-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮಾರ್ಬಲ್‌ ಪ್ರಿಂಟೆಡ್‌ ಕ್ರಾಪ್‌ ಟಾಪ್‌ಗಳು ಇದೀಗ ಕಾಲೇಜು ಹುಡುಗಿಯರನ್ನು (Students Fashion) ಆವರಿಸಿಕೊಂಡಿವೆ. ನೋಡಲು ಬ್ರಶ್‌ ಸ್ಟ್ರೋಕ್ಸ್‌ ಅಥವಾ ಅಬ್‌ಸ್ಟ್ರಾಕ್ಟ್ ಪ್ರಿಂಟ್ಸ್‌ನಂತೆ ಕಾಣುವ ಈ ಕಲರ್‌ಫುಲ್‌ ಮಲ್ಟಿ ಶೇಡ್‌ನ ಮಾರ್ಬಲ್‌ ಪ್ರಿಂಟ್ಸ್ ಕ್ರಾಪ್‌ ಟಾಪ್‌ಗಳು ವೈವಿಧ್ಯಮಯ ಮಿಕ್ಸ್ ಮ್ಯಾಚ್‌ ಫ್ಯಾಷನ್‌ಗೆ ನಾಂದಿ ಹಾಡಿವೆ.

ಯುವತಿಯರಿಗೆ ಪ್ರಿಯವಾದ ಮಾರ್ಬಲ್‌ ಪ್ರಿಂಟ್ಸ್

“ನಾನಾ ಶೈಲಿಯ ಫ್ಯಾಬ್ರಿಕ್‌ನಲ್ಲಿ ಲಭ್ಯವಿರುವ ಈ ಮಾರ್ಬಲ್‌ ಪ್ರಿಂಟೆಡ್‌ ಕ್ರಾಪ್‌ ಟಾಪ್‌ಗಳು ಈ ಮೊದಲು ಟೀ ಶರ್ಟ್‌ಗಳಲ್ಲಿ ಕಾಣಬಹುದಾಗಿತ್ತು. ಇನ್ನು, ಕೆಲವು ಹಾಲಿ ಡೇ ಡಿಸೈನರ್‌ವೇರ್‌ಗಳಲ್ಲಿಯೂ ಬಂದಿದ್ದವು. ಸಾಕಷ್ಟು, ರೆಸಾರ್ಟ್ ವೇರ್‌ಗಳಲ್ಲೂ ಪ್ರಚಲಿತದಲ್ಲಿದ್ದವು. ಇದೀಗ ಡಿಸೈನರ್‌ಗಳು ಪ್ರಯೋಗಾತ್ಮಕವಾಗಿ ಇದೇ ಬಗೆಯ ಪ್ರಿಂಟ್ಸ್‌ಗಳನ್ನು ಕ್ರಾಪ್‌ ಟಾಪ್‌ಗಳಲ್ಲಿ ಬಳಸಿದ್ದು, ಹಿಟ್‌ ಲಿಸ್ಟ್‌ಗೆ ಸೇರಿದೆ. ಇದು ಕಾಲೇಜು ಹುಡುಗಿಯರಿಗೂ ಪ್ರಿಯವಾಗಿವೆ. ಪರಿಣಾಮ, ನಾನಾ ಬಗೆಯವು ಫ್ಯಾಷನ್‌ಲೋಕಕ್ಕೆ ಎಂಟ್ರಿ ನೀಡಿವೆ” ಎನ್ನುತ್ತಾರೆ ಫ್ಯಾಷನಿಸ್ಟ್‌ ಧವನ್‌. ಅವರ ಪ್ರಕಾರ, ಇವು ಬಿಂದಾಸ್‌ ಲುಕ್‌ ನೀಡುತ್ತವಂತೆ .

ಏನಿದು ಮಾರ್ಬಲ್‌ ಪ್ರಿಂಟೆಡ್‌ ಕ್ರಾಪ್‌ ಟಾಪ್ಸ್

ನೆಲಕ್ಕೆ ಹಾಕುವ ಮಾರ್ಬಲ್‌ ಕಲ್ಲುಗಳ ನೈಜ ರೂಪವನ್ನ, ಫ್ಯಾಬ್ರಿಕ್‌ ಮೇಲೆ ಬಳಸಲಾಗಿರುವುದು, ಮಾರ್ಬಲ್‌ ಪ್ರಿಂಟ್ಸ್ ಕ್ರಾಪ್‌ ಟಾಪ್‌ಗಳ ಹುಟ್ಟಿಗೆ ಕಾರಣ. ತಕ್ಷಣಕ್ಕೆ ಇವು ನೋಡಲು ಅಬ್‌ಸ್ಟ್ರಾಕ್ಟ್ ಪ್ರಿಂಟ್‌ ಎಂದೆನಿಸಿದರೂ ಇವು ಅವಲ್ಲ! ಮಾರ್ಬಲ್‌ ಪ್ರಿಂಟ್ಸ್‌ನವೆಲ್ಲವೂ ನೋಡಲು ಒಂದೇ ಬಗೆಯವೆನಿಸಬಹುದು. ಆದರೆ, ಇವುಗಳಲ್ಲೆ ನಾನಾ ಬಗೆಯ ಶೇಡ್‌ಗಳು ಲಭ್ಯ. ಲೈಟ್‌ ಅಥವಾ ಡಾರ್ಕ್ ಶೇಡ್‌ನಲ್ಲೂ ಕಾಣಬಹುದು. ಹರಿಯುವ ನೀರಿನಂತೆಯು ಕೆಲವು ಕಾಣಿಸುತ್ತವೆ. ಒಟ್ಟಿನಲ್ಲಿ, ಈ ಶೈಲಿಯ ಪ್ರಿಂಟ್ಸ್ ಇಂದಿನ ಯುವತಿಯರನ್ನು ಸೆಳೆಯುವಲ್ಲಿ ಯಶಸ್ವಿಯಾಗಿವೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.

ಇದನ್ನೂ ಓದಿ: Kangana Ranaut Saree Fashion: ದೇಸಿ ಸೀರೆ ನೇಯ್ದ ನೇಕಾರರಿಗೆ ಥ್ಯಾಂಕ್ಸ್ ಹೇಳಿದ ಕಂಗನಾ ರಣಾವತ್!

ಮಾರ್ಬಲ್‌ ಪ್ರಿಂಟೆಡ್‌ ಕ್ರಾಪ್‌ ಟಾಪ್‌ ಮಿಕ್ಸ್ ಮ್ಯಾಚ್‌

ಮಾರ್ಬಲ್‌ ಪ್ರಿಂಟ್ಸ್ ಇರುವಂತಹ ಫ್ಯಾಬ್ರಿಕ್‌ ಆಧಾರದ ಮೇಲೆ ಮಿಕ್ಸ್ ಮ್ಯಾಚ್‌ ಮಾಡಬಹುದು. ನಾನಾ ಬಗೆಯ ಫ್ಯಾಬ್ರಿಕ್‌ನಲ್ಲಿ ಈ ಕ್ರಾಪ್‌ ಟೀ ಶರ್ಟ್‌ಗಳು ಲಭ್ಯ. ಹಾಗಾಗಿ ಅವುಗಳ ಫ್ಯಾಬ್ರಿಕ್‌ ಹಾಗೂ ಡಿಸೈನ್ಸ್‌ಗೆ ಅನುಗುಣವಾಗಿ ಮ್ಯಾಚ್‌ ಮಾಡಬಹುದು ಎಂದು ಸಿಂಪಲ್‌ ಸಲಹೆ ನೀಡುತ್ತಾರೆ ಸ್ಟೈಲಿಸ್ಟ್ ಧೀಮಂತ್‌.

• ಸಿಂಥೆಟಿಕ್‌ ಮಾರ್ಬಲ್‌ ಪ್ರಿಂಟೆಡ್‌ ಕ್ರಾಫ್‌ ಟಾಪ್‌ಗೆ ಕಾಟನ್‌, ಜೆನ್ಸ್ ಪ್ಯಾಂಟ್‌ ಮ್ಯಾಚ್‌ ಮಾಡಬಹುದು.
• ಲೆನಿನ್‌ ಹಾಗೂ ಕಾಟನ್‌ ಪ್ಯಾಂಟ್‌ಗಳಿಗೆ ಕಾಟನ್‌ ಮಾರ್ಬಲ್‌ ಪ್ಯಾಂಟ್‌ ಧರಿಸಬಹುದು.
• ಮಿನಿ ಸ್ಕರ್ಟ್‌ಗಳಿಗೆ ಆದಷ್ಟೂ ರಯಾನ್‌ ಅಥವಾ ಸ್ಪನ್‌ ಫ್ಯಾಬ್ರಿಕ್‌ನವನ್ನು ಧರಿಸಬಹುದು.
• ಕ್ರಾಪ್‌ ಟಾಪ್‌ ಫುಲ್‌ ಸ್ಲೀವ್‌ದ್ದಾದಲ್ಲಿ ಆದಷ್ಟೂ ಪ್ಯಾಂಟ್ ಅಥವಾ ಸ್ಕರ್ಟ್ ಲೈಟ್‌ ಶೇಡ್‌ನದ್ದಾಗಿರಬೇಕು.
• ಲಾಂಗ್‌ ಮಿಡಿ ಸ್ಕರ್ಟ್‌ಗೆ ಲೈಟ್‌ ಶೇಡ್‌ ಮಾರ್ಬಲ್‌ ಟಾಪ್‌ ಬೆಸ್ಟ್ ಮ್ಯಾಚ್‌ ಎನ್ನಬಹುದು.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಬಾಲಿವುಡ್‌ ನಟಿ ಹಾಗೂ ರಾಜಕೀಯ ಧುರೀಣೆ ಕಂಗನಾ ರಾಣಾವತ್‌ (kangana Ranaut Saree Fashion) ಅವರ ದೇಸಿ ಸೀರೆ ಪ್ರೇಮ ಇದೀಗ ಸೀರೆ ಪ್ರಿಯರನ್ನು ಸೆಳೆದಿದೆ. ಇದಕ್ಕೆ ಪೂರಕ ಎಂಬಂತೆ, ರಾಷ್ಟ್ರಪತಿ ಭವನದಲ್ಲಿ ನಡೆದ ಸಮಾರಂಭದಲ್ಲಿ, ಬೆಳ್ಳಿ ಹಾಗೂ ಬಂಗಾರದ ಎಳೆಗಳಿಂದ ನೇಯ್ದ ಹ್ಯಾಂಡ್‌ಲೂಮ್‌ ಸಿಲ್ಕ್ ಸೀರೆಯಲ್ಲಿ ಮನಮೋಹಕವಾಗಿ ಕಾಣಿಸಿಕೊಂಡ ಕಂಗನಾ, ತಾವು ಉಟ್ಟ ಸೀರೆಯನ್ನು ನೇಯ್ದ ಭಾರತೀಯ ನೇಯ್ಗೆಗಾರರಿಗೆ ಧನ್ಯವಾದಗಳನ್ನು ಸೋಷಿಯಲ್‌ ಮೀಡಿಯಾ ಮೂಲಕ ತಿಳಿಸಿದ್ದಾರೆ.

ಸೀರೆಗೆ ಬದಲಾದ ಕಂಗನಾ ಇಮೇಜ್‌

ನಟಿಸಿದ ಬಹುತೇಕ ಸಿನಿಮಾಗಳಲ್ಲಿ ಹೆಚ್ಚಾಗಿ ಗ್ಲಾಮರಸ್‌ ಔಟ್‌ಫಿಟ್‌ಗಳಲ್ಲಿಯೇ ಕಾಣಿಸಿಕೊಳ್ಳುತ್ತಿದ್ದ, ನಟಿ ಕಂಗನಾ ರಾಣಾವತ್‌, ರಾಜಕೀಯಕ್ಕೆ ಧುಮುಕಿದ ನಂತರ ಸೀರೆಗಳತ್ತ ವಾಲಿದ್ದಾರೆ. ಅವರು ಧರಿಸುವ ಒಂದೊಂದು ಸೀರೆಗಳು, ಇತ್ತೀಚೆಗೆ ಸೀರೆ ಪ್ರಿಯರನ್ನು ಸೆಳೆಯಲಾರಂಭಿಸಿವೆ. ಇವು ಅವರ ಇಮೇಜನ್ನು ಬದಲಿಸುತ್ತಿವೆ ಎನ್ನುತ್ತಾರೆ ಫ್ಯಾಷನಿಸ್ಟ್‌ಗಳು.

ಏರ್‌ಪೋರ್ಟ್ ಲುಕ್‌ಗೂ ಸೀರೆ

ಕಂಗನಾ ಮೂಲತಃ ನಟಿ ಕಮ್‌ ಮಾಡೆಲ್‌, ಹಾಗಾಗಿ ಅವರ ಸ್ಟೈಲ್‌ ಹಾಗೂ ಫ್ಯಾಷನ್‌ ಸ್ಟೇಟ್ ಮೆಂಟ್‌ಗಳು ಮೊದಲಿನಿಂದಲೂ ಟ್ರೆಂಡ್‌ ಸೆಟ್ಟಿಂಗ್‌ಗೆ ನಾಂದಿ ಹಾಡುತ್ತಿದ್ದವು. ಇದೀಗ ರಾಜಕೀಯ ಕ್ಷೇತ್ರಕ್ಕೆ ಧುಮುಕಿದ ನಂತರ, ಅವರ ಒಂದೊಂದು ಸ್ಟೈಲ್‌ ಹಾಗೂ ಫ್ಯಾಷನ್‌ ಸ್ಟೇಟ್‌ಮೆಂಟ್‌ಗಳಲ್ಲಿ ಮಹತ್ತರ ಬದಲಾವಣೆಗಳಾಗಿವೆ. ವೆಸ್ಟರ್ನ್ ಔಟ್‌ಫಿಟ್‌ಗಳಿಗೆ ತಾತ್ಕಲಿಕವಾಗಿ ತಿಲಾಂಜಲಿ ಇಟ್ಟಿರುವ, ಕಂಗನಾ, ಸದ್ಯ ದೇಸಿ ಔಟ್‌ಫಿಟ್‌ಗಳಲ್ಲೆ ಹೆಚ್ಚಾಗಿ ಕಾಣಿಸಿಕೊಳ್ಳತೊಡಗಿದ್ದಾರೆ. ಅಷ್ಟೇಕೆ! ಏರ್‌ಪೋರ್ಟ್ ಲುಕ್‌ನಲ್ಲೂ ಕೂಡ ಸೀರೆಯನ್ನು ಪರಿಚಯಿಸಿದ ಮೊದಲ ಬಾಲಿವುಡ್‌ ನಟಿಯಾಗಿದ್ದಾರೆ. ಸದ್ಯ ಡಿಸೈನರ್‌ ಸೀರೆಗಳಿಗಿಂತ ಸಾದಾ ಸಿಂಪಲ್‌ ಹ್ಯಾಂಡ್‌ಲೂಮ್‌ ಹಾಗೂ ಸಿಲ್ಕ್ ಕಾಟನ್‌ ಸೀರೆಗಳನ್ನು ಉಡುತ್ತಿರುವ ಕಂಗನಾ, ನಾಮಿನೇಷನ್‌ ಸಮಯದಲ್ಲೂ ತೀರಾ ಸಿಂಪಲ್‌ ಶೇಡ್‌ನ ಪಿಸ್ತಾ ಸೀರೆಯಲ್ಲಿ ಕಾಣಿಸಿಕೊಂಡಿದ್ದರು.

ಶ್ವೇತ ವರ್ಣದ ಸೀರೆಗಳ ಪ್ರೇಮ

ರಾಜಕೀಯಕ್ಕೆ ಸೇರಿದ ನಂತರ ಕಂಗನಾ ಅತಿ ಹೆಚ್ಚಾಗಿ ಶ್ವೇತ ವರ್ಣದ ಸೀರೆಗಳನ್ನು ಉಟ್ಟಿದ್ದಾರೆ. ಅವುಗಳಲ್ಲಿ, ಹಾಫ್‌ ವೈಟ್‌, ಕ್ರೀಮಿಶ್‌ ವೈಟ್‌, ಮಿಲ್ಕಿ ವೈಟ್‌ ಶೇಡ್‌ಗಳ ಸಿಲ್ಕ್‌ ಹಾಗೂ ಹ್ಯಾಂಡ್‌ಲೂಮ್‌ ಸೀರೆಗಳು ಅವರನ್ನುಆಕರ್ಷಕವಾಗಿ ಬಿಂಬಿಸಿದೆ. ಇನ್ನು, ಕಂಗನಾ ಅವರೇ ಹೇಳುವಂತೆ, ಬಿಳಿ ವರ್ಣ ಶಾಂತಿಯ ಧ್ಯೋತಕ ಹಾಗೂ ಪಾಸಿಟಿವಿ ಎನರ್ಜಿಯನ್ನು ನೀಡುತ್ತದಂತೆ. ಹಾಗಾಗಿ ಈ ಬಗೆಯ ಶೇಡ್ಸ್ ಅವರಿಗೆ ಇಷ್ಟವಂತೆ.

ಇದನ್ನೂ ಓದಿ: Dupatta Selection Tips: ಪರ್ಫೆಕ್ಟ್ ದುಪಟ್ಟಾ ಸೆಲೆಕ್ಷನ್‌ಗೆ ಇಲ್ಲಿದೆ 5 ಸಿಂಪಲ್‌ ಸೂತ್ರ

ಸೀರೆಯಲ್ಲಿ ಎಲಿಗೆಂಟ್‌ ಲುಕ್‌ಗೆ ಆದ್ಯತೆ

ಸೀರೆಯೊಂದಿಗೆ ಸಿಂಪಲ್‌ ಹೇರ್‌ಸ್ಟೈಲ್‌, ತಿಳಿಯಾದ ಮೇಕಪ್‌ ಇವುಗಳಿಗೆಲ್ಲಾ ಮ್ಯಾಚ್‌ ಆಗುವಂತಹ ಆಕ್ಸೆಸರೀಸ್‌, ಕಂಗನಾ ಸೌಂದರ್ಯವನ್ನು ಹೆಚ್ಚಿಸಲಾರಂಭಿಸಿವೆ. ಒಟ್ಟಾರೆ, ಅವರ ಇಂದಿನ ಸ್ಥಾನ-ಮಾನಕ್ಕೆ ಸೀರೆಗಳು ಪರ್ಫೆಕ್ಟ್ ಮ್ಯಾಚ್‌ ಆಗುತ್ತಿವೆ ಎನ್ನುತ್ತಾರೆ ಫ್ಯಾಷನಿಸ್ಟ್‌ಗಳು.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ದುಪಟ್ಟಾಗಳು ಇಂದು ಲೆಕ್ಕವಿಲ್ಲದಷ್ಟು ವಿನ್ಯಾಸದಲ್ಲಿ, ಪ್ರಿಂಟ್ಸ್‌ನಲ್ಲಿ ಬಿಡುಗಡೆಗೊಳ್ಳುತ್ತಿವೆ. ಮೊದಲೆಲ್ಲಾ ಡಿಸೈನರ್‌ವೇರ್‌ಗಳ ಜೊತೆಗೆ ದೊರೆಯುತ್ತಿದ್ದ ದುಪಟ್ಟಾಗಳು (Dupatta Selection Tips) ಇದೀಗ ಪ್ರತ್ಯೇಕವಾಗಿಯೂ ದೊರೆಯುತ್ತಿವೆ. ಅಷ್ಟು ಮಾತ್ರವಲ್ಲ, ಡಿಸೈನ್‌ ಮಾಡಿಸುವ ಉಡುಗೆಗೆ ತಕ್ಕಂತೆ ದುಪಟ್ಟಾ ಮ್ಯಾಚ್‌ ಮಾಡುವ ಕ್ರೇಝ್‌ ಮೊದಲಿಗಿಂತ ಹೆಚ್ಚಾಗಿದೆ. ಕೆಲವೊಮ್ಮೆಯಂತೂ ದುಪಟ್ಟಾಗಳೇ ಡಿಸೈನರ್‌ವೇರ್‌ಗಿಂತ ಆಕರ್ಷಕವಾಗಿ ಕಾಣಿಸುತ್ತವೆ. ಆ ಮಟ್ಟಿಗೆ ದುಪಟ್ಟಾಗಳು ಇಂದು ಪ್ರಾಮುಖ್ಯತೆ ಪಡೆದುಕೊಂಡಿವೆ.

ದುಪಟ್ಟಾಗಳ ಪ್ರಮುಖ ಪಾತ್ರ

“ದುಪಟ್ಟಾಗಳು ಇಂದು ಎಥ್ನಿಕ್‌ ಡಿಸೈನರ್‌ವೇರ್‌ಗಳಿಗೆ ಸಾಥ್‌ ನೀಡುವಲ್ಲಿ ಪ್ರಮುಖ ಪಾತ್ರವನ್ನು ವಹಿಸುತ್ತವೆ. ಅದು ಯಾವುದೇ ಗ್ರ್ಯಾಂಡ್‌ ಡ್ರೆಸ್‌ ಆಗಿರಲಿ ಸಿಂಪಲ್‌ ಉಡುಪಾಗಿರಲಿ ಅವುಗಳ ಡಿಸೈನ್‌ಗೆ ತಕ್ಕಂತೆ ದುಪಟ್ಟಾ ಧರಿಸುವುದು ಆಯಾ ಯುವತಿಯ ಅಭಿರುಚಿಯನ್ನು ತೋರ್ಪಡಿಸುತ್ತದಂತೆ” ಹಾಗೆನ್ನುತ್ತಾರೆ ಸ್ಟೈಲಿಸ್ಟ್ ಗೀತಾ. ಅವರು ಹೇಳುವಂತೆ, ಇವುಗಳನ್ನು ಪ್ರತ್ಯೇಕವಾಗಿ ಆಯ್ಕೆ ಮಾಡುವಾಗ ಒಂದಿಷ್ಟು ಸಲಹೆಗಳನ್ನು ಪಾಲಿಸುವುದು ಉತ್ತಮ ಎನ್ನುತ್ತಾರೆ.

ಗ್ರ್ಯಾಂಡ್‌ ಡಿಸೈನರ್‌ವೇರ್‌ಗೆ ಮ್ಯಾಚಿಂಗ್‌

ಗ್ರ್ಯಾಂಡ್‌ ಡಿಸೈನರ್‌ವೇರ್‌ಗೆ ದುಪಟ್ಟಾ ಆಯ್ಕೆ ಮಾಡುವಾಗ ಆದಷ್ಟೂ ಡಿಸೈನ್‌ ಹಾಗೂ ಕಲರ್‌ಗೆ ಪ್ರಾಮುಖ್ಯತೆ ನೀಡಬೇಕು. ಟ್ರೆಂಡಿಯಾಗಿರುವ ದುಪಟ್ಟಾ ಖರೀದಿಸಿದರಷ್ಟೇ ಸಾಲದು, ಅದಕ್ಕೆ ತಕ್ಕಂತೆ ಮ್ಯಾಚ್‌ ಮಾಡುತ್ತಿರುವ ಎಥ್ನಿಕ್‌ ಉಡುಪುಗಳು ಮ್ಯಾಚ್‌ ಆಗಬೇಕು.

ಲೆಹೆಂಗಾ ದುಪಟ್ಟಾ

ಲೆಹೆಂಗಾಗಳಿಗೆ ದುಪಟ್ಟಾ ಹೊಂದಿಸುವುದಾದಲ್ಲಿ ಇಂದು ಟ್ರೆಂಡಿಯಾಗಿರುವ ಕಾಂಟ್ರಾಸ್ಟ್ ಶೇಡ್‌ನವನ್ನು ಆಯ್ಕೆ ಮಾಡಿ. ಸಿಂಪಲ್‌ ಆದ್ರೆ ಸಾಕು ಎನ್ನುವವರು ಮಾನೋಕ್ರೋಮ್‌ ಶೇಡ್ಸ್‌ಗೆ ಮೊರೆ ಹೋಗಬಹುದು. ದುಪಟ್ಟಾ ಉದ್ದನಾಗಿರಬೇಕು. ಅದನ್ನು ದಾವಣಿ ಎನ್ನಲಾಗುತ್ತದೆ.

ಫ್ಯಾಬ್ರಿಕ್‌ ಸೆಲೆಕ್ಷನ್‌

ದುಪಟ್ಟಾ ಫ್ಯಾಬ್ರಿಕ್‌ ನೋಡಿ ಸೆಲೆಕ್ಷನ್‌ ಮಾಡಿ. ಯಾಕೆಂದರೇ, ಔಟ್‌ಫಿಟ್‌ ಭಾರಿ ಡಿಸೈನ್‌ ಹಾಗೂ ಫ್ಯಾಬ್ರಿಕ್‌ನದ್ದಾದಲ್ಲಿ ಆದಷ್ಟೂ ಲೈಟ್‌ವೈಟ್‌ ಸಾಫ್ಟ್ ಶೀರ್‌, ನೆಟ್ಟೆಡ್ನಂತಹ ಪಾರದರ್ಶಕ ದುಪಟ್ಟಾಗಳು ಉತ್ತಮ.

ಸಲ್ವಾರ್ ಕಮೀಝ್‌/ಚೂಡಿದಾರ್ ಸೆಟ್‌

ಸಾದಾ ಸೆಟ್‌ಗಳಿಗೆ ಭಾರಿ ಡಿಸೈನ್‌ನ ದುಪಟ್ಟಾ ಆಯ್ಕೆ ಬೆಸ್ಟ್. ಗ್ರ್ಯಾಂಡ್‌ ಡಿಸೈನ್‌ನವಕ್ಕೆ ಸಿಂಪಲ್‌ ದುಪಟ್ಟಾ ಓಕೆ. ಇನ್ನು, ಧರಿಸುವ ಕುರ್ತಾಗಿಂತ ದುಪಟ್ಟಾ ಉದ್ದನಾಗಿ ಕಾಣಿಸಬೇಕು. ಪಾದಗಳಿಗೆ ತಾಗಬಾರದು.

ಇದನ್ನೂ ಓದಿ: Ambani Family Fashion: ಅಂಬಾನಿ ಕುಟುಂಬದ ಮಹಿಳೆಯರ ಜ್ಯುವೆಲರಿ ಡಿಸೈನ್ಸ್ ಕಾಪಿ ಮಾಡಿ ಟ್ರೆಂಡಿಯಾದ ಜ್ಯುವೆಲರಿಗಳಿವು!

ಗೋಲ್ಡನ್‌ ಶೇಡ್ ದುಪಟ್ಟಾ

ಗ್ರ್ಯಾಂಡ್‌ ದುಪಟ್ಟಾಗಳನ್ನು ಬಹುತೇಕ ಎಲ್ಲಾ ಗ್ರ್ಯಾಂಡ್‌ ಉಡುಪುಗಳಿಗೂ ಮಿಕ್ಸ್ ಮ್ಯಾಚ್‌ ಮಾಡಬಹುದು. ಅದರಲ್ಲೂ ಬಂಗಾರ ವರ್ಣದ ದುಪಟ್ಟಾಗಳು ಎಲ್ಲಾ ಗೋಲ್ಡ್ ಹಾಗೂ ಸಿಲ್ವರ್‌ ಝರಿ ಅಥವಾ ಬಾರ್ಡರ್‌ ಇರುವಂತಹ ಎಥ್ನಿಕ್‌ ಉಡುಪುಗಳಿಗೆ ಹೊಂದುತ್ತವೆ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಇದೀಗ ಸಾಮಾನ್ಯ ಮಹಿಳೆ ಕೂಡ ಅಂಬಾನಿ ಫ್ಯಾಮಿಲಿಯ (Ambani Family Fashion) ಮಹಿಳೆಯರು ಧರಿಸುವ ಜ್ಯುವೆಲರಿಗಳನ್ನು, ತಾವು ಕೂಡ ಧರಿಸಿ ಸಂತಸ ಪಡಬಹುದು! ಹೌದು. ಅದು ಹೇಗೆ? ಎಂದು ಯೋಚಿಸುತ್ತಿದ್ದೀರಾ! ಅವರಂತೆ ಒರಿಜಿನಲ್‌ ಜ್ಯುವೆಲರಿಗಳನ್ನು ಖರೀದಿಸಲು ಸಾಧ್ಯವಾಗದಿದ್ದರೂ, ಥೇಟ್‌ ಅವರು ಧರಿಸಿರುವಂತಹ ಜ್ಯುವೆಲರಿಗಳನ್ನೇ ಹೋಲುವಂತಹ ಕೃತಕ ಪ್ರಿಶಿಯಸ್‌ ಸ್ಟೋನ್‌ನಿಂದ ಸಿದ್ಧಗೊಂಡ ಇಮಿಟೇಷನ್‌ ಜ್ಯುವೆಲರಿಗಳನ್ನು ಕೊಂಡು ಧರಿಸಿ ಖುಷಿ ಪಡಬಹುದು. ಇದಕ್ಕೆ ಪ್ರಮುಖ ಕಾರಣ, ಕೈಗೆಟಕುವ ಬೆಲೆ. ಹಾಗಾಗಿ ಈ ಕೃತಕ ಇಮಿಟೇಷನ್‌ ಜ್ಯುವೆಲರಿಗಳು ಇದೀಗ ಸಖತ್‌ ಟ್ರೆಂಡಿಯಾಗಿವೆ.

ಅಂಬಾನಿ ಫ್ಯಾಮಿಲಯ ಮಹಿಳೆಯರ ಜ್ಯುವೆಲರಿ ಮೋಹ

ನೀತಾ ಅಂಬಾನಿ, ಇಶಾ ಅಂಬಾನಿ, ಶ್ಲೋಕಾ ಸೇರಿದಂತೆ ಅಂಬಾನಿ ಕುಟುಂಬದ ಮಹಿಳೆಯರ ಪ್ರೆಸ್ಟಿಜ್‌ನ ಧ್ಯೋತಕವಾದ ಅಮೂಲ್ಯವಾದ ಎಮಾರಾಲ್ಡ್ ಜ್ಯುವೆಲರಿಗಳ ರಿಪ್ಲೀಕಾದಂತೆ ಕಾಣುವ ಈ ಆರ್ಟಿಫಿಶಿಯಲ್‌ ಇಮಿಟೇಷನ್‌ ಆಭರಣಗಳು, ಎಲ್ಲಾ ವರ್ಗದ ಮಹಿಳೆಯರನ್ನು ಆಕರ್ಷಿಸಿವೆ. ಕೋಟಿಗಟ್ಟಲೆ ಬೆಲೆ ಬಾಳುವ ಜ್ಯುವೆಲರಿ ಧರಿಸಲಾಗದಿದ್ದರೂ, ಅದರಂತೆಯೇ ಕಾಣಿಸುವ ಜ್ಯುವೆಲರಿಗಳನ್ನು ಧರಿಸುವ ಇಚ್ಛೆ ಸಾಕಷ್ಟು ಮಹಿಳೆಯರದ್ದಾಗಿದೆ. ಇದಕ್ಕೆ ಪೂರಕ ಎಂಬಂತೆ, ಮಾರುಕಟ್ಟೆಯಲ್ಲಿ ನಾನಾ ಡಿಸೈನ್‌ನ ಆಭರಣಗಳು ಕಾಲಿಟ್ಟಿವೆ ಎನ್ನುತ್ತಾರೆ ಇಮಿಟೇಷನ್‌ ಜ್ಯುವೆಲರಿ ಮಾರಾಟಗಾರಾದ ರಾಕೇಶ್‌.

ಎಮಾರಾಲ್ಡ್ ಸೆಟ್‌ನಂತೆ ಕಾಣುವ ಇಮಿಟೇಷನ್‌ ಜ್ಯುವೆಲರಿ

ಅಂದಹಾಗೆ, ಎಲ್ಲರಿಗೂ ತಿಳಿದಿರುವಂತೆ ನೀತಾ ಅಂಬಾನಿಯವರ ಬಳಿ ಎಮರಾಲ್ಡ್‌ನ ದೊಡ್ಡ ಸೆಟ್‌ ಜ್ಯುವೆಲರಿಗಳಿವೆ. ಮಗಳು ಮತ್ತು ಸೊಸೆಯ ಬಳಿಯೂ ಸಾಕಷ್ಟಿವೆ. ಪ್ರಪಂಚದ ಅತ್ಯಂತ ದುಬಾರಿ ಎಮರಾಲ್ಡ್‌ನಿಂದ ಮಾಡಿದ ಜ್ಯುವೆಲರಿ ಸೆಟ್‌ಗಳಿವು. ಪ್ರಿ-ವೆಡ್ಡಿಂಗ್‌ನಲ್ಲಿ ಇವರೆಲ್ಲರೂ ಧರಿಸಿದ್ದೇ ತಡ, ಕೃತಕ ಆಭರಣ ಲೋಕದಲ್ಲಿ, ಇವುಗಳ ರಿಪ್ಲೀಕಾ ಜ್ಯುವೆಲರಿಗಳ ಆಗಮನವಾಗತೊಡಗಿತು. ಕೇವಲ ಎರಡ್ಮೂರು ಸಾವಿರ ರೂ.ಗಳಿಗೆ ದೊರಕುಲಾರಂಭಿಸಿತು. ಹಾಗಾಗಿ ಬೇಡಿಕೆಯು ಹೆಚ್ಚಿತು ಎನ್ನುತ್ತಾರೆ ಜ್ಯುವೆಲ್‌ ಡಿಸೈನರ್ಸ್. ಅಷ್ಟೇಕೆ, ಇದೀಗ ಬ್ರೈಡಲ್‌ ಸೆಟ್‌ಗಳಲ್ಲೂ ನಾನಾ ಡಿಸೈನ್‌ನವು ಕಾಲಿಟ್ಟಿವೆ. ಖರೀದಿ ಕೂಡ ಹೆಚ್ಚಾಗಿದೆ ಎನ್ನುತ್ತಾರೆ ಕೃತಕ ಆಭರಣದ ಮಾರಾಟಗಾರರು.

ಇದನ್ನೂ ಓದಿ: Saree Fashion: ಸೆಲೆಬ್ರೆಟಿ ಲುಕ್‌ಗಾಗಿ ಬಂತು ಬಂಗಾರ ವರ್ಣದ ಸೀರೆಗಳು!

ಇಮಿಟೇಷನ್‌ ಎಮಾರಾಲ್ಡ್ ಜ್ಯುವೆಲರಿ ಪ್ರಿಯರಿಗೆ ಸಿಂಪಲ್‌ ಟಿಪ್ಸ್

• ಫಿನಿಶಿಂಗ್‌ ಇರುವಂತಹ ಜ್ಯುವೆಲ್‌ ಸೆಟ್‌ ಆಯ್ಕೆ ಮಾಡಿ.
• ಗೋಲ್ಡನ್‌ ಹಾಗೂ ಸಿಲ್ವರ್‌ ಕೋಟೆಡ್‌ ಸೆಟ್‌ಗಳು ಟ್ರೆಂಡ್‌ನಲ್ಲಿವೆ.
• ಈ ಸೆಟ್‌ನೊಂದಿಗೆ ಮ್ಯಾಚ್‌ ಆಗದ ಇತರೇ ಮೆಟಲ್‌ನ ಜ್ಯುವೆಲರಿಗಳನ್ನು ಧರಿಸಕೂಡದು.
• ಕ್ಲಾಸಿ ಲುಕ್‌ಗೆ ಇವು ಮ್ಯಾಚ್‌ ಆಗುತ್ತವೆ.
• ಡಾರ್ಕ್ ಶೇಡ್‌ ಹಾಗೂ ಮಿಂಟ್‌ ಗ್ರೀನ್‌ ಶೇಡ್‌ನವು ಪ್ರಚಲಿದಲ್ಲಿವೆ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )