಕ್ಸ್ ಮ್ಯಾಚ್‌ ಮಾಡುವುದು ಹೀಗೆ

• ಯಾವುದೇ ಜೀನ್ಸ್ ಪ್ಯಾಂಟ್‌ ಜೊತೆಗೂ ಇವನ್ನು ಧರಿಸಬಹುದು.
• ನೋಡಲು ಕ್ಯಾಶುವಲ್‌ ಲುಕ್‌ ನೀಡುತ್ತವೆ. ಸೀಸನ್‌ಗೆ ತಕ್ಕಂತೆ ಲೇಯರ್‌ ಲುಕ್‌ ಕೂಡ ನೀಡಬಹುದು.
• ಆಯಾ ಶೇಡ್‌ಗಳಿಗೆ ತಕ್ಕಂತೆಯೂ ಪ್ಯಾಂಟ್‌ ಧರಿಸಬಹುದು.
• ಚಿಕ್ಕ ವರ್ಟಿಕಲ್‌ ಸ್ಟ್ರೈಪ್ಸ್ ಇರುವ ಶರ್ಟ್ಸ್ ಕಾಪೋರೇಟ್‌ ಮೆನ್ಸ್ ಲುಕ್‌ಗೆ ಸಹಕಾರಿ.
• ದೊಡ್ಡ ವರ್ಟಿಕಲ್‌ ಸ್ಟ್ರೈಪ್ಸ್ ಶರ್ಟ್ಸ್ ಹುಡುಗರಿಗೆ ಆಕರ್ಷಕವಾಗಿ ಕಾಣಿಸುತ್ತವೆ.
• ಈ ಶರ್ಟ್‌ ಜೊತೆಗೆ ಸನ್‌ಗ್ಲಾಸ್‌ ಧರಿಸಿದಲ್ಲಿ ನೋಡಲು ಚೆನ್ನಾಗಿ ಕಾಣಿಸುತ್ತದೆ.
• ಸ್ನೀಕರ್‌ ಅಥವಾ ಸ್ಪೋಟ್ಸ್ ಶೂ ಇವುಗಳೊಂದಿಗೆ ಆಕರ್ಷಕವಾಗಿ ಕಾಣಿಸುತ್ತವೆ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮಾರ್ಬಲ್‌ ಪ್ರಿಂಟೆಡ್‌ ಕ್ರಾಪ್‌ ಟಾಪ್‌ಗಳು ಇದೀಗ ಕಾಲೇಜು ಹುಡುಗಿಯರನ್ನು (Students Fashion) ಆವರಿಸಿಕೊಂಡಿವೆ. ನೋಡಲು ಬ್ರಶ್‌ ಸ್ಟ್ರೋಕ್ಸ್‌ ಅಥವಾ ಅಬ್‌ಸ್ಟ್ರಾಕ್ಟ್ ಪ್ರಿಂಟ್ಸ್‌ನಂತೆ ಕಾಣುವ ಈ ಕಲರ್‌ಫುಲ್‌ ಮಲ್ಟಿ ಶೇಡ್‌ನ ಮಾರ್ಬಲ್‌ ಪ್ರಿಂಟ್ಸ್ ಕ್ರಾಪ್‌ ಟಾಪ್‌ಗಳು ವೈವಿಧ್ಯಮಯ ಮಿಕ್ಸ್ ಮ್ಯಾಚ್‌ ಫ್ಯಾಷನ್‌ಗೆ ನಾಂದಿ ಹಾಡಿವೆ.

ಯುವತಿಯರಿಗೆ ಪ್ರಿಯವಾದ ಮಾರ್ಬಲ್‌ ಪ್ರಿಂಟ್ಸ್

“ನಾನಾ ಶೈಲಿಯ ಫ್ಯಾಬ್ರಿಕ್‌ನಲ್ಲಿ ಲಭ್ಯವಿರುವ ಈ ಮಾರ್ಬಲ್‌ ಪ್ರಿಂಟೆಡ್‌ ಕ್ರಾಪ್‌ ಟಾಪ್‌ಗಳು ಈ ಮೊದಲು ಟೀ ಶರ್ಟ್‌ಗಳಲ್ಲಿ ಕಾಣಬಹುದಾಗಿತ್ತು. ಇನ್ನು, ಕೆಲವು ಹಾಲಿ ಡೇ ಡಿಸೈನರ್‌ವೇರ್‌ಗಳಲ್ಲಿಯೂ ಬಂದಿದ್ದವು. ಸಾಕಷ್ಟು, ರೆಸಾರ್ಟ್ ವೇರ್‌ಗಳಲ್ಲೂ ಪ್ರಚಲಿತದಲ್ಲಿದ್ದವು. ಇದೀಗ ಡಿಸೈನರ್‌ಗಳು ಪ್ರಯೋಗಾತ್ಮಕವಾಗಿ ಇದೇ ಬಗೆಯ ಪ್ರಿಂಟ್ಸ್‌ಗಳನ್ನು ಕ್ರಾಪ್‌ ಟಾಪ್‌ಗಳಲ್ಲಿ ಬಳಸಿದ್ದು, ಹಿಟ್‌ ಲಿಸ್ಟ್‌ಗೆ ಸೇರಿದೆ. ಇದು ಕಾಲೇಜು ಹುಡುಗಿಯರಿಗೂ ಪ್ರಿಯವಾಗಿವೆ. ಪರಿಣಾಮ, ನಾನಾ ಬಗೆಯವು ಫ್ಯಾಷನ್‌ಲೋಕಕ್ಕೆ ಎಂಟ್ರಿ ನೀಡಿವೆ” ಎನ್ನುತ್ತಾರೆ ಫ್ಯಾಷನಿಸ್ಟ್‌ ಧವನ್‌. ಅವರ ಪ್ರಕಾರ, ಇವು ಬಿಂದಾಸ್‌ ಲುಕ್‌ ನೀಡುತ್ತವಂತೆ .

ಏನಿದು ಮಾರ್ಬಲ್‌ ಪ್ರಿಂಟೆಡ್‌ ಕ್ರಾಪ್‌ ಟಾಪ್ಸ್

ನೆಲಕ್ಕೆ ಹಾಕುವ ಮಾರ್ಬಲ್‌ ಕಲ್ಲುಗಳ ನೈಜ ರೂಪವನ್ನ, ಫ್ಯಾಬ್ರಿಕ್‌ ಮೇಲೆ ಬಳಸಲಾಗಿರುವುದು, ಮಾರ್ಬಲ್‌ ಪ್ರಿಂಟ್ಸ್ ಕ್ರಾಪ್‌ ಟಾಪ್‌ಗಳ ಹುಟ್ಟಿಗೆ ಕಾರಣ. ತಕ್ಷಣಕ್ಕೆ ಇವು ನೋಡಲು ಅಬ್‌ಸ್ಟ್ರಾಕ್ಟ್ ಪ್ರಿಂಟ್‌ ಎಂದೆನಿಸಿದರೂ ಇವು ಅವಲ್ಲ! ಮಾರ್ಬಲ್‌ ಪ್ರಿಂಟ್ಸ್‌ನವೆಲ್ಲವೂ ನೋಡಲು ಒಂದೇ ಬಗೆಯವೆನಿಸಬಹುದು. ಆದರೆ, ಇವುಗಳಲ್ಲೆ ನಾನಾ ಬಗೆಯ ಶೇಡ್‌ಗಳು ಲಭ್ಯ. ಲೈಟ್‌ ಅಥವಾ ಡಾರ್ಕ್ ಶೇಡ್‌ನಲ್ಲೂ ಕಾಣಬಹುದು. ಹರಿಯುವ ನೀರಿನಂತೆಯು ಕೆಲವು ಕಾಣಿಸುತ್ತವೆ. ಒಟ್ಟಿನಲ್ಲಿ, ಈ ಶೈಲಿಯ ಪ್ರಿಂಟ್ಸ್ ಇಂದಿನ ಯುವತಿಯರನ್ನು ಸೆಳೆಯುವಲ್ಲಿ ಯಶಸ್ವಿಯಾಗಿವೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.

ಇದನ್ನೂ ಓದಿ: Kangana Ranaut Saree Fashion: ದೇಸಿ ಸೀರೆ ನೇಯ್ದ ನೇಕಾರರಿಗೆ ಥ್ಯಾಂಕ್ಸ್ ಹೇಳಿದ ಕಂಗನಾ ರಣಾವತ್!

ಮಾರ್ಬಲ್‌ ಪ್ರಿಂಟೆಡ್‌ ಕ್ರಾಪ್‌ ಟಾಪ್‌ ಮಿಕ್ಸ್ ಮ್ಯಾಚ್‌

ಮಾರ್ಬಲ್‌ ಪ್ರಿಂಟ್ಸ್ ಇರುವಂತಹ ಫ್ಯಾಬ್ರಿಕ್‌ ಆಧಾರದ ಮೇಲೆ ಮಿಕ್ಸ್ ಮ್ಯಾಚ್‌ ಮಾಡಬಹುದು. ನಾನಾ ಬಗೆಯ ಫ್ಯಾಬ್ರಿಕ್‌ನಲ್ಲಿ ಈ ಕ್ರಾಪ್‌ ಟೀ ಶರ್ಟ್‌ಗಳು ಲಭ್ಯ. ಹಾಗಾಗಿ ಅವುಗಳ ಫ್ಯಾಬ್ರಿಕ್‌ ಹಾಗೂ ಡಿಸೈನ್ಸ್‌ಗೆ ಅನುಗುಣವಾಗಿ ಮ್ಯಾಚ್‌ ಮಾಡಬಹುದು ಎಂದು ಸಿಂಪಲ್‌ ಸಲಹೆ ನೀಡುತ್ತಾರೆ ಸ್ಟೈಲಿಸ್ಟ್ ಧೀಮಂತ್‌.

• ಸಿಂಥೆಟಿಕ್‌ ಮಾರ್ಬಲ್‌ ಪ್ರಿಂಟೆಡ್‌ ಕ್ರಾಫ್‌ ಟಾಪ್‌ಗೆ ಕಾಟನ್‌, ಜೆನ್ಸ್ ಪ್ಯಾಂಟ್‌ ಮ್ಯಾಚ್‌ ಮಾಡಬಹುದು.
• ಲೆನಿನ್‌ ಹಾಗೂ ಕಾಟನ್‌ ಪ್ಯಾಂಟ್‌ಗಳಿಗೆ ಕಾಟನ್‌ ಮಾರ್ಬಲ್‌ ಪ್ಯಾಂಟ್‌ ಧರಿಸಬಹುದು.
• ಮಿನಿ ಸ್ಕರ್ಟ್‌ಗಳಿಗೆ ಆದಷ್ಟೂ ರಯಾನ್‌ ಅಥವಾ ಸ್ಪನ್‌ ಫ್ಯಾಬ್ರಿಕ್‌ನವನ್ನು ಧರಿಸಬಹುದು.
• ಕ್ರಾಪ್‌ ಟಾಪ್‌ ಫುಲ್‌ ಸ್ಲೀವ್‌ದ್ದಾದಲ್ಲಿ ಆದಷ್ಟೂ ಪ್ಯಾಂಟ್ ಅಥವಾ ಸ್ಕರ್ಟ್ ಲೈಟ್‌ ಶೇಡ್‌ನದ್ದಾಗಿರಬೇಕು.
• ಲಾಂಗ್‌ ಮಿಡಿ ಸ್ಕರ್ಟ್‌ಗೆ ಲೈಟ್‌ ಶೇಡ್‌ ಮಾರ್ಬಲ್‌ ಟಾಪ್‌ ಬೆಸ್ಟ್ ಮ್ಯಾಚ್‌ ಎನ್ನಬಹುದು.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಬಾಲಿವುಡ್‌ ನಟಿ ಹಾಗೂ ರಾಜಕೀಯ ಧುರೀಣೆ ಕಂಗನಾ ರಾಣಾವತ್‌ (kangana Ranaut Saree Fashion) ಅವರ ದೇಸಿ ಸೀರೆ ಪ್ರೇಮ ಇದೀಗ ಸೀರೆ ಪ್ರಿಯರನ್ನು ಸೆಳೆದಿದೆ. ಇದಕ್ಕೆ ಪೂರಕ ಎಂಬಂತೆ, ರಾಷ್ಟ್ರಪತಿ ಭವನದಲ್ಲಿ ನಡೆದ ಸಮಾರಂಭದಲ್ಲಿ, ಬೆಳ್ಳಿ ಹಾಗೂ ಬಂಗಾರದ ಎಳೆಗಳಿಂದ ನೇಯ್ದ ಹ್ಯಾಂಡ್‌ಲೂಮ್‌ ಸಿಲ್ಕ್ ಸೀರೆಯಲ್ಲಿ ಮನಮೋಹಕವಾಗಿ ಕಾಣಿಸಿಕೊಂಡ ಕಂಗನಾ, ತಾವು ಉಟ್ಟ ಸೀರೆಯನ್ನು ನೇಯ್ದ ಭಾರತೀಯ ನೇಯ್ಗೆಗಾರರಿಗೆ ಧನ್ಯವಾದಗಳನ್ನು ಸೋಷಿಯಲ್‌ ಮೀಡಿಯಾ ಮೂಲಕ ತಿಳಿಸಿದ್ದಾರೆ.

ಸೀರೆಗೆ ಬದಲಾದ ಕಂಗನಾ ಇಮೇಜ್‌

ನಟಿಸಿದ ಬಹುತೇಕ ಸಿನಿಮಾಗಳಲ್ಲಿ ಹೆಚ್ಚಾಗಿ ಗ್ಲಾಮರಸ್‌ ಔಟ್‌ಫಿಟ್‌ಗಳಲ್ಲಿಯೇ ಕಾಣಿಸಿಕೊಳ್ಳುತ್ತಿದ್ದ, ನಟಿ ಕಂಗನಾ ರಾಣಾವತ್‌, ರಾಜಕೀಯಕ್ಕೆ ಧುಮುಕಿದ ನಂತರ ಸೀರೆಗಳತ್ತ ವಾಲಿದ್ದಾರೆ. ಅವರು ಧರಿಸುವ ಒಂದೊಂದು ಸೀರೆಗಳು, ಇತ್ತೀಚೆಗೆ ಸೀರೆ ಪ್ರಿಯರನ್ನು ಸೆಳೆಯಲಾರಂಭಿಸಿವೆ. ಇವು ಅವರ ಇಮೇಜನ್ನು ಬದಲಿಸುತ್ತಿವೆ ಎನ್ನುತ್ತಾರೆ ಫ್ಯಾಷನಿಸ್ಟ್‌ಗಳು.

ಏರ್‌ಪೋರ್ಟ್ ಲುಕ್‌ಗೂ ಸೀರೆ

ಕಂಗನಾ ಮೂಲತಃ ನಟಿ ಕಮ್‌ ಮಾಡೆಲ್‌, ಹಾಗಾಗಿ ಅವರ ಸ್ಟೈಲ್‌ ಹಾಗೂ ಫ್ಯಾಷನ್‌ ಸ್ಟೇಟ್ ಮೆಂಟ್‌ಗಳು ಮೊದಲಿನಿಂದಲೂ ಟ್ರೆಂಡ್‌ ಸೆಟ್ಟಿಂಗ್‌ಗೆ ನಾಂದಿ ಹಾಡುತ್ತಿದ್ದವು. ಇದೀಗ ರಾಜಕೀಯ ಕ್ಷೇತ್ರಕ್ಕೆ ಧುಮುಕಿದ ನಂತರ, ಅವರ ಒಂದೊಂದು ಸ್ಟೈಲ್‌ ಹಾಗೂ ಫ್ಯಾಷನ್‌ ಸ್ಟೇಟ್‌ಮೆಂಟ್‌ಗಳಲ್ಲಿ ಮಹತ್ತರ ಬದಲಾವಣೆಗಳಾಗಿವೆ. ವೆಸ್ಟರ್ನ್ ಔಟ್‌ಫಿಟ್‌ಗಳಿಗೆ ತಾತ್ಕಲಿಕವಾಗಿ ತಿಲಾಂಜಲಿ ಇಟ್ಟಿರುವ, ಕಂಗನಾ, ಸದ್ಯ ದೇಸಿ ಔಟ್‌ಫಿಟ್‌ಗಳಲ್ಲೆ ಹೆಚ್ಚಾಗಿ ಕಾಣಿಸಿಕೊಳ್ಳತೊಡಗಿದ್ದಾರೆ. ಅಷ್ಟೇಕೆ! ಏರ್‌ಪೋರ್ಟ್ ಲುಕ್‌ನಲ್ಲೂ ಕೂಡ ಸೀರೆಯನ್ನು ಪರಿಚಯಿಸಿದ ಮೊದಲ ಬಾಲಿವುಡ್‌ ನಟಿಯಾಗಿದ್ದಾರೆ. ಸದ್ಯ ಡಿಸೈನರ್‌ ಸೀರೆಗಳಿಗಿಂತ ಸಾದಾ ಸಿಂಪಲ್‌ ಹ್ಯಾಂಡ್‌ಲೂಮ್‌ ಹಾಗೂ ಸಿಲ್ಕ್ ಕಾಟನ್‌ ಸೀರೆಗಳನ್ನು ಉಡುತ್ತಿರುವ ಕಂಗನಾ, ನಾಮಿನೇಷನ್‌ ಸಮಯದಲ್ಲೂ ತೀರಾ ಸಿಂಪಲ್‌ ಶೇಡ್‌ನ ಪಿಸ್ತಾ ಸೀರೆಯಲ್ಲಿ ಕಾಣಿಸಿಕೊಂಡಿದ್ದರು.

ಶ್ವೇತ ವರ್ಣದ ಸೀರೆಗಳ ಪ್ರೇಮ

ರಾಜಕೀಯಕ್ಕೆ ಸೇರಿದ ನಂತರ ಕಂಗನಾ ಅತಿ ಹೆಚ್ಚಾಗಿ ಶ್ವೇತ ವರ್ಣದ ಸೀರೆಗಳನ್ನು ಉಟ್ಟಿದ್ದಾರೆ. ಅವುಗಳಲ್ಲಿ, ಹಾಫ್‌ ವೈಟ್‌, ಕ್ರೀಮಿಶ್‌ ವೈಟ್‌, ಮಿಲ್ಕಿ ವೈಟ್‌ ಶೇಡ್‌ಗಳ ಸಿಲ್ಕ್‌ ಹಾಗೂ ಹ್ಯಾಂಡ್‌ಲೂಮ್‌ ಸೀರೆಗಳು ಅವರನ್ನುಆಕರ್ಷಕವಾಗಿ ಬಿಂಬಿಸಿದೆ. ಇನ್ನು, ಕಂಗನಾ ಅವರೇ ಹೇಳುವಂತೆ, ಬಿಳಿ ವರ್ಣ ಶಾಂತಿಯ ಧ್ಯೋತಕ ಹಾಗೂ ಪಾಸಿಟಿವಿ ಎನರ್ಜಿಯನ್ನು ನೀಡುತ್ತದಂತೆ. ಹಾಗಾಗಿ ಈ ಬಗೆಯ ಶೇಡ್ಸ್ ಅವರಿಗೆ ಇಷ್ಟವಂತೆ.

ಇದನ್ನೂ ಓದಿ: Dupatta Selection Tips: ಪರ್ಫೆಕ್ಟ್ ದುಪಟ್ಟಾ ಸೆಲೆಕ್ಷನ್‌ಗೆ ಇಲ್ಲಿದೆ 5 ಸಿಂಪಲ್‌ ಸೂತ್ರ

ಸೀರೆಯಲ್ಲಿ ಎಲಿಗೆಂಟ್‌ ಲುಕ್‌ಗೆ ಆದ್ಯತೆ

ಸೀರೆಯೊಂದಿಗೆ ಸಿಂಪಲ್‌ ಹೇರ್‌ಸ್ಟೈಲ್‌, ತಿಳಿಯಾದ ಮೇಕಪ್‌ ಇವುಗಳಿಗೆಲ್ಲಾ ಮ್ಯಾಚ್‌ ಆಗುವಂತಹ ಆಕ್ಸೆಸರೀಸ್‌, ಕಂಗನಾ ಸೌಂದರ್ಯವನ್ನು ಹೆಚ್ಚಿಸಲಾರಂಭಿಸಿವೆ. ಒಟ್ಟಾರೆ, ಅವರ ಇಂದಿನ ಸ್ಥಾನ-ಮಾನಕ್ಕೆ ಸೀರೆಗಳು ಪರ್ಫೆಕ್ಟ್ ಮ್ಯಾಚ್‌ ಆಗುತ್ತಿವೆ ಎನ್ನುತ್ತಾರೆ ಫ್ಯಾಷನಿಸ್ಟ್‌ಗಳು.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)