-ಶೀಲಾ ಸಿ. ಶೆಟ್ಟಿ, ಬೆಂಗಳೂರು

ವೆಡ್ಡಿಂಗ್‌ ಮೆನ್ಸ್‌ ಜ್ಯುವೆಲರಿ ಫ್ಯಾಷನ್‌ನಲ್ಲಿ ಇದೀಗ ಆರ್ಟಿಫಿಶಿಯಲ್‌ ಪರ್ಲ್‌ ಹಾರಗಳು ಎಂಟ್ರಿ (Wedding mens jewel Fashion) ನೀಡಿವೆ. ಮದುವೆಯ ರಿಸಪ್ಷನ್‌ನಲ್ಲಿ ಯುವಕರು ಧರಿಸುವ ಶೆರ್ವಾನಿ, ಬಂದ್ಗಾಲ ಹಾಗೂ ಡಿಸೈನರ್‌ ಕುರ್ತಾಗಳಿಗೆ ಸಾಥ್‌ ನೀಡುತ್ತಿವೆ. ಅಷ್ಟು ಮಾತ್ರವಲ್ಲ, ರಾಯಲ್‌ ಲುಕ್‌ ಕಲ್ಪಿಸುತ್ತಿವೆ.

ರಾಯಲ್‌ ಲುಕ್‌ಗಾಗಿ ಪರ್ಲ್‌ ಹಾರ

ವೆಡ್ಡಿಂಗ್‌ನಲ್ಲಿ ಮದುಮಗನ ರಾಯಲ್‌ ಲುಕ್‌ಗಾಗಿ ಈ ಭಾರಿ ಡಿಸೈನ್‌ನ ಪರ್ಲ್‌ ಹಾರಗಳನ್ನು ಬಳಸಲಾಗುತ್ತಿದೆ. ಅದರಲ್ಲೂ ರಿಸಪ್ಷನ್‌ ಅಂದರೇ ಆರತಕ್ಷತೆಯಲ್ಲಿ ಮದುಮಗ ಧರಿಸುವ ಗ್ರ್ಯಾಂಡ್‌ ಔಟ್‌ಫಿಟ್‌ಗೆ ಮ್ಯಾಚ್‌ ಆಗುವಂತಹ ಡಿಸೈನ್‌ನವನ್ನು ಧರಿಸುವುದು ಕಂಡು ಬರುತ್ತಿದೆ. ಇದಕ್ಕಾಗಿ ಹೆಚ್ಚು ಬೆಲೆ ತೆತ್ತು ರಿಯಲ್‌ ಪರ್ಲ್‌ ಹಾರಗಳನ್ನು ಖರೀದಿಸುವುದರ ಬದಲು ಥೇಟ್‌ ಮುತ್ತಿನ ಹಾರಗಳಂತೆ ಕಾಣುವ ಆರ್ಟಿಫೀಶಿಯಲ್‌ ಪರ್ಲ್‌ವನ್ನು ಇತ್ತೀಚೆಗೆ ಹುಡುಗರು ಆಯ್ಕೆ ಮಾಡಿಕೊಳ್ಳುತ್ತಿದ್ದಾರೆ. ಕೇವಲ ಒಂದು ದಿನಕ್ಕಾಗಿ ಧರಿಸುವ ಈ ಮೆನ್ಸ್‌ ಗ್ರ್ಯಾಂಡ್‌ ಮುತ್ತಿನ ಹಾರಗಳು ಮತ್ತೊಮ್ಮೆ ಬಳಕೆಯಾಗುವುದು ಕಡಿಮೆ. ಬಳಸಿದರೂ ಮತ್ತೊಮ್ಮೆ ಕುಟುಂಬದವರೇ ಧರಿಸಬೇಕಾಗುತ್ತದೆ. ಹಾಗಾಗಿ ಇವುಗಳನ್ನು ಆಯ್ಕೆ ಮಾಡುವವರು ಹೆಚ್ಚಾಗಿದ್ದಾರೆ ಎನ್ನುತ್ತಾರೆ ವೆಡ್ಡಿಂಗ್‌ ಜ್ಯುವೆಲರಿ ಡಿಸೈನರ್ಸ್.‌

ಇದನ್ನೂ ಓದಿ: Turbo Trailer Out: ಮಮ್ಮುಟ್ಟಿ ನಟನೆಯ ‘ಟರ್ಬೋ’ ಟ್ರೈಲರ್‌ ಔಟ್‌: ರಾಜ್‌ ಬಿ ಶೆಟ್ಟಿ ಖದರ್‌ಗೆ ಫ್ಯಾನ್ಸ್‌ ಫಿದಾ!

ಆರ್ಟಿಫಿಶಿಯಲ್‌ ಮುತ್ತಿನ ಹಾರಗಳ ವಿನ್ಯಾಸ

ವೆಡ್ಡಿಂಗ್‌ ಮೆನ್ಸ್‌ ಜ್ಯುವೆಲರಿ ಡಿಸೈನ್‌ಗಳಲ್ಲಿ ಇದೀಗ ನಾನಾ ಬಗೆಯ ಕೃತಕ ಪರ್ಲ್‌ ಹಾರಗಳು ಟ್ರೆಂಡಿಯಾಗಿದ್ದು, ಅವುಗಳಲ್ಲಿ ಮೂರು, ಐದು, ಏಳು ಎಳೆಯ ಹಾರಗಳು ಚಾಲ್ತಿಯಲ್ಲಿವೆ. ಇನ್ನು ಇವುಗಳಲ್ಲೆ ಮಿಕ್ಸ್‌ ಮ್ಯಾಚ್‌ ಮಾಡಿರುವ ಪ್ರಿಶಿಯಸ್‌ ಬೀಡ್ಸ್ನಂತೆ ಕಾಣುವ ಲೇಯರ್‌ ಮಣಿಗಳವು ಬಂದಿವೆ. ಇನ್ನು ಗೋಲ್ಡನ್‌ ಬೀಡ್ಸ್‌ ಜೊತೆಗೆ ಪರ್ಲ್‌ನಂತೆ ಕಾಣುವ ಆರ್ಟಿಫಿಶಿಯಲ್‌ ಪರ್ಲ್‌ ಹಾರಗಳು ಹೆಚ್ಚು ಬೇಡಿಕೆ ಸೃಷ್ಟಿಸಿಕೊಂಡಿವೆ.

ಕೈಗೆಟಕುವ ಬೆಲೆ

ಫ್ಯಾನ್ಸಿ ಶಾಪ್‌ಗಳಲ್ಲಿ ದೊರಕುವ ಈ ಮೆನ್ಸ್‌ ಆರ್ಟಿಫಿಶೀಯಲ್‌ ವೆಡ್ಡಿಂಗ್‌ ಜ್ಯುವೆಲರಿಗಳು ಅಂತಹ ದುಬಾರಿ ದರ ಹೊಂದಿರುವುದಿಲ್ಲ. ಬ್ರಾಂಡೆಡ್‌ನದ್ದಾದಲ್ಲಿ ದರ ಹೆಚ್ಚಿರುತ್ತವೆ. ಇನ್ನು ಲೋಕಲ್‌ ಬ್ರಾಂಡ್‌ಗಳದ್ದಾದಲ್ಲಿ ಸಾವಿರ ರೂ.ಗಳ ಒಳಗೆ ದೊರಕುತ್ತವೆ. ಕೆಲವು ಯೂನಿಸೆಕ್ಸ್‌ ಡಿಸೈನ್‌ ಹೊಂದಿರುತ್ತವೆ. ಇವನ್ನು ಮದುವೆಯ ಆರತಕ್ಷತೆಯ ನಂತರ ಕುಟುಂಬದ ಇತರೇ ಮಹಿಳೆಯರು ಧರಿಸಬಹುದು. ಮರು ಬಳಕೆ ಮಾಡಬಹುದು ಎಂದು ಟಿಪ್ಸ್‌ ನೀಡುತ್ತಾರೆ ಜ್ಯುವೆಲರಿ ಸ್ಟೈಲಿಸ್ಟ್ ಗಳು.

ಮದುಮಗನ ಪರ್ಲ್‌ ಹಾರ ಆಯ್ಕೆಗೆ 7 ಸೂತ್ರ:

• ಆರತಕ್ಷತೆಯಲ್ಲಿ ಧರಿಸುವ ಔಟ್‌ಫಿಟ್‌ಗೆ ಮ್ಯಾಚ್‌ ಆಗುವಂತಿರಬೇಕು.
• ಮರುಬಳಕೆ ಮಾಡುವಂತಹ ಪರ್ಲ್‌ ಹಾರವನ್ನು ಖರೀದಿಸಿ.
• ಒಂದೇ ಶೇಡ್‌ನದ್ದಾದಲ್ಲಿ ಯಾರೂ ಬೇಕಾದರೂ ಧರಿಸಬಹುದು.
• ಮಿಕ್ಸ್‌ ಮ್ಯಾಚ್‌ ಮಾಡಿರುವ ಬೀಡ್ಸ್‌ ಇರುವಂತಹ ಪರ್ಲ್‌ ಹಾರ ಎದ್ದು ಕಾಣುತ್ತವೆ.
• ಸಾದಾ ಡಿಸೈನ್‌ನ ಔಟ್‌ಫಿಟ್‌ಗೆ ಕಲರ್‌ ಬೀಡ್ಸ್‌ ಮಿಕ್ಸ್‌ ಮಾಡಿರುವಂತವನ್ನು ಧರಿಸುವುದು ಉತ್ತಮ.
• ಗ್ರ್ಯಾಂಡ್‌ ಡಿಸೈನ್‌ನವಕ್ಕೆ ಸಿಂಪಲ್‌ ಒಂದೇ ಕಲರ್‌ನವನ್ನು ಚೂಸ್‌ ಮಾಡಬೇಕು.
• ಆದಷ್ಟೂ ಉದ್ದ ಇರುವಂತಹ ಲೇಯರ್‌ ಹಾರ ಖರೀದಿಸುವುದು ಬೆಸ್ಟ್.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು

ಸ್ಯಾಟೀನ್‌ ಸೀರೆಯಲ್ಲಿ ನಟಿ ಭಾವನಾ ರಾವ್‌ (Star saree fashion) ಮನಮೋಹಕವಾಗಿ ಕಾಣಿಸಿಕೊಂಡಿದ್ದು, ಸೀರೆ ಪ್ರಿಯ ಯುವತಿಯರನ್ನು ಸೆಳೆದಿವೆ.

ನೀರೆಯರ ಸೆಳೆದ ಸ್ಯಾಟೀನ್‌ ಸೀರೆ

ಇದರಿಂದಾಗಿ ತೆರೆ-ಮರೆಗೆ ಸರಿದಿದ್ದ ಈ ಸ್ಯಾಟೀನ್‌ ಸೀರೆಯ ಟ್ರೆಂಡ್‌ಗೆ ನಾಂದಿ ಹಾಡಿದಂತಾಗಿದೆ. ಹೌದು, ಕೆಲವು ಸೀರೆಗಳು ಮಾರುಕಟ್ಟೆಯಲ್ಲಿ ಇರುತ್ತವೆಯಾದರೂ, ಹೆಚ್ಚಾಗಿ ಬೇಡಿಕೆ ಸೃಷ್ಠಿಸಿಕೊಂಡಿರುವುದಿಲ್ಲ! ಆದರೆ, ಸಿನಿಮಾ ತಾರೆಯರು ಉಟ್ಟು, ಒಂದಿಷ್ಟು ಫೋಟೋಶೂಟ್‌ ಮಾಡಿಸಿ, ಸೋಷಿಯಲ್‌ ಮೀಡಿಯಾದಲ್ಲಿ ಅಪ್‌ಲೋಡ್‌ ಮಾಡಿದಾಕ್ಷಣಾ, ಆ ಸೀರೆಗಳು ನೀರೆಯರ ಮನಸೆಳೆಯುತ್ತವೆ. ಇದ್ದಕ್ಕಿದ್ದಂತೆ ಬೇಡಿಕೆ ಹೆಚ್ಚಿಸಿಕೊಳ್ಳುತ್ತವೆ. ಆ ಸಾಲಿಗೆ ಇದೀಗ ಭಾವನಾ ಉಟ್ಟ ಮಲ್ಟಿ ಶೇಡ್‌ನ ಸ್ಯಾಟೀನ್‌ ಸೀರೆ ಕೂಡ ಸೇರಿಕೊಂಡಿದೆ ಎನ್ನುತ್ತಾರೆ ಸೀರೆ ವಿಮರ್ಶಕರು.

ಸ್ಯಾಟೀನ್‌ ಸೀರೆಯ ವಿಶೇಷತೆ

ನೋಡಲು ಕಲರ್‌ಫುಲ್‌ ಆಗಿರುವ ಈ ಸ್ಯಾಟೀನ್‌ ಸೀರೆಗಳು ಅಂತಹ ದುಬಾರಿಯೇನೂ ಅಲ್ಲ! ಹಾಗಾಗಿ ಸಾಕಷ್ಟು ಯುವತಿಯರನ್ನು ಸೆಳೆದಿವೆ. ಅಲ್ಲದೇ, ಇವು ಲೈಟ್‌ವೈಟ್‌ ಹಾಗೂ ಸಿಂಪಲ್‌ ಕಲರ್‌ಫುಲ್‌ ಪ್ರಿಂಟ್ಸ್ ಹೊಂದಿರುತ್ತವೆ. ಉಡಲು ಸುಲಭ ಹಾಗೂ ನಾನಾ ಬಗೆಯಲ್ಲೂ ಡ್ರೇಪಿಂಗ್‌ ಮಾಡಬಹುದು. ಈಸಿಯಾಗಿ ಕ್ಯಾರಿ ಮಾಡಬಹುದು. ಇವೆಲ್ಲಾ ಕಾರಣಗಳಿಂದಾಗಿ ಈ ಸೀರೆಗಳು ಮಾನಿನಿಯರನ್ನು ಮತ್ತೊಮ್ಮೆ ಸೆಳೆಯುತ್ತಿವೆ. ಸೀರೆ ಫ್ಯಾಷನ್‌ನಲ್ಲಿ ಮರುಕಳಿಸಿವೆ ಎನ್ನುತ್ತಾರೆ ಫ್ಯಾಷನ್‌ ವಿಮರ್ಶಕರಾದ ವಿದ್ಯಾ. ಅವರ ಪ್ರಕಾರ, ಇಂತಹ ಸೀರೆಗಳು ಟ್ರಾವೆಲ್‌ ಮಾಡುವಾಗ ಹೊತ್ತೊಯ್ಯಲು ಕೂಡ ಆರಾಮ ಎಂದೆನಿಸುತ್ತವೆ. ಉಟ್ಟಾಗ ಕಂಫರ್ಟಬಲ್‌ ಫೀಲ್‌ ನೀಡುತ್ತವೆ ಎನ್ನುತ್ತಾರೆ.

ಇದನ್ನೂ ಓದಿ: Akshaya Tritiya Jewellery: ಅಕ್ಷಯ ತೃತೀಯಕ್ಕೆ ಬಂದಿವೆ ವೈವಿಧ್ಯಮಯ ಫ್ಯಾಷನ್‌ ಜ್ಯುವೆಲರಿಗಳು!

View this post on Instagram

A post shared by Bhavvana Rao (@bhavanaa_raao_actor)

ಲೈಟ್‌ವೈಟ್‌ ಸ್ಯಾಟೀನ್‌ ಸೀರೆ

ಸ್ಯಾಟೀನ್‌ ಸೀರೆಗಳು ಇವತ್ತಿನ ಫ್ಯಾಷನ್‌ನವಲ್ಲ! ಬಹಳ ಹಿಂದಿನಿಂದಲೂ ಸೀರೆ ಫ್ಯಾಷನ್‌ನಲ್ಲಿವೆ. ಆಗಾಗ್ಗೆ ಹೊಸ ಡಿಸೈನ್‌ನಲ್ಲಿ ಹಾಗೂ ಕಂಟೆಂಪರರಿ ವಿನ್ಯಾಸದಲ್ಲಿ ಮರುಕಳಿಸಿ ಎಂಟ್ರಿ ನೀಡುತ್ತಲೇ ಇರುತ್ತವೆ. ವಿನೂತನ ಪ್ರಿಂಟ್ಸ್‌ನಲ್ಲಿ ರೀ ಎಂಟ್ರಿ ನೀಡುತ್ತಿರುತ್ತವೆ. ಇದೇ ಈ ಸೀರೆಗಳ ಪ್ಲಸ್‌ ಪಾಯಿಂಟ್‌. ಎಲ್ಲಾ ಸೀರೆಗಳ ಪ್ರಿಂಟ್ಸ್‌ ಒಂದೇ ತರಹದ್ದಾಗಿರುವುದಿಲ್ಲ. ಯಾರೇ ಸೀರೆ ಉಟ್ಟರೂ ಒಬ್ಬೊಬ್ಬರಿಗೂ ಒಂದೊಂದು ಬಗೆಯಲ್ಲಿ ಕಾಣಿಸುತ್ತವೆ. ಇದು ಈ ಸೀರೆಗಳ ಮತ್ತೊಂದು ಸ್ಪೆಷಾಲಿಟಿ. ಅಲ್ಲದೇ. ಇವುಗಳ ನಿರ್ವಹಣೆಯೂ ಕೂಡ ಅತಿ ಸುಲಭ. ಹಾಗಾಗಿ ಪ್ರತಿ ಮಹಿಳೆಯ ಬಳಿಯೂ ಇಂತಹದ್ದೊಂದು ಸೀರೆ ಇದ್ದೇ ಇರುತ್ತದೆ ಎನ್ನುತ್ತಾರೆ ಸ್ಯಾರಿ ಸ್ಪೆಷಲಿಸ್ಟ್‌ಗಳು.

ಅಪ್ಪ ಕೊಟ್ಟ ಸೀರೆ

ನಟಿ ಭಾವನಾ ರಾವ್‌ ಹೇಳಿಕೊಂಡಿರುವಂತೆ, ಈ ಮಲ್ಟಿ ಶೇಡ್‌ನ ಸ್ಯಾಟೀನ್‌ ಸೀರೆ ಅಪ್ಪ ಗಿಫ್ಟ್‌ ಕೊಟ್ಟ ಸೀರೆಯಂತೆ. ಸ್ಟೈಲಿಸ್ಟ್‌ ಜೋಹಾ ಅವರ ಸ್ಟೈಲಿಂಗ್‌ನಲ್ಲಿ ಕಾಣಿಸಿಕೊಂಡಿರುವ ಭಾವನಾ ಮೇಕಪ್‌ ಶೃತಿ ಅಶ್ವಥ್‌ ಮಾಡಿದ್ದಾರೆ. ಇನ್ನು ರಾಜೀ ಡಿಸೈನ್‌ ಸ್ಟುಡಿಯೋ ಅವರು ಬ್ಲೌಸ್‌ ಡಿಸೈನ್‌ ಮಾಡಿದ್ದಾರಂತೆ. ಸೀರೆ ಮೇಲಿನ ಪ್ರೀತಿ ಅವರನ್ನು ಮತ್ತಷ್ಟು ಸುಂದರ ಹಾಗೂ ಆಕರ್ಷಕವಾಗಿ ಬಿಂಬಿಸಿದೆಯಂತೆ.

View this post on Instagram

A post shared by Bhavvana Rao (@bhavanaa_raao_actor)

ಸ್ಯಾಟೀನ್‌ ಸೀರೆ ಆಯ್ಕೆ ಹೀಗಿರಲಿ:

• ಆದಷ್ಟೂ ವೈಟ್‌ ಶೇಡ್‌ ಇರುವಂತಹ ಸ್ಯಾಟೀನ್‌ ಸೀರೆಯಲ್ಲಿ ಆಯ್ಕೆ ಮಾಡಿ.
• ಟ್ರೆಂಡಿ ಪ್ರಿಂಟ್ಸ್‌ ಸೆಲೆಕ್ಟ್‌ ಮಾಡಿ.
• ಡಾರ್ಕ್‌ ಪ್ರಿಂಟ್ಸ್‌ ಇರುವಂತವು ಹೈಲೈಟಾಗುತ್ತವೆ.
• ಬಿಗ್‌ ಬಾರ್ಡರ್‌ ಆಯ್ಕೆ ಬೇಡ.
• ಜೀಬ್ರಾ ಪ್ರಿಂಟ್ಸ್‌, ಲೈನ್ಸ್‌ ಈ ಸೀಸನ್‌ನಲ್ಲಿದೆ.
• ಬ್ಲ್ಯಾಕ್‌ & ವೈಟ್‌ ಹೆಚ್ಚು ಪ್ರಚಲಿತದಲ್ಲಿವೆ.

ಚಿತ್ರಗಳು: ಭಾವನಾ ರಾವ್‌, ನಟಿ.
ಫೋಟೋಗ್ರಫಿ: ರೋಹನ್‌ ಫೋಟೋಗ್ರಫಿ

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಈ ಬಾರಿಯ ಸಮ್ಮರ್‌ ಸೀಸನ್‌ನಲ್ಲಿ ಶ್ವೇತ ವರ್ಣದ ವೈಟ್‌ ಪ್ಯಾಂಟ್‌ ಫ್ಯಾಷನ್‌ (Fashion Trend) ಮರಳಿದೆ. ನಾನಾ ವಿನ್ಯಾಸದ ಫ್ಯಾಬ್ರಿಕ್‌ನ ವೈಟ್‌ ಪ್ಯಾಂಟ್‌ಗಳು ಇದೀಗ ಉದ್ಯೋಗಸ್ಥ ಮಹಿಳೆಯರ ಹಾಗೂ ಯುವತಿಯರ ವಾರ್ಡ್ರೋಬ್‌ಗೆ ಸೇರಿವೆ. ಕಚೇರಿ, ಔಟಿಂಗ್‌, ಮೀಟಿಂಗ್‌ ಹೀಗೆ ನಾನಾ ಸಂದರ್ಭಗಳಿಗೆ ಮ್ಯಾಚ್‌ ಆಗುವಂತಹ ಕಾನ್ಸೆಪ್ಟ್‌ ನಲ್ಲಿ ಬಿಡುಗಡೆಗೊಂಡಿವೆ. ನೋಡಲು ಕ್ಲಾಸಿ ಲುಕ್‌ ನೀಡುತ್ತಿವೆ. ಅವುಗಳಲ್ಲಿ 3 ಶೈಲಿಯವು ಅತಿ ಹೆಚ್ಚು ಟ್ರೆಂಡಿಯಾಗಿವೆ.

ವೈಟ್‌ ಪ್ಯಾಂಟ್‌ ಪ್ರೇಮ

ಅಂದಹಾಗೆ, ಮೊದಲೆಲ್ಲಾ ವೈಟ್‌ ಪ್ಯಾಂಟ್‌ ಧರಿಸುವವರು ತೀರಾ ಕಡಿಮೆಯಾಗಿದ್ದರು. ಕಾರಣ, ಅದನ್ನು ಮೇಂಟೆನ್‌ ಮಾಡುವುದು ಕಷ್ಟವಾಗಿತ್ತು. ಧರಿಸಿದರೂ ತೀರಾ ಕಡಿಮೆ ಮಹಿಳೆಯರು ಧರಿಸುತ್ತಿದ್ದರು. ಎಲ್ಲದಕ್ಕಿಂತ ಹೆಚ್ಚಾಗಿ ಕಾಲೇಜು ಹುಡುಗಿಯರು ಮಾತ್ರ ಫ್ರಿಫರ್‌ ಮಾಡುತ್ತಿದ್ದರು. ಹೆಚ್ಚು ಕೆಲಸ ಮಾಡದೇ, ಧೂಳಿನಲ್ಲಿ ಓಡಾಡದೇ ಇರುವಂತಹ ಹುಡುಗಿಯರು ಧರಿಸುತ್ತಿದ್ದರು. ಹೆಚ್ಚು ಹೊರಗಡೆ ಓಡಾಡುವರು ಹಾಗೂ ಹೆಚ್ಚು ಕೆಲಸ ಮಾಡುವವರು ಧರಿಸುತ್ತಿರಲಿಲ್ಲ. ಕೊಂಚ ಗಲೀಜಾದರೂ ಕಲೆಯು ಉಳಿಯುವುದು ಹಾಗೂ ನೀಟಾಗಿ ನಿರ್ವಹಣೆ ಮಾಡಲು ಸಾಧ್ಯವಾಗದಿರುವುದು ಇದಕ್ಕೆ ಕಾರಣವಾಗಿತ್ತು. ಆದರೆ, ಇದಕ್ಕೆಲ್ಲಾ ಉತ್ತರ ಎಂಬಂತೆ, ಇದೀಗ ನಾನಾ ಬಗೆಯ ಕಂಫರ್ಟಬಲ್‌ ಫೀಲ್‌ ನೀಡುವ ವೈಟ್‌ ಪ್ಯಾಂಟ್‌ಗಳು ಫ್ಯಾಷನ್‌ ಲೋಕಕ್ಕೆ ಕಾಲಿಟ್ಟಿವೆ. ಕೆಲವಂತೂ ಕಲೆಯಾದರೂ ಸುಲಭವಾಗಿ ವಾಶ್‌ ಮಾಡಬಹುದಾದಂತವು, ರಿಂಕಲ್‌ ಫ್ರೀ ಇರುವಂತವು ಹಾಗೂ ಮಾಡರ್ನ್‌ ಫಾರ್ಮಲ್‌ ಪ್ಯಾಂಟ್‌ ವಿನ್ಯಾಸದವು ಕಾಲಿಟ್ಟಿವೆ ಎನ್ನುತ್ತಾರೆ ಫ್ಯಾಷನಿಸ್ಟ್‌ ರಾಜ್‌.

ಆ್ಯಂಕೆಲ್‌ ಲೆಂಥ್‌ ಜೀನ್ಸ್‌ ವೈಟ್‌ ಪ್ಯಾಂಟ್‌

ಪಾದದ ಮೇಲೆ ನಿಲ್ಲುವ ಆ್ಯಂಕೆಲ್‌ ಲೆಂಥ್‌ ಶೈಲಿಯ ವೈಟ್‌ ಪ್ಯಾಂಟ್‌ಗಳು ಈ ಸೀಸನ್‌ನಲ್ಲಿ ಹುಡುಗಿಯರನ್ನು ಸವಾರಿ ಮಾಡತೊಡಗಿವೆ. ಯಾವುದೇ ಶೇಡ್‌ನ ಕ್ರಾಪ್‌ ಟಾಪ್‌ನೊಂದಿಗೆ ಧರಿಸಬಹುದಾದ ಇವು ನೋಡಲು ಮಾಡರ್ನ್‌ ಲುಕ್‌ ನೀಡುತ್ತವೆ. ಫ್ಲೇರ್‌ ಹಾಗೂ ಸ್ಕಿನ್‌ ಟೈಟ್‌ ಎರಡು ಶೈಲಿಯವು ಪಾಪುಲರ್‌ ಆಗಿವೆ.

ರಿಂಕಲ್‌ ಫ್ರೀ ವೈಟ್‌ ಪ್ಯಾಂಟ್‌

ಇಸ್ತ್ರೀ ಮಾಡದೇಯೂ ಧರಿಸಬಹುದಾದ ಇವು ರಿಂಕಲ್‌ ಫ್ರೀ ಪ್ಯಾಂಟ್‌ಗಳಿವು. ಅತಿ ಹೆಚ್ಚು ಯುವತಿಯರು ಇಂತಹ ಪ್ಯಾಂಟ್‌ಗಳನ್ನು ಧರಿಸತೊಡಗಿದ್ದಾರೆ. ಯಾವುದೇ ಬಗೆಯ ಟಾಪ್‌ಗಳಿಗಾದರೂ ಇವನ್ನು ಧರಿಸಬಹುದು. ಆಕ್ಸೆಸರೀಸ್‌ ಕೂಡ ಅಷ್ಟೇ ಯಾವುದನ್ನು ಬೇಕಾದರೂ ಇವಕ್ಕೆ ಮಿಕ್ಸ್‌ ಮ್ಯಾಚ್‌ ಮಾಡಬಹುದು.

ಇದನ್ನೂ ಓದಿ: Fashion Trend: ಜೆನ್‌ ಜಿ ಹುಡುಗ-ಹುಡುಗಿಯರ ಆವರಿಸಿದ ಚಿತ್ರ-ವಿಚಿತ್ರ ಡ್ರಾಗನ್‌ ಜ್ಯುವೆಲರಿಗಳು!

ಫಾರ್ಮಲ್‌ ವೈಟ್‌ ಪ್ಯಾಂಟ್‌

ಕಾರ್ಪೋರೇಟ್‌ ಕ್ಷೇತ್ರದ ಹೆಣ್ಣು ಮಕ್ಕಳು ಅತಿ ಹೆಚ್ಚು ಧರಿಸುವ ಹಾಗೂ ಪ್ರಿಫರ್‌ ಮಾಡುವ ಫಾರ್ಮಲ್‌ ಪ್ಯಾಂಟ್‌ಗಳಿವು. ನೋಡಲು ಕ್ಲಾಸಿ ಲುಕ್‌ ನೀಡುತ್ತವೆ. ಇವುಗಳಲ್ಲಿ ಹಾಫ್‌, ವೈಟ್‌, ಕ್ರೀಮ್‌ ವೈಟ್‌ ಅತಿ ಹೆಚ್ಚು ಬೇಡಿಕೆ ಪಡೆದುಕೊಂಡಿವೆ. ಶಾರ್ಟ್‌ ಟಾಪ್‌ಗಳು ಹೊಂದುತ್ತವೆ. ಪಾಸ್ಟೆಲ್‌ ಶೇಡ್‌ನವು ಇದೀಗ ಟ್ರೆಂಡಿ ಮಿಕ್ಸ್‌ ಮ್ಯಾಚ್‌ ಟ್ರೆಂಡ್‌ನಲ್ಲಿವೆ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಜೆನ್‌ ಜಿ ಹುಡುಗ-ಹುಡುಗಿಯರ (Jen G is a boy-girl) ಕ್ರೇಝಿ ಫ್ಯಾಷನ್‌ಗೆ (Fashion Trend) ಇದೀಗ ಡ್ರಾಗನ್‌ ಜ್ಯುವೆಲರಿಗಳು ಸೇರಿವೆ. ನೋಡಲು ಚಿತ್ರ-ವಿಚಿತ್ರವಾಗಿ ಕಾಣಿಸುವ ಈ ಆಕ್ಸೆಸರೀಸ್‌ಗಳು ಸದ್ಯ ಫಂಕಿ ಲುಕ್‌ಗೆ ಸಾಥ್‌ ನೀಡುತ್ತಿವೆ. ಜೆನ್‌ ಜಿ ಹುಡುಗ – ಹುಡುಗಿಯರ ಸ್ಟೈಲ್‌ ಆಕ್ಸೆಸರೀಸ್‌ ಲಿಸ್ಟ್‌ನಲ್ಲಿ ಸದ್ಯ ಟಾಪ್‌ನಲ್ಲಿವೆ.

ಏನಿದು ಡ್ರಾಗನ್‌ ಜ್ಯುವೆಲರಿ?

ಡ್ರಾಗನ್‌ ಎಂಬುದು ಚೀನಾ ರಾಷ್ಟ್ರದಲ್ಲಿ ಸಾಕಷ್ಟು ಸ್ಥಾನ-ಮಾನ ಪಡೆದಿರುವ ಪೌರಾಣಿಕ ಹಿನ್ನೆಲೆಯುಳ್ಳ ಜನಮನದಲ್ಲಿರುವ ಇಮ್ಯಾಜೀನೇಷನ್‌ನಲ್ಲಿರುವ ಒಂದು ಪ್ರಾಣಿ ಎನ್ನಬಹುದು. ಕೆಲವೆಡೆ ಇದಕ್ಕೆ ದೇವರ ಸ್ಥಾನವನ್ನು ನೀಡಲಾಗಿದೆ. ಇನ್ನು, ಕಾರ್ಟೂನ್‌ ಸೇರಿದಂತೆ ಚೀನಾ ದೇಶದ ಬಹಳಷ್ಟು ಸಿನಿಮಾಗಳಲ್ಲಿ ಈ ಡ್ರಾಗನ್‌ ಕ್ಯಾರೆಕ್ಟರ್‌ಗಳನ್ನು ಕಾಣಬಹುದು. ಚೀನಾ ಮಾತ್ರವಲ್ಲ, ಸುತ್ತಮುತ್ತಲ ದೇಶಗಳಲ್ಲೂ ಇವುಗಳ ಮೂರ್ತಿ, ಮಿನಿಯೇಚರ್ಸ್‌, ಶೋ ಪೀಸ್‌ ಎಲ್ಲವನ್ನೂ ಕಾಣಬಹುದು. ಇದೀಗ ಈ ಡ್ರಾಗನ್‌ ಕಾನ್ಸೆಪ್ಟ್‌ನ ಮಿನಿಯೇಚರ್‌ ಡಿಸೈನ್‌ನ ಆಭರಣಗಳು ಜ್ಯುವೆಲರಿ ಲೋಕಕ್ಕೂ ಲಗ್ಗೆ ಇಟ್ಟಿವೆ. ಹುಡುಗ-ಹುಡುಗಿಯರು ಧರಿಸುವ ಚೈನ್‌ನ ಪೆಂಡೆಂಟ್‌, ಉಂಗುರ, ಬ್ರೇಸ್‌ಲೆಟ್‌, ಇಯರಿಂಗ್‌, ನೆಕ್‌ಪೀಸ್ ಹೀಗೆ ಬಂಗಾರೇತರ ಮೆಟಲ್‌ನಲ್ಲಿ ರೂಪುಗೊಂಡು ಆವರಿಸಿಕೊಂಡಿವೆ.

ಕೊರಿಯನ್‌ ಸ್ಟಾರ್ಸ್‌ ಪ್ರೇರಣೆ

ಮೊದಲೆಲ್ಲಾ ಕೇವಲ ಸಿನಿಮಾಗಳಲ್ಲಿ ಹಾಗೂ ಫ್ಯಾಷನ್‌ ಶೋಗಳಲ್ಲಿ ಮಾತ್ರ ಇವುಗಳ ಛಾಯೆ ನೋಡಬಹುದಾಗಿತ್ತು. ಇದೀಗ ಕೊರಿಯನ್‌ ಹುಡುಗ-ಹುಡುಗಿಯರು ಧರಿಸಲಾರಂಭಿಸಿದ್ದು, ಅದರಲ್ಲೂ ಕೆ – ಡ್ರಾಮಾ ಸ್ಟಾರ್‌ಗಳು ಬಳಸಲಾರಂಭಿಸಿದ್ದು, ಈ ಟ್ರೆಂಡ್‌ ಜಾಗತೀಕ ಮಟ್ಟದಲ್ಲಿ ವ್ಯಾಪಿಸಲು ಕಾರಣವಾಗಿದೆ. ಪರಿಣಾಮ, ಸಾಮಾನ್ಯ ಹುಡುಗ-ಹುಡುಗಿಯರು ಕೂಡ ಈ ಜ್ಯುವೆಲರಿ ಫ್ಯಾಷನ್‌ಗೆ ಮನಸೋತಿದ್ದು, ಅವರಂತೆಯೇ ಧರಿಸಲಾರಂಭಿಸಿದ್ದಾರೆ. ಇದಕ್ಕೆ ಪೂರಕ ಎಂಬಂತೆ, ನಮ್ಮ ಸ್ಥಳೀಯ ಮಾರುಕಟ್ಟೆಯಲ್ಲಿ ಬ್ಲ್ಯಾಕ್‌ ಮೆಟಲ್‌, ವೈಟ್‌ ಮೆಟಲ್‌ ಹಾಗೂ ಸಿಲ್ವರ್‌ ಜ್ಯುವೆಲರಿಗಳಲ್ಲಿ ನಾನಾ ಡಿಸೈನ್‌ನ ಈ ಡ್ರಾಗನ್‌ ಆಕ್ಸೆಸರೀಸ್‌ಗಳು ಎಂಟ್ರಿ ನೀಡಿವೆ.

ಟ್ರೆಂಡ್‌ನಲ್ಲಿರುವ ಡ್ರಾಗನ್‌ ಆಕ್ಸೆಸರೀಸ್‌

ಅತಿ ಹೆಚ್ಚು ಟ್ರೆಂಡ್‌ನಲ್ಲಿರುವ ಡ್ರಾಗನ್‌ ಆಕ್ಸೆಸರೀಸ್‌ಗಳೆಂದರೇ, ಪೆಂಡೆಂಟ್‌ಗಳು. ಇವು ಲೆಕ್ಕವಿಲ್ಲದಷ್ಟು ಡಿಸೈನ್‌ನಲ್ಲಿ ದೊರೆಯುತ್ತಿವೆ. ಹಾರುವ ಡ್ರಾಗನ್‌ನಿಂದಿಡಿದು ನಿಂತಿರುವ ಡ್ರಾಗನ್‌, ಕುಳಿತಿರುವ, ವಾಲಿರುವ ಹೀಗೆ ನಾನಾ ಪೋಸಿಶನ್‌ನ ಡ್ರಾಗನ್‌ ಚಿತ್ತಾರವಿರುವ ಪೆಂಡೆಂಟ್‌ಗಳು ಬೇಡಿಕೆ ಹೆಚ್ಚಿಸಿಕೊಂಡಿವೆ.

ಡ್ರಾಗನ್‌ ಫಿಂಗರ್‌ ರಿಂಗ್ಸ್‌

ಬೆರಳನ್ನು ಹೆಬ್ಬಾವಿನಂತೆ ಸುತ್ತುವರಿದಂತೆ ಕಾಣುವ ಡ್ರಾಗನ್‌ ಕೈ ಉಂಗುರಗಳು ಹುಡುಗರ ಬಿಗ್‌ ಫಿಂಗರ್‌ ರಿಂಗ್‌ಗಳಾಗಿ ಕಾಣಿಸಿಕೊಂಡಿವೆ. ನೋಡಲು ಭಯಾನಕ ಡಿಸೈನ್‌ನಲ್ಲಿ ಮೂಡಿ ಬಂದಿರುವಂತವು ವಿಯರ್ಡ್‌ ಲುಕ್‌ ನೀಡುವಂತವು ಹೆಚ್ಚು ಮಾರಾಟವಾಗುತ್ತಿವೆ ಎನ್ನುತ್ತಾರೆ ಮಾರಾಟಗಾರರು.

ಇದನ್ನೂ ಓದಿ: Summer Fashion: ನೇಲ್‌ ಆರ್ಟ್‌ನಲ್ಲಿ ಟ್ರೆಂಡಿಯಾದ ಸನ್‌ ಕಲರ್‌ ಶೇಡ್ಸ್‌

ಆನ್‌ಲೈನ್‌ನಲ್ಲಿ ಡ್ರಾಗನ್‌ ಆಕ್ಸೆಸರೀಸ್‌ಗೆ ಹೆಚ್ಚಿದ ಬೇಡಿಕೆ

ಆನ್ಲೈನ್‌ ಶಾಪ್‌ಗಳಲ್ಲಿ ಡ್ರಾಗನ್‌ ಆಕ್ಸೆಸರೀಸ್‌ಗಳು ಊಹೆಗೂ ಮೀರಿದ ಡಿಸೈನ್‌ನಲ್ಲಿ ದೊರೆಯುತ್ತಿವೆ. ಮಿನಿ ಡ್ರಾಗನ್‌, ಸುತ್ತುವರಿದಂತಹ ಭಯಾನಕ ಡ್ರಾಗನ್‌ ವಿನ್ಯಾಸದವನ್ನು ಹುಡುಗರು ಹೆಚ್ಚಾಗಿ ಖರೀದಿಸಿ ಧರಿಸುತ್ತಿದ್ದಾರೆ ಎನ್ನುವ ಸ್ಟೈಲಿಸ್ಟ್‌ ರಾಜ್‌ ಪ್ರಕಾರ, ಹುಡುಗಿಯರು ಮಾತ್ರ ಸುಂದರವಾಗಿರುವ ಕ್ಯೂಟ್‌ ಡ್ರಾಗನ್‌ ಪೆಂಡೆಂಟ್‌ ಚೈನ್‌ಗಳನ್ನು ಧರಿಸುತ್ತಿದ್ದಾರಂತೆ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)