-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಮಾನ್ಸೂನ್‌ನಲ್ಲಿ ಜಾಕೆಟ್‌ (Monsoon Jacket Styling Tips) ಧರಿಸಿಯೂ ಸ್ಟೈಲಿಶ್‌ ಆಗಿ ಕಾಣಿಸಬಹುದು ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು. ಹೌದು, ಮಳೆಗಾಲದಲ್ಲಿ ಹೊರಗೆ ಹೋಗುವಾಗ ಧರಿಸಿದ ಉಡುಪಿನ ಮೇಲೆ ಜಾಕೆಟ್‌ ಧರಿಸುವುದು ಸಾಮಾನ್ಯ. ಆದರೆ, ಪದೇ ಪದೇ ಒಂದೇ ಜಾಕೆಟ್‌ ಧರಿಸಿದರಂತೂ ಪ್ರತಿ ಬಾರಿಯೂ ಒಂದೇ ಲುಕ್‌ನಲ್ಲಿ ಕಾಣಿಸುವುದು ಗ್ಯಾರಂಟಿ. ಹಾಗೆಂದು, ಎಲ್ಲರ ಬಳಿಯಲ್ಲೂ ಒಂದೊಂದು ಉಡುಪಿಗೂ ಒಂದೊಂದು ಜಾಕೆಟ್‌ ಸಂಗ್ರಹವಿರುವುದಿಲ್ಲ. ಬದಲಿಗೆ ಒಂದೆರೆಡು ಜಾಕೆಟ್‌ಗಳಲ್ಲೇ ಇಡೀ ಮಾನ್ಸೂನ್‌ ಸೀಸನ್‌ ಕಳೆಯಬೇಕಾಗುತ್ತದೆ. ಅಂತಹವರೂ ಕೂಡ ಒಂದಿಷ್ಟು ಸ್ಟೈಲಿಂಗ್‌ ಟಿಪ್ಸ್ ಫಾಲೋ ಮಾಡಿದಲ್ಲಿ, ಜಾಕೆಟ್‌ ಧರಿಸಿದ ಮೇಲೂ ಸ್ಟೈಲಿಶ್‌ ಆಗಿ ಕಾಣಿಸಿಕೊಳ್ಳಬಹುದು. ಇದಕ್ಕಾಗಿ ಸ್ಟೈಲಿಂಗ್‌ ಮಾಡುವುದು ಹೇಗೆ? ಎಂಬುದರ ಬಗ್ಗೆ ಸ್ಟೈಲಿಸ್ಟ್ ಕರಣ್‌ ಒಂದಿಷ್ಟು ಟಿಪ್ಸ್ ನೀಡಿದ್ದಾರೆ.

ಕಾಶ್ಯುವಲ್‌ ಉಡುಪಿಗೆ ಜಾಕೆಟ್‌

ವೆಸ್ಟರ್ನ್‌ ಹಾಗೂ ಯಾವುದೇ ಕ್ಯಾಶುವಲ್‌ ಉಡುಪಿನ ಮೇಲೆ ಜಾಕೆಟ್‌ ಧರಿಸುವಂತವರು ಆದಷ್ಟೂ ಕಂಟೆಂಪರರಿ ಡಿಸೈನ್‌ನ ಜಾಕೆಟ್‌ ಧರಿಸುವುದು ಉತ್ತಮ. ಅದರಲ್ಲೂ ಧರಿಸುವ ಉಡುಪಿಗೆ ಜಾಕೆಟ್‌ ಹೊಂದುವುದು ಮುಖ್ಯ.

ಮಿನಿಮಲ್‌ ಆಕ್ಸೆಸರೀಸ್‌ ಇರಲಿ

ಜಾಕೆಟ್‌ ಧರಿಸಿದಾಗ ಆದಷ್ಟೂ ಮಿನಿಮಲ್‌ ಆಕ್ಸೆಸರೀಸ್‌ ಧರಿಸುವುದು ಉತ್ತಮ. ಯಾಕೆಂದರೇ, ಮೆಸ್ಸಿಯಾಗಿ ಕಾಣಿಸಬಹುದು. ಹಾಗಾಗಿ ಆಕ್ಸೆಸರೀಸ್‌ ಧರಿಸದಿದ್ದರೂ ಓಕೆ.

ಎಥ್ನಿಕ್‌ ಡ್ರೆಸ್‌ಗೆ ಜಾಕೆಟ್‌

ಎಥ್ನಿಕ್‌ ಡ್ರೆಸ್‌ಗೆ ವೆಸ್ಟರ್ನ್ ಲುಕ್‌ ನೀಡುವ ಜಾಕೆಟ್‌ ಆಷ್ಟಾಗಿ ಹೊಂದದು. ಆದರೂ ಇಂಡೋ-ವೆಸ್ಟರ್ನ್ ಶೈಲಿಯಲ್ಲಿ ಮೇಕೋವರ್‌ ಮಾಡಿದಲ್ಲಿ ನೋಡಲು ಅಂದವಾಗಿ ಬಿಂಬಿಸಬಲ್ಲದು. ಇದಕ್ಕಾಗಿ ಧರಿಸುವ ಉಡುಪು ಪ್ರಿಂಟೆಡ್‌ನದ್ದಾಗಿದ್ದಲ್ಲಿ ಅದಕ್ಕೆ ಸಾದಾ ಸಾಲಿಡ್‌ ಶೇಡ್‌ನ ಜಾಕೆಟ್‌ ಧರಿಸುವುದು ಉತ್ತಮ. ಸಾದಾ ಡ್ರೆಸ್‌ಗೆ ಪ್ರಿಂಟೆಡ್‌ ಜಾಕೆಟ್‌ ಧರಿಸಬಹುದು.

ಫಂಕಿ ಲುಕ್‌ ಜಾಕೆಟ್‌ಗಾದಲ್ಲಿ

ಫಂಕಿ ಲುಕ್‌ ಇರುವಂತಹ ಜಾಕೆಟ್‌ಗಳನ್ನು ಧರಿಸುವುದಾದಲ್ಲಿ ಆದಷ್ಟೂ ವೆಸ್ಟರ್ನ್‌ ಲುಕ್‌ ಉಡುಪುಗಳನ್ನೇ ಮ್ಯಾಚ್‌ ಮಾಡಬೇಕಾಗುತ್ತದೆ. ಅದರಲ್ಲೂ ಸ್ಲಿಮ್‌ ಫಿಟ್‌ ಜಾಕೆಟ್‌ ಉತ್ತಮ.

ಜಾಕೆಟ್‌ ಸೀರೆ

ಸೀರೆಗೂ ಜಾಕೆಟ್ಟಾ ಎಂದುಕೊಂಡರೇ, ಹೌದು. ಹೀಗೂ ಧರಿಸಬಹುದು. ಆದರೆ, ಸೀರೆಯ ಬಣ್ಣಕ್ಕೆ ಹೊಂದುವಂತಹ ಜಾಕೆಟ್‌ ಇದ್ದರೇ ಉತ್ತಮ. ಪಲ್ಲುವನ್ನು ಜಾಕೆಟ್‌ ಮೇಲೆ ಡ್ರೆಪ್‌ ಮಾಡಿದಲ್ಲಿ ಜಾಕೆಟ್‌ ಸೀರೆಯಂತೆ ಕಾಣಿಸಬಲ್ಲದು.

ಇದನ್ನೂ ಓದಿ: Designer Hairpins Fashion: ಗ್ರ್ಯಾಂಡ್‌ ಲುಕ್‌ಗೆ ಸಾಥ್‌ ನೀಡುವ ಡಿಸೈನರ್‌ ಹೇರ್‌ಪಿನ್ಸ್

ಪಸರ್ನಾಲಿಟಿಗೆ ತಕ್ಕಂತಿರಲಿ

ಜಾಕೆಟ್‌ ಮಿಕ್ಸ್ ಮಾಡುವ ಕಾನ್ಸೆಪ್ಟ್ ಹೆಸರಲ್ಲಿ ಮನ ಬಂದಂತೆ ಧರಿಸಿದರೇ ಚೆನ್ನಾಗಿ ಕಾಣದು. ಸ್ಲಿಮ್‌ ಇರುವವರಿಗೆ ಜಾಕೆಟ್‌ ಸ್ಟೈಲಿಂಗ್‌ ಓಕೆ. ಆದರೆ, ಪ್ಲಂಪಿಯಾಗಿರುವವರು ಮಾತ್ರ, ಇತರೇ ಡ್ರೆಸ್‌ಗಳೊಂದಿಗೆ ಜಾಕೆಟ್‌ ಧರಿಸುವಾಗ ಆದಷ್ಟೂ ಲೈಟ್‌ವೈಟ್‌ ಜಾಕೆಟ್‌ ಅಥವಾ ಸ್ಲಿಮ್‌ ಫಿಟ್‌ಜಾಕೆಟ್‌ಗಳನ್ನೇ ಆಯ್ಕೆ ಮಾಡಿಕೊಳ್ಳಬೇಕು ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಗ್ರ್ಯಾಂಡ್‌ ಲುಕ್‌ಗೆ ಸಾಥ್‌ ನೀಡುವಂತಹ ವೆರೈಟಿ ಡಿಸೈನರ್‌ ಹೇರ್‌ಪಿನ್‌ಗಳು (Designer Hairpins Fashion) ಟ್ರೆಂಡಿಯಾಗಿವೆ. ಸಿಂಪಲ್‌ ಪರ್ಲ್ ಡಿಸೈನ್‌ನಿಂದಿಡಿದು ಸ್ಟೋನ್‌ನಿಂದ ಸಿಂಗಾರಗೊಂಡ ಮಲ್ಟಿ ಡಿಸೈನ್‌ನ ಹೇರ್‌ಪಿನ್‌ಗಳು ಹೇರ್‌ಸ್ಟೈಲ್‌ ಪ್ರೇಮಿಗಳನ್ನು ಆಕರ್ಷಿಸುತ್ತಿವೆ. ಹೆಣ್ಣುಮಕ್ಕಳ ಕೂದಲಿನ ಅಂದವನ್ನು ಹೆಚ್ಚಿಸಿ, ಗ್ರ್ಯಾಂಡ್‌ ಲುಕ್‌ ನೀಡುವ ಈ ಡಿಸೈನರ್‌ ಹೇರ್‌ಪಿನ್‌ಗಳು ಲೆಕ್ಕವಿಲ್ಲದಷ್ಟು ವಿನ್ಯಾಸದಲ್ಲಿ ದೊರೆಯುತ್ತಿವೆ. ಆಯಾ ಕೂದಲಿನ ವಿನ್ಯಾಸಕ್ಕೆ ತಕ್ಕಂತೆ ಹುಡುಗಿಯರನ್ನು ಸಿಂಗರಿಸುತ್ತಿವೆ.

ಡಿಸೈನರ್‌ ಹೇರ್‌ಪಿನ್ಸ್ ಲೋಕ

ಫ್ಯಾನ್ಸಿ ಶಾಪ್‌ಗಳಿಗೆ ಕಾಲಿಟ್ಟರೇ ಸಾಕು, ಊಹೆಗೂ ಮೀರಿದ ಡಿಸೈನ್‌ನ ಗ್ರ್ಯಾಂಡ್‌ ಲುಕ್‌ ನೀಡುವಂತಹ ಹಾಗೂ ಅತಿ ಸುಲಭವಾಗಿ ಇಡೀ ಹೇರ್‌ಸ್ಟೈಲ್‌ ಅಂದಗಾಣಿಸುವಂತಹ ಹೇರ್‌ಪಿನ್ಸ್ ಲಭ್ಯ. ಅವುಗಳಲ್ಲಿ ಕ್ಯಾಶುವಲ್‌ ಲುಕ್‌ ನೀಡುವಂತವು ಹಾಗೂ ಎಥ್ನಿಕ್‌ ಲುಕ್‌ ನೀಡುವಂತವು ಮತ್ತು ಪಾರ್ಟಿವೇರ್‌ ಹೇರ್‌ಪಿನ್ಸ್ ಅತಿ ಹೆಚ್ಚು ಬೇಡಿಕೆ ಸೃಷ್ಟಿಸಿಕೊಂಡಿವೆ.

ಬೀಡ್ಸ್ -ಪರ್ಲ್ ಹೇರ್‌ಪಿನ್ಸ್

ಕೃತಕ ಮುತ್ತುಗಳಿಂದ ಸಿಂಗರಿಸಿದ ಹೇರ್‌ಪಿನ್‌ಗಳು ಒಂದು ಲೈನ್‌ನಿಂದಿಡಿದು ನಾಲ್ಕೈದು ಸಾಲಿನಂತಿರುವ ಡಿಸೈನ್‌ನವು ಮಿಕ್ಸ್ ಮ್ಯಾಚ್‌ ಬೀಡ್ಸ್‌ನೊಂದಿಗೆ ಡಿಸೈನ್‌ ಮಾಡಿದವು ಯುವತಿಯರ ಸ್ಟೈಲ್‌ ಸ್ಟೇಟ್‌ಮೆಂಟ್‌ಗೆ ಸೇರಿವೆ. ಇವು ಜಡೆ ಹೆಣೆದವರೂ ಕೂಡ ಧರಿಸಬಹುದು. ಫ್ರೀ ಕೂದಲಿನ ಹೇರ್‌ಸ್ಟೈಲ್‌ ಮಾಡುವವರೂ ಧರಿಸಬಹುದು.

ಡಿಸೈನರ್‌ ಹೇರ್‌ಪಿನ್ಸ್

ಹೂ ಗುಚ್ಛಗಳಂತೆ ಕಾಣುವ ಪುಟ್ಟ ಬಾಚಣಿಗೆಯ ಹಲ್ಲುಗಳ ಮೇಲೆ ಜೋಡಿಸಿದಂತೆ ಕಾಣುವ ಕ್ರಿಸ್ಟಲ್‌, ಬೀಡ್ಸ್, ಪರ್ಲ್‌, ತಂತಿಗಳಿಂದಲೇ ಅಬ್‌ಸ್ಟ್ರಾಕ್ಟ್ ಡಿಸೈನ್‌ ಮಾಡಿರುವ ಹೇರ್‌ ಪಿನ್ಸ್, ಯು ಶೇಪ್‌ ಡಿಸೈನರ್‌ ಹೇರ್‌ಪಿನ್ಸ್ ಸೇರಿದಂತೆ ನಾನಾ ಬಗೆಯವು ಈ ಕೆಟಗರಿಯಲ್ಲಿ ಪ್ರಚಲಿತದಲ್ಲಿವೆ.

ಇದನ್ನೂ ಓದಿ: Printed Handbags F ashion: ಉದ್ಯೋಗಸ್ಥ ಮಹಿಳೆಯರನ್ನು ಸೆಳೆಯುತ್ತಿರುವ ಪ್ರಿಂಟೆಡ್‌ ಹ್ಯಾಂಡ್‌ ಬ್ಯಾಗ್ಸ್

ಕೂದಲಿಗೆ ತಕ್ಕಂತೆ ಡಿಸೈನರ್‌ ಹೇರ್‌ಪಿನ್ಸ್ ಆಯ್ಕೆ

· ಸ್ಟ್ರೇಟ್ ಹೇರ್‌ ಇದ್ದವರು ತೀರಾ ಭಾರವಾದ ಡಿಸೈನರ್‌ ಹೇರ್‌ಪಿನ್ಸ್ ಧರಿಸುವುದು ಬೇಡ. ಧರಿಸಿದಾಗ ಜಾರಬಹುದು, ಇಲ್ಲವೇ ಕೂದಲು ಕಿತ್ತು ಬರಬಹುದು.
· ಕೂದಲಿಗೆ ಮೆಸ್ಸಿ ವಿನ್ಯಾಸ ಮಾಡಿದಾಗ ಡಿಸೈನರ್‌ ಹೇರ್‌ಪಿನ್‌ ಧರಿಸಬಹುದು.
· ಲೈಟ್‌ವೈಟ್‌ ಹೇರ್‌ಪಿನ್‌ಗಳ ಆಯ್ಕೆ ಮಾಡುವುದು ಉತ್ತಮ.
· ಕರ್ಲಿ ಹೇರ್‌ ಇರುವಂತವರು ಆದಷ್ಟೂ ಅಬ್‌ಸ್ಟ್ರಾಕ್ಟ್‌ ಡಿಸೈನ್‌, ಅಥವಾ ಸಿಕ್ಕಿಹಾಕಿಕೊಳ್ಳುವಂತಹ ಕಾಂಪ್ಲೀಕೇಟೆಡ್ ಡಿಸೈನ್‌ ಇರುವಂತವನ್ನು ಆವಾಯ್ಡ್ ಮಾಡುವುದು ಉತ್ತಮ.
· ಚಿಕ್ಕ ಕೂದಲಿರುವವರು ಸಿಂಪಲ್‌ ಲೈನ್ಸ್‌ನಲ್ಲಿ ಡಿಸೈನ್‌ ಮಾಡಿರುವ ಹೇರ್‌ಪಿನ್ಸ್ ಧರಿಸಬಹುದು.
· ಧರಿಸುವ
· ಹೇರ್‌ಪಿನ್ಸ್‌ನ ಫಿನಿಶಿಂಗ್‌ ಚೆನ್ನಾಗಿರಬೇಕು.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಪ್ರಿಂಟೆಡ್‌ ಹ್ಯಾಂಡ್‌ಬ್ಯಾಗ್ಸ್ (Printed Handbags Fashion) ಇದೀಗ ಉದ್ಯೋಗಸ್ಥ ಮಹಿಳೆಯರನ್ನು ಸೆಳೆದಿವೆ. ಸಾಲಿಡ್‌ ಶೇಡ್ಸ್ ಡಿಸೈನ್‌ ಹೊಂದಿದ ಹ್ಯಾಂಡ್‌ಬ್ಯಾಗ್ಸ್ ಟ್ರೆಂಡ್‌ ನಡುವೆ ಇದೀಗ ನಾನಾ ಬಗೆಯ ಪ್ರಿಂಟ್ಸ್ ಇರುವಂತವು ಕೂಡ ಟ್ರೆಂಡಿಯಾಗಿವೆ. ಎಲ್ಲಾ ಬಗೆಯ ಉಡುಪು ಹಾಗೂ ಸೀರೆಯೊಂದಿಗೂ ಮ್ಯಾಚ್‌ ಮಾಡಬಹುದಾದಂತಹ ಮಲ್ಟಿಶೇಡ್‌ನವು ಹೆಚ್ಚಾಗಿ ಮಹಿಳೆಯರನ್ನು ಆಕರ್ಷಿಸತೊಡಗಿವೆ.

ಪ್ರಿಂಟೆಡ್‌ ಹ್ಯಾಂಡ್‌ಬ್ಯಾಗ್ಸ್ ಜರ್ನಿ

“ಪ್ರಿಂಟೆಡ್‌ ಹ್ಯಾಂಡ್‌ ಬ್ಯಾಗ್ಸ್ ಮೊದಲಿನಿಂದಲೂ ಇದ್ದವು. ಆದರೆ, ಈ ಮೊದಲು ಅಷ್ಟಾಗಿ ಟ್ರೆಂಡಿಯಾಗಿರಲಿಲ್ಲ. ಮಹಿಳೆಯರು ಹೆಚ್ಚಾಗಿ ಸಾದಾ ಹಾಗೂ ಸಾಲಿಶ್‌ ಶೇಡ್‌ನವನ್ನು ಮಾತ್ರ ಬಳಸುತ್ತಿದ್ದರು. ಇನ್ನು, ದೊಡ್ಡ ದೊಡ್ಡ ಬ್ರಾಂಡ್‌ಗಳಲ್ಲಿ ಮಾತ್ರ, ಈ ಪ್ರಿಂಟೆಡ್‌ ಡಿಸೈನ್‌ನವು ದೊರೆಯುತ್ತಿದ್ದವು. ಆದರೆ, ಅವುಗಳ ಬೆಲೆ ದುಬಾರಿಯಾಗಿರುತ್ತಿದ್ದದ್ದರಿಂದ ಖರೀದಿ ಮಾಡುವವರ ಸಂಖ್ಯೆ ತೀರಾ ಕಡಿಮೆಯಿತ್ತು. ಬರಬರುತ್ತಾ ಈ ಡಿಸೈನ್‌ನವು ಕೂಡ ಸಾಮಾನ್ಯ ಮಹಿಳೆಯರ ಕೈಗೆಟಕುವಂತಹ ದರದಲ್ಲಿ ದೊರೆಯಲಾರಂಭಿಸಿದವು. ಬ್ರಾಂಡ್‌ರಹಿತವಾಗಿಯೂ ಸಿಗಲಾರಂಭಿಸಿದವು. ಪರಿಣಾಮ, ಪ್ರಿಂಟೆಡ್‌ ಹ್ಯಾಂಡ್‌ ಬ್ಯಾಗ್‌ಗಳು ಚಾಲ್ತಿಗೆ ಬಂದವು ಎನ್ನುತ್ತಾರೆ ಇಮೇಜ್‌ ಸ್ಟೈಲಿಸ್ಟ್ ರೀಟಾ.

ಟ್ರೆಂಡಿಯಾಗಿರುವ ಪ್ರಿಂಟೆಡ್‌ ಬ್ಯಾಗ್ಸ್

ಫ್ಲೋರಲ್‌, ಟ್ರಾಪಿಕಲ್‌, ಜೆಮಿಟ್ರಿಕಲ್‌, ಸ್ಟ್ರೈಪ್ಸ್, ಜೀಬ್ರಾ ಪ್ರಿಂಟ್ಸ್, ವೈಲ್ಡ್ ಅನಿಮಲ್‌ ಪ್ರಿಂಟ್ಸ್, ರಂಗೋಲಿ ಡಿಸೈನ್ಸ್, ಮಂಡಲಾ ಆರ್ಟ್, ಅಬ್‌ಸ್ಟ್ರಾಕ್ಟ್‌ ಆರ್ಟ್ ಸೇರಿದಂತೆ ನಾನಾ ಪ್ರಿಂಟ್ಸ್‌ಗಳಿರುವ ಹ್ಯಾಂಡ್‌ಬ್ಯಾಗ್‌ಗಳು ಇದೀಗ ಮಾರುಕಟ್ಟೆಯಲ್ಲಿ ಲಭ್ಯ. ಚಿಕ್ಕ ಪರ್ಸ್‌ನಂತಹ ಸೈಜಿನಿಂದಿಡಿದು ಟೊಟೆ ಬ್ಯಾಗ್‌ನಂತಹ ದೊಡ್ಡ ಹ್ಯಾಂಡ್‌ಬ್ಯಾಗ್‌ಗಳ ವಿನ್ಯಾಸದಲ್ಲೂ ದೊರೆಯುತ್ತಿವೆ.

ಪ್ರಿಂಟೆಡ್‌ ಹ್ಯಾಂಡ್‌ಬ್ಯಾಗ್ಸ್ ರಿಪ್ಲೀಕಾ

ದೊಡ್ಡ ಬ್ರಾಂಡ್‌ಗಳ ಪ್ರಿಂಟೆಡ್‌ ಹ್ಯಾಂಡ್‌ ಬ್ಯಾಗ್‌ಗಳು ಕೊಂಚ ದುಬಾರಿ. ಇದನ್ನು, ಮನಗೊಂಡ ಲೋಕಲ್‌ ಹ್ಯಾಂಡ್‌ಬ್ಯಾಗ್‌ ತಯಾರಕರು ಅವುಗಳ ಕಾಪಿ ತರಲಾರಂಭಿಸಿದ್ದಾರೆ. ಬ್ರಾಂಡ್‌ ಹೆಸರು ಅಚ್ಚಾಗಾದಿದ್ದರೂ ನೋಡಲು ಥೇಟ್‌ ಅವುಗಳಂತೆಯೇ ಕಾಣಿಸುತ್ತವೆ. ಇವು ಕೈಗೆಟಕುವ ಬೆಲೆಯಲ್ಲಿ ದೊರೆಯಲಾರಂಭಿಸಿವೆ ಎನ್ನುತ್ತಾರೆ ಬ್ಯಾಗ್‌ ಮಾರಾಟಗಾರರು

ಇದನ್ನೂ ಓದಿ: New Trend: ಕೋಟ್‌ ರಹಿತ ಪ್ಯಾಂಟ್ ಸೂಟ್ಸ್ ಇದೀಗ ಹೊಸ ಟ್ರೆಂಡ್!

ಪ್ರಿಂಟೆಡ್‌ ಬ್ಯಾಗ್‌ ಆಯ್ಕೆ ಹೇಗೆ?

• ಟ್ರೆಂಡಿಯಾಗಿರುವ ಪ್ರಿಂಟ್ಸ್ ಇರುವಂತವನ್ನು ಸೆಲೆಕ್ಟ್ ಮಾಡಿ.
• ಬ್ಲ್ಯಾಕ್‌ ಹಾಗೂ ವೈಟ್‌ ಎಲ್ಲಾ ಔಟ್‌ ಫಿಟ್‌ಗಳಿಗೂ ಮ್ಯಾಚ್‌ ಮಾಡಬಹುದು.
• ಟೂ ಇನ್‌ ಒನ್‌ ಶೈಲಿಯಲ್ಲಿ ಧರಿಸಬಹುದಾದಂಥವು ಟ್ರೆಂಡ್‌ನಲ್ಲಿವೆ.

( ಲೇಖಕಿ ಫ್ಯಾಷನ್‌ ಪತ್ರಕರ್ತೆ )

-ಶೀಲಾ ಸಿ. ಶೆಟ್ಟಿ, ಬೆಂಗಳೂರು
ಕೋಟ್‌ ರಹಿತ ಪ್ಯಾಂಟ್‌ ಸೂಟ್ಸ್ (New Trend) ಇದೀಗ ಟ್ರೆಂಡಿಯಾಗಿದೆ. ಹೌದು, ಇತ್ತೀಚೆಗೆ ಸೆಲೆಬ್ರೆಟಿಗಳು ಹಾಗೂ ಫ್ಯಾಷನ್‌ ಮಾಡೆಲ್‌ಗಳು ಈ ಶೈಲಿಯ ಪ್ಯಾಂಟ್‌ಸೂಟ್‌ನಲ್ಲಿ ಕಾಣಿಸಿಕೊಳ್ಳುವುದು ಹೆಚ್ಚಾಗಿದೆ. ಇದಕ್ಕೆ ಪೂರಕ ಎಂಬಂತೆ, ನಟಿ ಶ್ವೇತಾ ತಿವಾರಿ ಧರಿಸಿದ್ದ ನ್ಯೂಡ್‌ ಕೋಟ್‌ಲೆಸ್‌ ಪ್ಯಾಂಟ್‌ ಸೂಟ್‌ ಫ್ಯಾಷನ್‌ ಪ್ರಿಯರನ್ನು ಸೆಳೆದಿದ್ದು, ಸದ್ಯ ಬಾಲಿವುಡ್‌ ಫ್ಯಾಷನ್‌ ಲೋಕದಲ್ಲಿ ಟ್ರೆಂಡಿಯಾಗಿವೆ.

ಬದಲಾದ ಸೂಟ್‌ ಕಾನ್ಸೆಪ್ಟ್

“ಸೂಟ್‌ ಅಂದರೇ, ಕೋಟ್‌ ಎನ್ನುವ ಕಾಲವೊಂದಿತ್ತು. ಆದರೆ, ಈ ವೇಸ್ಟ್‌ಕೋಟ್‌ ಇದೀಗ ಕಂಪ್ಲೀಟ್‌ ಬದಲಾಗಿದೆ. ಹೌದು, ಇದಕ್ಕೆ ತಕ್ಕಂತೆ, ಸೆಲೆಬ್ರೆಟಿಗಳು ಕೂಡ ಗ್ಲಾಮರಸ್‌ ಲುಕ್‌ ನೀಡುವಂತಹ ಕ್ರಾಪ್‌ ವೇಸ್ಟ್‌ಕೋಟ್‌ ಜೊತೆಗೆ ಪ್ಯಾಂಟ್‌ಸೂಟನ್ನು ಕೋಟ್‌ ರಹಿತ ಧರಿಸಲಾರಂಭಿಸಿದ್ದಾರೆ. ಆದರೆ, ಇವು ನೋಡಲು ವಿಭಿನ್ನವಾಗಿ ಕಾಣಿಸುತ್ತವೆ. ಸ್ಲಿವ್‌ಲೆಸ್‌ ವೇಸ್ಟ್‌ಕೋಟ್‌ಗಳು ಈ ಪ್ಯಾಂಟ್‌ ಸೂಟ್‌ಗೆ ಸಾಥ್‌ ನೀಡಿವೆ” ಎನ್ನುತ್ತಾರೆ ಸ್ಟೈಲಿಸ್ಟ್ ಕ್ಲೆಮೆಂಟೊ. ಅವರ ಪ್ರಕಾರ, ಇಂತಹ ವೇಸ್ಟ್‌ಕೋಟ್‌ಗಳು ಕೇವಲ ಹೆಣ್ಣುಮಕ್ಕಳ ಫ್ಯಾಷನ್‌ನಲ್ಲಿ ಮಾತ್ರ ಕಂಡು ಬರಲು ಸಾಧ್ಯ. ಇನ್ನೂ ಪುರುಷರ ಪ್ಯಾಂಟ್‌ ಸೂಟ್‌ನಲ್ಲಿ ಇವು ಎಂಟ್ರಿ ನೀಡಿಲ್ಲ. ನೀಡಿದ್ದರೂ ಅದು ಇನ್ನೂ ನಮ್ಮ ರಾಷ್ಟ್ರಕ್ಕೆ ಕಾಲಿಟ್ಟಿಲ್ಲ ಎನ್ನುತ್ತಾರೆ.

ಏನಿದು ಕೋಟ್‌ ಇಲ್ಲದ ಪ್ಯಾಂಟ್‌ ಸೂಟ್‌?

ಸ್ಲಿವ್‌ಲೆಸ್‌ ಕ್ರಾಪ್‌ ಶೈಲಿಯ ವೇಸ್ಟ್ ಕೋಟ್‌ ಜೊತೆಗಿನ ಪ್ಯಾಂಟ್‌ ಸೂಟ್‌ ಎನ್ನಬಹುದು. ಫುಲ್‌ ಸೆಟ್‌ನೊಳಗೆ ಬರುವಂತಹ ಉಡುಗೆಯೇ ಇದರ ಹೈಲೈಟ್‌! ಸಿಂಪಲ್‌ ಆಗಿ ಹೇಳಬೇಕೆಂದರೇ, ಇದರಲ್ಲಿ ಧರಿಸುವ ಕೋಟ್‌ ಮೈನಸ್‌ ಆಗಿ ಕೇವಲ ವೇಸ್ಟ್‌ಕೋಟ್‌ ಟಾಪ್‌ನ ಪಾತ್ರವಹಿಸುತ್ತದೆ ಎನ್ನುತ್ತಾರೆ ಫ್ಯಾಷನಿಸ್ಟ್‌ಗಳು.

ಇದನ್ನೂ ಓದಿ: Fashion Show News: ಸಿಇಎಸ್‌ ಫ್ಯಾಷನ್‌ ಡಿಸೈನಿಂಗ್‌ ವಿದ್ಯಾರ್ಥಿಗಳ ರ‍್ಯಾಂಪ್‌ ಶೋ

ಪ್ಯಾಂಟ್‌ ಸೂಟ್‌ಗೂ ಗ್ಲಾಮರ್‌ ಟಚ್‌

ಸೂಟ್‌ನಲ್ಲಿ ಗ್ಲಾಮರ್‌ ಟಚ್‌ ನೀಡಲು ಫ್ಯಾಷನ್‌ ಡಿಸೈನರ್‌ ಗಳು ಏನೆಲ್ಲಾ ಸರ್ಕಸ್ ನಡೆಸುತ್ತಾರೆಂದರೇ, ಇದೀಗ ಇವನ್ನು ಕೋಟ್‌ ಇಲ್ಲದೇ ಡಿಸೈನ್‌ ಮಾಡಿ ಚಾಲ್ತಿಗೆ ತಂದಿದ್ದಾರೆ. ಅಚ್ಚರಿ ಎಂದರೇ ಇವು ಇದೀಗ ಪ್ಯಾಂಟ್‌ಸೂಟ್‌ ಪ್ರಿಯ ಕಾರ್ಪೋರೇಟ್‌ ಕ್ಷೇತ್ರದ ಮಹಿಳೆಯರನ್ನು ಸೆಳೆಯತೊಡಗಿವೆ. ಈ ವರ್ಗದ ಯುವತಿಯರ ಫಾರ್ಮಲ್‌ ಔಟ್‌ಫಿಟ್‌ ಕೆಟಗರಿಗೆ ಸೇರಿವೆ ಎನ್ನುತ್ತಾರೆ ಪ್ಯಾಂಟ್‌ ಸೂಟ್‌ ಸ್ಪೆಷಲಿಸ್ಟ್ ರಿಯಾ.

• ನ್ಯೂಡ್‌, ನ್ಯೂಟ್ರಲ್‌ ಶೇಡ್‌ನವು ಟ್ರೆಂಡಿಯಾಗಿವೆ.
• ಸಿಂಪಲ್‌ ಲುಕ್‌ಗೆ ಮಾತ್ರ ಇವು ಆಕರ್ಷಕವಾಗಿ ಕಾಣಿಸುತ್ತವೆ.
• ಕಾರ್ಪೋರೇಟ್‌ ಮಹಿಳೆಯರ ಫ್ಯಾಷನ್‌ನಲ್ಲಿ ಸ್ಥಾನ ಪಡೆದಿವೆ.

(ಲೇಖಕಿ ಫ್ಯಾಷನ್‌ ಪತ್ರಕರ್ತೆ)